প্রধান মন্ত্রী শ্রী নরেন্দ্র মোদীনা ওমানগী সুলতান হাইথাম বিন তারিকতগী থাগৎপা ফোঙদোকপগী তেলিফোন কোল অমা ওকখ্রে।
হন্দক পাংথোকখিবা সাধারন মীখল মতুংদা অহুমলকশুবা তার্মদা মহাক প্রধান মন্ত্রীগী ফম অমুক হন্না পায়রকপদা সুলতান হাইথাম বিন তারিকনা প্রধান মন্ত্রীগী মফমদা মহাক্কী থাগৎপা ফোঙদোকখি।
ওমান অমসুং ভারতকী মরক্তা লৈনরিবা চহিচা কয়া শুরবা মরুপ-মপাংগী মরীশিং সুলতান্না ফোঙদোকখি অমসুং ভারতকী মীয়াম চাউখৎনবা অমসুং নুংঙাই-য়াইফনবা মহাক্কী য়াইফ-পাউজেল পীরকখি।
সুলতান্না য়াইফ-পাউজেল পীরকপগীদমক প্রধান মন্ত্রীনা সুলতান থাগৎপা ফোঙদোকখি অমসুং হিরম কয়াদা লৈবাক অনিগী মরক্তা মতেং পাংনবা হেনগৎহনখিবা দিশেম্বর ২০২৩ দা সুলতান্না পুৱারি ওইনা ভারত্তা লাকখিবা খোঙচৎ অদু পনখি।
লৈবাক অনিমক কান্নবা ফংনবা ভারত-ওমানগী মরী মখা তানা মপাঙ্গল কনখৎহন্নবা লুচিংবা অনিমক্না মখোয়গী থাজবা অমুক হন্না পীখি।
ইদ অল অধা কুহ্মৈ লাকপদা প্রধান মন্ত্রীনা সুলতান অমসুং ওমানগী মীয়ামদা য়াইফ-পাউজেল পীখি।
