প্রধান মন্ত্রী, শ্রী নরেন্দ্র মোদীনা গুজরাতকী মোধেরাদা লৈবা মোধেশ্বরী মাতা লাইশঙদা চত্তুনা মহসি দর্শন অমসুং পুজা পাংথোকখ্রে। প্রধান মন্ত্রীনা মফমসিদা য়ৌরকপদা মহাকপু তরাম্না ওকখি। লাইশঙ মনুংদা লৈরিবা মোধেশ্বরী মাতাগী মুর্তিদা শ্রী মোদীনা মখুৎ লোন্নদুনা ইশ্বরগী থৌজাল নীজখি অমসুং মকোক নোনখি।
গুজরাতকী মুখ্য মন্ত্রী, শ্রী ভুপেন্দ্র পতেল অমসুং মেম্বর ওফ পার্লিয়ামেন্ত, শ্রী সি.আর. পাতিলনা প্রধান মন্ত্রীগা লোয়নখি।
ঙসিগী অঙনবদা, প্রধান মন্ত্রীনা গুজরাতকী মোধেরাগী মেহসানাদা লুপা করোর ৩৯০০ হেনবগী চাউখৎ-থৌরাংগী প্রোজেক্তশিংগী উরেপ উয়ুং তম্বদা লোয়ননা মীয়ামদসু খুৎশিন্নখি। প্রধান মন্ত্রীনা মোধেরাবু লৈবাক্কী খ্বাইদগী অহানবা ২৪x৭ সোলার পাৱর্দ খুঙ্গংনি হায়না লাউথোকখি।
