ঙসি ৭৭শুবা নিংতম নুমিৎ থৌরমদা লাল কিলাদগী ৱা ঙাংবদা প্রধান মন্ত্রী শ্রী নরেন্দ্র মোদীনা মহাক্কী ইমুং-মনুংগী মীওই করোর ১৪০ তরাম্না ওকখ্রে অমসুং খ্বাইদগী ৱাংবা ওইনা লৈবাক অসিদা থম্লিবা থাজবা অদু ফোঙদোকখ্রে।
— PMO India (@PMOIndia) August 15, 2023
ভারতকী নিংতম ইহৌদা শরুক য়াখিবশিংদা শ্রী মোদীনা ইকায়খুম্নবা উৎখি অমসুং মহাত্মা গান্ধীগী মখাদা নন-কোওপরেসন মুভমেন্ত অমসুং সত্যগ্রহ মুভমেন্ত অমসুং ভাগত সিংহ, সুখদেব অমসুং রাজগুরু অমসুং অথৌবা কয়াগী কৎথোকপশিং নিংশিংলদুনা মহাক্না হায়খি মতম অদুগী মীরোলগী মীওই খুদিংমক নিংতম ইহৌদা শরুক য়াখি।
মহাক্না হায়খি চহি অসিদা নিংশিং কুমওনগী থৌরম কয়া পাংথোকলি। ঙসি ঙসি শ্রী ঔরোবিন্দোগী ১৫০শুবা মপোক কুমওনগী থৌরম লোইশিনবা নুমিৎনি। শ্বামী দয়ানন্দগী ১৫০শুবা মপোক কুমওন, রানি দুর্গাৱাতিগী ৫০০শুবা মপোক নুমিৎ হরাও তয়াম্না পাংথোক্কনি। ভক্তি য়োগ সান্ত মীরা বাইগী ৫২৫শুবা থৌরম পাংথোক্কনি। মথংগী গনতন্ত্র দিবস থৌরমসু ৭৫শুবা গনতন্ত্র দিবস থৌরম ওইরগনি। মহাক্না হায়খি লৈবাক অসি শেমগৎনবা খুদোংচাবা হৌজিক ফংলিবা অসিদগী হেন্না লৈররোই, হিরম কয়াদা খুদোংচাবা কয়া ফংলে”।
— PMO India (@PMOIndia) August 15, 2023
