পেত্রোলদা ইথানোল য়ানবগী পান্দমগী ২০%গী শরুক ফংবা ঙম্বগী মতম্বু ইং ২০২৫দা ঙনখৎলেঃ পি.এম.
রিসাইকল তৌদুনা রিসোর্সশিংবু নীংথিজনা শিজিন্নবা ঙম্বা সেক্তর ১১বু সরকারনা শক-খঙখ্রেঃ পি.এম.ইথানোল পুথোক্তুনা লৈবাক শিনবা থুংনা য়েন্থোক্নবা ই.-১০০ পাইলোৎ প্রোজেক্ত অসি পুনেদা হৌদোকখ্রেপ্রধান মন্ত্রী, শ্রী নরেন্দ্র মোদীনা পেত্রোলিয়ম অমসুং নেচরেল গ্যাস মন্ত্রালয় অমসুং ইনভাইরনমেন্ত, ফোরেস্ত অমসুং ক্লাইমেৎ চেঞ্জ মন্ত্রালয়না পুন্না শিনবা মালেমগী ইনভাইরনমেন্ত নুমিৎকী থৌরমদা ভিদিও কনফরেন্সিংগী খুত্থাংদা ৱা ঙাংখ্রে। প্রধান মন্ত্রীনা থৌরম অসিগী মনুংদা পুনেগী লৌমী অমগা ৱারী শাখি অমসুং মহাক্না ওর্গানিক ফার্মিং চত্থবদা থেংনখিবা অমসুং লৌউ-শিংউদা বাইফুএল শিজিন্নবগী মতাংদা পাউদমখি।
প্রধান মন্ত্রীনা “অখঙ-অহৈশিংগী কম্মিতীনা ইং ২০২০-২০২৫দা ভারত্তা ইথানোল য়ানবগী পান্দম ফংনবা থৌরাং য়াৎপগী পাউদম” অমসু ফোঙখি। ইথানোল পুথোক্তুনা লৈবাক শিনবা থুংবদা য়েন্থোকপগী মিৎয়েং শাল্লবা ই.-১০০ পাইলোৎ প্রোজেক্ত অসিসু মহাক্না পুনেদা হৌদোকখ্রে। হন্দক্কী চহিগী মপুং ওইবা হীরমদি “হেন্না ফবা অকোয়বা অমগীদমক্তা বাইওফুএল শৌগৎপা” অসিনি। কেন্দ্রগী কেবিনেৎ মন্ত্রী, শ্রী নিতিন গদকরী, শ্রী নরেন্দ্র সিংহ তোমার, শ্রী প্রকাশ জাবরেকর, শ্রী পিয়ুশ গোয়ল অমসুং শ্রী ধর্মেন্দ্র প্রধানসু থৌরম অদুদা শরুক য়াখি।
থৌরম অসিদা ৱা ঙাংবদা, প্রধান মন্ত্রীনা ভারতনা মালেমগী ইনভাইরনমেন্ত নুমিৎকী থৌরম অসিদা ইথানোল সেক্তরবু চাউখৎহন্নবগী পান্দম ফংনবগীদমক্তা অকুপ্পা থৌরাং য়াৎপগী ৱারোল অমা ফোঙদুনা অচৌবা খোঙথাং অমা লৌখৎখ্রে হায়না ফোংদোকখি। ইথানোল অসিনা ২১শুবা চহি-চাগী ভারতকী খ্বাইদগী হান্না মিৎয়েং চঙগদবা মরু ওইবা হীরম অমা ওইরে হায়না মহাক্না ফোংদোকখি। ইথানোলদা মিৎয়েং চঙলিবা অসিনা অকোয়বগা লোয়ননা লৌমীশিংগী পুন্সিদা অফবা শাফু অমা পীবা ঙম্লে হায়না মহাক্না মখা তাখি। ইং ২০২৫ ফাওবগী মনুংদা পেত্রোলদা ইথানোল য়ানবগী পান্দমগী ২০%গী শরুক ফংবা ঙম্বা ঙম্নবা সরকারনা ৱারেপ লৌরে হায়নসু মহাক্না মখা তানা পনখি। অহানবদদি, হায়রিবা পান্দম অসি ইং ২০৩০ ফাওবগী মনুংদা ফংবা হায়না ৱারেপ লৌরম্বনি অদুবু হৌজিক্তি মতম অসি চহি ৫ ঙনখৎলে। ইং ২০১৪ ফাওবদা, চাংচত্তা পাবদা, ভারত্তা ইথানোলগী য়ানবগী চাং অসি ১.৫% খক্তমক ঙম্লম্বনি, অদুবু হৌজিক্তি ৮.৫%গী চাং য়ৌবা ঙম্লে হায়না মহাক্না ফোংদোকখি। ইং ২০১৩-১৪দা লৈবাক অসিদা ইথানোল লিতর চাউরাকপা করোর ৩৮ লৈখি অসুং হৌজিক্তি চাং অসি হেনগত্তুনা লিতর করোর ৩২০ হেন্না য়ৌবা ঙম্লে। ইথানোল লৈবগী চাংদা শরুক ৮ হেনগৎলিবা অসিগী চাউরবা শরুক অমনা লৈবাক অসিগী চুগী লৌমীশিংদা কান্নবা ফংহল্লি।
প্রধান মন্ত্রীনা ২১শুবা চহি-চাগী ভারতনা হৌজিক্কী মতমগী ৱাখল খনবা অমসুং ২১শুবা চহি-চাগী মতমগী পোলিসী খক্তদগী ইনর্জী ফংবা ঙম্লগনি হায়বা ৱাফম ফোংদোকখি। সরকারনা ৱাখল্লোন অসিনা মরম ওইদুনা হীরম খুদিংদা পোলিসীগী ৱারেপ কয়া তত্তনা লৌরি। ঙসিদি, লৈবাক অসিদা ইথানোল পুথোকপা অমসুং লৈবা ঙম্নবগীদমক্তা তঙাই ফদবা ইনফ্রাস্ত্রকচর শেম্বগী মতাংদা অহেনবা মিৎয়েং চঙলি হায়না মহাক্না পাউদমখি। ইথানোল পুথোকপগী য়ুনিৎ অয়াম্বদি চিনি য়াম্না পুথোকপা ঙম্বা রাজ্য ৪-৫ খক্তদা তুংশিন্দুনা লৈ অদুবু ঙসিদি, মখোয়শিং অসিবু লৈবাক শিনবা থুংবদা শন্দোক্নবগীদমক্তা ফুদ গ্রেন্দা য়ুম্ফম ওইবা দিস্তিলরী কয়া অমা শেমগৎপা হৌরে। লৌউ-শিংউগী অরেম-অখাকশিংদগী ইথানোল পুথোক্নবগীদমক্তা মতমগা চানবা তেক্নোলোজীদা য়ুম্ফম ওইবা প্লান্ত কয়া অমা লৈবাক অসিদা শাবগী থবক পায়খৎলি।
প্রধান মন্ত্রীনা ভারত অসি অইং-অশাগী খল ঙাকপগী হীরমদা য়াম্না চাউনা শৌগৎপা লৈবাক্নি অমসুং নুমিৎ অমা, মালেম অমা, গ্রিদ অমগী মঙলানবু মঙফাওনহন্নবা ইন্তর্নেস্নেল সোলার এলাইএন্স অমসুং কোএলিসন ফোর দিজাজতর রেজিলিএন্ত ইনফ্রাস্ত্রকচরগী খোঙথাংগুম্বা কয়া হৌদোক্তুনা মালেমগী চাউরবা মঙলান অসিগীদমক্তা মাংজিল থাদুনা চৎলিবনি হায়না ফোংদোকখি। ভারত অসি ক্লাইমেৎ চেঞ্জ পর্ফোর্মেন্স ইন্দেক্সতা মালেমগী মকোক থোংবা লৈবাক ১০গী মনুং চল্লবনি হায়বা ৱাফমসু মহাক্না ফোংদোকখি। ভারতনা অইং-অশানা মরম ওইদুনা থোকপা শিংনবশিংগী মতাংদা নীংথিনা খঙই অমসুং মসিগীদমক্তা থৱাই য়াওনা হোৎনরিবনি হায়নসু মহাক্না মখা তানা ফোংদোকখি।
প্রধান মন্ত্রীনা অইং-অশা হোংবগী ফীভম থেংননবগীদমক্তা পায়খৎলিবা অহকপা অমসুং হন্থবা খোঙথাং কয়াগী মতাংদা পনখি। অহকপা খোঙথাংগী ওইনদি, ঐখোয়গী রিন্যুএবল ইনর্জীগী লৈরিবা মতিক অসি হৌখিবা চহি ৬-৭তা ২৫০%গী চাংদগী হেন্না হেনগৎলে হায়না মহাক্না ফোংদোকখি। ঙসিদি, রিন্যুএবল ইনর্জী ফংনবা পথাপ খিনবগী মতাংদা ভারতনা মালেমগী মকোক থোংবা লৈবাক ৫গী মনুংদা চনবা ঙম্লে। য়াম্না মরু ওইবা অমা ওইনা, হৌখিবা চহি ৬ অসিদা ভারতকী সোলার ইনর্জীগী মতিক অসি চাউরাক্না শরুক ১৫ হেনগৎখ্রে।
প্রধান মন্ত্রীনা হায়খিবদা, ভারতনা খরা অতপ্পা খোঙথাং লৌখত্তুনা পুৱারী ওইবা খোঙথাং কয়া পায়খৎখ্রে অমসুং ঙসিদি, লৈবাক অসিগী অচম্বা মীয়াম্না সিঙ্গল য়ুজ প্লাস্তিক, সমুদ্র তোর্বান শেংদোকপা নত্ত্রগা স্বচ্ছ ভারতকুম্বা খোঙথাং পায়খত্তুনা প্রো-ইনভাইরনমেন্ত কেম্পেন কয়াদা য়াওরি অমসুং লুচিংলি। এল.ই.দি. বল্ব করোর ৩৭ হেনবা অমসুং ইনর্জী ইফিসিএন্ত ফেন লাখ ২৩ হেন্না মীয়ামদা পীখিবা অসিগী কান্নবশিং য়াম্না তোয়না খন্ন-নৈনদে হায়না মহাক্না মখা তাখি। মসিগা মান্নবা ওইনা, খ্বাইদগী লায়রবা মীওইশিংদা উজ্বালা স্কিমগী মখাদা গ্যাস কন্নেক্সন লেম্না পীবা, সৌভাগ্যা স্কিমগী মখাদা মৈ ফংহনবা অসিনা মখোয়না শিঙ শিজিন্নরম্বা অদুসু য়াম্না হন্থরে হায়না মহাক্না মখা তানা হায়খি। মসিনা পোল্ল্যুসন হন্থহনবতা নত্তনা মখোয়গী হকশেল অমসুং অকোয়বগী ফীভম ঙাক-শেনবগী থৌওংসু য়াম্না ফগৎহল্লে। অকোয়ববু ঙাক শেন্নবগীদমক্তা চাউখৎপা থিংবগী মথৌ তাদে হায়বা ৱাফম্বু ভারতনা মালেমদা খুদম ওইনা তাক্লি হায়না মহাক্না ফোংদোকখি। শেন্মিৎলোন অমসুং ইকোলোজী অনিমক্না পুন্দুনা তুংলমচৎকীদমক্তা চৎমিন্নবা য়াগনি হায়না মহাক্না মিৎয়েং চঙখি। অমসুং ভারতনা খল্লিবা লম্বী অসিসু মসিনি। শেন্মিৎলোনগী মপাঙ্গল কনখৎহনবগা লোয়ননা, ঐখোয়গী উমং অসিসু হৌখিবা চহি খরদা স্ক্বার কিলোমীতর লিশিং ১৫ হেনগৎলে। হৌখিবা চহি খরা অসিদা, ঐখোয়গী লৈবাক্কী কৈগী মশিংসু শরুক অনি হেনগৎলে অমসুং কৈশালগী মশিংসু চাউরাক্না ৬০%গী চাংদা হেনগৎলে।
প্রধান মন্ত্রীনা অশেংবা অমসুং অফবা ইনর্জীগী পথাপ, রেজিলিএন্ত অর্বান ইনফ্রাস্ত্রকচর অমসুং থৌরাং য়াৎলবা ইকো-রেস্তোরেসনগী থৌওংশিং অসি আত্মানির্ভর ভারত কেম্পেনগী য়াম্না মরু ওইবা শরুক অমনি হায়না ফোংদোকখি। অকোয়বগা মরী লৈনবা খোঙথাং কয়া পায়খৎপনা মরম ওইদুনা লৈবাক অসিদা শেল থাদবগী অনৌবা খুদোংচাবা কয়া লৈরক্লি অমসুং নহাশিংসু থবক ফংনরি হায়না মহাক্না ফোংদোকখি। ভারতনা নেস্নেল ক্লিন এয়র প্লানগী খুত্থাংদা হীরম পুম্নমক পুন্সিনবা খোঙথাং কয়া অমগা লোয়ননা এয়র পোল্ল্যুসন থিংনবগীদমক্তা কন্না হোৎনরি হায়না মহাক্না পনখি। ঈশিং লম্বী অমসুং মলতি-মোদেল কন্নেক্তিভিতীগী মতাংদা পায়খৎলিবা থবকশিং অসিনা গ্রীন ত্রান্সপোর্তকী মিসনবু মপাঙ্গল হেন্না কনখৎহনবতা নত্তনা লৈবাক অসিগী লোজিস্তিক্সকী পথাপ্পুসু হেন্না ফগৎহল্লগনি হায়না মহাক্না ফোংদোকখি। ঙসিদি, লৈবাক অসিগী মেত্রো রেলগী সেবাশিংসু শহর ৫দগী ১৮দা হেনগৎলে অমসুং মসিনা মশাগী গারি শিজিন্নবগী চাংসু য়াম্না হন্থহল্লে।
প্রধান মন্ত্রীনা হায়খিবদা, ঙসিদি, লৈবাক্কী রেলৱে নেৎৱর্ক্কী চাউরবা শরুক অমদি মৈনা চলায়রে। লৈবাক্কী এয়র্পোর্তশিংসু, য়াম্না অথুবা খোঙজেলদা, সোলার ইনর্জীদগী পুথোকপা মৈ শিজিন্নহল্লি। ইং ২০১৪গী মমাংদা, এয়র্পোর্ত ৭ খক্তদা সোলার পাৱর ফেসিলিতী লৈরম্মি, অদুবু ঙসিদি, মসিগী মশিং অসি হেনগত্তুনা ৫০গী মথক্তা লৈরে হায়না মহাক্না য়াম্না কুপ্না তাকখি। এয়র্পোর্ত ৮০ হেনবদা এল.ই.দি. শিজিন্নরে অমসুং মসিনা ইনর্জী নীংথিজনা শিজিন্নবা হেনগৎহল্লে।
প্রধান মন্ত্রীনা কেবারিয়াবু ইলেক্ত্রিক গারিগী শহর অমা ওইহন্নবা চত্থরিবা প্রোজেক্তকী মতাংদা পাউদমখি। লাক্কদৌরিবা মতমশিংদা, কেবারিয়াদা বেত্তরীনা চেনবা বস, চকা অনি পানবা গারি, চকা মরি পানবা গারি খক্তমক শিজিন্ননবা তঙাই ফদবা ইনফ্রাস্ত্রকচরশিংসু ফংহনবগী থবক কন্না চত্থরি হায়না মহাক্না ফোংদোকখি। ঈশিংগী অপুনবা খোঙজেল অসিসু অইং-অশাগা হকথেংননা মরী লৈনৈ অমসুং মসিগী খল কায়বদা ঈশিংগী সেক্যুরিতীদা অকায়বা লাক্কনি হায়না মহাক্না হায়খি। ঈশিং তুংফম শেমগৎপদগী হৌদুনা ঈশিং হৌরকফম য়োকখৎপগী থবক কয়া অমসু লৈবাক অসিদা জল জীবন মিসনগী খুত্থাংদা পাংথোক্লি হায়না মহাক্না পাউদমখি। নাকল অমদনা, য়ুম্থোং খুদিংমক তোতী ঈশিং ফংহল্লি অমসুং নাকল অমদনা লৈনুংগী ঈশিংগী থাক হেনগৎহন্নবা অতল ভুজল য়োজনা অমসুং কেৎচ দি রেনগুম্বা কেম্পেনশিং পায়খৎলি।
মতমগা চানবা তেক্নোলোজী শিজিন্নদুনা রিসাইকল তৌদুনা রিসোর্সশিংবু নীংথিজনা শিজিন্নবা ঙম্বা সেক্তর ১১বু সরকারনা শক-খঙখ্রে হায়না প্রধান মন্ত্রীনা লাউথোকখ্রে। হৌখিবা চহি খরা অসিদা, কচরা তু কাঞ্চন কেম্পেনগী মতাংদা থবক কয়া অমা পায়খৎলি অমসুং মসিবু হৌজিক্তি, মিসন মোদতা য়াম্না থুনা মাংজিল থানা চৎনবা হোৎনরি। থবক পাংথোকপগী কাঙলোন অমসুং মখা তানা চাউখৎপগী মরী লৈনবা হীরম কয়া য়াওবা থবক অসিগা মরী লৈনবা এক্সন প্লান অসিসু লাক্কদৌরিবা থা খরদা থবক ওইনা পাংথোক্লগনি। অইং-অশাগী খল ঙাক্নবগীদমক্তা অকোয়ববু ঙাক শেনবগী থবকশিং অসি পুন্সিনবা অসি য়াম্না তঙাই ফদবনি হায়না মহাক্না মিৎইয়েং চঙখি। লৈবাক্কী মীয়াম্না ঈশিং, নুংশিৎ অমসুং কংফালগী খল ঙাক্তুনা থম্নবা অমত্তা ওইনা হোৎনরবা তুংদা খক্তদা ঐখোয়গী লাক্কদৌরিবা চারোন-শুরোনশিংদা ঐখোয়না তেক্ত-কায়দবা অকোয়বগী ফীভম পীবা ঙমগনি হায়না মহাক্না ফোংদোকখি।
आज विश्व पर्यावरण दिवस के अवसर पर, भारत ने एक और बड़ा कदम उठाया है।
— PMO India (@PMOIndia) June 5, 2021
इथेनॉल सेक्टर के विकास के लिए एक विस्तृत रोडमैप अभी जारी हुआ है।
देशभर में इथेनॉल के उत्पादन और वितरण से जुड़ा महत्वाकांक्षी E-100 पायलट प्रोजेक्ट भी पुणे में लॉन्च किया गया है: PM @narendramodi
अब इथेनॉल, 21वीं सदी के भारत की बड़ी प्राथमिकताओं से जुड़ गया है।
— PMO India (@PMOIndia) June 5, 2021
इथेनॉल पर फोकस से पर्यावरण के साथ ही एक बेहतर प्रभाव किसानों के जीवन पर भी पड़ रहा है।
आज हमने पेट्रोल में 20 प्रतिशत इथेनॉल ब्लेंडिंग के लक्ष्य को 2025 तक पूरा करने का संकल्प लिया है: PM @narendramodi
21वीं सदी के भारत को, 21वीं सदी की आधुनिक सोच, आधुनिक नीतियों से ही ऊर्जा मिलेगी।
— PMO India (@PMOIndia) June 5, 2021
इसी सोच के साथ हमारी सरकार हर क्षेत्र में निरंतर नीतिगत निर्णय ले रही है: PM @narendramodi
One Sun, One World, One Grid के विजन को साकार करने वाला International Solar Alliance हो,
— PMO India (@PMOIndia) June 5, 2021
या फिर Coalition for Disaster Resilient Infrastructure की पहल हो,
भारत एक बड़े वैश्विक विजन के साथ आगे बढ़ रहा है: PM @narendramodi
क्लाइमेट चेंज की वजह से जो चुनौतियां सामने आ रही हैं, भारत उनके प्रति जागरूक भी है और सक्रियता से काम भी कर रहा है: PM @narendramodi
— PMO India (@PMOIndia) June 5, 2021
6-7 साल में Renewable Energy की हमारी capacity में 250 प्रतिशत से अधिक की बढ़ोतरी हुई है।
— PMO India (@PMOIndia) June 5, 2021
Installed रिन्यूएबल एनर्जी Capacity के मामले में भारत आज दुनिया के टॉप-5 देशों में है।
इसमें भी सौर ऊर्जा की capacity को बीते 6 साल में लगभग 15 गुणा बढ़ाया है: PM @narendramodi
आज भारत, दुनिया के सामने एक उदाहरण प्रस्तुत कर रहा है कि जब पर्यावरण की रक्षा की बात हो, तो जरूरी नहीं कि ऐसा करते हुए विकास के कार्यों को भी अवरुद्ध किया जाए।
— PMO India (@PMOIndia) June 5, 2021
Economy और Ecology दोनों एक साथ चल सकती हैं, आगे बढ़ सकती हैं, भारत ने यही रास्ता चुना है: PM @narendramodi
आज देश के रेलवे नेटवर्क के एक बड़े हिस्से का बिजलीकरण किया जा चुका है।
— PMO India (@PMOIndia) June 5, 2021
देश के एयरपोर्ट्स को भी तेज़ी से सोलर पावर आधारित बनाया जा रहा है।
2014 से पहले तक सिर्फ 7 एयरपोर्ट्स में सोलर पावर की सुविधा थी, जबकि आज ये संख्या 50 से ज्यादा हो चुकी है: PM @narendramodi
जलवायु की रक्षा के लिए, पर्यावरण की रक्षा के लिए हमारे प्रयासों का संगठित होना बहुत ज़रूरी है।
— PMO India (@PMOIndia) June 5, 2021
देश का एक-एक नागरिक जब जल-वायु और ज़मीन के संतुलन को साधने के लिए एकजुट होकर प्रयास करेगा, तभी हम अपनी आने वाली पीढ़ियों को एक सुरक्षित पर्यावरण दे पाएंगे: PM @narendramodi
