লুনানবগী খ্বাইদগী চাউবা মীয়ামগী ইহৌ - স্বচ্ছ ভারত মিসন হৌদোকখিবা চহি 10 মপুং ফারকপদা প্রধান মন্ত্রী শ্রী নরেন্দ্র মোদীনা ঙসি নই দিল্লীগী বিজ্ঞান ভবনদা ওক্তোবর 2দা তারিবা 155শুবা গান্ধী জয়ন্তীগী থৌরমদা স্বচ্ছ ভারত দিবস 2024 প্রোগ্রামদা শরুক য়াখ্রে। শ্রী মোদীনা AMRUT অমসুং AMRUT 2.0, নেস্নেল মিসন ফোর ক্লিন গঙ্গা অমসুং গোবার্ধন স্কিমগী মখাদা পায়খৎলিবা প্রোজেক্তশিং য়াওনা লুপা করোর 9600 হেনবগী সেনিতেসন অমসুং ক্লিনিনেস প্রোজেক্ত কয়ামরুম হৌদোকখি অমসুং উরেপ উয়ুংসু তমখি। স্বচ্ছতা হী সেবা 2024গী থিমদি ‘স্বভাব স্বচ্ছতা, সংস্কার স্বচ্ছতা’নি।
থৌরম অদুদা ৱা ঙাংলদুনা, প্রধান মন্ত্রীনা পুজিয়া বাপু অমসুং লাল বহাদুর শাস্ত্রীজীগী মপোক কুমওনশিং নীংশিংখি অমসুং মা ভারতীগী মপাশিংদা ইকায় খুম্নবা উৎখি। শ্রী মোদীনা হায়খি মদুদি ঙসিগী থৌরম অসিনা মহাত্মা গান্ধী অমসুং অতৈ অচৌবা মীওইশিংগী মঙলানবু পুন্না থবক তৌমিন্নদুনা মঙফাওনহন্নবগী ইথিল পীরি।
প্রধান মন্ত্রীনা হায়খি মদুদি ওক্তোবর 2গী নুমিৎ অসিদা মহাক্না থৌদাং লৌবগী ৱাখল্লোন্না থনখি লোয়ননা পুক্নিং নুংশিবা ফাওই। স্বচ্ছ ভারত অভিয়ানগী চহি 10 মপুং ফারকপদা প্রধান মন্ত্রীনা হায়খি, "স্বচ্ছ ভারত মিসনগী খোঙচৎ অসি ভারত মচা করোর কয়াগী অচেৎপা ফিরেপকী খুদম অমনি।" মহাক্না হৌখিবা চহি 10দা ইহৌ অসিদা মীয়ামগী মতেং য়াম্না ফংখিবা অদু পনখি অমসুং লৈবাক অসিগী মীপুম খুদিংমক্না মসিবু মখোয়গী মিসন ওইহনখি - মখোয়গী পুন্সিগী শরুক অমা ওইহনখি। স্বচ্ছ ভারতকী চহি 10 মপুং ফারকপদা, স্বচ্ছ ভারত মিসনবু অচৌবা মীয়ামগী খোঙজং অমদা ওন্থোকপদা সেফাই মিত্রাশিং, ধর্মগী লুচিংবশিং, শান্নরোয়শিং, সেলেব্রিতিশিং, NGOশিং অমসুং মীদিয়াগী মীওইশিংনা হোৎনরিবা অদু প্রধান মন্ত্রীনা থাগৎখি। শ্রী মোদীনা , হান্নগী অমসুং হৌজিক্কী, ভারতকী রাস্ত্রপতি অমসুং ভারতকী উপ রাস্ত্রপতি, স্বচ্ছ ভারতকী মায়কৈদা শ্রমদানগী মওংদা শরুক য়াখিবা অদুসু পনখি অমসুং লৈবাক অসিবু পুক্নিং থৌগৎপগীদমক মখোয়দা থাগৎপা ফোংদোকখি। প্রধান মন্ত্রীনা ঙসি খুঙ্গংশিং, সহরশিং অমসুং কোলোনীশিংদা পাংথোক্লিবা মশিং য়াম্লবা স্বচ্ছতাগী থবকশিং অদু পনখি। রাজ্যগী মন্ত্রীশিং, লুচিংবশিং অমসুং মীহুৎশিংনা থৌনা লৈনা শরুক য়াবগী ৱাফমসু মহাক্না পনখি। মহাক্না হায়খি স্বচ্ছতা পখৱারাগী ইদিসন অসিদা মীওই করোর কয়া স্বচ্ছতা হী সেবা প্রোগ্রামদা শরুক য়াখ্রে। মহাক্না হায়খি সেবা পখৱারাগী নুমিৎ 15 অসিদা লৈবাক শীনবা থুংনা মীওই করোর 28না শরুক য়াদুনা প্রোগ্রাম লাখ 27 হেন্না পাংথোকখি। ভারতপু লুনান্না থম্বা ঙম্নবা লেপ্পা লৈতনা হোৎনবগী তঙাইফদবা অদু পল্লদুনা প্রধান মন্ত্রীনা ভারতকী নাগরিক খুদিংমক্তা থাগৎপা ফোংদোকখি।
ঙসিগী মরুওইবা মাইলস্তোন অসি পল্লদুনা, প্রধান মন্ত্রীনা হায়খি মদুদি লুনানবগা মরী লৈনবা লুপা করোর 10,000গী প্রোজেক্তশিং পায়খৎপা হৌখ্রে। মহাক্না মখা তাখি মদুদি "মিসন অমৃত"গী শরুক অমা ওইনা, সহর কয়াদা ঈশিং অমসুং সিৱেজ ত্রিৎমেন্ত প্লান্তশিং লিংখৎকনি। নমামি গঙ্গে ওইগেরা নত্ত্রগা ৱেস্ততগী বাইওগাসতা ওন্থোকপগী গোবার্ধন প্রোজেক্ত ওইগেরা স্বচ্ছ ভারত মিসন অসি অনৌবা পনখৈশিংদা পুখৎকনি হায়না প্রধান মন্ত্রীনা ফোংদোকখি। “স্বচ্ছ ভারত মিসন অসি হেন্না মায় পাক্লিবমখৈ, ঐখোয়গী লৈবাক অসিনা হেন্না মঙাল ফংগনি," হায়না শ্রী মোদীনা ফোংদোকখি।
প্রধান মন্ত্রীনা হায়খি মদুদি স্বচ্ছ ভারত মিসন অসি চহি 1000গী মতুংদসু ভারতকী মতাংদা নৈনবা অমা পাংথোকপা মতমদা নীংশিংগনি। শ্রী মোদীনা হায়খি, স্বচ্ছ ভারত মিসন অসি চহিচা অসিগী খ্বাইদগী চাউবা অমসুং খ্বাইদগী মায় পাকপা মীয়ামগী খোঙজংনি। মহাক্না মখা তাখি মদুদি মিসন অসি মীয়ামগী শরুক য়াবা অমসুং মীয়ামগী লুচিংবগা লোয়ননা মহাক্কী মফমদা মীয়ামগী অশেংবা ইনর্জী অমসুং পোতেন্সিএল অদু উৎখি। শ্রী মোদীনা হায়খি মদুদি মহাক্কীদমক্তদি, স্বচ্ছতা অসি মীয়ামগী শক্তি খঙদোকপগী থৌরম অমা ওইরক্লি। স্বচ্ছতা অভিয়ান হৌদোকপা মতমদা, লুহোংবা নৎত্রগা মীয়ামগী থৌরম অমা নৎত্রগা অতোপ্পা মফম অমা ওইরবসু, মীওই লাখ কয়ানা মতৌ করম্না খুৎশম্নদুনা স্বচ্ছতাগী পাউজেল অসি মপুং ফানা শন্দোকখিবগে হায়ববু প্রধান মন্ত্রীনা নীংশিংখি। মহাক্না হায়খি মদুদি চহি য়াম্লবা মমাশিংনা তোইলেত অমা শাবগীদমক্তা মখোয়গী শা-শন য়োনখিবা, নুপী খরনা মখোয়গী মঙ্গলসুত্রা য়োনখিবা, মীওই খরনা মখোয়গী লম য়োনখিবা, রিতায়র তৌরবা ওজা খরনা মখোয়গী পেন্সন পীখিবা, রিতায়র তৌরবা লান্মী খরনা মখোয়গী রিতায়রমেন্ত বেনিফিৎশিং অসি ক্লিনলিনেসকী মিসনগীদমক্তা পীখিবা থৌদোকশিং লৈখি। প্রধান মন্ত্রীনা হায়খি মদুদি করিগুম্বা চপ মান্নবা দোনেসন অসি লাইশঙ অমদা নৎত্রগা থৌরম অমহেক্তদা পীরম্লবদি, মসি ন্যুজপেপরশিংদা মরুওইবা হেদলাইন ওইরমগনি। মহাক্না মখা তাখি মদুদি লৈবাক অসিনা খঙগদবনি মদুদি মীওই লাখ কয়া অমা লৈরি, মখোয়গী মশক TVদা উৎখিদে অমসুং মখোয়গী মমিংদি পাউচেদা ফোঙখিদে, মখোয়না মখোয়গী শেল অমসুং মমল য়াম্লবা মতম অসি মিসন অসি মায় পাকহন্নবা থাদখি। শ্রী মোদীনা হায়খি মদুদি হায়রিবা থৌদোক পুম্নমক অসিনা ভারতকী মওং মতৌ অদু উৎলি। শ্রী মোদীনা হায়খি মদুদি মহাক্না সিঙ্গল য়ুজ প্লাস্তিক শীজিন্নবা থিংনবা ফোংদোকপদগী মীওই কয়ানা দুকান চৎপদা লিমোন অমসুং ফীগী খাও শীজিন্নবগী চৎনবী অমুক হন্না হৌদোকখি। মহাক্না মখা তাখি মদুদি সিঙ্গল য়ুজ প্লাস্তিক পুথোকপদা শরুক য়ারিবা ইন্দস্ত্রীশিংগা লোয়ননা মীয়াম্বু থৌরাং অসিদা মতেং পাংবীবগীদমক মহাক্না থাগৎপা ফোংদোকখি। মহাক্না খোঙথাং অসিবু শৌগৎখিবা পোলিতিকেল পার্তীশিংদা থাগৎপা ফোংদোকখি।
প্রধান মন্ত্রীনা হৌখিবা চহি 10দা ভারতকী ফিল্ম ইন্দস্ত্রীনা ফিল্মগী মওংদা লুনানবগী পাউজেল শন্দোকপদা লৌখিবা থৌদাংশিং অদু পনখি অমসুং অসিগুম্বা থবক অসি অমুক্তা নত্তনা মীরোল অমদগী অমদা পাংথোক্কদবনি হায়না ফোংদোকখি। মহাক্না মহাক্কী 'মন কী বাত' থৌরমদা লু-নান্না থম্বগী ৱাফম অসি মীয়াম্না মরু ওইনা লৌখিবগী মতাংদা 800রক পুথোকপগী খুদম অমা পীখি।
প্রধান মন্ত্রীনা ঙসি স্বচ্ছতাগী মায়কৈদা মীয়াম্না হোৎনরিবশিং অদু পনখি অমসুং মহাক্না ভারতকী নীংতম্বা ফংলবা মতুংদগী মমাংগী সরকারশিংনা স্বচ্ছতাগী মায়কৈদা মীৎয়েং চংলমখিদে হায়না ফোংদোক্লদুনা মহাক্না হায়খি, "মহাক্না মহাত্মা গান্ধীনা নীংতম লানগী মতমদা স্বচ্ছতাগী মায়কৈদা লম্বী তাকখি।" মহাক্না হায়খি মদুদি মহাত্মা গান্ধীবু মখোয়গী রাজনিতীগী কান্নবা অমসুং ভোৎ বেঙ্ককীদমক্তা শীজিন্নখিবা মীওইশিং অদুনা হৌজিক্তি মহাকপু পামজবা হীরমশিং অদুগী মতাংদা কাউথোকপীখি। মহাক্না হায়খি মদুদি অমোৎপা অমসুং তোইলেৎকী অৱাৎপা অসি লৈবাক অসিগী ইসু অমা ওইনা অমুক্তা খন্নখিদে। মসিনা মরম ওইদুনা, খুন্নাই অসিদা মসিগী মতাংদা খন্ন-নৈনখিদে অমসুং অমোৎ-অকাই অসি পুন্সিগী শরুক অমা ওইখি হায়না প্রধান মন্ত্রীনা ফোংদোকখি। মহাক্না লাল কিলাগী লানবনদগী ৱাফম অসি পুখৎলকপদা য়েৎখিবা অদুসু নীংশিংখি। মহাক্না হায়খি, "প্রধান মন্ত্রীগী অহানবা প্রাইওরিতিদি মীচম প্রজাগী পুন্সিদা লাইথোকহনবনি।" মহাক্না তোইলেৎশিং অমসুং সেনিতরী পেদশিংগী মতাংদা ৱা ঙাংবগী মহাক্কী থৌদাং অদু পনখি। মসিগী মহৈ ঙসিসু উবা ফংলি হায়না মহাক্না মখা তাখি।চহি তরাগী মমাংদা ভারতকী মীশিং চাদা 60 হেন্না তোইলেৎ লৈতবনা মরম ওইদুনা লমহাংদা খোঙ হাম্বা তারমখি হায়না পল্লদুনা প্রধান মন্ত্রীনা হায়খি মদুদি মসি মীওইবগী ইকাই খুম্নবাগী মায়োক্তা অমসুং লৈবাক অসিগী লায়রবশিং, দলিতশিং, ত্রাইবেলশিং অমসুং শোত্থরবা কাংলুপশিংদা ইকাই খুম্নবা উৎপীদবা অমনি অমসুং মসি মীরোল অমদগী মীরোল অমদা লেপ্তনা চৎথরি। শ্রী মোদীনা মমাশিং, ইচানুপীশিং অমসুং ইচে-ইচলশিংনা তোইলেৎ লৈতবনা মরম ওইদুনা অৱাবা কয়া মায়োক্নরিবা অদু পনখি অমসুং মসিনা মখোয়গী হকশেল অমসুং সেফতীদা পীখিবা শীংনবশিং অদু পনখি। মহাক্না হায়খি মদুদি ওপন দেফিকেসন্না থোকহনবা অমোৎ-অকাইনা মরম ওইদুনা অঙাংশিংগী পুন্সিদা খুদোংথীবা থোকহল্লি অমসুং মসিনা অঙাংশিং শিহনবগী মরুওইবা মরম অমা ওইরি।
অসিগুম্বা নুংঙাইতবা ফীভম অসিদা লৈবাক অসিনা মখা চত্থবা অসি অরুবা অমনি হায়না পল্লদুনা শ্রী মোদীনা হায়খি মদুদি মখোয়না ৱারেপ লৌখি মদুদি হৌজিক ওইরিবা ফীভম অসি মখা চত্থরোই। মহাক্না মখা তাখি মদুদি সরকার অসিনা মসিবু নেস্নেল অমসুং হ্যুমেন চেলেঞ্জ অমনি হায়না লৌখি অমসুং মসিবু কোকহন্নবা কেম্পেন অমা হৌদোকখি। মসিদা স্বচ্ছ ভারত মিসনগী মরু থাখি। মহাক্না মখা তানা হায়খি মদুদি মতম খরগী মনুংদা ভারত মচা করোর কয়া অমা অঙকপা থবকশিং পাংথোকখি। প্রধান মন্ত্রীনা হায়খি মদুদি লৈবাক অসিদা তোইলেৎ করোর 12 হেন্না শাখ্রে অমসুং তোইলেৎ কভরেজ অসি হান্নগী চাদা 40দগী 100দা য়ৌরে।
লৈবাক অসিগী মীচম প্রজাগী পুন্সিদা স্বচ্ছ ভারত মিসনগী ইথিল অসি মমল য়াম্লবা অমনি হায়না প্রধান মন্ত্রীনা ফোংদোকখি। শক্নাইরবা ইন্তর্নেস্নেল জর্নেল অমগী ইন্তর্নেস্নেল ফুদ পোলিসী রিসর্চ ইন্সতিত্যুৎ, ৱাশিংতন, কেলিফোর্নিয়া য়ুনিভর্সিতী অমসুং ওহিও স্তেত য়ুনিভর্সিতীগী সাইন্তিস্তশিংনা পুন্না পাংথোকপা ইকুই কুইদ্রিবা স্তদী অমা পল্লদুনা শ্রী মোদীনা হায়খি মদুদি স্বচ্ছ ভারত মিসননা চহি খুদিংগী অঙাং লিশিং 60দগী 70 ফাওবগী পুন্সি কনবা ঙম্লে। মহাক্না মখা তাখি মদুদি WHO গী মতুং ইন্না, 2014 অমসুং 2019গী মরক্তা দাইরিয়ানা মরম ওইদুনা শীবদগী মীওই লাখ 3গী পুন্সি কনবা ঙমখি। UNICEFকী রিপোর্তশিং পল্লদুনা মহাক্না হায়খি মদুদি য়ুমদা তোইলেৎশিং শাবনা মরম ওইদুনা হৌজিক্তি নুপী চাদা 90 হেনবনা সেফ ওইরে অমসুং স্বচ্ছ ভারত মিসন্না মরম ওইদুনা নুপীশিংদা ইনফেক্সন থোকহনবা লায়নাশিংসু হন্থরে। শ্রী মোদীনা মখা তানা হায়খি মদুদি স্কুল লাখ কয়াদা নুপীমচাশিংগীদমক তোঙানবা তোইলেৎশিং শাবনা মরম ওইদুনা স্কুল তোকপগী চাং হন্থরে। মহাক্না UNICEF কী অতোপ্পা স্তদী অমগী ৱাফম পল্লদুনা হায়খি মদুদি লুনান্নবনা মরম ওইদুনা খুঙ্গংশিংদা লৈরিবা ইমুংশিংনা চহি খুদিংগী চাংচত্তা লুপা লিশিং 50 কনবা ঙম্লে। মসি মমাংদা লায়নাশিং লায়েংবদা পোকেৎকী শেনফম ওইনা শীজিন্নরম্মি।
স্বচ্ছ ভারত মিসন্না মীয়ামদা পীরিবা এৱেরনেসকী মতাংদা পল্লদুনা, প্রধান মন্ত্রীনা ব্রেন ফিবরনা মরম ওইদুনা গোরখপুরদা অঙাংশিং লৈখিদবা অদু স্বচ্ছতাদা মরুওইনা মীৎয়েং থমদুনা থেংনখি হায়না খুদম পীখি।
প্রধান মন্ত্রীনা হায়খি মদুদি স্বচ্ছতাগী ইকাই খুম্নবা হেনগৎলকপনা লৈবাক অসিদা চাউরবা সাইকোলোজিকেলগী অহোংবা অমা পুরক্লি। স্বচ্ছ ভারত মিসন্না ৱাখল্লোনদা অহোংবা পুরকপা অদু মহাক্না পনখি। মহাক্না মমাংদা মীৎয়েং চংদনা লৈরম্বা স্বচ্ছ ভারত মিসনদা য়াওরিবা মীওইশিংগী খুদম পনখি। “ক্লিনরশিংনা ইকায় খুম্নবা ফংলকপা মতমদা, মখোয়নসু লৈবাক অসিবু হোংদোকপদা মখোয়গী থৌদাং অদুগীদমক চাউথোকচবা ফাওখি। স্বচ্ছ ভারত অভিয়াননা সফাই মিত্র লাখ কয়াদা চাউথোকচবা পোকহল্লে।" শ্রী মোদীনা সেপ্তিক তেঙ্কশিংদা মেনুএল এন্ত্রি তৌবনা মরম ওইদুনা থোক্লকপা খুদোংচাদবশিং কোকহন্নবা হোৎনখি অমসুং মসিগী মতাংদা সরকারনা প্রাইবেৎ অমসুং পব্লিক সেক্তরগা পুন্না থবক তৌমিন্নরি হায়না পাউদমখি। “ঐখোয়না প্রোফেস্নেলশিং অমসুং স্তার্ত-অপশিংসু পুক্নিং থৌগৎলি," হায়না মহাক্না মখা তাখি।
স্বচ্ছ ভারত অভিয়ানগী পাক চাউনা পাকথোক চাউথোকপা অদু পল্লদুনা শ্রী মোদীনা হায়খি মদুদি মসি শুপ্নগী প্রোগ্রাম অমা খক্তা নত্তে অমসুং ঙসিদি লুনান্নবনা চাউখৎপগী অনৌবা লম্বী অমা শেমগৎলি।
স্বচ্ছ ভারত অভিয়ান্না লৈবাক অসিদা অচৌবা থবক পীরি হায়না মহাক্না মখা তাখি। হৌখিবা চহিশিংদা সেক্তর কয়াদা শৌখিন ক করোর কয়া শাদুনা কান্নবা ফংহনখ্রে অমসুং মীওই কয়া থবক ফংহনখ্রে। মহাক্না মখা তানা হায়খি মদুদি খুঙ্গংশিংদা মীতোন, প্লাম্বর, শিন্মীগুম্বা মীওই কয়া থবক তৌরি। মিসন অসিনা মরম ওইদুনা মীওই করোর 1.25 রোম থবক ফংহনখ্রে হায়না UNICEFনা পানরি হায়না শ্রী মোদীনা ফোংদোকখি। মহাক্না হায়খি স্বচ্ছ ভারত অভিয়ানগী অচৌবা মহৈ অমা ওইনা নুপী মেসনশিংগী অনৌবা জেনরেসন অমা ওইরক্লি অমসুং ঐখোয়গী নহারোলশিংনা ক্লিন-তেক্কী খুত্থাংদা অফবা থবক অমসুং অফবা খুদোংচাবা কয়া ফংলি। মহাক্না মখা তাখি মদুদি হৌজিক ক্লিন-তেক্কা মরী লৈনবা স্তার্ত-অপ লিশিং 5 রেজিস্তর তৌখ্রে। শ্রী মোদীনা হায়খি মদুদি ঈশিং অমসুং সেনিতেসন সেক্তরদা অনৌবা খুদোংচাবা কয়া অমা শেমগৎলি। মসি ৱেস্ত তু ৱেল্থ, ৱেস্ত খোমজিনবা অমসুং ত্রান্সপোর্ত তৌবা, ঈশিং অমুক হন্না শীজিন্নবা অমসুং রিসাইকল তৌবা অসিনচিংবনি। মহাক্না মখা তাখি মদুদি দিকেদ অসিগী অরোইবা ফাওবদা সেক্তর অসিদা অনৌবা থবক লাখ 65 পুথোক্কনি হায়না পানরি অমসুং স্বচ্ছ ভারত মিসন্না মসিদা অচৌবা থৌদাং অমা লৌগনি।
“স্বচ্ছ ভারত মিসননা ভারত্তা সর্ক্যুলর ইকনোমীদা চাউনা খুমাং চাউশিলহনখ্রে হায়না প্রধান মন্ত্রীনা হায়খি। মহাক্না হায়খি মদুদি ইমুং মনুংদগী থাদোকপা মহি-মনাইশিং হৌজিক্তি মমল য়াম্লবা রিসোর্সশিংদা ওন্থোক্লে। মহাক্না হায়খি মদুদি কম্পোস্ত, বাইওগ্যাস, ইলেক্ত্রিসিতী অমসুং লম্বী শেমগৎপদা শীজিন্নরিবা মচাকশিং অসি য়ুমথোংগী অরেম-অপাশিংদগী পুথোক্লি। প্রধান মন্ত্রীনা খুঙ্গং অমসুং সহরগী মফমশিংদা অহোংবা পুরক্নবা মরুওইবা মচাক অমা ওইরিবা গোবর্ধন য়োজনাগী মায়পাকপগী মতাংদা পনখি। গোবর্ধন য়োজনাগী মখাদা খুঙ্গং কয়াদা বাইওগ্যাস প্লান্ত চা কয়া লিংখৎখ্রে, মফম অসিদা শা-ষনগী মহিশিংবু বাইওগ্যাসতা ওন্থোক্লে হায়না মহাক্না হায়খি। মহাক্না মখা তারদুনা হায়খি মদুদি লৈবাক শীনবা থুংনা কম্প্রেস বাইওগ্যাস প্লান্ত চা কয়াসু লিংখৎখ্রে। ঙসি অনৌবা CBG প্লান্ত কয়া শঙ্গাখ্রে, অমসুং মসিগী খোঙথাং অসি মখা তানা পাকথোক চাউথোকহন্নবা অনৌবা প্রোজেক্তশিংসু লিংখৎখ্রে।
তুংলমচৎকী শীংনবশিংগী মতাংদা পল্লদুনা, প্রধান মন্ত্রী মোদীনা শেন্মিৎলোন অমসুং অর্বানাইজেসন্দা য়াম্না থুনা অহোংবা লাক্লিবা অসিগী মতাংদা পুক্নিং চিংশিনখি। অথুবা মতমদা অর্বানাইজেসন অমসুং ৱেস্ত জেনরেসন থেংননবা ইফিসেন্ত ৱেস্ত মেনেজমেন্ত ফংহন্নবা স্ত্রেতেজিশিং হেনগৎহনবদা মহাক্না অকনবা ৱাফম থমখি। মহাক্না রিসাইকল তৌরবা পোৎলমশিং শীজিন্নবা অমসুং হাউজিং কমপ্লেক্সশিংগী দিজাইনশিং শাগৎপদা জিরো নত্ত্রগা মিনিমেল ৱেস্ত দিসচার্জ তৌবা কন্সত্রক্সনদা তেক্নোলোজীশিং দিবেলপ তৌবগী তঙাই ফদবা ৱাফম থমখি। শ্রী মোদীনা ঈশিংবু লান্না শীজিন্নদনবা অমসুং ঈশিং শীজিন্নদ্রিঙৈদা ঈশিং অদু ত্রিৎ তৌনবগীদমক হোৎনরিবা অসিদা মরুওইবা পীখি। নমামি গঙ্গে মিসন অসি তুরেলগী শেংদোকপদা মোদেল অমনি হায়না পল্লদুনা প্রধান মন্ত্রীনা হায়খি মদুদি গঙ্গা তুরেল অসি ঙসিদি য়াম্না শেংলে। মহাক্না অমৃত মিসন অমসুং অমৃত সরোবর ইনিসিএতিবশিংনা অচৌবা অহোংবা পুরকপা উবা ফংখি। ঈশিং কঞ্জার্বেসন, ত্রিৎমেন্ত অমসুং তুরেল শেংদোক্নবা অনৌবা তেক্নোলোজীশিংদা লেপ্তনা ইনভেস্ত তৌবগী মরুওইবা অদু মহাক্না ফোংদোকখি। প্রধান মন্ত্রী মোদীনা স্বচ্ছতা অমসুং তুরিজমগী মরক্তা লৈনরিবা মরী অদু পনখি। মহাক্না হায়খি মদুদি ক্লিন তুরিস্ত দিস্তিনেসনশিং অমসুং হেরিতেজ সাইতশিংনা ভিজিস্তরগী এক্সপরিয়েন্স হেনগৎহনবা ঙম্মি। মহাক্না হায়খি মদুদি ঐখোয়গী তুরিস্ত স্পোৎশিং, লাইনিংগী মফমশিং, অমসুং হেরিতেজ সাইতশিং অসি মশা-মউ ফনা থম্বা অমসুং ফজনা য়েংশিনবা অসি য়াম্না মরু ওই।
হৌখিবা চহি তরাগী মনুংদা খুমাং চাউশিল্লকপগী মতাংদা প্রধান মন্ত্রীনা হায়খি, "স্বচ্ছ ভারতকী চহি তরা অসিদা ঐখোয়না কয়া অমা ফংলে, অদুবু ঐখোয়গী মিসন অসি হৌজিক ফাওবা মপুং ফাদ্রি। তশেংবা অহোংবা অসি নাগরিক খুদিংমক্না মখোয়গী মথৌ অমসুং থৌদাং ওইনা শেংদোকপা মতমদা লাক্কনি। প্রধান মন্ত্রী মোদীনা স্বচ্ছ ভারত মিসনগীদমক্তা সরকারগী অচেৎপা ফিরেপ অদু অমুক হন্না ফোংদোকখি অমসুং হেন্না লুনান্নবা ভারত অমা ওইহন্নবগীদমক্তা নাগরিক খুদিংমক্না লেপ্তনা শরুক য়ানবা হায়খি। মহাক্না হায়খি মদুদি স্বচ্ছতাগী মিসন অসি নুমিৎ অমগী থৌরম নত্তে অদুবু মসি পুন্সি চুপ্পগী থৌরমনি অমসুং মসি মীরোল কয়াদগী মীরোল কয়াদা পুখৎকদবনি। স্বচ্ছতা অসি নাগরিক খুদিংমক্কী ৱাখল্লোন ওইগদবনি অমসুং মসি নুমিৎ খুদিংগী পাংথোক্কদবনি।" ভারত অসি তশেংনা ক্লিন ওইদ্রিবা ফাওবা লেপহন্দনবা মহাক্না হৌরক্লিবা মীরোলগী অঙাংশিংদা তকশিনখি।
প্রধান মন্ত্রীনা রাজ্য সরকারশিংদা দিস্ত্রিক্ত, ব্লোক, খুঙ্গং অমসুং লোকেলগী থাক্তা ক্লিন-ইনসিয়েতিবশিং পায়খৎতুনা মখোয়গী হোৎনরিবশিং অদু হেন্না চেৎশিলহন্নবা হায়খি। মহাক্না দিস্ত্রিক্ত অমসুং ব্লোক শিনবা থুংনা খ্বাইদগী লুনানবা স্কুলশিং, হোস্পিতালশিং অমসুং ওফিসশিংগীদমক কম্পিতিসনশিং পাংথোক্নবা ৱাফম থমখি। মহাক্না হায়খি মদুদি ম্যুনিসিপালিতীশিংনা মীয়ামগী তোইলেতশিং ফজনা থম্বা অমসুং ক্লিনলিনেস সিস্তেমশিং অসি হান্নগী চৎনবীদা অমুক হল্লকহল্লোইদবনি। মহাক্না লোকেল বোদীশিংদা সেনিতেসন ইনফ্রাস্ত্রকচর অমসুং মদুগী মেনতেন্সতা অখন্নবা মীৎয়েং থম্নবা হায়খি। পি.এম. মোদীনা নাগরিক পুম্নমকপু মখোয়না লৈরিবা মফম খুদিংমক্তা, য়ুমদা, মখোয়গী য়ুমথংনবা মফমদা, নৎত্রগা মখোয়গী থবক মফমদা, ক্লিনলিনেস ঙাক্না চৎনবা অচেৎপা ফিরেপ লৌনবা পুক্নিং থৌগৎখি। "ঐখোয়না ঐখোয়গী লাইনিং লাইশোনগী মফমশিং অসি শেংদোকপা ঙম্বা অদুগুম্না, ঐখোয়না ঐখোয়গী অকোয়বগী ফীভমদা মশা-মউ ফনা লৈবগী ইথিল অদু পোকহনগদবনি," হায়না মহাক্না হায়খি। মহাক্না ভিক্সিৎ ভারতকী মায়কৈদা চৎপা অসিদা মশা-মউ ফনা লৈবগী থৌদাং অদু পনখি। মহাক্কী ৱারোল লোইশিল্লদুনা, প্রধান মন্ত্রীনা পান্দমশিং অসি ফংলগনি হায়বগী থাজবা ফোংদোকখি। মহাক্না নাগরিকশিংদা মহাত্মা গান্ধীবু ইকায় খুম্নবা উৎনবা অমসুং মহাক্কী ৱাখল্লোনশিংবু অনৌবা ইনর্জী অমসুং থৌনাগা লোয়ননা ঙাকপীনবা হায়খি।
কেন্দ্রগী হাউজিং অমসুং অর্বান এফিয়র্স মন্ত্রী, শ্রী মনোহর লাল খাত্তর, কেন্দ্রগী জল শক্তি মন্ত্রী, শ্রী সি আর পাতিল, কেন্দ্রগী হাউজিং অমসুং অর্বান এফিয়র্সকী রাজ্য মন্ত্রী, শ্রী তোখান সাহু অমসুং কেন্দ্রগী জল শক্তিগী রাজ্য মন্ত্রী, দোক্তর রাজ ভুশন চৌধরীসু থৌরম অদুদা শরুক য়াখি।
বেকগ্রাউন্দ
থৌরম অদুগী মনুংদা, প্রধান মন্ত্রীনা লুপা করোর 9600 হেনবগী সেনিতেসন অমসুং স্বচ্ছতাগা মরী লৈনবা প্রোজেক্ত কয়া শঙ্গাখি অমসুং উরেপ উয়ুংসু তমখি। মসিগী মনুংদা AMRUT অমসুং AMRUT 2.0,গী মখাদা অর্বান ৱাতর অমসুং সিৱেজ সিস্তেম হেনগৎহন্নবা পান্দম থমদুনা লুপা করোর 6,800 হেনবগী প্রোজেক্তশিং, নেস্নেল মিসন ফোর ক্লিন গঙ্গাগী মখাদা গঙ্গা বেসিনগী মফমশিংদা ঈশিংগী ক্বালিতী অমসুং ৱেস্ত মেনেজমেন্ত ফগৎহন্নবা লুপা করোর 1550 হেনবগী প্রোজেক্তশিং অমসুং গোবার্ধন স্কিমগী মখাদা লুপা করোর 1332 হেনবগী কম্প্রেস বাইওগ্যাস (CBG) প্লান্ত প্রোজেক্ত 15 য়াওগনি।
স্বচ্ছ ভারত দিবস প্রোগ্রাম অসিনা ভারতকী চহি তরাগী খুজিং কয়াগী ওইবা সেনিতেসনগী মায়পাকপশিং অমসুং হন্দক্তা লোইশিনখিবা স্বচ্ছতা হী সেবা কেম্পেনগী মায়পাকপশিং উৎলি। মসিনা নেস্নেল ইন্সতিত্যুসন অসিগী মথংগী ফেজগীদমকসু লমদম অসি শেমগৎকনি। মসিগী মনুংদা লোকেল গবর্নমেন্ত বোদীশিং, নুপীগী কাংলুপশিং, নহারোলগী ওর্গনাইজেসনশিং অমসুং কম্ম্যুনিতীগী লুচিংবশিংগী লৈবাক শীনবা থুংনা শরুক য়াবা য়াওগনি। মসিনা ভারতকী মফম খুদিংমক্তা 'সমপুরনা স্বচ্ছতা'গী ৱাখল্লোন অসি য়ৌহনগনি।
স্বচ্ছতা হী সেবা 2024গী থিম 'স্বভাব স্বচ্ছতা, সংস্কার স্বচ্ছতা'না লৈবাক অসিবু অমুক্কা হন্না স্বচ্ছতা, মীয়ামগী হকশেল অমসুং অকোয়বগী ফীভম লেপচবা ঙম্নবগীদমক অচেৎপা থাজবা পীরি। স্বচ্ছতা হী সেবা 2024গী মখাদা, মীওই করোর 17 হেন্না য়াওদুনা প্রোগ্রাম লাখ 19.70 হেন্না লোইশিনখ্রে। চাউরাক্না লুপা লাখ 6.5গী ক্লিনলিনেস তার্গেৎ য়ুনিৎশিং ত্রান্সফোর্ম তৌখ্রে। চাউরাক্না সেফাই মিত্র সুরক্ষা শিভির লাখ 1 পাংথোকখ্রে, মসিনা সফাই মিত্র লাখ 30 হেন্না কান্নবা ফংহনখ্রে। মসিগী মথক্তা, এক পের মা কে নাম কেম্পেনগী মখাদা উ-চারা লাখ 45 হেন্না থাখ্রে।
Click here to read full text speech
स्वच्छ भारत मिशन की ये यात्रा, करोड़ों भारतवासियों की अटूट प्रतिबद्धता का प्रतीक है: PM @narendramodi pic.twitter.com/TId83jUsmG
— PMO India (@PMOIndia) October 2, 2024
स्वच्छ भारत इस सदी में दुनिया का सबसे बड़ा और सबसे सफल जन-आंदोलन है: PM @narendramodi pic.twitter.com/2YTFX1PwIl
— PMO India (@PMOIndia) October 2, 2024
स्वच्छ भारत मिशन से देश के आम जन के जीवन पर जो प्रभाव पड़ा है, वो अनमोल है: PM @narendramodi pic.twitter.com/prdnEVDEJH
— PMO India (@PMOIndia) October 2, 2024
महिलाओं को इंफेक्शन से होनी वाली बीमारियों में भी स्वच्छ भारत मिशन की वजह से बहुत कमी आई है: PM @narendramodi pic.twitter.com/QZu5rasuBz
— PMO India (@PMOIndia) October 2, 2024
स्वच्छता की प्रतिष्ठा बढ़ने से देश में एक बहुत बड़ा मनोवैज्ञानिक परिवर्तन भी हुआ है: PM @narendramodi pic.twitter.com/eCdthjCW8Z
— PMO India (@PMOIndia) October 2, 2024
अब स्वच्छता, संपन्नता का नया रास्ता बन रहा है: PM @narendramodi pic.twitter.com/pdJS1Yw7We
— PMO India (@PMOIndia) October 2, 2024
स्वच्छ भारत मिशन ने सर्कुलर इकॉनॉमी को भी नई गति दी है: PM @narendramodi pic.twitter.com/5jg282y3NH
— PMO India (@PMOIndia) October 2, 2024
स्वच्छता का मिशन एक दिन का नहीं पूरे जीवन का संस्कार है: PM @narendramodi pic.twitter.com/xGqTIjGxRu
— PMO India (@PMOIndia) October 2, 2024
हम शपथ लें कि हम जहां भी रहेंगे, फिर चाहे वो घर हो, हमारा मोहल्ला हो या हमारा Workplace हो हम वहां स्वच्छता रखेंगे: PM @narendramodi pic.twitter.com/DZAUZJcNuW
— PMO India (@PMOIndia) October 2, 2024
