ভগবান বিরসা মুন্দা ইকায়খুম্নবা উৎপা ওইনা নিংশিং শেনয়েক অমা অমসুং পোস্তেল স্তাম্প মাইখুম হাংদোকখ্রে
বিহারদা লুপা করোর ৬৬৪০ হেনবগী তোঙান-তোঙানবা চাউখৎ-থৌরাংগী প্রোজেকশিং শঙ্গাখ্রে, উরেপ-উয়ুং তমখ্রেত্রাইবেল খুন্নাইনা রাজকুমার রাম ভগবান রাম ওইহনখিবনি, ত্রাইবেল খুন্নাইনা ভারতকী নাত অমসুং নিংতম্বা ঙাক্নবা চহি কয়া লান্থেংনবদা মাঙজিল থাখি: প্রধান মন্ত্রীপি.এম জনমন য়োজনাগা লোয়ননা, লৈবাক অসিদা খ্বাইদগী চাউখৎত্রিবা ত্রাইবেলশিংনা খুন্দারিবা মফমশিং শেমগৎলে: প্রধান মন্ত্রীভারতকী মমাংঙৈগী অনা-লায়েংগী থবকশিংদা ত্রাইবেল খুন্নাইনা অচৌবা মতেং অমা পাংলে: প্রধান মন্ত্রীঐখোয়গী সরকারনা ত্রাইবেল ফুরুপকী লাইরিক-লাইশু তম্বা, শেন্থোক লম্বী অমসুং হকশেলগী লমদা অকনবা মীৎয়েং চঙলে: প্রধান মন্ত্রীভগবান বিরসা মুন্দাগী ১৫০শুবা মপোক কুমওনগী শরুক অমা ওইনা, লৈবাক অসিগী ত্রাইবেলশিংনা নম্না থাবা জিলাশিংদা বিরসা মুন্দা ত্রাইবেল গৌরব উপবানশিং শারগনি: প্রধান মন্ত্রীঙসি বিহারগী জমুইদা প্রধান মন্ত্রী শ্রী নরেন্দ্র মোদী জনজাতিয় গৌরব দিবস থৌরমদা ভগবান বিরসা মুন্দগী ১৫০শুবা মপোক কুমওন থৌরম হৌদোকপগী থৌরম শরুক য়াখ্রে অমসুং লুপা করোর ৬৬৪০ হেনবগী তোঙান-তোঙানবা চাউখৎ-থৌরাংগী প্রোজেকশিং শঙ্গাখ্রে অমসুং উরেপ-উয়ুং তমখ্রে।
ভারতকী তোঙান-তোঙানবা জিলাশিংদা ত্রাইবেল নুমিৎকী থৌরম শরুক য়ারিবা তোঙান-তোঙানবা রাজ্যশিংগী রাজ্যপালশিং, চীফ মিনিস্তরশিং, য়ুনিয়ন মিনিস্তরশিং প্রধান মন্ত্রীনা তরাম্না ওকখি। মহাক্না ভারত শীনবা থুংনা ভর্চুএল ওইনা থৌরম অসি শরুক য়াখিবা মশিং থিঙমদ্রবা ত্রাইবেল ইনাওশিং অমসুং ইচলশিংশু তরাম্না ওকখি। নুমিৎ অসি শেংলবা নুমিৎ অমনি হায়না ফোঙদোক্লদুনা, প্রধান মন্ত্রীনা হায়খি নুমিৎ অসিদা কার্তিক পুর্নিমা, দেব দিপাৱালি অমসুং শ্রী গুরু নানক দেব জিগী ৫৫৫শুবা মপোক কুমওন থৌরম পাংথোক্লি অমসুং থৌরমশিং অসিগীদমক ভারতকী মীয়ামদা য়াইফ-পাউজেল পীজরি। নুমিৎ অসিদা জনজাতিয় গৌরব দিবস হায়না ভগবান বিরসা মুন্দাগী মপোক কুমওন থৌরম পাংথোকপগা লোয়ননা মীয়ামগী পুৱারি ওইরবা নুমিৎ অমসু ওইরে। নুমিৎ অসিদা লৈবাক অসিগী মীয়াম অমসুং মরুওইনা ত্রাইবেল ইনাওশিং অমসুং ইচলশিংগী মফমদা য়াইফ-পাউজেল পীজরি। ঙসি পাংথোক্লিবা জনজাতিয় গৌরব দিসব মাংওইননা জমুইদা নুমিৎ ৩ শ্বাছতা অভিয়ান পাংথোকখি। শ্বাছতা অভিয়ান অসিদা লৈঙাক অমসুং জমুইগী মীয়াম অমসুং নুপীশিং শরুক য়াখিবা অদুগীদমক থাগৎপা ফোঙদোকচরি।
হৌখিবা চহিদা ধর্তি অবা বিরসা মুন্দাগী পোক্নফম খুঙ্গং উলিহাতুদা পাংথোকখিবা জনজাতিয় গৌরব দিসবদা মহাক্না শরুক য়াখিবা অদু নিংশিংলদুনা, প্রধান মন্ত্রীনা হায়খি চহি অসিদা থৱায়না পোন্থা পীখিবা অথৌবা তিলকা মানঝিগী থৌনা ফবা উখিবা মফম অসিদা মহাক লাক্লে অমসুং চহি অমা চুপ্না পাংথোক্কদবা ভগবান বিরসা মুন্দাগী ১৫০শুবা মপোক কুমওন থৌরম লৈবাক অসিদা হৌদোকপনা অমুক্কা হেন্না মরুওইরে। লাক্লিবা চহি অসিদা থৌরম কয়া পাংথোক্কনি। ঙসি বিহারগী জমুইদা পাংথোক্লিবা থৌরম অসিদা ভর্চুএল ওইনা তোঙান-তোঙানবা খুঙ্গংশিংদগী মীওই করোর ১ শরুক য়াবা অসিদা থাগৎপা ফোঙদোকচরি। ঙসি বিরসা মুন্দাগী মচা-মশুশিং হায়বদি শ্রী বুধরাম মুন্দা অমসুং সিধু কানহু, শ্রী মন্দল মুর্মু তরাম্না ওকপা অসিদা অপেনবা ফাওই।
প্রধান মন্ত্রীনা হায়খি মদুদি ঙসি লুপা করোর ৬৬৪০ হেনবগী তোঙান-তোঙানবা চাউখৎ-থৌরাংগী প্রোজেকশিং শঙ্গাখ্রে অমসুং উরেপ-উয়ুং তমখ্রে। ত্রাইবেলশিংগী পাক্কাগী য়ুমশিং, ত্রাইবেল অঙাংশিংগী য়াইফনবা স্কুলশিং অমসুং হোস্তেলশিংগী, ত্রাইবেল নুপীশিংগী হকশেলগী খুদোংচাবশিং, ত্রাইবেলগী লমশিংগী লম্বীগী প্রোজেকশিং, ত্রাইবেল কলচর ঙাক-শেন্নবা ত্রাইবেল ম্যুজিয়মশিং অমসুং রিছার্স সেন্তরশিংগী প্রোজেকশিংগী অপ্রুবেল লেত্তর লাখ ১.৫ রোম অয়াবা পীরে। শেংলবা দেব দিপাৱালি থৌরম অসিদা ত্রাইবেলশিংগীদমক শাবা য়ুম ১১,০০০গী গ্রিহ প্রভেস পাংথোক্লে। মসিগী ত্রাইবেলশিংগী মফমদা হরাওবা ফোঙদোকচরি।
ঙসি জনজাতিয় গৌরব দিবস পাংথোক্লিবা অমসুং জনজাতিয় গৌরব চহি হৌদোকপা অসি ফোঙদোক্লদুনা, প্রধান মন্ত্রীনা হায়খি মদুদি পুৱারিগী অচৌবা অরানবা অমা চুমথোক্নবা পুকচেল শেংনা হোৎনবা অমা ওইনা থৌরমশিং অসি পাংথোকপনি। নিংতম্বা ফংলবা মতুংদা খুন্নাইদা ত্রাইবেলশিংদা উৎফম থোকপা ইকায়খুম্নবা উৎখিদে। ত্রাইবেল খুন্নাইনা রাজকুমার রাম ভগবান রাম ওইহনখিবনি, ত্রাইবেল খুন্নাইনা ভারতকী নাত অমসুং নিংতম্বা ঙাক্নবা চহি কয়া লান্থেংনবদা মাঙজিল থাখি। অদুবু মশাগী ওইজবা থিবা রাজনিতিনা লমজিংদুনা নিংতম্বা ফংলবা মতুং চহি কয়া ত্রাইবেলশিংনা খুন্নাইগীদমক পাংথোকখিবা অসিগুম্বা মরুওইবা থবকশিং মাঙহন্নবা হোৎনখি। উলগুলান ইহৌ, কোল লালহৌ, সন্থাল লালহৌ, ভিল ইহৌগুম্বা কয়ানা ভারতকী নিংতম্বগী ইহৌদা মতেং পাংখি অমসুং ত্রাইবেলশিংনা পাংথোকখিবা থবকশিং মপান নাইদে। ভারত শীনবা থুংবগী ত্রাইবেল লুচিংবশিং হায়বদি অল্লুরি সিতারমা রাজু, তিলকা মানঝি, সিধু কানহু, বুধু ভগত, তেলাং খারিয়া, গোবিন্দ গুরু, তেলঙ্গানাগী রামজি গোন্দ, মধ্য প্রদেসকী বাদল ভোই, রাজা সঙ্কর সাহ, কুভার রগুনাথ সাহ, তানত্যা ভিল, যাত্র ভগত, লক্ষমন নাইক, মিজোরমগী রোপুইলিয়ানি, রাজ মোহিনি দেবী, রানি গাইদিলিয়ু, কলিবাই, গোন্দৱানাগী মহারানি দুর্গবতি দেয়ি অমসুং অতৈ কয়া কৈদৌঙৈদা কাউবা ঙম্লোই। বৃতিসশিংনা ত্রাইবেল লিশিং কয়া হাৎখিবা মনগরহ মীহাৎ কাউবা ঙম্লোই।
প্রধান মন্ত্রীনা হায়খি মদুদি নাত নত্ত্রগা খুন্নাইগী অচুম্বগী লমদা মহাক্কী সরকারগী ৱাখল্লোন অসি তোঙাল্লি। শ্রীমতি দ্রৌপতি মুর্মু ভারতকী রাস্ত্রপতি ওইনা খনখিবা অসি ত্রাইবেলশিংগী লাইবক ফবনি। মহাক ভারতকী অহানবা ত্রাইবেল রাস্ত্রপতিনি অমসুং পি.এম-জনমন য়োজনাগী মখাদা পায়খৎলিবা থবক খুদিংমক্কী মনা রাস্ত্রপতিদা পীরি। পার্তিকুলার্লি ভুলনেরেবল ত্রাইবেল গ্রুপস (পি ভি তি জি) য়াইফনবা লুপা করোর ২৪,০০০ গী পি.এম-জনমন য়োজনা হৌদোক্লে। স্কিম অসিগী মখাদা, লৈবাক অসিদা খ্বাইদগী চাউখৎত্রিবা ত্রাইবেলশিংনা খুন্দারিবা মফমশিং শেমগৎলে। ঙসি স্কিম অসি চহি অমা মপুংফারে অমসুং স্কিম অসিগী মখাদা পার্তিকুলার্লি ভুলনেরেবল ত্রাইবেল গ্রুপসশিংদা পক্কাগী য়ুম লিশিং কয়া ফংহল্লে। পার্তিকুলার্লি ভুলনেরেবল ত্রাইবেল গ্রুপশিংগী খুঙ্গংশিংগী মরক্তা লম্বীশিং শেমগৎনবা লম্বীগী প্রোজেক কয়া পায়খৎলে অমসুং পার্তিকুলার্লি ভুলনেরেবল ত্রাইবেল গ্রুপশিংগী য়ুমথোংশিংদা হর ঘর জল য়োজনাগী মখাদা অফবা থক্নবা ঈশিং ফংহল্লে।
প্রধান মন্ত্রীনা হায়খি মদুদি নাথৈবীরবা মীওইশিং মহাক্না লাৎলি। মমাঙগী সরকারশিংগী থৌওংনা মরম ওইদুনা চহি কয়া ত্রাইবেল খুন্নাইশিং তঙাইফদবা মচাকশিং ৱাৎলি। লৈবাক অসিগী ত্রাইবেলশিংনা নম্না তাবা জিলা কয়া চাউখৎপগী খোঙজেলদা মনিংদা লৈহৌরি। মখোয়গী সরকারনা ৱাখল খনবগী মওং অহোংবা পুরক্লে অমসুং মখোয় এস্পিরেসনেল দিস্ত্রিক ওইনা লাউথোক্লে অমসুং মখোয়গী চাউখৎ-থৌরাংগীদমক মতিক চাবা ওফিসারশিং মফমশিং অদুদা থারে। ঙসিদি অসিগুম্বা এস্পিরেসনেল দিস্ত্রিক কয়া চাউখৎপগী তোঙান-তোঙানবা থাকশিংদা অতোপ্পা চাউখৎলবা জিলাশিংদগী হেন্না ফরে। মসিগী কান্নবশিং ত্রাইবেলশিংনা ফংলে।
প্রধান মন্ত্রীনা হায়খি ত্রাইবেলশিং য়াইফনবা থবক পায়খৎপা হায়বসি মতম পুম্নমক্তা ঐখোয়গী সরকারগী মরুওইবনি। অতল জিগী সরকারনা ত্রাইবেল এফেয়ার্সকী তোখায়বা মিনিস্ত্রি অমা শেমখিবনি। হৌখিবা চহি ১০ অসিদা মিনিস্ত্রি অসিগী বজেতকী চাকথুং শরুক ৫ হেনগৎতুনা লুপা করোর ২৫,০০০ দগী লুপা করোর লাখ ১.২৫ তা হেনগৎলে। হন্দক ধর্তি অবা জনজাতিয় গ্রাম উতকার্স অভিয়ান (দাজগুয়া) হৌদোক্তুনা ত্রাইবেল খুঙ্গং ৬০,০০০ হেন্না কান্নবা ফংলে। ত্রাইবেল নহারোলশিং থবক ফংনবা খুদোংচাবশিং পীনবা অমসুং ত্রেনিং পীনবা অমসুং ত্রাইবেলশিংগী খুঙ্গংশিংদা তঙাইফদবা খুদোংচাবশিং পীনবা পান্দমদা স্কিম অসিনা লুপা করোর ৮০,০০০ থাদরে। স্কিম অসিগী মখাদা হোমস্তেশিং শেমগৎনবা ত্রেনিং পীবা অমসুং মতেং পাংবগা লোয়ননা ত্রাইবেল মার্কেত্তিং সেন্তরশিং লিংখৎকনি। মসিনা ত্রাইবেলশিংনা নম্না তাবা মফমশিংদা তুরিজম অমসুং ইকো-তুরিজমগী চাউখৎহনগনি অমসুং ত্রাইবেলশিং য়ুম হোংখিবদগী থিংবা ঙমগনি। ত্রাইবেল হেরিতেচ ঙাক-শেন্নবা সরকারনা পায়খৎলিবা থবকশিং পল্লদুনা, প্রধান মন্ত্রীনা হায়খি ত্রাইবেল কলাকার কয়া পদ্ম মনাশিং পীরে। রাঞ্চিদা ভগবান বিরসা মুন্দাগী মিংদা ত্রাইবেল ম্যুজিয়ম অমা লিংখৎলে অমসুং স্কুলগী মহৈরোয়শিংনা য়েংগদবনি অমসুং মসি থিজিনগদবনি। মধ্য প্রদেসকী চিন্দৱারাদা বাদল ভোইগী মিংদা ত্রাইবেল ম্যুজিয়ম অমা অমসুং মধ্য প্রদেসকী জবলপুরদা রাজা সঙ্কর সাহ অমসুং কুভার রাঘুনাথকী মিংদা ত্রাইবেল ম্যুজিয়মশিং ঙসি শঙ্গারে। ঙসি ভগবান বিরসা মুন্দা ইকায়খুম্নবা উৎপা ওইনা নিংশিং শেনয়েক অমা অমসুং পোস্তেল স্তাম্প মাইখুম হাংদোকপগা লোয়ননা ঙসি শ্রীনগর অমসুং সিক্কিমদা ত্রাইবেল রিছার্স সেন্তর অনি শঙ্গারে। হায়রিবা থবকশিং অসিনা ভারতকী মীয়ামদা ত্রাইবেলশিংগী থৌনা ফবা অমসুং ইকায়খুম্নবা লেপ্তনা নিংশিংহল্লগনি।
ভারতকী মমাংঙৈগী অনা-লায়েংগী থবকশিংদা ত্রাইবেল খুন্নাইনা অচৌবা মতেং অমা পাংলিবা অসিগী মতাংদা, প্রধান মন্ত্রীনা হায়খি তুংগী মীরোলশিংগীদমক অনৌবা থবকশিং হাপচিনবগা লোয়ননা মসিগী হেরিতচ অসি ঙাক-শেল্লে। সরকারনা লেহদা নেসনেল ইন্সতিতুৎ ওফ সোৱা-রিগপা লিংখৎলে, অরুনাচল প্রদেসতা নোর্থ-ইস্তর্ন ইন্সতিতুৎ ওফ অয়ুর্বেদ এন্দ ফোক মেদিসিন রিছার্স ফগৎহল্লে। ৱার্ল্দ হেল্থ ওর্গনাইজেসনগী মখাদা গ্লোবেল সেন্তর ফোর ত্রেদিসনেল মেদিসিন লিংখৎলে অমসুং মসিনা ত্রাইবেলশিংগী থায়নগী অনা-লায়েংগী থবকশিং মখা তানা মালেমগী লৈবাকশিংদা শন্দোকপদা মতেং পাংগনি।
প্রধান মন্ত্রীনা হায়খি মদুদি ঐখোয়গী সরকারনা ত্রাইবেল ফুরুপকী লাইরিক-লাইশু তম্বা, শেন্থোক লম্বী অমসুং হকশেলগী লমদা অকনবা মীৎয়েং চঙলে। মেদিকেল, ইঞ্জিনিয়ারিং, আমর্দ ফোর্সশিং অমসুং এভিএসন্দা ত্রাইবেল অঙাংশিং মাঙজিল থারকপা অসিদা অপেনবা ফাওই। মসি ত্রাইবেলশিংগী লমদমশিংদা হৌখিবা চহি ১০ দা অফবা স্কুলশিং শেমগৎপদগী ওইরকপনি। হৌখিবা চহি ১০ দা মহাক্কী সরকারনা অনৌবা ত্রাইবেল য়ুনিভর্সিতি ২ হাংদোক্লে অমসুং মসি নিংতম্বা মতুং চহি ৬০ ফাওবদা সেন্ত্রেল ত্রাইবেল য়ুনিভর্সিতি অমা খক লৈরম্বা অদুগী মথক্তনি। হৌখিবা চহি ১০ দা ত্রাইবেলশিংগী লমদমশিংদা দিগ্রি অমসুং ইঞ্জিনিয়ারিং কলেজ কয়া অমসুং ইন্দস্ত্রিএল ত্রেনিং ইন্সতিতুৎ (আই তি আই) শিং লিংখৎলে, ত্রাইবেলশিংগী লমদমদা অনৌবা মেদিকেল কলেজ ৩০ লিংখৎলে অমসুং মসিগী মনুংদা বিহারগী জমুইদা অমা য়াওরি। লৈবাক শীনবা থুংনা এক্লাব্যা স্কুল ৭০০০ লিংখৎলে। মেদিকেল, ইঞ্জিনিয়ারিং অমসুং তেক্নিকেল ইজুকেসন তম্বদা ত্রাইবেল মহৈরোয়শিং লোলগী অপনবা অমা থেংনরি। পরিক্ষাশিং মখোয়গী মমালোলদা থাবা য়ানবা সরকারনা থৌরাংশিং পায়খৎলে। হায়রিবা ৱারেপশিং অসিনা ত্রাইবেল মহৈরোয়শিংদা অনৌবা থাজবা অমা পীরে।
হৌখিবা চহি ১০দা ত্রাইবেল শান্নরোয়শিং মালেমগী শান্নবগী থৌরমশিংদা মেদল কয়া ফংলকখিবা অদু থাগৎলদুনা, প্রধান মন্ত্রীনা হায়খি ত্রাইবেলগী লমদমশিংদা শান্নবগী ইনফ্রাস্ত্রকচরশিং ফগৎহন্নবা সরকারনা থবকশিং পায়খৎলে। ত্রাইবেলশিংনা নম্না তাবা লমদমশিংদা খেলো ইন্দিয়া অভিয়ানগী শরুক অমা ওইনা অনৌবা শান্নবুংশিং অমসুং স্পোর্তস কমপ্লেক্সশিং শেমগৎলে। মনিপুরদা ভারতকী অহানবা নেসনেল স্পোর্তস য়ুনিভর্সিতি লিংখৎলে।
প্রধান মন্ত্রীনা হায়খি নিংতম্বা ফংলবা মতুং চহি ৭০ ফাওবা ৱাগা মরী লৈনবা আইনশিং য়াম্না চেকশিনবদগী ত্রাইবেল খুন্নাই খুদোংচাদবা কয়া মায়োক্নখি। মহাক্কী সরকারনা ৱা থাবগা মরী লৈনবা আইনশিং কোমথোকহল্লে। হৌখিবা মতমদা উমংগী পোৎথোক ৮-১০ মিনিমম সপোর্ত প্রাইজ (এম এস পি) গী মখাদা কোনশিনবা অদু হৌজিক উমংগী পোৎথোক ৯০ এম.এস.পিগী মখাদা লৈরে। ঙসি ভারত্তা বন ধন বিকাস কেন্দ্র ৪০০০ শঙ্গাদুনা ত্রাইবেল লৌমী লাখ ১২ রোম মতেং পাংলে। স্কিম অসি লিংখৎপদগী চাউরাক্না ত্রাইবেল নুপী লাখ ২০ রোম লাখপতি দিদি ওইরে। পোল্লাং, শান্নপোৎশিং অমসুং অতোপ্পা হেন্দিক্রাফশিংগুম্বা ত্রাইবেলগী পোৎথোকশিং য়োন্নবা অচৌবা সহরশিংদা ত্রাইবেল হতশিং লিংখৎলে। ত্রাইবেল হেন্দিক্রাফ পোৎথোকশিং ইন্তরনেত্তা য়োন্নবা গ্লোবেল মার্কেতপ্লেস অমা শেমগৎলে। মহাক্না মালেমগী লুচিংবশিং অমসুং শক্নাইরবশিংগা উনবা মতমদা মহাক্না সোহরাই পেন্তিং, ৱারলি পেন্তিং, গোন্দ পেন্তিংগুম্বা ত্রাইবেলগী পোৎথোকশিং অমসুং কলাগী পোৎলমশিং পীখি।
প্রধান মন্ত্রীনা হায়খি সিক্কল সেল এনেমিয়া অসি ত্রাইবেলশিংগী অচৌবা শিংনবা অমা ওইরি। সরকারনা সিক্কল সেল এনেমিয়া মিসন হৌদোক্লে। মিসন অসিগী অহানবা চহিদা, ত্রাইবেল করোর ৪.৫ লায়না অসি লৈবরা হায়না য়েংখ্রে। ত্রাইবেলশিং লায়না অসি মশক খঙদোক্নবা লম থাপ্না চৎতনবা অয়ুস্মান অরোগ্যা মন্দিরশিং শেমগৎলে। মনুং-হুঞ্জিনবা ত্রাইবেলশিংগী মফমশিংদা মোবাইল মেদিকেল য়ুনিতশিং লিংখৎলে। অইং-অশাগী খল হোংলকপা থেংননবা মালেমদা ভারতনা লৌরবা থৌদাং পল্লদুনা, প্রধান মন্ত্রীনা হায়খি মদুদি মসি ত্রাইবেল খুন্নাইশিংনা তম্বীবা গুনশিংনা ঐখোয়গী ৱাখল্লোনশিংগী ময়াইদা লৈরি। ত্রাইবেল খুন্নাইনা মহৌশা অসি ইকায়খুম্নৈ অমসুং ভগবান বিরসা মুন্দাগী ১৫০শুবা মপোক কুমওন থৌরম পাংথোক্নবা বিরসা মুন্দা জনজাতিয় উপবনশিং শেমগৎলগনি। উপবনশিংদা উ পাম্বী লিশিং ৫০০ থাগনি।
মহাক্কী ৱারোল লোইশিল্লকপদা, প্রধান মন্ত্রীনা হায়খি ভগবান বিরসা মুন্দাগী মপোক কুমওন থৌরম অসিনা অচৌবা ৱারেপশিং লৌনবা ঐখোয়দা ইথিল পীরে। অনৌবা ভারত অমা শেমগৎনবা, ত্রাইবেল হেরিতেচ ঙাক-শেন্নবা, মপাঙ্গল কনবা অমসুং শক্তি লৈবা অমসুং নুংঙাই-য়াইফবা ভারত অমা শেমগৎনবা চহিচা কয়া ত্রাইবেল খুন্নাইনা ঙাক-শেন্দুনা থম্লকপশিং খঙনবা ঐখোয় পুন্না থবক তৌমিন্নগদবনি।
থৌরম অদুদা শরুক য়াখিবা শক্নাইরবা মীওইশিংগী মনুংদা বিহারগী রাজ্যপাল শ্রী রাজেন্দ্র অরলেকার, বিহারগী চীফ মিনিস্তর নিতিস কুমার, ত্রাইবেল এফেয়ার্সকী য়ুনিয়ন মিনিস্তর শ্রী জুয়াল ওরাম, এম.এস.এম.ইগী য়ুনিয়ন মিনিস্তর শ্রী জিতন রাম মানঝি, তেক্সতাইলগী য়ুনিয়ন মিনিস্তর শ্রী গিরিরাজ সিংহ, ফুদ প্রোসেসিংগী য়ুনিয়ন মিনিস্তর শ্রী চিরাগ পাসৱান, ত্রাইবেল এফেয়ার্সকী রাজ্য মন্ত্রী শ্রী দুর্গ দাস উইকে য়াওখি।
নুঙগীৱারোল
প্রধান মন্ত্রী শ্রী নরেন্দ্র মোদী বিহারগী জামুইদা চৎকনি। ধর্তি অবা ভগবান বিরসা মুন্দগী ১৫০শুবা মপোক কুমওন থৌরম হৌদোকপগা লোয়ননা জনজাতিয় গৌরব দিবস থৌরম শরুক য়ানবা প্রধান মন্ত্রী শ্রী নরেন্দ্র মোদী বিহারগী জমুইদা চৎখ্রে। প্রধান মন্ত্রীন ভগবান বিরসা মুন্দা ইকায়খুম্নবা উৎপা ওইনা প্রধান মন্ত্রীনা নিংশিং শেনয়েক অমা অমসুং পোস্তেল স্তাম্প মাইখুম হাংদোকখ্রে। ত্রাইবেলশিংগী ফিবম ফগৎনবা অমসুং লমদম অসিগী খুঙ্গং অমসুং মনুং-হুঞ্জিনবা মফমশিংদা ইনফ্রাস্ত্রকচর ফগৎনবা প্রধান মন্ত্রীনা লুপা করোর ৬৬৪০ হেনবগী তোঙান-তোঙানবা চাউখৎ-থৌরাংগী প্রোজেকশিং শঙ্গাখ্রে অমসুং উরেপ-উয়ুং তমখ্রে।
প্রধান মন্ত্রী জনজাতি অদিবাসি ন্যায় মহা অভিয়ান (পি.এম-জনমন)গী মখাদা শাবা য়ুম ১১,০০ গী গ্রিহ প্রভেস প্রধান মন্ত্রীনা শরুক য়াখি। ত্রাইবেলশিংগী লমদমশিংদা অনা-লায়েংগী খুদোংচাবশিং হেন্না ফংহন্নবা মহাক্না পি.এম-জনমনগী মখাদা মোবাইল মেদিকেল য়ুনিতস (এম এম য়ু) ৩৩ অমসুং ধর্তি অবা জনজাতিয় গ্রাম উতকার্স অভিয়ান (দাজগুৱা) গী মখাদা মোবাইল মেদিকেল য়ুনিত ৩০ শঙ্গাখ্রে।
ত্রাইবেল ওন্ত্রেপ্রেন্যুরসিপ চাউখৎনবা অমসুং হিংনবগী লম্বী পীনবা প্রধান মন্ত্রীনা বন ধন বিকাস কেন্দ্র ( ভি দি ভি কে) ৩০০ শঙ্গাখ্রে অমসুং লুপা করোর ৪৫০ রোমগী এক্লাব্যা মোদেল রেসিদেন্সিএল স্কুল ১০ ত্রাইবেল মহৈরোয়শিংদা কৎথোকখ্রে। ত্রাইবেলশিংগী ইনাকখুল্লবা পুৱারি অমসুং হেরিতেচ ঙাক-শেন্নবা মহাক্না মধ্য ছিন্দৱারা অমসুং জবলপুরদা ত্রাইবেল নিংতম লান্মীশিংগী ম্যুজিয়ম অনি অমসুং জম্মু অমসুং কাস্মিরগী শ্রীনগর অমসুং সিক্কিমগী গেংতোক্তা ত্রাইবেল রিছার্স ইন্সতিতুসন অনি শঙ্গাখ্রে।
ত্রাইবেলশিংগী লমদমদা লম্বী-থোং ফগৎনবা কিমি ৫০০গী অনৌবা লম্বীশিংগী পি.এম জনমনগী মখাদা কম্মুনিতি হবশিং ওইনা থবক তৌনবা মল্তি-পর্পজ সেন্তর ১০০ প্রধান মন্ত্রীনা উরেপ-উয়ুং তমখ্রে। মহাক্না ত্রাইবেল মহৈরোয়শিংদা মগুন লৈবা লাইরিক-লাইশু তম্বগী খুদোংচাবা মখা তানা ফংহন্নবা লুপা করোর ১,১১০ রোমগী এক্লাব্যা মোদেল রেসিদেন্সিএল স্কুল ২৫ শানবা উরেপ-উয়ুং তমখ্রে।
প্রধান মন্ত্রীনা সেঙ্কসন তৌখিবা তোঙান-তোঙানবা চাউখৎ-থৌরাংগী প্রোজেকশিংগী মনুংদা পি.এম-জনমনগী মখাদা লুপা কারোর ৫০০ রোমগী অনৌবা অৱাস ২৫,০০০ অমসুং ধর্তি অবা জনজাতিয় গ্রাম উতকার্স অভিয়ানগী মখাদা লুপা করোর ১৯৬০ রোমগী অৱাস লাখ ১.১৬; পি.এম-জনমনগী মখাদা হোস্তেল ৬৬ অমসুং ধর্তি অবা জনজাতিয় গ্রাম উতকার্স অভিয়ানগী মখাদা লুপা করোর ১১০০ হেনবগী হোস্তেল ৩০৪; অনৌবা মল্তি পর্পজ সেন্তর ৫০; পি.এম-জনমনগী মখাদা মোবাইল মেদিকেল য়ুনিত ৫৫ অমসুং অঙ্গনৱাদি সেন্তর ৬৫; ধর্তি অবা জনজাতিয় গ্রাম উতকার্স অভিয়ানগী মখাদা লুপা করোর ৫০০ গী সিক্কল সেল এনেমিয়া মুৎথৎনবা সেন্তর ওফ কম্পেতেন্সি ৬ অমসুং অশ্রাম স্কুলশিং, হোস্তেলশিং, সরকারগী রেসিদেন্সিএল স্কুলশিং ফগৎহন্নবা প্রোজেক ৩৩০ য়াওরি।
Click here to read full text speech
आदिवासी समाज वो है, जिसने राजकुमार राम को भगवान राम बनाया।
— PMO India (@PMOIndia) November 15, 2024
आदिवासी समाज वो है, जिसने भारत की संस्कृति और आज़ादी की रक्षा के लिए सैकड़ों वर्षों की लड़ाई को नेतृत्व दिया: PM @narendramodi pic.twitter.com/UNHnVHfqb3
पीएम जनमन योजना से, देश की सबसे पिछड़ी जनजातियों की बस्तियों का विकास सुनिश्चित हो रहा है: PM @narendramodi pic.twitter.com/Bbs9PV1P1S
— PMO India (@PMOIndia) November 15, 2024
आदिवासी समाज का भारत की पुरातन चिकित्सा पद्धति में भी बहुत बड़ा योगदान है। pic.twitter.com/Cij2iwIVRl
— PMO India (@PMOIndia) November 15, 2024
जनजातीय समाज की पढ़ाई, कमाई और दवाई, इस पर हमारी सरकार का बहुत जोर है: PM @narendramodi pic.twitter.com/hmI6yMzwnN
— PMO India (@PMOIndia) November 15, 2024
भगवान बिरसा मुंडा की 150वीं जन्म जयंती के उपलक्ष्य में, देश के आदिवासी बाहुल्य जिलों में बिरसा मुंडा जनजातीय गौरव उपवन बनाए जाएंगे: PM @narendramodi pic.twitter.com/0jEqZIpoU2
— PMO India (@PMOIndia) November 15, 2024
