প্রধান মন্ত্রী শ্রী নরেন্দ্র মোদী ওগস্ত ২২,২০২৩দা জোহেন্সবার্গতা ব্রিক্স বিজিনেস ফোরম লিদর্স দাইলোগ শরুক য়াখ্রে।
ব্রিক্স বিজিনেস ফোরমগী মতাংদা লুচিংবশিংনা ৱাফম কয়া খন্নখি।
ললোন-ইতিক পাংথোকপা লাইহন্নবা, খুন্নাইগী অমসুং শেন-থুমগী অৱাবশিং কোকহন্নবা তেক্নোলোজিদা য়ুম্ফম ওইবা পাম্বৈশিং য়াওনা ভারতনা পায়খৎলিবা তোঙান-তোঙানবা অওনবশিংগী মতাংদা প্রধান মন্ত্রীনা পাউদমখি। ভারতকী চাউখৎপগী খোঙচৎতা শরুক য়ানবা প্রধান মন্ত্রীনা ব্রিক্স বিজিনেস লুচিংবশিংদা খঙহনখি।
অৱা-অনা খাঙবা ঙম্বা অমসুং পুম্নমক কোনশিনবা সপ্লাই চেনশিংগী মরুওইবা অদু কোবিদনা ঐখোয়দা খঙহল্লে হায়না প্রধান মন্ত্রীনা ফোঙদোকখি অমসুং হিরম অসিদা অমনা অমবু থাজনবা অমসুং অরোন-অথুপ লৈহন্দবা য়াম্না মরুওই হায়না তকশিনখি।
অপুনবা ওইনা ব্রিক্সনা মালেমগী য়াইনবা, মরুওইনা গ্লোবেল সাউথকী থবক কয়া শিংথাবা য়ানা পায়খৎনবা মহাক্না তকশিনখি।
