প্রধান মন্ত্রীদা প্রিন্সিপাল সেক্রেতরী ওইনা লৈরিবা দা. পি.কে মিশ্রানা এমপোক্সকী শেম শারিবশিং হন্না য়েংশিন্নবগী অৱাংবা থাক্কী মীফমদা ময়াই তাংবল লৌখি
খুদক্তা খঙদোক্নবা সর্ভিলেন্স হেনগৎনবা পাউতাক পীখিতেস্তিং লেবশিং শীজিন্নবা য়ারবা মওংদা থম্লগনিলাইনা অসিদগী ঙাকথোক্নবা মীয়ামগী ওইবা হকশেলগী থৌরাংশিংগা মরী লৈননা মীয়াম ভাপ তাহন্নবা কেম্পেনশিং পায়খৎলগনিপ্রধান মন্ত্রী, শ্রী নরেন্দ্র মোদীনা এমপোক্সকী ফিভম মখা তানা য়েংশিল্লি।
প্রধান মন্ত্রী শ্রী নরেন্দ্র মোদীনা পাউতাক পীবগী মতুং ইন্না, প্রধান মন্ত্রীদা প্রিন্সিপাল সেক্রেতরী ওইনা লৈরিবা দা. পি.কে মিশ্রানা এমপোক্সকী শেম শারিবশিং অমসুং মসিগা মরী লৈনবা মীয়ামগী হকশেলগী ফিভম হন্না য়েংশিন্নবগী অৱাংবা থাক্কী মীফমদা ময়াই তাংবল লৌখি।
মসিমসু পনবা য়াই মদুদি ৱার্ল্দ হেল্থ ওর্গানাইজেসন (WHO) না অমুক্কা হন্না এমপোক্সপু পব্লিক হেল্থ এমর্জেন্সী ওব ইন্তরনেসনেল কন্সর্ন (PHEIC) অমা ওইনা ওগস্ত ১৪, ২০২৪ দা মসিনা অফ্রিকাগী শরুক কয়াদা পাক শন্না শন্দোক্লকপদগী লাউথোকখি। WHO দগী থোকপা মমাংগী ৱারোলগী মতুং ইন্না, মালেমগী ওইনা ২০২২ দগী লৈবাক ১১৬দগী কেস ৯৯,১৭৬ ফংখি অমসুং মীওই ২০৮ এমপোক্সনা মরম ওইদুনা শিবগী রিপোর্ত লৈরি। মসিগী মতুং তারকপদা, মখোয়া এমপোক্স অসি দিমোক্রেতিক রিপব্লিক ওব কোঙ্গোদা তপ্না তপ্না হেনগৎলকখি হায়না পল্লি। মমাং চহিদা, রিপোর্ত তৌরকপা কেস মশীং কা হেন্না ৱাংখৎলকখি, অমসুং রিপোর্ত তৌরকখিবা কেস মশীং অসি চহি অসিদা মমাং চহিগী অপুনবদুদগী হেন্দুনা কেস ১৫,৬০০ লৈখি অমসুং মীওই ৫৩৭ শিখ্রে। WHO না পব্লিক হেল্থ এমর্জেন্সী ওব ইন্তরনেসনেল কন্সর্ননি হায়না ২০২২ দা লাউথোকখিবদগী কেস ৩০ ভারত্তা রিপোর্ত তৌরকখি। এমপোক্সকী অরোইবা কেস অসি মার্চ ২০২৪ দা ফংখি।
অৱাংবা থাক্কী মীফম অমদা পাউদমখি মদুদি হৌজিক্কী ওইনা লৈবাক অসিদা এমপোক্সকী রিপোর্ত অমত্তা লাক্ত্রি। হৌজিক লৈরিবা এসেস্মেন্তকী মতুং ইন্না, চাউনা শন্দোকপগী অকিবদি নেম্মি।
প্রধান মন্ত্রীগী প্রিন্সিপাল সেক্রেতরীদা পাউদমখি মদুদি এমপোক্স ইনফেক্সন অসি চয়োল ২-৪ ফাওবা লৈবা মশানা হঞ্জবা লাইনা ওইনা তৌই; এমপোক্স নারবা মীওইশিং অসি মশানা সপ্পোর্তিব মেদিকেল কেয়র অমসুং মেনেজমেন্তকা লোইননা ফগৎলকই। এমপোক্স ত্রান্সমিসন অসি নারবা মীওইশিংগা কুইনা শাংনা নকনা লোইনরুবদগী থোকই। মসি অনাবদুগা হকতিন্নবা, হকচাং/লেসন ওইবা মহীশিংগা হকথেংননা শম্নরুবা নৎত্রগা অনাবগী মহিক পক্লবা ফিরোল/লিনেনগা শম্নবদগী শন্দোকই।
হকশেল সেক্রেতরীনা মসিমসু পাউদমখি মদুদি মখাগী খোঙথাংশিং অসি মমাং চয়োলদা মাংজৌননা লৌখৎখ্রেঃ
- অখঙ অহৈশিংগী মীফম অমা নেসনেল সেন্তর ফোর দিজিজ কন্ত্রোল (NCDC) দা ওগস্ত ১২, ২০২৪ দা ভারতনা কিনিংঙাই ওইবগী চাং য়েংশিন্নবা ফমখি।
- কম্ম্যুনিকেবল দিজিজ (সি.দি.) এলর্ত ওন এমপোক্স অমা NCDC না লাউথোকখিবদু অনৌবা ফিভম য়েংশিন্নবা অপদেত তৌখি।
- ইন্তর্নেসনেল এয়রপোর্ত (পোর্ত এন্ত্রী)দা লৈরিবা হকশেলগী তীমশিং ভাপ তাহন্নবা থবক পায়খৎলে।
মসিমসু ঙসি অয়ুক্তা পাউদমখি মদুদি, দিরেক্তর জেনরেল হেল্থ সর্ভিস (DGHS) না মীওই ২০০ গী মথক্তা শরুক য়াবগা লোইননা ভিদিও কনফরেন্স অমা পাঙথোকখি। রাজ্যগী থাক্তা লৈবা হকশেলগী ওথোরিতীশিং য়াওনা রাজ্যদা অমসুং পোর্ত ওব এন্ত্রীদা অসিনচিংবদা লৈরিবা ইন্তিগ্রেতেদ দিজিজ সর্ভিলেন্স প্রোগ্রাম (আই.সি.এস.পি.) য়ুনিতশিংসু হীরম অসিগী মতাংদা ভাপ তাহনখ্রে।
প্রধান মন্ত্রীগী প্রিন্সিপাল সেক্রেতরী, দা. পি.কে. মিশ্রানা খুদক্তা খঙদোক্নবা সর্ভিলেন্স হেনগৎনবা পাউতাক পীখি। মহাক্না মখা তানা পাউতাক পীখি মদুদি তেস্তিং লেবোরেতরী নেৎৱার্কশিংসু ঙন্না দাইএগনোস তৌনবা খোঙজেল য়াঙখৎহল্লগনি। হৌজিক্কী ওইনা লেব ৩২তা তেস্ত তৌনবা খুৎলাই হাপ্লে।
দা. পি.কে. মিশ্রানা লাইনা অসিবু ঙাকথোক্নবা অমসুং লাইয়েংনবগী প্রোতোকোলশিং পাক শন্না শন্দোক্কদবনি হায়খি মহাক্না মখা তারদুনা লাইনা অসিগী খুদম চাংদমশিংগা মরী লৈননা অমসুং মতম চানা সর্ভিলেন্স তৌনবগী মতাংদা হেল্থ কেয়র প্রোভাইদরশিংগী ওইবা ভাপ তাহন্নবগী কেম্পেন অমা পাঙথোকপগী তঙাইফদবগী মতাংদা ফোংদোকখি।
মীফম অদুদা দা. ভি.কে. পাউল, মেম্বর নিতি , শ্রী অপুর্ব চন্দ্র, সেক্রেতরী (হকশেল অমসুং য়াইফ য়ুম্বাল মন্ত্রালয়), দা. রজিব বাল, সেক্রেতরী (হকশেল রিসর্চ), শ্রী কৃষ্ণ এস ভতসা, মেম্বর সেক্রেতরী (নেসনেল দিজাস্তর মেনেজমেন্ত ওথোরিতী), শ্রী সঞ্জয় জাজু, সেক্রেতরী (ইনফোর্মেসন ব্রোদকাস্তিং) অমসুং শ্রী গোবিন্দ মোহন, হোম সেক্রেত্রী দেজিগনেতকা লোইননা অতৈ মন্ত্রালয়শিংগী ওফিসরশিংসু শরুক য়াখি।
