Quoteকোচি ৱাতর মেত্রো কত্থোকখ্রে
Quoteতিরুবনন্তপুরমদা তোঙান-তোঙানবা রেল প্রোজেক্তশিং অমসুং দিজিতেল সাইন্স পার্ক্কী উরেপ-উয়ুং তমখ্রে
Quote“কেরালাগী অহানবা ভন্দে ভারত এক্সপ্রেস, কোচিগী ৱাতর মেত্রো অমসুং ঙসি হৌদোকখিবা অতোপ্পা থৌশিলশিংনা রাজ্য অসিগী চাউখৎ খোঙচৎতা শাহৌ পীরগনি”
Quote“কেরালাগী মীয়ামগী হোৎনবা কনবা অমসুং নোলুকপা মতৌ অসিনা মখোয়দা তোপ-তোপ্পা শক্তাক অমা পীখি”
Quote“ভারত অসি গ্লোবেল মেপতা অচৌবা মফম অমা কল্লি”
Quote“সরকারনা কোওপরেতিব ফেদরেলিজমদা মীৎয়েং চংখি অমসুং রাজ্যশিংগী চাউখৎ-থৌরাংবু লৈবাক্কী চাউখৎনবগী মরম ওইনা লৌখি”
Quote“ভারতনা অমুক্তা ওইখিদ্রিবা খোঙজেল অমসুং স্কেলদা খুমাং চাউশিল্লি”
Quote“কন্নেক্তিবিতীদা তৌখিবা ইনভেস্তমেন্তশিংনা সর্ভিসেসকী স্কোপ পাকথোক চাউথোকহনবা খক্তা নত্তনা জাৎ-বিজাৎ অমসুং লায়রা ইনাক খুনবগী খেন্নবা থমদনা অরাপ্পা হন্থহল্লি অমসুং তোঙান-তোঙানবা কলচরশিংবু শম্নহল্লি”
Quote“জি২০ মীফমশিং অমসুং ইভেন্তশিংনা কেরালাদা গ্লোবেল এক্সপোজর ফংহল্লি”
Quote“কেরালাদা চাউখৎ-থৌরাং য়াওজবা কলচর, কুজিন অমসুং ক্লাইমেৎ লৈজৈ”
Quote“মন কী বাত চামা শুরকপা অসি লৈবাক শেমগৎনবগীদমক অমসুং এক ভারত শ্রেস্থ ভারতকী ৱ

প্রধান মন্ত্রী, শ্রী নরেন্দ্র মোদীনা ঙসি কেরালাগী তিরুবনন্তপুরমদা লৈবা সেন্ত্রেল স্তেদিয়মদা লুপা করোর ৩২০০ হেনবগী তোঙান-তোঙানবা চাউখৎ-থৌরাংগী প্রোজেক্তশিং উরেপ-উয়ুং তমখ্রে অমসুং জাতিদা কত্থোকখ্রে। প্রোজেক্তশিং অসিদা কোচি ৱাতর মেত্রো জাতিদা কত্থোকপা, তিরুবনন্তপুরমদা তোঙান-তোঙানবা রেল প্রোজেক্তশিং অমসুং দিজিতেল সাইন্স পার্ক্কী উরেপ-উয়ুং তম্বা য়াওখি। নুমিৎ অসিগী অঙনবদা প্রধান মন্ত্রীনা তিরুবনন্তপুরম অমসুং কাসরগোদকী মরক্তা চেনগদবা কেরালাগী অহানবা ভন্দে ভারত এক্সপ্রেস লমথাখি।

থৌরম অসিদা ৱা ঙাংলদুনা প্রধান মন্ত্রীনা মীয়ামদা বিশুগী য়াইফ পাউজেল পীখি। ঙসিগী প্রোজেক্তশিংগী মতাংদা পল্লদুনা প্রধান মন্ত্রীনা রাজ্য অসিগী অহানবা ভন্দে ভারত এক্সপ্রেস কোচিগী অহানবা ৱাতর মেত্রো অমসুং তোঙান-তোঙানবা রেলৱে দিবেলপমেন্তশিং য়াওনা কেরালাগী চাউখৎ-থৌরাং অমসুং কন্নেক্তিবিতীগা মরী লৈনবা তোঙান-তোঙানবা প্রোজেক্তশিং ঙসি হৌদোকখি হায়না ফোঙদোকখি। মহাক্না চাউখৎ-থৌরাংগী প্রোজেক্তশিং অসিগীদমক কেরালাগী প্রজাশিংদা নুংঙাইবা ফোঙদোকখি।

 

|

কেরালাগী এজুকেসন অমসুং এৱের্নেস লেবেলগী মতাংদা প্রধান মন্ত্রীনা হায়খি কেরালাগী মীয়ামগী হোৎনবা কনবা অমসুং নোলুকপা মতৌনা মখোয়দা তোপ-তোপ্পা শক্তাক অমা পীখি। মহাক্না হায়খি কেরালাগী মীয়াম অসি মালেমগী ওইরিবা ফীভম খঙবা ঙম্বগী মতিক চেল্লি অমসুং খুদোংচাদ্রবা মতমগী মরক্তা চাউখৎ খোঙচৎতা অচৌবা মফম অমা ভারতনা করম্না কনবা ঙমখিবা অমসুং ভারতকী চাউখৎ-থৌরাংগী ৱাশক অসি মালেম শিনবা থুংবনা শকখঙলিবা অসিবু মখোয়না থাগৎলি।

প্রধান মন্ত্রীনা লৈবাক্কী য়াইফনবা খোঙলৈ থুনা অমসুং অচৌবা ৱারেপশিং লৌবা ঙম্বা কেন্দ্রদা লৈরিবা দেসিসিব গভর্নেমন্ত অসিদা মালেমনা থাজবা থম্মিবা, ভারতকী ইনফ্রাস্ত্রকচর মপাঙ্গল কনখৎহন্নবা অমসুং মতমগা চুনবা ওইহন্নবা অমুক্তা ওইখিদ্রিবা মওংদা ইনভেস্তমেন্ত তৌবা, নহাশিংগী স্কিল সেৎ হেনগৎহন্নবা মাইকৈদা ইনভেস্তমেন্তশিং তৌবা অমসুং কেন্দ্র সরকারনা ইজ ওফ লিবিং অমসুং ইজ ওফ দুইং বিজিনেসকী ফিরেপ লৌবা অসিবু থাগৎখি। মহাক্না মখা তারদুনা হায়খি সরকার অসিনা কোওপরেতিব ফেদরেলিজমদা মীৎয়েং চংখি অমসুং রাজ্যশিংগী চাউখৎ-থৌরাংবু লৈবাক্কী চাউখৎ-থৌরাং ওইনা খল্লি। প্রধান মন্ত্রীনা হায়খি, “ঐখোয়না সর্ভিস-ওরিয়েন্তেদ এপ্রোচ অমগা লোয়ননা থবক তৌরি। করিগুম্বা খুমাং চাউশিনবা তারবদি লৈবাক অসিনা হেন্না খোঙজেল য়াংনা চাউখৎপা ঙমগনি”।

প্রধান মন্ত্রীনা হায়খি লৈবাক অসিনা খুমাং চাউশিল্লিবা অসিগী মরমশিংগী মনুংদা মীরৈবাক্তা লৈবা কেরালা মচাশিংদা কান্নবা ফংহনখিবা কেন্দ্র সরকারগী আউৎরীচকী খোঙথাংশিং অসিনা ওইখি। ভারতকী মতিক-ময়াই হেনগৎলকপা অসিনা ভারতকী দাইস্পোরাদা চাউনা মতেং পাংলি হায়না মহাক্না ফোঙদোকখি।

 

|

প্রধান মন্ত্রীনা হায়খি হৌখিবা চহি ৯দা অমুক্তা ওইখিদ্রিবা খোঙজেল অমসুং স্কেলদা কন্নেক্তিবিতী ইনফ্রাস্ত্রকচরগী থবক পাইখৎখি। মহাক্না হায়খি চহি অসিগী বজেৎ অসিদসু ইনফ্রাস্ত্রকচরদা লুপা করোর লাখ ১০ হেন্না চাদিং তৌনবা প্রপোজ তৌখি। মহাক্না হায়, “লৈবাক্কী পব্লিক ত্রান্সপোর্ত অমসুং লোজিস্তিক্স সেক্তর অসি মপুং ফানা অওনবা পুরকখি। ঐখোয়না ইন্দিয়ন ৱেলৱেজকী গোল্দন এজকী মাইকৈদা চংশিল্লি” অমসুং ২০১৪গী মমাংদা লৈরম্বা রেল বজেৎকী চাংচৎ অসি হৌজিক্তি শরুক মঙা হেনগৎহনখি।

হৌখিবা চহি ৯দা কেরালাদা পাইখৎখিবা রেলৱেগী চাউখৎ-থৌরাংগী মতাংদা প্রধান মন্ত্রীনা গেজ কনভর্জন, দব্লিং, অমসুং রেলৱে ত্রেকশিং ইলেক্ত্রিফিকেসন তৌবগা মরী লৈনবা থবক তৌখিবা অদু ফোঙদোকখি। মহাক্না হায়খি মলতিমোদেল ত্রান্সপোর্ত হব অমা ওইহন্নবা বিজনগা লোয়ননা কেরালাদা মরু ওইবা রেলৱে স্তেসন অহুম নৌনা শেমগৎনবগী থবক ঙসি হৌদোকখি। সেমি-হায় স্পীদ ত্রেনশিং লায়না চেলহনবা ওইথোকহল্লিবা ভারতকী রেল নেৎৱার্ক্তা অওনবা পুরক্লিবা অসিগী মতাংদা পল্লদুনা প্রধান মন্ত্রীনা হায়খি, “ভন্দে ভারত এক্সপ্রেস অসি এস্পিরেস্নেল ইন্দিয়াগী শক্তাক্নি”।

প্রধান মন্ত্রীনা হায়খি হৌজিক ফাওবদা চেল্লিবা ভন্দে ভারত ত্রেনশিংনা কলচরেল, স্পিরিচুএল অমসুং তুরিজমগী মরু ওইবা মফমশিংগী শম্নহল্লি। মহাক্না হায়খি, “কেরালাগী অহানবা ভন্দে ভারত ত্রেন্না নোর্থ কেরালা অমসুং সাউথ কেরালা শম্নহল্লগনি। ত্রেন অসিনা কোল্লম, কোত্তায়ম, এরনাকুলম, ত্রিসুর অমসুং কন্নুরগুম্বা তীর্থ য়াত্রাগী মফমশিংদা চৎথোক চৎশিন তৌবদা লায়হল্লগনি”। মহাক্না মোদর্ন ত্রেন্না অকোইবদা পীরিবা কান্নবশিংগী মতাংদসু ফোঙদোকখি। প্রধান মন্ত্রীনা হায়খি সেমি-হায় স্পীদ ত্রেনশিংগীদমক তিরুবনন্তপুরম-শোরানুর সেক্সন শেমগৎনবা ঙসি থবক হৌখি। প্রধান মন্ত্রীনা মখা তারদুনা হায়খি, লোইশিল্লকপদা তিরুবনন্তপুরমদগী মেঙ্গলুরু ফাওবা সেমি-হায় স্পীদ ত্রেনশিং চেনবা য়ারগনি।

প্রধান মন্ত্রীনা হায়খি ইনফ্রাস্ত্রকচরগা মরী লৈননা লমদম অসিগী মথৌ তাবগী মতুং ইন্না  মেন ইন ইন্দিয়া সোল্যুসনশিং পীনবা হোৎনরি। কন্নেক্তিবিতীগীদমক সিচুএসন-স্পেসিফিক সোল্যুসনশিং উৎনবা মহাক্না সেমি-হাইব্রিদ ত্রেন, রিজনেল রেপিদ ত্রান্সপোর্ত সিস্তেম রো-রো ফেরী অমসুং রোপৱেগুম্বা সোল্যুসনশিং পনখি। মহাক্না মেদ ইন ইন্দিয়া ভন্দে ভারতঅমসুং মেত্রো কোচশিংগী ইন্দিজিনস ওরিজিনশিংগী মতাংদসু ফোঙদোকখি। মহাক্না মেত্রো-লাইৎ অমসুং অর্বান রোপৱেগুম্বা অপীকপা সহরশিংদা পাইখৎলি হায়না ফোঙদোকখি।

 

|

প্রধান মন্ত্রীনা কোচি ৱাতর মেত্রো অসি মেদ ইন ইন্দিয়া প্রোজেক্ত অমনি হায়খি অমসুং  হায়রিবা অসিগীদমক হীথাংফমশিং শেমগৎপগীদমক কোচি শিপয়ার্দপু থাগৎখি। মহাক্না হায়খি কোচি ৱাতর মেত্রোনা কোচিগী মনাক নকপদা লৈবা ঈথৎ মচাশিংদা লৈরিবা মীয়ামগীদমক মতমগা চুনবা অমসুং অহোংবা চৎথোক-চৎশিন তৌনবা পাম্বৈ ওইরগনি অমরোমদা বস তর্মিনেল অমসুং মেত্রো নেৎৱার্ক্কী মরক্তা ইন্তরমোদেল কন্নেক্তিবিতীসি ফংহল্লগনি। প্রধান মন্ত্রীনা মখা তারদুনা হায়খি মদুদু মসিনা সহর অসিদা ত্রাফিক চিনবা হন্থহনবা খক্তা নত্তনা রাজ্য অসিগী বেকৱাতর তুরিজমদা কান্নবা পীরগনি। মহাক্না কোচি ৱাতর মেত্রোনা লৈবাক্কী অতোপ্পা রাজ্যশিংগীদমক মোদেল অমা ওইরগনি হায়না থাজবা ফোঙদোকখি।

ফিজিকেল কন্নেক্তিবিতীগা লোয়ননা দিজিতেল কন্নেক্তিবিতীসু লৈবাক অসিনা মরু ওইনা লৌরি হায়না শ্রী মোদীনা নৌনা ফোঙদোকখি। মহাক্না হায়খি তিরুবনন্তপুরমদা লৈবা দিজিতেল সাইন্স পার্ককুম্বা প্রোজেক্তশিংনা দিজিতেল ইন্দিয়াদা ইনোৎ অমা হাপলগনি। মহাক্না হায়খি ভারতকী দিজিতেল সিস্তেবু মালেমনা থাগৎনরি। মহাক্না হায়, “ইন্দিজিনস ওইনা দিবেলপ তৌবা ৫জিনা সেক্তর অসিদা অনৌবা খুদোংচাবশিং পীরগনি”।

প্রধান মন্ত্রীনা কন্নেক্তিবিতীদা তৌখিবা ইনভেস্তমেন্তশিংনা সর্ভিসশিংগী স্কোপ হেনগৎহনবা খক্তা নত্তনা জাৎ-বিজাৎ অমসুং লায়রা ইনাক খুনবগী মরক্তা খেন্নবা থমদনা অরাপ্পা হন্থহল্লি অমসুং তোঙান-তোঙানা কলচরশিংবু শম্নহল্লি হায়না ফোঙদোকখি। মহাক্না হায়বখি চাউখৎ-থৌরাংগী অচুম্বা মোদেল অদু ভারত শিনবা থুংবদা উবা ফংলি অমসুং মসিনা ‘এক ভারত শ্রেস্থ ভারত’কী ৱাখল্লোন মপাঙ্গল কনখৎহল্লি।

প্রধান মন্ত্রীনা হায়খি কেরালানা লৈবাক অমদি মালেমদা শরুক তম্না কয়া অমা লৈরি। প্রধান মন্ত্রীনা হায়খি, “কেরালাগী কলচর, কুজিন অমসুং ক্লাইমেৎ অসি চাউখৎপগী মতিক-ময়াইগী হৌরকফম ওইজরি”। কুমারাকোমদা হন্দক্তা পাঙথোকখিবা জি২০গী মীফমগী মতাংদা প্রধান মন্ত্রীনা হায়খি অসিগুম্বা ইভেন্তশিংনা কেরালাদা গ্লোবেল এক্সপোজর হেন্না ফংহল্লি।

প্রধান মন্ত্রীনা রাগী পত্তুগুম্বা কেরালাগী মমিং লৈরবা শ্রী অন্নাস (চনান)গী মতাংদা পনখি। শ্রী মোদীনা মীপুম খুদিংমক্তা লমদম অসিগী পোত্থোকশিংগী মতাংদা ভোকেল ওইনবা হায়খি। মহাক্না হায়খি, “ঐখোয়গী প্রদক্তশিংনা গ্লোবেল মার্কেৎশিংদা য়ৌরবা মতমদা বিক্ষিৎ ভারতকী লম্বী মপাঙ্গল কনখৎলক্কনি”।

|

মন কী বাত প্রোগ্রামদা প্রজাশিংগী মাইপাকপশিংগী মতাংদা ৱা ঙাংখিবগী মতাংদা প্রধান মন্ত্রীনা হায়খি মহাক্না ‘ভোকেল ফোর লোকেল’ প্রমোৎ তৌনবা পান্দমগা লোয়ননা কেরালাগী সেল্ফ-হেল্প গ্রুপশিংনা শাখিবা প্রদক্তশিংগী মতাংদা তোইনা পনখি। মহাক্না হায়খি ‘মন কী বাত’না লাক্লিবা নোংমাইজিং নুমিৎতা তাঙ্কক চামা মপুং ফারগনি অমসুং মসিবু লৈবাক শেমগৎনবা লোয়ননা ‘এক ভারত শ্রেস্থ ভারত’কী ৱাখল্লোন্দা শরুক তম্লিবা প্রজা পুম্নমক্তা কত্থোকখি। প্রধান মন্ত্রীনা লোইশিনবদা হায়খি মদুদি বিক্ষিৎ ভারত অমা শেমগৎনবগীদমক মীপুম খুদিংমক্না মখোয় মশাবু কত্থোক্কদবনি।

থৌরম অসিদা কেরালাগী রাজ্যপাল, শ্রী অরিফ মোহম্মদ খান, কেরালাগী মুখ্য মন্ত্রী, শ্রী পিনারায়ি বিজায়ন, রেলৱেজকী কেন্দ্র মন্ত্রী, শ্রী অশ্বিনি বৈশ্নো, কেন্দ্রগী রাজ্য মন্ত্রী, শ্রী ভি. মুরালীধরন, তিরুবনন্তপুরমগী মেম্বর ওফ পার্লিয়ামেন্ত, দা. শাশি থারুর অমসুং কেরালা সরকারগী মন্ত্রীশিংনা শরুক য়াখি।

বেকগ্রাউন্দ

প্রধান মন্ত্রীনা ঙসি লুপা করোর ৩২০০ হেনবগী তোঙান-তোঙানবা প্রোজেক্তশিং উরেপ-উয়ুং তমখ্রে অমসুং জাতিদা কত্থোকখ্রে। প্রধান মন্ত্রীনা কোচি ৱাতর মেত্রো জাতিদা কত্থোক্কনি। কোচি সহরগা অপনবা লৈতনা ফাওননবা বেত্তরীনা চল্লাইবা ইলেক্ত্রিক হাইব্রিদ বোৎশিংগী খুত্থাংদা কোচিগী অকোইবদা লৈরিবা ঈথৎ ১০গা শম্নহন্নবা অনৌবা মখলগী প্রোজেক্ত অমনি।

 

|

কোচি ৱাতর মেত্রোগী মথক্তা প্রধান মন্ত্রীনা দিন্দিগুল-পালানি-পালক্কাদ সেক্সনগী রেল ইলেক্ত্রিফিকেসন তৌখিবা অদুসু কত্থোকখ্রে। থৌরম অসিদা প্রধান মন্ত্রীনা তিরুবনন্তপুরম, কোচিকোদ, বরকালা সিবাগিরি রেলৱে স্তেসনশিং নৌনা শেমগৎপা য়াওনা তোঙান-তোঙানবা রেল প্রোজেক্তশিং; নেমোম অমসুং কোচুবেলী য়াওনা তিরুবনন্তপুরমগী কমপ্রিহেন্সিব দিবেলপমেন্ত অমসুং তিরুবনন্তপুরম-শোরানুর সেক্সনগী সেক্সনেল স্পীদ হেনগৎহনবা হায়রিবশিং অসিগী উরেপ-উয়ুংসু তমখ্রে।

মসিগী মথক্তা প্রধান মন্ত্রীনা তিরুবনন্তপুরমদা দিজিতেল সাইন্স পার্ক্কী উরেপ-উয়ুং তমখ্রে। দিজিতেল সাইন্স পার্কনা একাদেমিয়াগা লোয়ননা চুংশীন্নদুনা ইন্দস্ত্রী অমসুং বিজিনেস য়ুনিৎশিংনা দিজিতেল প্রদক্তশিং অমসুং সর্ভিসেস দিবেলপ তৌনবা মরু ওইবা রিসর্চ ফেসিলিতী ওইহন্নবা পান্দম থম্মি। থর্দ জেনরেসন সাইন্স পার্ক ওইনা দিজিতেল সাইন্স পার্কনা এ.আই., দেতা এনলাইতিক্স, সাইবর সেক্যুরিতী, স্মার্ত মেতরিএলশিংনচিংবা ইন্দস্ত্রী ৪.০ তেক্নোলোজীজকী লমদা প্রোজেক্তশিং দিবেলপ তৌবদা সপ্পোর্ত তৌনবা কম্মন ফেসিলিতীশিং লৈরগনি। স্তেৎ ওফ দি আর্ত বেসিক ইনফ্রাস্ত্রকচরনা য়ুনিভর্সিতীশিংগা খুৎশম্নদুনা ইন্দস্ত্রীশিংনা হায় এন্দ এপ্লাইদ রিসর্চ তৌবা অমসুং প্রদক্তশিং কো-দিবেলপ তৌবদা মতেং পাংগনি। প্রোজেক্ত অসিগী অহানবা ইনভেস্তমেন্ত অসি লুপা করোর ২০০রোম ওই অমরোমদা অপুনবা প্রোজেক্ত আউৎলে অসিনা লুপা করোর ১৫১৫রোম ওইরা য়াই পান্নরি।

 

ৱা ঙাংখিবগী মপুংফাবা ৱারোল পানবা মসিদা নম্বীয়ু

  • krishangopal sharma Bjp January 01, 2025

    नमो नमो 🙏 जय भाजपा 🙏🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹
  • krishangopal sharma Bjp January 01, 2025

    नमो नमो 🙏 जय भाजपा 🙏🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹
  • krishangopal sharma Bjp January 01, 2025

    नमो नमो 🙏 जय भाजपा 🙏🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹
  • Raj kumar Das VPcbv April 28, 2023

    नया भारत विकसित भारत💪✌️✌️
  • April 27, 2023

    Can you bring POK for India?
  • April 27, 2023

    Can you implement only transaction tax in place of all other taxes?
  • April 27, 2023

    We are expecting some special actions on cast wise reservation. If you can
  • Vishal Johny April 26, 2023

    Congratulations sir
  • PRATAP SINGH April 26, 2023

    👇👇👇👇👇👇 मोदी है तो मुमकिन है।
  • Tala Sumitraben April 26, 2023

    great work sir 👍
Explore More
প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল

Popular Speeches

প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল
We've to achieve greater goals of strong India, says PM Narendra Modi

Media Coverage

We've to achieve greater goals of strong India, says PM Narendra Modi
NM on the go

Nm on the go

Always be the first to hear from the PM. Get the App Now!
...
Prime Minister condoles the passing of His Highness Prince Karim Aga Khan IV
February 05, 2025

The Prime Minister, Shri Narendra Modi today condoled the passing of His Highness Prince Karim Aga Khan IV. PM lauded him as a visionary, who dedicated his life to service and spirituality. He hailed his contributions in areas like health, education, rural development and women empowerment.

In a post on X, he wrote:

“Deeply saddened by the passing of His Highness Prince Karim Aga Khan IV. He was a visionary, who dedicated his life to service and spirituality. His contributions in areas like health, education, rural development and women empowerment will continue to inspire several people. I will always cherish my interactions with him. My heartfelt condolences to his family and the millions of followers and admirers across the world.”