প্রধান মন্ত্রী, শ্রী নরেন্দ্র মোদীনা ঙসি ভিদিও কনফরেন্সকী খুত্থাংদা ওল ইন্দিয়া মেয়র্স কনফরেন্স হৌদোকখ্রে। উত্তর প্রদেশকী মুখ্য মন্ত্রী, শ্রী য়োগী অদিত্যনাথ অমসুং কেন্দ্রগী মন্ত্রী, শ্রী হর্দীপ সিংহ পুরিসু অতোপ্পা মীথুংলেনগা লোয়ননা থৌরম অসিদা শরুক য়াখি।
প্রধান মন্ত্রীনা মীতিন অসিদা ৱা ঙাংবদা ভরানসীগী অরিবা শহরদা হন্দক্তা পায়খৎখিবা চাউখৎ-থৌরাংগী থবকশিং পনখি। কাশিনা চাউখৎপসি লৈবাক পুম্বা চাউখৎপগী লম্বী য়াৎপা ওইবা য়াই হায়না মহাক্না ফোংদোকখিবা ৱাফম্বু মহাক্না অমুক্কা হন্না নীংশিংখি। ঐখোয়গী লৈবাক্কী শহর অয়াম্বসি চৎনবী মখা পোন্না শেমগৎখিবা নাৎকী ওইবা শহরনি হায়না ফোংদোকখি। হৌজিক্কী মতমগা চুনহন্নবা য়ুগ অসিদা, ঐখোয়গী শহরশিংগী হান্নগী নীংথিবা মগুনশিং ঙাক-শেন্দুনা থম্বসু চপ মান্ননা মরু ওই। মসিগী শহরশিং অসিনা ঐখোয়দা লোকেল স্কিল অমসুং হেরিতেজপু মতৌ করম্না ঙাক শেন্দুনা থমগদগে হায়বা তাকপা ঙমগনি হায়না মহাক্না হায়খি। হান্নগী মওং-মতৌশিং থুগাইবসি তৌগদবা নত্তে, মসিগী মহুত্তা মখোয়শিংবু নৌহৌননা শেমগত্তুনা ঙাক শেনবদা অহেনবা মিৎয়েং চঙগদবনি হায়না মহাক্না কন্না তকশিনখি। থৌওংশিং অসি হৌজিক্কী মতমগী তঙাই ফদবশিংগী মতুং ইন্না পাংথোক্কদবনি।
প্রধান মন্ত্রীনা শহরশিংগী মরক্তা অফবা মওংদা লু-নানবা তান্ননবা অমসুং হীরম কয়াদা নীংথিজবা থবক পাংথোকপগা লোয়ননা শহরশিংবু লু-নান্না থম্নবা খ্বাইদগী হেন্না ফজনা হোৎনবা শহরশিংবু শকখঙনবা অনৌবা কাংলুপ শেম্বা য়াগদরা হায়বা ৱাফমসু ফোংদোকখি। মহাক্না শহরশিংবু লু-নান্না থম্বতা নত্তনা মশক ফজহন্নবগী থৌওং পাংথোকসি হায়বা ৱাফমসু থমখি। হীরম অসিগা মরী লৈননা, মহাক্না মেয়রশিংদা মখোয়গী শহরগী মীয়ামগী মরক্তা অফবা ৱাখল্লোন চেনবা চাংয়েংনবগী থৌওং পাংথোক্নবা ৱাফমসি খঙহনখি।
প্রধান মন্ত্রীনা মহাক্কী মন কী বাত অমসুং অতোপ্পা ৱারোলশিংদা হান্নদগী হায়দুনা লাক্লবা নিংতম্বগা মরী লৈনবা হীরমগী “রঙ্গোলি”, নিংতম্বগী ঈশৈ অমসুং নাউশুম ঈশৈ চাংয়েংনবগুম্বা ‘ অজাদী কা অমৃত মহোৎসব’কা মরী লৈনবা থৌরম কয়া মহাক্না মেয়রশিংদা শিন লাঙনবা খঙহনখি। মেয়রশিংনা মখোয়গী শহরশিংগী হৌদোকখিবা নুমিৎ খঙদোক্তুনা মদুগী কুমওন পাংথোকপগী ৱাফমসু প্রধান মন্ত্রীনা হৌদোকখি। তুরেল চেনবা শহরশিংনা তুরেল কুমহৈ (নদি উৎসব) পাংথোকফম থোকই। তুরেলগী মতিক মগুনগী মতাংদা মীয়ামদা খঙহন্দুনা তুরেলগীদমক্তা চাউথোকচবা ফাওহন্দুনা মসিবু লু-নান্না থম্বগী তঙাই ফদবগী মতাংদা মহাক্না অহেনবা মিৎয়েং চঙখি। “শহরগী পুন্সি-মহিংগী ময়োলদা তুরেলশিংবু অমুক্কা হন্না পুরক্কদবনি। মসিনা অদোমগী শহরশিংদা অনৌবা পুন্সি হাপকনি”, হায়না প্রধান মন্ত্রীনা ফোংদোকখি। মহাক্না মেয়রশিংদা সিঙ্গল য়ুস প্লাস্তিক শিজিন্নবা লেপ্পগী কেম্পেনবু নৌহৌননা অমুক পায়খৎনবা খঙহনখি। মহাক্না মেয়রশিংদা ফত্ত হাউদীদগী লন-থুমদা ওনথোক্নবা পাম্বৈ থীনবসু খঙহনখি। “ঐখোয়গী শহর খুদিংমক লু-নান্না অমসুং হকশেল ফনা লৈহনগদবনি, ঐখোয়না মসিগীদমক্তা হোৎনগদবনি”, হায়না মহাক্না মখা তাখি।
মেয়রশিংনা মখোয়গী শহরশিংগী লম্বী অমসুং য়ুমশিংদা এল.ই.দি. শোইদনা অমসুং পাক শন্না শিজিন্নহন্নবা হোৎনগদবনি হায়না প্রধান মন্ত্রীনা খঙহনখি। থৌওং অসিবু মিসন মোদতা পাংথোক্নবা ৱাফমসু মহাক্না ফোংদোকখি। হৌজিক লৈরিবা স্কিমশিংবু অনৌবা থৌওংদা শিজিন্ননবা অমসুং মখোয়শিংবু মখা তানা চত্থহন্নবা ঐখোয়না মতম পুম্বদা খনগদবনি হায়না মহাক্না হায়খি। মহাক্না মেয়রশিংদা শহরগী এন.সি.সি. য়ুনিৎশিংগা খুৎশম্নদুনা অমসুং কাংলুপ শেমদুনা শহরশিংগী মীতম শেংদোকপা অমসুং নিংতম্বগী অমৃত মহোৎসবকী ৱাখল্লোনগী মনুং চন্না শক্নাইরবা মীওইশিংগী মতাংদা ৱাফম ফোংদোকপগী থৌরম শীনবগী থবক পাংথোক্নবা খঙহনখি। মান্নবা থৌওং অমা ওইনা, মেয়রশিংনা মখোয়গী শহরশিংদা চুনবা মফম অমা খঙদোক্তুনা মদুদা পি.পি.পি. মোদকী খুত্থাংদা নিংতম্বগী অমৃত মহোৎসবকী ৱাখল্লোনগী মনুং চন্না ফুরা শাবা য়াই। “ৱান দিস্ত্রিক্ত, ৱান প্রদক্ত” প্রোগ্রামগী মতাংদা পল্লদুনা, প্রধান মন্ত্রীনা মেয়রশিংদা মখোয়গী শহরগী তোপ-তোপ্পা পোত্থোক নত্ত্রগা মফম্না মমিং চৎহন্দুনা মখোয়গী শহরগী তোপ-তোপ্পা শক্তাক অমা শেম্নবা হোৎননবা খঙহনখি। প্রধান মন্ত্রীনা মেয়রশিংনা অর্বানগী পুন্সি মহিংগী তোঙানবা হীরমগী মখা পোন্দুনা মীয়াম্না শহরগী মতাংদা নুংঙাইবা ৱাখল খলহন্নবা পাম্বৈ পুথোক্নবা হায়খি। ঐখোয়না পব্লিক ত্রান্সপোর্ত শিজিন্নবদা পুক্নিং থৌগৎপগী মথৌ তাই হায়না মহাক্না ফোংদোকখি। শহরদা লৈবা খুদোংচাবা খুদিংমক সুগময়া ভারত অভিয়ান – এসেসিবল ইনিদয়া কেম্পেনগী মতুং ইন্না নাম্ম-শোইবা মীওইশিংনা শিজিন্নবা নুংঙাইহন্নবা শিন্নবগীদমক্তা মহাক্না মেয়রশিংদা পাউতাক পীখি।
“ঐখোয়গী শহরশিং অসি ঐখোয়গী শেন্মিৎলোন চলায়বগী শাফুনি। ঐখোয়না শহরশিংবু মতিক লৈবা শেন্মিৎলোনগী হব অমা ওইহনগদবনি”, হায়না মহাক্না হায়খি। শেন্মিৎলোনগী থবক থৌরমগী পুক্নিং চিংশিনবা অমসুং খুমাং চাউশিলহনবা ইকোসীস্তেম অমা শেম্নবগীদমক্তা খুদোংচাবা খুদিংমকপু মতম অমতদা শেমগৎপা অপুনবা পথাপ অমা শেমগৎনবা ৱাফমসু মহাক্না মেয়রশিংগী মফমদা থমখি।
প্রধান মন্ত্রীনা ঐখোয়গী চাউখৎ-থৌরাংগী মোদেলদা এম.এস.এম.ই.বু মতৌ মপাঙ্গল হেনগৎহনবগী মথৌ তারিবা অসিদা মিৎয়েং চঙখি। “লম্বীদা পোৎ য়োনবশিং অসি ঐখোয়গী খোঙচৎকী শরুক অমনি। ঐখোয়না মখোয়গী অৱাবশিং মতম খুদিংদা উগনি। মখোয়গীদমক্তা পি.এম. স্বনিধী য়োজনা পুরক্লি। মসিনা য়াম্না কান্নবা স্কিম্নি। অদোমগী মফমদা লৈবা মখোয় ময়ামগী পরিং শেমসি অমসুং মখোয়দা মোবাইল ফোন্দা ত্রাঞ্জেক্সন তৌবা তম্বীসি। মসিনা বেঙ্কশিংনা ফজবা তর্মশিংগী মখাদা শেল থাদবদা য়াম্না তেংবাংগনি”, হায়না প্রধান মন্ত্রীনা ফোংদোকখি। মখোয়গী মরু ওইবশিং অসি লাইচৎ মনুংদা য়াম্না ময়েক শেংনা উখ্রে হায়না মহাক্না মখা তাখি।
প্রধান মন্ত্রীনা মেয়রশিংনা কাশিগী চাউখৎ-থৌরাংগী মতাংদা মখোয়না থেংনরকপশিংগী ৱাফম ফোংদোরক্নবা হায়জবগা লোয়ননা মহাক্কী ৱারোল লোইশিনখি। “অদোম্না কাশিগীদমক্তা হৌদোরক্লিবা ৱাফমগীদমক্তা ঐহাক্না মতম পুম্বদা তৌবীমল খঙগনি অমসুং ঐহাক্না অদোমগী অহানবা মহৈরোই ওইগনি”। সর্দার পতেল অসি অহমেদবাদকী মেয়র ওইরম্মি অমসুং লৈবাক্না মহাকপু ঙসি ফাওবা নীংশিংলি হায়না প্রধান মন্ত্রীনা পাউদমখি। মেয়রগী ফম অসি লৈবাক মীয়ামগী সেবা তৌবা ফংগদবা রাজনিতীগী পুন্সিদা মশক থোকপা কেরিয়র অমা শেম্নবা কান্নবা পাম্বৈ অমা ওইবা য়াই হায়না প্রধান মন্ত্রীনা মখা তাখি।
हमारे देश में ज़्यादातर शहर पारंपरिक शहर ही हैं, पारंपरिक तरीके से ही विकसित हुए हैं।
— PMO India (@PMOIndia) December 17, 2021
आधुनिकीकरण के इस दौर में हमारे इन शहरों की प्राचीनता भी उतनी ही अहमियत है: PM @narendramodi
हमारा शहर स्वच्छ रहे और स्वस्थ भी रहे, ये हमारा प्रयास होना चाहिए: PM @narendramodi
— PMO India (@PMOIndia) December 17, 2021
हमें शहर को vibrant economy का hub बनाना चाहिए: PM @narendramodi
— PMO India (@PMOIndia) December 17, 2021
हमारे विकास के मॉडल में MSME को कैसे बल मिले, इस पर विचार करने की जरूरत है: PM @narendramodi
— PMO India (@PMOIndia) December 17, 2021
रेहड़ी-पटरी वाले हमारी अपनी ही यात्रा के अंग है, इनकी मुसीबतों को हम हर पल देखेंगे।
— PMO India (@PMOIndia) December 17, 2021
उनके लिए हम पीएम स्वनिधि योजना लाए हैं। यह योजना बहुत ही उत्तम है।
आप अपने नगर में उनकी लिस्ट बनाइए और उनको मोबाइल फोन से लेन-देन सिखा दीजिए: PM @narendramodi
