ঙসি দেলাৱায়রদা ক্বাদ সম্মিৎকী নাকলদা প্রধান মন্ত্রী শ্রী নরেন্দ্র মোদীনা য়ুনাইতেদ স্তেৎস ওফ অমেরিকাগী রাস্ত্রপতি জোসেফ বাইদেন উনখ্রে। অখন্নবা থৌরাং অমদা, রাস্ত্রপতি বাইদেন্না ৱিলমিংতন্দা লৈবা মহাক্কী য়ূমদা মীফম অসি পাংথোকখি।
ভারত-এ.এস মরী ফগৎনবা রাস্ত্রপতি বাইদেন্না পাংথোকখিবা চাংদম্নিঙাই লৈতবা থবকশিং অদুগীদমক প্রধান মন্ত্রীনা মহাক্কী মাইকৈদগী থাগৎপা ফোঙদোকখি। জুন ২০২৩গী মহাক্কী য়ু.এস.এ খোঙচৎ অমসুং জি-২০ মীফম শরুক য়ানবা সেপ্তেম্বর ২০২৩ দা রাস্ত্রপতি বাইদেনগী ভারত খোঙচৎ অদু প্রধান মন্ত্রীনা নিংশিংখি। খোঙচৎশিং অদুনা ভারত-য়ু.এসকী মরী হেন্না মপাঙ্গল কনখৎহল্লে অমসুং মখল য়ামথোকহল্লে হায়না প্রধান মন্ত্রীনা ফোঙদোকখ্রে।
প্রধান মন্ত্রীনা হায়খি মদুদি গনতন্ত্রগী গুনশিং, অপাম্বশিং মান্নবা অমসুং মীগা মীগা লৈনবা অচেৎপা মরীশিংনা লমজিংদুনা, মীওইবা খুন্নাইগী হিরম খুদিংমক কোনশিনবা কমপ্রেহেন্সিপ গ্লোবেল স্ত্রাতেজিক পার্তনরশিপ অমা ঙসি ভারত অমসুং য়ু.এস.এনা লৈনরি হায়না প্রধান মন্ত্রীনা ফোঙদোকখ্রে।
ইন্দো-পেসিফিক লমদম অমসুং মসিগী ৱাংমা য়াওনা লৈবাক অনিনা দরকার ওইবা হিরমশিংদা অমসুং লমদম লমদমগী অমসুং মালেমগী ওইবা ৱাফমশিংদা লৈবাক অনি মখা তানা মতেং পাংনবা হেনগৎহন্নবা লম্বীশিং লুচিংবা অনিনা খন্নখ্রে। লৈনরিবা মরীগী মপাঙ্গল অমসুং মখা তানা চৎথবদা মখোয়না থাজবা ফোঙদোকখি অমসুং মীওইবা খুন্নাইগী হিরম খুদিংমক কোনশিনবা লৈবাক অনিগী মরক্তা লৈনরিবা মরীগী মরুওইবা অদুদা মখোয়না থাজবা থমখি।
I thank President Biden for hosting me at his residence in Greenville, Delaware. Our talks were extremely fruitful. We had the opportunity to discuss regional and global issues during the meeting. @JoeBiden pic.twitter.com/WzWW3fudTn
— Narendra Modi (@narendramodi) September 21, 2024
