প্রধান মন্ত্রীনা সুরিনামগী রাস্ত্রপতি উনখ্রে

গয়ানাগী জর্জতাউন্দা পাংথোকখিবা ২শুবা ইন্দিয়া-করিকোম মীফমগী নাকলদা নবেম্বর ২০,২০২৪ দা প্রধান মন্ত্রী শ্রী নরেন্দ্র মোদীনা সুরিনামগী রাস্ত্রপতি চন্দ্রিকাপেরসাদ সন্তোখি উনখ্রে। 

|

লুচিংবা অসিনা হৌজিক চৎথরিবা লৈবাক অনিগী মতেং পাংনবগী থবকশিং হন্না য়েংশিনখ্রে অমসুং দিফেন্স অমসুং সেকুরিতি, ললোন-ইতিক, লৌউ-শিংউ, দিজিতেলগী থবকশিং অমসুং য়ু.পি.আই, আই.সি.তি, অনা-লায়েং অমসুং ফার্মাসিউতিকেলশিং, কেপাসিতি বিল্দিং, নাত অমসুং মীগা মীগা লৈনবা মরীশিংদা মতেং পাংনবা হেনগৎহন্নবা খন্নখ্রে। মীয়াম চাউখৎনবা প্রোজেকশিং, চীঞ্জাক ৱাৎহন্দনবা থবকশিং অমসুং অপীকপা অমসুং ময়াই ওইনা চাউবা ইন্তরপ্রাইজশিংদা সুরিনাম চাউখৎনবা ভারতনা মখা তানা শৌগৎপদা রাস্ত্রপতি সন্তোখিনা থাগৎপা ফোঙদোকখ্রে।

লুচিংবা অনিনা লমদম লমদমগী অমসুং মালেমগী ওইরক্লিবা ফিবমশিংগী মতাংদা মখোয়গী ওইবা ৱাখল্লোনশিং ফোঙদোক্নখ্রে। ভারতনা য়ু.এন সেকুরিতি কাউন্সিলগী মেম্বর ওইবদা সুরিনামনা শৌগৎপদা প্রধান মন্ত্রীনা রাস্ত্রপতি সন্তোখি থাগৎপা ফোঙদোকখ্রে।

Strengthening friendship with Suriname!

Met President Chan Santokhi in Georgetown. We reviewed bilateral relations in sectors such as trade, technology, energy, telemedicine and more. We also discussed ways to further improve cultural as well as people to people ties. India will… pic.twitter.com/17ya7vhWJJ

— Narendra Modi (@narendramodi) November 21, 2024