ব্রাজিলগী রিও দে জেনিরোদা পাংথোক্লিবা জি-২০ মীফমগী নাকলদা ঙসি প্রধান মন্ত্রী শ্রী নরেন্দ্র মোদীনা ফ্রান্সকী রাস্ত্রপতি ইম্মানুয়েল মেক্রোন উনখ্রে। জনুৱারিদা গনতন্ত্র দিবসগী চীফ গেস্ত ওইনা রাস্ত্রপতি মেক্রোন ভারত্তা লাকখিবা অমসুং জুনদা ইতালিদা জি-৭ মীফমগী নাকলদা মখোয় অনি উনখিবা অদুগী মতুংদা, চহি অসিদা লুচিংবা অনি উনবা হন্দক্কী অসিনা অহুমশুবনি।
উনখিবা অদুদা, ইন্দিয়া-ফ্রান্স স্ত্রাতেজিক পার্তনরশিপ খুমাঙচাউশিন্নবা লোয়ননা লৈবাক অনি মতেং পাংন্নবা মখোয়গী পান্দমশিং অমসুং হোরাইজেন ২০৪৭ গী মখাদা মালেমগী থাক্তা পুন্না থবক তৌমিন্নবা অমসুং অতোপ্পা লৈবাক অনিগী দিক্লারেসনশিং খুমাঙচাউশিন্নবা মখোয়গী থাজবা লুচিংবা অনিনা অমুক হন্না পীনখ্রে। দিফেন্স, স্পেস অমসুং সিবিল ন্যুক্লিয়ার ইনর্জি য়াওনা মরুওইবা হিরমশিংদা মতেং পাংনবা হেনগৎলকপদা মখোয়না থাগৎপা ফোঙদোকখ্রে অমসুং স্ত্রাতেজিক ওতোনোমিগীদমক মখোয়গী থাজবা অমুক হন্না ফগৎহন্নবা থাজবা ফোঙদোক্নখ্রে। ভারতকী নেসনেল ম্যুজিয়ম প্রোজেক্তদা মতেং পাংনবগী ফিবম মখোয়না অমুক হন্না য়েংশিনখ্রে।
দিজিতেল তেক্নোলোজি অমসুং আর্তিফিসিএল ইন্তিলিজেন্স, লোয়ননা দিজিতেল পব্লিক ইনফ্রাস্ত্রকচরদা ভারত-ফ্রান্স পুন্না থবক তৌমিন্নবা য়াওনা ললোন-ইতিক, শেন থাদবা অমসুং তেক্নোলোজিগী মরীশিং মপাঙ্গল কনখৎলকপদা মখোয়না থাগৎপা ফোঙদোকখ্রে। হিরম অসিদা, ফ্রান্সতা এ.আই এক্সন সম্মিৎ পাংথোক্কদৌরিবা অসিগীদমক রাস্ত্রপতি মেক্রোনগী থবকশিং প্রধান মন্ত্রীনা তরাম্না ওকখ্রে।
ইন্দো-পেসিফিক য়াওনা লমদম লমদম অমসুং মালেমগী ওইবা ৱাফমশিং লুচিংবা অনিমক্না খন্নখ্রে। মালেমগী লুপশিং অমুক হন্না শেমদোক্নবা অমসুং তংদু-লৈতাবা মালেমগী চৎন-কাংলোন অমা লৈহনবদা মতেং পাংনবা পুন্না থবক তৌমিন্নবা হায়না মখোয়না অমুক হন্না থাজবা পীনখ্রে।
It is always a matter of immense joy to meet my friend, President Emmanuel Macron. Complimented him on the successful hosting of the Paris Olympics and Paralympics earlier this year. We talked about how India and France will keep working closely in sectors like space, energy, AI… pic.twitter.com/6aNxRtG8yP
— Narendra Modi (@narendramodi) November 18, 2024
C'est toujours une immense joie de rencontrer mon ami, le président Emmanuel Macron. Je l'ai félicité pour l'organisation réussie des Jeux olympiques et paralympiques de Paris au début de cette année. Nous avons parlé de la façon dont l'Inde et la France continueront à travailler… pic.twitter.com/vIHYAu1klS
— Narendra Modi (@narendramodi) November 18, 2024
