প্রধান মন্ত্রী শ্রী নরেন্দ্র মোদীনা পুনেদা অচৌবা মফম অমা কল্লিবা মমিং লৈরবা পোলিস আই.তি কম্পেনি, বিল্লেনিয়ম প্রাইভেত লিমিতেদকী সি.ই.ও গাৱেল লোপিনস্কি উনখ্রে।
উনবা অদুদা, শেন থাদবদা খুদোংচাবা অমসুং ‘মেক ইন ইন্দিয়া’ থৌরমনা ইথিল পীদুনা ভারতনা চাউখৎলকপগী ৱারি প্রধান মন্ত্রীনা পাউদমখি। কম্পেনি অসি পাকথোক-চাউথোকপগী থৌরাংগী মতাংদা প্রধান মন্ত্রীনা সি.ই.ওদা হংখি অমসুং অনৌবা তেক্নোলোজিশিং, এ.আই, সাইবর সেকুরিতি অমসুং দিজিতেল ইকোনোমিগী লমদা ভারত অমসুং পোলেন্দগী মরক্তা পুন্না ললোন-ইতিক্কী মতেং পীনবগী খুদোংচাবশিং পনখি।
ললোন-ইতিক পাংথোকপা লাইহন্নবা অমসুং শেন থাদবা নুংঙাইনবা ফিবম অমা শেমগৎনবা ভারতনা পায়খৎলিবা থবকশিংগী মতাংদা প্রধান মন্ত্রীনা লোপিনস্কিদা থাজবা পীখি।
