ঙসি প্রধান মন্ত্রী শ্রী নরেন্দ্র মোদীনা তিমফুদা ভুতানগী নিংথৌ জিগমে খেসার নামগয়েলগা উনখ্রে। পারোদগী তিমফু ফাওবগী খোঙচৎ মনুংদা মীয়াম্না হরাও-তয়াম্না ওকপগা লোয়ননা অখন্নবা ওইনা তরাম্না মহাক ওকপগীদমক প্রধান মন্ত্রীনা ভুতানগী নিংথৌ থাগৎপা ফোঙদোকখি।
ভারত-ভুতানগী অচেৎপা অমসুং তোপ-তোপ্পা মরুপ-মপাং ওইবা মরীদা প্রধান মন্ত্রী অমসুং ভুতানগী নিংথৌনা অপেনবা ফোঙদোকখি। লৈবাক অনিগী মরক্তা লৈনরিবা মরুপ-মপাং ওইবা মরী অমসুং মতেং পাংনবা অসি শেমগৎনবা দ্রুগ য়ালপোসনা লমজিংবদা প্রধান মন্ত্রীনা মহাক্কী থাগৎপা ফোঙদোকখি।
হিরম কয়াদা লৈবাক অনি মতেং পাংনবা অসি অমুক হন্না য়েংশিন্নবগী খুদোংচাবা অমা উনবা অসিনা পীখি। ভুতানগীদমক ভারত অমসুং ভারতকীদমক ভুতান নিংশিংলদুনা, মরুপ-মপাং ওইবা মরী অসি মখা তানা মপাঙ্গল কনখৎহন্নবা লম্বীশিং লুচিংবা অনিনা খন্নখি। ইনর্জি, চাউখৎ-থৌরাংগী মতেং পাংনবা, নহারোল, লাইরিক-লাইশু, ওন্ত্রেপ্রেনিউয়রসিপ অমসুং স্কিল দিবলপমেন্তগী হিরমশিংদা লৈবাক অনি মতেং পাংনবগী থবকশিং পাকথোক-চাউথোক্নবগী খুদোংচাবশিং মখোয়না খন্নখি। জেলেফু মাইন্দফুলনেস সিতি প্রোজেক য়াওনা লম্বী-থোং অমসুং শেন থাদবগী থবক চাউখৎহন্নবগী মতাংদশু লুচিংবা অনিনা খন্নখি।
অমনা অমবু থাজনবা অমসুং ৱাখল তামিন্নবদা য়ুম্ফম ওইবা মরুপ-মপাং ওইবা অমসুং মতেং পাংনবগী তোপ-তোপ্পা মরীশিং ভারত অমসুং ভুতানগী মরক্তা লৈনরি।
