প্রধান মন্ত্রী শ্রী নরেন্দ্র মোদীনা উজবেকিস্তানগী সমর্কন্দদা পাঙথোকখিবা সাঙহাই কোওপরেসন ওর্গানাইজেসন (এস.সি.ও.)গী ২২শুবা মীফমগা ইরোইননা রসিয়ান ফেদরেসনগী রাস্ত্রপতি ঐচ.ই. মিস্তর ভ্লাদিমির পুতিনগা উনখ্রে।
লুচিংবশিংনা লৈবাক অনিগী মরক্তা লৈনরক্লিবা মরী অমসুং তোঙান-তোঙানবা থাকশিংদা পাউ ফাওনবা য়াওনা লেপ্পা লৈতবা খোঙজেল অসিবু শিংথাখি। রাস্ত্রপতি পুতিন্না থা অসিগী অঙনবা শরুক্তা ইস্তর্ন একনোমিক ফোরমদা প্রধান মন্ত্রীগী ভিদিও মেসেজপু শিংথাখি।
লুচিংবশিংনা লৈবাক অনিগী মরীদা লৈরিবা ইস্যুশিং অমসুং রিজনেল অমসুং মালেমগী ওইবা মরুওইবা ইস্যুশিং খন্নখি। মালেমগী ফুদ সেক্যুরিতী, এনর্জী সেক্যুরতী অমসুং হৌজিক লৈরিবা জিও-পোলিতিকেলগী ফিভম অসিনা মরম ওইদুনা লাকপা শিংনবশিংগা মরী লৈননা হার ফংবগী মতাংদসু খন্নখি।
হৌজিক য়ুক্রেন্দা থোক্লিবা চয়েৎনবা অসিগা মরী লৈননা প্রধান মন্ত্রীনা অঙনবদগী হৌনা অশোক অপন- অশি অনা য়াওদনবা ৱারী শান্নবগী তঙাইফদবা লৈ হায়খিববুসু নৌহৌননা নিংশিংখি।
হন্দক চহিগী ওইনদি মসিনা লুচিংবা অনিগী মরক্তা ৱারী শান্নবা অহানবনি, মসিনা লৈবাক অনিগী মরক্তা দিপ্লোমেতিক ওইবা মরী শেম্লকপগী ৭৫শুবা পালন চহিনি। মখোয়না মখা তানা পাউ ফাওনদুনা লৈননবা য়ানখি।
Had a wonderful meeting with President Putin. We got the opportunity to discuss furthering India-Russia cooperation in sectors such as trade, energy, defence and more. We also discussed other bilateral and global issues. pic.twitter.com/iHW5jkKOW0
— Narendra Modi (@narendramodi) September 16, 2022
