প্রধান মন্ত্রী, শ্রী নরেন্দ্র মোদীনা ঙসি রাস্ত্রপতি ভাৱনদা ২০২৩গী মে ২৯দগী ৩১ ফাওবা ভারত্তা রাজনিতিগী ওইবা মহাক্কী খ্বাইদগী অহানবা খোংচত্তা লাকখিবা, কেম্বোদিয়াগী নিংথৌ, হিস মেজেস্তী নোরোদোম সিহামোনিগা উনখ্রে
প্রধান মন্ত্রী অমসুং হিস মেজেস্তী, নিংথৌ সিহামোনিনা লৈবাক আনি অসিগী মরক্তা লৈরিবা য়াম্না লিরবা সভ্যতাগী অচেৎপা মরিশিং, য়াম্না চেৎপা চৎনবী অমসুং মীশিংগী মরক্তা লৈরিবা মরি অদুগী মতাংদা ৱারি শানখি।
প্রধান মন্ত্রীনা হিস মেজেস্তীদা ভারতনা কেপাসিতী বিল্দিং য়াওনা তোঙান-তোঙান হিরম কয়া অমদা কেম্বোদিয়াগা লৈনরিবা বাইলেতরেল পার্তনরশিপ অদুবু হেন্না কনখৎহন্নবগী ফিরেপ অদুগী মতাংদা থাজবা পীখি। হিস মেজেস্তীনা ভারতকী চাউখৎ-থৌরাংগীদমক্তা তেংবাং পীনবগী মতাংদা ভারতনা হৌজিক-হৌজিক পাইখৎলিবা অনৌবা থৌরাংশিং অদুগীদমক্তা প্রধান মন্ত্রীবু থাগৎপা ফোংদোকখি, অমসুং মহাক্কী মাইকৈদগী তৌবীমল খঙবা উৎখি অমসুং ভারতকী জি.-২০গী প্রেসিদেন্সীগীদমক্তা য়াইফ-পাউজেল পীখি।
