প্রধান মন্ত্রী নরেন্দ্র মোদীগা লোয়ননা ৱারী শাখিবা অদুনা ভারতনা হকশেল, চাউখৎ-থৌরাং অমসুং ক্লাইমেৎকী লমদা খুমাং চাউশিল্লিবা অসিগী মরমদা ঐহাকপু হেন্না লৌশিং পীবিখি: বিল গেৎস
প্রধান মন্ত্রীনা কো-ৱিন অসি মালেমগীদমক মোদেল অমনি হায়না থাজৈ অমসুং মদু ঐহাক্নসু য়ানীংই: বিল গেৎসভারতনা ইন্নোভেসন্দা ইনভেস্ত তৌবা মতমদা করি ওইথোকপা য়াবা লৈবগে উৎলি: বিল গেৎসপ্রধান মন্ত্রী, শ্রী নরেন্দ্র মোদীনা ইরাই নুমিৎতা নই দিল্লীদা বিল গেৎসকা উন্নখ্রে।
শ্রী গেৎসনা ভারত্তা মহাক্না হন্দক লাকখিবগী মতাংদা মহাক্কী ‘নোৎ’ অদু শিয়র তৌখিবা ত্বিত অমগী পাউখুম পীরদুনা প্রধান মন্ত্রীনা ত্বিত তৌখি:
“ @BillGatesকা উনবা ফংবা অসি নুঙাইবা পোকই অমসুং মরু ওইবা সমস্যাশিংদা কুপ্না খন্নখি। হেন্না ফবা লোয়ননা হেন্না সস্তেনেবল ওইবা গ্রহা অমা শেমগৎনীংবগী মহাক্কী নোলুকপা অমসুং অপাম্বা অদু ময়েক শেংনা উবা ফংখি”
Delighted to meet @BillGates and have extensive discussions on key issues. His humility and passion to create a better as well as more sustainable planet are clearly visible. https://t.co/SYfOZpKwx8 pic.twitter.com/PsoDpx3vRG
— Narendra Modi (@narendramodi) March 4, 2023
মহাক্কী ‘দিস্পেৎচ’তা শ্রী গেৎসনা হায়খি, “চয়োল অসিদা ভারত্তা ঐহাক্না চৎখি, মফম অদুদা হকশেল, ক্লাইমেৎ চেঞ্জ অমসুং অতোপ্পা মরু ওইবা লমশিংদা পাইখৎলিবা ইন্নোভেতিব ওইবা থবক্কী মরমদা খঙবা ঙমখি। মালেমনা শীংনবা কয়া মায়োক্নরিবা মতম অসিদা ভারতকুম্বা দাইনামিক অমসুং ক্রিএতিব ওইবা মফম অমদা চৎলুবা অসি ইথিলনা থনখি”।
মহাক্কী খোঙচৎ অদুদা প্রধান মন্ত্রীগা উনখিবা অদুগী মতাংদা শ্রী গেৎসনা হায়খি, “প্রধান মন্ত্রী অমসুং ঐহাক্না মরু ওইনা কোবিদ-১৯ ভেক্সিন পুথোকপা অমসুং ভারতকী হেল্থ সিস্তেমশিংদা ইনভেস্ত তৌবগী মতাংদা পাউ অদুমক ফাওনখি। ভারতনা শাফবা, কান্নবা অমসুং অহোংবা ভেক্সিন কয়া পুথোক্নবা অঙকপা মতিক ময়াই অমা লৈ, মখোয় খরদি গেৎস ফাউন্দেসন্না সপ্পোর্ত তৌখি। ভারত্তা শাজবা ভেক্সিনশিংনা লাইচৎ মনুংদা মীওই কয়াগী পুন্সি কনবা ঙমখি অমসুং মালেম শিনবা থুংবদা অতোপ্পা লাইনাশিংদগী ঙাকথোকপা ঙমখি।
মহাক্না ভারতনা লাইচৎ থেংনবগী মওংগী মতাংদা ফোঙদোক্লদুনা হায়, “অনৌবা পুন্সি কন্নবগী খুৎলাইশিং পুথোকপগী মথক্তা ভারতনা মখোয়বু দেলিভর তৌবদা মাইপাকখি - মাগী পব্লিক হেল্থ সিস্তেমনা কোবিদ ভেক্সিন দোজ বিলিয়ন ২.২ হেন্না দেলিভর তৌখি। মখোয়না কো-ৱিন কৌবা ওপন-সোর্স প্লেৎফোর্ম অমা শেমখি, মসিনা মীওই কয়ানা ভেক্সিন এপোইন্তমেন্তশিং সেদ্যুল্দ তৌবা ঙমখি অমসুং ভেক্সিন কাপ্লবশিংদা মখোয়গী দিজিতেল সর্তিফিকেৎশিং পীখি। প্লেৎফোর্ম অসি হৌজিক পাকথোক চাউথোকহন্দুনা ভারতকী ইম্ম্যুনাইজেসন প্রোগ্রামবু সপ্পোর্ত তৌরি। প্রধান মন্ত্রী মোদীনা কো-ৱিন অসি মালেমগীদমক মোদেল অমনি হায়না থাজৈ অমসুং মসি ঐহাক্নসু য়ানীংই”।
বিল গেৎসনা দিজিতেল পেমেন্তশিংদা ভারতকী মাইপাকপা অসি থাগৎলদুনা হায়খি, “ভারতনা লাইচৎ মনুংদা নুপী মিলিয়ন ২০০ য়াওনা মীওই মিলিয়ন ৩০০দা ইমর্জেন্সী দিজিতেল পেমেন্তশিং ত্রান্সফর তৌবা ঙমখি। মসি ভারতনা ফাইনান্সিএল ইনক্লুজনদা মরু ওইবা মীৎয়েং চংখিবা, দিজিতেল আই.দি. সিস্তেমদা (আধার কৌবা) ইনভেস্ত তৌখি অমসুং দিজিতেল বেঙ্কিংগীদমক ইন্নোভেতিব প্লেৎফোর্মশিং শেম্লি। মসিনা ফাইনান্সিএল ইনক্লুজন অসি অফবা ইনভেস্তমেন্ত অমনি নীংশিংহল্লি”।
শ্রী গেৎসকী ‘দিস্পেৎচ’ অদুনা পি.এম. গতিশক্তি মাস্তরপ্লান, জি২০ প্রসিদেন্সী, এজুকেসন, ইন্নোভেসন, লাইনাশিং থেংনবা অমসুং মিল্লেৎশিংদা শাহৌ পীবা অসিগুম্বা ভারতকী মাইপাকপশিংগী মতাংদসু ফোঙদোকখি।
শ্রী গেৎসনা লোইশিনবদা হায়খি, “প্রধান মন্ত্রী নরেন্দ্র মোদীগা লোয়ননা ৱারী শাখিবা অদুনা ভারতনা হকশেল, চাউখৎ-থৌরাং অমসুং ক্লাইমেৎকী লমদা খুমাং চাউশিল্লিবা অসিগী মরমদা ঐহাকপু হেন্না লৌশিং পীবিখি। লৈবাক অসিনা ইন্নোভেসন্দা ইনভেস্ত তৌরবা মতমদা করি ওইথোকপা য়াবশিং লৈবগে উৎলি। ঐহাক্না থাজৈ মদুদি মসিগী খুমাং চাউশিনবা অসি মখা চত্থখিগনি অমসং মাগী ইন্নোভেসনশিং মালেমদা শিয়র তৌগনি”।
