প্রধান মন্ত্রী দাতো সেরি অনৱার ইব্রাহিম
মীহুৎ কাংবু অনিমক্কী মেম্বরশিং,
মেদিয়াগী ঐখোয়গী মরুপশিং.
খুরুমজরি!
খোঙচৎ অসি অনৱার ইব্রাহিমনা প্রধান মন্ত্রী ওইরবা মতুংদা অহানবা ভারত খোঙচৎনি। ঐগী অহুমশুবা তার্ম হৌরকপদা অদোম ভারত্তা তরাম্না ওক্নবগী খুদোংচাবা অমা ঐনা ফংবদা ঐ হরাওই।
মরুপশিং,
ভারত অমসুং মালেসিয়াগী মরক্তা লৈনরিবা ইনহান্স স্ত্রাতেজিক পার্তনরশিপ অসি চহি ১০ মপুংফারে। হৌখিবা চহি অনি অসিদা, প্রধান মন্ত্রী অনৱার ইব্রাহিমনা শৌগৎপদগী, ঐখোয়গী মরী অসি অনৌবা থৌনা অমসুং খোঙজেল অমা ফংলে। ঙসি ঐখোয়না নাকল অনিমক্না মতেং পীনবা য়াবা হিরম খুদিংমক খন্ন-নৈনরে। ঐখোয়গী লৈবাক অনিগী ললোন-ইতিক অসি তপ্ন-তপ্না চাউখৎলক্লি হায়বা ঐখোয় খঙলে। হৌজিক ভারত অমসুং মালেসিয়াগী মরক্তা চৎথরিবা ললোন-ইতিক অসি ভারতকী রুপি অমসুং মালেসিয়াগী রিঙ্গিতসতা পাংথোক্লে। হৌখিবা চহিদা, মালেসিয়াদগী ভারত্তা দোল্লার বিল্লিয়ন ৫গী শেনফম অমা থাদরকখি। ঐখোয়গী মরী অসি “কমপ্রেহেন্সিপ স্ত্রাতেজিক পার্তনরশিপ” অমদা পুখৎনবা ঐখোয়না ৱারেপ লৌরে। শেন-থুমগী মতেং পীনবগী খুদোংচাবা কয়া লৈরি হায়বা ঐখোয়না থাজৈ। লৈবাক অনিগী মরক্তা ললোন-ইতিক অমসুং শেন থাদবা পাকথোক-চাউথোকহনগদবনি। অনৌবা তেক্নোলোজিগী হিরমশিং হায়বদি সেমিকন্দক্তরশিং, ফিনতেক, দিফেন্স ইন্দস্ত্রি, এ.আই অমসুং ক্বানতম য়াওনা হিরম কয়াদা ঐখোয় মতেং পীনবা ঐখোয়না হেনগৎহনগদবনি। ভারত অমসুং মালেসিয়াগী মরক্তা লৈনরিবা কমপ্রেহেন্সিপ ইকোনোমিক কোওপরেসন এগ্রিমেন্ত হন্না য়েংশিন্নবা ঐখোয়না থবক পায়খৎকদবনি। দিজিতেল কাউন্সিল অমা লিংখৎনবা অমসুং দিজিতেল তেক্নোলোজিগী লমদা মতেং পীন্নবা স্তার্দ-অপ এল্লাইন্স অমা লিংখৎনবা ৱারেপ লৌরে। ভারতকী য়ু.পি.আই অমসুং মালেসিয়াগী পেনেত শম্ননবা থবকশু পায়খৎলে। ঙসি সি.ই.ও ফোরমগী মীফম্না অনৌবা খুদোংচাবা কয়া পুথোক্তুনা খন্নরে। দিফেন্স সেক্তরদা লৈবাক অমগা অমগা মতেং পীনবগী অনৌবা খুদোংচাবা কয়াশু ঐখোয়না খন্নরে। তেরোরিজম অমসুং এক্সত্রিমিজমগী মায়োক্তা থেংননবা ঐখোয় অমতা ওইনা ৱারেপ লৌরে।
মরুপশিং,
ভারত অমসুং মালেসিয়া চহি চা কয়া মরী লৈনরক্লি। ভারত্তগী হোংখিবা মীওই মিল্লিয়ন ৩ রোম মালেসিয়াদা লৈরিবা অসি লৈবাক অনিগী মরক্তা অহিংবা থোং অমনি। মালেসিয়াদা লৈরিবা ভারতকী ঈশৈ, চীঞ্জাক অমসুং কুহ্মৈদগী হৌরগা “তোরান গেত” ফাওবা অসি ঐখোয়গী মীয়াম্না মরুপ-মপাং ওইবা অসি য়োকখৎপা অমনি। হৌখিবা চহিদা মালেসিয়াদা “পি.আই.ও নুমিৎ” য়াম্না মাইপাক্না পাংথোকখি। ঐখোয়গী অনৌবা সংসদ হাওসতা সেঙ্গোল থম্বা মতমদা, মদুগী পুৱারি ওইরবা মিকুপ অদুগী হরাওবা অদু মালেসিয়াদশু য়ৌখি। শীন্মীশিং থবক পীনবা ঙসি য়ানখিবা অসিনা ভারতকী শিন্মীশিং থবক পীবা অমসুং মখোয়গী য়াইফনবা থবক পাংথোকপা হেনগৎহনগনি। মীয়াম চৎথোক-চৎশিন হেনগৎহন্নবা ঐখোয়না ভিসাগী থবকশিং লাইথোকহল্লে। মহৈরোয়শিংদা স্কোলারশিপ পীবা অমসুং সরকারগী ওফিসিএলশিং ত্রেনিং পীবগী মতাংদা অকনবা মীৎয়েং থম্লে। সাইবর সেকুরিতি অমসুং এ.আইগুম্বা অনৌবা কোর্সশিংগী আই.তি.ই.সি স্কোলারশিপকী মখাদা মালেসিয়া খক্তগী সিত ১০০ খাক্তুনা থম্লে। মালেসিয়াগী “য়ুনিভর্সিতি তুনকু অবদুল রহমন”দা অয়ুর্বেদা চিয়ার অমা লিংখৎলগনি। মসিগী মথক্তা, য়ুনিভর্সিতি মালায়াদা তিরুবাল্লুবার চিয়ার অমা লিংখৎনবা ৱারেপ অমশু লৌরে। হায়রিবা অখন্নবা থবকশিং অসিদা মখোয়না থৱায় য়াওনা মতেং পাংবগীদমক ঐনা প্রধান মন্ত্রী অনৱার অমসুং মহাক্কী কাংবু থম্মোয় শেংনা থাগৎপা ফোঙদোকচরি।
মরুপশিং,
অসিয়ান অমসুং ইন্দো-পেসিফিক লমদমদা মালেসিয়া অসি ভারতকী মরুওইবা মরুপ অমনি। অসিয়ান্না ময়াইদা লৈহনবদা ভারতনা লুম্না লৌরি। ভারত অমসুং অসিয়ানগী মরক্তা লৈনরিবা এফ.তি.এ অসি হন্না য়েংশিনবগী থবক মতম চানা লোইশিন্নবা ঐখোয়না য়ানরে। ২০২৫ দা মালেসিয়ানা অসিয়ানগী চিয়ারমেন ওইবদা ভারতনা মপুংফানা শৌগৎকনি। মালেমগী আইনশিংগী মতুংইন্না ঈশিং লম্বীদা চৎথোক-চৎশিন তৌবা অমসুং লৈবাক লান্না পাইবগী মনিংতম্বা লৈহন্নবা ঐখোয়না থাজবা থম্লি। য়ানদবা খুদিংমক শান্তি ওইনা ৱারোইশিন পুরক্নবা ঐখোয়না তকশিল্লি।
ইকায়খুম্নরবা,
অদোম্না ভারত্তা উৎলিবা মরুপ-মপাং ওইবা অমসুং ভারত্তা লৈনবা মরীদা থম্লিবা থাজবা অদু ঐখোয়না তৌবিমল খঙবা উৎচরি। অদোমগী খোঙচৎ অসিনা লাক্লিবা দেকেত অসিদা ঐখোয়গী মরীদা অনৌবা মাইওন অমা তাক্লগনি। অমুক হন্না অদোম ঙমখৈ লৈতনা থাগৎপা ফোঙদোকচরি।
प्रधानमंत्री बनने के बाद, अनवर इब्राहिम जी का भारत का यह पहला दौरा है।
— PMO India (@PMOIndia) August 20, 2024
मुझे खुशी है कि मेरे तीसरे कार्यकाल की शुरुआत में ही भारत में आपका स्वागत करने का अवसर मिल रहा है: PM @narendramodi
भारत और मलेशिया के बीच Enhanced Strategic Partnership का एक दशक पूरा हो रहा है।
— PMO India (@PMOIndia) August 20, 2024
और पिछले दो सालों में, प्रधानमंत्री अनवर इब्राहिम के सहयोग से हमारी पार्ट्नर्शिप में एक नई गति और ऊर्जा आई है।
आज हमने आपसी सहयोग के सभी क्षेत्रों पर व्यापक रूप से चर्चा की: PM @narendramodi
आज हमने निर्णय लिया है कि हमारी साझेदारी को Comprehensive Strategic Partnership के रूप में elevate किया जाएगा।
— PMO India (@PMOIndia) August 20, 2024
हमारा मानना है कि आर्थिक सहयोग में अभी और बहुत potential है: PM @narendramodi
मलेशिया की “यूनिवर्सिटी तुन्कु अब्दुल रहमान” में एक आयुर्वेद Chair स्थापित की जा रही है।
— PMO India (@PMOIndia) August 20, 2024
इसके अलावा, मलेया यूनिवर्सिटी में तिरुवल्लुवर चेयर स्थापित करने का निर्णय भी लिया गया है: PM @narendramodi
ASEAN और इंडो-पेसिफिक क्षेत्र में मलेशिया, भारत का अहम पार्टनर है।
— PMO India (@PMOIndia) August 20, 2024
भारत आसियान centrality को प्राथमिकता देता है।
हम सहमत हैं कि भारत और आसियान के बीच FTA की समीक्षा को समयबद्द तरीके से पूरा करना चाहिए: PM @narendramodi
