“য়োগ তৌবা মীওইশিংগী মশিং অসি মালেমগী ওইনা হেনগৎলক্লি”
“য়োগনা পীবা এত্মোস্ফিয়র, ইনর্জী অমসুং এক্সপরিয়েন্স অসি ঙসিদি জম্মু অমসুং কাশ্মীরদা ফাওবা ফংখি”“ঙসি মালেমনা আনৌবা য়োগ ইকনোমী থোরকপা উবা ফংলি”“মালেমনা য়োগ অসি মালেমগী য়াইফনবা শক্তি লৈরবা এজেন্ত অমা ওইনা উরি”“য়োগনা ঐখোয়বু হৌখিবা মতমগী পোৎলুম পুহন্দনা চৎলিবা মীকুপ অদুদা হিংহনবদা মতেং পাংই”“য়োগনা খুন্নাইদা অফবা অহোংবা পুরক্নবা অনৌবা লম্বী য়াৎলি”“য়োগনা ঐখোয়গী অকোইবদা লৈরিবা মালেমগী য়াইফবগা মরী লৈনবা ঐখোয়গী য়াইফ থৌরাং অদু খঙহনবদা ঐখোয়দা মতেং পাংই”“য়োগ অসি শুপ্নগী দিস্সিপ্লিন খক্তা নত্তনা বিজ্ঞান অমসু ওইরি”ঙসি জম্মু অমসুং কাশ্মীরগী শ্রীনগরদা পাঙথোকখিবা 10শুবা মালেমগী য়োগ নুমিৎ (IYD)দা প্রধান মন্ত্রী, শ্রী নরেন্দ্র মোদীনা ৱা ঙাংখ্রে। প্রধান মন্ত্রীনা মালেমগী য়োগ নুমিৎকী পালন থৌরমদা লুচিংখি অমসুং য়োগ সেসনদা শরুক য়াখি।
থৌরম অদুদা ৱা ঙাংলদুনা, প্রধান মন্ত্রীনা মালেমগী য়োগ নুমিৎকী থৌরমদা য়োগ অমসুং সাধনাগী লমদম, জম্মু অমসুং কাশ্মীরদা লাকপগীদমক থাগৎপা ফোঙদোকখি। শ্রী মোদীনা হায়খি, "জম্মু অমসুং কাশ্মীরদা ঙসিদি য়োগগী এত্মোস্ফিয়র, ইনর্জী অমসুং এক্সপরিয়েন্স অদু ফাওবা ফংলি।" মালেমগী তোঙান তোঙানবা মফমশিংদা লৈরিবা নাগরিক পুম্নমক্তা অমসুং য়োগ তৌরিবা মীওইশিংদা মহাক্না মালেমগী য়োগ নুমিৎকী য়াইফ পাউজেল পীখি।
10শুবা মালেমগী য়োগ নুমিৎকী কুমওন লাকপদা প্রধান মন্ত্রীনা লৈবাক 177না UNদা ভারতকী প্রপোজেল শৌগৎখিবা অদু নীংশিংখি। মহাক্না 2015দা কর্তব্য পথতা মীওই 35,000না য়োগ তৌখিবা অমসুং মমাং চহিদা UN হেদক্বার্তর্স্তা প্রধান মন্ত্রীনা লুচিংদুনা পাঙথোকখিবা য়োগগী থৌরমদা লৈবাক 130 হেনবনা শরুক য়াখিবা অসিগুম্বা IYDগী থমখিবা রেকোর্দশিংগী মতাংদসু পনখি। আয়ুশ মন্ত্রালয়না শেমখিবা য়োগ সর্তিফিকেসন বোর্দনা ভারতকী ইন্সতিত্যুৎ 100 হেন্না অমসুং মপান লৈবাক্কী ইন্সতিত্যুৎ 10 হেন্না শকখঙখ্রে হায়নসু মহাক্না নুংঙাইবা ফোঙদোকখি।
প্রধান মন্ত্রীনা হায়খি মদুদি মালেম শিনবা থুংনা যোগ তৌরিবা মীশিংগী মশিং হেনগৎলক্লি অমরোমদা মসিদা মীৎয়েং চংবা লেপ্তনা হেনগৎলক্লি। মহাক্না য়োগগী কান্নবা অসি মীয়াম্না খঙনরক্লি ফোঙদোক্লদুনা হায়খি মদুদি মালেমগী লুচিংবা অমত্তনা মহাক্কী ৱারী শানবদা য়োগগী মতাংদা পনখিদবা লৈতে। “মালেমগী লুচিংবা পুম্নমক্না ঐহাক্কা ৱারী শানবদা য়োগদা পুক্নিং লুপ্পা মতৌ উৎখি হায়না মহাক্না হায়খি। মহাক্না হায়খি মদুদি মালেমগী মফম খুদিংমক্তা য়োগ অসি নুমিৎ খুদিংগী পুন্সিগী শরুক অমা ওইরক্লি। মালেম শিনবা থুংনা য়োগবু হেন্না-হেন্না পাম্নবা হেনগৎলক্লিবা অসিগী মতাংদা প্রধান মন্ত্রীনা 2015দা মহাক্না তুর্কমেনিস্তানদা চৎখিবা মতমদা য়োগ সেন্তর অমা শঙ্গাখিবগী থৌরম অদু নীংশিংখি অমসুং ঙসিদি য়োগ অসি লৈবাক অসিদা য়াম্না পাম্নরে হায়খি। মহাক্না মখা তানা হায়খি মদুদি তুর্কমেনিস্তান্দা স্তেত মেদিকেল য়ুনিভর্সিতীশিংনা য়োগ থেরাপী য়াওহনখ্রে, সৌদি অরাবিয়ানা মখোয়গী এজুকেসন সিস্তেমগী শরুক অমা ওইহনখ্রে অমসুং মোঙ্গোলিয়ন য়োগ ফাউন্দেসন্না য়োগগী স্কুল কয়া অমা চলাইরি। য়ুরোপতা য়োগবু লৌশিনবগী মতাংদা পাউদম্লদুনা প্রধান মন্ত্রীনা হায়খি মদুদি হৌজিক ফাওবদা জর্মনগী নাগরিক করোর 1.5না য়োগ শান্নরি। মহাক্না চহি 101 শুরবী ফ্রেঞ্চ য়োগ ওজা অমা ভারত্তা অমুক্তা লাকখিদ্রবসু মহাক্না য়োগগী লমদা লৌখিবা থৌদাংশিংগীদমক ভারতনা চহি অসিদা পদ্মশ্রী পীখিবা অদুসু নিংশিংখি। মহাক্না মখা তারদুনা হায়খি মদুদি ঙসিদি য়োগ অসি রিসর্চকী হীরম অমা ওইরক্লি অমসুং হৌখিবা চহি 10দা য়োগ পাকথোক চাউথোক্লকপনা মরম ওইদুনা য়োগগী মতাংদা অহোংবা লাক্লিবা ৱাখল্লোনগী মতাংদা রিসর্চ পেপর কয়া অমা ইখ্রে। প্রধান মন্ত্রীনা অনৌবা য়োগ ইকোনোমীগী মরমদা হায়খি। মহাক্না য়োগ তুরিজমদা মীৎয়েং চংবা হেনগৎলক্লিবা অমসুং মীয়াম্না অশেংবা য়োগ তম্নবগীদমক্তা ভারত্তা লাক্নীংবগী অপাম্বগী মতাংদা পনখি। মহাক্না যোগ রিত্রিত, রিজোর্ৎশিং, এয়রপোর্তশিং অমসুং হোতেলশিংদা যোগগীদমক্তা অখন্নবা ফেসিলিতীশিং, যোগগী ফি-রোল অমসুং ইক্বিপমেন্ত, পর্সনেল যোগ ত্রেনরশিং, অমসুং যোগ অমসুং মাইন্দফুলনেস ৱেলনেস ইনিসিএতিবশিং পায়খৎলিবা কম্পনীশিংগী মতাংদসু পনখি। হায়রিবা পুম্নমক অসিনা নহারোলশিংগীদমক্তা থবক ফংহন্নবগী অনৌবা লম্বীশিং শেমগৎলি হায়না মহাক্না মখা তাখি।
চহি অসিগী IYDগী থিম - "ইশাগী অমসুং খুন্নাইগীদমক য়োগ"গী মতাংদা পল্লদুনা, পি.এম. মোদীনা হায়খি মদুদি মালেম অসিনা য়োগবু মালেমগী য়াইফনবা শক্তি লৈবা এজেন্ত অমা ওইনা উরি অমসুং মসিনা ঐখোয়বু হৌখ্রবা মতমগী পোৎলুম পুহন্দনা মীকুপ অসিদা হিংবা ঙমহল্লি। পি.এম. মোদীনা হায়খি, “ঐখোয়গী য়াইফ-থৌরাং অসি ঐখোয়গী অকোয়বদা লৈরিবা মালেমগী য়াইফ-থৌরাংগা মরী লৈনৈ হায়বসি খঙবদা য়োগনা মতেং পাংই। ঐখোয়না নুংগী ওইনা শান্তি লৈরবা মতমদা, ঐখোয়না মালেমদা অফবা শাফু অমা পীবা ঙমগনি।”
য়োগগী সাইন্তিফিক এস্পেক্তশিংদা মরুওইবা পল্লদুনা, প্রধান মন্ত্রীনা কনসেন্ত্রেসন্না খ্বাইদগী চাউবা শক্তি ফোঙদোক্লদুনা ইনফোর্মেসন ওভরলোদ থেংননবা অমসুং ফোকস লেংদনা থম্বগী মরুওইবা অদু পনখি। মসিনা মরম ওইদুনা, প্রধান মন্ত্রীনা হায়খি, য়োগ অসি আর্মীদগী হৌরগা শান্ন-খোৎনবা ফাওবা য়াওনা হীরম কয়াদা য়াওহনখ্রে। এস্ত্রোনোতশিংদসু য়োগ অমসুং মেদিতেসনগী মতাংদা ত্রেনিং পীরি। জেলদা লৈবা মীওইশিংগী মরক্তা পোজিতিব ওইবা ৱাখল্লোনশিং শন্দোক্নবগীদমকসু য়োগ অসি শীজিন্নরি। প্রধান মন্ত্রীনা হায়খি, "যোগনা খুন্নাইদা পোজিতিব ওইবা অহোংবা পুরক্নবা অনৌবা লম্বীশিং শেমগৎলি।"
প্রধান মন্ত্রীনা থাজবা ফোঙদোকখি মদুদি য়োগদগী ইথিল ফংলকপা অসিনা ঐখোয়গী হোৎনবদা পোজিতিব ইনর্জী পীরগনি। প্রধান মন্ত্রীনা জম্মু অমসুং কাশ্মীরগী মীয়াম, মরু ওইনা শ্রীনগরগী মীয়ামগী যোগদা থৱায় য়াওবগীদমক থাগৎপা ফোঙদোকখি। মহাক্না হায়খি মদুদি মসিনা য়ুনিয়ন তেরিতোরীগী তুরিজম হেনগৎহন্নবা প্লেৎফোর্ম অমা পীরি। মহাক্না নোং চুজরবসু মীয়ামনা থোরক্তুনা মখোয়গী সপ্পোর্ত তৌবগী ৱাখল্লোনবু থাগৎপা ফোঙদোকখি। মহাক্না হায়খি, "জম্মু অমসুং কাশ্মীরদা মীওই 50,000 দগী 60,000 ফাওবা যোগ প্রোগ্রামদা য়াওবা অসি য়াম্না য়াম্মি।" প্রধান মন্ত্রীনা মহাক্কী ৱারোল লোইশিনবদা জম্মু অমসুং কাশ্মীরগী মীয়ামদা তেংবাং পীবিবগী অমসুং শরুক য়াবগীদমক থাগৎপা ফোঙদোকখি অমসুং মালেম পুম্বগী য়োগবু পামজবা মীওইশিংদা মহাক্না য়াইফ-পাউজেল পীখি।
বেকগ্রাউন্দ
জুন 21, 2024দা 10শুবা মালেমগী য়োগ নুমিত্তা (IDY)প্রধান মন্ত্রীনা শ্রীনগরগী সের-ই-কাস্মির ইন্তরনেসনেল কনফরেন্স সেন্তর(SKICC)দা পাঙথোকপা মালেমগী য়োগ নুমিৎ থৌরম লমজিংখি। য়োগনা নহারোলশিংগী পুক্নিং অমসুং হকচাংদা পীরিবা কান্নবশিংগী মরুওইবা অদু চহি অসিগী থৌরম অসিদা পান্দম থম্লি। থৌরম অসিদা নহারোল লিশিং কয়া য়োগা পাংথোক্নবা অমসুং মালেমগী থাক্তা হকচাং ফবা অমসুং নুংঙাই-য়াইফবা পুক্নিং থৌগৎনবা পান্দম থম্লি।
2015 দগী, প্রধান মন্ত্রীনা লমজিংদুনা তোঙান-তোঙানবা মমিং লৈরবা মফমশিং হায়বদি দিল্লিগী কর্তব্য পথ, চান্দিগর, দেহরাদুন, রাঞ্চি, লাখনৌ, মাইসুরু অমসুং নিউ য়োর্ককী য়ুনাইতেদ নেসন্স হেদক্বাতরসতা মালেমগী য়োগ নুমিৎ পাংথোক্তুনা লাক্লি।
চহি অসিগী থিম “ইশাগী অমসুং খুন্নাইগীদমক য়োগ” হায়বসিনা লনাই মীওই অমসুং খুন্নাই চাউখৎহনবদা য়োগনা লৌরিবা থৌদাং অনি অদু ফোঙদোক্লি। মীয়াম শরুক য়ানবা অমসুং খুঙ্গংগী লমদমশিংদা য়োগ শন্দোক্নবা থৌরম অসিনা পুক্নিং থৌগৎকনি।
Click here to read full text speech
The number of people practising yoga is growing worldwide. pic.twitter.com/3Iezxq0XdB
— PMO India (@PMOIndia) June 21, 2024
Yoga – A powerful agent of global good. pic.twitter.com/P0ktMQi0XE
— PMO India (@PMOIndia) June 21, 2024
Yoga helps us live in the present moment, without baggage of the past. pic.twitter.com/ExCk1KUDt4
— PMO India (@PMOIndia) June 21, 2024
Yoga helps us realise that our welfare is related to the welfare of the world around us. pic.twitter.com/YtYApIc3Tu
— PMO India (@PMOIndia) June 21, 2024
योग केवल एक विधा नहीं है, बल्कि एक विज्ञान भी है। pic.twitter.com/yX64waQmj9
— PMO India (@PMOIndia) June 21, 2024
