Quoteনাগপুর-বিজয়ৱারা ইকোনোমিক কোরিদোরগা মরী লৈনবা লম্বীগী প্রোজেকশিং উরেপ-উয়ুং তমখ্রে
Quoteভারতমালা পরিয়োজনাগী মখাদা হায়দ্রবাদ-বিশাখাপত্নম কোরিদোরগা মরী লৈনবা লম্বীগী প্রোজেকশিং মীয়ামদা কৎথোকখ্রে
Quoteমরুওইবা থাউ অমসুং গ্যাস পাইপলাইন প্রোজেকশিং উরেপ-উয়ুং তমখ্রে অমসুং মীয়ামদা কৎথোকখ্রে
Quoteহায়দ্রবাদ(কাচেগুরা)-রাইচুর-হায়দ্রবাদ(কাচেগুরা) ত্রেন চেনবা হৌবা লমথাখ্রে
Quoteতেলঙ্গানাগী য়াইঙং থাবা লৌমীশিংগী য়াইফনবা কেন্দ্র সরকারনা নেসনেল তর্মেরিক বোর্দ শেম্লে হায়না লাউথোক্লে
Quoteইকোনোমিক কোরিদোরনা হনামকোন্দা, মাহবুবাবাদ, ৱারঙ্গাল অমসুং খাম্মাম জিলাশিংগী নহারোলশিংদা খুদোংচাবা কয়া পীরগনি
Quoteঅনৌবা সাম্মাক্কা-সারাক্কা সেন্ত্রেল ত্রাইবেল য়ুনিভর্সিতি শানবা লুপা করোর ৯০০ চাদিং তৌরগনি

ঙসি প্রধান মন্ত্রী শ্রী নরেন্দ্র মোদীনা তেলঙ্গানাগী মাহবুবনাগরদা লুপা করোর ১৩,৫০০ হেনবগী তোঙান-তোঙানবা চাউখৎ-থৌরাংগী প্রোজেকশিং উরেপ-উয়ুং তমখ্রে অমসুং মীয়ামদা কৎথোকখ্রে। চাউখৎ-থৌরাংগী প্রোজেকশিংগী মনুংদা লম্বী,রেল, পেত্রোলিয়ম অমসুং নেচরেল গ্যাস অমসুং অৱাংবা থাক্কী লাইরিক-লাইশুগী হিরমশিং য়াওরি। থৌরম মনুংদা ভিদিও কনফরেন্সকী খুৎথাংদা প্রধান মন্ত্রীনা ত্রেন অমসু লমথাখ্রে ।

থৌরম অদুদা তিনখিবা মীয়ামদা ৱা ঙাংবদা প্রধান মন্ত্রীনা হায়খি সংসদতা নারী শক্তি বন্দন অধিনিয়ম পাস তৌখিবা অসিনা নবরাত্রি হৌদ্রিঙৈদা শক্তি পুজাগী থৌনা লৈহল্লে।

 

|

লমদম অসিগী পুন্সি মহিংদা অওনবা পুরক্কদবা লম্বীগী প্রোজেক কয়া ঙসি উরেপ-উয়ুং তম্বদা প্রধান মন্ত্রীনা হরাওবা ফোঙদোকখি। নাগপুর-বিজয়ৱারা ইকোনোমিক কোরিদোরনা তেলঙ্গানা, অন্ধ্র প্রদেস অমসুং মহারাস্ত্রাদা চৎথোক-চৎশিন অমসুং ললোন-ইতিক নুংঙাইহল্লগনি। হায়রিবা রাজ্যশিং অসিদা ললোন-ইতিক, তুরিজম অমসুং উদোগ হেন্না চাউখৎহল্লগনি। মহাক্না হায়খি কোরিদোর অসিদা মরুওইবা শেন-থুমগী মফমশিং মশক খঙদোক্লে। মফমশিং অদুগী মনুংদা স্পিসিএল ইকোনোমিক জোন ৮, মেগা ফুদ পার্ক ৫, ফিসিং সিফুদ ক্লস্তর ৪, ফার্মা অমসুং মেদিকেল ক্লস্তর ৩ অমসুং তেক্সতাইল ক্লস্তর ১ য়াওরি। মসিনা হনামকোন্দা, মাহবুবাবাদ, ৱারঙ্গাল অমসুং খাম্মাম জিলাশিংগী নহারোলশিংদা খুদোংচাবা কয়া পীরগনি।

প্রধান মন্ত্রীনা হায়খি রাজ্য অসিদা শাবা পোৎ-চৈশিং হিথাংফমশিং ফাওবা পুনবা সমুদ্রগা শম্নদবা তেলঙ্গানাগুম্বা রাজ্য অমদা রেল অমসুং লম্বী অসি য়াম্না মরুওই। লৈবাক অসিগী মরুওইবা ইকোনোমিক কোরিদোরশিং তেলঙ্গানা ফাউদুনা চৎলি। হায়রিবা কোরিদোরশিং অসি রাজ্য অসিগা নোংপোক অমসুং নোংচুপকী সমুদ্র মপানশিংগা শম্ননবা পাম্বৈ অমা ওইগনি। মসিদা হায়দ্রবাদ বিশাখাপত্নম কোরিদোরগী সুরয়াপেত-খাম্মাম সেক্সন্না মতেং পাংগনি। মসিনা নোংপোক থংবা সমুদ্র মপান য়ৌবদা মতেং পাংগনি। মসিগী মথক্তা, উদোগশিং অমসুং ললোন-ইতিকশিংগী পোৎ-চৈ পুথোক-পুনশিনগী চাদিং হন্থহনগনি। জাকলায়র অমসুং কৃষ্ণ সেক্সনগী মরক্তা শেমগৎলিবা রেলৱে লাইন্না মফম অসিগী মীয়ামগী য়াম্না মরুওইবা লাইন ওইগনি।

 

|

তেলঙ্গানাগী য়াইঙং থাবা লৌমীশিংগী য়াইফনবা কেন্দ্র সরকারনা নেসনেল তর্মেরিক বোর্দ শেম্লে হায়না প্রধান মন্ত্রীনা লাউথোকখি। মহাক্না হায়খি নেসনেল তর্মেরিক বোর্দনা সপ্লাই চেন্দা মগুন হেনগৎহন্নবা মীৎয়েং চঙগনি অমসুং লৌমীশিংগী ইনফ্রাস্ত্রকচর ফগৎহনবদা মতেং পাংগনি। নেসনেল তর্মেরিক বোর্দ শেম্বদা তেলঙ্গানাগী য়াইঙং থাবা লৌমীশিং অমসুং লৈবাক শীনবা থুংনা প্রধান মন্ত্রীনা হরাওবা ফোঙদোকখি।

হন্দক মালেম শীনবা থুংনা ইনর্জি অমসুং ইনর্জি সেকুরিতি সেক্তরদা চাউখৎলক্লিবশিংগী মতাংদা প্রধান মন্ত্রীনা হায়খি সরকারনা উদোগশিং খক্তগী নত্তনা য়ুমশিংগীসু ইনর্জি ৱাৎহন্দ্রে। ২০১৪দা এল.পি.জি সিলিন্দর করোর ১৪ পীরম্বদগী হৌজিক ২০২৩দা সিলিন্দর করোর ৩২ পীরে অমসুং হন্দক গ্যাসকী মমলশু হন্থরে। লৈবাক অসিদা এল.পি.জি ফংহনবগী থবক পাংথোক-চাউথোক্নবা সরকারনা অকনবা থবক পায়খৎলি। লমদম অসিগী মীয়ামদা ইনর্জি মতিক চানা ফংহনবদা হাসান-চেরলাপাল্লি এল.পি.জি পাইপলাইন্না মরুওইবা থৌদাং অমা লৌগনি।

 

|

কৃষ্ণপত্নমদগী হায়দ্রবাদ ফাওবগী মরক্তা মল্তিপ্রদক পেত্রোলিয়ম পাইপলাইন শেমগৎনবা উরেপ-উয়ুং তম্বা অসিনা তেলঙ্গানাদা হকথেংননা অমসুং নাকোইননা থবক লিশিং কয়া ফংহল্লগনি হায়না প্রধান মন্ত্রীনা থাজবা পীখি।

মসিগী মমাঙদা, প্রধান মন্ত্রীনা হায়দ্রবাদ সেন্ত্রেল য়ুনিভর্সিতিদা বিল্দিং কয়া শঙ্গাখি। কেন্দ্র সরকারনা হায়দ্রবাদ য়ুনিভর্সিতি অসি ‘ইন্সতিতুসন ওফ ইমিনেন্স’ ওইনা শকখঙলে অমসুং অখন্নবা শেনফমশিং পীরে। প্রধান মন্ত্রীনা হায়খি মুলুগু জিলাদা ভারত সরকারনা সেন্ত্রেল ত্রাইবেল য়ুনিভর্সিতি অমা লিংখৎলগনি। য়ুনিভর্সিতি অসি ত্রাইবেল লাইরেম্বী সাম্মাক্কা-সারাক্কাগী মমিং থোনগনি। অনৌবা সাম্মাক্কা-সারাক্কা সেন্ত্রেল ত্রাইবেল য়ুনিভর্সিতি শানবা লুপা করোর ৯০০ চাদিং তৌরগনি। সেন্ত্রেল ত্রাইবেল য়ুনিভর্সিতি অসিগীদমক শ্রী মোদীনা তেলঙ্গানাগী মীয়ামদা নুংঙাইবা ফোঙদোকখি।

|

থৌরম অদুদা শরুক য়াখিবশিংগী মনুংদা তেলঙ্গানাগী রাজ্যপাল তামিলিসাই সাউন্দারারাজন, য়ুনিয়ন মিনিস্তর শ্রী জি কিসন রেদ্দি অমসুং এম.পি শ্রী বন্দি সঞ্জয় কুমার য়াওখি।

নুঙগীৱারোল

থৌরম মনুংদা তোঙান-তোঙানবা চাউখৎ-থৌরাংগী প্রোজেকশিং উরেপ-উয়ুং তম্বা অমসুং মীয়ামদা কৎথোকপা অসি লৈবাক শীনবা থুংনা মতমগা চুনবা লম্বীগী ইনফ্রাস্ত্রকচর চাউখৎনবা প্রধান মন্ত্রীগী পান্দমদা ইনোৎ পীনবা মাইকৈদা থাংজিনবা খোঙথাং অমনি। প্রধান মন্ত্রীনা নাগপুর-বিজয়ৱারা ইকোনোমিক কোরিদোরগা মরী লৈনবা লম্বীগী প্রোজেকশিং উরেপ-উয়ুং তমখি। প্রোজেকশিংগী মনুংদা এন.ঐ-163Gগী ৱারঙ্গলদগী খাম্মাম ফাওবগী কিমি ১০৮ শাংবা ফোর লেন এসেস কন্ত্রোল গ্রিনফিল্দ হায়ৱে অমসুং এন.ঐ-163Gগী খাম্মামদগী বিজয়ৱারা ফাওবগী কিমি ৯০ শাংবা ফোর লেন এসেস কন্ত্রোল গ্রিনফিল্দ হায়ৱে য়াওরি। হায়রিবা লম্বীগী প্রোজেকশিং অসি লুপা করোর ৬৪০০ রোম চঙনা শেমগৎকদবনি। প্রোজেকশিং অসিনা ৱারঙ্গল অমসুং খাম্মাম অনিগী মরক্কী  অরাপ্পা কিমি ১৪ অমসুং খাম্মাম অমসুং বিজয়ৱারা অনিগী মরক্কী অরাপ্পা কিমি ২৭ রোম হন্থহনগনি।

এন.ঐচ-365BBগী সুরয়াপেত্তগী খাম্মাম ফাওবগী কিমি ৫৯ শাংবা লম্বী লেন মরি ওনখৎপগী লম্বীগী প্রোজেক অমা প্রধান মন্ত্রীনা মীয়ামদা কৎথোকখ্রে। হায়দ্রবাদ-বিশাখাপত্নম কোরিদোরগী শরুক অমা ওইনা প্রোজেক অসি লুপা করোর ২৪৬০ চঙনা শেমগৎপনি অমসুং মসি ভারতমালা পরিয়োজনাগী মখাদা পায়খৎপনি। মসিনা খাম্মাম জিলাদগী অন্ধ্র প্রদেসকী সমুদ্র মপানগী লমদমশিংদা হেন্না নুংঙাইবা চৎথোক-চৎশিনগী খুদোংচাবা হেন্না পীগনি।

 

|

থৌরম মনুংদা প্রধান মন্ত্রীনা কিমি ৩৭ শাংবা জাকলায়র-কৃষ্ণ নিউ রেলৱে লাইন মীয়ামদা কৎথোকখ্রে। লুপা করোর ৫০০ হেন্না চঙনা শেমগৎপা অনৌবা রেল লাইন অসিনা নরায়ানপেত জিলাগী চাউখৎত্রিবা মফমশিং অহানবা ওইনা রেলৱেগী মেপ্তা য়াওহল্লগনি। ভিদিও কনফরেন্সকী খুৎথাংদা কৃষ্ণ স্তেসন্দগী প্রধান মন্ত্রীনা হায়দ্রবাদ(কাচেগুরা)-রাইচুর ত্রেন চেনবা হৌবা লমথাখ্রে। ত্রেন সর্বিস অসিনা তেলঙ্গানাগী হায়দ্রবাদ, রঙ্গরেদ্দি, মহাবুবনাগর, নরায়ানপেত জিলাশিংগা কর্নাতকাগী রাইচুর জিলাগা শম্নহনগনি। মসিনা মহাবুবনাগর অমসুং নরায়ানপেত জিলাশিংগী চাউখৎত্রিবা অনৌবা মফমশিং অহানবা ওইনা ত্রেন য়ৌদুনা মহৈরোয়শিং, নোংমগী চৎথোক-চৎশিন তৌরিবা মীওইশিং, শিন্মীশিং অমসুং লমদম অদুগী ইয়োংগী উদোগতা কান্নবা পীরগনি।

লৈবাক অসিদা লোজিস্তিক্স ফগৎহন্নবা প্রধান মন্ত্রীগী পান্দমগী শরুক অমা ওইনা, থৌরম মনুংদা মরুওইবা থাউ অমসুং গ্যাস পাইপলাইন প্রোজেকশিং উরেপ-উয়ুং তমখ্রে অমসুং মীয়ামদা কৎথোকখ্রে। প্রধান মন্ত্রীনা ‘হাসান-চেরলাপাল্লি এল.পি.জি পাইপলাইন প্রোজেক’ মীয়ামদা কৎথোকখ্রে। কর্নাতকাগী হাসানদগী চেরলাপাল্লি(হায়দ্রবাদগী সবঅর্বান) ফাওবা লুপা করোর ২১৭০ চঙনা পায়খৎপা এল.পি.জি পাইপলাইন অসিনা লমদম অসিদা অশোই-অঙাম থোকহন্দনা, মমল হোঙনা অমসুং অকোয়বগী ফিবম কাইহন্দনা এল.পি.জি পুবা অমসুং য়েন্থোকপা ঙমহনগনি। প্রধান মন্ত্রীনা কৃষ্ণপত্নমদগী হায়দ্রবাদ(মালকাপুর) ফাওবগী ভারত পেত্রোলিয়ম কোর্পোরেসন লিমিতেৎকী মল্তি-প্রদক পেত্রোলিয়ম পাইপলাইনগী উরেপ-উয়ুং তমখি। কিমি ৪২৫ শাংবা পাইপলাইন অসি লুপা করোর ১৯৪০ চঙনা পায়খৎকদবনি। মসিনা লমদম অসিদা অশোই-অঙাম থোকহন্দনা, য়াম্না য়াংনা অমসুং মহৌশাগী অকোয়বগী ফিবম কাইহন্দনা পেত্রোলিয়মগী পোৎথোকশিং ফংহনগনি।

 

|

প্রধান মন্ত্রীনা হায়দ্রবাদ য়ুনিভর্সিতিগী বিল্দিং মঙা হায়বদি স্কুল ওফ ইকোনোমিক্স; স্কুল ওফ মেথেমেতিক্স; স্কুল ওফ মেনেজমেন্ত স্তদিজ; লেকচর হোল কমপ্লেক্স- III অমসুং সোরোজিনি নাইদু স্কুল ওফ আর্তস এন্দ কম্মুনিকেসন(এন্নেক্স)শু শঙ্গাখি। হায়দ্রবাদ য়ুনিভর্সিতিগী ইনফ্রাস্ত্রকচর ফগৎহনবা অসি মহৈরোয়শিং অমসুং ফেকলতিদা অফবা খুদোংচাবশিং ফংহন্নবা মাইকৈদা থাংজিনবা খোঙথাং অমনি।

 

ৱা ঙাংখিবগী মপুংফাবা ৱারোল পানবা মসিদা নম্বীয়ু

  • Dipanjoy shil December 27, 2023

    bharat Mata ki Jay🇮🇳
  • Pt Deepak Rajauriya jila updhyachchh bjp fzd December 24, 2023

    जय
  • Mahendra singh Solanki Loksabha Sansad Dewas Shajapur mp October 13, 2023

    नमो नमो नमो नमो नमो नमो नमो नमो नमो नमो नमो नमो नमो नमो नमो नमो
  • RajkumarRaja October 03, 2023

    nice to hear, Ji 🙏
  • Ramjee Gupta October 03, 2023

    मोदी हैं तो मुमकीन है
  • Jayakumar G October 03, 2023

    🌺AHIMSA SATYA SARVODAYA 🌺
  • Bindu bashni singh October 02, 2023

    Bharat mata ki jai 🙏🙏
  • Umakant Mishra October 02, 2023

    Har har mahadev
  • Babaji Namdeo Palve October 02, 2023

    Bharat Mata Kee Jai
  • Ravi neel October 02, 2023

    Amazing Namo..phenomenal Namo...👍👍🙏🙏
Explore More
প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল

Popular Speeches

প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল
Economic Survey: India leads in mobile data consumption/sub, offers world’s most affordable data rates

Media Coverage

Economic Survey: India leads in mobile data consumption/sub, offers world’s most affordable data rates
NM on the go

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 1 ফেব্রুৱারি, 2025
February 01, 2025

Budget 2025-26 Viksit Bharat’s Foundation Stone: Inclusive, Innovative & India-First Policies under leadership of PM Modi