‘মিসন স্কুল ওফ এক্সলেন্স’ প্রোগ্রামগী মখাদা লুপা করোর ৪৫০০গী প্রোজেক্ত কয়াগী উরেপ উয়ুং তম্বগা লোয়ননা মীয়ামদসু খুৎশিন্নখি
‘বিদ্যা সমীক্ষা কেন্দ্র ২.০’ অমসুং চাউখৎ থোরাংগী অতোপ্পা প্রোজেক্ত কয়াগী উরেপ উয়ুং তমখি“ঐখোয়গী ওইনদি, লাইরবগী য়ুম হায়বসি মশিংখক নত্তনা ইশাবু ইকায় খুম্নজবগী পাম্বৈ অমনি হায়না লৌই”“ঐখোয়না ত্রাইবেল মফমশিংগী নহাশিংদা খুদোংচাবা ফংহনবগা লোয়ননা মখোয়গী মেরিৎপুসু পুক্নিং থৌগৎপগী পান্দম থম্লি”“অদোমগী ইচানুপা অসিনা অদোমগী হক ফংহন্নবা লাক্লিবনি হায়না ঐহাক্না ছোতাউদয়পুর য়াওনা ত্রাইবেলগী অপুনবা মফমগী ইমা অমসুং ইচে ইচলশিংগী মফমদা হায়জনীংই”প্রধান মন্ত্রী, শ্রী নরেন্দ্র মোদীনা ঙসি গুজরাতকী বোদেলিগী ছোতাউদয়পুরদা লুপা করোর 5200কী প্রোজেক্তশিংগী উরেপ উয়ুং তমখিবগা লোয়ননা লৈবাক মীয়ামদসু খুৎশিন্নখ্রে। মসিগী মনুংদা ‘মিসন স্কুল ওফ এক্সলেন্স’প্রোগ্রামগী মখাদা লুপা করোর 4500কী প্রোজেক্ত কয়াগী উরেপ উয়ুং তম্বগা লোয়ননা মীয়ামদসু খুৎশিন্নবা অমসুং ‘বিদ্যা সমীক্ষ কেন্দ্র ২.০’ অমসুং চাউখৎ থোরাংগী অতোপ্পা প্রোজেক্ত কয়াগী উরেপ উয়ুং তমখিবসু য়াওরি।
প্রধান মন্ত্রীনা ঙসি তিনখিবা মীয়ামদা ৱা ঙাংবদা লমদম অসিগা মহাক্কা মতম শাংনা মরী লৈনদুনা লাকপগী ৱাফম নীংশিংখি। মহাক্না ঙসি প্রোজেক্তশিং অসিবু মীয়ামদা খুৎশিন্নবা অমসুং উরেপ উয়ুং তম্বসিদা নুংঙাইবা ফোংদোকখি। মহাক্না কার্য়করতা ওইরিঙৈ মতমদা খুঙ্গং অসিদা অহানবা ওইনা লাকখিবা মতম্বু নীংশিংখি। ঙসিগী ভাবোকশিংগী মরক্তা মহাক্না মশক খঙবা মীওই কয়া য়াইবা উবদা মহাক্না নুংঙাইবা ফোংদোকখি। লমদমসিগী ত্রাইবেল খুন্নাইগী পুন্সি মহিং অমসুং মখোয়না মাইয়োক্নরিবা ফিভমশিং মহাক্না মমুৎ তানা খঙই হায়না মহাক্না পাউদমখি। মহাক্না মীয়ামগী থৌদাং লৌখিবা মতমদা অতোপ্পা ত্রাইবেল মফমশিংগা লোয়ননা লমদম অসিবু চাউখৎহনগনি হায়না ৱারেপ লৌখি হায়না মীয়ামদা পাউদমখি। মহাক্কী মতমগী মনুংদা হৌদোকখিবা স্কিম কয়ানা অপাম্বা মহৈ য়াল্লকপা উবদা নুংঙাইবা ফাওই হায়না মহাক্না হায়খি। স্কুলবু অহানবা ওইনা উজবদা নুংঙাইবা ফাওখিবা অঙাংশিং অদুনা ঙসিদি ওজা অমসুং ইঞ্জিনিয়র ওইদুনা নুংঙাই য়াইফবা পুন্সি হিংবা উবদা ফাওখিবা নুংঙাইবগী মতাংদা মহাক্না পাউদমখি।
প্রধান মন্ত্রীনা স্কুল, লম্বী-শোরোক, য়ুম-কৈ অমসুং ঈশিং ফংবগী মতাংদা ৱা ঙাংবদা, হায়রিবশিং অসিদি খুন্নাইগী লাইরবশিংগী পুন্সিদা মশাবু ইকায় খুম্নজহনবগী তঙাই ফদবা পোৎলমশিংনি অমসুং মখোয়শিং অসিগী মতাংদা মিসন মোদতা থবক তৌবা হায়বসিনা মহাক্কী খ্বাইদগী ৱাংবা মিৎয়েংনি হায়না মহাক্না হায়খি। লৈবাক অসিদা লাইরবশিংগী য়ুম করোর 4 হেন্না শাখ্রে হায়না মহাক্না হায়খি। “ঐখোয়গী ওইনদি লাইরবগী য়ুম শাবসি শুপ্নগী মশিং নত্তে, মসিদি মশাবু ইকায় খুম্নজহন্নবা পাম্বৈ অমনি”, মহাক্না হায়খি। য়ুমশিং অসিগী দিজান তৌবগী থৌওংদি বেনিফিশরীশিংদা শিন্নৈ অমসুং য়ুম অয়াম্বনা য়ুমগী নুপীশিংগী মমিংদা লৈবনি হায়না মহাক্না হায়খি। মান্নবা মতৌ অমা ওইনা, য়ুম্থোং খুদিংগী পুন্সি মহিং নুংঙাইহন্নবা তোতি পুশিল্লিবনি। জল জীবন মিসনগী মখাদা, অনৌবা ঈশিংগী কন্নেক্সন করোর 10 পীখি হায়না মহাক্না হায়খি। রাজ্যসিদা থবক তৌবা মতমদা ফংখিবা এক্সপেরিএন্সশিংনা লৈবাক্কী থাক্তা থবক তৌরকপা মতমদা য়াম্না তেংবাংখি হায়না মহাক্না হায়খি। “অদোম্না ঐহাক্কী ওজানি”, মহাক্না হায়খি।
প্রধান মন্ত্রীনা এজুকেসন সেক্তরগী মতাংদা হায়বদা, ঙসিগী প্রোজেক্তশিং অসিদি গুজরাতপু খ্বাইদগী মকোক থংবা থাক্তা থম্নবা থৌওংগী মাইকৈদা পায়খৎপনি হায়রদুনা মুখ্য মন্ত্রী ভুপেন্দর পতেল অমসুং মহাক্কী অপুনবা কাঙবুবু থাগৎপা ফোংদোকখি। “মিসন স্কুল ওফ এক্সেলেন্স অমসুং বিদ্যা সমীক্ষা 2.0না স্কুলগী এজুকেসন্দা অচৌবা ইথিল পীগনি”, প্রধান মন্ত্রীনা হায়খি। বিদ্যা সমীক্ষা কেন্দ্রশিংগী মতাংদা মহাক্না ৱর্ল্দ বেঙ্ককী চেয়রমেনগা ৱারি শান্নখিববু নীংশিংলদুনা, শ্রী মোদীনা চেয়রমেন মশামক্না ভারতকী জিলা খুদিংদা বিদ্যা সমীক্ষা কেন্দ্রশিং লিংখৎলু অমসুং মসিগুম্বা অফবা থবক অসিগীদমক্তা ৱর্ল্দ বেঙ্কনা তেংবাংনবা শেম শাদুনা লৈ হায়না পাউদমখি হায়খি। মসিগুম্বা খোঙথাং অসিনা তেলেন্ত লৈবা অমসুং রিসোর্স ৱাৎপা মহৈরোইশিংদা মশক থোক্না তেংবাংগনি হায়না মহাক্না হায়খি। “ঐখোয়না ত্রাইবেল মফমশিংগী নহাশিংদা খুদোংচাবা ফংহনবগা লোয়ননা মখোয়গী মেরিৎপুসু পুক্নিং থৌগৎপগী পান্দম থম্লি, মহাক্না হায়খি।
সরকারনা একুজেসন অমসুং স্কিল দিভেলপমেন্ততা মমাংগী দিকেদ অনিদগী মিৎয়েং চঙদুনা লাক্লিবা অসিদা প্রধান মন্ত্রীনা মীয়ামগী পুক্নিং চীংশিনখি। হৌখিবা দিকেদ অনিসিগী মমাংদা স্কুল অমসুং কোলেজশিংদা ওজা অমসুং এজুকেসনগী অতোপ্পা খুদোংচাবা কয়া ৱাত্তুনা লাকখিবনা মহৈরোই মশিং য়াম্বনা স্কুলদগী তোকখিবনি হায়না প্রধান মন্ত্রীনা হায়খি। মহাক্না গুজরাতকী মুখ্য মন্ত্রী ওইনা ৱাশক লৌখিবা মতমদা রাজ্যসিগী ত্রাইবেলনা খুন্দাবা মফমশিংগী স্কুলশিংদা সাইন্সকী স্কুলশিং লৈখিদবা অদু তসেংনা লাইবক থীবনি হায়না মহাক্না হায়খি। “সরকারনা ফিভম অসিদা য়াম্না চাঊনা অওনবা পুরক্লে”, শ্রী মোদীনা হৌখিবা দিকেদ অনিদা ওজা লাখ 2 হেন্না লৌখ্রে অমসুং ক্লাসরুম লাখ 1.25 হেন্না শাখ্রে পাউদম্লদুনা হায়খি। হৌখিবা দিকেদ অনিসিদা ত্রাইবেলগী মফমশিংদা সাইন্স, কম্মর্স অমসুং আর্ত ইন্সতিত্যুসনশিংগী নেতৱর্ক অমা থোক্লকখিবগী মতৌ উখি হায়না প্রধান মন্ত্রীনা হায়খি। সরকারনা ত্রাইবেল মফমশিংদা ক্লাসরুম 25,000 অমসুং অনৌবা মেদিকেল কোলেজ 5 শাখ্রে হায়না মহাক্না হায়রদুনা গোবিন্দ গুরু য়ুনিভর্সিতী অমসুং বির্সা মুন্দা য়ুনিভর্সিতীগী খুদম পীখি। লমদমশিং অসিদা স্কিল দিভেলপমেন্ত ইন্সতিত্যুসন কয়া অমসু লৈরক্লে হায়না মহাক্না মখা তাখি।
প্রধান মন্ত্রীনা অনৌবা নেস্নেল এজুকেসন পোলিসীগী মতাংদা পাউদম্লদুনা, ইমালোলদা মহৈ তম্বনা ত্রাইবেল মহৈরোইশিংগী মফমদা অনৌবা খুদোংচাবা কয়া পীগনি অমসুং মখোয়গী মপাঙ্গলসু হাপকনি হায়খি। পি.এম. শ্রী স্কুল অমসুং এক্লাব্যা রেসিদেন্সিএল স্কুল লিশিং 14 হেনবনা ত্রাইবেল লমদম মীয়ামগী পুন্সিদা অহোংবা পুরক্লি হায়না মহাক্না পনখি। ত্রাইবেলশিংবু লৈবাক্কী স্তার্তঅপ ইকোসীস্তেমগী মনুংদা শরুক য়াহন্নবা পুক্নিং থৌগৎপগী থবক কয়াসু পাংথোক্লি হায়না প্রধান মন্ত্রীনা হায়খি। অথাপ্পা মফমশিংদা লৈবা স্কুলশিংদা লৈবা অতল তিঙ্করিং লেব কয়ানা ত্রাইবেল মহৈরোইশিংগী মরক্তা সাইন্সপু পাম্নহল্লি।
ঙসিগী মালেমসিদা লৈরিবা স্কিলগী মরু ওইবশিংদা মীয়ামগী পুক্নিং চীংশিল্লদুনা, প্রধান মন্ত্রীনা কৌশল বিকাস কেন্দ্র অমসুং মসিগী মখাদা নহা লাখ কয়াদা ত্রেনিং পীরিবশিংগী মতাংদা পনখি। প্রধান মন্ত্রীনা মুদ্র য়োজনাগী মখাদা পীরিবা কোলেতরেল য়াওদবা লোন, মসিনা ফর্স্ত তাইম ওন্তোপ্রিনর কয়া শেম্লিবা অসিগী মতাংদসু পনখি। বনধন বিকাস কেন্দ্রশিংনা রাজ্যশিংগী ত্রাইবেল লাখ কয়াদা কান্নবা ফংহল্লি। ত্রাইবেলগী পোত্থোক অমসুং হেন্দিক্রাফকীদমক্তা থম্লিবা অখন্নবা আউতলেতশিংগী মতাংদসু মহাক্না পনখি।
প্রধান মন্ত্রীনা সেপ্তেম্বর 17তা হৌদোকখিবা প্রধান মন্ত্রী বিশ্বকর্মা য়োজনাগী মতাংদা পাউদমখি। শম ককপা, ফুরিৎ তুবা, ফি শুবা, চফু শাবা, য়োৎ শুবা, সনা শাবা, উ শুবা, লৈ পরেং শেম্বা, খোঙউপ শেম্বা, চেক শুবা মীওইশিংনা শেন্দোই নেম্বা লোন কয়া ফংলগনি, অমসুং মরী লৈনবা খুৎলায় অমদি ত্রেনিংসু ফংগনি হায়না মহাক্না পাউদমখি। হোৎনরিবশিং অসিদি হায়রিবা মহৈ অমসুং চৎনবীবু হিংহন্দুনা থম্নবগীদমক্তনি হায়না মহাক্না হায়খি। স্কিম অসিগী মখাদা লৌগদবা লোনশিংগী গেরেন্তী অমত্তা লৈরোই হায়না মহাক্না হায়খি।
সরকারনা চলায়বা মখল কয়াগী স্কিমগী মতেংদগী দলিত, শোত্থরবা কাঙলুপ অমসুং ত্রাইবেল অমদি মতম অমদা থৌশাবীরুদ্রবা মীওইশিংনা ঙসিদি চাউখৎ থৌরাংগী অনৌবা থাক্তা য়ৌনরক্লি হায়না প্রধান মন্ত্রীনা হায়খি। নিংতম্বা ফংবগী দিকেদ কয়াগী মতুংদা ত্রাইবেলশিংগী মশক নাইবা মায় পাকপশিংবু ইকায় খুম্নবগী মতম ফংলক্লিবা অসিগী মতাংদা শ্রী মোদীনা পাউদমখি অমসুং হৌজিক্না জন জাতীয় গৌরব দিবস হায়না পাংথোক্লিবা ভগ্বান বির্সা মুন্দাগী মপোক কুমওনবু খুদম ওই পনখি। হৌজিক্কী সরকার অসিনা ত্রাইবেল খুন্নাইগী বজেৎপু মমাংগী মতমগা চাংদম্নবদা শরুক 5 হেনগৎলিবা অসিগী মতাংদসু মহাক্না মীয়ামগী মফমদা থমখি।
অনৌবা পার্লিয়ামেন্ত বিলদিংদগী অয়াবা পীখিবা অহানবা আইন ওইরিবা নারিশক্তি বন্দন অভিয়ানগী মতাংদা প্রধান মন্ত্রীনা ৱা ঙাংখি। ত্রাইবেল অমসুং নুপীশিংগী হকপু মতম শাংনা মৎপীদুনা করিগীদমক্তা থম্লম্লিবনো হায়বা ৱাহং মহাক্না হংখি। “অদোমগী ইচানুপা অসিনা অদোমগী হক ফংহন্নবা লাক্লিবনি হায়না ঐহাক্না ছোতাউদয়পুর য়াওনা ত্রাইবেলগী অপুনবা মফমগী ইমা অমসুং ইচে ইচলশিংগী মফমদা হায়জনীংই”, মহাক্না হায়খি।
নুপী খুদিংমক্না পার্লিয়ামেন্ত অমসুং এসেমব্লীদা শরুক য়াবগী থোংশিং হৌজিক হাংদোক্লবনি হায়না প্রধান মন্ত্রীনা হায়খি। সংবিধান্না SC অমসুং ST খুন্নাইগীদমক্তা ফম খাক্লিবা অসিগী মতাংদসু মহাক্না পাউদমখি। অনৌবা আইন অসিদা SC/ST কাঙলুপকী নুপীশিংগীদমক্তা ফম খাকপগী কাঙলোন য়াওরি হায়না পল্লদুনা, প্রধান মন্ত্রীনা ভারতকী অহানবা ত্রাইবেল নুপী রাস্ত্রপতি, শ্রীমতি দ্রৌপদি মুর্মুনা তান চানবা অমা ওইনা আইন অসিগী অয়াবা পীরিবা অসিগী মতাংদসু হায়খি।
প্রধান মন্ত্রীনা মহাক্কী ৱারোল লোইশিনবা ওইনা, অমৃত কালগী ৱারেপ খুদিংমক মঙফাওনরগনি হায়বগী থাজবা লৈরে অমসুং থৌওং অসিনা হৌরকপগী মতৌ অসি তসেংনা নীংথিজৈ হায়না ফোংদোকখি।
গুজরাতকী রাজ্যপাল, শ্রী অচার্য় দেবব্রত, মুখ্য মন্ত্রী, শ্রী ভুপেন্দর পতেল, পার্লিয়ামেন্তকী মেম্বর, শ্রী সি.আর. পাতিল অমসুং গুজরাত সরকারগী মন্ত্রীশিংসু ঙসিগী থৌরমসিদা শরুক য়াখি।
বেকগ্রাউন্দ
‘মিসন স্কুল্স ওফ এক্সিলেন্স’ প্রোগ্রামগী মখাদা লুপা করোর 4500 হেনবগী প্রোজেক্ত কয়ামরুম প্রধান মন্ত্রীনা জাতিদা কৎথোক্কদৌরিবা অমসুং উরেপ-উয়ুং তমগদৌরিবা অসিনা গুজরাত শিনবা থুংবদা লৈরিবা স্কুল ইনফ্রাস্ত্রকচরনা অচৌবা শাহৌ অমা ফংখি। গুজরাত্তা লৈরিবা স্কিলশিংদা শাখিবা অনৌবা ক্লাসরুম, কম্প্যুতর লেব, STEM (সাইন্স, তেক্নোলোজী ইঞ্জিনীয়রিং এন্দ মেথমেতিক্স) লেব লিশিং কয়া অমসুং অতোপ্পা ইনফ্রাস্ত্রকচরশিংবু প্রধান মন্ত্রীনা জাতিদা কৎথোকখি। মহাক্না মিসন অসিগী মখাদা গুজরাতকী স্কুলশিংদা ক্লাসরুম কয়া ফগৎহন্নবা অমসুং অপগ্রেদ তৌনবগী উরেপ-উয়ুংসু তমখি।
প্রধান মন্ত্রীনা ‘বিদ্যা সমীক্ষা কেন্দ্র 2.0’ প্রোজেক্কী উরেপ-উয়ুংসু তমখি। প্রোজেক্ত অসি স্কুলশিং লেপ্পা লৈতনা মোনিতর তৌবা অমসুং স্তুদেন্ত লর্নিং আউৎকমশিং ফগৎহনবা ঙমখিবা ‘বিদ্যা সমীক্ষা কেন্দ্র’ মাইপাকখিবদা য়ুম্ফম ওইরগা শেমগৎকনি। ‘বিদ্যা সমীক্ষা কেন্দ্র 2.0’ অসিনা গুজরাতকী জিলা অমদি ব্লোকশিংদা বিদ্যা সমীক্ষা কেন্দ্রশিং লিংখৎপা ঙমহনগনি।
থৌরম অসিদা প্রধান মন্ত্রীনা ভদোদরা জিলাগী তালুকা সিনোরদা ‘ওদারা দাভোই-সিনোর-মালসর-আসা রোদ’তা নর্মদা তুরেল মথক্তা শাখিবা অনৌবা থোং; দাহোদকী চাব তলাব নৌনা শেমগৎ-শাগৎপগী প্রোজেক্ত, ৱাতর সপ্লাই প্রোজেক্ত, ভদোদরাগী শেল-থুমগী ফীভমদা শোত্থরবা শরুক্কীদমক নৌনা শাখিবা য়ুম 400রোম, গুজরাত শিনবা থুংবদা লৈরিবা খুঙ্গং 7500 শিনবা থুংবদা ভিলেজ ৱাই-ফাই প্রোজেক্ত; অমসুং দাহোদতা নৌনা শাখিবা জবাহর নবোদয় বিদ্যালয় য়াওনা চাউখৎ-থৌরাংগী প্রোজেক্ত কয়ামরুম জাতিদা কৎথোকখি।
প্রধান মন্ত্রীনা ছোতাউদেপুরদা ৱাতর সপ্লাই প্রোজেক্ত; পঞ্চমহলগী গোধরাদা ফ্লাইওভর ব্রিদজ; অমসুং কেন্দ্র সরকারগী ‘ব্রোদকাস্তিং ইনফ্রাস্ত্রকচর এন্দ নেৎৱার্ক দিবেলপমেন্ত (BIND)’ স্কিমগী মখাদা দাহোদতা শাখিবা FM রেদিও স্তুদিওগী উরেপ উয়ুং তমখি।
