PM Modi lays foundation stone for new office complex for Vanijya Bhawan
We are breaking silos within the working of the Government; we are moving from silos to solutions: PM ModiIt is our collective responsibility to fulfil the aspirations of our youth: PM ModiIndia is now playing an important role in the global economy, says PM ModiEfforts must be made to raise domestic manufacturing output, to reduce imports: PM Modiপ্রধান মন্ত্রী শ্রী নরেন্দ্র মোদীনা ঙসি নই দিল্লীদা কেন্দ্র সরকারগী কম্মর্স মন্ত্রালয়গী অনৌবা ওফিস কমপ্লেক্স অমা ওইগদৌরিবা বানিজ্য ভবন শানবা উরেপ-উয়ুং তমখ্রে।
বিলদিং অসি লেপ্নরিবা মতমগী মনুংদা নীংথিজনা শাবা লোইগনি হায়না প্রধান মন্ত্রীনা থাজবা ফোংদোকখি। মসিনা ন্যু ইন্দিয়াগী স্পিরিৎ অদু থম্লগনি অমদি লীরবা প্রেক্তিসশিংদগী লাপথোক্লগনি, মদুগী মখাদা মরুওইবা বিলদিং প্রোজেক্তশিং পায়খৎলি হায়না মহাক্না অকনবা ৱাফম থমখি। মসিগা মরি লৈননা মহাক্না দা. অম্বেদকর ইন্তর্নেস্নেল সেন্তর, দা. অম্বেদকর নেস্নেল মেমোরিয়েল, প্রভাসী ভার্তীয় কেন্দ্র অমসুং সেন্ত্রেল ইনফোর্মেশন কম্মিসনগী অনৌবা ওফিস বিলদিংগী খুদম পীখি।
অনৌবা বিলদিং বানিজ্য ভবন্না ভারতকী কম্মর্স সেক্তরদা তুংদা লায়থোকহল্লগনি হায়না মহাক্না আশা তৌখি। লৈবাক অসিগী দেমোগ্রাফিক দিভাইদেন্তকী মতাংদা ঙাংলদুনা প্রাধান মন্ত্রীনা হায়খি মদুদি ঐখোয়গী নহাশিংগী অৱাৎ অপাশিং মেনখৎপা অসি ঐখোয় পুম্নমক্কী অপুনবা থৌদাংনি।
দিজিতেল তেক্নোলোজী এদোপ্ত তৌবগী মতাংদা ঙাংলদুনা প্রধান মন্ত্রীনা নৌহৌনা নীংশিংখি মদুদি অনৌবা বিলদিং শারিবা মফম অসি মমাংদা সপ্লাইজ এন্দ দিস্পোজেলগী দাইরেক্তর জেনরেলনা কন্দুনা থমলম্মি। হৌজিক্তি মসি গবর্নমেন্ত ই- মার্কেৎপ্লেসনা মহুৎ শিলহৌরে, মদুনা অতেনবা মতমগী মনুংদা লুপা কোতি ৮৭০০ ত্রাঞ্জেক্সন তৌখ্রে হায়না মহাক্না মখা তাখি। গবর্নমেন্ত ই-মার্কেৎপ্লেস অসি মখা তানা হেন্না পাকথোক-চাউথোকহন্নবা অমদি লৈবাক অসিগী এম এস এম ই সেক্তরদা কান্নবা ফংনবগীদমক ফিভম ফগৎহন্নবা মহাক্না কম্মর্স দিপার্তমেন্তদা তকশিনখি। জি এস তিগী কান্নরিবশিং অদুগী মতাংদসু মহাক্না ৱা ঙাংখি।
মতৌ করম্না গ্লোবেল ইকোনোমীদা ভারতনা হৌজিক মরুওইবা থৌদাং লৌরিবগে হায়বা শন্দোক্না তাক্নবা প্রধান মন্ত্রীনা তোঙান তোঙানবা মেক্রো-ইকোনোমিক পেরামিতরশিং অমসুং অতোপ্পা ইন্দিকেতরশিং পনখি। হৌজিক্তি মালেমগী মকোক থোংবা ফিন-তেক লৈবাক মঙাগী মনুংদা ভারত য়াওরে হায়না মহাক্না ফোংদোকখি। অমগা অমগা শম্নরিবা মালেম অমদা “ইজ ওফ ত্রেদিং” অমসুং “ইজ ওফ দুইং ব্যুজিনেস” অসিনচীংবা হিরমশিং অসি “ইজ ওফ লিভিং”গা মরি লৈনৈ হায়না মহাক্না হায়খি।
প্রধান মন্ত্রীনা এক্সপোর্ত হেঙ্গৎহনবগী মথৌ তাবা অদুদা অকনবা ৱাফম থমখি অমদি মসি পাংথোকপদা রাজ্যশিংনা এক্তিব ওইবা মপাংশিং শেমগদবনি হায়না মহাক্না ফোংদোকখি। কম্মর্স দিপার্তমেন্তনা ভারতকী অপুনবা গ্লোবেল এক্সপোর্তশিংদা হৌজিক লৈরিবা চাদা ১.৬ অসি চাদা ৩.৪ ওইহন্নবা রিজোলব তৌগদবনি হায়না মহাক্না ফোংদোকখি। মদুগা মান্ননা ইমপোর্তশিং হন্থহন্নবা দোমেস্তিক মেন্যুফেকচরিং আউৎপুৎ হেঙ্গৎহন্নবা হোৎনগদবনি হায়না মহাক্না হায়খি। মসিগা মরি লৈননা মহাক্না ইলেক্ত্রোনিক্স মেন্যুফেকচরিংগী খুদম পীখি। কেন্দ্র সরকারনা দোমেস্তিক মেন্যুফেকচরিংদা ইনোৎ হাপ্নবা খোংথাং কয়া অমা পায়খৎলে হায়না মহাক্না ফোংদোকখি।
Click here to read PM's speech
