Quoteপুনে মেত্রোগী শাবা লোইরবা সেক্সনশিং অদু শঙ্গাবগী থৌরম অমা ওইনা মেত্রো ত্রেনশিং লমথাখ্রে
QuotePMAYগী মখাদা শাবা য়ুমশিং খুৎশিন্নখ্রে অমসুং উরেপ উয়ুং তমখ্রে
Quoteৱেস্ত তু ইনর্জী প্লান্ত শঙ্গাখ্রে
Quote“পুনে অসি লৈবাক অসিগী শেন্মীৎলোন্দা শাহৌ পীরিবা অমসুং লৈবাক পুম্বগী নহারোলশিংগী মংলানশিং থুংহল্লিবা শক্তি লৈবা সহর অমনি”
Quote“ঐখোয়গী সরকার অসিনা নাগরিকশিংগী পুন্সি মহিং ফগৎহন্নবা কন্না হোৎনরি”
Quote“মেত্রো অসি মোরদর্ন ইন্দিয়াদা সহরশিংগী অনৌবা লাইফলাইন অমা ওইরক্লি”
Quote“মহারাস্ত্রগী ইন্দস্ত্রিএল দিভেলপমেন্ত অসিনা নীংখা তম্লবা মতুংদগী ভারতকী ইন্দস্ত্রিএল দিভেলপমেন্তকী লম্বেল শেমদুনা লাক্লি”
Quote“লাইরবা নত্রগা মিদ্দল ক্লাসপু ওইরো, মখোয়গী মংলান খুদিংমক থুংহনবা হায়বসি মোদীগী গরেন্তি অমনি”

প্রধান মন্ত্রী শ্রী নরেন্দ্র মোদীনা ঙসি পুনে মেত্রোগী শাবা লোইশিল্লবা সেক্সনশিং শঙ্গাবগী থৌরম অমা ওইনা মেত্রো ত্রেনশিং লমথাখ্রে। মহাক্না প্রধান মন্ত্রী অৱাস য়োজনাগী মখাদা পিপ্রি চিচ্বার ম্যুনিসিপাল কোর্পোরেসন (PCMC)না শাবা য়ুম 1280 দগী হেনবা অমসুং পুনে ম্যুনিসিপাল কোর্পোরেসন (PCMC)গী মখাদা শাবা য়ুম 2650 হেনবা বেনিফিসরীশিংদা খুৎশিন্নখি। মহাক্না PCMCনা শাগদবা PMAY য়ুম 1190 অমসুং পুনে মেত্রোপোলিতান রিজন দিভেলপমেন্ত ওথোরিতীনা শাগদবা য়ুম 6400 গী মথক্তা উরেপ উয়ুং তমখি। প্রধান মন্ত্রীনা PCMCগী মখাদা লুপা করোর 300 চংনা শাখিবা ৱেস্ত তু ইনর্জী প্লান্ত অমসু শঙ্গাখি।  

 

|

তিল্লিবা মীয়ামদা ৱা ঙাংলদুনা প্রধান মন্ত্রীনা হায় ওগস্ত অসি নীংশিং থৌরমশিং অমসুং নীংতম ইহৌগী থা অমনি। নীতম ইহৌগী মতমদা পুনে সহর অসিনা তমখিবা খুদোলগী মতাংদা মতাংদা পল্লদুনা প্রধান মন্ত্রীনা হায় সহর অসিনা লৈবাক অসিদা বাল গঙ্গাধর তিলক য়াওনা নীতম লান্মী কয়ামরুম খুদোল তমখি। মহাক্না হায় ঙসি অসি সমাজ অসিদা অওনবা পুরকখিবা অমসুং বাবাসাহেব অম্বেদকরগী ৱাখল্লোনগী তুং ইনবা মমিং লৈরবা অন্না ভাউ সাথেগী মপোক কুমওননি। প্রধান মন্ত্রীনা হায় ঙসি ফাওবা মহৈরোই অমসুং একাদেমিসিয়ান কয়ামরুম্না মহাক্কী লিতরেরী ৱর্কশিংদা রিসর্স তৌরি অমসুং মহাক্কী থবক অমসুং ৱাখল্লোনশিং অসি মীপুম খুদিংমক্তা ইথিল পীরি।

“পুনে অসি লৈবাক অসিগী শেন্মীৎলোন্দা শাহৌ পীরিবা অমসুং লৈবাক পুম্বগী নহারোলশিংগী মংলানশিং থুংহল্লিবা শক্তি লৈবা সহর অমনি। ঙসিদি লুপা করোর লিশিং 15 রোম চংগদবা প্রোজেক্তশিং অসিনা মসিগী শক্তম অসি মখাতানা মপাঙ্গল কলহল্লগনি” হায়না প্রধান মন্ত্রীনা ফোঙদোকখি।

প্রধান মন্ত্রীনা অর্বান মিদ্দল ক্লাসশিংগী পুন্সিগী মহিংদা সরকার অসিনা চংলিবা মীৎয়েংগী মতাংদা ফোঙদোকখি। চহি মঙাগী মমাংদা হৌদোকখিবা মেত্রোগী থবকশিংগী মতাংদা ফোঙদোক্লদুনা প্রধান মন্ত্রীনা হায় চৎলিবা মতম অসিদা 24 km শাংবা মেত্রো নেতৱর্ক অসি মথৌ তৌবা হৌরে।

 

|

প্রধান মন্ত্রীনা সহর খুদিংমক্তা লৈরিবা মীওইশিংগী পুন্সি মহিং ফগৎহন্নবা পব্লিক ত্রান্সপোর্ত ইনফ্রাস্ত্রকচর ফগৎহনবা মথৌ তারিবা অদুগী মতাংদা ফোঙদোকখি। প্রধান মন্ত্রীনা হায় মসিনা মরম ওইরগা মেত্রো নেতৱর্ক অসি চাওথোক্লিবনি, অনৌবা ফ্লাইওভরশিং শাগৎলিবনি অমসুং ত্রাফিক লাইতশিংগি মশিং হন্থহনবা মীৎয়েং চংলিবনি। প্রধান মন্ত্রীনা হায় 2014গী মমাংদা লৈবাক অসিদা মেত্রো লাইন 250 km খক্তা লৈরম্মি অমসুং মেত্রো লাইন অয়াম্বা দিল্লী খক্তদা লৈরম্মি অদুবু ঙসিদি মেত্রো নেতৱর্ক অসি 800 km হেনখ্রে অমসুং লৈবাক অসিদা অনৌবা মেত্রো লাইন 1000 km গী থবক পাইখৎপা হৌখ্রে। প্রধান মন্ত্রীনা হায় 2014গী মমাংদা ভারত্তা মেত্রো লাইন অসি সহর 5 খক্তদা লৈরম্মি অদুগা ঙসিদি মেত্রো অসি পুনে, নাগপুর অমসুং মুম্বাই য়াওনা সহর 20দা মথৌ তৌরি অমসুং নেতৱর্ক অসি মখাতানা চাউথোরক্লি। “প্রধান মন্ত্রীনা পুনেগুম্বা সহরদা অইং অশাগী ফীভমদা হোংলক্লিবা অসি মাংয়োং য়ানবা মেত্রো চাউথোকপগী মথৌ তাবা অদুগী মতাংদা ফোঙদোক্লদুনা “মেত্রো অসি মোরদর্ন ইন্দিয়াদা অনৌবা লাইফলাইন অমা ওইরক্লি” হায়না থমখি।  

 

|

শ্রী মোদীনা লু-নান্না লৈবনা অর্বান পুন্সি মহিং ফগৎহনবদা লৌরিবা থৌদাং অদুগী মতাংদা ফোঙদোকখি। মহাক্না হায় স্বছ ভারত অভিয়ান অসি তোইলেত পীবা খক্তা নত্তে মসিনা ৱেস্ত মেনেজমেন্ততসু মীৎয়েং চাউনা থম্লি। গার্বেজ মপৈ কবামরুম মিসন মোদতা লৌথোক্লি। পিমপ্রি চিনচ্বার ম্যুনিসিপাল কোর্পোরেসন (PCMC)গী মখাদা লৈরিবা ৱেস্ত তু ইনর্জী প্লান্ত অসিগী কান্নবশিংগী মতাংদা মহাক্না শন্দোক্না তাকখি। 

“মহারাস্ত্রগী ইন্দস্ত্রিএল দিভেলপমেন্ত অসিনা নীংখা তম্লবা মতুংদগী ভারতকী ইন্দস্ত্রিএল দিভেলপমেন্তকী লম্বেল শেমদুনা লাক্লি” হায়না প্রধনা মন্ত্রীনা ফোঙদোকখি। রাজ্য অসিদা মখাতানা ইন্দস্ত্রিএল দিভেলপমেন্তকী মথৌ তাবা অদুগী মতাংদা পল্লদুনা প্রধান মন্ত্রীনা হায় সরকার অসিনা মহারাস্ত্রদা মমাংদা অমুক্তা তৌখিদ্রিবা মওংদা ইনবেস্তমেন্তশিং তৌখ্রে। মহাক্না অনৌবা এক্সপ্রেসৱেশিং, রেলৱে রুতশিং অমসুং এয়রপোর্তশিং শেমগৎলিবা অসি খুদম ওইনা পীখি। রেলৱে চাউথোকপগী ওইনা 2014গী মমাংগা চাংদম্নবা মতমদা চাদিংদা শরুক তরানিথোই হেনগৎলে হায়না প্রধান মন্ত্রীনা ফোঙদোকখি। মহারাস্ত্রগী সহর কয়ামরুম্না য়ুমথংনবা রাজ্যশিংগী ইকনোমিক হবশিংগা শম্নরি। প্রধান মন্ত্রীনা খুদম ওইনা পীরদুনা মহারাস্ত্র অমসুং গুজরাত অনিমকপু কান্নবা ফংহনগদৌরিবা মুম্বাই-অহমেদবাদ হাই স্পীদ রেল, মহারাস্ত্রনা মধ্য প্রদেশ অমসুং অৱাং ভারতকী অতোপ্পা রাজ্যশিংগা শম্নগদৌরিবা দিল্লী-মুম্বাই ইকনোমিক কোরিদোর, মহারাস্ত্র অমসুং অৱাং ভারতকী রেল কনেক্তিবিতীদা অওনবা পুরক্কদবা নেস্নেল দেদিকেতেদ ফ্রৈত কোরিদোর অমসুং ছত্তিশগর, তেলঙ্গনা অমসুং অতোপ্পা য়ুমথংনবা রাজ্যশিংগা শম্নদুনা ইন্দস্ত্রীশিং কান্নবা ফংহনগদৌরিবা ত্রান্সমিসন লাইন নাতৱর্ক অমসুং ওইল অমসুং গ্যাস পাইপলাইনশিং, ঔরঙ্গাবাদ ইন্দস্ত্রিএল সিতী, নভি মুম্বাই এয়রপোর্ত অমসুং শেন্দ্রা বিদকিন ইন্দস্ত্রিএল পার্ক্কী মতাংদা পনখি। মসিগুম্বা প্রোজেক্তশিং অসিনা মহারাস্ত্রগী শেন্মীৎলোন্দা অনৌবা ইনোৎ হাপ্নবা কেপাসিতী লৈ হায়না মহাক্না পনখি।

 

|

প্রধান মন্ত্রীনা আয় সরকার অসিনা রাজ্যশিং চাউখৎপগী খুত্থাংদা লৈবাক অসিবু চাউখৎহনবা হায়বা মন্ত্র অসিগা লোয়ননা চৎলি। “মহারাস্ত্র অসি চাউখৎলকপা মতমদা ভারত অসি চাউখৎকনি। ভারতনা খুমাং চাউশিনবা মতমদা মদুগী মহৈ অদু মহারাস্ত্রনা ফংগনি” হায়না  মহাক্না ফোঙদোকখি। ভারত অসি ইনোবেসন অমসুং স্তার্তঅপকী হব অমা ওইনা শক্লোন লৌরক্লিবা অসিগী মতাংদা পল্লদুনা প্রধান মন্ত্রীনা হায় চহি 9 গী মমাংদা চা খরা লৈরম্বদগী ভারত্তা স্তাতঅপ লাখ 1 হেন্না লৈরে। মসিগী মাই পাকপা অসি দিজিতেল ইনফ্রাস্ত্রকচরনা পাকথোক চাউথোরকপদগী ফংবনি হায়না ফোঙদোকখি অমসুং ভারতকী দিজিতেল ইনফ্রাস্ত্রকচরগী য়ুম্ফম থোনবদা পুনেনা লৌরিবা থৌদাং অদুগী মতাংদা থাগৎপা ফোঙদোকখি। “অহোংবা দেতা, পুম্নমক্না শিজিন্নবা ঙম্বা ফোনশিং অমসুং ইন্তরনেতকী খুদোংচাবশিং অসিনা সেক্তর অসি মপাঙ্গল কলহল্লি।    ভারত অসি 5G সর্ভিসশিং অথুবা মতমদা শন্দোকখিবা লৈবাকশিংগী মরক্তা অমনি” হায়না মহাক্না ফোঙদোকখি। ফিনতেক, বাইওতেক অমসুং এগ্রিতেকতা নহারোলশিংনা লৌরিবা থৌদাং অসিনা পুনেবু কান্নবা ফংহল্লে হায়না মহাক্না ফোঙদোকখি।

 

|

কর্নতকা অমসুং বেঙ্গলুরুগী মশাগী খক্তা খনবা রাজনীতী অদুগী মতাংদা প্রধান মন্ত্রীনা ফোঙদোকখি। কর্নাতকা অমসুং রাজস্থান্দা চাউখৎ থৌরাং থিনথবগী মতাংদা মহাক্না পনখি।

“লৈবাক অসিবু মাংলোমদা পুখৎনবা থৌশিল, ৱাখল্লোন অমসুং কাংলোনশিং (নিতি, নিশতা অমসুং নিয়ম) অসি চপ মান্ননা মরুওই” হায়না শ্রী মোদীনা হায়খি। মসি চাউখৎ ধৌরাংগী য়াম্না মরুওইবা মচাকশিংনি আয়না মহাক্না ফোঙদোকখি। মহাক্না হায় 2014গী মমাংগী চহি 10দা মতম অদুগী স্কিম অনিগী মখাদা য়ুম লাখ 8 খক শারম্মি। মহারাস্ত্রদা লিশিং 50 য়াওনা অদুগুম্বা য়ুম লাখ 2 হেনবনা ক্বালিতী ফত্তবদগী বেনিফিসরীশিংনা লৌখিদে হায়না মহাক্না ফোঙদোকখি।  

প্রধান মন্ত্রীনা হায়, 2014 দা শক্তি পাইরবা মতুংদা সরকার অসিনা অচুম্বা ৱাখল্লোনগা লোয়ননা থবক তৌবা হৌখি। প্রধান মন্ত্রীনা হৌখিবা চহি 9 অসিদা সরকার অসিনা খুঙ্গং অমসুং সহরগী লাইরবশিংগী পক্কা য়ুম করোর 4 হেন্না শাখ্রে অমসুং অর্বানগী লমদা লৈবা লাইরবশিংগী ওইনা য়ুম লাখ 75 শাখ্রে। মহাক্না শাবা মতমদা ত্রান্সপরেন্সী লৈহনখিবা অমসুং ক্বালিতী ফগৎহনখিবগী মতাংদা ফোঙদোকখি। মহাক্না হায় লৈবাক অসিদা অহানবা ওইনা য়ুম অয়াম্বা নুপীগী মীংদা রেজিস্তর তৌই। মসিগী য়ুমশিং অসিগী মমল অসি লাখ কয়ামরুম পী হায়না পল্লদুনা প্রধান মন্ত্রীনা হায় হৌখিবা চহি 9 অসিদা লৈবাক অসিগী নুপী করোর কয়ানা লাকপতি ওইখ্রে। অনৌবা য়ুমশিং ফংলবা মীওইশিং অদুবু প্রধান মন্ত্রী থাগৎপা ফোঙদোকখ্রে।

 

|

“লাইরববু ওইরো নত্রগা মিদ্দল-ক্লাস ইমুংবু ওইরো মখোয়গী মংলানশিং মংফাওনহনবা হায়বসি মোদীগী গরেন্তিনি” হায়না মহাক্না ফোঙদোকখি। মহাক্না মংলান অমা মংফাওনহনবা হায়বসিনা ৱারেপ কয়ামরুম লৌবা ঙম্বগী শক্তি পীগনি অমসুং মীওই অদুগী পুন্সিদা শহৌ পীনবা শক্তি অমা ওইগনি। “ঐখোয়না নখোয়গী অঙাংশিংগী খল্লি, অদোমগী হৌজিক্কী অমসুং তুংগী মীরোলশিংগী খল্লি” হায়না মহাক্না মখা তাখি।  

ৱারোল অসিবু লোইশিল্লদুনা প্রধান মন্ত্রীনা মরাথি পাউরৌ অমা হায়রদুনা সরকারগী অপাম্বা অসি ঙসিখক্তা অফবা ওইহনবা নত্তে অদুবু হয়েংগীসু অফবা ওইহনবা অদুনি হায়না শন্দোক্না তাকখি। চাউখৎলবা ভারত অমা শেম্নবা লৌখিবা ৱারেপ অসি মসিগী ৱাখল্লোন অসিগী মমি অমনি। শ্রী মোদীনা ৱাখল্লোন মান্নবা মহারাস্ত্রদা পার্তী কয়ামরুম পুনশিল্লিবা অসিগা মান্ননা পুন্না থবক তৌমিন্নবগী মথৌ তাবা অদুগী মতাংদা ফোঙদোকখি। “পান্দম অসিদি মীপুম খুদিংমক্না শরুক য়াদুনা মহারাস্ত্রগী অফবা থবকশিং পাইখ7তুনা মহারাস্ত্র অসি খোংজেল য়াংনা চাউখৎপা পুরকপনি” হায়না পল্লদুনা প্রধান মন্ত্রীনা মহাক্কী ৱারোল অদু তেনশিনখি।  

মহারাস্ত্রগী রাজ্যপাল, শ্রী রমেশ বাইস, মহারাস্ত্রগী মুখ্য মন্ত্রী শ্রী একনাথ শিন্দে, মহারাস্ত্রগী উপ মুখ্য মন্ত্রী শ্রী দেবেন্দ্র ফরনাভিস অমসুং শ্রী অজিত পাৱর অমসুং মহারাস্ত্র সরকারগী মন্ত্রীশিংনা থৌরম অসিদা শরুক য়াখি।

বেকগ্রাউন্দ

প্রধান মন্ত্রীনা পুনে মেত্রো ফেজ Iগী কোরিদোর অনিগী অরোইবা সেক্সনশিংদা সর্বিসশিং হৌদোকপা ওইনা মেত্রো ত্রেনশিং লমথাখ্রে। মসিগী সেক্সনশিং অদুদি ফুগেৱাদি স্তেশনদগী সিভিল কোর্ত স্তেশন অমসুং গারৱারে কোলেজ স্তেশনদগী রুবী হোল ক্লিনিক স্তেশন ফাওবনি। 2016দা প্রধান মন্ত্রীনা প্রোজেক্ত অসিগী উরেপ-উয়ুংশু তমখি। অনৌবা সেক্সনশিং অসিনা পুনে সহরগী মরু ওইবা শরুকশিং খুদম ওইনা শিৱাজি নাগর, সিভিল কোর্ত, পুনে মুনিসিপাল কোর্পোরেশন ওফিস, পুনে আর.তি.ও. অমসুং পুনে রেলৱে স্তেশননি। শঙ্গবা অসিনা লৈবাক শিনবা থুংনা নাগ্রিকশিংদা মতম অসিগী অনৌবা অমসুং এনভাইরনমেন্ত ফ্রেনলী ওইবা মাস রেপিদ অর্বান ত্রান্সপোর্ত সীস্তেমশিং পীনবা প্রধান মন্ত্রীগী ভিজন অদুবু মঙফাওনহন্নবগী মাইকৈদা য়াম্না মরু ওইবা খোংথাং অমনি।

রুত অসিদা লৈরিবা মেত্রো স্তেশন খরা অমগী দিজাইনদি ছত্রপতি শিৱাজি মহারাজতগী শাগৎলকপা ৱাখল্লোনদগী শেমখি। ছত্রপতি সমভাজি উদ্যান মেত্রো স্তেশন অমসুং দেকান জীমখানা মেত্রো স্তেশনশিং অসিদা “মাৱালা পগরি” হায়নশু খঙনবা ছত্রপতি শিৱাজি মহারাজকী লান্মীশিংনা উপ্পা লুহুপকা মান্নবা তোপ-তোপ্পা দিজাইন ওই। শিৱাজি নাগর অন্দরগ্রাউন্দ মেত্রো স্তেশনদা ছত্রপতি শিৱাজি মহারাজনা শাবা লানবনবু নিংশিংহনবা য়াম্না তোপ-তোপ্পা দিজাইন ওই।

মসিগী তোপ-তোপ্পা মগুন অমনা, সিভিল কোর্ত মেত্রো স্তেশন অসিদা খ্বাইদগী লুবা শরুক অদু মিতর 33.1 লুদুনা লৈবাক অসিগী খ্বাইদগী লুবা মেত্রো স্তেশনশিংগী মনুংদা অমা ওই। স্তেশনগী রুফ অদু পএলতফোর্মদা নুমিৎ মঙাল চঙগদবা মওংদা শাখি।

মীপুম খুদিংমক্কী লৈননবা য়ুমশিং পীনবগী মিসন অদুবু ফংনবগী মাইকৈদা চংশিল্লদুনা, প্রধান মন্ত্রীনা পি.সি.এম.সি.না প্রধান মন্ত্রী আৱাজ য়োজনাগী মখাদা শাখিবা য়ুম 1280 হেন্না খুৎশিন্নখ্রে। মহাক্না পুনে মুনিসিপাল কোরপোরেশন্না শাবা পি.এম.এ.ৱাই. য়ুম 2650গী মথক্তা খুৎশিন্নখ্রে। মখাতানা, প্রধান মন্ত্রীনা পি.সি.এম.সি.না শাগদবা পি.এম.এ.ৱাই. য়ুম 1190 রোম উরেপ-উয়ুং তমখ্রে, অমসুং পুনে মেত্রোপোলিতান রিজন দেবেলপমেন্ত ওথোরিতীনা শাগদবা য়ুম 6400 হেন্না উরেপ-উয়ুং তমখ্রে।

প্রধান মন্ত্রীনা পিমপ্রি চিঞ্চৱাদ মুনিসিপাল কোর্পোরেশন (পি.সি.এম.সি.)গী মখাদা ৱেস্ত তু ইনর্জী প্লান্ত শঙ্গাখ্রে। মসি চাউরাক্না লুপা করোর 300 রোম চংনা শাখি, মসিনা ইলেক্ত্রিসিতী পুথোক্নবা চহি অমদা ৱেস্ত এম.তি. লাখ 2.5 শিজিন্নরগনি।

 

ৱা ঙাংখিবগী মপুংফাবা ৱারোল পানবা মসিদা নম্বীয়ু

  • Madhavi October 04, 2024

    🇮🇳🇮🇳🇮🇳🇮🇳🇮🇳🇮🇳
  • Aditya Gawai March 12, 2024

    help me sir please 🙇🏼🙇🏼🙇🏼🙇🏼🙇🏼🙇🏼🙇🏼🙇🏼🙇🏼🙇🏼🙇🏼🙇🏼🙇🏼🙇🏼🙇🏼🙇🏼🙇🏼🙇🏼🙇🏼...... 9545509702
  • Aditya Gawai March 12, 2024

    dear sir. please help me 🙏🏻. aapla Sankalp Vikast Bharat yatra ka karmchari huu sir 4 month hogye pement nhi huwa sir please contact me 🙏🏻🙇🏼 9545509702
  • Bipin kumar Roy August 17, 2023

    🙏🙏🙏
  • Anurag Awasthi August 08, 2023

    #चुनाव_बहिष्कार2024 #34_मोहनलालगंज इटौंजा रेलवे स्टेशन नहीं तो वोट नहीं
  • himani vaishnava August 08, 2023

    🙏
  • Mukesh patil August 08, 2023

    માનનીય પ્રધાનમંત્રી શ્રી નરેન્દ્ર ભાઈ મોદી સાહેબ ગુજરાત સરકારના ઉર્જા વિભાગના GSECL મા 2022 મા આવેલી VS helpar ની વર્ગ -૪ હેલ્પર ની ૮૦૦ જેટલી અલગ અલગ વિદ્યુત મથક માટેની ભરતી માટે જગ્યા ઓ બહાર પાડવામાં આવી હતી. જે તે પાવર સ્ટેશનમાં એપ્રેન્ટિસ કરેલા ઉમેદવારો ને અરજીઙ કરવાની જે દરમિયાન ૨૭-૬-૨૦૨૨થી ૧૨-૭- ૨૦૨૨ સુધી ફોર્મ તથા દસ્તાવેજો પુરાવાની ચકાસણી પ્રક્રિયા પૂર્ણ કરી હતી. તે બાદ હજુ સુધી ભરતીને લગતી કોઈ પણ જાતની માહિતી અપાઈ નથી. જે પછી આ ભરતી પ્રક્રિયા અટકી ગઈ છે.GSECL કંપની ને આ ભરતી અટકાવી દી, દી છે. જેના પછી હમે લોકો hed office રજુવાત કરી તો પણ કઇ repaly નહી આવ્યો . જેને કરીને સાહેબ આપ ઉર્જા મંત્રી ને સૂચના આપી આ ભરતી વેલા તકે પૂર્ણ થાય હમારા ગરીબ લોકો ને રોજગાર મળે....🙏🙏🙏
  • राष्ट्रसंत आचार्य प्रज्ञसागर जैनमुनि August 05, 2023

    *जब वीर शहीदों का सम्मान तब भारत देश महान* --- *राष्ट्रसंत प्रज्ञसागर महाराज* मेरे संज्ञान में लाया गया है देश के यशस्वी *प्रधानमंत्री नरेंद्र मोदी* जी ने आजादी के अमृत काल में देश के वीर शहीदों को सम्मान देने की दृष्टि से *मेरी माटी मेरा देश* अभियान का आहवान किया है जिसके तहत देश भर में अमर शहीदों की स्मृति में अनेक कार्यक्रमो के साथ-साथ लाखों ग्राम पंचायतों में विशेष *शिलालेख* भी स्थापित होंगे इसी अभियान की अंतर्गत *अमृत कलश यात्रा* भी निकाली जाएगी जो देश के गांव गांव से 7500 कलशो में मिट्टी एवं पौधे लेकर देश की राजधानी पहुंचेगी। इस माटी और पौधों से *अमृत वाटिका* का सृजन किया जाएगा जो *एक भारत श्रेष्ठ भारत* का भव्य प्रतीक बनेगी। इस अभियान में हिस्सा लेकर प्रधान मंत्री जी की पिछले वर्ष लाल किले से कहीं गई *"पंच प्राण"* की बात को पूरा करने की शपथ इस देश की मिट्टी को हाथ में लेकर की जाएगी। *मैं प्रधानमंत्री जी की इस राष्ट्रवादी सोच का सदैव ही कायल रहा हूं और इस संदेश के माध्यम से पूरी समाज को आहवान करता हूं कि प्रधानमंत्री जी के द्वारा जो सकारात्मक सोच रखी गई है उस अभियान का हिस्सा बनें और फिर से एक बार सिद्ध करें कि जैन समाज देशभक्ति के यज्ञ में अपनी आहुति अवश्य ही देता है।* आप सभी को स्वतंत्रता दिवस की अग्रिम शुभकामनाएं एवं बहुत-बहुत मंगल आशीर्वाद।
  • Sujeet Raju patel August 05, 2023

    Jay Shri Ram
  • Ghanshyam mishra August 04, 2023

    Sat Sat naman
Explore More
প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল

Popular Speeches

প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল
Over 28 lakh companies registered in India: Govt data

Media Coverage

Over 28 lakh companies registered in India: Govt data
NM on the go

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 19 ফেব্রুৱারি, 2025
February 19, 2025

Appreciation for PM Modi's Efforts in Strengthening Economic Ties with Qatar and Beyond