প্রধান মন্ত্রী শ্রী নরেন্দ্র মোদীনা ভিদিও কনফরেন্সকী থোংদা লুপা করোর 7600 হেন্না চংগদবা মহারাস্ত্রদা তোঙান-তোঙানবা চাউখৎ-থৌরাংগী প্রোজেক্তশিংগী উরেপ-উয়ুং তমখ্রে

প্রধান মন্ত্রী, শ্রী নরেন্দ্র মোদীনা ঙসি ভিদিও কনফরেন্সকী থোংদা লুপা করোর 7600 হেন্না চংগদবা মহারাস্ত্রদা তোঙান-তোঙানবা চাউখৎ-থৌরাংগী প্রোজেক্তশিং উরেপ-উয়ুং তমখ্রে। ঙসিগী প্রোজেক্তশিং অসিদা নাগপুরদা দা. বাবাদাহেব অম্বেদকর ইন্তর্নেস্নেল এয়রপোর্ত অপগ্রেদ তৌবা অমসুং শিরদী এয়রপোর্ত্তা অনৌবা ইন্তিগ্রেতেদ তর্মিনেল বিল্দিং শাবা য়াওরি। শ্রী মোদীনা মহারাস্ত্রদা গভর্নমেন্ত মেদিকেল কোলেজ 10গী ওপরেস্নেলাইজেসনসু লোঞ্চ তৌখ্রে অমসুং ইন্দিয়ন ইন্সতিত্যুত ওফ স্কিল্স (IIS), মুম্বাই অমসুং মহারাস্ত্রগী বিদ্যা সমিক্ষা কেন্দ্র (VSK) শঙ্গাখি।

মীয়াম তিনখিবা অদুদা ৱা ঙাংলদুনা প্রধান মন্ত্রীনা হায়খি মদুদি মহারাস্ত্রদা অনৌবা মেদিকেল কোলেজ 10 অমসুং মরুওইবা ইনফ্রাস্ত্রকচর প্রোজেক্তশিং য়াওনা নাগপুর এয়রপোর্ত মোদর্নাইজেসন অমসুং পাকথোক-চাউথোকপা অমসুং শিরদী এয়রপোর্তকী অনৌবা তর্মিনেল বিলদিং অমা শাগৎপগী থবক পায়খৎলি। ঙসিগী চাউখৎ-থৌরাংগী প্রোজেক্তশিংগীদমক মহাক্না মহারাস্ত্রগী মীয়ামদা নুংঙাইবা ফোংদোকখি।

লুপা করোর 30,000গী প্রোজেক্তশিং শঙ্গাবগীদমক মহাক্না মুম্বাই অমসুং থানেদা চৎখিবা অদু নীংশিংলদুনা প্রধান মন্ত্রীনা হায়খি মদুদি হান্ননা তোঙান তোঙানবা জিলাশিংদা লুপা করোর লিশিং কয়াগী চাউখৎ-থৌরাংগী প্রোজেক্তশিং হায়বদি মেত্রো নেৎৱার্ক পাকথোক চাউথোকহনবা, এয়রপোর্তশিং শেমগৎপা, হাইৱে প্রোজেক্তশিং, ইনফ্রাস্ত্রকচর, সোলর ইনর্জী অমসুং তেক্সতাইল পার্কশিং হৌদোকখ্রে। শ্রী মোদীনা হায়খি মদুদি লৌমীশিং, ঙামীশিং অমসুং শা-শন লোইরিবশিংগীদমক অনৌবা খোঙথাং কয়া পায়খৎলি। অদুগা ভারতকী খ্বাইদগী চাউবা কন্তেনর পোর্ত ওইরিবা ৱাধৱান পোর্তকী উরেপ উয়ুংসু মহারাস্ত্রদা তমখ্রে। প্রধান মন্ত্রীনা হায়খি, "মহারাস্ত্রগী পুৱারীদা অসুম্না পাক-চাউনা, অসিগুম্ব খোঙজেলদা তোঙান-তোঙানবা সেক্তরশিংদা চাউখৎ-থৌদাং অসি মমাংদা অমুক্তা পায়খৎখিদ্রি।"

হন্দক্তা মরাথীবু ক্লাসিকেল লোল অমা ওইনা শকখঙখিবা অদু নীংশিংলদুনা প্রধান মন্ত্রীনা হায়খি মদুদি লোল অমদা ইকাই খুম্নবা ফংলকপা মতমদা, মসি ৱাহৈশিং খক্তমক নত্তনা মীরোল পুম্নমক্না ভোইস অমা ফংবা ঙম্মি। মহাক্না মখা তাখি মদুদি মসিগা লোয়ননা মরাথী ইচিল-ইনাও করোর কয়াগী মঙলান অদু থুংহনখ্রে। শ্রী মোদীনা হায়খি মদুদি মহারাস্ত্রগী মীয়াম্না মরাথীবু ক্লাসিকেল লোল অমা ওইনা শকখঙখিবগী থৌরম পাংথোকখি। মহারাস্ত্রগী খুঙ্গং খুদিংমক্তগী মীয়ামদগী নুংঙাইবা অমসুং থাগৎপগী পাউজেলশিং ফংলি হায়না মহাক্না মখা তাখি। শ্রী মোদীনা হায়খি মদুদি মরাথীবু ক্লাসিকেল লোল অমা ওইনা শকখঙবা অসি মহাক্কী থবক নত্তে অদুবু মসি মহারাস্ত্রগী মীয়ামগী য়াইফ-মঙ্গোলগী মহৈনি। প্রধান মন্ত্রীনা হায়খি মদুদি মহারাস্ত্রদা চাউখৎপগী থবকশিং অসি ছত্রপতি শিবাজী মহারাজ, বাবা সাহেব অম্বেদকর, জ্যোতিবা ফুলে অমসুং সাবিত্রিবাই ফুলেগুম্বা শক্নাইরবশিংগী য়াইফ-মঙ্গোলশিংনা মরম ওইদুনা চত্থবা ঙমহল্লি।

প্রধান মন্ত্রীনা হায়খি মদুদি হরিয়ানা অমসুং জম্মু অমসুং কাশ্মীরগী ওইনা ঙরাং লাউথোকখিবা বিধান সভাগী ফলশিং অমসুং হরিয়ানাগী ভোতরশিংনা লৈবাক অসিগী মীয়ামগী ৱাখল্লোন অদু ময়েক শেংনা উৎলি। মহাক্না মখা তারদুনা হায়খি মদুদি তর্ম অনি মায় পাক্না লোইশিনখ্রবা মতুংদা হরিয়ানাদা অহুমশুবা ওইনা মায় পাকপা অসি পুৱারী ওইখি।

প্রধান মন্ত্রী মোদীনা তোখাই-তোখাই তাহনবগী রাজনিতী তৌরিবা অমসুং ভোতরশিংবু মশাগী কান্নবা ফংনবগীদমক লান্না লমজিং-লমতাক্লিবা মীওইশিংগী মায়োক্তা চেকশিন্নবা হায়খি। মহাক্না ভারত্তা লৈরিবা মুস্লিমশিংগী মরক্তা মীপাইবা পোকহন্নবা অমসুং মখোয়বু ভোৎবেঙ্ক অমদা ওন্থোক্নবা হোৎনরিবশিং অদুসু পনখি অমসুং মখোয়গী কান্ননবগীদমক্তা হিন্দুইজমদা কাস্তীজম তৌরিবা মীওইশিংসু অদুসু য়ানীংদবা ফোংদোকখি। শ্রী মোদীনা রাজনিতীগী কান্নবা ফংনবগীদমক ভারত্তা হিন্দু খুন্নাইবু থুগায়নবা হোৎনরিবা মীওইশিংগী মায়োক্তা চেকশিন্নবা হায়খি। প্রধান মন্ত্রীনা থাজবা থমখি মদুদি মহারাস্ত্রগী মীয়াম্না খুন্নাই অসি থুগায়নবা হোৎনবা পুম্নমক মায়থিবা পীগনি।

হৌখিবা চহি 10 অসিদা, সরকারনা লৈবাক অসিগী চাউখৎ-থৌরাংগীদমক মোদর্ন ইনফ্রাস্ত্রকচর শেমগৎনবা 'মহা য়জ্ঞ' অমা হৌদোক্লে হায়না প্রধান মন্ত্রীনা হায়খি। প্রধান মন্ত্রীনা হায়খি, "ঙসিদি, ঐখোয়না বিলদিং শাবতা নত্তনা হকচাং ফবা অমসুং চাউখৎপা মহারাস্ত্র অমগী য়ুম্ফমসু শেমগৎলি।" মহাক্না হায়খি মদুদি মীওই লাখ কয়াগী পুন্সি মহিং ফগৎহন্নবা রাজ্য অসিদা অনৌবা মেদিকেল কোলেজ 10 হাংদোক্লে। মহাক্না হায়খি মদুদি থানে, অম্বরনাথ, মুম্বাই, নাশিক, জলনা, বুলধানা, হিংগোলি, ৱাশিম, অমরাৱতী, ভাঙ্কদারা অমসুং গাদচিরোলী জিলাশিং অসি মীওই লাখ কয়াগীদমক সর্ভিস সেন্তর ওইগনি। প্রধান মন্ত্রীনা হায়খি মদুদি অনৌবা মেদিকেল কোলেজ 10 অসিনা মহারাস্ত্রদা মেদিকেল সিৎ 900 হাপচিল্লগনি। মসিনা রাজ্য অসিগী মেদিকেল সিৎ 6000 য়ৌহল্লগনি। লাল কিলাদগী অনৌবা মেদিকেল সিৎ 75,000 হাপচিনবগী মহাক্কী ৱারেপ অদু নীংশিংলদুনা প্রধান মন্ত্রীনা হায়খি মদুদি ঙসিগী থৌরম অসি মাইকৈ অসিদা অচৌবা খোঙথাং অমনি।

সরকারনা মেদিকেল এজুকেসনদা লাইথোকহল্লে হায়না পল্লদুনা প্রধান মন্ত্রীনা হায়খি মদুদি মহারাস্ত্রগী নহারোলশিংগীদমক অনৌবা লমশিংগী থোং হাংদোক্লে। মহাক্না মখা তাখি মদুদি সরকারগী প্রাইওরিতী অসি লায়রবা অমসুং মিদল ক্লাস ফেমিলীগী অঙাং কয়া অমা দোক্তর ওইহন্নবা অমসুং মখোয়গী মঙলানশিং অদু মপুং ফাহন্নবনি। শ্রী মোদীনা হায়খি মদুদি মতম অমদা, অসিগুম্বা স্পেসিএলাইজ স্তদীশিংগীদমক মমাগী লোলদা লাইরিকশিং লৈতবা অসি অচৌবা শীংনবনি। প্রধান মন্ত্রীনা হায়খি মদুদি সরকারনা খেন্নবা অসি লোইশিনখ্রে অমসুং মহারাস্ত্রগী নহাশিংনা মরাথী লোলদা মেদিসিন তম্বা ফংলগনি। মহাক্না মখা তাখি মদুদি নহারোলশিংনা মখোয়গী মমা লোলদা তমদুনা দোক্তর ওইবগী মখোয়গী মঙলান অদু মপুং ফাহনগনি।

প্রধান মন্ত্রীনা হায়খি মদুদি পুন্সি মহিং লায়থোকহন্নবা সরকারনা হোৎনরিবা অসি লায়রবগী মায়োক্তা লান্থেংনবদা অচৌবা পাম্বৈ অমনি। মমাংগী সরকারশিংনা মখোয়গী রাজনিতীগী পাম্বৈ ওইনা লায়রবশিংবু শীজিন্নবগীদমক য়ানীংদবা ফোংদোক্লদুনা মহাক্না হায়খি মদুদি মহাক্কী সরকারনা চহি তরাগী মনুংদা লায়রব করোর 25বু লায়রবদগী কোকহল্লে। লৈবাক অসিদা হেল্থ সর্ভিসকী অহোংবা পুরকপগী মতাংদা পল্লদুনা শ্রী মোদীনা হায়খি, "ঙসিদি লায়রবা খুদিংমক্না লেম্না লায়েংনবা আয়ুশ্মান কার্দ ফংলে।" মহাক্না মখা তাখি মদুদি হন্দক্তা চহি 70গী মথক্তা লৈবা অহল ওইরবা মীওইশিংসু লেম্না লায়েং ফংহল্লি। শ্রী মোদীনা পনখি মদুদি তঙাই ফদবা হিদাক-লাংথকশিং অসি জন ঔশধী কেন্দ্রশিংদা য়াম্না নেম্বা মমলদা ফংলি অমসুং হার্ত পেসেন্তশিংগী স্তেন্তশিং অসি চাদা 80-85গী চাংদা হন্থহল্লে। সরকারনা কেন্সর লাইয়েংবদা মথৌ তাবা হিদাক-লাংথকশিংগী মমলসু হন্থহনখ্রে হায়না মহাক্না মখা তাখি। সরকারগী মেদিকেল কোলেজ অমসুং হোস্পিতাল মশিং হেনগৎলকপনা মরম ওইদুনা মেদিকেলগী লায়েং অসি মমল হন্থরে হায়না পল্লদুনা শ্রী মোদীনা হায়খি, "ঙসিদি মোদী সরকারনা লায়রবশিংগী মরক্তা খ্বাইদগী লায়রবশিংদা সোসিএল সেক্যুরিতীগী মপাঙ্গল কনবা ঙাক্লৌ অমা পীরে।"

প্রধান মন্ত্রীনা অকনবা ৱাফম থমখি মদুদি মালেমনা লৈবাক অমগী নহাশিং কনফিদেন্স লৈরবা মতমদা  খক্তা লৈবাক অদুদা থাজবা থম্মি। ঙসিগী নহা ওইরিবা ভারতকী থাজবনা লৈবাক অসিগী অনৌবা তুংলমচৎকী ৱারী অমা ইরি হায়না মহাক্না পনখি। মালেমগী কম্ম্যুনিতীনা ভারতপু হ্যুমেন রিসোর্সকী মরুওইবা মফম অমা ওইনা উরি হায়না মহাক্না ফোংদোকখি। মসিদা মালেম শিনবা থুংনা এজুকেসন, হেল্থকেয়র অমসুং সোফৱেয়র দিবেলপমেন্তকী লমদা অচৌবা খুদোংচাবশিং লৈরি। ভারতকী নহারোলশিংবু খুদোংচাবশিং অসিগীদমক্তা শেম-শাবগীদমক, সরকারনা মখোয়গী স্কিলশিং অসি মালেমগী থাক্কা চুনহল্লি হায়না প্রধান মন্ত্রীনা ফোংদোকখি। মহারাস্ত্রদা এজুকেস্নেল ফ্রেমৱার্ক চাউখৎহন্নবা পান্দম থম্লিবা বিদ্যা সমিক্ষা কেন্দ্র অমসুং মুম্বাইদা ইন্দিয়ন ইন্সতিত্যুত ওফ স্কিল্স শঙ্গাবগী থৌরাং য়াওনা তোঙান তোঙানবা প্রোজেক্ত কয়া হৌদোকখিবা অদু প্রধান মন্ত্রীনা পনখি। মসিদা তুংলমচৎতা য়ুম্ফম ওইবা ত্রেনিং পীদুনা নহা ওইরিবা মীওইশিংগী হৈশিংবশিংবু কৈথেলগী মথৌ তাবশিংগা চুনহন্নবা হোৎনগনি। মখা তানা শ্রী মোদীনা ভারতকী পুৱারীদা অহানবা ওইনা নহারোলশিংদা পেদ ইন্তর্নশিপ পীবগী সরকারগী খোঙথাং অদু শন্দোক্না তাকখি। মহৈরোইশিংনা মখোয়গী ইন্তর্নশিপ মনুংদা লুপা 5,000গী স্তাইপেন্দ ফংলগনি। মহাক্না নুংঙাইবা ফোংদোকখি মদুদি কম্পনী লিশিং কয়া অমা থৌরাং অসিগী শরুক অমা ওইনবা রেজিস্তর তৌরি। মসিনা নহা ওইরিবা মীওইশিংদা মমল য়াম্লবা এক্সপরিয়েন্স ফংহনবদা অমসুং মখোয়গীদমক অনৌবা খুদোংচাবশিং ফংহনবদা মতেং পাংলি।

প্রধান মন্ত্রীনা হায়খি মদুদি ভারতকী নহারোলশিংগীদমক হোৎনরিবশিং অসিনা মশক থোকপা মহৈ ফংলি। মহাক্না হায়খি মদুদি ভারতকী এজুকেস্নেল ইন্সতিত্যুসনশিং অসি মালেমগী থাক্কী ইন্সতিত্যুসনশিংগা মান্ননা লৈরি অমসুং ঙরাং ৱার্ল্দ য়ুনিভর্সিতী রেঙ্কিংনা থাদোরকখিবা ভারত্তা হায়র এজুকেসন অমসুং রিসর্চকী ক্বালিতী হেনগৎলক্লিবা অদু পনখি।

শ্রী মোদীনা হায়খি মদুদি মালেমগী মীৎয়েং অসি হৌজিক ভারত্তা থম্লি মরমদি লৈবাক অসিনা মঙাশুবা খ্বাইদগী চাউবা ইকনোমী ওইরে। প্রধান মন্ত্রীনা হায়খি, "গ্লোবেল ইকনোমীগী তুংলমচৎ অসি ভারত্তা লৈরি।" মহাক্না মরুওইনা চহি তরাগী খুজিং কয়াগী মমাংদগী নাথৈদুনা লাকখিবা সেক্তরশিংদা ইকনোমিক প্রোগ্রেসনা পুরক্লিবা অনৌবা খুদোংচাবশিং অদু পনখি। মহাক্না তুরিজমগী খুদম পীরদুনা মহারাস্ত্রগী মমল য়াম্লবা হেরিতেজ, ফজরবা মহৌশাগী মফমশিং অমসুং স্পিরিচুএল সেন্তরশিংবু মপুং ফানা শীজিন্নদুনা রাজ্য অসি দোল্লর বিল্লিয়ন অমগী শেন্মিৎলোন অমা ওইহন্নবগীদমক মাংখিবা খুদোংচাবশিং অদু পনখি।

প্রধান মন্ত্রীনা অকনবা ৱাফম থমখি মদুদি হৌজিক লৈরিবা সরকার অসিনা চাউখৎ-থৌরাং অমসুং হেরিতেজ অনিমক য়াওরি। ভারতকী অরিবা মতমদগী ইথিল লৌদুনা মঙাল লৈবা তুংলমচৎ অমা শেমগৎপগী মতাংদা পল্লদুনা প্রধান মন্ত্রীনা শিরদী এয়রপোর্তকী অনৌবা তর্মিনেল, নাগপুর এয়রপোর্ত মোদর্নাইজেসন তৌবা অমসুং মহারাস্ত্রদা পায়খৎলিবা অতোপ্পা চাউখৎ থৌরাংগী প্রোজেক্তশিংগী মতাংদা পনখি। মহাক্না হায়খি মদুদি শিরদী এয়রপোর্তকী অনৌবা তর্মিনেল অসিনা লৈবাক শিনবা থুংবদগী অমসুং মপাল লমদগী লাকপা ভিজিতেরশিং য়ৌহন্দুনা সাই বাবাগী ভক্তশিংদা চাউনা কান্নবা ফংহল্লগনি। মহাক্না অপগ্রেদ তৌরবা সোলাপুর এয়রপোর্তকী উরেপ উয়ুং তমখিবগী মতাংদসু ফোংদোকখি। মসিনা হৌজিক্তি ভক্তশিংনা শানি শিঙ্গনাপুর, তুলজা ভবানী অমসুং কাইলাস মন্দিরগুম্বা মনাক নকপদা লৈবা স্পিরিচুএল দেস্তিনেসনশিং চৎপা ঙম্লগনি। মসিনা মহারাস্ত্রগী তুরিজম ইকনোমী হেনগৎহল্লগনি অমসুং থবক পীবগী খুদোংচাবসু লৈহল্লগনি।

“ঐখোয়গী সরকারগী ৱারেপ খুদিংমক অমসুং পোলিসী খুদিংমক অসি পান্দম অমখক্তদা কত্থোক্লি – ভিকসিৎ ভারত! মহাক্না মখা তাখি মদুদি সরকারগী মীৎয়েং অসি লায়রবশিং, লৌমীশিং, নহাশিং অমসুং নুপীশিংগী য়াইফনবনি। মরম অসিনা, মহাক্না মখা তাখি মদুদি চাউখৎ-থৌরাংগী প্রোজেক্ত খুদিংমক লায়রবা খুঙ্গংগী মীওইশিং, শিন্মীশিং অমসুং লৌমীশিংগীদমক কত্থোক্লি। শ্রী মোদীনা হায়খি মদুদি শিরদী এয়রপোর্ত্তা শেমগৎলিবা তোঙানবা কার্গো কমপ্লেক্স অসিনা লৌমীশিংদা য়াম্না মতেং পাংগনি মরমদি লৌউ-শিংউগী পোত্থোক মখল কয়া লৈবাক অসিদা অমদি মপাল লৈবাকশিংদা এক্সপোর্ত তৌবা য়াগনি। মহাক্না মখা তাখি মদুদি শিরদী, লাসলগাও, অহিলয়ানগর অমসুং নাশিক্কী লৌমীশিংনা কার্গো কমপ্লেক্স অসিদগী কান্নবা ফংগনি। মখোয়না অচৌবা কৈথেলদা তিলহৌ, অঙ্গুর, পুংথোন অমসুং কম্ফোইগুম্বা পোত্থোকশিং লায়না পুথোক পুশিন তৌবা ঙম্লগনি।

প্রধান মন্ত্রীনা হায়খি মদুদি সরকারনা লৌমীশিংগী য়াইফনবগীদমক লেপ্পা লৈতনা মথৌ তাবা খোঙথাংশিং লৌখৎলি। খুদম ওইনা, বসমতী চেংগী মিনিমম এক্সপোর্ত প্রাইস লৌথোকপা, নন-বসমতী চেংগী এক্সপোর্তকী অথিংবা লৌথোকপা, পারবোইল চেংগী এক্সপোর্ত দ্যুতী শরুক অনি থোক্না হন্থহনবা অসিনচিংবশিং লৌখৎলি। মহাক্না মখা তাখি মদুদি সরকারনা মহারাস্ত্রগী লৌমীশিংগী শেন্থোক হেনগৎহন্নবগীদমক তিলহৌগী এক্সপোর্ত তেক্সসু শরুক অনি হন্থহনখ্রে। শ্রী মোদীনা হায়খি মদুদি ভারতকী লৌমীশিংনা মস্তার্দ, সোয়াবিন অমসুং সনফ্লাৱরগুম্বা মহৈ-মরোংশিংগী মমল হেনগৎলকপদগী কান্নবা ফংনবগীদমক সরকারনা ইম্পোর্ত তৌরিবা অচাথাওদা চাদা 20গী তেক্স লৌখৎনবা অমসুং রিফাইন তৌরবা সোয়াবিন, সনফ্লাৱর অমসুং পামগী ওইলদা কাস্তম দ্যুতী য়াম্না হেনগৎনবা ৱারেপ লৌখ্রে। সরকারনা তেক্সতাইল ইন্দস্ত্রীদা মতেং পাংলিবা অসিনা মহারাস্ত্রগী লশিং থারিবা লৌমীশিংদা চাউনা কান্নবা ফংহল্লগনি হায়না শ্রী মোদীনা মখা তাখি।

মহাক্কী ৱারোল লোইশিল্লদুনা, প্রধান মন্ত্রীনা হায়খি মদুদি হৌজিক লৈরিবা সরকার অসিনা মহারাস্ত্রবু মপাঙ্গল কনখৎহন্নবা ৱারেপ লৌরে। মহাক্না রাজ্য অসিগী চাউখৎপগী খোঙজেলদা নুংঙাইবা ফোংদোকখি অমসুং ঙসিগী চাউখৎ-থৌরাংগী প্রোজেক্ত পুম্নমক্কীদমক মহারাস্ত্রগী মীয়ামদা থাগৎপা ফোংদোকখি।

মহারাস্ত্রগী রাজ্যপাল, শ্রী সি.পি. রাধাকৃষ্ণন, কেন্দ্রগী রোদ ত্রান্সপোর্ত অমসুং হাইৱেজ মন্ত্রী শ্রী নিতিন গদকরী, মহারাস্ত্রগী মুখ্য মন্ত্রী, শ্রী একনাথ শিন্দে অমসুং মহারাস্ত্রগী উপ-মুখ্য মন্ত্রী, শ্রী দেবেন্দ্র ফদনবিসসু থৌরম অদুদা ভর্চুএল ওইনা শরুক য়াখি।

বেকগ্রাউন্দ

প্রধান মন্ত্রীনা দা বাবাসাহেব অম্বেদকর ইন্তর্নেস্নেল এয়রপোর্ত, নাগপুর পাকথোক-চাউথোক্নবা লুপা করোর 7000 রোম চঙগদবা প্রোজেক্কী উরেপ-উয়ুং তমখ্রে। মসিনা মেনুফেকচরিং, এভিএসন, তুরিজম, লোজিসতিক্স অমসুং অনা-লায়েং য়াওনা তোঙান-তোঙানবা হিরমশিং চাউখৎহনবদা মতেং পাংগনি অমসুং নাগপুর সহর অমসুং বিদরভা লমদমদা কান্নবা পীগনি।

প্রধান মন্ত্রীনা লুপা করোর 645 চঙনা শিরদী এয়রপোর্তকী অনৌবা ইন্তিগ্রেতেদ তর্মিনেল বিল্দিং শানবা উরেপ-উয়ুং তমখ্রে। মসিনা শিরদীদা লাই খুরুম্বা লাকপা মীওইশিংদা মালেম থাক্কী খুদোংচাবশিং ফংহনগনি। সাই বাবাগী অধ্যাতিক ওইরবা নীম পাম্বীদা য়ুম্ফম ওইদুনা তর্মিনেল অসি শেমগৎকনি।

মীওই খুদিংমক্ত মমল হোংবা অনা-লায়েংগী খুদোংচাবা লাইনা ফংহন্নবা মহাক্না থাজবা পীখিবগী মতুংইন্না, মহারাস্ত্রাগী মুম্বাই, নাশিক, জলনা, অমরাৱতি, গাদচিরোলি, বুলধানা, ৱাশিম, ভন্দারা, হিঙ্গোলি অমসুং থানেদা সরকারগী মেদিকেল কোলেজ 10 প্রধান মন্ত্রীনা শঙ্গাখ্রে। অন্দর গ্রেজুয়েত অমসুং পোস্ত গ্রেজুয়েত সিতশিং হেনগৎহনবগা লোয়ননা, কলেজশিং অসিনা মীয়ামদা অখন্নবা অৱাংবা থাক্কী অনা-লায়েংগী খুদোংচাবশু পীগনি।

ভারত অসি মালেমদা স্কিলগী কোনুং ওইনা শেমগৎনবা মহাক্কী পান্দম মতুংইন্না, অৱাংবা থাক্কী তেক্নোলোজি অমসুং হেন্দস-ওন ত্রেনিংগা লোয়ননা উদ্যোগকী থৌরাং তৌরবা শিন্মী শেমগৎনবা পান্দম অমগা লোয়ননা প্রধান মন্ত্রীনা ইন্দিয়ান ইন্সতিতুৎ ওফ স্কিলস, মুম্বাই শঙ্গাখ্রে। পব্লিক-প্রাইভেদ পার্তনরশিপ মোদেল অমগী মখাদা, তাতা ইজুকেসন এন্দ দিবলপমেন্ত ত্রস্ত অমসুং ভারত সরকারনা পুন্না ইন্সতিত্যুত অসি লিংখৎপনি। মেকাত্রোনিক্স, আর্তিফিসিএল ইন্তিলিজেন্স, দেতা এনালিতিক্স, ইন্দস্ত্রিএল ওতোমেসন অমসুং রোবোতিক্সগুম্বা হিরমশিংদা ত্রেনিং পীনবা ইন্সতিত্যুত অসিনা থৌরাং তৌরি।

মখা তানা, প্রধান মন্ত্রীনা বিদ্যা সমিক্ষা কেন্দ্র মহারাস্ত্রা শঙ্গাখ্রে। VKS অসিনা মহৈরোয়শিং, ওজাশিং অমসুং লৈঙাকপশিংদা স্মার্দ উপাসথিতি, শ্বাধ্যায়গুম্বা চাতবোতশিংগী খুৎথাংদা একাদেমিক অমসুং এদমিনিস্ত্রেতিপ দেতা ফংহনগনি। মসিনা স্কুলশিং য়েংশিন্নবা, মমা-মপাশিং অমসুং সরকারগী মরক্তা অচেৎপা মরীশিং থম্নবা অমসুং মতেং পীনবা অৱাংবা থাক্কী লৌশিং কয়া পীগনি। মসিনা লাইরিক তাকপী তম্বীবগী থবকশিং অমসুং মহৈরোয়শিং লাইরিক তম্বা ফগৎহন্নবা মরুওইবা পাউতাক কয়া পীগনি।

Click here to read full text speech

महाराष्ट्र के इतिहास में इतनी तेज गति से, इतने बड़े स्केल पर, अलग-अलग क्षेत्रों में कभी विकास नहीं हुआ।

हां, ये बात अलग है कि...

कांग्रेस के राज में इतनी ही तेज गति से, इतने ही स्केल पर, अलग-अलग क्षेत्रों में भ्रष्टाचार जरूर होता था: PM @narendramodi pic.twitter.com/YqxobZQsZv

— narendramodi_in (@narendramodi_in) October 9, 2024

कांग्रेस, हमेशा बांटो और सत्ता पाओ के फॉर्मूले पर चली है। pic.twitter.com/s77DzRKM7c

— narendramodi_in (@narendramodi_in) October 9, 2024

कांग्रेस की नीति है, हिंदुओं की एक जाति को दूसरी जाति से लड़ाओ। pic.twitter.com/NHdJCJ7ewW

— narendramodi_in (@narendramodi_in) October 9, 2024

कांग्रेस पूरी तरह से सांप्रदायिक और जातिवाद का चुनाव लड़ती है। pic.twitter.com/38GQ1fMOQp

— narendramodi_in (@narendramodi_in) October 9, 2024

आज गरीब से गरीब देशवासी को मोदी सरकार ने सामाजिक सुरक्षा का मजबूत कवच दिया है: PM @narendramodi pic.twitter.com/EWb3VzftR4

— narendramodi_in (@narendramodi_in) October 9, 2024

आज युवा भारत का आत्मविश्वास, भारत के भविष्य की नई कहानी है: PM @narendramodi pic.twitter.com/jGEHrCVhfA

— narendramodi_in (@narendramodi_in) October 9, 2024

काँग्रेस को न विकास से मतलब था, न विरासत से मतलब था।

हमारी सरकार में विकास भी है, विरासत भी है: PM @narendramodi pic.twitter.com/jJxmlfpcsC

— narendramodi_in (@narendramodi_in) October 9, 2024