প্রধান মন্ত্রীনা ওমকারেশ্বর ফ্লোতিং সোলার প্রোজেক শঙ্গাখ্রে
প্রধান মন্ত্রীনা অতল গ্রাম সুসাসান বিল্দিং ১১৫৩ গী উরেপ-উয়ুং তমখ্রেপ্রধান মন্ত্রীনা হান্নগী প্রধান মন্ত্রী শ্রী অতল বিহারি বাজপায়গী ১০০শুবা মপোক কুওন্দা কম্মেমোরেতিপ স্তাম্প অমা অমসুং শেনয়েক ফোঙদোকখ্রেঙসি অসি ঐখোয় পুম্নমক্কী পুক্নিং য়াম্না থৌগৎপা নুমিৎ অমনি, ঙসি অসি ইকায়খুম্নরবা অতল জিগী মপোক নুমিৎনি: প্রধান মন্ত্রীকেন-বেতৱা লিঙ্ক প্রোজেক্না বুন্দেলখন্দ লমদমদা নুংঙাই-য়াইফবা অমসুং হরাওবগী অনৌবা থোংশিং হাংদোক্লগনি: প্রধান মন্ত্রীভারতকী পুৱারিদা হৌখিবা চহি ১০ অসি ঈশিং ফংহনবা অমসুং ঈশিং তুংশিনবগী অমুক্ত থোকখিদ্রিবা চহি ১০ ওইরগনি: প্রধান মন্ত্রীলৈবাক মনুংগী অমসুং মপানগী লমকোয়বা মীওইশিংগী খুদোংচাবশিং হেনগৎহন্নবা কেন্দ্র সরকারনা লেপ্তনা হোৎনরি: প্রধান মন্ত্রীহান্নগী প্রধান মন্ত্রী শ্রী অতল বিহারি বাজপায়গী ১০০শুবা মপোক কুওন থৌরমদা, প্রধান মন্ত্রী শ্রী নরেন্দ্র মোদীনা মধ্য প্রদেসকী খজুরাহোদা তোঙান-তোঙানবা চাউখৎ-থৌরাংগী প্রোজেকশিং শঙ্গাখ্রে অমসুং উরেপ-উয়ুং তমখ্রে। থৌরম অদুদা তিনখিবা মীয়ামদা ৱা ঙাংবদা, প্রধান মন্ত্রীনা ভারত অমসুং মালেমগী খৃষ্টান ফুরুপকী মীওইশিংদা নুংঙাইরবা খৃষ্টমাস অমগী য়াইফ পাউজেল পীখি। চীফ মিনিস্তর দোক্তর মোহন যাদবনা লুচিংবা সরকার চহি অমা মপুংরকপা অসি নিংশিংলদুনা, প্রধান মন্ত্রীনা মসিগীদমক মধ্য প্রদেসগী মীয়ামদা হরাওবা ফোঙদোকখি। প্রধান মন্ত্রীনা হায়খি হৌখিবা চহি অমদা লুপা করোর লিশিং কয়াগী অনৌবা ইনফ্রাস্ত্রকচর প্রোজেকশিং পায়খৎখিবগা লোয়ননা চাউখৎ-থৌরাংগী থবকশিং খুমাঙচাউশিল্লে। ঙসি পুৱারি ওইরবা কেন-বেতৱা রিভর লিঙ্ক প্রোজেক, দাউধাম দাম অমসুং মধ্য প্রদেসকী অহানবা সোলার পৱার প্লান্ত-ওমকারেশ্বর ফ্লোতিং সোলার প্রোজেক্কী উরেপ-উয়ুং তম্লে। মসিগীদমক মধ্য প্রদেসকী মীয়ামদা হরাওবা ফোঙদোকচরি।
ভারতরত্ন শ্রী অতল বিহারি বাজপায়গী ১০০শুবা মপোক নুমিৎ থোকপগা লোয়ননা ঙসিগী নুমিৎ অসি পুক্নিং থৌগৎপা নুমিৎ অমনি হায়না ফোঙদোক্লদুনা, প্রধান মন্ত্রীনা হায়খি মদুদি ঙসিগী নুমিৎ অসি অফবা লৈঙাক অমসুং অফবা থবক্কী নুমিৎ হায়না থৌরম পাংথোকপা অসিনা ঐখোয় খুদিংমক্কী পুক্নিং থৌগৎলে। কম্মেমোরেতিপ স্তাম্প অমা অমসুং শেনয়েক ফোঙবগা লোয়ননা শ্রী বাজপায় নিংশিংলদুনা, প্রধান মন্ত্রী মোদীনা হায়খি শ্রী বাজপায়না মহাকগুম্বা খোঙমী লান্মী কয়া চহি শৌগৎখি অমসুং লমজিংখি। লৈবাক অসি চাউখৎনবা শ্রী অতল জিনা পাংথোকখিবা থবকশিং মতম চুপ্পদা ঐখোয়গী নিংশিংবদা হক্তুনা লৈহৌরগনি। ঙসিদগী অতল গ্রাম সুসান সাদন ১১০০ গী থবক হৌরগনি অমসুং থবক অসিগীদমক অহানবা ইন্সতোলমেন্ত থাদোক্লে। অতল গ্রাম সেবা সাদন্না খুঙ্গংশিংগী চাউখৎপা য়াংখৎহনগনি।
অফবা লৈঙাক নুমিৎ অসি নোংম খক্তগী থৌরম নত্তে হায়না ফোঙদোক্লদুনা, প্রধান মন্ত্রীনা হায়খি মদুদি অফবা লৈঙাক অসি ঐখোয়গী সরকারশিংগী শক্তমনি। কেন্দ্রদা থংন-থংননা অহুমলক মীয়ামগী থবক তৌনবা খুদোংচাবা পীবগীদমক অমসুং মধ্য প্রদেসতা মীয়ামগী থবক তৌনবা মখা তানা খুদোংচাবা পীবগীদমক মীয়াম থাগৎপা ফোঙদোকচরি। অফবা লৈঙাক লৈবদগী মসি থবক ওইনা পাংথোকপা ঙম্বনি। নিংতম্বা চহি ৭৫ মপুংফারবা মতুংদা চাউখৎপগী পাদমশিং, মীয়ামগী য়াইফ-থৌরাং অমসুং অফবা লৈঙাক্ত লৈবাক অসিগী ফিবম নৈন্নবা অখঙ-অহৈশিং, রাজনিতি নৈনবশিং অমসুং শক্নাইরবা পন্দিৎশিংদা হায়জরি। মখোয়না মীয়ামগী থবক তৌনবা খুদোংচাবা ফংবা মফম খুদিংমক্ত মখোয়গী সরকারনা মীয়ামগী য়াইফ-থৌরাং অমসুং চাউখৎ-থৌরাংগী থবকশিং মাইপাক্না পায়খৎলে। অকক্নবা পেরামিতর খরদা করিগুম্বা ঐখোয়না অফ-ফত্তগী মরমদা নৈনরবদি, মীচম মীয়ামগীদমক কমদৌনা ঐখোয়না কৎথোক্লিবগে হায়বা লৈবাক অসিনা খঙগনি। ঐখোয়গী লৈবাক্কীদমক মখোয়গী ঈ কৎখিবা ঐখোয়গী নিংতম লান্মীশিংগী মঙলানশিং মঙফাওনবা ঙম্নবা সরকারনা চোকথবা লৈতনা থবক পায়খৎলি। অফবা লৈঙাক্না অফবা স্কিমশিং দরকার ওইবা খক নত্তনা, মখোয় ফজনা পায়খৎপা দরকার ওই অমসুং করম্বা সরকারগী স্কিমশিংনা মীয়ামদা কান্নবা পীবগে হায়বা অসিনা অফবা লৈঙাক মশক খঙবা ঙম্মী।
প্রধান মন্ত্রীনা হায়খি মমাঙগী সরকারশিংনা লাউথোকখিবশিং থবক ওইনা পায়খৎপদা থৱায় য়াওদবদগী কান্নবশিং মীয়ামদা য়ৌখিদে। পি.এম কিষান সম্মান নিধিগুম্বা স্কিমশিংগী মখাদা মধ্য প্রদেসকী লৌমীশিংনা লুপা ১২,০০০ ফংলে অমসুং মসি জন ধন বেঙ্ক একাউন্তশিং হাংদোকপগী থবক ওইনা পাংথোকপা ঙম্বনি। মধ্য প্রদেসগী লাদলি বেহনা য়োজনা অসি বেঙ্ক একাউন্তশিং আধার অমসুং মোবাইল নম্বরশিংগা শম্নদনা থবক ওইনা পাংথোকপা ওইথোক্লোই। অহোংবা মমলদা চেঙ ফংহন্নবা স্কিমশিং মমাঙদা লৈরম্লবশু, লায়রবশিং চেঙ ফংনবা হোৎনবদা য়াম্না ৱাখি, ঙসিদি লায়রবশিং অরোন-অথুপ লৈতনা লেম্না চেঙ ফংলে। শাশিন্নবা য়াদনবা তেক্নোলোজি শীজিন্নবা হৌরকপা অমশুং লৈবাক শীনবা থুংনা খুদোংচাবশিং পীবা লৈবাক অমা, রেসন অমা কার্দ অমা চৎনবা অসিগীদমক থাগৎপা ফোঙদোকচরি।
প্রধান মন্ত্রীনা হায়খি অফবা লৈঙাক হায়বদি মখোয়গী হকশিং ফংনবা মীয়ামদা সরকারদা ভিক্ষা নিদবা নত্ত্রগা সরকারগী ওফিসশিংদা কোইচেন চেন্দবা অদুবুনি। মখোয়গী থৌশিলদি বেনিফিসরিশিংগী চাদা ১০০ দা কান্নবশিং চাদা ১০০ ফংহনবনি। মসি লৈবাক শীনবা থুংনা উবা ফংলে, মরম অদুনা মীয়ামগী থবক তৌনবা মখোয়না ঐখোয়দা খুদোংচাবা হঞ্জিন হঞ্জিন পীবনি। প্রধান মন্ত্রীনা হায়খি অফবা লৈঙাক্না হৌজিক অমসুং তুংগী খুদোংচাদবশিং কোকহল্লি। অদুবু হৌখিবা সরকারশিংগী অশোইবা লৈঙাক্না মরম ওইদুনা চহি কয়া বুন্দেলখন্দগী মীয়াম চাউনা অৱাবা মায়োক্নবা অসি লাইবক থিবনি। অফবা লৈঙাক লৈতদবগী ঈশিং মরিক অমগীদমক মীরোল কয়াগী বুন্দেলখন্দগী লৌমীশিং অমসুং নুপীশিং লান্থেংনরি অমসুং মতম অদুদা ঈশিংগী অৱাবশিং কোক্নবা থবকশিং অমতা পায়খৎখিদে।
প্রধান মন্ত্রীনা হায়খি ভারতগীদমক তুরেল ঈশিংগী মরুওইবা খঙবশিংগী মনুংদা দোক্তর বি.আর অম্বেদকার অমনি। ভারতকী অচৌবা রিভর ভেল্লি প্রোজেকশিং দোক্তর অম্বেদকারগী পান্দমশিংদা য়ুম্ফম ওইবনি অমসুং মহাক্কী থবকশিংনা সেন্ত্রেল ৱাতর কম্মিসন লিংখৎখিবনি। ঈশিং তুংশিন্নবা অমসুং অচৌবা দাম প্রোজেকশিংগী মহাক্না পাংথোকখিবা থবকশিংগী মনা হৌখিবা সরকারশিংনা কৈদৌঙৈদা দোক্তর অম্বেদকারদা পীখিদে অমসুং হায়রিবা থবকশিং অসিদা মখোয় পুক্নিং চঙখিদে। নিংতম্বা ফংলবা চহি ৭০ গী মতুংদা ফাওবা হৌজিক ভারতকী রাজ্য কয়া ঈশিংগী খৎনরি। হৌখিবা লৈঙাকশিংগী থবক ওইনা পাংথোকপগী চপ চাবা ফিরেপ লৈতবা অমসুং অফবা লৈঙাক লৈতদবগী থবক ওইনা পাংথোক্তবনি।
প্রধান মন্ত্রীনা হায়খি মদুদি মমাঙদা শ্রী বাজপায়গী সরকারনা ঈশিংগী অৱাবশিং কোকহন্নবা থবক পায়খৎপা হৌখি, অদুবু ২০০৪ গী মতুংদা থবকশিং লেপখি। হৌজিক মহাক্কী সরকারনা লৈবাক শীনবা থুংবগী তুরেলশিং শম্ননবা থবক পায়খৎপা হৌরে। কেন-বেতৱা লিঙ্ক প্রোজেক থবক ওইনা পাংথোক্লগনি অমসুং কেন-বেতৱা লিঙ্ক প্রোজেক্না বুন্দেলখন্দ লমদমদা নুংঙাই-য়াইফবা অমসুং হরাওবগী অনৌবা থোংশিং হাংদোক্লগনি। কেন-বেতৱা লিঙ্ক প্রোজেক্না ছাতারপুর, তিকামগর, নিৱারি, পান্না, দামোহ অমসুং সাগর য়াওনা মধ্য প্রদেসকী জিলা ১০ দা ইথৈ-লৌখোঙগী খুদোংচাবা পীরগনি। প্রোজেক অসিনা উত্তর প্রদেসগী বান্দা, মাহোবা, ললিতপুর অমসুং ঝান্সি জিলাশিং য়াওনা বুন্দেলখন্দ লমদমশু কান্নবা পীগনি। তুরেল শম্ননবা অচৌবা খোঙজংগী মখাদা প্রোজেক অনি পায়খৎপা হৌবা লৈবাক অসিগী অহানবা রাজ্য মধ্য প্রদেসনা ওইরে। হন্দক মহাক্না রাজস্থান্দা চৎলুবদা, পার্বতি-কালিসিন্ধি-চম্বল অমসুং কেন-বেতৱা লিঙ্ক প্রোজেকশিংগী খুৎথাংদা তুরিল কয়া শম্ননবা য়ানবা পুরকখিবনি। মসিগী য়ানবা অসিনা মধ্য প্রদেসশু কান্নবা য়াম্না ফংলগনি।
প্রধান মন্ত্রীনা হায়খি ঈশিং মরাং কাইনা ফংহনবা হায়বসি ২১শুবা চহিচাগী খ্বাইদগী চাউবা শিংনবনি। ঈশিং মরাংকাইনা ফংবা লৈবাকশিং অমসুং লমদম খক্ত চাউখৎকনি অমসুং লৌউ-শিংউ অমসুং উদ্যোগশিং চাউখৎনবা ঈশিং তঙাইফদে। গুজরাতকী মফম অয়াম্বা চহি চুপ্পা ইকং মায়োক্নরি। মহাক্না ঈশিংগী মরুওইবা খঙখি অমসুং মধ্য প্রদেসতগী নরমাদা তুরেলগী থৌজালদগী গুজরাতকী মরাইবক ফরে। ইকং মায়োক্নরিবা মধ্য প্রদেসকী শরুকশিং ঈশিংগী অৱাবা কোকহনবা হায়বসি মহাক্কী দাইত্বনি।
প্রধান মন্ত্রীনা হায়খি মদুদি বুন্দেলখন্দগী লৌমীশিং অমসুং নুপীশিংগী খুদোংচাদবশিং হন্থহন্নবা পুকচেল শেংনা থবক তৌগনি হায়না ৱাশক্লি। পান্দম অসিগী মখাদা, বুন্দেলখন্দগীদমক ঈশিংগা মরী লৈনবা লুপা করোর ৪৫,০০০ গী প্লান অমা শেম্লে। মধ্য প্রদেস অমসুং উত্তর প্রদেসকী মখোয়গী সরকারশিংদা লেপ্তনা পুক্নিং থৌগৎপদগী, কেন-বেত’আ লিঙ্ক প্রোজেক্কী মখাদা দাউধাম দামগী উরেপ-উয়ুং তমখিবনি। দাম অসিনা কিমি চা কয়া শাংবা কেনেল পরিং অমা লৈদুনা লম হেক্তর লাখ ১১ রোমদা ঈশিং ফংহনগনি। ভারতকী পুৱারিদা হৌখিবা চহি ১০ অসি ঈশিং ফংহনবা অমসুং ঈশিং তুংশিনবগী অমুক্ত থোকখিদ্রিবা চহি ১০ ওইরগনি। হৌখিবা সরকারশিংনা ঈশিংগা মরী লৈনবা থবকশিং তোঙান-তোঙানবা বিভাগশিংগী মরক্ত য়েন্থোক্নখি, অদুবু মহাক্কী সরকারনা মসিগী খুদোংচাদবা অসি কোকহন্নবা জল শক্তি মিনিস্ত্রি লিংখৎলে। অহানবা ওইনা, য়ুমথোং খুদিংদা তোতি ঈশিং তাহন্নবা নেসনেল মিসন অমা হৌদোক্লে। নিংতম্বা ফংলবা চহি ৭০ গী মতুংদা ফাওবা, খুঙ্গংগী ইমুং করোর ৩ খক তোতি শমখি। হৌখিবা চহি মঙাদা, অনৌবা ইমুং করোর ১২ তোতি ঈশিং ফংহল্ল অমসুং স্কিম অসিগীদমক লুপা করোর লাখ ৩.৫ চাদিং তৌখি। জল জিবন মিসনগী মখাদা ঈশিং চাংয়েং তৌনবা লৈবাক শীনবা থুংনা ৱাতর ক্বালিতি লেব ২,১০০ লিংখৎলে অমসুং খুঙ্গংদা থক্নবা ঈশিং চাংয়েং তৌনবা নুপী লাখ ২৫ ত্রেনিং পীরে। থবক অসিদগী খুঙ্গং লিশিং কয়া অমোৎপা ঈশিং নমদুনা থকপা অদু কোকহল্লে, অঙাংশিং অমসুং মীয়াম লায়নাশিংদগী ঙাকথোক্লে।
প্রধান মন্ত্রীনা হায়খি ২০১৪ গী মমাঙদা লৈবাক অসিদা চহি কয়া লোইশিন্দনা থম্বা অচৌবা ইরিগেসন প্রোজেক ১০০ রোম লৈখি। হায়রিবা অরিবা ইরিগেসন প্রোজেকশিং লোইশিন্নবা মহাক্কী সরকারনা লুপা করোর লিশিং কয়া চাদিং তৌখি অমসুং অনৌবা মতমগী ইরিগেসন তেক্নিকশিং শীজিন্নবা হেনগৎলে। হৌখিবা চহি ১০ দা, মধ্য প্রদেসকী হেক্তর লাখ মঙা য়াওনা, লম হেক্তর করোর অমা রোম মাইক্রো-ইরিগেসনগী খুদোংচাবশিং ফংলে। হায়রিবা থবকশিং অসিনা ঈশিং মরিক অমা ফাওবা ফজনা শীজিন্নরে। নিংতম্বা চহি ৭৫ মপুংফারকপগী থৌরম পাংথোকপা ওইনা জিলা খুদিংমক্ত অমৃত সরোভর ৭৫ তৌরে অমসুং মসিদগী লৈবাক শীনবা থুংনা অমৃত সরোভর ৬০,০০০ হেন্না লৈরে। জল শক্তি অভিয়ান অমসুং নোংগী ঈশিং লোকশিনবগী খোঙজং হৌদোক্লে অমসুং লৈবাক শীনবা থুংনা নোংগী ঈশিং তুংশিন্নবা গুহা লাখ অহুম হেন্না তৌরে। হায়রিবা খোঙজংশিং অসি মীয়াম্না লুচিংবনি অমসুং সহর অমসুং খুঙ্গংগী লমশিং থৱায় য়াওনা শরুক য়াখি। মধ্য প্রদেস য়াওনা লৈনুংগী ঈশিং খ্বাইদগী য়ামদনা লৈবা রাজ্যশিংদা অতল ভুজাল য়োজনা পায়খৎলে।
প্রধান মন্ত্রীনা হায়খি মতম পুম্নমক্ত মধ্য প্রদেস তুরিজমগী লুচিংবা অমা ওইদুনা লাক্লি। তুরিজম অসি নহারোলশিংদা থবক পীবা অমসুং লৈবাক অসিগী শেন-থুমগী ফিবম ফগৎহনবা সেক্তর অমনি। মালেমদা অহুমশুবা খ্বাইদগী চাউবা ইকোনোমি ওইনবা ভারত থৌরাং তৌরে অমসুং মালেম্না ভারত মশক খঙবা পাম্লে অমসুং মসিগী কান্নবা মধ্য প্রদেসশু ফংগনি। হন্দক অমেরিকাগী পাউচে অমদা মালেমগী খ্বাইদগী ফজবা লমকোয়ফম ১০ গী মনুংদা মধ্য প্রদেস য়াওখিবগী পাউ অমা ফোঙখ্রে। লৈবাক মনুংগী অমসুং মালেমগী লমকোয়বা মীওইশিং চৎথোক-চৎশিন হেন্না লাইহন্নবা খুদোংচাবশিং হেন্না ফগৎনবা কেন্দ্র সরকারনা লেপ্তনা থবকশিং পায়খৎলি। সরকারনা মপান লৈবাকশিংগী লমকোয়বা মীওইশিংগী ই-ভিশা স্কিমশিং হৌদোক্লে অমসুং ভারত্ত হেরিতেচ অমসুং ৱাইল্দলাইফ তুরিজম ফগৎনবা থবকশিং পায়খৎলে। কন্দারিয়া মহাদেব, লক্সমন তেম্পল অমসুং চাউসাথ য়োগিনি তেম্পলগুম্বা মফমশিং লৈদুনা খজুরাহো লমদমদা পুৱারি অমসুং অধ্যাতিক্কী মফম কয়া মরাংকাইনা লৈরি। ভারত্ত তুরিজম চাউখৎনবা লৈবাক শীনবা থুংনা জি-২০ মীফমশিং পাংথোকখি। মীফম অসিগীদমক খজুরাহোদা অৱাংবা থাক্কী ইন্তরনেসনেল কনভেন্সন সেন্তর অমা শাখ্রে।
তুরিজম সেক্তরগী মতাংদা মখা তানা ফোঙদোক্লদুনা, প্রধান মন্ত্রীনা হায়খি ইকো-তুরিজমগী খুদোংচাবশিং অমসুং লমকোয়বশিংগী অনৌবা খুদোংচাবশিং শেমগৎনবা কেন্দ্র সরকারগী শ্বাদেস দর্শন স্কিমগী মখাদা মধ্য প্রদেসতা লুপা করোর কয় থাদখ্রে। বুদ্ধিস্ত সর্কুইতকী মখাদা সাঞ্চি অমসুং অতোপ্পা বুদ্ধিস্তগী মফমশিং শম্নরে, ইকো সর্কুইতকী মখাদা গান্ধি সাগর, ওমকেশ্বর দাম, ইন্দিরা সাগর দাম, ভেদাঘাত অমসুং বনসাগর দাম শম্নরে। হেরিতেচ সর্কুইতকী মখাদা খজুরাহো, গ্বালিয়র, ওরছা, চান্দেরি অৰমসুং মান্দু শম্নরে। ৱাইল্দলাইফ সর্কুইতকী মখাদা পান্না নেসনেল পার্কশু য়াওরে অমসুং হৌখিবা চহিদা পান্না তাইগর রিজার্বতা লমকোয়বা মীওই লাখ ২.৫ রোম লাকখি। পান্না তাইগর রিজার্বতা লম্লাক্কী শা-উচেকশিংগী খন্দুনা লিঙ্ক কেনেল শেমগৎলে। তুরিজমগী থবকশিং ফগৎহনবা অসিনা লমদম অমগী শেন-থুমগী ফিবম ফগৎহল্লে। লমকোয়বা লাকপা মীওইশিংনা লমদম অমগী পোৎ-চৈশিং লৈগনি,ওতো অমসুং তেক্সি তোংগনি, হোতেলশিং, ধাবাশিং, হোমস্তেশিং অমসুং গেস্ত হাওসশিংদা লৈগনি। শঙ্গোম, শঙ্গোম অফম্বা, উহৈ-ৱাহৈশিং অমসুং মনা-মশিংগুম্বা পোৎথোকশিং চুনবা মমলশিংদা য়োন্দুনা লৌমীশিং কান্নবা ফংগনি।
প্রধান মন্ত্রীনা হায়খি হৌখিবা চহি ২০ দা মধ্য প্রদেস হিরম কয়াদা শিংথানিঙাই ওইনা চাউখৎলে। লাক্লিবা চহিশিংদা মধ্য প্রদেস লৈবাক অসিদা মকোক থোঙবা ইকোনোমি অমা ওইরগনি, লোয়ননা বুন্দেলখন্দনা মরুওইবা থৌদাং অমা লৌরি। বিকসিত ভারত অমগীদমক মধ্য প্রদেস চাউখৎলবা রাজ্য অমা ওইনবা মাইকৈদা কেন্দ্র অমসুং রাজ্য সরকারশিংনা পুকচেল শেংনা থবক তৌগনি।
থৌরম অদুদা শরুক য়াখিবশিংগী মনুংদা মধ্য প্রদেসকী রাজ্যপাল শ্রী মঙ্গুভাই সি পতেল, মধ্য প্রদেসকী চীফ মিনিস্তর দোক্তর মোহন যাদব, এগ্রিকলচর অমসুং ফার্মরস ৱেলফিয়ারগী য়ুনিয়ন মিনিস্তর শ্রী সিবরাজ সিংহ চৌহান, সোসিএল জসতিস অমসুং ইম্পৱারমেন্তগী মিনিস্তর শ্রী বিরেন্দ্র কুমার, জল শক্তিগী য়ুনিয়ন মিনিস্তর শ্রী সি আর পতিল অমসুং অতোপ্পা শক্নাইরবশিং য়াওখি।
নুঙগীৱারোল
প্রধান মন্ত্রীনা নেস্নেল পর্সপেক্তিব প্লানগী মখাদা তুরলশিং শম্নহনবা লৈবাক অসিগী অহানবা প্রোজেক কেন-বেতৱা তুরেল শম্নহনবা নেস্নেল প্রোজেক্তকী উরেপ-উয়ুং তমখ্রে। মসিগী প্রোজেক্ত অসিনা মধ্য প্রদেশ অমসুং উত্তর প্রদেশতা জিলা কয়া অমগী ঈথৈ-লৌখোংশিংদা ঈশিং পীরগনি, মসিনা লৌমীশিংগী ইমুং লাখ কয়া অমদা কান্নহল্লগনি। প্রোজেক্ত অসিনা লমদম অসিগী মীশিংদা থক্নবা ঈশিংগী খুদোংচাবশিংশু ফংহল্লগনি। মসিগা লোইননা, হাইদ্রোপাৱর প্রোজেক্তশিংনা গ্রীন ইনর্জীদা মেগাৱাত ১০০ হেন্না পুথোক্লগনি। প্রোজেক্ত অসিনা থবক কয়া অমশু পীরগনি লোইন-লোইননা খুঙ্গংগী শেনমিৎলোনশু চাউখৎহল্লগনি।
প্রধান মন্ত্রীনা অতল গ্রাম সুশাসন বিলদিং ১১৫৩গী উরেপ-উয়ুংশু তমখ্রে। বিলদিংশিং অসিনা লোকেলগী থাক্তা অফবা লৈঙাক লৈহন্নবা গ্রাম পঞ্চায়তশিংগী থবক থবক-থৌরমশিং অমসুং মখোয়গী মথৌদাংশিং অদুগী থৌসিল-থৌরাংশিং অদুবু নিংথিনা পাংথোকপদা য়াম্না মরু ওইবা থৌদাং অমা লৌরগনি।
ইনর্জী মতিক চানা ৱাত্ত-পাদনা লৈহনবা অমসুং গ্রীন ইনর্জীবু য়োকখৎনবা লেপ্লিবা মহাক্কী ফিরেপ অদুগা মরি লৈননা, প্রধান মন্ত্রীনা মধ্য প্রদেশকী খান্দৱা জিলাগী ওমকারেস্বরদা লিংখৎপা ওমকারেস্বর ফ্লোতিং সোলর প্রোজেক্ত শঙ্গাখ্রে। প্রোজেক্ত অসিনা কার্বোন থাদোকপা হন্থহল্লগনি অমসুং ২০৭০ ফাওবদা নেত জিরো কার্বোন ইমিসনগী পায়খৎলিবা সরকারগী মিসনদা শরুক য়ারগনি। ঈশিংনা মনিল ওনবা হন্থহন্দুনা ঈশিংগী কঞ্জার্বেশন তৌবদশু মতেং পাংলগনি।
Click here to read full text speech
आज हम सभी के लिए बहुत ही प्रेरणादायी दिन है...आज श्रद्धेय अटल जी की जन्मजयंती है: PM @narendramodi pic.twitter.com/lnIMRUKZcb
— PMO India (@PMOIndia) December 25, 2024
केन-बेतवा लिंक प्रोजेक्ट से बुंदेलखंड क्षेत्र में समृद्धि और खुशहाली के नए द्वार खुलेंगे: PM @narendramodi pic.twitter.com/hDkKfFGtkF
— PMO India (@PMOIndia) December 25, 2024
बीता दशक, भारत के इतिहास में जल-सुरक्षा और जल संरक्षण के अभूतपूर्व दशक के रूप में याद किया जाएगा: PM pic.twitter.com/FgFe3ZrAx8
— PMO India (@PMOIndia) December 25, 2024
केंद्र सरकार भी लगातार प्रयास कर रही है कि देश और विदेश के सभी पर्यटकों के लिए सुविधाएं बढ़ें: PM pic.twitter.com/FS2MyjofSF
— PMO India (@PMOIndia) December 25, 2024
