হৌখিবা চহি ১০ সিদা, বরানসিগী চাওখৎ থৌরাংগী থবক্তা অনৌবা খোঙজেল অমা লাক্লে: প্রধান মন্ত্রী
মহাত্মা জ্যোতিবা ফুলে অমসুং সাবিত্রীবাই ফুলে জীনা মপুন্সি চুপ্পা নুপী মপাঙ্গল হাপ্নবা, মখোয়দা মশাবু থাজবা থম্নবা অমদি খুন্নাইগী য়াইফনবগীদমক থবক পাঙথোক্লমখি: প্রধান মন্ত্রীবনস দেরীনা কাসিগী ইমুং লিশিং কয়াগী শক্তম অমদি মরাইবক হোংহল্লে: প্রধান মন্ত্রীকাসি হৌজিক্তি হকচাঙ ফবগী কোনুং ওইরে: প্রধান মন্ত্রীঙসি, কাসিদা চৎলুবা মীপুম খুদিংমক্না মফমসিগী ইনফ্রাস্ত্রকচর অমদি ফেসিলিতীশিংবু থাগৎনরি: প্রধান মন্ত্রীভারতনা ঙসি চাওখৎ থৌরাং অমদি পারী পুরীগী লন শেমগৎপা অনিমক পুন্না পায়খৎমিন্নরি, ঐখোয়গী কাসিনা মসিগী খ্বায়দগী ফবা ফিদম ওইরি: প্রধান মন্ত্রীউত্তর প্রদেশ খুদোংচাবশিংগী লমখক্তমক ওইদ্রে, মতিং লৈবা অমদি মায় পাকপশিংগী লমসু ওইরে: প্রধান মন্ত্রীপ্রধান মন্ত্রী শ্রী নরেন্দ্র মোদীনা ঙসি উত্তর প্রদেশকী বরানসিদা লুপা করোর ৩,৮৮০ রোমগী ওইগদবা তোঙান তোঙানবা চাওখৎ থৌরাংগী প্রোজেক্ত কয়া উরেপ উয়ুং তমখ্রে অমদি শঙ্গাখ্রে। তিল্লিবা মীয়ামদা ৱা ঙাংলদুনা, মহাক্না কাসিগা মহাক্কী লৈনরিবা অচেৎপা মরীগী মরমদা ৱাফম কয়া থমখি, অমদি লমদম অসিগী মহাক্কী ইমুংগী মীওইশিংবু মহাক্কী মফমদা শৌগৎপিবা অমদি নুংশিবিবগীদমক থাগৎপা ফোঙদোকখি। কাসি অসি মহাক্কীনি অমদি মহাক্না কাসিগীনি হায়রদুনা মীনুংশি কয়াদুগী লমন তোনশিল্লে হায়না মহাক্না ফোঙদোকখি। হয়েং অসি য়াইফরবা হনুমান জন্মোতসব নুমিৎনি হায়রদুনা, শ্রী মোদীনা কাসিদা লৈবা সঙ্কত মোচন মহারাজকী খুভমদা চৎপা ফংজবগী নুংঙাইবা ফোঙদোকখি। হনুমান জন্মোতসবকী মাঙওইননা, কাসিগী মীয়াম্না চাওখৎ থৌরাংগী কুমহৈ অসিগীদমক পুন্না তিল্লরিবা অসিবুসু মহাক্না শিংথাখি।
“হৌখিবা চহি ১০ অসিদা, বরানসিগী চাওখৎ থৌরাংদা অনৌবা খোঙজেল অমা লাক্লে,” হায়রদুনা, কাসিনা মতমগী ওইবা মতৌশিং কোনশিল্লি, পারী পুরীগী লন-থুমবু ঙাক শেল্লি, অমদি তরং তরংবা তুংলমচৎ অমবু লৌশিল্লি হায়না প্রধান মন্ত্রীনা ফোঙদোকখি। কাসি অসি অরিবা মতমগী ওইবা মশক অদুখক্তা নত্তনা খুমাঙ চাওশিনবা মফম ওইবগা লোয়ননা হৌজিক্তি পুর্বাঞ্চলগী শেন্মিৎলোনগী পাফলগী ময়ায়দা লৈরে হায়না মহাক্না ফোঙদোকখি। প্রভু মহাদেব মশামক্না লমজিংবিরিবা কাসিনা হৌজিক্তি পুর্বাঞ্চলগী চাওখৎ থৌরাংগী শগোলগী খুৎলি পায়দুনা চৎলি হায়না মহাক্না মখা তাখি।
থৌরমগী অঙনবা শরুক্তা কাসি অমদি পুর্বাঞ্চলগী তোঙান তোঙানবা মফমশিংগা মরী লৈনবা য়াম্লবা প্রোজেক্তশিং শঙ্গাবা অমদি উরেপ উয়ুং তম্বগী মতাঙদা পল্লদুনা, শ্রী মোদীনা ইনফ্রাস্ত্রকচর প্রোজেক্তশিংগী খুত্থাঙদা কন্নেক্তিবিতী মপাঙ্গল কনখৎহনবা, য়ুমথোঙ খুদিংদা তোতিগী ঈশিং ফংহন্নবা কেম্পেন, অমদি মহৈ মশিং, হকশেল অমসুং শান্ন-খোৎনবগী ফেসিলিতীশিং পাকথোক চাউথোকহনবগী মতাঙদা মরুওইবা মীৎয়েঙ থমখি। থৌশিলশিং অসিনা পুর্বাঞ্চলবু চাওখৎপা লমদম অমা ওলহন্নবা মরুওইবা পন্দোলশিং ওইরগনি হায়রদুনা, মহাক্না লমদম, ইমুং, অমদি নহা খুদিংদা হেন্না ফবা খুদোংচাবশিং ফংহন্নবা খোঙফমশিং ফোঙদোকখি। স্কীমশিং অসিদগী কাসিগী মীওই খুদিংমক্না কান্নবা চাউনা ফংগনি হায়রদুনা অসিগুম্বা চাওখৎ থৌরাংশিং অসিগীদমক বরানসি অমসুং পুর্বাঞ্চলগী মীওইশিংগী মফমদা নুংঙাইবা ফোঙদোকখি।
প্রধান মন্ত্রীনা ঙসি মহাত্মা জ্যোতিবা ফুলেগী মপোক কুমওনবু নীংশিংলদুনা খুন্নাইগী য়াইফনবা অমসুং নুপীশিং মপাঙ্গল হাপ্নবা মহাক অমদি সাবিত্রীবাই ফুলেনা মপুন্সি চুপ্পা কত্থোক্লম্ববু শকখঙখি। মখোয়গী মঙলান মঙফাওনহন্নবা অমদি পুনীশিং মপাঙ্গল হাপ্নবা হৌজিক পায়খৎলিবা থৌরাংশিংবুসু মহাক্না পুথোক্তুনা থমখি। মখোয়গী লৈঙাক্না ‘সবকা সাথ, সবকা বিকাস’ হায়রিবা লাইৱা অসিদা চৎলি হায়না মহাক্না মখা তাখি। মহাক্না পুর্বাঞ্চলগী শা-শন লোইরিবা ইমুংশিংদা, মরুওইনা লমদম অসোমদা অনৌবা মাইওন অমা উৎলিবা শুবা-নোম্বা কনবা নুপীশিংগী মফমদা নুংঙাইবা ফোঙদোকখি। নুপীশিং অসিদা থাজবা থম্বনা অনৌবা পুৱারী অমা শেম্লে হায়না মহাক্না ফোঙদোকখি। প্রধান মন্ত্রীনা উত্তর প্রদেশকী বনস দেরী প্লান্তকা শম্নবা শা-শন লোইবা ইমুংশিংদা বোনস য়েন্থোকপগী ৱাফমবুসু শিংথাখি। লুপা করোর ১০০ হেনবগী বোনস অসি, খুদোল অমা নত্তে, মখোয়গী শুবা-নোম্বা কনবা অমদি কত্থোকপগী মনানি, মসিদা মখোয়না হোৎনখিবা অমদি হনবা লৈতবা থৌনাগী মমি তারি হায়খি।
ইমুং লিশিং কয়াগী পুন্সি অমদি মরাইবক শেম্লিবা কাসিগী বনস দেরীনা পুরক্লিবা অওনবা ইথিলগী মতাঙদা ফোঙদোক্লদুনা, শ্রী মোদীনা দেরী অসিনা শুবা নোম্বা কনবা মীওইশিংদা কান্নবা ফংহল্লিবা অমদি মখোয়গী মঙলানশিং মশা পানহল্লি হায়বগী ৱাফমশিং থমখি। হোৎনরিবা অসিনা পুর্বাঞ্চলগী নুপী কয়াবু ‘লাখপতী দিদি’ ওইহন্দুনা হিংনবগীদমক ৱানা হোৎনরম্বদগী নুংঙাই য়াইফবগী লম্বীদা পুশিল্লক্লে হায়না মহাক্না চাউথোক্না শিংথাখি। খোঙজেল অসি বরানসি অমদি উত্তর প্রদেশখক্তা নত্তনা লৈবাক শিনবা থুংনা উবা ফংলি হায়খি। “ভারতনা হৌখিবা দেকেদ অসিদা শঙ্গোম পুথোকপগী চাং ৬৫% লোম হেনগৎহন্দুনা মালেমগী খ্বায়দগী চাউবা শঙ্গোম পুথোকপা লৈবাক ওইরে,” হায়না মহাক্না ফোঙদোক্লদুনা মায় পাকপা অসি হৌখিবা চহি তরাসিদা লেপ্তনা হোৎনরকপা অমদি লৌমী অমসুং শা-শন লোইরিবা মীওই লাখ কয়াগী হোৎনজমলননি হায়খি। শা-শন লোইরিবশিংবু কিসান ক্রেদিত কার্দ ফেসিলিতীশিংগী শম্নহনবা, লোনগী চাং হেনগৎহনবা, অমসুং সবসিদী প্রোগ্রামশিং হৌদোকপা য়াওনা মিসন মোদতা দেরী সেক্তরবু খুমাঙ চাওশিলহন্নবা পায়খৎলিবা থৌশিলশিং মহাক্না পুথোক্তুনা থমখি। প্রধান মন্ত্রীনা শা-শনশিং ঙাকথোক্নবা ফুত তু মাউথ দিজিজকী লেম্না তিকা থাবা লোয়ননা অনৌবা মেম্বর লাখ কয়া হাপচিন্দুনা শঙ্গোম খোমগৎনবা কোওপরেতিব সোসাইতী ২০,০০০ হেন্না হিঙ্গৎহন্নবা থৌরাংশিংগী মতাঙদু পনখি। লমদমসিগী ওইবা শা-শন মখলশিং য়োকখৎনবা অমদি রাস্ত্রিয় গোকুল মিসনগী মখাদা সাইন্তিফিক ব্রীদিং তৌদুনা মখোয়গী মতিক হেনগৎহনবদা থম্লিবা মীৎয়েঙসু মহাক্না ফোঙদোকখি। থৌশিলশিং অসিনা শা-শন লোইরিবা মীওইশিংবু অচৌবা চাওখৎ থৌরাংগী লম্বী, হেন্না ফবা কৈথেল, অমদি খুদোংচাবশিংগা মরী শম্নহন্নবা পান্দম থম্লি। মহাক্না বনস দেরীবু মঙলান অসি পুর্বাঞ্চল পুম্বদা খুমাঙ চাওশিলহনবগীদমক শিংথাখি অমদি বনস দেরীনা লমদম অসিদা গির শন য়েন্থোকখ্রে অমদি মখোয়গী মশিং তপ্না তপ্না হেনগৎলক্লি, অমসুং বরানসিদ মচিঞ্জাক পুথোক্নবা থৌরাং পায়খৎপা হৌরে হায়খি। মহাক্না দেরী অসিবু পুর্বাঞ্চলগী লৌমী লাখ অমগী ময়াদগী শঙ্গোম খোমগত্তুনা মখোয়বু মপাঙ্গল হাপ্পা অমদি হিংনবা লম্বী পীবগীদমক শিংথাখি।
প্রধান মন্ত্রীনা য়াম্লবা অহলশিংদা অয়ুস্মান য়য়ভয় বন্দনা কার্দ য়েন্থোকপা ফংবা লাইবক ফবনি হায়খি। মখোয়গী মায়থোঙদা অপেনবগী মমি আবা উরগা মীৎকুপ অদুবু স্কীম অসিগী মায় পাকপগী খুদম্নি হায়খি। ইমুং কয়ানা মখোয়গী অহলশিংগী অনা লায়েংগীদমক ৱাখল ৱাববু মহাক্না শকখঙখি অমদি অনা লায়েংগী লমদা পুর্বাঞ্চলনা চহি ১৯-১১ গী মমাঙদা ৱারম্ববু নীংশিংখি। লমদম অসিদা শাথিনা ফীভম ফগৎলকপবু শিংথারদুনা, মহাক্না হায়খি, “কাসি হৌজিক্তি মশা মউ ফবগী কোনুং ওইরে।” লায়েংশঙশিং খুমাঙ চাওশিল্লকপগা লোয়ননা মতম অমদা দিল্লী অমসুং মুম্বাইগুম্বা ময়োল্লমশিংদতা ফংলম্বা অনা লায়েংশিং হৌজিক্তি মীয়ামগী ময়ুম মনাক্তা ফংলে। মসি ফেসিলিতীশিং অসিবু মীয়ামগী নাক্তা পুরক্তুনা চাওখৎপগী শক্তমদুনি হায়না মহাক্না ফোঙদোকখি।
লায়েংশঙ মশিং হেনগৎহনবতা নত্তনা অনাবা মীওইশিংগী ইকায়খুম্নবসু হেনগৎহন্দুনা হৌখিবা দেকেদ অসিদা অনা লায়েংগী লমদা মশক থোক্না খুমাঙ চাওশিল্লকপগী মতাঙদা ৱাফম কয়া ফোঙদোক্লদুনা, শ্রী মোদীনা অয়ুস্মান ভারত স্কীমবু লায়েংবগী তেংবাং পীবতা নত্তনা থাজবসু পোকহল্লিবা লায়রবশিংগী থৌজাল অমনি হায়খি। বরানসিগী মীওই লিশিং কয়া অমদি উত্তর প্রদেশকী মীওই লাখ কয়ানা স্কীম অসিগী কান্নবা ফংলি, লায়েং, ওপরেসন, অমদি তেংবাং খুদিংনা মখোয়গী পুন্সিগী অনৌবা পন্দুপ অমমম হৌদোক্লি। লৈঙাক্না অনা লায়েংগী থৌদাং য়াখিবগা লোয়ননা অয়ুস্মান ভারত স্কীম্না উত্তর প্রদেশকী ইমুং লাখ কয়াগী লুপা করোর কয়া তিংহনদ্রে। মহাক্না অহলশিংদা লেম্না লায়েংবগী খুদোংচাব ফংহনগনি হায়না ৱাশকখিবদুনা অয়ুস্বান ভয় বন্দনা স্কীম হৌদোরকখিববু নীংশিংলদুনা, প্রধান মন্ত্রীনা স্কীম অসিনা শেন্থোক য়াম্বা য়ামদবা থিদনা মশাগী চহি ৭০ গী মথক্তা লৈবা অহল খুদিংদা লেম্না লায়েংবা ফংহল্লি হায়খি। বরানসিনা ভয় বন্দনা কার্দ ৫০,০০০ রোম য়েন্থোক্তুনা কার্দ মশিং খ্বায়দগী য়াম্না য়েন্থোকপা ওইরি হায়খি। মসি শুপ্নতগী স্তেতিস্তিক্স অমখক্তা নত্তে, থৌগলগী খোঙফম অমনি, অনা লায়েংগীদমক ইমুং কয়ানা লম য়োনবা, লোন লৌবা নৎত্রগা পাম্বৈ লৈজদবা মতৌ কোকহন্নবা থৌরাংনি হায়খি। অয়ুস্মান কার্দ অসিনা হৌজিক্তি মখোয়গী অনা লায়েংগী থৌদাং পুম্বা লৈঙাক্না পুরে হায়খি।
মফমসিদা লাকপা মীওইশিংনা পাক শন্না থাগৎনরিবা কাসিগী ইনফ্রাস্ত্রকচর অমদি ফেসিলিতীশিংগী অওনবা পুরক্লিবা অসিবু প্রধান মন্ত্রীনা শিংথাখি। মীওই মিলিয়ন কয়ানা বরানসিদা নুমিৎ খুদিং চত্তুনা বাবা বিস্সনাথতা লাই খুরুম্লি অমদি গঙ্গাদা ইরুপ্লি, অদুগা মীওই কয়া অমনা ময়োল্লম অসিনা মশক থোক্না হোংলক্লিবা অসিবু শিংথারি হায়খি। করিগুমবা কাসিগী লম্বী, রেলৱে, অমদি এয়রপোর্ত ঙসিদগী চহি তরারোমগী মমাঙদা লৈরম্বা ফীভম অদুদা অদুমক লৈরম্লগদি করি ওইরমগনি হায়না মহাক্না ফোঙদোকখি। অপীকপা কুমহৈগী মতমদা ফাওবা লম্বী চৎলিবা মীওইশিংনা ময়োল্লম পুম্বা উফুল অমদি নুংশা খাংদুনা চৎনরম্বা ত্রাফিক জামগী মতম মহাক্না নীংশিংখি। লাপ্পগী চাং হন্থহল্লিবা, মতম চঙহনদ্রিবা, অমদি নুংতিগী পুন্সিদা কোমহল্লিবা ফুলৱারিয়া ফ্লাইওভর শাখিবগী মতাঙদা মহাক্না ফোঙদোকখি। প্রধান মন্ত্রীনা জোনপুর অমসুং ঘাজিপুরগী খুঙ্গংগী মীওইশিং, লোয়ননা বালিয়াও মাউ, অমসুং ঘাজিপুরদগী এয়রপোর্ত্তা চৎলিবা মীওইশিংদা ত্রাফিক্কী পুং কয়া হন্থহন্দুনা খোঙচৎকী মতম তেনশিনহল্লিবা রিং রোদকী কান্নবশিং পুথোক্তুনা থমখি।
লম্বী পাকথোকহন্দুনা ঘাজিপুর, জোনপুর, মির্জাপুর, অমসুং অজমগরনচিংবা ময়োল্লমশিংদা চৎপদা হেন্না থুহল্লিবা অমদি খুদোংচাহল্লিবা লমদম অসিগী ফীভম ফগৎলবা লম্বী-থোংগী মতাংদা পল্লদুনা, শ্রী মোদীনা মতম অমদা ত্রাফিক জাম্না অৱাবা মায়োক্নরম্বা মফম অসি হৌজিক্তি চাওখৎপগী খোঙজেল উবা ফংলে হায়খি। মহাক্না হৌখিবা দেকেদ অসিদা বরানসি অমদি মসিগী অকোয়বগী মফমশিংগী লম্বী থোংগী ফীভম ফগৎহন্নবা লুপা করোর ৪৫,০০০ রোম থাদখ্রে হায়না ফোঙদোকখি। থাদরিবা শেনফম অসিনা ইনফ্রাস্ত্রকচরদা অওনবা পুরকপদা নত্তনা, কাসি অমদি মসিগী অকোয়বগী দিস্ত্রিক্তশিংদা কান্নবা পীরি হায়খি। লুপা করোর কয়াগী ওইগদবা প্রোজেক্তশিংগী উরেপ উয়ুং তম্বা য়াওনা ইনফ্রাস্ত্রকচর প্রোজেক্ত কয়া পাকথোক চাউথোকহন্নবা ৱাফম মহাক্না লাউথোকখি। প্রধান মন্ত্রীনা হৌজিক হৌজিক থবক পায়খৎলিবা লাল বহাদুর শাস্রী এয়রপোর্ত পাকথোক চাউথোকহন্বা, অমদি এয়রপোর্ত অসিগী মনাক্তা লম্বী থোংগী ফীভম ফগৎহন্নবা লেন তরুক্কী লৈনুংগী তন্নেল অমা হুৎপগী থবকশিংগী মরমদা ফোঙদোকখি। ভদোহি, ঘাজিপুর, অমসুং জোনপুর শম্নহন্নবা প্রোজেক্ত হৌদোকপা, লোয়ননা মতম কুইনা ঙাইদুনা লৈরক্লবা ভিখারিপুর অমসুং মন্দুয়াদিহগী ফ্লাইওভর শাবগী ৱাফমশিংসু পনখি। হায়রিবা দিমান্দশিং অসি ফংহনবদা মহাক্না নুংঙাইবা ফোঙদোকখি। অতোপ্পা দিস্ত্রিক্তশিংদগী মীওইশিংনা সরনাথতা চৎপাম তমদা ময়োল্লম অসি ফাওদুনা লাকপগী মথৌ তাবা লৈহল্লরোইদবা বরানসসি ময়োল্লম অমসুং সর্নাথ শম্নহনগদবা অনৌবা থোং অমা শাবগী ৱাফমসু মহাক্না লাউথোকখি।
প্রধান মন্ত্রীনা লাক্কদৌরিবা থা খরসিদা, প্রোজেক্তশিং অসিনা হেক লোইশিল্লকপগা, বরানসিদা চত্থোক চৎশিন তৌবা হেন্না খুদোংচারগনি হায়রদুনা থৌরাং অসিনা লমদম অসোমগী খোঙজেল অমদি বিজিনেসকী থবক থৌওংশিং হেন্না কনখৎহল্লগনি হায়খি। মসিনা বরানসিদা মপুন্সি হিংনবা লম্বী থিবা অমদি অনা লায়েংগীদমক লাক্লিবা মীওইশিংদা হেন্না কোমহল্লগনি হায়নসু মহাক্না ফোঙদোকখি। মালেমগী ওইনা সিতী রোপৱেগী খুদোংচাব লৈবা খনগৎলবা ময়োল্লম খরগী মনুংদা ভরানসিবুসু চলহনগদবা কাসিগী সিতী রোপৱেগী চাংয়েং হৌরগনি হায়নসু মহাক্না পনখি।
বরানসিদা পায়খৎপা চাওখৎ থৌরাং অমসুং ইনফ্রাস্ত্রকচরগী প্রোজেক্ত খুদিংমক্না পুর্বাঞ্চলগী নহাশিংদা কান্নবা পীগনি হায়রদুনা, শ্রী মোদীনা কাসিগী নহাশিংদা শান্ন-খোৎনবগী লমদা মীথোয় মীহেনবা ওইরক্নবা লেপ্পা লৈতনা খুদোংচাবা কয়া ফংহন্নবা লৈঙাক্না মীৎয়েঙ থম্লি হায়না ফোঙদোকখি। ভরানসিদা অনৌবা স্তেদিয়মশিং শেমগৎ শাগৎপা অমসুং শান্নরোয় নহাশিংগী অফবা ফেসিলিতীশিং শেমগৎনবা ৱাফমশিংসু মহাক্না ফোঙদোকখি। মহাক্না ভরানসিদগী শান্নরোয় চা কয়ানা লাক্তুনা ত্রেনিং তৌররিবা অনৌবা স্পোর্তস কমপ্লেক্স অমা হাংদোকপগী মতাঙদা মহাক্না পনখি। এম.পি. স্পোর্তস কম্পিতিসন্দা শরুক য়ারিবা মীওইশিংনা হায়রিবা লম্পাকশিং অসিদা মখোয়গী হৈ-শিংবা উৎননবগী খুদোংচাবা ফংলে হায়নসু মহাক্না পনখি।
কাসিবু খ্বায়দগী ফবা খুদম অমা ওইনা ফোঙদোক্লদুনা চাওখৎপা অমদি পারী পুরগী লন-থুম ঙাকপা হায়বসিদা খল চানা চৎলিবা ভারতকী খোঙচৎকী মরমদা পল্লদুনা, “কাসি অসি ভারতকী থৱায় অমদি খেন্নবা মশক্কী খ্বায়দগী ফজবা শক্তম্নি” হায়রদুনা প্রধান মন্ত্রীনা গঙ্গাগী ঈচেলনা চেন্থরিবা অমদি ভারতকী নুংগী ৱাখল্লোনগী মমি তারিবা কয়াবু শিংথাখি। লৈকায় খুদিংগী তোপ তোপ্পা মচৎ অমদি ভারতকী তোপ তোপ্পা মচু মমেনশিং কাসিগী লৈরক খুদিংদা মমি তাই হায়রদুনা অমত্তা ওইবগী লীপুনবু চেৎনা পুল্লিবা কাসি-তামিল সঙ্গমমগুম্বা থৌশিলশিংগীদমক মহাক্না নুংঙাইবা ফোঙদোকখি। ভারতকী খেন্নবা শক্তমবু শঙলেন অমত্তদা উহনগদৌরিবা, লৈবাক শিনবা থুংবদগী দিস্ত্রিক্ত কয়াদগী পোৎলমশিং থমগদৌরিবা কাসিদা শাগৎকদৌরিবা এক্তা মোলগী মতাঙদসু মহাক্না লাউথোকখি।
প্রধান মন্ত্রীনা চহি খরসিদা উত্তর প্রদেশতা লাক্লিবা অওনববু পল্লদুনা, স্তেত অসিনা মাগী শেন্মিৎলোনগী শক্তমবু হোংহনবতা নত্তনা মসিগী মশক মওংসু হোংহল্লে হায়খি। উত্তর প্রদেশ অসি খুদোংচাবা কয়াগী মফম অমখক্তা ওইদ্রে, হৌজিক্তি মসি মতিং অমসুং মায় পাকপশিংগী মফমসু ওইরে হায়না মহাক্না ফোঙদোকখি। ভারত্তা পুথোকপা পোৎলমশিংনা মালেমগী ব্রান্দ ওইরকপগা লোয়ননা ‘মেদ ইন ইন্দিয়া’ গী খোন্থাং মালেম পুম্বা নিল্লরি হায়খি। তোঙান তোঙানবা পোত্থোকশিং জিওগ্রাফিকেল ইন্দিকেসন (জি.আই.) তেগ ফংদুনা মীয়াম্না শকখঙনরে হায়রদুনা হায়রিবা তেগশিং অসি ইচম চম্বা মমিং মথা অমা নত্তে, মখোয় অসি লমদম অমগী শক্তমগী শক্তাকচেনি হায়খি। জি.আই. তেগনা পোত্থোক অমবু লমদম অদুগী লৈহাউদগী শেমগৎলকপনি হায়ব তাকই, অমদি জি.আই. তেগনা য়ৌবা মফম খুদিংদা মখোয়না হেন্না কৈথেলদা মায় পাকপগী লম্বী য়াৎলি হায়খি।
লৈবাক শিনবা থুংবদা জি.আই. তেগতা উত্তর প্রদেশনা মাঙজিল থারি হায়রদুনা, শ্রী মোদীনা স্তেত অসিগী আর্ত, ক্রাফ্ত, অমসুং হৈ-শিংববু মালেমগী ওইনা শকখঙনবা হেনগৎলক্লি হায়খি। ভরানসি অমসুং মসসিগী অকোয়বগী দিস্ত্রিক্তশিংদগী পোত্থোক ৩০ হেনবনা জি.আই. তেগ ফংলে হায়রদুনা, মখোয়বু হায়রিবা পোৎলমশিং অসিগী শক্তাক খুদমগী পাসপোর্তনি হায়খি। মহাক্না লমদম অসিদগী মশক খঙনরবা পোৎলমশিং, খুদম ওইনা ভরানসিগী তব্লা, সেহনাই, ফক্লাংগী লাইয়েক, থন্দাইই, স্তফ রেদ চিল্লি, রেদ পেরা, অমসুং তিরঙ্গ বর্ফিনচিংবশিং পনখি। জোনপুরগী ইমার্তি, মথুরাগী সঞ্ঝি আর্ত, বুন্দেলখন্দগী কথিয়া গেহু, পিলিভিতকী বাশি, প্রয়েগরাজকী মুঞ্জ আর্ত, বরেলীগী জর্দোজি, চিত্রকুতকী ৱুদক্রাফ্ত, অমসুং লখিম্পুর খেরিগী থারু জর্দোজিনচিংবা পোৎলমশিং ইকুই কুইদ্রিঙৈদা জি.আই. তেগ ফংখ্রে হায়না মহাক্না পাউদমখি। “উত্তর প্রদেশকী লৈহাউগী মনম্না ঙমখৈ লান্না চৎলি, মসিগী পুৱারী পাক শন্না শন্দোক্লি,” হায়না মহাক্না মখা তাখি।
কাসিবু ঙাক শেনবনা ভারতকী থৱায়বু ঙাক শেন্বনি হায়রদুনা, প্রধান মন্ত্রীনা কাসিবু লেপ্তনা মপাঙ্গল হাপ্নবা অমদি মসিবু মশক ফজনা থম্নবা অমদি মসিগী অরিবা থৱায়বু মতমসিগী ওইবা শক্লোনগা শম্নহন্দুনা থম্নবা ৱাফম ফোঙদোক্লদুনা মহাক্কী ৱারোল লোইশিনখি।
উত্তর প্রদেশকী গভর্নর, শ্রীমতী অনন্দিবেন পতেল, উত্তর প্রদেশকী মুখ্য মন্ত্রী, শ্রী য়োগী অদিত্যনাথ অমদি অতৈ মীওই কয়াসু থৌরমদুদা শরুক য়াখি।
বেকগ্রাউন্দ
প্রধান মন্ত্রীনা ভরানসিদা লুপা করোর ৩,৮৮০ হেনবগী চাউখৎ-থৌরাংগী প্রোজেক্ত কয়াগী উরেপ উয়ুং তমখি অমসুং শঙ্গাখি। ইনফ্রাস্ত্রকচর দিবেলপমেন্ত, মরুওইনা ভরানসিদা লম্বীগী কন্নেক্তিবিতী হেনগৎহন্নবা মহাক্কী অচেৎপা ফিরেপকী মতুং ইন্না মহাক্না লমদম অসিদা তোঙান তোঙানবা লম্বীগী প্রোজেক্তশিং শঙ্গাখি অমসুং উরেপ উয়ুংসু তমখি। মখা তানা, মহাক্না ভরানসি রিং রোদ অমসুং সরনাথকী মরক্তা থোং অমা, ময়োল্লম অসিগী ভিখারিপুর অমসুং মন্দুআদিহ ক্রোসিংদা ফ্লাই ওভর অমসুং ভরানসি ইন্তরনেস্নেল এয়রপোর্ত্তা লুপা করোর ৯৮০ হেনবগী শেনফমদা এন.ঐচ.-৩১ দা হায়ৱে অন্দরপাস রোদ তনেল অমগী উরেপ উয়ুংসু তমখি।
ইলেক্ত্রিসিতী ইনফ্রাস্ত্রকচরদা খুমাং চাউশিলহন্দুনা, প্রধান মন্ত্রীনা ভরানসি দিভিজনগী জৌনপুর, চান্দৌলি অমসুং গাজীপুর দিস্ত্রিক্তা লুপা করোর ১,০৪৫ হেনবগী শেনফম ওইগদবা ৪০০ কে.ভি.গী সবস্তেসন অনি অমসুং ২২০ কে.ভি.গী সবস্তেসন অমা অমসুং মসিগা মরী লৈনবা ত্রান্সমিসন লাইনশিং শঙ্গাখি। মহাক্না ভরানসিগী চৌকাগাত্তা ২২০ কে.ভি.গী ত্রান্সমিসন সবস্তেসন, গাজীপুরদা ১৩২ কে.ভি.গী ত্রান্সমিসন সবস্তেসন অমসুং লুপা করোর ৭৭৫ হেনবগী ভরানসি সিতি ইলেক্ত্রিসিতী দিস্ত্রিব্যুসন সিস্তেম হেনগৎহনবগী উরেপ উয়ুংসু তমখি।
প্রধান মন্ত্রীনা সেক্যুরিতী পর্সনেলগীদমক ফেসিলিতীশিং হেনগৎহন্নবা পুলিস লাইনদা ত্রান্সিৎ হোস্তেল অমসুং পি.এ.সি. রামনগর কেম্পসতা বেরকশিং শঙ্গাখি। মহাক্না তোঙান তোঙানবা পুলিস স্তেসনশিংদা অনৌবা এদমিনিস্ত্রেতিব বিল্দিংশিং অমসুং পুলিস লাইনদা রেসিদেন্সিএল হোস্তেল অমগী উরেপ উয়ুংসু তমখি।
পুম্নমক্কীদমক্তা এজুকেসন ফংহন্নবা মহাক্কী মঙলানগী মতুং ইন্না, প্রধান মন্ত্রীনা পিন্দ্রাদা গবর্নমেন্ত পোলিতেক্নিক কোলেজ, বারকী খুঙ্গংদা সরদার বল্লভভাই পতেল গবর্নমেন্ত কোলেজ, খুঙ্গংগী লাইব্রেরী ৩৫৬ অমসুং অঙ্গনৱাদি সেন্তর ১০০ য়াওনা প্রোজেক্তশিং শঙ্গাখি। মহাক্না স্মার্ত সিতী মিসনগী মখাদা প্রাইমরী স্কুল বিল্দিং ৭৭ নৌনা শেমগৎনবা অমসুং ভরানসিগী চোলাপুরদা লৈবা কস্তুরবা গান্ধী স্কুলগী অনৌবা বিল্দিং অমা শানবগীদমক উরেপ উয়ুংসু তমখি। সহর অসিদা স্পোর্তস ইনফ্রাস্ত্রকচর প্রমোৎ তৌরদুনা, প্রধান মন্ত্রীনা উদয় প্রতাপ কোলেজদা ফ্লদলাইৎশিং অমসুং স্পেক্তেচর গেল্লরী য়াওবা সিন্থেতিক হোকী তর্ফ অমসুং শিবপুরদা মিনি স্তেদিয়ম অমগী উরেপ উয়ুং তমখি।
প্রধান মন্ত্রীনা গঙ্গা তুরেলগী সমনে ঘাত অমসুং শাস্ত্রী ঘাতকী নৌনা শেমগৎ-শাগৎপগী থবকশিং, লুপা করোর ৩৪৫ হেন্না চঙবা জল জীবন মিসনগী মখাদা খুঙ্গংগী থক্নবা ঈশিংগী স্কিম ১৩০, ভরানসিগী ম্যুনিসিপাল ৱার্দ তরুক ফগৎহনবা অমসুং ভরানসিগী মফম কয়াদা লেন্দস্কেপিং অমসুং স্কুল্পচর ইন্সতোলেসনশিংসু শঙ্গাখি।
প্রধান মন্ত্রীনা আর্তিসানশিংগীদমক এম.এস.এম.ই. য়ুনিতি মোল, মোহনসরাইদা ত্রান্সপোর্ত নগর স্কিমগী ইনফ্রাস্ত্রকচর দিবেলপমেন্ত ৱার্কশিং, গ্রাম পঞ্চায়ত ৪০দা দব্লিউ.তি.পি. ভেলুপুর, কম্ম্যুনিতী হোলশিংদা ১ এম.দব্লিউ. সোলর পাৱর প্লান্ত অমসুং ভরানসিদা তোঙান-তোঙানবা পার্কশিং ফজথোকহনবগী উরেপ-উয়ুংসু তমখি।
চহি ৭০ গী মথক্তা অহানবা ওইনা বেনিফিসরী ওইরিবা সিনিয়র সিতিজেনশিংদা প্রধান মন্ত্রীনা আয়ুশ্মান বে ভন্দানা কার্দশিংসু খুৎশিন্নগনি। মহাক্না তবলা, পেন্তিং, থন্দাই, তিরঙ্গা বর্ফী য়াওনা লোকেল আইতেম অমসুং প্রদক্ত কয়াদা জিওগ্রাফিকেল ইন্দিকেসন (জি.আই.) সর্তিফিকেৎশিং খুৎশিন্নগনি। প্রধান মন্ত্রীনা বানাস দেরীগা মরী লৈনবা উত্তর প্রদেশকী মিল্ক সপ্লাইয়রশিংদা লুপা করোর ১০৫ গী বোনসসু ত্রান্সফর তৌগনি।
ৱা ঙাংখিবগী মপুংফাবা ৱারোল পানবা মসিদা নম্বীয়ু
पिछले 10 वर्षों में बनारस के विकास ने एक नई गति पकड़ी है: PM @narendramodi pic.twitter.com/1SzcFhNW31
— PMO India (@PMOIndia) April 11, 2025
महात्मा ज्योतिबा फुले और सावित्री बाई फुले जी ने जीवन भर नारी शक्ति के हित, उनके आत्मविश्वास और समाज के कल्याण के लिए काम किया: PM @narendramodi pic.twitter.com/m0hui2d0Xh
— PMO India (@PMOIndia) April 11, 2025
बनास डेयरी ने काशी में हज़ारों परिवारों की तस्वीर और तक़दीर दोनों बदल दी है: PM @narendramodi pic.twitter.com/5HQUZ3QFKn
— PMO India (@PMOIndia) April 11, 2025
काशी अब आरोग्य की राजधानी बन रही है। pic.twitter.com/m8v7sNlpBo
— PMO India (@PMOIndia) April 11, 2025
आज काशी होकर जो भी जाता है, वो यहां के इंफ्रास्ट्रक्चर की, यहां की सुविधाओं की बहुत प्रशंसा करता है: PM @narendramodi pic.twitter.com/NrdX4SKeTd
— PMO India (@PMOIndia) April 11, 2025
भारत आज विकास और विरासत, दोनों को एक साथ लेकर चल रहा है। इसका सबसे बढ़िया मॉडल, हमारी काशी बन रही है: PM @narendramodi pic.twitter.com/2TP0127Taj
— PMO India (@PMOIndia) April 11, 2025
यूपी—अब सिर्फ संभावनाओं की धरती नहीं रहा... अब ये सामर्थ्य और सिद्धियों की संकल्पभूमि बन रहा है! pic.twitter.com/r3USa3qfLA
— PMO India (@PMOIndia) April 11, 2025
