প্রধান মন্ত্রী, শ্রী নরেন্দ্র মোদীনা ঙসি মেঙ্গলুরুদা লুপা করোর ৩৮০০রোম ওইগদবা মেকানাইজেসন অমসুং ইন্দস্ত্রিএলাইজেসন প্রোজেক্তশিং শঙ্গাখ্রে অমসুং উরেপ-উয়ুং তমখ্রে।
থৌরম অদুদা ৱা ঙাংলদুনা প্রধান মন্ত্রীনা হায়খি ঙসি অসি ভারতকী পুৱারীদা নীংশিংদুনা লৈহৌরগদবা নুমিৎ অমনি। ঙমখৈগী ঙাকশেল নত্ত্রগা শেন্মীৎলোনগী ঙাকশেল ওইরবসু ভারতনা অচৌবা খুদোংচাবশিং উবা ফংলি। ঙসি অঙনবদা আই.এন.এস. বিক্রান্ত কম্মিসন তৌখিবা অদু নীংশিংলদুনা প্রধান মন্ত্রীনা ভারত মচা খুদিংমক্না ফাওবা চাউথোকচবা অদুগী মতাংদা ফোঙদোকখি।
শঙ্গাখিবা নত্ত্রগা উরেপ উয়ুং তমখিবা প্রোজেক্তশিংগী মতাংদা প্রধান মন্ত্রীনা হায়খি, প্রোজেক্তশিং অসিনা কর্নাতকাদা ইজ ওফ লিবিং অমসুং থবক ফংবা হেনগৎহল্লগনি, মরু ওইনা ‘ৱান দিস্ত্রিক্ত এন্দ ৱান প্রদক্ত’ স্কিম অসিনা লমদম অসিগী ঙামী, খুৎহৈবা অমসুং লৌমীশিংগী পোত্থোকশিংগীদমক কৈথেল লৈহনবদা খুদোংচাহল্লগনি।
প্রধান মন্ত্রীনা ৱাশক (পঞ্চ প্রন) মঙাগী মতাংদা পল্লদুনা হায় লাল কিলাদগী মহাক্না হায়খিবা ৱাশক মঙা অসিগী অহানবা অদুনা চাউখৎপা ভারত অমা ওইহনবনি। প্রধান মন্ত্রীনা হায়খি, “চাউখৎপা ভারত অমা শেমগৎপদা লৈবাক অসিগী ‘মেক ইন ইন্দিয়া’ অমসুং মেন্যুফেকচরিং সেক্তর পাকথোক চাউথোকপা য়াম্না মথৌ তাই,”।
লৈবাক অসিনা হীথাংফমনা শাহৌ পীবা চাউখৎ-থৌরাংগী মাইকৈদা চংশিন্নবা খোঙথাংশিং লৌখৎলি হায়রদুনা প্রধান মন্ত্রীনা মসি চাউখৎ-থৌরাংগী মরু ওইবা মন্ত্র অমনি হায়না ফোঙদোকখি। অসিগুম্বা খোঙথাংশিংগী ফল ওইনা ভারতকী হীথাংফমশিংগী কেপাসিতী অসি হৌখিবা চহি ৮ খক্তদা শরুক অনি হেনগৎখি।
হৌখিবা চহি ৮ অসিদা মরু ওইবা মীৎয়েং চংলিবা ইনফ্রাস্ত্রকচরগী চাউখৎ-থৌরাংগী মতাংদা প্রধান মন্ত্রীনা হায়খি কর্নাতকানা মসিদগী চাউনা কান্নবা ফংখি। “কর্নাতকা অসি সাগরমলা স্কিমগী অচৌবা বেনিফিসরীশিংগী মরক্তা অমনি” হায়না প্রধান মন্ত্রীনা মখা তাখি। রাজ্য অসিদা হৌখিবা চহি ৮দা লুপা করোর লিশিং ৭০রোম ওইগদবা হায়ৱে প্রোজেক্তশিং পাইখৎখি অমসুং পাইপলাইন্দা লুপা করোর লাখ অমা হেনবগী প্রোজেক্তশিং লৈরি হায়না মহাক্না মখা তাখি। কর্নাতকাগী প্রোজেক্তশিং অসিগী রেলৱেজ বজেৎ অসি হৌখিবা চহি ৮দা শরুক মরি থোক্না হেনগৎখি।
হৌখিবা চহি ৮দা লাকখিবা চাউখৎ-থৌরাংশিং অসি পল্লদুনা প্রধান মন্ত্রীনা হায়খি মদুদি লৈবাক অসিদা লায়রবশিংগীদমক য়ুম করোর ৩ হেন্না শাখি, অমসুং কর্নাতকাদা লায়রবশিংগী পক্কাগী য়ুম লাখ ৮ হেন্না অয়াবা পীখি। প্রধান মন্ত্রীনা মখা তারদুনা হায়খি, “মিদল ক্লাসকী ইমুং লিশিং কয়াদা মখোয়গী য়ুমশিং শানবা লুপা করোর কয়াগী তেংবাং পীখি”। মহাক্না মখা তারদুনা হায়খি জল জীবন মিসনগী মখাদা লৈবাক অসিদা লৈরিবা য়ুমথোং করোর ৬ হেনববু শুপ্নগী চহি ৩দা পাইপকী ঈশিংগী খুদোংচাবশিং ফংহনখি। প্রধান মন্ত্রীনা হায়খি, “অহানবা ওইনা কর্নাতকাগী খুঙ্গংগী ইমুং-মনুং লাখ ৩০ হেনবদা পাইপকী ঈশিং ফংহনখি”। আয়ুশ্মান ভারত অভিয়ানগী মখাদা লৈবাক অসিগী লায়রবা মীওই করোর ৪না হোস্পিতালদা লৈবা মতমদা লেম্না লায়েং ফংখি হায়না প্রধান মন্ত্রীনা ফোঙদোকখি। “মসিনা মরম ওইদুনা লায়রবশিংনা লুপা করোর লিশিং ৫০ চাদিং তৌগদবা অদু চাদিং তৌহনদবা ঙমখি। কর্নাতকাগী অনাবা মীওই লাখ ৩০ হেনবনা আয়ুশ্মান ভারতকী কান্নবা ফংখি” হায়না প্রধান মন্ত্রীনা মখা তাখি।
প্রধান মন্ত্রীনা হায়খি সরকার অসিনা শেল-থুমগী ফীভমশিং ফত্তবনা মরম ওইদুনা নাথৈদুনা থম্বীখিবা মীওইশিংবু সরকার অসিনা কাউথোক্তনবা হোৎনখি। প্রধান মন্ত্রীনা মখা তারদুনা হায়খি অপীকপা লৌমীশিং, অপীকপা ললোনবশিং, ঙামীশিং, স্ত্রীৎ ভেন্দরশিং অমসুং অসিগুম্বা মীওই করোর কয়ানা অহানবা ওইনা লৈবাক অসিগী চাউখৎ-থৌরাংগী কান্নবশিং ফংবা হৌরকখি। মহাক্না হায়, “মখোয়না ভারতকী চাউখৎ-থৌরাংগী মেনস্ত্রীমদা য়াওশিল্লক্লি”।
ভারতকী কোস্তেল লাইন কিমি লিশিং তরেৎ মখাই অসিদা মীয়ামগী পুক্নিং চীংশিল্লদুনা প্রধান মন্ত্রীনা হায়খি মদুদি ঐখোয়না লৈবাক অসিগী মতিক-ময়াইগী খুদোংচাবা মপুং ফানা লৌগদবনি। প্রধান মন্ত্রীনা হায়খি, “তুরিজম চাউখৎলবা মতমদা ঐখোয়গী কোতেজ ইন্দস্ত্রীশিং, ঐখোয়গী খুৎহৈবশিং, ভিলেজ ইন্দস্ত্রীশিং, স্ত্রীৎ ভেন্দরশিং, ওতো রিক্সো থৌবশিং, তেক্সি থৌবশিংনচিংবদা কান্নবা পীরি। অনৌবা মেঙ্গলোর পোর্ত অসিনা ক্রুস তুরিজমদা শাহৌ পীনবা অনৌবা খুদোংচাবশিং লেপ্পা লৈতনা হাপচিল্লিবা অসিদা ঐহাক্না অপেনবা পোকই।
“ঙসিগী দিজিতেল পেমেন্তশিং অসিনা পুৱারী ওইবা থাক্তা লৈরে, অমসুং ভিম-য়ু.পি.আই.গুম্বা ঐখোয়গী ইনোভেসন্না মালেমগী পুক্নিং চিংশিল্লি” হায়না প্রধান মন্ত্রীনা মখা তাখি। মহাক্না মখা তারদুনা হায়খি, মপাঙ্গল কনবা কন্নেক্তিবিতীগা লোয়ননা লৈবাক্কী মীয়াম্না অয়াঙবা অমসুং মমল হোঙবা ইন্তর্নেত পাম্মি। প্রধান মন্ত্রীনা হায়খি ঙসিদি, কিলোমিতর লাখ ৬মুক্কী ওপ্তিকেল ফাইবর কেবল তিংদুনা গ্রাম পঞ্চায়তশিংবু শম্নহল্লি। “৫জি.গী কান্নবা অসিনা লম অসিদা অনৌবা অহোংবা অমা পুরক্লগনি। কর্নাতকাগী দবল ইঞ্জিন সরকারনা মীয়ামগী মথৌ তাবশিং অমসুং অনীংবা অপাম্বা থুংহন্নবগীদমক্তা খোঙজেল য়াংনা থবক পাইখৎলিবা অসিদা ঐহাক্না নুংঙাইবা ফাওই”, হায়না মহাক্না মখা তাখি।
নুমিৎ খরনিগী মমাংদা থোকখিবা জি.দি.পি. ফিগরশিং অদুগী মতাংদা পল্লদুনা প্রধান মন্ত্রীনা হায়খি কোরোনা লাইচৎ মনুংদা ভারতনা শেমখিবা পোলিসীশিং অমসুং লৌখিবা ৱারেপশিংনা ভারতকী চাউখৎ-থৌরাংদা মরু ওইবা থৌদাং অমা লৌখি। “মমাং চহিদা মালেমগী অপনবা কয়া লৈজরবসু ভারতকী অপুনবা এক্সপোর্তশিং অসি দোলর বিলিয়ন ৬৭০ হায়দি লুপা করোর লাখ ৫০ ওইখি। শীংনবা খুদিংমক মায়োক্নদুনা ভারতনা মর্কেন্দাইজ এক্সপোর্ত দোলর বিলিয়ন ৪১৮ হায়বদি লুপা করোর লাখ ৩১ তৌদুনা অনৌবা রেকোর্দ থম্বা ঙমখি”, হায়না প্রধান মন্ত্রীনা মখা তাখি।
প্রধান মন্ত্রীনা হায়খি লৈবাক অসিগী গ্রোথ ইঞ্জিনগা মরী লৈনবা সেক্তর খুদিংমক্না ঙসি মাগী মপুং ফাবা কেপাসিতীদা থবক তৌরি। সর্ভিস সেক্তরনা খোঙজেল য়াংনা গ্রোথ লৈরি। মহাক্না হায়, পি.এল.আই. স্কিমশিংগী শাফু অসি মেন্যুফেকচরিং সেক্তরদা ময়েক শেংনা মমি তারি। “মোবাইল ফোনগা লোয়ননা ইলেক্ত্রোনিক মেন্যুফেকচরিং সেক্তরনা শরুক কয়া থোক্না খুমাং চাউশিল্লি”। প্রধান মন্ত্রীনা ভারতকী চাউখৎলক্লিবা তোই সেক্তর অসিদা মীয়ামগী মীৎয়েং চীংশিনখি, চহি ৩গী মনুংদা শান্নপোৎশিং পুশিল্লকপা অসি হন্থরকখি অমসুং এক্সপোর্তকী চাং হেনগৎলক্লি। “মেঙ্গালুরুগুম্বা মরু ওইবা হীথাংফম লৈবা, লৈবাক্কী সমুদ্র তোর্বানগী মফমশিংনা ভারতকী পোত্থোক এক্সপোর্ত তৌবদা মখোয়গী রিসোর্সশিং শীজিন্নদুনা পুম্নমক অসিনা কান্নবশিং হকথেংননা ফংনরি”, হায়না প্রধান মন্ত্রীনা ফোঙদোকখি।
প্রধান মন্ত্রীনা মখা তারদুনা হায়খি সরকারগী খোঙথাংশিংগা লোয়ননা লৈবাক অসিদা হৌখিবা চহিশিংদা কোস্তেল ত্রাফিক্তা শরুক য়াম্না হেনগৎপগী ফিভমসু লৈবাক অসিনা উবা ফংখি। মহাক্না মখা তারদুনা হায়খি, “লৈবাক্কী তোঙান-তোঙানবা হীথাংফমশিংদা খুদোংচাবা অমসুং রিসোর্সশিং হেগৎলকপনা মরম ওইরগা, কোস্তেল মুবমেন্ত হৌজিক য়াম্না হেন্না লায়থোক্লে”।
প্রধান মন্ত্রীনা হায়খি, “পোর্ত কন্নেক্তিবিতী হেন্না ফগৎহনবা, মসিবু হেন্না খোঙজেল য়াংখৎহন্নবা হায়বা অসি সরকারগী থৌদাংনি। মরম অদুনা, পি.এম. গতিশক্তি নেস্নেল মাস্তর প্লানগী মখাদা সীম্লেস পোর্ত কনেক্তিবিতীদা তেংবাংগদবা রেলৱে অমসুং রোদকী প্রোজেক্ত ২৫০ হেন্না মশক খঙদোকখ্রে”।
প্রধান মন্ত্রীনা আজাদী কা অমৃত মহোৎব পালন তৌরিবা অসিদা হেন্না মীৎয়েং চংখি অমসুং মহারানী অব্বক্কা অমসুং মহারানী চেন্নাভাইরা দেবিনা ভারতপু মীনাই নাইথাংগী য়োৎলিংদগী কন্নবা মাইয়োক্নখিবা অদুবু নীংশিংখি। মহাক্না মখা তারদুনা হায়খি, “ঙসি এক্সপোর্তশিং তৌবগী লমদা ভারতনা খুমাং য়াংনা চংশিল্লিবা অসিগী ইথিলগী হৌরকফম অথৌবা নুপীশিং অসিনা ওইরি”।
প্রধান মন্ত্রীনা কর্নাতকাগী কারাবলী লমদমগী মতাংদা পল্লদুনা মহাক্কী ৱারোল পীবা লোইশিনখি। মহাক্না হায়খি, “লৈবাক নীংবগী মসিগুম্বা ৱাখল্লোন, লৈবাক্কীদমক্তা ফিরেপ লৌবগী মতৌনা ঐহাকপু মতম পুম্বদা ইথিল পী। মেঙ্গালুরুদা উবা ফংলিবা মসিগুম্বা থৱাই য়াওবগী মতৌনা চাউখৎপগী লম্বীবু হেন্না ময়েক শেংহল্লে, অসিগুম্বা থাজবা অসিগা লোয়ননা ঐহাক্না মীপুম খুদিংমকপু চাউখৎ-থৌরাংগী প্রোজেক্তশিং অসিগীদমক্তা থাগৎচরি অমসুং য়াইফ পাউজেলসু পীজরি”।
থৌরম অসিদা কর্নাতকাগী রাজ্যপাল, শ্রী থাৱর চান্দ গেহলোত, কর্নতকাগী মুখ্য মন্ত্রী, শ্রী বসবরাজ বোম্মৈ, পার্লিয়ামেন্তরী এফিয়র্সকী কেন্দ্র মন্ত্রী, শ্রী প্রলহাদ জোশী, পোর্তস, শিপ্পিং অমসুং ৱাতরৱেজকী কেন্দ্র মন্ত্রী, শ্রী সরবানন্দ সোনোৱাল, কর্নাতকাগী হান্নগী মুখ্য মন্ত্রী, শ্রী বি.এস. য়েদিয়ুরপ্পা, কেন্দ্রগী রাজ্য মন্ত্রীশিং, শ্রী শ্রীপাদ য়েস্সো নাইয়ক, শ্রী শান্তনু থাকুর অমসুং শুশ্রি সোভা করন্দলাজে, মেম্বর ওফ পার্লিয়ামেন্ত, শ্রী নালিন কুমার কতীল, রাজ্য মন্ত্রীশিংম শ্রী অঙ্গরা এস., শ্রী সুনিল কুমার ভি. অমসুং শ্রী কোতা শ্রীনিবাস পুজারিনা শরুক য়াখি।
প্রোজেক্তশিংগী অকুপ্পা ৱারোলশিং
প্রধান মন্ত্রীনা মেঙ্গলুরুদা লুপা করোর ৩৮০০রোম ওইবা মেকানাইজেসন অমসুং ইন্দস্ত্রেলাইজেসন প্রোজেক্তশিং শঙ্গাখ্রে অমসুং উরেপ-উয়ুং তমখ্রে।
প্রধান মন্ত্রীনা ন্যু মেঙ্গলোর পোর্ত ওথোরিতীনা পাইখৎপা কন্তেনর অমসুং অতোপ্পা কার্গো হেন্দল তৌনবা বর্থ নম্বর ১৪গী মেকনাইজেসনগীদমক লুপা করোর ২৮০ হেনবগী প্রোজেক্ত শঙ্গাখ্রে। মেকনাইজ তৌবা তর্মিনেল অসিনা ইফিসিএন্সী হেনগৎহনগনি অমসুং তর্নএরাউন্দ তাইম, প্রি-বর্থিং দিলে অমসুং পোর্ত্তা লৈবগী মতমসু ৩৫%রোমগী ময়াদা হন্থহনগনি, মসিনা বিজিনেস এনভাইর্নমেন্তদা শাহৌ অমা পীরগনি। প্রোজেক্ত অসিগী ফেস I অসি মাইপাক্না লোইশিনখ্রে মসিনা হেন্দলিং কেপাসিতীদা এম.তি.পি.এ. ৪.২ হেন্না হাপচিল্লি অমদুং ২০২৫ ফাওবদা এম.তি.পি.এ. ৬ হেন্না হেনগৎহনবা ঙম্লগনি।
প্রধান মন্ত্রীনা পোর্তনা পাইখৎপা লুপা করোর ১০০০রোমগী প্রোজেক্ত মঙা উরেপ-উয়ুং তমখ্রে। স্তেৎ ওফ দি আর্ত ক্রাইয়োজেনিক এল.পি.জি. স্তোরেজ তেঙ্ক তর্মিনেল ওইবা ইন্তিগ্রেতেদ এল.পি.জি. অমসুং বল্ক লিক্বিদ পি.ও.এল. ফেসিলিতী অসিনা য়াম্না ইফিসিএন্ত ওইবা মওং অমদা তন ৪৫,০০০ ওইবা ভি.এল.জি.সি. (ভেরী লার্জ গ্যাস কেরিয়র্স)কী ফুল লোদ অনলোদিং তৌবসু ঙমগনি। ফেসিলিতী অসিনা পোর্ত অসিগী স্তেতসপু লৈবাক অসিগী মকোক থোংবা এল.পি.জি. ইম্পোর্ত তৌবা পোর্তশিংগী মনুংদা অমা ওইহনবা ঙমবগা লোয়ননা লমদম অসিদা প্রধান মন্ত্রী উজ্জ্বলা য়োজনাদা শাহৌ পীরগনি। প্রধান মন্ত্রীনা স্তোরেজ তেঙ্কশিং অমসুং ইদিবল ওইল রিফাইনরী শানবা, বিচুমেন স্তোরেজ অমসুং এলাইদ ফেসিলিতীশিং শানবা অমসুং বিচুমেন অমসুং ইদিবল ওইল স্তোরেজ অমসুং এলাইদ ফেসিলিতীশিং শানবগী প্রোজেক্তশিংগী উরেপ-উয়ুং তমখ্রে। প্রোজেক্তশিং অসিনা বিচুমেন অমসুং ইদিবল ওইল ভেসেলশিংগী তর্নএরাউন্দ তাইম হেনগৎহল্লগনি অমসুং ললোন-ইতিক্কীদমক অপুনবা ফ্রেৎকী অচংমলদা হন্থহল্লগনি। প্রধান মন্ত্রীনা কুলাইদা ফিশিং হর্বর শেমগৎনবা উরেপ-উয়ুং তমগনি মসিনা শাফবা মওংদা ঙা ফাবগী খুদোংচাবা পীরগনি অমসুং মালেমগী কৈথেলদা মমল কানা য়োনবা য়াহল্লগনি। মসিগী থবক অসি সাগরমলা প্রোগ্রামগী অম্ব্রেলাগী মখাদা পাইখৎপনি অমসুং মসিনা লৈবাক অসিগী ঙামীশিংগী সামাজিক শেন্মীৎলোনগী কান্নবশিং চাউনা ফংহনবা ঙম্লগনি।
প্রধান মন্ত্রীনা মেঙ্গলোর রিফাইনরী এন্দ পেত্রোকেমিকেল্স লিমিতেদনা পাইখৎপা প্রোজেক্ত অনি হায়বদি বি.এস. VI অপগ্রেদেসন প্রোজেক্ত অমসুং সী ৱাতর দিসেলাইনেসন প্লান্ত শঙ্গাখ্রে। লুপা করোর ১৮৩০রোম ওইবা বি.এস. VI অপগ্রেদেসন প্রোজেক্ত অসিনা অলত্রা-প্যুর ওইবা অকোইবদা শোকহনদবা বি.এস.- VI গ্রেদ ফ্যুল (সল্ফরগী চাং পি.পি.এম. ১০দগী হন্থবা) পুথোকপদা মতেং পাংলগনি। লুপা করোর ৬৮০ চংনা লিংখৎখিবা সী ৱাতর দিসেলাইনেসন প্লান্ত অসিনা ফ্রেশ ৱাতরগী দিপেন্দেন্সী হন্থহনবদা মতেং পাংলগনি অমসুং হাইদ্রোকার্বোনশিং অমসুং পেত্রোকেমিকেলশিং চহি চুপ্পা চাং নাইনা সপ্লাই তৌবা ঙম্লগনি। মিলিয়ন লিতর পর দে (এম.এল.দি.) ৩০গী কেপাসিতী লৈবা প্লান্ত অসিনা সমুদ্রগী ইশংবু রিফাইনরী প্রোসেসশিংগী মথৌ তাবা ঈশিংদা ওন্থোক্লগনি।
इस बार स्वतंत्रता दिवस पर लाल किले से जिन पंच प्राणों की बात मैंने की है, उनमें से सबसे पहला है - विकसित भारत का निर्माण।
— PMO India (@PMOIndia) September 2, 2022
विकसित भारत के निर्माण के लिए देश के मैन्युफेक्चरिंग सेक्टर का, 'मेक इन इंडिया' का विस्तार करना बहुत आवश्यक है: PM @narendramodi
बीते वर्षों में देश ने Port led development को विकास का एक अहम मंत्र बनाया है।
— PMO India (@PMOIndia) September 2, 2022
इन्हीं प्रयासों का परिणाम है कि सिर्फ 8 वर्षों में भारत के पोर्ट्स की कैपेसिटी लगभग दोगुनी हो गई है: PM @narendramodi
पिछले 8 वर्षों में देशभर में इंफ्रास्ट्रक्चर के विकास को जिस प्रकार देश ने प्राथमिकता बनाया है, उसका बहुत अधिक लाभ कर्नाटका को मिला है।
— PMO India (@PMOIndia) September 2, 2022
कर्नाटका सागरमाला योजना के सबसे बड़े लाभार्थियों में से एक है: PM @narendramodi
जल जीवन मिशन के तहत सिर्फ 3 वर्षों में ही देश में 6 करोड़ से अधिक घरों में पाइप से पानी की सुविधा पहुंचाई गई है।
— PMO India (@PMOIndia) September 2, 2022
कर्नाटका के भी 30 लाख से ज्यादा ग्रामीण परिवारों तक पहली बार पाइप से पानी पहुंचा है: PM @narendramodi
पिछले 8 वर्षों में देश में गरीबों के लिए 3 करोड़ से अधिक घर बनाए गए हैं।
— PMO India (@PMOIndia) September 2, 2022
कर्नाटका में भी गरीबों के लिए 8 लाख से ज्यादा पक्के घरों के लिए स्वीकृति दी गई है।
मध्यम वर्ग के हजारों परिवारों को भी अपना घर बनाने के लिए करोड़ों रुपए की मदद दी गई है: PM @narendramodi
आयुष्मान भारत योजना के तहत देश के करीब-करीब 4 करोड़ गरीबों को अस्पताल में भर्ती रहते हुए मुफ्त इलाज मिल चुका है।
— PMO India (@PMOIndia) September 2, 2022
इससे गरीबों के करीब-करीब 50 हजार करोड़ रुपए खर्च होने से बचे हैं।
आयुष्मान भारत का लाभ कर्नाटका के भी 30 लाख से अधिक गरीब मरीज़ों को मिला है: PM @narendramodi
जिनको आर्थिक दृष्टि से छोटा समझकर भुला दिया गया था, हमारी सरकार उनके साथ भी खड़ी है।
— PMO India (@PMOIndia) September 2, 2022
छोटे किसान हों, छोटे व्यापारी हों, मछुआरे हों, रेहड़ी-पटरी-ठेले वाले हों, ऐसे करोड़ों लोगों को पहली बार देश के विकास का लाभ मिलना शुरू हुआ है, वो विकास की मुख्यधारा से जुड़ रहे हैं: PM
हर चुनौती से पार पाते हुए भारत ने 418 बिलियन डॉलर यानि 31 लाख करोड़ रुपए के merchandize export का नया रिकॉर्ड बनाया: PM @narendramodi
— PMO India (@PMOIndia) September 2, 2022
कुछ दिनों पहले GDP के जो आंकड़े आए हैं, वो दिखा रहे हैं कि भारत ने कोरोना काल में जो नीतियां बनाईं, जो निर्णय लिए, वो कितने महत्वपूर्ण थे।
— PMO India (@PMOIndia) September 2, 2022
पिछले साल इतने global disruptions के बावजूद भारत ने 670 बिलियन डॉलर यानि 50 लाख करोड़ रुपए का टोटल एक्सपोर्ट किया: PM @narendramodi
