প্রধান মন্ত্রী, শ্রী নরেন্দ্র মোদীনা ঙসি কর্নাতকাগী হুবলী-ধানৱারদা মরু ওইবা চাউখৎ-থৌরাংগী প্রোজেক্তশিং কত্থোকখ্রে অমসুং উরেপ-উয়ুং তমখ্রে। প্রোজেক্তশিং অসিদা ২০১৯গী ফেব্রুৱারীদা প্রধান মন্ত্রীনা উরেপ-উয়ুং তমখিবা আই.আই.তি. ধারৱার, হন্দক্তা গিনিস বুক ওফ ৱর্ল্দ রেকোর্দনা শকখঙখিবা শ্রী সিদ্ধারুধা স্বামিজী হুবলী স্তেসনদা লৈবা মিতর ১৫০৭ শাংবা মালেমগী খ্বাইদগী শাংবা রেলৱে প্লেৎফোর্ম জাতিদা কত্থোকপা, লমদম অসিদা কন্নেক্তিবিতী শাহৌ পীনবা হোসপেতে – হুবলী – তিনাইঘাত সেক্সন ইলেক্ত্রিফিকেসন তৌবা অমসুং হোসপেতে স্তেসন অপগ্রেদ তৌবা য়াওখি। প্রধান মন্ত্রীনা হুবলী-ধারৱার স্মার্ত সিতীগী তোঙান-তোঙানবা প্রোজেক্তশিংসু শঙ্গাখি অমদি উরেপ-উয়ুং তমখি। মহাক্না জয়দেব হোস্পিতাল এন্দ রিসর্চ সেন্তর, ধারৱার মলতি ভিলেজ ৱাতর সপ্লাই স্কিম অমসুং তুপ্পরিহল্লা ফ্লদ দেমেজ কন্ত্রোল প্রোজেক্তকী উরেপ-উয়ুংসু তমখি।
থৌরম অসিদা ৱা ঙাংলদুনা প্রধান মন্ত্রীনা চহি অসি হৌরকপদা হুবলীদা লাকপগী খুদোংচাবা ফংখিবা অদু নীংশিংখি অমসুং মহাকপু ওক্নবা লাকখিবা মীওইশিংনা মঙোন্দা পীখিবা থৌজালশিংগী মতাংদা ফোঙদোকখি। বেঙ্গলুরুদগী বেলগাবী, কালবুরগীদগী শিবমোগা, অমসুং মৈসুরুদগী তুমকুরু ফাওবা হৌখিবা চহি খরদা কর্নাতকাদা চৎখিবা মহাক্কী খোঙচৎশিংগী মতাংদা নীংশিংলদুনা প্রধান মন্ত্রীনা হায়খি মহাক্না কন্নরাশিংনা উৎপীরিবা মীনুংশি অমসুং থৌজাল অদুগী লমন তোনশিল্লি অমসুং সরকারনা মীওইশিংগী পুন্সি লায়থোকহন্দুনা, নহারোলশিংগীদমক থবক্কী খুদোংচাবশিং পীদুনা লমদম অসিগী নুপীশিংবু শক্তি পীদুনা মখোয়গী মথৌ তাবশিং থুংহন্নবা মাইকৈদা থবক পাইখপনা মখোয়গী লমন শীংবা ওইরগনি। প্রধান মন্ত্রীনা হায়খি, “কর্নাতকাগী দবল-ইঞ্জিন সরকারনা থমোয় শেংনা রাজ্যগী জিলা, খুঙ্গং অমসুং হেমলেৎ খুদিংমক মপুং ফানা চাউখৎহন্নবগীদমক হোৎনখি”।
প্রধান মন্ত্রীনা হায়খি চহিচা কয়াদগী ধারৱার অসি মীপুম খুদিংমকপু তরাম্না ওকখিবা অমসুং মীপুম খুদিংমক্তগী তমশিনবা য়াবা মখোয়না তমশিনখিবা, মালেনদু অমসুং বায়ালু সীমে রিজনশিংগী গেৎৱে অমা ওইদুনা লাকখি। মরম অসিনা “ধারৱারনা শুপ্নগী গেৎৱে অমা ওইবতা নত্তনা কর্নাতকা অমসুং ভারতকী দাইনামিজমগী মমি অমা ওইরকখি”। ধারৱার অসি মাগী সহিত্য অমসুং ঈশৈ-নোংমাইগীদমক কর্নাতকাগী কলচরেল কেপিতেল ওইনা খঙনৈ। প্রধান মন্ত্রীনা ধারৱারদগী হৌখিবা কলচরগী মশক নাইবা মীওইশিংদা ইকাই খুম্নবা উৎখি।
প্রধান মন্ত্রীনা অঙনবদা মহাক্না মান্দ্যাদা চৎখিবা খোঙচৎ অদুগী মতাংদসু পনখি। মহাক্না হায়খি অনৌবা বেঙ্গলুরু-মৈসুরু এক্সপ্রেসৱেনা কর্নাতকাগী সোফৱেয়র হবকী আইদেন্তিতী অসিবু হেন্না খুমাং চাউশিন্নবা লম্বী য়াৎলগনি। প্রধান মন্ত্রীনা হায়, মতৌ অসুম্না চাউখৎ-থৌরাংগী প্রোজেক্ত কয়া বেলগাবীদা কত্থোকখি অমদি উরেপ-উয়ুং তমখি। মহাক্না শিবমোগা কুবেম্পু এয়রপোর্তকী মতাংদসু পনখি। মহাক্না হায়খি ঙসিগী প্রোজেক্তশিং অসিগা লোয়ননা হায়রিবা প্রোজেক্তশিং অসিনা কর্নাতকাগী অনৌবা চাউখৎ-থৌরাংগী পুৱারী অমা ইরগনি।
প্রধান মন্ত্রীনা হায়খি, “ধারৱারগী আই.আই.তি.গী অনৌবা কেম্পসনা ক্বালিতী এজুকেসন ফংহল্লগনি অমরোমদা অফবা হয়েংগীদমক নহাশিংগী ৱাখল মখোং শোম্বীরগনি। মহাক্না হায়খি আই.আই.তি.গী অনৌবা কেম্পসনা কর্নাতকাগী চাউখৎ খোঙচৎকী পুৱারীদা অনৌবা পন্দুপ অমা ইরগনি। মহাক্না ধারৱার আই.আই.তি. কেম্পসকী হায় তেক ফেসিলিতীশিংগী মতাংদা পনখি অমসুং মসিনা ইথিলগী হৌরকফম ওইদুনা ইন্সতিত্যুসন অসিবু মালেমগী মাংজিল থারিবা ইন্সতিত্যুসনশিংগা মান্নবা থাক্তা পুখৎলগনি হায়না ফোঙদোকখি। আই.আই.তি. ধারৱার কেম্পস অসি হৌজিক পাল্লিবা সরকারগী ‘সঙ্কল্প সে সিদ্ধি’ (হায়বদি ফিরেপশিংনা মাইপাকপা পুরকপা)গী ৱাখল্লোনগী অচৌবা খুদম অমনি হায়না ফোঙদোক্লদুনা প্রধান মন্ত্রীনা ফেব্রুৱারী ২০১৯দা মসিগী উরেপ-উয়ুং তমখিবা অদু নীংশিংখি অমসুং কোরোনা ভাইরসকী লাইচৎনা মরম ওইদুনা শীংনবা কয়া মায়োক্নখ্রবসু চহি ৪গী মনুংদা লোইশিনবা ঙমখিবদা নুংঙাইবা ফোঙদোকখি। “প্রোজেক্তশিং উরেপ-উয়ুং তম্বদগী শঙ্গাবগী থবক চত্থবদা দবল-ইঞ্জিন সরকারনা লেপ্পা লৈতনা থবক পাইখৎখি” প্রধান মন্ত্রীনা মখা তারদুনা হায়, “ঐখোয়না উরেপ-উয়ুং তমখিবা চপ মান্নবা প্রোজেক্তশিং অদুবু শঙ্গাবা হায়বা ফিরেপ অসিদা ঐখোয়না থাজবা থম্মি”।
প্রধান মন্ত্রীনা হৌখিব চহিশিংদা ক্বালিতী এজুকেসনগী ইন্সতিত্যুসনশিং পাকথোক চাউথোকরকপনা মখোয়গী ব্রান্দ দাইলুসন তৌহনগনি হায়বা ৱাখল্লোন চেল্লবদা পেন্দবা ফোঙদোকখি। ৱাখল্লোন অসিনা হৌরক্লিবা মীরোলগীদমক অচৌবা মাংজবা ওইখি অমসুং অনৌবা ভারতনা ৱাখল্লোন অসি তুংওইন্দুনা থমলমখি হায়না মহাক্না ফোঙদোকখি। মহাক্না মখা তারদুনা হায়, “অফবা এজুকেসন হায়বা অসি মফম খুদিংদা, মীপুম খুদিংদা য়ৌহনগদননি। ক্বালিতী ইন্সতিত্যুসনশিং মশিং য়াম্লকপনা মীওই কয়াদা অফবা এজুকেসন ফংহনবা ঙমগনি”। মহাক্না মখা তারদুনা হায়, মরম অসিনা হৌখিবা চহি ৯দা ক্বালিতী ইন্সতিত্যুসনশিংগী মশিং লেপ্পা লৈতনা হেনগৎলক্লি। এম্সকী মশিং অসি শরুক অহুম ওইরে, নীংতম্বা ফংলবা মতুং দিকেদ তরেৎতা মেদিকেল কোলেজ ৩৮০গা চাংদম্নবদা হৌখিবা চহি ৯দা মেদিকেল কোলেজ ২৫০ হাংদোকখি। হৌখিবা চহি ৯দা অনৌবা আই.আই.এম. অমসুং আই.আই.তি. কেম্পস হাংদোকখি।
প্রধান মন্ত্রীনা হায়খি ২১শুবা চহিচাগী ভারতনা মাগী সহরশিং মোদর্নাইজ তৌদুনা মাংদা চংশিল্লি। মহাক্না হায়খি হুবলী-ধারৱার অসি স্মার্ত সিতী প্রোজেক্ততা য়াওহনখি অমসুং স্মার্ত প্রোজেক্ত কয়ামরুম ঙসি কত্থোকখি। মহাক্না হায়, “তেক্নোলোজী, ইনফ্রাস্ত্রকচর অমসুং স্মার্ত গভর্নান্সনা হুবলী-ধারৱার রিজনবু অনৌবা পনখৈশিংদা পুখৎপা ঙমখি”।
প্রধান মন্ত্রীনা কর্নাতকাগী মীয়াম্না বেঙ্গলুরু, মৈসুরু অমসুং কালবুর্গীগী শেবা তৌরিবা শ্রী জয়দেব ইন্সতিত্যুত ওফ কার্দিওভাস্ক্যুলর সাইন্সেস এন্দ রিসর্চতা থাজবা থমখি। ঙসি হুবলীদা অহুমশুবা ব্রাঞ্চকী উরেপ-উয়ুং তমখি।
ধারৱার অমসুং মাগী অকোইবা মফমশিংদা অফবা থক্নবা ঈশিং পীনবা কেন্দ্র অমদি রাজ্য সরকারশিংনা পুন্না থবক তৌরি হায়না ফোঙদোক্লদুনা প্রধান মন্ত্রীনা জল জীবন মিসনগী মখাদা লুপা করোর ১,০০০ হেনবগী স্কিম অমা উরেপ-উয়ুং তমখি হায়রিবা অসিদা রেনুকা সগর রিজর্বর অমসুং মালাপ্রভা তুরেলদগী ঈশিং অসি তোতিগী খুত্থাংদা য়ুম লাখ ১.২৫ হেনবদা য়ৌহল্লগনি হায়না ফোঙদোকখি। মহাক্না হায়খি ধারৱারদা অনৌবা ৱাতর ত্রীৎমেন্ত প্লান্ত অসি শাবা লোইবগা জিলা পুম্বগী মীয়াম্না কান্নবশিং ফংলগনি। প্রধান মন্ত্রীনা ঙসি উরেপ-উয়ুং তমখিবা তুপ্পারিহল্লা ফ্লদ দেমেজ কন্ত্রোল প্রোজেক্তকী মতাংদসু পনখি অমসুং মসিনা রিজন অসিদা ঈচাওনা থোকহনবা অমাং-অতা হন্থহনবা ঙম্লগনি হায়না ফোঙদোকখি।
সিদ্ধারুধা স্বামিজী স্তেসন অসি মালেমগী খ্বাইদগী শাংবা প্লেৎফোর্ম অমা ওইরকপগা লোয়ননা কন্নেক্তিবিতীদা কর্নাতকানা অতোপ্পা মাইপাকপগী পন্দুপ অমা য়ৌবা ঙম্বদা প্রধান মন্ত্রীনা নুংঙাইবা ফোঙদোকখি। মহাক্না হায়খি মসি প্লেৎফোর্ম অমা হেক্তগী রেকোর্দ থম্বা নত্ত্রগা এক্সতেন্সন নত্তে মসিদি ইনফ্রাস্ত্রকচর দিবেলপমেন্তদা মরু ওইবা মীৎয়েং চংবগী ৱাখল্লোন মাংদা পুখৎপনি। মহাক্না হায়খি হোসপেতে – হুবলী – তিনাইঘাত সেক্সনগী ইলেক্ত্রিফিকেসন তৌবা অমসুং হোসপেতে স্তেসন অপগ্রেদ তৌবনা ৱাখল্লোন অসি থবক ওইনা অমুক হন্না উৎখি। প্রধান মন্ত্রীনা হায়খি রুৎ অসিগী খুত্থাংদা ইন্দস্ত্রীশিংগীদমক কোইলা অসি পাক চাউনা পুথোক পুশিন তৌরি অমসুং লাইন অসি ইলেক্ত্রিফিকেসন তৌরবা মতুংদা দিজলগী মপাল তাংবদা চাউনা হন্থহন্দুনা থৌওং অসিদা অকোইবগী ফীভম কনবসু ঙম্লগনি। প্রধান মন্ত্রীনা হায়খি খোঙথাংশিং অসিনা রিজন অসিগী ইকনোমিক দিবেলপমেন্ত খোঙজেল য়াংখৎহল্লগনি অমসুং তুরিজম প্রমোৎ তৌরগনি।
প্রধান মন্ত্রীনা হায়, “অফবা অমসুং এদভান্স ওইবা ইনফ্রাস্ত্রকচর অসি য়েংবদা নুংঙাইবা খক নত্তনা মীয়ামগী পুন্সি নুংঙাইহল্লগনি”। অফবা লম্বী অমসুং হোস্পিতালশং লৈতবনা মরম ওইদুনা ফুরুপ পুম্নমক অমসুং চহি কাংলুপ পুম্নমক্কী মীয়াম্না মায়োক্নরিবা খুদোংচাদবশিং মতাংদা প্রধান মন্ত্রীনা হায়খি লৈবাক্কী প্রজা খুদিংমক্না লৈবাক শিনবা থুংবদা এদভান্স ইনফ্রাস্ত্রকচর শেমগৎলকপগী কান্নবশিং ফংলি। মহাক্না অফবা কন্নেক্তিবিতী অসি শীজিন্নরিবা মহৈরোয়শিং, লৌমীশিং অমসুং মিদল ক্লাসকী মীওইশিংনা মখোয়গী লমথুংফমশিং য়ৌবা ঙম্লিবা অসি খুদম ওইনা পীখি। হৌখিবা চহি ৯দা ইনফ্রাস্ত্রকচর মোদর্নাইজ তৌবগী মাইকৈদা পাইখৎলিবা থবক্কী মতাংদা প্রধান মন্ত্রীনা হায়খি খুঙ্গংশিংদা লম্বীগী নেৎৱার্ক অসি পি.এম. সরক য়োজনাগী খুত্থাংদা শরুক অনি হেন্না হেনগৎহনখি অমসুং নেস্নেল হায়ৱে নেৎৱার্ক অসি ৫৫% হেন্না হেনগৎহনখি। মহাক্না হায়খি লৈবাক অসিদা লৈরিবা এয়রপোর্তশিংগী মশিং অসি হৌখিবা চহি ৯দা শরুক অনি হেনগৎহনখি।
প্রধান মন্ত্রীনা হায়খি ইন্তর্নেৎকী লমদা মমাংদা ভারত অসি খুমাং চাউশিল্লমখিদে। ঙসি ভারত অসি দিজিতেল ইকনোমীশিংগী খ্বাইদগী শক্তি লৈবশিংগী মনুং চল্লে। মসি ওইথোকপা ঙম্লিবা অসি সরকারনা অহোংবা ইন্তর্নেৎ ফংহনবা অমসুং খুঙ্গংশিংদা য়ৌহনবা অসিননি। মহাক্না হায়খি, “চাংচৎ ওইনা ব্রোদবেন্দ কন্নেক্সন লাখ ২.৫ হৌখিবা চহি ৯দা নুমিৎ খুদিংগী পীখি”। মহাক্না মখা তারদুনা হায়, “ইনফ্রাস শেমগৎপদা মসিগী খোঙজেল অসি য়ৌরক্লিবগী মরমদি ঙসি ইনফ্রাস্ত্রকর অসি লৈবাক্কী মথৌ তাবশিংগী মতুং ইন্না শেমগৎলি। মমাংদা রেল অমসুং রোদ প্রোজেক্তশিং অসি রাজনিতীগী কান্নবা অমসুং মাংজবা য়েংলবা মতুংদা লাউথোকখি। ঐখোয়না লৈবাক পুম্বগীদমক পি.এম. গতি শক্তি নেস্নেল মাস্তর প্লান পুরকখি। মসিনা লৈবাক্কী মথৌ তারকপদা মতমদা খোঙজেল য়াংনা ইনফ্রাস্ত্রকচর শেমগৎপা ঙমগনি”।
সোসিএল ইনফ্রাস্ত্রকচরদা অমুক্তা ওইখিদ্রিবা মওংদা মীৎয়েং চংলি হায়না পল্লদুনা প্রধান মন্ত্রীনা হাউসিং, তোইলেৎ, চাকথোং গ্যাস, হোস্পিতালশিং অমসুং থক্নবা ঈশিং অসিনচিংবা মরু ওইবা লমশিংদা অৱাৎপা মায়োক্নখিবা নুমিৎশিং নীংশিংখি। মহাক্না লমশিং অসিগী খুদোংচাদবশিং করম্না কোকহনখিবা অমসুং ফেসিলিতীশিং অসি ফংহনখিবা হায়বগী মতাংদা শন্দোক্না ঙাংখি। মহাক্না হায়, “ঙসি ঐখোয়না মথংগী চহি ২৫দা মখোয়গী ফিরেপশিং থুংহনবা ঙম্নবা নহারোলশিংদা রিসোর্স পুম্নমক পীরি”।
ভগৱান বসবেশ্বরানা শরুক তম্লিবশিংগী মতাংদা প্রধান মন্ত্রীনা অনুভব মন্দপাম লিংখৎখিবা অসিনা শরুক তম্লিবা কয়াগী মরক্তা খ্বাইদগী মরু ওইবা ওইখি হায়না ফোঙদোকখি অমসুং দেমোক্রেতিক সিস্তেম অসি মালেম শিনবা থুংবদা নৈনখি। মহাক্না ভগৱান বসবেশ্বরাগী মীতম লন্দনদা শঙ্গাখিবা অদু নীংশিংখি। প্রধান মন্ত্রীনা হায়, অদুম ওইনমক ভারতকী দেমোক্রেসীগী মতাংদা লন্দনদা ৱাহং হংখিবা অসি লাইবক থীবনি। প্রধান মন্ত্রী হায়খি, “ভারতকী দেমোক্রেসীগী হৌরকফম অসি ঐখোয়গী চহিচা কয়া শুরবা পুৱারীদগী ওইখি। প্রধান মন্ত্রীনা মখা তারদুনা হায়, “মসি ওইজরবসু মীওই খরনা ভারতকী দেমোক্রেসীবু মশক থীহন্নবা লেপ্তনা হোৎনরি। অসিগুম্বা মীওইশিংনা ভগৱান বসবেশ্বারা অমসুং কর্নতকা অমদি লৈবাক্কী মীয়ামবু ইকাই ফিরুক খুমহল্লি। মহাক্না অসিগুম্বা মীওইশিংদগী চেকশিন্নবা কর্নাতকগী মীয়ামদা চেকশিনৱা থমখি”।
ৱারোল পীবা লোইশিনবদা প্রধান মন্ত্রীনা কর্নাতকানা ভারতকী তেক-ফ্যুচরগী আইদেন্তিতী মাংদা পুখৎনবা অকনবা ৱাফম থমখি। রাজ্য অসিগী হায়তেক ইঞ্জিনবু শক্তি পীনবা দবল-ইঞ্জিন সরকার অমগী মথৌ তাবদা মীৎয়েং চংলদুনা প্রধান মন্ত্রীনা হায়খি, “কর্নাতকা অসি ভারতকী হায়তেক্কী ইঞ্জিননি”।
থৌরম অসিদা কর্নাতকাগী মুখ্য মন্ত্রী, শ্রী বসবরা বোম্মৈ, পার্লিয়ামেন্তরী এফিয়র্সকী কেন্দ্র মন্ত্রী, শ্রী প্রলহাদ জোশি অমসুং কর্নাতকা সরকারগী মন্ত্রীশিংনা শরুক য়াখি।
বেকগ্রাউন্দ
প্রধান মন্ত্রীনা আই.আই.তি ধারৱার কৎথোকখি। হৌখিবা ফেব্রুৱারি ২০১৯দা প্রধান মন্ত্রীনা প্রোজেক অসি উরেপ-উয়ুং তমখি। লুপা করোর ৮৫০ হেন্না চঙনা শেমগৎখিবা মহৈলোয়শঙ অসিদা হৌজিক চহি ৪গী বি.তেক প্রোগ্রামশিং, চহি ৫গী বি.এস.এম.এস প্রোগ্রামশিং, এম.তেক অমসুং পি.ঐচ.দি প্রোগ্রামশিং চৎথরি।
প্রধান মন্ত্রীনা শ্রী সিদ্ধারুধা শ্বামীজি হুবলি স্তেসন্দা মালেমদা খ্বাইদগী শাংবা রেলৱে প্লেতফোর্ম কৎথোকখ্রে। রেকোর্দ অসি হন্দক জিনেস বুক ওফ ৱার্ল্দ রেকোর্দশিংনা শক খঙখিবনি। মিতর ১৫০৭ শাংবা প্লেৎফোর্ম অসি লুপা করোর ২০ রোম চঙনা শেমগৎপনি।
প্রধান মন্ত্রীনা মৈ ফংহল্লবা হোসপেতে-হুবলী-তিনাইঘাত সেক্স অমসুং নৌনা শেমগৎলবা হোসপেতে স্তেসন মীয়ামদা কৎথোকখ্রে। লুপা করোর ৫৩০ চঙনা পায়খৎপা ইলেক্ত্রিক ফংহনবগী প্রোজেক অসিনা ইলেক্ত্রিক ত্রেক্সন্দা ত্রেন চেনবা য়াহল্লগনি। নৌনা শেমগৎলবা হোসপেতে স্তেসন অসিনা চৎথোক-চৎশিন তৌরিবশিংদা মতমগী অনৌবা খুদোংচাবা কয়া পীরগনি। স্তেসন অসি হাম্পি মোনুমেন্তশিং মান্নবা দিজাইন তৌবনি।
প্রধান মন্ত্রীনা হুবলি-ধারৱার স্মার্দ সিতিকী তোঙান-তোঙানবা প্রোজেকশিং শঙ্গাগনি অমসুং উরেপ-উয়ুং তমগনি। হায়রিবা প্রোজেকশিং অসিগী অপুনবা শেনফম চাউরাক্না লুপা করোর ৫২০ রোম্নি। মসিগী থবকশিং অসিনা মীয়াম লু-নানবা, অশোই-অঙাম থোক্তবা, মীয়ামগী অহাংবা মফম লৈবা হেনগৎহন্দুনা পুন্সি মহিং থাক ৱাংখৎহনগনি অমসুং তাউন অসি তুংদা সহর অমা ওইরক্কনি।
প্রধান মন্ত্রীনা জয়দেব হোস্পিতাল অমসুং রিছার্স সেন্তরগী উরেপ-উয়ুং তমখ্রে। হোস্পিতাল অসি লুপা করোর ২৫০ চঙনা শাগদবনি অমসুং লমদম অসিগী মীয়ামদা থম্মোয়গী লায়নাশিং লায়য়েংবগী অৱাংবা থাক্কী খুদোংচাবা পীগনি। প্রধান মন্ত্রীনা ধারৱার মল্তি ভিলেজ ৱাতর সপ্লাই স্কিমগী উরেপ-উয়ুং তমখ্রে অমসুং মসি লুপা করোর ১০৪০ চঙনা পায়খৎকদবনি। মহাক্না লুপা করোর ১৫০ রোম চঙনা পায়খৎকদবা তুপ্পারিহাল্লা ফ্লদ দেমেজ কন্ত্রোল প্রোজেকশু উরেপ-উয়ুং তমখ্রে। প্রোজেক্ত অসিগী পান্দমদি ঈশিং ইচাউনা মরম ওইদুনা থোকহনবা অমাঙবশিংদগী ঙাকথোক্নবা রেতেন্নিং ৱালশিং শাবা অমসুং তোর্বানশিং শেমজিনবনি।
Dharwad is special. It is a reflection of the cultural vibrancy of India. pic.twitter.com/KG84oklh3U
— PMO India (@PMOIndia) March 12, 2023
The new campus of IIT in Dharwad will facilitate quality education. It will nurture young minds for a better tomorrow. pic.twitter.com/WxW6amVIUJ
— PMO India (@PMOIndia) March 12, 2023
अच्छी शिक्षा हर जगह पहुंचनी चाहिए, हर किसी को मिलनी चाहिए। pic.twitter.com/MJdlfbmc2r
— PMO India (@PMOIndia) March 12, 2023
Karnataka has touched a new milestone in terms of connectivity... pic.twitter.com/xawH4GxZG4
— PMO India (@PMOIndia) March 12, 2023
Today, India is one of the most powerful digital economies in the world. pic.twitter.com/dHnEaTGpuh
— PMO India (@PMOIndia) March 12, 2023
Today, infrastructure is being built according to the needs of the country and the countrymen. pic.twitter.com/zCmmPNFE7t
— PMO India (@PMOIndia) March 12, 2023
No power can harm India's democratic traditions. pic.twitter.com/0wwnFUNQV2
— PMO India (@PMOIndia) March 12, 2023
