সিবামোগা এয়রপোর্ত শঙ্গাখ্রে
রেলৱে প্রোজেক্ত অনি অমদি লম্বী শেম্বগী প্রোজেক্ত কয়া উরেপ উয়ুং তমখ্রেমল্তি-ভিলেজ স্কিমশিং শঙ্গাখ্রে অমদি উরেপ উয়ুং তমখ্রেস্মার্ত সিতী প্রোজেক্ত ৪৪ শঙ্গাখ্রে"মসি শুপ্নতগী এয়রপোর্ত অমখক নত্তে নহারোলশিংগী মঙলানশিংগী খোঙহৌফম ওইগদৌরিবা কেম্পেন অমনি""কর্নাতকাগী চাওখৎ লম্বী রেলৱে, রোদৱে, এয়রৱে অমদি আইৱেশিংনা শেম্বনি""সিবামোগাগী এয়রপোর্ত অসি ভারত্তা নোংথক্কী লম্বীদা চৎনিংবগী লাংতক্নবা খ্বায়দগী ৱাংলিবা মতম অমদা শঙ্গারি""ঙসিগী এয়র ইন্দিয়া মায় পাকপগী অনৌবা পন্দোল কয়া লান্না পাইরিবা অনৌবা ভারতকী মতিক অমা ওইনা শকখঙনরি"অফবা লম্বী থোংগা লোয়ননা ইনফ্রাস্ত্রকচরনা লমদম পুম্বসিদা থবক পীননবগী অনৌবা খুদোংচাবশিং শেমগৎলক্কনি""দবল ইঞ্জিন লৈঙাক অসি খুঙ্গং, লায়রবা, ঐখোয়গী ইমা অমদি ইচে ইচলশিংগীদমক্তনি"প্রধান মন্ত্রী, শ্রী নরেন্দ্র মোদীনা ঙসি কর্নাতকাগী সিবামোগাদা লুপা করোর ৩,৬০০ হেনবগী চাওখৎ থৌরাংগী প্রোজেক্ত কয়া উরেপ উয়ুং তমখ্রে অমদি শঙ্গাখ্রে। মহাক্না সিবামোগা এয়রপোর্তসু শঙ্গাখি অমদি মফমদুগী ফেসিলিতীশিংসু কোয়না চত্তুনা য়েংখি। প্রধান মন্ত্রীনা সিবামোগাদা সিবামোগা – সিকারিপুর – রনেবেন্নুর নিউ রেলৱে লাইন অমদি কোতেগঙ্গুরু রেলৱে কোচিং দিপো হায়রিবা রেলৱে প্রোজেক্ত অনিসিগী উরেপ উয়ুংসু তমখি। মহাক্না পুন্না লুপা করোর ২১৫ হেন্না চঙনা পায়খৎকদবা লম্বী শেম্বগী প্রোজেক্ত কয়া অমসু উরেপ উয়ুং তমখি। মহাক্না জল জীবন মিসনগী মখাদা লুপা করোর ৯৫০ হেন্না চঙনা পায়খৎপা মল্তি-ভিলেজ স্কিমশিংসু শঙ্গাখি অমদি উরেপ উয়ুংসু তমখি। মহাক্না সিবামোগা ময়োল্লমদা লুপা করোর ৮৯৫ হেনবগা স্মার্ত সিতী প্রোজেক্ত ৪৪সু উরেপ উয়ুং তমখি।
তিল্লিবা মীয়ামগী মফমদা ৱা ঙাঙলদুনা, প্রধান মন্ত্রীনা ঙসি ফাওবা শক শোন্নদুনা লৈরিবা এক ভারত শ্রেস্থ ভারতগী লমদা কত্থোক্লম্বগী ৱাখল্লোন চেনবা লৈবাক্কী ৱাকম কুবেম্পুগী লমদমদুগী মফমদা কোক নোনখি। সিবামোগাদা নৌনা শঙ্গারিবা এয়রপোর্ত অদুগী মতাঙদা পল্লদুনা, প্রধান মন্ত্রীনা মীয়াম্না মথৌ তাদুনা লাকপা অদু মতম কুইরবগী মতুংদা ঙসি ফংলে হায়খি। এয়রপোর্ত অদুগী ফজরবা শক্তম অমদি শেমগৎ শাগৎলিবশিং শিংথারদুনা, প্রধান মন্ত্রীনা কর্নাতকাগী চৎনবী অমদি তেক্নোলোজী পুনশিনবগী মওং মতৌবু পনখি। মসি শুপ্নতগী এয়রপোর্ত অমখক নত্তে নহারোলশিংগী মঙলানশিং খোঙহৌফম ওইরিবা কেম্পেন অমনি হায়না মহাক্না ফোঙদোকখি। মহাক্না ঙসি উরেপ উয়ুং তম্লিবা ‘হর ঘর নল সে জল’ প্রোজেক্তশিং য়াওনা লম্বী অমদি রেল প্রোজেক্তশিংগী মতাঙদসু পল্লমখি অমদি দিস্ত্রিক্তশিং অসিগী মীয়ামগী মফমদা নুংঙাইবা ফোঙদোকখি।
প্রধান মন্ত্রীনা শ্রী বি.এস. য়েদ্দ্যুরপ্পাবু ঙসি মহাক্কী মপোক নুমিৎকী য়াইফ পাউজেল পীখি অমদি মহাক্না মীয়ামদা পুন্সিদা লৌরম্বা থৌদাংশিং নীংশিংখি। মহাক্না ইকুই কুইদ্রিঙৈদা এসেমব্লীদা পীখিবা ৱারোল মীপুম খুদিংমক্তা পু্ক্নিং থৌগৎনিংঙাই ওইরি হায়খি। প্রধান মন্ত্রীনা মীয়ামদা মখোয়গী মোবাইল ফোনগী ফ্লাসলাইতশিং থান্দুনা শ্রী বি.এস. য়েদ্দ্যুরপ্পাপু ইকায়খুম্নবা উৎননবা থমখিবা ৱাফমদা তিল্লিবা মীয়াম্না মপুং ফানা শরুক য়াখি অমদি লুচিংবা অদুগীদমক মখোয়গী লৈরিবা নুংশিবশিং উত্থোকখি।
প্রধান মন্ত্রীনা কর্নাতকা চাওখৎপগী মায়কৈদা চঙশিল্লি হায়খি। চাওখৎপগী লম্বী অসি রোদৱে, এয়রৱে অমদি আইৱেশিংনা (দিজিতেল কন্নেক্তিবিতী) শেম্বনি হায়না প্রধান মন্ত্রীনা হায়খি। কর্নাতকাগী দবল ইঞ্জিন লৈঙাক্না কর্নাতকাগী চাওখৎপগী কাং থৌদুনা চৎলি হায়না প্রধান মন্ত্রীনা ফোঙদোকখি। প্রধান মন্ত্রীনা কর্নাতকাদা চাওখৎপগী ঈচেল মমাঙদা লৈরম্বা অচৌবা ময়োল্লমশিংদা চাওখৎ থৌরাংশিং নৈশিন্দুনা লৈরম্ববগী মহুত্তা দবল ইঞ্জিন লৈঙাক্কী মখাদা খুঙ্গংশিং অমদি তিয়র ২-৩গী ময়োল্লমশিং ফাওবদা পাক শন্না শন্দোরক্লি হায়বা ৱাফম থমখি। “সিবামোগাদা চাওখৎপা পুরক্লিবা অসি ৱাখল্লোন হোংদোরকপা অসিগী মহৈনি”, হায়না মহাক্না হায়খি।
প্রধান মন্ত্রীনা সিবামোগাগী এয়রপোর্ত অসি ভারত্তা নোংথক্কী লম্বীদা চৎনিংবগী লাংতক্নবা খ্বায়দগী ৱাংবা মতম অমদা শঙ্গারি হায়বা ৱাফম নৌহৌননা থমখি। হন্দক্তা এয়র ইন্দিয়ানা মালেমগী খ্বায়দগী চাউবা পেসেঞ্জর এয়রক্রাফ্ত লৈনবা দীল লোইশিনখ্রে হায়না মহাক্না পাউদমখি। ২০১৪গী মমাঙদা কংগ্রেসকী লৈঙাক মতমদা, এয়র ইন্দিয়া অসি অফবা অমা ওইনা লৌনরমদে অমদি মসিবু মতম পুম্বদা স্কাম অমদি শেল মাঙবা বিজিনেস মোদেল অমা ওইনা লৌনরম্মী। ঙসিগী এয়র ইন্দিয়াগী মতাঙদা পল্লদুনা, প্রধান মন্ত্রীনা ঙসিদি মসিবু মায় পাকপগী পন্দোল কয়া লান্না পাইদুনা চৎলিবা অনৌবা ভারতকী মতিক অমা ওইনা খঙনরি হায়খি। মহাক্না ভারতকী পাকথোক চাউথোরক্লিবা এভিএসন মার্কেৎকী মতাঙদা পল্লদুনা, লাক্কদৌরিবা মতম খরসিদা লৈবাকসিদা এয়রক্রাফ্ত লিশিং কয়া মথৌ তারক্কদৌরি অমদি নহা লিশিং কয়াগী মথৌসু তারক্কদৌরি হায়খি। ঙসি ঐখোয়না এয়রক্রাফ্তশিং অসি মপান্দগী পুশিল্লক্লবসু, ভারত্তা শাজবা পেসেঞ্জর এরোপ্লেনশিংদা লৈবাকসিগী মীয়াম্না তোংবা ফংলক্কদবা মতমদু কুইদ্রে হায়বা ৱাফম প্রধান মন্ত্রীনা থমখি।
প্রধান মন্ত্রীনা এভিএসন সেক্তরদা হান্না পানরুদবা চাংদা পাকথোক চাউথোরকপগী ফীভম পুরক্লিবা লৈঙাক্কী খুজিল থৌরাংশিংগী মতাঙদা মচা খায়বা ৱাফম কয়া থমখি। মমাঙগী লৈঙাক্কী মওং মতৌগা মান্নদবা মওংদা, হৌজিক্কী লৈঙাক্না অপীকপা ময়োল্লমশিংদা এয়রপোর্তশিং শেমগৎনবগী ৱাফমদা মীৎয়েঙ থম্লি। ২০১৪ ফাওবদা, লৈবাকসিনা নীং তম্লকপা মতুংগী অহানবগী দেকেদ ৭ অসিদা এয়রপোর্ত ৭৪ লৈরম্মী অদুগা হৌখিবা চহি ৯সিদা এয়রপোর্ত ৭৪ অমা হাপচিন্দুনা অপীকপা ময়োল্লমশিংসু শম্নহল্লে হায়খি। প্রধান মন্ত্রীনা হৱাই চপ্পল তোংবা মীচম মীয়ামসু হৱাই জহাজ তোংবা ঙমহনগদবনি হায়বা মহাক্কী মঙলান মঙফাওনহন্নবা অতাবা মমলগী নোংথক্কী খোঙচৎ পীননবা পায়খৎলিবা উরান স্কিমগী মতাঙদসু পনখি।
“অনৌবা এয়রপোর্ত অসিনা মহৌশা, নাৎ অমদি লৌউ-শিংউগী মফম ওইরিবা সিবামোগাদা চাওখৎপগী অনৌবা থোঙ কয়া হাংদোরক্কদৌরি:, হায়না প্রধান মন্ত্রীনা হায়খি। সিবামোগা অসি ৱেস্তর্ন ঘাৎ অমদি অশং অমানগী মকোল, ৱাইল্দলাইফ সেংচুএরীশিং, তুরেলশিং, মমিং চৎলবা জোগ ঈশিংচাইবী অমদি এলিফেন্ত কেম্প, সিম্হা ধামূগী নোংশাগী সফারী অমদি অগুম্বেগী চীংশিং পরেংগীদমক মমিং চৎলিবা মলেনাদু রীজনগী থোঙজিন্নি হায়না মহাক্না পাউদমখি। মীয়াম্না থাজনবা ৱাফমশিং নীংশিংলদুনা, প্রধান মন্ত্রীনা গঙ্গাদা ইরুপত্রিবা অমদি তুঙ্গভদ্র তুরেলগী ঈশিং থকত্রিবা মীওই অদুদি মপুন্সি অদু মপুং ফাদ্রিবনি হায়খি।
সিবামোগাগী ইনাক খুল্লবা নাৎকী মরমদা ৱা ঙাঙলদুনা, প্রধান মন্ত্রীনা রাস্ত্রকবি কুবেম্পু অমদি মালেমগী অমত্তা ঙায়রবা সংস্কৃৎ খুঙ্গং মত্তুর অমদি সিবামোগাদা লৈরিবা লাইনিংগী মফম কয়াগী মরমদা পনখি। মহাক্না ইস্সুরু খুঙ্গংগী নীংতম ঈহৌগী মতাঙদসু পনখি।
সিবামোগাগী লৌউ-শিংউগী তোপ তোপ্পা মশক্কী মরমদা পল্লদুনা, প্রধান মন্ত্রীনা মফম অসি লৈবাকসিগী খ্বায়দগী লৈহাও লৈবা মফমশিংগী মরক্তা অমনি হায়খি। মহাক্না লমদম অসিদা ফংলিবা শিংথানিংঙাই ওইরবা মহৈ মরোং মখলশিংগী মরমদসু পনখি। লৌউ-শিংউগী লন অসিদা দবল ইঞ্জিন লৈঙাক্না পায়খৎলিবা লম্বী থোং শেমগৎপগী অচৌবা থৌরাংশিংনা ইনোৎ হাপ্লি। প্রধান মন্ত্রীনা অনৌবা এয়রপোর্ত অসিনা তুরিজম চাওখৎহনবদা মতেং পাংদুনা শেন্মিৎলোনগী থবক থৌওংশিং অমদি থবক পীবগী খুদোংচাবা হেনগৎহনগনি হায়বা ৱাফম থমখি। রেল কন্নেক্তিবিতীনা লৌমীশিংদা অনৌবা কৈথেলশিং শোয়দনা ফংহনগনি হায়না মহাক্না মখা তাখি।
প্রধান মন্ত্রীনা সিবামোগা – সিকারিপুর – রনেবেন্নুর নিউ লাইন অসি লোইশিল্লক্লবা মতমদা হবেরি অমদি দেবাঙ্গেরে দিস্ত্রিক্তশিংদসু কান্নবা পীগনি হায়খি। মহাক্না লম্বী পরিং অসিদা লম্বী লান্থোক লানশিন অমত্তা লৈহন্দবনা রেল লম্বী অসি শাফবা ওইহন্দুনা খোঙজেল য়াঙবা ত্রেনশিং অপনবা লৈতনা চেলহনগনি হায়বা ৱাফম থমখি। ঙাইহাকখক্তমক খাম্ফমগী স্তেসন ওইরম্বা কাতাগঙ্গৌর স্তেসনগী কেপাসিতী অনৌবা কোচিং তর্মিনেল অমা শাগৎলবা মতুংদা হেনগৎলগনি হায়বা ৱাফমসু মহাক্না থমখি। মফম অসিদা হৌজিক রেলৱে লম্বী ৪, প্লেৎফোর্ম ৩ অমদি রেলৱে কোচিং দিপো অমা শেমগৎলি হায়না মহাক্না পাউদমখি। সিবামোগা অসি লমদম অসিগী মহৈ মশিংগী মকোন অমনি হায়না শিংথারদুনা, প্রধান মন্ত্রীনা কন্নেক্তিবিতী হেনগৎহনগদৌরিবা অসিনা মনাক নকপা মফমশিংদগী মহৈরোয়শিংবু সিবামোগাদা লাকপদা লায়হল্লগনি হায়খি। মসিনা লমদম অসিদা বিজিনেস অমদি ইন্দস্ত্রীগী অনৌবা থোঙ কয়া হাংদোক্লগনি হায়খি। “অফবা কন্নেক্তিবিতীগা লোয়নবা ইনফ্রাস্ত্রকচরনা লমদম পুম্বসিদা থবক পীনবগী অনৌবা খুদোংচাবশিং শেমগৎলক্কদৌরিবনি”, হায়না প্রধান মন্ত্রীনা হায়খি।
প্রধান মন্ত্রীনা লমদম অসিদা পায়খৎলিবা জল জীবন মিসন অসি সিবামোগাগী নুপী ওইবীশিংগী পুন্সি হিংবদা কোমহন্নবা অচৌবা কেম্পেন অমনি হায়খি। সিবামোগাদা লৈরিবা ইমুং লাখ ৩ গী মনুংদা শুপ্নতগী লিশিং ৯০ খক্তনা জল জীবন মিসন হৌদোকত্রিঙৈগী মমাঙদা তোতিগী ঈশিং ফংলম্মী। হৌজিক্তি দবল ইঞ্জিন লৈঙাক অসিনা ইমুং লাখ ১.৫দা তোতিগী ঈশিং ফংহল্লে অমদি পুম্নমক কোনশিন্নবা থবকশিং পায়খৎলি। হৌখিবা চহি ৩.৫দা ইমুং লাখ ৪০দা তোতিগী ঈশিং ফংহনখ্রে।
“দবল ইঞ্জিন লৈঙাক অসি খুঙ্গং, লায়রবা, ঐখোয়গী ইমা অমদি ইচে ইচলশিংগীদমক্তনি”, হায়না প্রধান মন্ত্রীনা হায়খি। তোইলেৎ, গ্যাস কন্নেক্সন অমদি তোতিগী ঈশিং পীবগী খুদমশিং পীরদুনা, প্রধান মন্ত্রীনা ইমা অমদি ইচে-ইচলশিংগী মরী লৈনবা পরৈ চেনবা ৱাফম পুম্নমক্কী ৱাখঅ পুরক্নবা লৈঙাক অসিনা হোৎনরি হায়খি। দবল ইঞ্জিন লৈঙাক অসিনা পুকচেল শেংনা য়ুমথোঙ খুদিংদা তোতিগী ঈশিং ফংহন্নবা হোৎনরি হায়না মহাক্না ফোঙদোকখি।
“মতম অসি ভারতকী অমৃৎ কালনি, চাওখৎপা ভারত অমা শেম্নবগী মতম্নি হায়বা ৱাফমসি কর্নাতকাগী মীয়াম্না মমুৎ তানা খঙই”, হায়না প্রধান মন্ত্রীনা হায়খি। নীংতম্বা ভারতকী পুৱারীদা অসিগুম্বা খুদোংচাবা তাঞ্জাম অমা থোঙজিন্দা লেপ্লরিবা অমদি ভারতকী খোঞ্জেল মালেম পুম্বদা তারিবা অসি অহানবনি হায়না মহাক্না ফোঙদোকখি। মালেম পুম্বদগী ইনভেস্তরশিংনা ভারত্তা শেল থাদবা পাম্লি অমদি মসিনা কর্নাতকা অমদি মফমসিগী নহাশিংদা কান্নহল্লি। মহাক্কী ৱারোল লোইশিল্লকপদা, প্রধান মন্ত্রীনা কেম্পেন অসিনা কর্নাতকাগী চাওখৎপগী খোঙজেল য়াঙখৎহনগনি হায়না মীয়ামগী মফমদা থাজবা পীখি। “ঐখোয় পুন্না চৎমিন্নবা তাই। ঐখোয় পুন্না মাঙদা চঙশিনমিন্নবা তাই”, হায়বা ৱাফমগা লোয়ননা প্রধান মন্ত্রীগী ৱারোল লোইশিনখি।
কর্নাতকাগী মুখ্য মন্ত্রী, শ্রী বাসবরাজ বোম্মাই, কর্নাতকাগী হান্নগী মুখ্য মন্ত্রী, শ্রী বি.এস. য়েদ্দ্যুরপ্পা, পার্লিয়ামেন্তরী এফ্যার্সকী কেন্দ্র মন্ত্রী শ্রী প্রল্হাদ জোসী অমদি কর্নাতকা লৈঙাক্কী মন্ত্রীশিংগা লোয়ননা মীওই কয়ানা থৌরমদুদা শরুক য়াখি।
বেকগ্রাউন্দ
প্রধান মন্ত্রীনা লৈবাক শিনবা থুংনা নোংথক্কী কন্নেক্তিবিতীদা থম্লিবা মরুওইবা মীৎয়েঙ অসিদা সিবামোগা এয়রপোর্ত শঙ্গাগদৌরিবা অসিনা ইনোৎ অমা হাপ্লগনি। অনৌবা এয়রপোর্ত অসি লুপা করোর ৪৫০রোম চঙনা শেমগৎপনি। এয়রপোর্ত অসিগী পেসেঞ্জর তর্মিনেল বিল্দিং অসিনা পুংদা পেসেঞ্জর ৩০০গী চাংদা পুবা ঙমগনি। এয়রপোর্ত অসিনা সিবামোগা অমদি মল্নাদ রীজনগী থংনবা মফমশিংদা কন্নেক্তিবিতীগী ফীভম ফগৎহল্লগনি।
প্রধান মন্ত্রীনা সিবামোগাদা রেলৱে প্রোজেক্ত অনিগী উরেপ উয়ুং তমখি। মসিদা সিবামোগা – সিকারিপুর – রনেবেন্নুর নিউ রেলৱে লাইন অমদি কোতেনঙ্গুরু রেলৱে কোচিং দিপো য়াওরি। সিবামোগা – সিকারিপুর – রনেবেন্নুর নিউ রেলৱে লাইন অসি লুপা করোর ৯৯০রোম চঙনা শেমগৎকদবনি অমদি মলনাদ রীজনগা বেঙ্গলুরু-মুম্বাই মেনলাইনগগী মরক্তা কন্নেক্তিবিতীগী ফীভম ফগৎহনগনি। কোতেনঙ্গুরু রেলৱে কোচিং দিপো অসি সিবামোগা ময়োল্লমদা সিবামোগাদগী অনৌবা ত্রেনশিং হৌদোক্নবা অমদি বেঙ্গলুরু অমদি মৈসুরুদা মেন্তেনেন্স ফেসিলিতীশিং চিনবা হন্থহন্নবগীদমক লুপা করোর ১০০ হেন্না চঙনা শেমগৎকদবনি।
প্রধান মন্ত্রীনা লম্বী শেম্বগী প্রোজেক্ত কয়া উরেপ উয়ুং তমখি। পুন্না লুপা করোর ২১৫ হেন্না চঙনা শেমগৎকদবা প্রোজেক্তশিং অসিদা বীন্দুর – রানিবেন্নুর শম্নহন্দুনা এন.ঐচ. ৭৬৬সি.দা সিকারিবুর ময়োল্লমগী অনৌবা বাইপাস লম্বী; মেকারবল্লীদগী অগুম্বে ফাওবগী এন.ঐচ. ১৬৯এ.গী শরুক পাকথোকহনবা; অমদি এন.ঐচ. ১৬৯দা থিরথহল্লী তালুক্তা লৈবা ভারথিপুরদা অনৌবা থোং শেমগৎ শাগৎপগী থবকশিং য়াওরি।
প্রধান মন্ত্রীনা জল জীবন মিসনগী মখাদা লুপা করোর ৯৫০ হেন্না চঙনা শেমগৎপা মল্তি-ভিলেজ স্কিমশিংসু শঙ্গাখি অমদি উরেপ উয়ুং তমখি। মসিদা গৌথমপুর অমদি অতৈ খুঙ্গং ১২৭কী মল্তি-ভিলেজ স্কিম অমা শঙ্গাবা অমদি পুন্না লুপা করোর ৮৬০ হেন্না চঙনা শেমগৎকদবা অতৈ মল্তি-ভিলেজ স্কিম অহুমগী উরেপ উয়ুং তম্বা য়াওরি। স্কিম মরি অসিনা নীংথিনা মথৌ তৌবা য়ুমথোঙগী তোতি ঈশিংগী কন্নেক্সন পীগনি অমদি পুন্না মীওই লাখ ৪.৪দা কান্নবা পীগনি হায়না পারি।
প্রধান মন্ত্রীনা সিবামোগা ময়োল্লমদা লুপা করোর ৮৯৫ হেন্বগী স্মার্ত সিতী প্রোজেক্ত ৪৪শু শঙ্গাখি। প্রোজেক্তশিং অসিদা কিলোমিতর ১১০ শাংবা স্মার্ত রোদ পেকেজ ৮; ইন্তিগ্রেতেদ কম্মান্দ এন্দ কন্ত্রোল সেন্তর অমদি মল্তি-লেবেল কার পার্কিং; স্মার্ত বস সেল্তর প্রোজেক্তশিং; ইন্তলিজেন্ত সোলিদ ৱেস্ত মেনেজমেন্ত সিস্তেম;, সিবপ্পা নাইক পেলেসনচিংবা হেরিতেজ প্রোজেক্তশিং ইন্তরেক্তিব ম্যুজিয়ম ওইনা শেমগৎপা, কঞ্জার্বেন্সী লেন ৯০ শেমগৎপা, পার্ক অমদি রিভরফ্রন্ত প্রোজেক্তশিং শেমগৎপা, অমদি অতৈশিং য়াওরি।
Airport in Shivamogga will significantly boost connectivity. pic.twitter.com/kgzR5c8hME
— PMO India (@PMOIndia) February 27, 2023
Karnataka has scaled new heights of development in the last few years. pic.twitter.com/wvh2A3V9ZX
— PMO India (@PMOIndia) February 27, 2023
India's aviation market is growing rapidly. pic.twitter.com/USO6dwNUWE
— PMO India (@PMOIndia) February 27, 2023
आज भारत के एविएशन मार्केट का डंका पूरी दुनिया में बज रहा है। pic.twitter.com/dEZYgC1YjC
— PMO India (@PMOIndia) February 27, 2023
हमने बहनों से जुड़ी हर परेशानी को दूर करने का प्रयास किया है। pic.twitter.com/xHZWzjAlHg
— PMO India (@PMOIndia) February 27, 2023
