নেসনেল হায়ৱে প্রোজেক ৫ কৎথোকখ্রে অমসুং উরেপ-উয়ুং তমখ্রে
দবল ওইরবা কিলোমিতর ১০৩ শাংবা রাইপুর-খারিয়ার রোদ রেল লাইন অমসুং কেওতি-অন্তগর শম্নবা কিলোমিতর ১৭ শাংবা অনৌবা রেল লাইন মীয়ামদা কৎথোকখ্রেকোরবাদা ইন্দিয়ান ওইল কোর্পোরেসন বোত্তলিং প্লান্ত মীয়ামদা কৎথোকখ্রেভিদিও লিঙ্কগী খুৎথাংদা অন্তগর-রাইপুর ত্রেন লমথাখ্রেঅয়ুস্মান ভারতকী মখাদা বেনিফিসরিশিংদা কার্দ লাখ ৭৫ য়েন্থোকপা হৌরে“ঙসিগী প্রোজেকশিং অসি ছতিসগরগী ত্রাইবেল এরিয়াশিংদা চাউখৎ-থৌরাংগী অনৌবা খোঙচৎ অমা হৌবা নুমিৎনি”“চাউখৎ-থৌরাংগী লমদা শোৎথহৌরবা অকক্নবা মফমশিং ইনফ্রাস্ত্রচর শেমগৎনবা সরকারনা মীৎয়েং চঙলে”“অনৌবা মতমগী ইনফ্রাস্ত্রকচর অসি খুন্নাইগী অচুম্বা পুরকপগা মরী লৈনৈ”“ঙসি ছতিসগর ইকোনোমিক কোরিদোর অনিগা শম্নরে”“মহৌশাগী লন ফংবা মফমদা উদোগশিং হেন্না লিংখৎনবা অমসুং অনৌবা খুদোংচাবশিং শেমগৎনবা সরকারনা থবক পায়খৎলে”“এম.এন.আরগী মখাদা থবক পীনবা সরকারনা ছতিসগরদা লুপা করোর ২৫০০ হেন্না পীরে”ঙসি প্রধান মন্ত্রী শ্রী নরেন্দ্র মোদীনা ছতিসগরগী রাইপুরদা লুপা করোর ৭৫০০ রোমগী চাউখৎ-থৌরাংগী প্রোজেকশিং উরেপ-উয়ুং তমখ্রে অমসুং মীয়ামদা কৎথোকখ্রে। মহাক্না লুপা করোর ৬,৪০০ রোমগী নেসনেল হায়ৱে প্রোজেক ৫ কৎথোকখ্রে অমসুং উরেপ-উয়ুং তমখ্রে। মহাক্না লুপা করোর ৭৫০ চঙনা দবল ওইনা ওনখৎলবা কিলোমিতর ১০৩ শাংবা রাইপুর-খারিয়ার রোদ রেল লাইন অমসুং লুপা কারোর ২৯০ চঙনা পায়খৎপা কেওতি-অন্তগর শম্নবা কিলোমিতর ১৭ শাংবা অনৌবা রেল লাইন মীয়ামদা কৎথোকখ্রে। মখা তানা, কোর্বদা লুপা করোর ১৩০ চঙনা শাবা চহি অমদা মেত্রিক তন লিশিং ৬০ কেপাসিতি লৈবা ইন্দিয়ান ওইল কোর্পোরেসনগী বোত্তলিং প্লান্ত অমা প্রধান মন্ত্রীনা মীয়ামদা কৎথোকখ্রে। ভিদিও লিঙ্কগী খুৎথাংদা অন্তগর-রাইপুর ত্রেন লমথাখ্রে তুংদা প্রধান মন্ত্রী শ্রী নরেন্দ্র মোদীনা অয়ুস্মান ভারতকী মখাদা বেনিফিসরিশিংদা কার্দ লাখ ৭৫ রোম য়েন্থোকপা হৌখি।
থৌরম অদুদা মীয়ামদা ৱা ঙাংবদা প্রধান মন্ত্রীনা হায়খি ইনফ্রাস্ত্রচর অমসুং লম্বী-থোংগী লুপা করোর ৭০০ রোমগী প্রোজেকশিং ফংদুনা ঙসিগী প্রোজেকশিং অসি ছতিসগরগী ত্রাইবেল এরিয়াশিংদা চাউখৎ-থৌরাংগী অনৌবা খোঙচৎ অমা হৌবা নুমিৎনি। ঙসিগী প্রোজেকশিং অসিনা লমদম অসিগী মীয়ামগী হিংবদা লাইহল্লগনি অমসুং রাজ্য অসিদা অনা-লায়য়েংগী থবকশিং ফগৎহল্লগনি। প্রোজেকশিং অসিনা রাজ্য অসিগী লৌমীশিং, মিনরেল ইন্দস্ত্রি অমসুং তুরিজম ইন্দস্ত্রিদা কান্নবা পীদুনা থবক ফংনবগী খুদোংচাবা কয়া পীরগনি।
প্রধান মন্ত্রীনা হায়খি লমদম অমা চাউখৎপা থিন্থবা অসি ইনফ্রাস্ত্রচর ৱাৎপগা হকথেংন্না মরী লৈনৈ। মরম অদুনা চাউখৎ-থৌরাংগী লমদা শোৎথহৌরবা অকক্নবা মফমশিং ইনফ্রাস্ত্রচর শেমগৎনবা সরকারনা মীৎয়েং চঙলে। ইনফ্রাস্ত্রচরগী ৱাহন্থোক্তি হিংবদা লাইহনবা অমসুং ললোন-ইতিক তৌবা লাইহনবা হায়বনি। ইনফ্রাস্ত্রচর হায়বদি থবক ফংনবা খুদোংচাবা পীবা অমসুং য়াংনা চাউখৎহনবা হায়বনি। হৌখিবা চহি ৯দা প্রধান মন্ত্রী গ্রামিন সরক য়োজনাগী মখাদা রাজ্য অসিগী ত্রাইবেল খুঙ্গং লিশিং কয়াগী লম্বী শেমগৎলে। সরকারনা কিমি ৩,৫০০ রোমগী নেসনেল হায়ৱে প্রোজেকশিং অয়াবা পীখিবগী মনুংদা কিমি ৩০০০ শেম্বা লোইশিনখ্রে। ঙসি রাইপুর-কোদেবোর অমসুং বিলাসপুর-পাথ্রাপালি হায়ৱেশিংসু শঙ্গারে। রেল, লম্বী, তেলিকোম ওইগেরা, হৌখিবা চহি ৯দা সরকারনা মমাঙদা অমুক্তা পায়খৎখিদ্রিবা থবকশিং পায়খৎপদগী মখল খুদিংমক্কী চৎথোক-চৎশিনগী খুদোংচাবা হেনগৎহল্লে।
প্রধান মন্ত্রীনা হায়খি অনৌবা মতমগী ইনফ্রাস্ত্রকচর অসি খুন্নাইগী অচুম্বা পুরকপগা মরী লৈনৈ অমসুং ঙসিগী প্রোজেকশিং অসিদা য়াওরিবা লম্বীশিং অমসুং রেলৱে লাইনশিংনা লায়রবশিং, দলিতশিং, শোৎথরবশিং অমসুং ত্রাইবেলশিংগী চৎথোক-চৎশিন ফগৎহল্লগনি অমসুং অনাবশিং অমসুং নুপীশিং হোস্পিতাল ফাওবা লাইনা য়ৌবা ঙমগ্লনি। চহি ৯গী মমাংদা ছতিসগরগী খুঙ্গং চাদা ২০ হেন্না মখল অমতগী মোবাইল নেতৱার্ক ফংলমদে, ঙসিদি মদু চাদা ৬তা হন্থরে অমসুং মসিগী কান্নবা লমদম অসিগী লৌমীশিং অমসুং শীন্মীশিংনা ফংলে। হৌজিক রাজ্য অসিগী খুঙ্গং অয়াম্বা মোবাইল নেতৱার্ক ফংলে। 4G নেতৱার্ক ফংনবা সরকারনা মোবাইল তৱার ৭০০ হেন্না য়ুংখৎলে। তৱার ৩০০ রোম হান্ননা থবক হৌখ্রে। মতম অমদা ইচিক চিক্না লৈরম্বা ত্রাইবেল খুঙ্গংশিং ঙসিদি রিংতোনশিংনা নীল্লে। মোবাইল ফংবা অসিনা হিরম কয়াদা মীয়ামদা মতেং পাংলে। মসি খুন্নাইগী অচুম্বনি। মসি সবকা সাথ, সবকা বিকাসনি।
প্রধান মন্ত্রীনা মখা তানা হায়খি ঙসি ছতিসগর ইকোনোমিক কোরিদোর অনিগা শম্নরে। রাইপুর-ধানবাদ ইকোনোমিক কোরিদোর অমসুং রাইপুর-ভিশাখাপত্নম ইকোনোমিক কোরিদোরনা লমদম অসিগী শেন-থুমগী ফিবম ফগৎহল্লগনি। মতম অমদা চাউখৎলমদবা, হিংশাগী মফম অমা ওইরম্বা এস্পিরেসনেল দিস্ত্রিকশিং ফাওদুনা ইকোনোমিক কোরিদোরশিংনা ফাওদুনা চৎলি। ঙসি উরেপ-উয়ুং তম্লিবা রাইপুর-ভিশাখাপত্নম ইকোনোমিক কোরিদোর অসি লমদম অসিগী অনৌবা হিংনবা লম্বী অমা ওইরগনি অমসুং রাইপুরদগী ভিশাখাপত্নম ফাওবগী অরাপ্পা তঙ্খাইদা হন্থরগনি।
মহাক্না হায়খি লেন ৬গী লম্বীনা ফৌ য়াম্না থোকপা ধামতারি, বাউসাইক্স থোকপা কানকার অমসুং খুৎ-শাগী পোৎথোকশিং য়াম্না পুথোকপা কোন্দাগাউনগা লৈবাক্কী অতোপ্পা মফমশিংগা শম্নরগনি। উমং ফাওদুনা চৎলিবা লম্বী অসিদা লম্লক্কী শাশিং খুদোংচানবা তেনেলশিং অমসুং শাশিং ফাওদুনা চৎনবা খুদোংচাবশিং শেমগৎপদা প্রধান মন্ত্রীনা থাগৎপা ফোঙদোকখি। শ্রী মোদীনা হায়খি দাল্লি রাজহারাদগী জাগদালপুর ফাওবগী রেল লাইন অমসুং অন্তগরদগী রাইপুর ফাওবগী ত্রেন সর্বিস অসিনা মনুং হুঞ্জিনবা মফমশিংদা চৎপদা লাইহল্লগনি।
প্রধান মন্ত্রীনা হায়খি মহৌশাগী লন ফংবা মফমদা উদোগশিং হেন্না লিংখৎনবা অমসুং অনৌবা খুদোংচাবশিং শেমগৎনবা সরকারনা থবক পায়খৎলে। হৌখিবা চহি ৯দা মাইকৈ অসিদা পায়খৎখিবা থবকশিংনা ছতিসগরদা ইন্দস্ত্রিগী থবকশিং চাউখৎহল্লে। মাইন্স অমসুং মিনরেল এক্ততা অহোংবা পুরকপদগী রোয়ালিতিগী মওংদা ছতিসগরনা অহেনবা ফন্দশিং ফংবা হৌরে। ২০১৪গী মমাঙদা, ছতিসগরনা লুপা করোর ১৩০০ রোয়ালতি ওইনা ফংখি অদুগা ২০১৫-১৬দগী ২০২০-২১ ফাওবগী মনুংদা লুপা করোর ২৮০০ ফংখি। দিস্ত্রিক মিনিরেল ফন্দ হেনগৎলকপদগী মিনরেল মরাং কাইনা ফংবা জিলাশিংদা চাউখৎ-থৌরাংগী থবকশিং য়াংনা পায়খৎলে। অঙাংশিংগী স্কুলশিং, লাইব্রেরিশিং, লম্বীশিং, ঈশিং পীনবা থবকশিংদা হৌজিক দিস্ত্রিক মিনরেল ফন্দ শীজিন্নরে।
ছতিসগরদা হাংদোকপা জন ধন বেঙ্ক একাউন্ত করোর ১.৬০ হেনবদা লুপা করোর ৬০০ হেন্না থমজিল্লে হায়না ফোঙদোক্লদুনা প্রধান মন্ত্রীনা হায়খি শেনফমশিং অসি লায়রবা ইমুংশিং, লৌমীশিং অমসুং শিন্মীশিংগীনি। লায়রবশিংনা সরকারদগী মতেং লৌবদা জন ধন একাউন্তশিংনা মতেং পাংলি। মুদ্রা য়োজনাগী মখাদা ছতিসগরগী নহারোলশিংদা লুপা করোর ৪০,০০০ হেনবগী লোনশিং পীদুনা ছতিসরগী নহারোলশিং থবক ফংনবা অমসুং মশানা মশাবু থবক পীজনবা খুদোংচাবা কয়া পীরি। কোরোনা মনুংদা লৈবাক অসিদা অপীকপা উদোগশিং মতে পাংনবা সরকারনা লুপা করোর লাখ কয়াগী অখন্নবা স্কিম অমা হৌদোকখি অমসুং ছতিসগরগী ইন্তরপ্রাইজ লাখ ২ রোম মতেং পাংনবা লুপা করোর ৫০০০ পীখি।
প্রধান মন্ত্রীনা হায়খি ছতিসগরদগী লাকপা বেনিফিসরি লিশিং ৬০ হেনবদা পি.এম শ্বানিধি য়োজনাগী মখাদা গরেন্তি য়াওদনা লোনশিং পীখ্রে। এম.এন.আর.ই.জি.এগী মখাদা খুঙ্গংশিংদা থবক পীনবা ছতিসগরদা সরকারনা লুপা করোর ২৫০০ পীখ্রে।
রাজ্য অসিগী হোস্পিতাল ১৫০০ হেনবদা লায়রবশিং চহি অমদা লুপা লাখ ৫ ফাওবা লেম্না লায়য়েংনবা অয়ুস্মান কার্দ লাখ ৭৫ বেনিফিসরিশিংদা য়েন্থোকখ্রে। লায়রবশিং, ত্রাইবেলশিং, দলিত ইমুংশিং মতেং পাংনবা অয়ুস্মান ভারত য়োজনা লাকপদা প্রধান মন্ত্রীনা অপেনবা ফোঙদোকখি। ছতিসগরগী ইমুং খুদিংমক চপ মান্নবা খুদোংচাবা পীগনি হায়না অরোইবদা প্রধান মন্ত্রীনা ফোঙদোকখি।
থৌরম অদুদা ছতিসগরগী রাজ্যপাল শ্রী বিশ্বাভুসন হরিচন্দন, ছতিসগরগী চীফ মিনিস্তর শ্রী ভুপেস ভাঘেল, ছতিসগরগী দিপুতি চীফ মিনিস্তর শ্রী তি.এস সিংহ দিও, রোদ ত্রান্সপোর্ত অমসুং হায়ৱেজগী য়ুনিয়ন মিনিস্তর শ্রী নিতিন গাদকরি, হেল্থ অমসুং ফেমিলি ৱেলিফয়ারগী য়ুনিয়ন মিনিস্তর দোক্তর মনসুখ মন্দাবিয়া অমসুং এম.পিশিং শরুক য়াখি।
নুঙগীৱারোল
ইনফ্রাস্ত্রকচর চাউখৎনবা অচৌবা থৌরাং অমদা, প্রধান মন্ত্রীনা লুপা করোর ৬,৪০০ রোমগী ছতিসগরদা নেসনেল হায়ৱে প্রোজেক ৫ কৎথোকখ্রে অমসুং উরেপ-উয়ুং তমখ্রে। মীয়ামদা কৎথোকখিবা প্রোজেকশিংগী মনুংদা জবলপুর-জগদালপুর নেসনেল হায়ৱেদা রাইপুরদগী কোদেবোর সেক্সন্দা কিলোমিতর ৩৩ শাংবা লেন-৪ শেমগৎপা য়াওরি। মসিনা তুরিজম চাউখৎহনবগী মথক্তা জগদালপুর ময়াদা স্তিল প্লান্তশিংগী শেম-শারবা পোৎথোকশিং পুথোক পুশিন খুদোংচাহনগনি। এন.ঐচ-১৩০গী বিলাসপুরদগী অম্বিকাপুর সেক্সনগী কিলোমিতর ৫৩গী বিলাসপুর-পাথ্রাপালি পরিং প্রধান মন্ত্রীনা মীয়ামদা কৎথোকখি। মসিনা ছতিসগর অমসুং উত্তর প্রদেসকী মরক্তা চৎথোক-চৎশিন অমসুং নক্নবা মফমশিংদগী কোয়লা পুথোক-পুশিনগী থবক হেনগৎহনগনি।
৬-লেন গ্রিনফিল্দ রাইপুর-ভিশাখাপত্নম কোরিদোরগী ছতিসগর সেক্সনগী নেসনেল হায়ৱে প্রোজেক ৩ প্রধান মন্ত্রীনা উরেপ-উয়ুং তমখি। হায়রিবা প্রোজেকশিং অসিগী মনুংদা এন.ঐচ-১৩০ সি.দিদা কিলোমিতর ৪৩ শাংবা লেন-৬গী ঝানকি-সারগি সেক্সন শেমগৎপা; এন.ঐচ-১৩০ সি.দিদা কিলোমিতর ২৫ শাংবা লেন-৬ বসানৱাহি-মরাঙপুরি সেক্সন শেমগৎপা য়াওরি। প্রোজেক অসিগী মরুওইবা শরুক্তি উদান্তি ৱাইল্দলাইফ সেঙ্কচুরি এরিয়াদা লম্লক্কী শা-উচেকশিং অপনবা লৈতনা চৎথোক-চৎশিন য়ানবা এনিমেল পাস ২৭ অমসুং মংকি কেনোপি ১৭ য়াওবা কিলোমিতর ২.৮ শাংবা লেন-৬গী তন্নেল অমা য়াওরি। হায়রিবা প্রোজেকশিং অসিনা ধামতারিদা ফৌগী মিলশিং অমসুং কানকারদা বাউসাইদ মরাং কাইনা ফংবা মফমশিং হেন্না চৎথোক-চৎশিন নুংঙাইহনগনি অমসুং লমদম অসিগী শেন-থুমগী ফিবম ফগৎহনগনি।
লুপা করোর ৭৫০ চঙনা পায়খৎখিবা কিলোমিতর ১০৩ শাংবা রাইপুর-খারিয়ার রোদ রেল লাইন দব্লিংগী থবক প্রধান মন্ত্রীনা মীয়ামদা কৎথোকখি। মসিনা ছতিসগরদা হিথাংফমশিংদগী উদোগশিংগী কোয়লা, স্তিল, হার অমসুং অতোপ্পা পোৎলমশিং পুথোক-পুশিনগী থবক লাইহল্লগনি। কেওতি-অন্তগর শম্নবা কিলোমিতর ১৭গী অনৌবা রেলৱে লাইনসু প্রধান মন্ত্রীনা মীয়ামদা কৎথোকখি। লুপা করোর ২৯০ চঙনা পায়খৎপা অনৌবা রেলৱে লাইন অসিনা দাললি রাজহারাগী আইরন ওর মাইনশিংগা ভিলাই স্তিল প্লান্তগা শম্নহনগনি অমসুং অশুকপা উমংশিং ফাওরগা খা থংবা ছতিসগরগী মনুং হুঞ্জিনবা মফমশিংগা শম্নগনি।
কোর্বদা লুপা করোর ১৩০ চঙনা শাবা চহি অমদা মেত্রিক তন লিশিং ৬০ কেপাসিতি লৈবা ইন্দিয়ান ওইল কোর্পোরেসনগী বোত্তলিং প্লান্ত অমা প্রধান মন্ত্রীনা মীয়ামদা কৎথোকখি। মহাক্না ভিদিও লিঙ্কগী খুৎথাংদা অন্তগর-রাইপুর ত্রেন লমথাখ্রে। তুংদা প্রধান মন্ত্রীনা অয়ুস্মান ভারতকী মখাদা বেনিফিসরিশিংদা কার্দ লাখ ৭৫ রোম য়েন্থোকপা হৌখি।
छत्तीसगढ़ की विकास यात्रा में आज का दिन बहुत बड़ा है। pic.twitter.com/k9dPPKcREk
— PMO India (@PMOIndia) July 7, 2023
आज भारत उन क्षेत्रों में आधिक इंफ्रास्ट्रक्चर विकसित कर रहा है, जो विकास की दौड़ में पीछे रह गए। pic.twitter.com/0n8vp83MlH
— PMO India (@PMOIndia) July 7, 2023
आधुनिक इंफ्रास्ट्रक्चर का संबंध सामाजिक न्याय से भी है। pic.twitter.com/gHueRunyEe
— PMO India (@PMOIndia) July 7, 2023
आज छत्तीसगढ़ दो-दो इकॉनॉमिक कॉरिडोर से जुड़ रहा है। pic.twitter.com/ffgu4a0m20
— PMO India (@PMOIndia) July 7, 2023
