পি.এম কিষান সমরিদ্ধি কেন্দ্র লাখ ১.২৫ মীয়ামদা কৎথোকখ্রে
পি.এম-কিষানগী মখাদা লুপা করোর ১৭,০০০ রোমগী ১৪শুবা ইন্সতোলমেন্তশিং য়েন্থোকখ্রেফার্মর প্রদুসর ওর্গনাইজেসন ১৫০০ ওপন নেতৱার্ক ফোর দিজিতেল কম্মর্স(ও এন দি সি)দা শরুক য়াবগী থবক হৌদোকখ্রেয়ুরিয়া গোল্দ-সলফর তৈরবা য়ুরিয়া হৌদোকখ্রেঅনৌবা মেদিকেল কলেজ মঙা শঙ্গাখ্রে অমসুং মেদিকেল কলেজ তরেৎ উরেপ-উয়ুং তমখ্রে“কেন্দ্র সরকারনা লৌমীশিংগী অৱাবশিং অমসুং দরকার ওইবশিং খঙই”“সরকারনা ঐখোয়গী লৌমীশিংদা য়ুরিয়া মমলগী অৱাবা লৈহল্লোই। লৌমী অমনা য়ুরিয়া লৈবা চৎপা মতমদা, মোদীগী গরেন্তি অমা মহাক্না থাজৈ”“চাউখৎলবা খুঙ্গংশিং ওইরবা মতমদা ভারত চাউখৎপা ঙমগনি”“ঐখোয়গী পান্দমদি রাজস্থান্দা অনৌবা ইনফ্রাস্ত্রকচর শেমগৎপনি”“ঐখোয়গী মালেম শীনবা থুংনা রাজস্থানগী চাউথোকচবা অমসুং হেরিতেচগী অনৌবা মশক অমা তাক্কনি”ঙসি প্রধান মন্ত্রী শ্রী নরেন্দ্র মোদীনা রাজস্থানগী সিকারদা তোঙান-তোঙানবা চাউখৎ-থৌরাংগী প্রোজেকশিং উরেপ-উয়ুং তমখ্রে অমসুং মীয়ামদা কৎথোকখ্রে। প্রোজেকশিং অদুগী মনুংদা পি.এম কিষান সমরিদ্ধি কেন্দ্র লাখ ১.২৫ মীয়ামদা কৎথোকপা, সলফর তৈরবা অনৌবা মখলগী য়ুরিয়া-য়ুরিয়া গোল্দ হৌদোকপা, ফার্মর প্রদুসর ওর্গনাইজেসন ১৫০০ ওপন নেতৱার্ক ফোর দিজিতেল কম্মর্স(ও এন দি সি)দা শরুক য়াহনবা, পি.এম-কিষানগী মখাদা লুপা করোর ১৭,০০০ রোমগী ১৪শুবা ইন্সতোলমেন্তশিং য়েন্থোকপা, চিত্তোগর, ধোলপুর, সিরোহি, সিকার অমসুং শ্রী গঙ্গানগরদা অনৌবা মেদিকেল কলেজ মঙা শঙ্গাবা অমসুং বারান, বুন্দি, কারাওলি, ঝুনঝুনু, সাৱাই মাধোপুর, জয়সালমর অমসুং তোনকতা মেদিকেল কলেজ তরেৎ উরেপ-উয়ুং তম্বা, উদয়পুর, বনশ্বারা, পার্তাপগর অমসুং দুঙ্গারপুর জিলাশিংদা এক্লাভ্যা মোদেল রেসিদেন্সিএল স্কুল তরুক শঙ্গাবা অমসুং জোধপুরদা কেন্দ্র বিদ্যলয় তিভরিশু শঙ্গাবা য়াওরি।
থৌরম মফমদা থুংলবগা, প্রধান মন্ত্রীনা পি.এম কিষান সমরিদ্ধি কেন্দ্রগী নমুনা অমা য়েংখি। থৌরম অদুদা তিনখিবা মীয়ামদা ৱা ঙাংবদা, লৈবাক্কী মফম কয়াদগী থৌরম অসি শরুক য়ারিবা লৌমীশিং ইকায়খুম্নবা উৎলদুনা প্রধান মন্ত্রীনা হায়খি খাতু শ্যাম জিগী লৈবাক অসিনা ভারতকী মফম কয়াদগী লাই খুরুম্বা লাকপশিং অমুক হন্না থাজবা পীরি। খেখৱাতকী অথৌবশিংগী লমদম অসিদগী তোঙান-তোঙানবা চাউখৎ-থৌরাংগী প্রোজেকশিং হৌদোকপগী খুদোংচাবা অমা ফংবা অসিদা হরাওই। লৌমীশিংগী য়াইফনবা পি.এম কিষান সম্মান নিধিগী মখাদা ইন্সতোলমেন্ত দাইরেক্ত ওইনা পীখ্রে।
লৈবাক অসিদা পি.এম কিষান সামরিদ্ধী কেন্দ্র লাখ ১.২৫ হেন্না কৎথোকপা অসিনা খুঙ্গং অমসুং ব্লোক থাক্তা লৌমী করোর কয়া কান্নবা ফংলগনি। ফার্মর প্রদুসর ওর্গনাইজেসনশিং ওপন নেতৱার্ক ফোর দিজিতেল কম্মর্স(ও এন দি সি)দা শরুক য়াবা অসিনা লৌমীশিংনা লৈবাক্কী মফম অমদগী হেক্তা মখোয়গী পোৎথোকশিং কৈথেলদা য়ৌহনবদা লাইহল্লগনি। ঙসিগী চাউখৎ-থৌরাংগী প্রোজেকশিং অসিনা লৈবাক অসিগী মীয়াম অমসুং লৌমী কয়া কান্নবা পীরগনি।
সিকার অমসুং সেখাৱাত লমদমগী লৌমীশিংগী মরুওইবা শিংথারদুনা প্রধান মন্ত্রীনা হায়খি লমদম অসিগী লম্মিৎ-তুমিৎ অসি খুদোংচাদবা কয়া লৈরবসু মখোয়না থবক কন্না শুবা অসিগীদমক ইকায়খুম্নবা উৎচরি। হৌজিক কেন্দ্রদা লৈরিবা সরকার অসিনা লৌমীশিংগী অৱাবশিং অমসুং দরকার ওইবশিং খঙই। হৌখিবা চহি ৯দা মরুদগী হৌরগা কৈথেল ফাওবগী অনৌবা থবকশিং পায়খৎলে। ২০১৫দা সুরতগরদা সোইল হেল্থ কার্দ হৌদোকখি। স্কিম অসিগী মখাদা, লৌমী করোর কয়া লৈবাক-লৈহাওগী ফিবমগী মতাংদা য়ুম্ফম ওইবা লৌশিংনা অচুম্বা ৱারেপশিং লৌবা ঙমহল্লে।
প্রধান মন্ত্রীনা হায়খি পি.এম কিষান সামরিদ্ধী কেন্দ্র লাখ ১.২৫না লৌমীশিং য়াইফনবা লম্বী শেমগনি। লৌমীশিংগী দরকার ওইবশিং মফম অমদা পুন্না ফংহন্নবা প্রধান মন্ত্রীনা পি.এম কিষান সমরিদ্ধি কেন্দ্রশিং লিংখৎপনি। লৌমীশিংদা হারশিং, মরু-মরাংশিং, খুৎলায়শিং, লৈবাক-লৈহাও চাংয়েং তৌনবগী খুদোংচাবা অমসুং সরকারগী তোঙান-তোঙানবা স্কিমশিংগী ই-পাউশিং ফংহন্নবা খুদোংচাবশিং প্রধান মন্ত্রীনা পি.এম কিষান সমরিদ্ধি কেন্দ্রনা লৈবাক অসিগী লৌমীশিংদা পীগনি। লৌমীশিংনা কেন্দ্রশিংদা চৎকদবনি অমসুং মফম অদুদা ফংলরিবা লৌশিংগী কান্নবা লৌগদবনি। চহি অসি লোইদ্রিঙৈ মমাঙদা অহেনবা পি.এম কিষান কেন্দ্র সামরিদ্ধী কেন্দ্র লাখ ১.৭৫ লিংখৎকনি।
প্রধান মন্ত্রীনা হায়খি লৌমীশিংগী চাদিং হন্থহন্নবা হৌজিক পাল্লিবা সরকার অসিনা থবক পায়খৎলি অমসুং মখোয়গী দরকার ওইরকপা মতমদা মখোয়গী মতেং পাংলি। পি.এম কিষান সম্মান নিধি অসি লৌমীশিংগী বেঙ্ক একাউন্তশিংদা হকথেংননা ফন্দশিং পীবা মালেমদা খ্বাইদগী চাউবা স্কিম্নি। হৌজিক ফাওবদা লৌমীশিংগী বেঙ্ক একাউন্তশিংদা লুপা করোর লাখ ২.৬০ হেন্না হকথেংননা পীখ্রে অমসুং করিগুম্বা ঙসিগী ১৪শুবা ইন্সতোলমেন্ত অসি থারবদি লৌমীশিংনা তোঙান-তোঙানবা চাদিং তৌবা ঙম্লগনি। লৈবাক অসিগী য়ুরিয়াগী মমল অসি সরকারনা লৌমীশিংগী চাদিং হন্থহনবগী খুদম অমনি।
কোরোনাভাইরস লাইচৎ অমসুং রুসিয়া-য়ুক্রেন লালনা হার ফংহনবগী থবকশিংদা অচৌবা চৈথেং পীরিবা অসিগী মতাংদা প্রধান মন্ত্রীনা হায়খি হৌজিক পাল্লিবা সরকার অসিনা মসিগী অৱাবা লৈবাক অসিগী লৌমীশিংদা ফংহন্দ্রে। ভারত্তা য়ুরিয়া বেগ অমদা লুপা ২৬৬ পীবা মতমদা, পাকিস্তান্দা লুপা ৮০০, বাংলাদেসতা লুপা ৭২০, চাইনাদা লুপা ২১০০ অমসুং য়ু.এস.এদা লুপা ৬০০০ পীরি। সরকারনা ঐখোয়গী লৌমীশিংদা য়ুরিয়া মমলগী অৱাবা লৈহল্লোই। লৌমী অমনা য়ুরিয়া লৈবা চৎপা মতমদা, মোদীগী গরেন্তি অমা মহাক্না থাজৈ।
মিল্লেত য়োকখৎপা অমসুং মিল্লেতশিং শ্রী অন্ন হায়না মমিং থোনবগী মতাংদা প্রধান মন্ত্রীনা হায়খি শ্রী অন্ন য়োকখৎপদগী মসি পুথোকপা অমসুং শেম-শাবা অমসুং মপান্দা থাদোকপা হেনগৎলে। মহাক্না হন্দক য়ু.এস.এদা চৎলুবা খোঙচৎ অদুদা হবাইদ হাওসনা শীনবা চাক্লেন অমদা মিল্লেতশিংগী মথেলশিং য়াওখি।
প্রধান মন্ত্রীনা হায়খি খুঙ্গংশিং চাউখৎলবা মতমদা ভারত চাউখৎপা ঙমগনি। মরম অদুনা সহরশিংদগী থাপ্না লৈবা খুঙ্গংশিংদা খুদোংচাবা খুদিংমক ফংহন্নবা সরকারনা থবক পায়খৎলি। চহি ৯গী মমাঙদা রাজস্থান্দা মেদিকেল কলেজ ১০ খক লৈরমখি। ঙসিদি মশিং ৩৫ য়ৌরে। মসিনা অনকপা মফমশিংদা মেদিকেলগী খুদোংচাবশিং ফগৎহল্লে অমসুং মেদিকেল মহৈরোয়শিংদা মগুন লৈবা মেদিকেল ইজুকেসন ফংহল্লে। ঙসি শঙ্গারিবা অমসুং উরেপ-উয়ুং তম্লিবা মেদিকেল কলেজশিং অসিনা রাজ্য অসিগী মফম কয়াদা মেদিকেল ইনফ্রাস্ত্রকচর ফগৎহল্লগনি। মেদিকেল ইজুকেসন ফংহনবগা লোয়ননা, ইমা লোলদা মেদিকেল ইজুকেসন পীনবা থবকশিং পায়খৎলে। হৌজিক লায়রবা মীওই অমগী মচানুপা নত্ত্রগা মচানুপী অমা ইংলিস হৈতবনা মরম ওইদুনা দোক্তর অমা ওইবা ঙমদবা অদু লৈররোই। মসি মোদীগী থাজবনি।
প্রধান মন্ত্রীনা হায়খি চহি কয়া খুঙ্গংশিংদা অফবা স্কুলশিং লৈতদবগী খুঙ্গংশিং অমসুং লায়রবশিং শোৎথনা লৈরমখি অমসুং চাউখৎত্রিবা অমসুং ত্রাইবেল ফুরুপশিংগী অঙাংশিং মখোয়গী মঙলানশিং মঙফাওননবা পাম্বৈ অমতা লৈরমদে। হৌজিক সরকারনা ইজুকেসনগী বজেত হেনগৎহল্লে অমসুং এক্লাভ্য রেসিদেন্সিএল স্কুলশিং লিংখৎতুনা ত্রাইবেল নহারোলশিংদা কান্নবা পীরে।
প্রধান মন্ত্রীনা হায়খি অচৌবা মঙলানশিং মঙলবা মতম খক্তদা চাউনা মাইপাকপা ঙম্মী। রাজস্থান অসি চহিচা কয়া মালেম অসি অঙকপা পোকহনখিবা রাজ্য অমনি। রাজস্থানগী অনৌবা চাউখৎ-থৌরাং পায়খৎপা মতমদা লমদম অসিগী হেরিতে ঙাক-শেনগদবনি। ঐখোয়গী পান্দমদি রাজস্থান্দা অনৌবা ইনফ্রাস্ত্রকচর শেমগৎপনি। হৌখিবা থা খরগী মমাঙদা হায়-তেক এক্সপ্রেৱে অনি শঙ্গাখ্রে অমসুং দিল্লি-মুম্বাই এক্সপ্রেসৱে অমসুং অমৃতশর-জামনগর এক্সপ্রেসৱেগী অচৌবা শরুক অমা ফাওদুনা রাজস্থান্না চাউখৎপগী অনৌবা যুগ অমা হৌরে। রাজ্য অসিদগী বন্দে ভারত এক্সপ্রেস ত্রেন চেনবা হৌরে। সরকারনা তুরিজমগা মরী লৈনবা ইনফ্রাস্ত্রকচরশিং শেমগৎনবা শেন থাদরে অমসুং মসিনা রাজ্য অসিদা অনৌবা খুদোংচাবা কয়া পীরগনি। রাজস্থান্না “ঐখোয়গী লমদা লাক্লো” হায়না কৌরকপদা এক্সপ্রেসৱে অমসুং অফবা রেলগী খুদোংচাবশিংনা লমকোয়বশিংদা খুদোংচাবা পীগনি। শ্বাদেস দর্সন স্কিমগী মখাদা খাতু শ্যাম জি লাইশঙ শেমগৎ-শাগৎপগী থবকশিং পায়খৎলে। ঐখোয়গী মালেম শীনবা থুংনা রাজস্থানগী চাউথোকচবা অমসুং হেরিতেচগী অনৌবা মশক অমা তাক্কনি।
মশা ঙমদবগী থৌরম অসি শরুক য়াবা লাকখিদবা রাজস্থানগী চীফ মিনিস্তর শ্রী অসোক গেহলোতকী মফমদা প্রধান মন্ত্রীনা মহাক হকচাং ফগৎনবা য়াইফ-পাউজেল পীখি।
ঙসিগী থৌরম অদুদা এগ্রিকলচর অমসুং ফার্মরস ৱেলফিয়ারগী য়ুনিয়ন মিনিস্তর শ্রী নরেন্দ্র সিংহ তোমার, জল শক্তিগী য়ুনিয়ন মিনিস্তর শ্রী গাজেন্দ্র সিংহ সেখাৱাত, হেল্থ অমসুং ফেমিলি ৱেলফিয়ারগী য়ুনিয়ন মিনিস্তর শ্রী মনসুখ মন্দাবিয়া, লো অমসুং জর্জতিসকী য়ুনিয়ন মিনিস্তর শ্রী অর্জুন রাম মেঘাৱাল, এগ্রিকলচর অমসুং ফার্মরস ৱেলফিয়ারগী রাজ্য মন্ত্রী শ্রী কাইলাস চৌধুরি শরুক য়াখি।
নুঙগীৱারোল
লৌমীশিং কান্নগদবা মরুওইবা খোঙথাং অমদা, প্রধান মন্ত্রীনা পি.এম কিষান সমরিদ্ধি কেন্দ্র লাখ ১.২৫ মীয়ামদা কৎথোকখ্রে। লৌমীশিংগী দরকার ওইবশিং মফম অমদা পুন্না ফংহন্নবা প্রধান মন্ত্রীনা পি.এম কিষান সমরিদ্ধি কেন্দ্রশিং লিংখৎপনি। লৌমীশিংদা হারশিং, মরু-মরাংশিং, খুৎলায়শিং, লৈবাক-লৈহাও চাংয়েং তৌনবগী খুদোংচাবা অমসুং সরকারগী তোঙান-তোঙানবা স্কিমশিংগী ই-পাউশিং ফংহন্নবা খুদোংচাবশিং প্রধান মন্ত্রীনা পি.এম কিষান সমরিদ্ধি কেন্দ্রনা লৈবাক অসিগী লৌমীশিংদা পীগনি। কেন্দ্রশিং অসিনা ব্লোক/দিস্ত্রিক লেবেল আউতলেতশিংদা হার চোইনা য়ৌনবা দুকানশিংদা চাং নাইনা ত্রেনিং পীগনি।
প্রধান মন্ত্রীনা সলফর তৈরবা অনৌবা মখলগী য়ুরিয়া-য়ুরিয়া গোল্দ হৌদোকখ্রে। সলফর তৈরবা য়ুরিয়া হৌদোকপা অসিনা লৈবাক-লৈহাওদা য়ুরিয়া ৱাৎপা কোকহনবা ঙমগনি। মসিগী অনৌবা হার অসিনা মসিনা নিম তৈরবা য়ুরিয়াদগী হেন্না মমল হোংবা অমসুং কান্নবা হেনগনি অমসুং পাম্বীশিংনা নাইত্রোজেন লৌশিনবা হেনগৎহনগনি, হার য়াম্না চাইবা হন্থহনগনি অমসুং মহৈ-মরোংগী মহাও হেনগৎহনগনি।
থৌরম অদুদা, ফার্মর প্রদুসর ওর্গনাইজেসন ১৫০০ ওপন নেতৱার্ক ফোর দিজিতেল কম্মর্স(ও এন দি সি)দা শরুক য়াবগী থবক প্রধান মন্ত্রীনা হৌদোকখ্রে। ও.এন.দি.সিনা এফ.পি.ওশিংদা দিজিতেল মার্কেত্তিং, ওনলাইন পেমেন্ত, বিজিনেস-তু-বিজিনেস অমসুং বিজিনেস-তু-কঞ্জুমর ত্রান্সসেক্সনশিং, মফম অমগী পোৎথোকশিং মগুন হেনগৎহনবা, খুঙ্গংগী শরুকশিংদা পোৎ-চৈ পুথোক পুশিনগী থবকশিং ফগৎহনবগী খুদোংচাবা পীগনি।
লৌমীশিংগী য়াইফনবা প্রধান মন্ত্রীনা পায়খৎলিবা থবকশিংগী অতোপ্পা খুদম অমা ওইনা, প্রধান মন্ত্রীনা সিকারদা পি.এম-কিষানগী মখাদা লুপা করোর ১৭,০০০ রোমগী ১৪শুবা ইন্সতোলমেন্তশিং য়েন্থোকখ্রে। শেনফমশিং অদু দি.বি.তিগী খুৎথাংদা বেনিফিসরি করোর ৮.৫ হেনবদা ত্রান্সফর তৌখ্রে।
প্রধান মন্ত্রীনা চিত্তোগর, ধোলপুর, সিরোহি, সিকার অমসুং শ্রী গঙ্গানগরদা অনৌবা মেদিকেল কলেজ মঙা শঙ্গাখিবা অমসুং বারান, বুন্দি, কারাওলি, ঝুনঝুনু, সাৱাই মাধোপুর, জয়সালমর অমসুং তোনকতা মেদিকেল কলেজ তরেৎ উরেপ-উয়ুং তমখিবা অসিনা রাজস্থান্দা অনা-লায়য়েংগী মচাক-মথুমশিং হেনগৎলকপা উরগনি। হৌজিক লৈরিবা দিস্ত্রিক/রিফরেল হোস্পিতালশিংদা অনৌবা মেদিকেল কলেজশিং লিংখৎনবা কেন্দ্র সরকারগী স্কিমগী মখাদা অনৌবা মেদিকেল কলেজশিং লিংখৎকদবনি। প্রধান মন্ত্রীনা শঙ্গাখিবা মেদিকেল কলেজ মঙা অসি লুপা করোর ১৪০০ হেন্না চঙনা শেমগৎপনি অমসুং উরেপ-উয়ুং তমখিবা মেদিকেল কলেজ তরেৎ অসিনা লুপা করোর ২২৭৫ চঙনা পায়খৎকদবনি। ২০১৪ ফাওবদা, রাজস্থান্দা শুপ্নগী মেদিকেল কলেজ ১০ খক লৈখি। কেন্দ্র সরকারনা হোৎনবদগী, রাজ্য অসিদা মেদিকেল কলেজ ৩৫দা হেনগৎলে। অনৌবা মেদিকেল কলেজ ১ লিংখৎপদগী রাজ্য অসিদা এম.বি.বি.এস সিত মশিং ১৭৫০ লৈরম্বদগী সিত ৬২৭৫দা হেনগৎলগনি। মসি চাদা ২৫৮ হেনগৎপা অমনি।
মখা তানা প্রধান মন্ত্রীনা উদয়পুর, বনশ্বারা, পার্তাপগর অমসুং দুঙ্গারপুর জিলাশিংদা এক্লাভ্যা মোদেল রেসিদেন্সিএল স্কুল তরুক শঙ্গাখি অমসুং স্কুলশিং অসিনা হায়রিবা জিলাশিং অসিগী ত্রাইবেলশিংদা কান্নবা পীগনি। মহাক্না থৌরম অদুদা জোধপুরদা কেন্দ্র বিদ্যলয় তিভরিশু শঙ্গাখি।
हमारी सरकार देश के किसान के साथ कंधे से कंधा मिलाकर खड़ी है: PM @narendramodi pic.twitter.com/sOlGQxNsvZ
— PMO India (@PMOIndia) July 27, 2023
हमने बीज से बाजार तक किसानों के लिए नई व्यवस्थाएं बनाई हैं: PM @narendramodi pic.twitter.com/eYCeLgcMX6
— PMO India (@PMOIndia) July 27, 2023
प्रधानमंत्री किसान समृद्धि केंद्र - किसानों के लिए वन स्टॉप सेंटर। pic.twitter.com/AD6JnAedaw
— PMO India (@PMOIndia) July 27, 2023
आज हमारी सरकार भारत के गावों में हर वो सुविधा पहुंचाने का काम कर रही है, जो शहरों में मिला करती है: PM @narendramodi pic.twitter.com/seMNdUS3UW
— PMO India (@PMOIndia) July 27, 2023
श्री @ashokgehlot51 जी,
— PMO India (@PMOIndia) July 27, 2023
प्रोटोकॉल के अनुसार आपको विधिवत आमंत्रित किया गया था और आपका भाषण भी रखा गया था। लेकिन आपके ऑफिस ने बताया कि आप शामिल नहीं हो पाएंगे।
प्रधानमंत्री @narendramodi की पिछली यात्राओं के दौरान भी आपको हमेशा आमंत्रित किया गया है और आपकी गरिमामयी उपस्थिति भी… pic.twitter.com/6MxBLmwcWq
