প্রধান মন্ত্রী শ্রী নরেন্দ্র মোদীনা ঙসি ভিদিও কনফরেন্সকী থোংদা ওরিশাদা লুপা করোর ৮০০০ হেনবা তোঙান-তোঙানবা রেলৱে প্রোজেক্তশিং উরেপ-উয়ুং তমখ্রে অমসুং জাতিদা কত্থোকখ্রে। প্রোজেক্তশিং অসিদা পুরি অমসুং হাওরাগী মরক্তা ভন্দে ভারত এক্সপ্রেস লমথাবা, পুরি অমসুং কত্তক রেলৱে স্তেসনশিং নৌনা শেমগৎপগী উরেপ-উয়ুং তম্বা, ওরিশাদা ১০০% ইলেক্ত্রিফিকেসন তৌরবা রেল নেৎৱার্ক কত্থোকপা, সমবলপুর-তিৎলাগর রেল লাইন দব্লিং তৌবা, অঙ্গুল – সুকিন্দাগী মরক্তা অনৌবা ব্রোদ গেজ রেল লাইন; মনোহরপুর – রোর্কেলা – ঝারসুগুদা – জমগা শম্নরিবা থর্দ লাইন অমসুং বিচহুপলী – ঝার্তরভাগী মরক্তা অনৌবা ব্রোদ-গেজ লাইন য়াওরি।
থৌরম অদুদা ৱা ঙাংলদুনা প্রধান মন্ত্রীনা হায়খি ওরিশা অমসুং নোংচুপ বেঙ্গলগী মীয়ামদা মোদর্ন অমসুং এস্পিরেস্নেল ইন্দিয়াগী খুদ অমা ওইরিবা ভন্দে ভারত এক্সপ্রেস ঙসি খুদোল তম্লি। “ভারতকী খোঙজেল অমসুং খুমাং চাউশিনবা অসি ভন্দে ভারত ত্রেন্না মফম অমদগী অমদা চেনবা খুদিংদা উবা ফংই” হায়না ফোঙদোক্লদুনা প্রধান মন্ত্রীনা হায়খি মসিগী খোঙজেল অসি ওরিশা অমসুং নোংচুপ বেঙ্গোলদা হৌজিক উবা ফংখি। প্রধান মন্ত্রীনা হায়খি মসিনা পেসেঞ্জরশিংদা চত্থোক-চৎশিন তৌবগী এক্সপরিয়েন্স ফংহনবগা লোয়ননা চাউখৎ-খোঙচৎকী ৱাহন্থোক্তা মপুং ফানা অওনবা পুরক্লগনি। কোলকাতাদগী পুরিদা দর্শন তৌবগী চৎপা নত্ত্রগা হল্লকপা ওইবসু চত্থোক-চৎশিন তৌবগী মতম অসি হৌজিক পুং তরুক মখাইদা হন্থহল্লগনি মসিনা মতম মাংহল্লরোই অমদি বিজিনেসকী খুদোংচাবশিং পীবা হেনগৎলি অমসুং নহারোলশিংদা অনৌবা খুদোংচাবা পীরি হায়না প্রধান মন্ত্রীনা ফোঙদোকখি।
প্রধান মন্ত্রীনা হায়খি রেলৱে অসি অরাপ্পা মফমদা চৎপা পাম্বা মীওইশিংগী অহানবা চোইস অমসুং প্রাইওরিতী ওইরি অমসুং লমদম অসিদা লৈরিবা রেল লাইনশিং দবলিং তৌবা অমসুং ওরিশাদা চাদা ১০০ ইলেক্ত্রিফিকেসন তৌরবা রেল লাইনশিং কত্থোকপগা লোয়ননা ঙসি উরেপ-উয়ুং তমখিবা অতোপ্পা রেলৱেগী চাউখৎ-থৌরাংগী প্রোজেক্তশিংদা পুরি অমসুং কত্তক রেলৱে স্তেসনশিং নৌনা শেমগৎপা অমসুং মোদর্নাইজেসন তৌবা য়াওরি।
আজাদী কা অমৃত কালগী চহিচাগী মতাংদা পল্লদুনা প্রধান মন্ত্রীনা লৈবাক্কী য়ুনিতী অমসুং ইন্তিগ্রিতী মপাঙ্গল কনখৎহনবা মথৌ তাই হায়খি অমসুং করিগুম্বা লৈবাক অসিনা মপুং ফানা পুন্না লেপমিন্নরবদি লৈবাক্কী অপুনবা মতিক-ময়াইনা পন্দোম লোম্বা ঙমগনি। মহাক্না হায়খি ভন্দে ভারত এক্সপ্রেস অসি লৈবাক্কী চাউখৎ-থৌরাংগী ইঞ্জিন ওইরিবা অদুগুম্বা থাজবগী মমি অমনি অমরোমদা মসিনা ‘এক ভারত শ্রেস্থা ভারত’কী ৱাখল্লোন মাংদা পুরি। প্রধান মন্ত্রীনা হায়খি, “ইন্দিয়ন রেলৱেনা মীপুম খুদিংমকপু অমত্তা ওইবগী লিপুন্না শম্নহল্লি অমসুং পুনশিল্লি অমসুং ভন্দে ভারত এক্সপ্রেসনা চপ মান্নবা ৱাখল্লোনগা লোয়ননা মাংদা চংশিনগনি”। মহাক্না মখা তারদুনা হায়খি ত্রেন অসিনা পুরি অমসুং হাওরাগী মরক্তা স্পিরিচুএল অমসুং কলচরেল কন্নেক্সন মপাঙ্গল কনখৎহনগনি। প্রধান মন্ত্রীনা হায়খি লৈবাক্কী তোঙান-তোঙানবা রাজ্যশিংদা হান্নদগী চেল্লিবা ভন্দে ভারত ত্রেন তরা মঙানা লৈবাক্কী শেন্মীৎলোন্দা শাহৌ পীরি।
প্রধান মন্ত্রীনা হায়খি হন্দক্তা চাউনা খুদোংচাদ্রবা মালেমগী ওইরিবা ফীভম অসিদসু ভারতনা মাগী চাউখৎ-খোঙচৎকী খোঙজেলদা অহোংবা লৈহনখিদে। শ্রী মোদীনা খোঙচৎ অসিদা রাজ্য খুদিংমক্না শরুক য়াখিবা অসিবু থাগৎপা ফোঙদোকখি অমসুং লৈবাক অসিনা রাজ্য খুদিংমক্কা লোয়ননা মাংদা চংশিল্লি হায়খি। প্রধান মন্ত্রীনা হায়খি মমাংগী মতমশিংগী মান্নদবা মওংদা অনৌবা ভারতনা ইন্দিজিনস ওইনা তেক্নোলোজী পুথোক্লি অমসুং লৈবাক্কী কাচিন কোয়া খুদিংদা য়ৌহল্লি। ভন্দে ভারত ত্রেনশিংগী ইন্দিজিনস ওরিজিনশিংগী মতাংদা পল্লদুনা প্রধান মন্ত্রীনা হায়খি ভারতনা ৫জিগুম্বা তেক্নোলোজী অমসুং লাইচৎ মনুংদা ভেক্সিনশিং দিবেলপ তৌখি। মহাক্না হায় ইন্নোবেসনশিং অসি রাজ্য নত্ত্রগা সহর অমা খক্তগী ওইখিদে মসি চপ মান্নবা মওংদা লৈবাক শিনবা থুংনা য়ৌহনখি। মতৌ অসুম্না ভন্দে ভারতনা লৈবাক্কী কাচিন কোয়া পুম্নমক্তা য়ৌরি হায়না মহাক্না ফোঙদোকখি।
প্রধান মন্ত্রীনা হায়খি সবকা সাথ, সবকা বিকাসকী পোলিসীনা চাউখৎ-খোঙচৎতা শোত্থনা লৈহৌরবা রাজ্যশিং অসিদা কান্নবা পীরি। মহাক্না হায় ওরিশাদা রেলৱে স্কিমশিংগী বজেৎ অসি চাউনা হেনগৎহনখি। মহাক্না হায়খি ২০১৪গী মমাং চহি ১০দা রাজ্য অসিদা চহিগী ওইনা রেলৱে লাইন কিমি ২০ খক্তমক শেমখি, অমরোমদা ২০২২-২৩দা শুপ্নগী চহি অমদা কিমি ১২০ শাংবা লাইন শেমখি। মহাক্না হায়খি মতম শাংনা পন্দুনা লৈরুরবা খুরদা বোলাঙ্গির লাইন, অমসুং হরিসাসপুর-পরাদিপ লাইনগুম্বা প্রোজেক্তশিং অসি খোঙজেল য়াংনা লোইশিনখি।
ৱেস্ত বেঙ্গোলদা চপ মান্নবা মাইপাকপা অসি ফংনবা খোঙজেল য়াংনা থবক পাইখৎলি হায়না ফোঙদোক্লদুনা প্রধান মন্ত্রীনা হায়খি, “ওরিশা অসি রেল লাইনশিং চাদা ১০০ ইলেক্ত্রিফিকেসন তৌবা ঙমখিবা লৈবাক্কী রাজ্যশিংগী মনুংদা অমা ওইরি”। প্রধান মন্ত্রীনা হায় মসিনা ত্রেনগী খোঙজেল য়াংখৎহনবগা লোয়ননা ফ্রৈৎ ত্রেনশিংগী মতমসু কনবা ঙমখি। মহাক্না হায় মিনরেল মরাং কাইনা লৈবা রাজ্য ওইরিবা ওরিশানা রেল লাইনশিং ইলেক্ত্রিফিকেসন তৌবদগী চাউনা কান্নবা ফংলগনি, দিজল ইঞ্জিনশিংগী থোরকপা পোলুসন চাউনা হন্থহল্লগনি অমসুং রাজ্য অসিগী ইন্দস্ত্রী চাউখৎহনবদা মতেং পাংলগনি।
প্রধান মন্ত্রীনা কয়া তোইনা ঙাংনদবা ইনফ্রাস্ত্রকচরগী অতোপ্পা হীরম অমগী মতাংদসু ফোঙদোকখি। মহাক্না হায়খি ইনফ্রাস্ত্রকচরনা মীয়ামগী পুন্সি নুংঙাইহনবা খক্তা নত্তনা খুন্নাইদসু শক্তি পীরি। প্রধান মন্ত্রীনা হায়, “ইনফ্রাস্ত্রকচরগী অৱাৎপা লৈরবা মতমদা মীয়ামগী চাউখৎ-খোঙচৎ অসি শোত্থনা লৈহৌই। ইনফ্রাস্ত্রকচর চাউখৎলবা মতমদা চপ মান্ননা মীয়ামসু খোঙজেল য়াংনা চাউখৎপা ঙম্মি”। চাউখৎ-থৌরাংগী থৌশিলশিংগী মতাংদা পল্লদুনা প্রধান মন্ত্রীনা ওরিশাদা য়ুম লাখ ২৫ অমসুং ৱেস্ত বেঙ্গোলদা য়ুম লাখ ৭.২৫ য়াওনা য়ুমথোং করোর ২.৫ হেনবদা লেম্না মৈগী কন্নেক্সনশিং পীখিবা সরকারগী পি.এম. সৌভাগ্যা য়োজনাগী খুদম পীখি।
লৈবাক অসিদা এয়রপোর্তশিংগী মশিং অসি ৭৫দগী ঙসি ১৫০দা হেনগৎলে হায়না ফোঙদোক্লদুনা প্রধান মন্ত্রীনা লৈবাক্কী মীচম প্রজাশিংনা মখোয়গী এয়র ত্রেবেল এক্সপরিয়েন্স সোসিএল মেদিয়াদা শিয়র তৌরিবা তোঙান-তোঙানবা ফোতোগ্রাফ অমসুং ভিদিওশিংদা মীৎয়েং চীংশিনখি।
প্রধান মন্ত্রীনা হায়খি ইনফ্রাস্ত্রকচরগী লমদা ভারতকী মাইপাকপশিং অসি ঙসিগী নৈনবা হীরম অমা ওইরি। মহাক্না হায়খি ইনফ্রাস্ত্রকচরগীদমক লুপা করোর লাখ ১০ এল্লোকেৎ তৌরবা মতমদা থবক লাখ কয়া পীখি অমসুং রেলৱে অমদি হায়ৱে কন্নেক্তিবিতীনা ইজ ওফ ত্রেবেল ফংহনবগী মথক্তা লৌমীশিংবু অনৌবা মার্কেৎশিংগা, লমকোইবশিংবু অনৌবা লমথুংফমশিংগা অমসুং মহৈরোয়শিংবু মখোয়গী অপাম্বা কোলেজশিংগী শম্নবা ঙমহনখি।
প্রধান মন্ত্রীনা হায়খি লৈবাক অসিনা ‘জন শেবা হি প্রভু শেবা’ – মীয়ামগী শেবা হায়বা অসি ঈশ্বরগী শেবা তৌবনি হায়বগী ৱাখল্লোনগা লোয়ননা মাংদা চংশিল্লি। মহাক্না জগন্নাথগুম্বা মন্দিরশিং অমসুং পুরিগুম্বা লাইফমলেনশিংদা চহিচা কয়াদগী লায়রবা মীওই লিশিং কয়াদা প্রসাদ য়েন্দুনা পীজরিবা অসিগী মতাংদা পনখি। মহাক্না হায়খি চপ মান্নবা ৱাখল্লোন্দা পি.এম. গরিব কল্যান স্কিমগুম্বা থৌশিলনা মীওই করোর ৮০দা লেম্না রাসন পীরি অমসুং আয়ুশ্মান কার্দ, উজ্বলা, জল জীবন মিসন অমসুং পি.এম. আৱাজ য়োজনাগুম্বা স্কিমশিংদগী “ঙসি লায়রবশিংনা চহি কয়া ঙাইদুনা লাকখিবা তঙাই ফদবা খুদোংচাবশিং ফংবা ঙম্লে”।
রিসোর্সশিংগী অৱাৎপনা মরম ওইদুনা চাউখৎ-খোঙচৎতা রাজ্য অমত্তা শোত্থনা লৈহন্দনবা লৈবাক্কী খোঙথাংগী মতাংদা পল্লদুনা প্রধান মন্ত্রীনা হায়খি, “ভারত খোঙজেল য়াংনা চাউখৎহন্নবগীদমক রাজ্যশিং খল মান্ননা চাউখৎহনবা তঙাই ফদে”। প্রধান মন্ত্রীনা হায়খি মরম অসিনা ১৫শুবা ফাইনান্স কম্মিসন্না ওরিশা অমসুং ৱেস্ত বেঙ্গোলগুম্বা রাজ্যশিংগীদমক বজেৎ চাউনা রিকম্মেন্দ তৌখি। ওরিশাদা মহৌশাগী ওইবা লন মরাং কাইনা লৈ অদুবু পোলিসীশিংগী অশোইবশিং লৈবনা মরম ওইদুনা মশাগী রিসোর্সশিং অসিগী খুদোংচাবা ফংদে হায়না ফোঙদোক্লদুনা প্রধান মন্ত্রীনা হায়খি সরকারনা রাজ্য পুম্নমক্তা লৈরিবা মিনরেল ৱেল্থকী রিভেন্যুদা চাউআ হেনগৎহন্নবা মাইনিং পোলিসীদা রিফোর্ম পুরকখি। মহাক্না হায়খি জি.এস.তি. চৎনরবা মতুংদা তেক্সতগী লাকপা ইনকমসু হেনগৎলকখি। প্রধান মন্ত্রীনা হায়খি রিসোর্সশিং অসি রাজ্য চাউখৎহন্নবগীদমক অমসুং খুঙ্গংশিংদা লৈরিবা লায়রশিংগী শেবা তৌনবগীদমক শীজিন্নরি। সরকারনা রাজ্য অসিদা দিজাস্তর মেনেজমেন্ত অমসুং এন.দি.আর.এফ.কীদমক লুপা করোর লিশিং ৮ হেন্না কাইথখি হায়না ফোঙদোক্লদুনা প্রধান মন্ত্রীনা হায়খি, “ওরিশানা মহৌশাগী খুদোংথিবশিং মাইপাক্না থেংনবা ঙম্নবা কেন্দ্র সরকারনা চাউনা মীৎয়েং চংলি” ।
ৱারোল পীবা লোইশিনবদা প্রধান মন্ত্রীনা ওরিশাগী চাউখৎ খোঙজেল অসিদগী ৱেস্ত বেঙ্গোল অমসুং লৈবাক পুম্বনা শাহৌ ফংগনি অমসুং লৈবাক অমা ওইনা ঐখোয়না অনৌবা অমসুং চাউখৎপা ভারতকী পান্দম ফংবা ঙমগনি হায়না থাজবা ফোঙদোকখি।
ওরিশাগী রাজ্যপাল, শ্রী গনেশি লাল, ওরিশাগী মুখ্য মন্ত্রী, শ্রী নবীন পৎনায়ক, রেলৱেজকী কেন্দ্র মন্ত্রী, শ্রী অশ্বিনি বৈশ্নো, অমসুং এজুকেন অমদি স্কিল দিবেলপমেন্ত এন্দ ওন্তপ্রিনোর্শিপকী কেন্দ্র মন্ত্রী, শ্রী ধর্মেন্দ্র প্রধান্না থৌরম অসিদা শরুক য়াখি।
বেকগ্রাউন্দ
প্রধান মন্ত্রীনা পুরি অমসুং হাওরাগী মরক্তা ভন্দে ভারত এক্সপ্রেস লমথাখি। ত্রেন অসিনা ওরিশাগী খোর্ধা, কত্তক, জজপুর, ভাদ্রক, অমসুং বালাসোর জিলাশিং অমসুং ৱেস্ত বেঙ্গোলগী পাসচিম মেদিনিপুর অমসুং পুর্বা মেদিনিপুর জিলাশিংদা ফাওদুনা চেনগনি। ত্রেন অসিনা রেল য়ুজরশিংদা খোঙজেল য়াংবা, হেন্না নুংঙাইবা অমসুং হেন্না খুদোংচাবা ত্রেবেল এক্সপরিয়েন্স ফংহনগনি, তুরিজমদা শাহৌ পীগনি অমসুং লমদম অসিদা শেন্মীৎলোনগী চাউখৎ-থৌরাং প্রমোৎ তৌগনি।
প্রধান মন্ত্রীনা পুরি অমসুং কত্তক রেলৱে স্তেসনশিং নৌনা শেমগৎ-শাগৎনবা উরেপ-উয়ুং তমখি। নৌনা শেমগৎ-শাগৎকদৌরিবা স্তেসনশিং অসিদা রেল পেসেঞ্জরশিংদা মালেমগী থাক্কী এক্সপরিয়েন্স পীনবা মোদর্ন এমেনিতী পুম্নমক য়াওগনি।
প্রধান মন্ত্রীনা ওরিশাদা ১০০% ইলেক্ত্রিফিকেসন তৌরবা রেল নেৎৱার্ক কত্থোকখি। মসিনা ওপরেসন অমসুং মেন্তেনেন্সকী কোস্ত হন্থহনগনি অমসুং মপালদগী পুশিল্লকপা ক্রুদ ওইলদা মীপাল তাংবা হন্থহনগনি। প্রধান মন্ত্রীনা দব্লিং তৌরবা সম্বলপুর-তিৎলাগর রেল লাইন; অঙ্গুল-সুকিন্দাগী মরক্তা চেল্লিবা অনৌবা ব্রোদ গেজ রেল লাইন; মনোহরপুর – রৌর্কেলা – ঝারসুগুদা – জামগা শম্নহল্লিবা থর্দ লাইন অমসুং বিচহুপলি – ঝারতরভাগী মরক্তা অনৌবা ব্রোদ-গেজ কত্থোকখি। মসিনা ওরিশাদা স্তীল, পাৱর অমসুং মাইনিং সেক্তরশিংদা খোঙজেল য়াংনা ইন্দস্ত্রিএল দিবেলপমেন্ত লাকপনা মরম ওইদুনা ত্রাফিক দিমান্দশিং হেনগৎহনবদা মতেং ওইরগনি অমসুং রেল সেক্সনশিং অসিদা পেসেঞ্জর ত্রাফিকতা লাকপা প্রেসর হন্থহনবদা মতেং পাংলগনি।
वंदेभारत ट्रेन, आधुनिक भारत और आकांक्षी भारतीय, दोनों का प्रतीक बन रही है। pic.twitter.com/wjtQHsOYiX
— PMO India (@PMOIndia) May 18, 2023
बीते वर्षों में भारत ने कठिन से कठिन वैश्विक हालातों में भी अपने विकास की गति को बनाए रखा है। pic.twitter.com/O8yk4MN0D7
— PMO India (@PMOIndia) May 18, 2023
आज का नया भारत टेक्नोलॉजी भी खुद बना रहा है और नई सुविधाओं को तेजी से देश के कोने-कोने में पहुंचा रहा है। pic.twitter.com/96bQksEbwJ
— PMO India (@PMOIndia) May 18, 2023
जहां infrastructure का विकास होता है, वहां लोगों का विकास भी तेजी से होता है। pic.twitter.com/7v1WRyWENU
— PMO India (@PMOIndia) May 18, 2023
जन सेवा ही प्रभु सेवा। pic.twitter.com/zDsViKHHKt
— PMO India (@PMOIndia) May 18, 2023
भारत के तेज विकास के लिए, भारत के राज्यों का संतुलित विकास भी उतना ही आवश्यक है। pic.twitter.com/UnU4xvlMaD
— PMO India (@PMOIndia) May 18, 2023
