বিশ্বকর্মা জয়েন্তিগী নুমিৎতা ত্রেদিস্নেল আর্তিসান অমসুং ক্রাফসকী মীওইশিংগীদমক ‘পি.এম. বিশ্বকর্মা’ হৌদোকখ্রে
পি.এম. বিশ্বকর্মা লোগো, তেগলাইন ‘সম্মান সামর্থ্য সমৃধি’ অমসুং পোর্তেল লোঞ্চ তৌখ্রেকস্তমাইজ তৌরবা স্তাম্প শীত অমসুং তুলকিৎ বুকলেৎ ফোঙখ্রেবেনিফিসরী 18দা বিশ্বকর্মা সর্তিফিকেৎশিং য়েন্থোকখ্রে“ঐহাক্না লৈবাক্কী শিন্মী খুদিংমক্তা, বিশ্বকর্মা খুদিংমক্তা ‘য়শোভুমি’ কৎথোক্লি”“বিশ্বকর্মাশিংবু শকখঙবিবা অমসুং মতেং পীবিবা অসি তানফম অসিদা য়াম্না মরু ওই”“আউৎসোর্স তৌরিবা থবক অসি ঐখোয়গী বিশ্বকর্মা মরুপশিংদা পীগদবনি অমসুং মখোয়না গ্লোবেল সপ্লাই চেনগী মরু ওইবা শরুক অমা ওইহনগদবনি”“মতমগী অহোংবা লাক্লিবা অসিদা বিশ্বকর্মা মরুপশিংগীদমক ত্রেনিং, তেক্নোলোজী অমসুং খুৎলাইশিং মরু ওই”“কনা লৈজদ্রবশিংগীদমক মোদীনা লেপ্পী”“ভোকেল ফোর লোকেল অসি লৈবাক পুম্বগী থৌদাংনি”“ঙসিগী বিক্ষিৎ ভারতন সেক্তর খুদিংমক্তা অনৌবা শক্তাক অমা পীরি”“য়শোভুমিনা পীরিবা পাউজেল অসি ময়েক শেংই। মফম অসিদা পাঙথোকপা থৌরম অমা হেক্তনা মাইপাকপা ঙমগনি অমসুং মীংচৎ ফংগনি”“ভারত মন্দপম অমসুং য়শোভুমি সেন্তরনা দনুমিৎ অসিগী অঙনবদা প্রধান মন্ত্রীনা দ্বারকা সেক্তর 21দগী অনৌবা মেত্রো স্তেসন ‘য়শোভুমি দ্বারকা সেক্তর 24’ ফাওবগী দিল্লী এয়রপোর্ত মেত্রো এক্সপ্রেস লাইনগী এক্সতেন্সন শঙ্গাখি।মহাক্না মসিদা চৎপীনবা প্রজাশিংদা হায়জখি। প্রধান মন্ত্রীনা হায়খি মদুদি আর্তিসান লাখ কয়া অমসুং মখোয়গী ইমুং মনুংশিংগীদমক পি.এম. বিশ্বকর্মা স্কিম অসি আশাগী মঙাল অমা ওইরি।প্রধান মন্ত্রী, শ্রী নরেন্দ্র মোদীনা ঙসি নই দিল্লীগী দ্বারকাদা জাতিদা ইন্দিয়া ইন্তর্নেস্নেল কনভেন্সন এন্দ এক্সপো সেন্তরগী ফেস 1 – ‘য়শোভুমি’ কৎথোকখ্রে। ‘য়শোভুমি’দা অচৌবা কনভেন্সন সেন্তর, একজিবিসন হোল কয়ামরুম অমসুং অতোপ্পা ফেসিলিতীশিং য়াওরি। মহাক্না বিশ্বকর্মা জয়েন্তি নুমিৎতা ত্রেদিস্নেল আর্তিসান অমসুং ক্রাফস তৌরিবা মীওইশিংগীদমক ‘পি.এম. বিশ্বকর্মা স্কিম’সু হৌদোকখ্রে। প্রধান মন্ত্রী পি.এম. বিশ্বকর্মা লোগো, তেগলাইন অমসুং পোর্তেলসু লোঞ্চ তৌখ্রে। মহাক্না কস্তমাইজ তৌরবা স্তাম্প সীত, তুল কিৎকী বুকলেৎ অমসুং ভিদিও অমা থৌরম অসিদা ফোঙখি। প্রধান মন্ত্রীনা বেনিফিসরী 18দা বিশ্বকর্মা সর্তিফিকেৎশিংসু য়েন্থোকখ্রে।
থৌরম মফমদা থুংবগা প্রধান মন্ত্রীনা একজিবিসন – গুরু-শিশ্যা পর্মপরা এন্দ ন্যু তেক্নোলোজী অসি কোইনা চৎতুনা য়েংখ্রে। মহাক্না য়শোভুমিগী 3D মোদেলসু য়েংশিনখি। নুমিৎ অসিগী অঙনবদা প্রধান মন্ত্রীনা দ্বারকা সেক্তর 21দগী অনৌবা মেত্রো স্তেসন ‘য়শোভুমি দ্বারকা সেক্তর 24’ ফাওবগী দিল্লী এয়রপোর্ত মেত্রো এক্সপ্রেস লাইনগী এক্সতেন্সন শঙ্গাখি।
থৌরম অদুদা ৱা ঙাংলদুনা প্রধান মন্ত্রীনা বিশ্বকর্মা জয়েন্তী থৌরমগী য়াইফ পাউজেল পীখি অমসুং মসি ত্রেদিস্নেল আর্তিসানশিং অমসুং ক্রাফস তৌরিবা মীওইশিংদা কৎথোক্লে হায়না ফোঙদোকখি। মহাক্না লৈবাক্কী মফম খুদিংমক্তগী বিশ্বকর্মা করোর কয়াগা লোয়ননা কন্নেক্ত তৌনবা খুদোংচাবা অমা ফংজবদা নুংঙাইবা ফোঙদোকখি। মহাক্না থৌরম অসিদা উৎখিবা একজিবিসনদা চৎলুবগী অমসুং আর্তিসানশিং অমসুং ক্রাফসমেনশিংগা ৱারী শারুবগী নুংঙাইরবা এক্সপরিয়েন্স অদুসু পাউদমখি। মহাক্না মসিদা চৎপীনবা প্রজাশিংদা হায়জখি। প্রধান মন্ত্রীনা হায়খি মদুদি আর্তিসান লাখ কয়া অমসুং মখোয়গী ইমুং মনুংশিংগীদমক পি.এম. বিশ্বকর্মা স্কিম অসি আশাগী মঙাল অমা ওইরি।
ইন্তর্নেস্নেল কনভেন্সন এন্দ এক্সপো সেন্তর – ‘য়শোভুমি’গী মতাংদা প্রধান মন্ত্রীনা শ্রমিকশিং অমসুং বিশ্বকর্মানা অচৌবা ফেসিলিতী অসি শাবদা শরুক তমখিবা অদুবু ইকাই খুম্নখি। মহাক্না হায়, ‘ঙসি ঐহাক্না লৈবাক্কী শিন্মী খুদিংমক্তা, বিশ্বকর্মা খুদিংমক্তা ‘য়শোভুমি’ অসি কৎথোক্লি’। মহাক্না ঙসিগী থৌরম অসিগা লিঙ্ক তৌখিবা বিশ্বকর্মাশিংদা হায়খি মদুদি ‘য়শোভুমি’ অসিনা মখোয়গী ক্রিএসনশিংবু মালেম অমসুং গ্লোবেল মার্কেৎশিংগা কন্নেক্ত তৌগদবা অচৌবা সেন্তর ওইরগনি।
প্রধান মন্ত্রীনা লৈবাক্কী নোংমগী পুন্সিদা বিশ্বকর্মাশিংনা শরুক তম্মিবা অমসুং মখোয়গী মরু ওইবা অদু থমখি। প্রধান মন্ত্রীনা হায়খি মদুদি বিশ্বকর্মাশিং অসিনা তেক্নোলোজীদা ফনা খুমাং চাউশিল্লবসু খুন্নাইদা মতম চুপ্পদা মরু ওইদুনা লৈহৌগনি। মহাক্না হায় বিশ্বকর্মাশিংবু শকখঙবিবা অমসুং তেংবাং পীবা অসি তানফম অসিদা য়াম্না মরু ওই।
শ্রী মোদীনা হায়, “সরকারনা বিশ্বকর্মাশিংদা ইকাই খুম্নবা উৎপা, মতিক-ময়াই হেনগৎহন্নবা অমসুং খুমাং চাউশিনহন্নবা মপাং অমা ওইনা লেপ্পী”। আর্তিসান অমসুং ক্রাফসমেনশিংগী মরু ওইবা মীৎয়েং চংলিবা লম 18গী মতাংদা পল্লদুনা প্রধান মন্ত্রীনা উ শুবা, কোন শাবা, সনা শাবা, স্কল্পতর, চফু শাবা, মুজি, ফী তুবা, চেক শুবা, শম ককপা, ফী শুবা অসিনচিংবা অসি পি.এম. বিশ্বকর্মা স্কিমদা য়াওহনখ্রে অমসুং লুপা করোর 13,000 চাদিং তৌরগনি হায়না ফোঙদোকখি।
মহাক্কী মীরৈবাক্কী খোঙচৎশিংগী মনুংদা আর্তিসানশিংগা ৱারী শাবগী মহাক্কী পর্সনেল এক্সপরিয়েন্স অদু নীংশিংলদুনা প্রধান মন্ত্রীনা খুৎনা শাবা পোৎলমশিংগী দিমান্দ হেনগৎলক্লিবগী মতাংদা পাউদমখি। মহাক্না হায়খি মালেমদা অচৌবা কম্পনীশিংনা মখোয়গী থবক অপীকপা এন্তরপ্রাইসশিংদা সব-লেৎ তৌরি। প্রধান মন্ত্রীনা হায়খি, “মসিগী আউৎসোর্স তৌরিবা থবকশিং অসি ঐখোয়গী বিশ্বকর্মা মরুপশিংদা লাকহনগদবনি অমসুং মখোয়না গ্লোবেল সপ্লাই চেনগী শরুক অমা ওইহনগদবনি, ঐখোয়না মাইকৈ অসিদা থবক পাইখৎলি। মরম অসিনা স্কিম অসি বিশ্বকর্মা মরুপশিংবু মোর্দন এজতা পুশিন্নবা খোঙথাং অমনি”।
“মতমদা অহোংবা লাক্লিবা অসিদা বিশ্বকর্মা মরুপশিংগীদমক ত্রেনিং, তেক্নোলোজী অমসুং খুৎলাইশিং মরু ওই”, হায়না ফোঙদোক্লদুনা প্রধান মন্ত্রীনা স্কিল আর্তিসান অমসুং শিনফম অসি পাইরিবশিংদা ত্রেনিং পীনবা খোঙথাংশিংগী মতাংদা শন্দোক্না হায়খি। মহাক্না হায়খি। মহাক্না হায় বিশ্বকর্মা মরুপশিংদা নোংমদা এলাৱেন্স ওইনা লুপা 500 ত্রেনিং মনুংদা ফংহনগনি। মহাক্না হায়খি মোদর্ন তুলকিৎকীদমক লুপা লিশিং 15গী তুলকিৎ ভৌচর পীগনি আমসুং সরকারনা মখোয়গী প্রদক্তশিংগী ব্রান্দিং, পেকেজিং অমসুং মার্কেতিং তৌবদা মতেং পাংগনি। মহাক্না তুলকিৎশিং অদু GST রেজিস্তর তৌবা দুকানশিংদগী খক্তা লৈগদবনি অমসুং মেদ ইন ইন্দিয়া ওইগদবনি হায়খি।
বিশ্বকর্মাশিংগী কোল্লাতরেল-ফ্রী ফাইনান্সকী প্রোবিজনগী মতাংদা পল্লদুনা প্রধান মন্ত্রীনা হায়খি মদুদি গরেন্তী হংলকপা মতমদা মোদীনা গরেন্তী ওইগনি। মহাক্না হায় বিশ্বকর্মা মরুপশিংনা অতাবা শেন্দোইগী চাংদা কোল্লাতরেল অমত্তা য়াওদনা লুপা লাখ 3 ফাওবগী লোন লৌবা য়াগনি।
জিলা খুদিংমক্তগী তোপ-তোপ্পা পোৎলম পুথোক্লিববু থৌগৎলিবা “ৱান দিস্ত্রিক্ত, ৱান প্রদক্ত” স্কিমগী মতাংদা পল্লদুনা প্রধান মন্ত্রীনা কেন্দ্রদা লৈরিবা সরকার অসিনা শোত্থরবশিং চাউখৎহনবদা মীৎয়েং থম্মি হায়না ফোঙদোকখি। মহাক্না পি.এম. স্বানিধি স্কিমগী খুত্থাংদা স্ত্রীৎ ভেন্দরশিংগীদমক বেঙ্ককী থোং হাংলি অমসুং ‘দিব্যাঙ্গশিং’গীদমক স্পেসিএলাইজ ফেসিলিতীশিং পীরি হায়নসু ফোঙদোকখি। মহাক্না হায় “কনা লৈজদ্রবশিংগীদমক মোদীনা লেপ্পী”। মহাক্না হায়খি মদুদি মহাক্না শেবা তৌনবা, ইকাই খুম্ননীংঙাই ওইরিবা পুন্সি অমা ফংহন্নবা অমসুং সর্ভিসশিংগী দেলিবরী শোইদনা তৌনবা হোৎনরি। মহাক্না মখা তারদুনা হায়, “মসি মোদীগী গরেন্তী”।
প্রধান মন্ত্রীনা হায়খি মদুদি মালেমনা G20 ক্রাফ বজারদা তেক্নোলোজী অমসুং ত্রেদিসন পুনশিনবগী ফল উবা ফংখি। লাকখিবা দিগনিতরীশিংগী খুদোলশিং ফাওবা বিশ্বকর্মা মরুপশিংনা শাবা পোৎলমশিং ওইখি। মহাক্না হায়, “ভোকেল ফোর লোকেলগীদমক কৎথোকপা অসি লৈবাক পুম্বগী থৌদাংনি”। মহাক্না মখা তারদুনা হায়, “অহানবদা ঐখোয়না ভোকেল ফোর লোকেল তৌবা তাই অমসুং মতুংদা লোকেল গ্লোবেলদা চংশিনগনি”।
গনেশ ছতুর্থি, ধন্তেরাস, দীপাৱলি অমসুং অতোপ্পশিং য়াওনা হায়রিবা লৈবাক অসিদা পাঙথোক্কদৌরিবা কুহ্মৈশিং অসিদা লৈবাক্কী প্রজা খুদিংমক্না লোকেল প্রদক্তশিং মরু ওইনা লৈবাক অসিগী বিশ্বকর্মাশিংনা জাতিদা শরুক তম্মিবা অদু লৈনবা হায়খি।
মালেম শিনবা থুংবদা শোন্নরিবা হীরম অমা ওইখিবা ভারত মন্দপমগী মতাংদা পল্লদুনা প্রধান মন্ত্রীনা হায়খি, “ঙসিগী বিক্ষিৎ ভারতন সেক্তর খুদিংমক্তা অনৌবা শক্তাক অমা পীরি” অমসুং য়শোভুমিনা ত্রেদিসন অসিবু হেন্না খুমাং চাউশিনহল্লি হায়না ফোঙদোকখি। “য়শোভুমিনা পীরিবা পাউজেল অসি ময়েক শেংই। মফম অসিদা পাঙথোকপা থৌরম অমা হেক্তনা মাইপাকপা ঙমগনি অমসুং মীংচৎ ফংগনি”, হায়না শ্রী মোদীনা ফোঙদোকখি। মহাক্না মখা তারদুনা হায় য়শোভুমিনা ভারতকী তুংলমচৎ তাক্নবা পাম্বৈ অমা ওইরগনি।
মহাক্না হায়খি ভারতকী অচৌবা শেন্মীৎলোনগী তৌবা ঙম্বা অমসুং কম্মর্সিএলগী মতিক ময়াই অসি উৎথোক্নবা লৈবাককী কোনুংগী মসি মরু ওইবা সেন্তর অমনি। মহাক্না মখা তারদুনা হায় মসিদা মলতিমোদেল কন্নেক্তিবিতী অমসুং পি.এম. গতিশক্তি অনিমক্কী মমি তারি। মহাক্না ৱাফম অসি মেত্রোনা সেন্তর অসিদা কন্নেক্তোবিতী পীরি অমসুং ঙসি শঙ্গাখিবা মেত্রো তর্মিনেলগী মতাংদা পল্লদুনা ফোঙদোকখি। মহাক্না য়ুজরশিংগী ত্রেবেল, কন্নেক্তিবিতী, এক্কোমোদেসন অমসুং তুরিজমগী মথৌ তাবশিং ফংহনদগৌরিবা য়শোভুমিগী ইকোসিস্তেমগী মতাংদসু ফোঙদোকখি।
প্রধান মন্ত্রীনা মতমগী ইচেলদা অহোংবা লাকপগা লোয়ননা চাউখৎ-থৌরাং অমসুং থবক্কী অনৌবা সেক্তরশিং থোরক্লি হায়না ফোঙদোকখি। মহাক্না হায় মীওই অমত্তনা ভারত্তা চহি য়াংখৈ অমসুং হুমফুগী মমাংদা অসুক চাউনা IT সেক্তর অমা লৈরক্কনি খল্লুদে। চহি কুনথ্রাদগী কুনথ্রা-মঙা ফাওবগী মমাংদা সোসিএল মেদিয়া অসি ফিক্সনেল ওইরমখি হায়না মহাক্না মখা তাখি। কনফরেন্স তুরিজমগী তুংলমচৎকী মতাংদা পল্লদুনা প্রধান মন্ত্রীনা হায়খি সেক্তর অসিদা ভারতকী অচৌবা পোতেন্সিএল লৈ অমসুং মসিগী ভেল্যু লুপা করোর 25,000 হেন্না ওইরি। মহাক্না হায় চহি অমদা মালেমদা পাঙথোকপা অচৌবা একজিবিসন অমসুং এক্সপো লিশিং 32 হেনবদা ইচম চম্বা লমকোইবা অমদগী হেন্না কনফরেন্স তুরিজমগীদমক লাক্লিবা মীওইশিংনা হেন্না চাদিং তৌরি। শ্রী মোদীনা হায়খি মদুদি অসিগুম্বা অচৌবা ইন্দস্ত্রীদা ভারতকী শিয়র অসি শুপ্নগী চাদা অমরোম খক্তা ওইরি অমসুং ভারত্তা লৈরিবা অচৌবা কম্পনীশিংনা চহি খুদিংগী মখোয়গী ইভেন্তশিং পাঙথোক্নবা মীরমদা চৎলি। মহাক্না মখা তারদুনা হায় ভারতনা হৌজিক্তি কনফরেন্স তুরিজমগীদমক মশাবু শেম শাজরি।
প্রধান মন্ত্রীনা হায়খি কনফরেন্স তুরিজম অসি ইভেন্তশিং, মীফমশিং অমসুং একজিবিসনগীমদক মথৌ তাবা রিসোর্সশিং লৈবা মফমদা খক্তা খুমাং চাউশিল্লি মরম অসিনা ভারত মন্দপম অমসুং য়শোভুমি সেন্তরনা হৌজিক দিল্লীবু কনফরেন্স তুরিজমগী খ্বাইদগী চাউবা হব ওইহল্লি। নহা লাখ কয়ানা থবক ফংলগনি। তুংলমচৎতা ‘য়শোভুমিনা ইন্তর্নেস্নেল কনফরেন্সশিং, মীফমশিং অমসুং একজিবিসনশিংগীদমক মালেম শিনবা থুংবদা লৈরিবা লৈবাকশিংদগী মীফমগী লাকফম ওইরগনি” হায়না শ্রী মোদীনা মখা তাখি।
প্রধান মন্ত্রীনা য়শোভুমিদা স্তেকহোল্দরশিংবু বর্তন তৌখি। মহাক্না হায়, “ঙসি ঐহাক্না মালেমগী অকোইবদা লৈরিবা লৈবাকশিংদগী একজিবিসন অমসুং ইভেন্ত ইন্দস্ত্রীগা মরী লৈনবা মীওইশিংবু দিল্লীদা লাক্নবা বর্তন তৌজরি। ঐহাক্না লৈবাক্কী লমদম খুদিংমক্তগী, নোংপোক-নোংচুপ-অৱাং-মখাদা লৈরিবা ফিল্ম ইন্দস্ত্রী অমসুং TV ইন্দস্ত্রীবু বর্তন তৌজরি। নখোয়গী এৱার্দ সেরেমোনীশিং, ফিল্ম ফেস্তিবেলশিং মফম অসিদা পাঙথোকপীয়ু, অহআনবা ফিল্ম শোশিং মফম অসিদা উৎপীয়ু। ঐহাক্না ইন্তর্নেস্নেল ইভেন্ত কম্পনীশিং, একজিবিসন সেক্তরগা মরী লৈনবা মীওইশিংবু ভারত মন্দপম অমসুং য়শোভুমিদ লাকপীনবা বর্তন তৌজরি”।
প্রধান মন্ত্রীনা ভারত মন্দপম অমসুং য়শোভুমিনা ভারতকী মীয়োক-মীচান ফবা, খুমাং চাউশিনবা অমসুং মতিক-ময়াইগী খুদমশিং ওইরগনি হায়না থাজবা ফোঙদোকখি। প্রধান মন্ত্রীনা হায়খি, “ভারত মন্দপম অমসুং য়শোভুমি অনিমক অসি ভারতকী নাৎ অমদি স্তেৎ-ওফ-দি-আর্ত ফেসিলিতীশিংগী অপুনবা অমনি, অমসুং অচৌবা এস্তাব্লিশমেন্তশিং অসিনা মালেমগী মাংদা ভারতকী ৱারী ফোঙদোক্লি”। মহাক্না হায়খি মদুদি মসিনা মশাগী খ্বাইদগী ফবা ফেসিলিতীশিং থম্বা পাম্লিবা অনৌবা ভারতকী অনীংবা অপাম্বশিংগী মমিসু তারি। শ্রী মোদীনা “ঐগী ৱাহৈশিং অসি নীংশিংবীয়ু, ভারতনা হৌজিক লেপ্পা তৌররোই” হায়না ফোঙদোক্লদুনা প্রজাশিংদা মাংদা চংশিন্নবা, অনৌবা পান্দমশিং থম্নবা, মদু ফংনবা হোৎননবা অমসুং ভারতপু 2047 ফাওবদা চাউখৎপা লৈবাক অমা ওইহন্নবা হায়খি। ৱারোল পীবা লোইশিল্লদুনা প্রধান মন্ত্রীনা প্রজা পুম্নমক্না পুন্না থবক তৌমিন্নবগী মথৌ তাবা অদু থমখি। লোইশিনবদা শ্রী মোদীনা হায়, “ঐখোয়গী বিশ্বকর্মা মরুপশিংনা মেক ইন ইন্দিয়াগী মনীনি অমসুং ইন্তর্নেস্নেল কনভেন্সন সেন্তর অসিনা মনী অসিবু মালেমদা উৎথোক্নবা পাম্বৈ অমা ওইরগনি”।
শেল-থুমগী কেন্দ্র মন্ত্রী, শ্রীমতি নির্মালা সিতারামন, কম্মর্স অমসুং ইন্দস্ত্রীগী কেন্দ্র মন্ত্রী, শ্রী পিয়ুশ গোয়ল, এজুকেসন, স্কিল দিবেলপমেন্ত এন্দ ওন্তপ্রিনোর্শিপকী কেন্দ্র মন্ত্রী, শ্রী ধর্মেন্দ্র প্রধান, মাইক্রো, স্মোল এন্দ মেদিয়ম এন্তর্প্রাইজেসকী কেন্দ্র মন্ত্রী, শ্রী নারায়ন রানে অমসুং মাইক্রো, স্মোল এন্দ মেদিয়ম এন্তর্প্রাইজেসকী কেন্দ্রগী রাজ্য মন্ত্রী, শ্রী ভানু প্রতাপ সিংহ বর্মনা থৌরম অসিদা শরুক য়াখি।
বেকগ্রাউন্দ
য়শোভুমি
লৈবাক অসিদা মীফম, কনফরেন্স অমসুং একজিবিসন কয়া পাংথোক্নবা মালেমগী থাক্তা লৈবা ইনফ্রাস্ত্রকচর অমা লৈবা হায়রিবা প্রধান মন্ত্রীগী মঙলান অসি দ্বার্কাদা লৈরিবা ‘য়শোভুমি’ চলাইবা হৌবদগীদি মপাঙ্গল হেন্না লৈরগনি। প্রোজেক্তনা কোনবা অপুনবা পাক চাউবনা স্ক্বার মীতর লাখ 8.9 অমসুং শেমগৎ-শাগৎপগী পাক চাউবনা স্ক্বার মীতর লাখ 1.8 ওইদুনা শারিবা ‘য়শোভুমি’অসিনা মালেমগী খ্বাইদগী চাউবা MICE (মীতিং, ইন্সেন্তিব, কনফরেন্স অমসুং একজিবিসন)কী ফেসিলিতীশিংগী মনুংদা অমা ওইবগী ফমসু কল্লগনি।
চাউরাকপা লুপা করোর 5400 চঙনা শাবা ‘য়শোভুমি’দা নীংথিরবা কনভেন্সন সেন্তর অমা, একজিবিসন হোল কয়া অমা অমসুং অতোপ্পা ফেসিলিতী কয়া য়াওরি। স্ক্বার মীতর লিশিং 75 হেনবগী পাক চাউবা মফমদা শাবা কনভেন্সন সেন্তর অসিদা মপুং ওইবা ওদিতোরিয়ম য়াওনা কনভেন্সন পাংথোকফম কা 15, অচৌবা বোলরুম অমসুং দেলিগেত 11,000 ফম্বা চনগদবা মীফম পাংথোকফম কা 13 য়াওরি। কনভেন্সন সেন্তর অসিদা লৈবাক্কী ওইনা খ্বাইদগী চাউবা LED মীদিয়া ফেকেদসু লৈরি। কনভেন্সন সেন্তর অসিগী প্লেনরী হোল অসিদা মীথুংলেন চাউরাক্না 6000 ফম্বা চনগনি। ওদিতোরিয়ম অসিদা খ্বাইদগী ইন্নোভেতিব ওইবা সিতিং সীস্তেমশিংগী মনুংদগী সীস্তেম অমসু য়াওরি, মসিনা তোঙান-তোঙানবা সিতিং কনফিগ্যুরেসন লৈবা য়াহন্নবা লৈমায়বু পাকহনবা নত্ত্রগা ওদিতোরিয়মগী মওংদা তাইয়র নাইনা খাইবসু য়াহল্লি। ওদিতোরিয়মদা শিজিন্নরিবা উগী লৈমায় অমসুং একোস্তিক ৱাল পেনেল কয়ানা ভিজিতরশিংগী মফমদা মালেমগী থাক্তা লৈবা এক্সপেরিএন্স অমা পীগনি। থম্বাল মনাগী মতৌদা শাবা তোপ-তোপ্পা সিলিং পানবা অচৌবা বোলরুম অসিনা মীথুংলেন চাউরাকপা 2500গী য়ুম্বু ওইবা য়াগনি। মসিদা মীওই 500 ফাওবা ফম্বা চনগদবা অহেনবা অহাঙবা মফম অমসু য়াওরি। মথোল নিপাল শিনবা থুংনা চাইথোক্তুনা লৈরিবা মীফম পাংথোকফম কা 13 অসিদা মখল কয়াগী অচৌবা মীফমশিং পাংথোকপা য়াগনি।
য়শোভুমি অসিদা মালেমগী ওইবা খ্বাইদগী চাউবা একজিবিসন হোল অমা য়াওরি। স্ক্বার মীতর লাখ 1.07 হেন্না পাক চাউবা মফমদা শারিবা একজিবিসন হোলশিং অসি একজিবিসন, ত্রেদ ফেয়র অমসুং কারবারগী থৌরম কয়া পাংথোকপদা শিজিন্নগনি অমসুং মখোয়শিং অসি মখল কয়াগী স্কাইলাইত কয়াদগী মঙাল চুমথবা ঙম্বা কোপ্পরগী সিলিং পালহন্দুনা তোপ-তোপ্পা মওংদা দিজাইন তৌরবা অচৌবা ফোয়র স্পেস অমগা শম্নগনি। ফোয়র অসিদা মীদিয়াগী কা, VVIPগী পোত্থাফম, ফিরোল থম্ফম, লাক্লিবা ভিজিতরশিংনা ই-পাউ লৌনবা মফম, তিকেত ককফম্নচিংবা তেংবাংবগী মফমশিংসু লৈগনি।
‘য়শোভুমি’দা লৈরিবা মীয়াম পুনবা মফম খুদিংমক কনভেন্সন সেন্তরগী মপান থংবদা লৈবা মফমশিংগা নীংথিনা শম্নবা মানবগী মওংদা দিজাইন তৌবনি। মখোয়শিং অসিদি ভারতকী চৎনবীনা ইথিল পীবা পোৎলমশিংনা শাবনি। মখোয়শিং অসিদা রঙ্গোলীগী মওং উৎপা ব্রাস ইনলেগা লোয়নবা তেরাজো লৈমাই, য়ান্থদুনা থম্লবা খোঞ্জেল চুপশিনবা মেতল সিলিন্দর অমসুং পেত্তর্ন কয়ানা ঙালহনবা ফক্লাংশিংগী মওং-মতৌ য়াওরি।
য়শোভুমি’না সস্তেনেবল ওইবগী ৱাফমদা খোঙফম চেৎপগী মতৌ উৎলি, মসিদা 100% ৱেস্তৱাতর রি-য়ুজ, নোংগী ঈশিং লোকশিনবগী ফেসিলিতীগুম্বা স্তেত-ওফ-দি-আর্ত থৌওং কয়া য়াওরি। মসিগী কেম্পস অসিনা CIIগী ইন্দিয়ন গ্রীন বিলদিং কাউন্সিল (IGBC)দগী প্লাতিনম সর্তিফিকেতসু ফংলবনি।
‘য়শোভুমি’ অসিদা ভিজিতরশিংগী তেক্ত-কায়দনবা হাইতেক সেক্যুরিতী প্রোবিজন কয়া য়াওরি। কার 3000 খাম্বা য়াগদবা অন্দর্গ্রাউন্দ কার পার্কিং ফেসিলিতী অসিদা ইলেক্ত্রিক চার্জিং পোইন্ত 100 হেন্না থম্লি।
‘য়শোভুমি’ অসিবু ‘য়শোভুমি দ্বার্কা সেক্তর 25’ হায়রিবা অনৌবা মেত্রো স্তেসন শঙ্গাবগা লোয়ননা দিল্লী এয়রপোর্ত মেত্রো এক্সপ্রেসকা শম্নগনি। অনৌবা মেত্রো স্তেসন অসিদা সবৱে অহুম য়াওগনি। মখোয়শিং অদুদি – স্তেসনগা একজিবিসন হোল, কনভেন্সন সেন্তর অমসুং সেন্ত্রেল এরেনাগা শম্নহনবা মীতর 735 শাংবা সবৱে; দ্বার্কা এক্সপ্রেসৱেগী এন্ত্রী/একজিৎ শম্নবা সবৱে; অমসুং মেত্রো স্তেসনগা য়শোভুমিগী তুংগী একজিবিসন হোলশিংগী ফোয়রগা শম্নবা সবৱেনি।
পি.এম. বিশ্বকর্মা
ত্রেদিস্নেল ক্রাফশিংদা থবক তৌরিবা মীওইশিংগী মতেং পাংনবা প্রধান মন্ত্রীনা মতম শাংনা মীৎয়েং চংলক্লি। মসিগী স্কিম অসিনা আর্তিসান অমসুং ক্রাফকা মরী লৈনবা মীওইশিং খক্তদা মতেং তৌবা নত্তনা লমদম অদুগী পোত্থোকশিং, আর্ত অমসুং ক্রাফশিংগী খুত্থাংদা মতম শাংনা লৈরক্লবা চৎন-লোনচৎ, নাৎ অমসুং দাইভর্স হেরিতেজ অসি মাংহন্দবা অমসুং চাউখৎহনবগী পান্দম থম্লি।
লুপা করোর 13,000গী শেনফম অমা কাইথোক্তুনা ‘পি.এম বিশ্বাকর্মা’ অসি কেন্দ্র সরকারনা মপুংফানা শেল পুথোক্কনি। স্কিম অসিগী মখাদা, বাইওমেত্রিক্তা য়ুম্ফম ওইবা পি.এম বিশ্বকর্মা পোর্তেলদা কমন সর্বিস সেন্তরশিংগী খুৎথাংদা বিশ্বকর্মাশিং শেল তিংদনা রেজিস্তার তৌবা য়াগনি। পি.এম বিশ্বকর্মা সর্তিফিকেদ অমসুং আই.দি কার্দ, অৱাংবা থাক্কী ত্রেনিং, লুপা 15,000গী খুৎলায় লৈনবা মতেং, লুপা লাখ 1(অহানবা তাঙ্কক্কী) ফাওবগী লেম্না ক্রেদিৎ অমসুং দিজিতেল ত্রাঞ্জেক্সনশিং অমসুং য়োনফমগী মতেং পাংনবা শেন্দোয় চাদা 5%গী চাংদা লুপা লাখ 2(অনিশুবা তাঙ্কক্কী) ফাওবগী শেন্থং পীগনি।
স্কিম অসিনা মখোয়গী খুৎ অমসুং খুৎলায়শিংনা থবক শুরিবা বিশ্বাকর্মাশিংনা গুরু-সিস্যা পরম্পরা নত্ত্রগা ইমুং-মনুংগী মীওইশিংনা শুবা থবকশিং ফগৎহন্নবা পান্দম থম্লি। পি.এম. বিশ্বাকর্মাগী মরুওইবা পান্দমদি খুৎহৈবশিংগী থবকশিং অমসুং পোৎথোকশিং মগুন হেনগৎহন্নবা অমসুং লৈবাক মনুংগী অমসুং মালেমগী ভেলু চেনশিংদা বিশ্বকর্মাশিং শরুক য়াবা ঙমহনগনি।
স্কিম অসিনা ভারত পুম্বগী খুঙ্গং অমসুং সহরগী খুৎহৈবশিংগী মতেং পাংগনি। পি.এম. বিশ্বকর্মা স্কিমগী মখাদা, মমাঙঙৈদগী লৈরক্লবা শীনফম তরানিপান কোনশিল্লে। হায়রিবা শীনফমশিং অদুদি (i) উ শুবা; (ii) হি শাবা; (iii) লালগী খুৎলায় শাবা; (iv) য়োৎ শুবা; (v) নুংথং অমসুং খুৎলায় শাবা; (vi) শো শাবা; (vii) সনা শাবা; (viii) চফু শাবা; (ix) মুর্তি শাবা, নুং থুগাইবা; (x) খোঙউপ শাবা; (xi) চেক শুবা; (xii) থুমোক/শুমচিৎ/ফক শাবা; (xiii) লাইধি অমসুং শান্নপোৎ শাবা; (xiv) শম ককপা; (xv) লৈ পরেং লেংবা; (xvi) ফি শুবা; (xvii) ফি তুবা; অমসুং (xviii) লাং লোনবা অসিনি।
आज भगवान विश्वकर्मा की जयंती है।
— PMO India (@PMOIndia) September 17, 2023
ये दिन हमारे पारंपरिक कारीगरों और शिल्पकारों को समर्पित है: PM @narendramodi pic.twitter.com/19nim8CHGu
मैं आज 'यशोभूमि' को देश के हर श्रमिक को समर्पित करता हूं, हर विश्वकर्मा साथी को समर्पित करता हूं: PM @narendramodi pic.twitter.com/zCVApNOf3V
— PMO India (@PMOIndia) September 17, 2023
हज़ारों वर्षों से जो साथी भारत की समृद्धि के मूल में रहे हैं, वो हमारे विश्वकर्मा ही हैं। pic.twitter.com/XEzAol2vuf
— PMO India (@PMOIndia) September 17, 2023
With PM Vishwakarma Yojana, our endeavour is to support the people engaged in traditional crafts. pic.twitter.com/wDtKfG3ipn
— PMO India (@PMOIndia) September 17, 2023
आज देश में वो सरकार है, जो वंचितों को वरीयता देती है: PM @narendramodi pic.twitter.com/edemeKUXd6
— PMO India (@PMOIndia) September 17, 2023
We have to reiterate our pledge to be 'Vocal for Local.' pic.twitter.com/bb5OSX0qQ3
— PMO India (@PMOIndia) September 17, 2023
Today's developing India is carving a new identity for itself in every field. pic.twitter.com/TrHeScAr5H
— PMO India (@PMOIndia) September 17, 2023
