প্রধান মন্ত্রী, শ্রী নরেন্দ্র মোদীনা ঙসি দাদরা অমসুং নগর হবেলীগী সিলবাসাদা লুপা করোর ৪৮৫০ হেনবগী তোঙান-তোঙানবা চাউখৎ-থৌরাংগী প্রোজেক্তশিং উরেপ-উয়ুং তমখ্রে অমসুং জাতিদা কত্থোকখ্রে। প্রোজেক্তশিং অসিদা সিলবাসাদা নমো মেদিকেল এজুকেসন এন্দ রিসর্চ ইন্সতিত্যুত কত্থোকপা অমসুং দামন্দা সরকারগী স্কুলশিং, সরকারগী ইঞ্জিনীয়রিং কোলেজ কত্থোকপা, তোঙান-তোঙানবা লম্বিশিং শেমগৎপা, ফগৎহনবা অমসুং পাকথোক-চাউথোকহনবা, লমদম অসিদা ঙাগী কৈথেল অমসুং শোপ্পিং কমপ্লেক্স অমসুং ৱাতর সপ্লাই স্কিম চাউথোকহনবা অসিগুম্বা প্রোজেক্ত ৯৬ কত্থোকপা অমসুং উরেপ-উয়ুং তম্বা য়াওখি। প্রধান মন্ত্রীনা দিয়ু অমসুং সিলবাসাদগী পি.এম.এ.ৱাই. অর্বানগী বেনিফিসরীশিংদা য়ুমগী ছো খুৎশিন্নখি।
নুমিৎ অসিগী অঙনবদা প্রধান মন্ত্রীনা দাদরা অমদি নগর হবেলী অমসুং দামন অমদি দিয়ু অমসুং লক্ষদ্বীপকী এদমিনিস্ত্রেতর, শ্রী প্রফুল পতেলগা লোয়ননা সিলবাসাদা লৈবা নমো মেদিকেল এজুকেসন এন্দ রিসর্চ ইন্সতিত্যুত্তা চৎখি। মহাক্না ইন্সতিত্যুত অসি শঙ্গাখি অমসুং লোর্দ ধানবন্তারিগ মীতমদা হৈকৎ-লৈকৎ তমখি। প্রধান মন্ত্রীনা কোলেজ কেম্পসকী মোদেল য়েংশিনখি অমসুং একাদেমিক ব্লোক্তা লৈবা এনাতোমী ম্যুজিয়ম অমসুং দাইজেক্সন রুম চৎতুনা য়েংখি। প্রধান মন্ত্রী সেন্ত্রেল লাইব্রেরী চৎতুনা য়েংখি অমসুং বিজিতর্স বুক্তা খুৎয়েক পীখি। মহাক্না এম্ফিথিএতর তম্না চৎখি অমদি মফম অসিদা কনস্ত্রক্সনগী শিন্মীশিংগা লোয়ননা ৱারী শাখি।
থৌরম অদুদা ৱা ঙাংলদুনা প্রধান মন্ত্রীনা দামন, দিয়ু অমসুং দাদরা অমদি নগর হবেলীগী চাউখৎ খোঙচৎ উবা ফংবদা নুংঙাইবা ফোঙদোকখি। মহাক্না লৈবাক্কী কাচিন-কোয়া খুদিংমক্তগী মীয়ামগী য়ুম ওইরিবা সিলবাসাগী কোস্মোপোলিতেনিজম হেনগৎলক্লিবা অসিগী মতাংদা ফোঙদোকখি। মহাক্না হায়খি, ত্রেদিসন অমসুং মোদর্নিতী অনিমক্কীদমক মীয়ামগী মীনুংশি য়েংলগা সরকারনা য়ুনিয়ন তেরিতোরী চাউখৎহন্নবগীদমক মপুং ফানা কত্থোকপগা লোয়ননা থবক পাইখৎলি। মহাক্না হায়খি হৌখিবা চহি খরা অসিদা লুপা করোর ৫৫০০গী এল্লোকেসনগা লোয়ননা য়ু.তি.দা ফিজিকেল অমসুং সোসিএল ইনফ্রাস্ত্রকচরদা থবক কয়া পাইখৎখি। মহাক্না এল.ই.দি. থানবা লম্বীশিং, য়ুমথোং-য়ুমথোংদগী অমোৎপা খোমগৎপা, অমসুং ৱেস্ত প্রোসেসিং চাদা ১০০ তৌবগী মতাংদা ফোঙদোকখি। মহাক্না রাজ্যগী অনৌবা ইন্দস্ত্রিএল পোলিসী অসি য়ু.তি.দা ইন্দস্ত্রী অমসুং থবক পীবা হেনগৎহন্নবা পাম্বৈ অমা ওইনা থাগৎখি। মহাক্না হায়, “ঙসি ঐহাক্না করোর ৫০০০গী অনৌবা প্রোজেক্তশিং হৌদোকপগী খুদোংচাবা ফংজখি”। প্রোজেক্তশিং অসি হকশেল, হাউসিং তুরিজম, এজুকেসন অমসুং অর্বান দিবেলপমেন্তগা মরী লৈনৈ। মহাক্না মখা তারদুনা হায়, “মখোয়না ইজ ওফ লিবিং, তুরিজম, ত্রান্সপোর্তেসন অমসুং বিজিনেস হেনগৎহনগনি”।
ঙসিগী প্রোজেক্তশিংগী মতাংদা পল্লদুনা মহাক মশামক্না উরেপ-উয়ুং তমখিবা প্রোজেক্ত কয়ামরুম য়াওবদা নুংঙাইবা ফোঙদোকখি। মহাক্না মতম শাংনা লৈবাক্কী চাউখৎ-থৌরাংগীদমক সরকারগী প্রোজেক্তশিং অসি পন্দুনা লৈবা, তোকখিবা নত্ত্রগা লান্না লমজিংখি, করিগুম্বদা উরেপ-উয়ুং তমখিবা অদু অতেক-অকাই ওইনা লৈখি অমসুং প্রোজেক্তশিং লোইশিনবা ঙমখিদে। অদুবু হৌখিবা চহি ৯ অসিদা প্রধান মন্ত্রীনা অনৌবা ৱার্কিং স্তাইল অমা পুথোকখি অমসুং ৱার্ক কলচর হৌদোকখি হায়না ফোঙদোকখি। মহাক্না হায়খি হৌজিক পাল্লিবা সরকার অসিনা মতম চানা প্রোজেক্তশিং লোইশিন্নবা হোৎনখি অমসুং লোইরা মতুংদা অতোপ্পা চাউখৎ-থৌরাংগী থবক অমা অমুক পাইখৎখি। প্রধান মন্ত্রীনা হায়খি ঙসিগী প্রোজেক্তশিং অসিনা মসিগী ৱার্ক কলচরগী খুদম ওইরি অমসুং চাউখৎ-থৌরাংগী থবকশিং অসিগীদমক মীপুম খুদিংমক্তা নুংঙাইবা ফোঙদোকখি।
প্রধান মন্ত্রীনা কেন্দ্র সরকারনা “সবকা সাথ, সবকা বিকাস, সবকা বিশ্বাস অমসুং সবকা প্রয়াস”কী মন্ত্রগা লোয়ননা মাংদা চংশিল্লি। মহাক্না হায়খি রিজম খুদিংমক্তা চপ মান্ননা চাউখৎ-থৌরাং পাইখৎপা অসি খ্বাইদগী মরু ওই। প্রধান মন্ত্রীনা ভোৎ বেঙ্কক্কী রাজনিতীগী মীৎয়েংদগী চাউখৎ-থৌরাংদা মীৎয়েং থমবগী চৎনবী অসিবু য়ানীংদবা ফোঙদোকখি। মসিনা ত্রাইবেল অমসুং ঙমখৈগী মফমশিংদা খুদোংচাবা ফংহনখিদে। ঙামীশিংনা লাইবক্তা তম্বা অদু অদুম য়াজবা তারমখি অমসুং মসিনা মরম ওইদুনা দামন, দিয়ু অমসুং দাদরা অমদি নগর হবেলীনা চাউনা চৈথেং ফংখি হায়না প্রধান মন্ত্রীনা ফোঙদোকখি।
নীংতম্বা ফংখিবা দিকেদ কয়াগী মতুংদা ফাওবা দামন, দিয়ু, অমসুং দাদরা অমদি নগর হবেলীগী লমশিং অসিদা মেদিকেল কোলেজ অমা ফাওবা লৈরমদবা অমসুং নহারোলশিংনা দোক্তর ওইনবগীদমক লৈবাক্কী অতোপ্পা মফমশিংদা চৎপা তারমখিবা অদুদা প্রধান মন্ত্রীনা মীৎয়েং চীংশিনখি। মহাক্না হায়খি খুদোংচাবা অসি ফংখিবা আদিবাসী ফুরুপকী নহারোলশিংগী মশিং জিরো ওইখি অমরোমদা দিকেদ কয়া লৈবাক পাইরকখিবশিংনা লমদম অসিগী মীয়ামগী অপাম্বা অমসুং অনীংবদা মীৎয়েং চংলমখিদে। প্রধান মন্ত্রীনা হায়খি দামন, দিয়ু, দাদরা অমদি নগর হবেলীনা মাগী অহানবা নেস্নেল একাদেমিক মেদিকেল ওর্গনাইজেসন নত্ত্রগা নমো মেদিকেল কোলেক ফংজখি মরিগী অমত্তা ঙাইরবা মরম অসিদা সর্ভিস-ওরিয়েন্তেদ এপ্রোচ অমসুং ২০১৪গী মতুংদগী শক্তি পাইরকখিবা হৌজিক পাল্লিবা সরকারনা কত্থোকপননি। তুংলমচৎতা চাউরাক্না দোক্তর ১০০০রোম লমদম অসিনা পুথোক্লগনি হায়না ফোঙদোক্লদুনা প্রধান মন্ত্রীনা হায়খি, “চহি খুদিংগী লমদম অসিদগী চাউরাক্না নহা ১৫০না মেদিসিন তম্বগী খুদোংচাবা ফংলগনি”। প্রধান মন্ত্রীনা মেদিসিনগী ফর্স্ত ইয়রদা তম্লিবী মহৈরোয় অমনা মসি তম্বা মহাক্না মহাক্কী ইমুং মনুংদা অহানবা ওইবা খক্তা নত্তনা খুঙ্গং পুম্বগী অহানবা ওইখি হায়না ফোঙদোকখিবা পাউগী রিপোর্ত অমগী মতাংদসু ফোঙদোকখি।
প্রধান মন্ত্রীনা হায়খি শেবা তৌবগী ৱাখল্লোন্না মফম অমগী মীয়ামগী মশক তাকই অমসুং লাইচৎ মনুংদা লোকেল মেদিকেল স্তুদেন্তশিংনা পীখিবা প্রোএক্তিব ওইবা মতেং অদু নীংশিংখি। প্রধান মন্ত্রীনা হায়খি মদুদি মহাক্না মন কী বাত্তা লোকেল স্তুদেন্তগী ভিলেক এদোপ্সন প্রোগ্রামগী মতাংদা পনখি। প্রধান মন্ত্রীনা হায়খি মেদিকেল কোলেজনা লোকেল মেদিকেল ফেসিলিতীশিংদা পীবা প্রেসর হন্থহল্লগনি। মহাক্না মখা তাখি, “অনৌবা ফমুং ৩০০ থাবা হোস্পিতাল হৌজিক শারি অমসুং অনৌবা আয়ুর্বেদিক হোস্পিতাল শানবা অয়াবসু ফংলে”।
প্রধান মন্ত্রীনা মুখ্য মন্ত্রী ওইরিঙৈগী মতম অদু নীংশিংখি অমসুং মহাক্না হায়খি মহাক্না ত্রাইবেলগী মফমশিংদা লৈবা স্কুলশিংদা সাইন্স এজুকেসন হৌদোকখি। মহাক্না ইমা লোলদা মহৈ তমআ ফংদবগী সমস্যাগী মতাংদসু ফোঙদোকখি। মহাক্না হায়, “হৌজিক মেদিকেল অমসুং ইঞ্জিনীয়রিং এজুকেসন্দা ফাওবা লোকেল লোলশিংদা তম্বগী ওপ্সন লৈরে অমসুং মসিনা লোকেল মহৈরোয়শিংদা চাউনা মতেং পাংলগনি”।
প্রধান মন্ত্রীনা হায়খি, “ঙসি কত্থোকখিবা ইঞ্জিনীয়রিং কোলেজ অসিনা ইঞ্জিনীয়রিং তম্নবা চহি খুদিংগী মহৈরোয় ৩০০দা খুদোংচাবা পীরগনি”। মহাক্না দাদরা অমদি নগর হবেলীদা অচৌবা এজুকেস্নেল ইন্সতিত্যুসনশিংনা কেম্পসশিং হাংলকপদা নুংঙাইআ ফোঙদোকখি। মহাক্না দামনদা নিফ সেতেলাইৎ কেম্পস, সিলবাসাদা গুজরাত নেস্নেল লো য়ুনিভর্সিতী, দিয়ুদা আই.আই.আই.তি. বদোদারা কেম্পস হাংবা অসি পনখি। প্রধান মন্ত্রীনা ৱাশকখি, “ঐহাক্না মহৈরোয় খুদিংমক্তা থাজবা পীরি মদুদি ঐখোয়গী সরকারনা মখোয়গী অফবা তুংলমচৎকীদমক অঙম্বা থাক্তা হোৎনগনি”।
প্রধান মন্ত্রীনা চাউখৎ-থৌরাংগী পেরামিতর মঙা নত্ত্রগা ‘পঞ্চধারা’ মমিং ওইনা পল্লবদা অঙাংশিংগী এজুকেসন, নহারোলগীদমক ইনকমগী লম্বী, অহলশিংগী হেল্থকিয়র, লৌমীশিংগী ইরিগেসন ফেসিলিতীশিং অমসুং মীচম প্রজাশিংগী রিদ্রেসেলগী মতাংদা ফোঙদোকখিবা সিলবাসাগী মহাক্কী মমাংগী খোঙচৎ অদু নীংশিং।ই। প্রধান মন্ত্রীনা হায়খি মহাক্না হায়খি মথক্তা পনখ্রিবা পেরামিতরশিং অসিদা অতোপ্পা অমগা হাপচিনবা পাম্মি মদুদি প্রধান মন্ত্রী আৱাজ য়োজনাগী নুপী বেনিফিসরীশিংগীদমক পক্কাগী য়ুমশিং। প্রধান মন্ত্রীনা হায়খি সরকারনা হৌখিবা চহি খরা অসিদা লৈবাক্কী লায়রা ইমুং করোর ৩ হেনবদা পক্কাগী য়ুমশিং ফংহনখি মসিদা য়ুম লিশিং ১৫ হেনবদি সরকার মশামক্না শাখি অমসুং খুৎশিন্নখি। প্রধান মন্ত্রীনা হায়খি ঙসি ইমুং ১২০০ হেনবনা মখোয় মশাগী উমশিং ফংজখি অমসুং নুপীশিংদা পি.এম. আৱাজ য়োজনাগী মখাদা য়ুমশিংদা চপ মান্নবা শিয়র পীখি। পি.এম. আৱাজ য়োজনাগী মখাদা শাখিবা য়ুমগী মমল অসি লুপা লাখ কয়ামরুম ওইখি মসিনা নুপীশিংবু ‘লাখপতি দিদি’ ওইহনখি হায়না ফোঙদোক্লদুনা প্রধান মন্ত্রীনা হায়খি, “সরকারনা দামন, দিয়ু, দাদরা, অমদি নগর হবেলীদগী নুপী লিশিং কয়াবু য়ুমগী মপুশিং ওইহনখি”।
ইন্তর্নেস্নেল ইয়র ওফ মিল্লেৎসকী মতাংদা পল্লদুনা প্রধান মন্ত্রীনা নাগলি অমসুং নছনিগুম্বা লোকেল মিল্লেৎশিংগী মতাংদা পনখি অমসুং হায়খি সরকার অসিনা তোঙান-তোঙানবা মওংশিংদা লোকেল শ্রী অন্নবু প্রমোৎ তৌরি। প্রধান মন্ত্রীনা মন কী বাতকী ১০০শুবা তাঙ্কক অসি লাক্কদৌরিবা নোংমাংজিং নুমিৎতা শন্দোক্কনি হায়খি। মহাক্না হায়, “মন কী বাতনা ভারতকী মীয়ামগী খোঙথাংশিং অমসুং ভারতকী অখন্নবা মগুনশিং উৎনবা য়াম্না ফবা ফম্পাক অমা ওইরকখি। নখোয়গুম্না ঐহাক্নসু ১০০শুবা তাঙ্কক অসিবু খৌরাংনা ঙাইরি”।
দামন, দিয়ু অমসুং দাদরা অমদি নগর হবেলী অসি মরু ওইবা তুরিস্ত দেস্তিনেসনশিং ওইনা শেমগৎপা য়াগনি হায়রদুনা প্রধান মন্ত্রীনা হায়খি “ঐহাক্না দামন, দিয়ু অমসুং দাদরা অমদি নগর হবেলী অসি কোস্তেল তুরিজমগী মরু ওইবা মফম অমা ওইনা উই”। মসি সরকার অসিনা ভারতপু মালেমগী মাংজিল থারিবা তুরিস্ত দেস্তিনেসন ওইহন্নবা হোৎনরিবা তানফম অসিদা হেন্না মরু ওই হায়না মহাক্না ফোঙদোকখি। নানি দামন মেরিন ওভর্ভ্যু (নমো) পথকী মমিং অসিগী মখাদা সীফ্রন্ত অনিনা তুরিজমদা শাহৌ পীরগনি। মহাক্না হায়খি বীচ এরিয়াদা অনৌবা তেন্ত সিতী শেমগৎলি। মখা তারদুনা প্রধান মন্ত্রীনা হায়খি খানবেল রিভরফ্রন্ত, দুধানি জেত্তী, ইকো-রিজোর্ত অমসুং কোস্তেল প্রোমিনেৎনা হেক শাবা লোইবগা লমকোইবশিংগী পুক্নিং চীংশিনবা হেনগৎলগনি।
ৱারোল পীবা লোইশিনবদা প্রধান মন্ত্রীনা হায়খি লৈবাক অসিনা লৈবাক অসিনা ‘তুশতিকরন’ নত্ত্রগা ইংথহনবগী মহুৎ ‘সন্তুশতিকরন’ নত্ত্রগা অপেনবা পোকহনবদা ওইনা মীৎয়েং চংলি। খুন্নাইগী শোত্থরবা শরুক খুদিংমক অমসুং লৈবাক্কী শোত্থরবা রিজন খুদিংমক্তা খুদোংচাবশিং পীনবা খোঙজেল য়াংনা কেন্দ্র সরকারনা থবক পাইখৎলি হায়না ফোঙদোক্লদুনা প্রধান মন্ত্রীনা হায়খি, “শোত্থরবশিংগী মথৌ তাবশিংদা মরু ওইবা মীৎয়েং চংবনা হৌখিবা চহি ৯ অসিদা গুদ গভর্নান্সকী খুদম ওইখি”। প্রজাশিংগী থোংজিলদা সরকারগী এপ্রোচশিংনা য়ৌরবা মতমদা অমসুং স্কিমশিংগী সেচুরেসন ফংবা ঙম্লবা মতমদা শেঞ্জা-থুমজা অমসুং খেন্নবা লৈবা অসি মুৎথৎপা ঙমগনি। শ্রী মোদীনা দামন, দিয়ু, দাদরা অমদি নগর হবেলীনা কেন্দ্র সরকারগী তোঙান-তোঙানবা স্কিমশিংগী সেচুরেসন ফংগদবা নংশিল্লকপদা নুংঙাইবা ফোঙদোকখি। প্রধান মন্ত্রীনা লোইশিনবদা হায়খি, “বিক্ষিৎ ভারত অমসুং চাউখৎপগী ফিরেপ অসি ‘সবকা প্রয়াস’কা লোয়ননা ফংবা ঙমগনি”।
দাদরা অমদি নগর হবেলী অমসুং দামন অমদি দিয়ু অমসুং লক্ষদ্বীপকী এদমিনিস্ত্রেতর, শ্রী প্রফুল পতেল, দাদরা অমদি নগর হবেলী অমসুং কৌশম্বীগী মেম্বর ওফ পার্লিয়ামেন্ত, মথং শিৎনা শ্রী কালাবেন মোহনভাই দেলকার অমসুং বিনোদ সোনকরনা থৌরম অসিদা শরুক য়াখি।
বেকগ্রাউন্দ
প্রধান মন্ত্রীনা ২০১৯গী জনুৱারীদা মহাক মশামক্না উরেপ উয়ুং তমখিবা সিলবাসাদা লৈবা নমো মেদিকেল এজুকেসন এন্দ রিসর্চ ইন্সতিত্যুত্তা চৎকনি অমসুং জাতিদা কত্থোকখ্রে। মসিনা দাদরা অমসুং নগর হবেলী অমসুং দামন অমসুং দিয়ুগী য়ুনিন তেরিতোরীগী প্রজাশিংগীদমক হেল্থকিয়র সর্ভিসশিংদা অওনবা পুরক্লগনি। স্তেৎ ওফ দি আর্ত মেদিকেল কোলেজ অসিদা খ্বাইদগী নৌবা রিসর্চ সেন্তরশিং, নেস্নেল অমসুং ইন্তর্নেস্নেল জর্নেলশিং পুং ২৪ এক্সেস তৌবা য়াবা সেন্ত্রেল লাইব্রেরী, স্পেসিএলাইস মেদিকেল স্তাফ, মেদিকেল লেবশিইং, স্মার্ত লেকচর হোলশিং, রিসর্চ লেবশিং, এনাতোমী ম্যুজিয়ম, ক্লব হাউস, স্পোর্ত ফেসিলিতীশিং লোয়ননা মহৈরোয়শিং অমদি ফেকলতী মেম্বরশিংগীদমক লৈফম য়াওরি।
মসিগী মতুংদা প্রধান মন্ত্রীনা সিলবাসাদা লৈবা সেলি গ্রাউন্দদা লুপা করোর ৪৮৫০ হেনবগী প্রোজেক্ত ৯৬কী উরেপ-উয়ুং তমগনি অমসুং কত্থোকখ্রে। প্রোজেক্তশিং অসিদা দাদরা অমসুং নগর হবেলীগী মোর্খাল, খেরদি, সিন্দোনি অমসুং মাসৎতা সরকারগী স্কুলশিং; দাদরা অমসুং নগর হবেলী জিলাদা তোঙান-তোঙানবা লম্বীশিং ফজহনবা, শেমগৎপা অমসুং পাকথোকপা; অম্বাৱাদি, পরিয়ারি, দামনৱাদা, খারিৱাদতা সরকারগী স্কুলশিং অমসুং দামনদা গভর্নমেন্ত ইঞ্জিনীয়রিং কোলেজ; মোতি দামন অমসুং নানি দামনদা ঙা কৈথেল অমসুং শোপ্পিং কমপ্লেক্স অমসুং নানি দামনদা ৱাতর সপ্লাই স্কিম পাকথোক-চাউথোকহনবা য়াওরি।
पिछले 9 वर्षों में हमने देश में एक नई कार्यशैली विकसित की है।
— PMO India (@PMOIndia) April 25, 2023
अब जिस कार्य की नींव रखी जाती है, उसे तेजी से पूरा करने का भी भरसक प्रयास किया जाता है। pic.twitter.com/jgMBk1EIO6
केंद्र सरकार, सबका साथ-सबका विकास, सबका विश्वास और सबका प्रयास के मंत्र पर चल रही है। pic.twitter.com/q2Q2ET4VD3
— PMO India (@PMOIndia) April 25, 2023
सेवाभावना यहां के लोगों की पहचान है: PM @narendramodi in Silvassa pic.twitter.com/ZjS28UXxG3
— PMO India (@PMOIndia) April 25, 2023
वंचितों को वरीयता, ये बीते 9 वर्ष के सुशासन की पहचान बन चुकी है। pic.twitter.com/43Ml9MTIFh
— PMO India (@PMOIndia) April 25, 2023
