ঙসি ঐহাক্না পি.এম.-কিসানগী 19শুবা ইন্সতোলমেন্ত থাদোকপগী খুদোংচাবা ফংজরি, স্কিম অসিনা লৈবাক শিনবা থুংবদা লৈরিবা ঐখোয়গী অপীকপা লৌমীশিংগীদমক য়াম্না কান্নবা ওইরপা অসিদা ঐহাক্না য়াম্না অপেনবা পোকই: পি.এম.
মখানা বিকাস বোর্দ শেম্নবা ঐখোয়গী খোঙথাং অসিনা বিহারগী লৌউ-শিংউ তৌরিবা লৌমীশিংদা চাউনা কান্নবা পীরগনি, মখানা পুথোকপা, প্রোসেস তৌবা, ভেল্যু এদিসন অমসুং মার্কেতিংদা মসিনা চাউনা মতেং পাংলগনি: পি.এম.NDA সরকার লৈরমদ্রবদি বিহার য়াওনা লৈবাক শিনবা থুংবদা লৈরিবা লৌমীশিংনা পি.এম. কিসান সম্মান নিধি ফংলমলোই, হৌখিবা চহি 6 অসিদা শেল খুদিংমক ঐখোয়গী অন্নদাতাশিংগী একাউন্তশিংদা হকথেংননা চংহল্লি: পি.এম.মখানা নত্ত্রগা ভাগলপুরগী মুগা ওইরবসু বিহারগী অসিগুম্বা অখন্নবা পোত্থোকশিং অসি মালেম শিনবা থুংবদা লৈরিবা কৈথেলশিংদা য়ৌহনবা অসি ঐখোয়গী পান্দমনি: পি.এম.পি.এম. ধন-ধান্য য়োজনা অসিনা লৌউ-শিংউদা শোত্থরবা মফমশিংদা মহৈ-মরোংশিং পুথোকপদা শাহৌ পীবা খক্তা নত্তনা ঐখোয়গী লৌমীশিংবুসু শক্তি পীরগনি: পি.এম.ঙসি বিহারগী লমদমনা 10,000শুবা FPO শেম্বা উবা ফংলি। থৌরম অসিদা ঐহাক্না লৈবাক শিনবা থুংবদা লৈরিবা ফার্মর পলৌমীশিংগী য়াইফ-থৌরাং ফংহন্নবা মহাক্কী অচেৎপা ফিরেপ অদুগী মতুং ইন্না, প্রধান মন্ত্রী শ্রী নরেন্দ্র মোদীনা ঙসি বিহারগী ভাগলপুরদগী পি.এম. কিসানগী 19শুবা ইন্সতোলমেন্ত থাদোকখ্রে। মহাক্না থৌরম অদুদা চাউখৎ-থৌরাংগী প্রোজেক্ত কয়া অমসু হৌদোকখি। শ্রী মোদীনা থৌরম অসিদা ভর্চুএল ওইনা শরুক য়াখিবা মীহুৎশিং অমসুং মীয়াম পুম্নমকপু তরাম্না ওকখি। মহাক্না হায়খি মদুদি মহা কুম্ভগী মতম অসিদা মান্দরাচলগী লমদম অসিদা লাকপা অসি য়াম্না লাইবক ফবনি। মফম অসিদা স্পিরিচুএলিতি, হেরিতেজ লোয়ননা ভিক্সিৎ ভারতকী পোতেন্সিএল লৈ হায়না মহাক্না মখা তাখি। শ্রী মোদীনা হায়খি মদুদি মসি শহিদ তিলকা মানঝীগী লমনি অমসুং সিল্ক সিতী হায়রগসু মমিং চৎলি। মহাক্না মখা তাখি মদুদি বাবা অজগৈবীনাথকী অশেংবা লমদম অসিদা লাক্কদৌরিবা মহা শিবরাত্রিগীদমক শেম-শারি। মহাক্না হায়খি মদুদি মহাক্না পি.এম. কিসানগী 19শুবা ইন্সতোলমেন্ত অসি অসিগুম্বা অফবা মতম অসিদা থাদোকপা ঙম্বগী খুদোংচাবা ফংখি অমসুং দাইরেক্ত বেনিফিৎ ত্রান্সফরগী খুত্থাংদা চাউরাক্না লুপা করোর 22,000 অসি লৌমীশিংগী বেঙ্ক একাউন্তশিংদা হকথেংননা ক্রেদিৎ তৌখি।
প্রধান মন্ত্রীনা হায়খি মদুদি বিহারগী চাউরাক্না লৌমী ইমুং লাখ 75 অসি পি.এম. কিসান স্কিমগী বেনিফিসরীশিংনি, মসিগী 19শুবা ইন্সতোলমেন্ত ঙসি রিলিজ তৌখ্রে। মহাক্না মখা তাখি মদুদি ঙসি বিহারগী লৌমীশিংগী বেঙ্ক একাউন্তশিংদা চাউরাক্না লুপা করোর 1,600 ক্রেদিৎ তৌখ্রে। বিহার অমসুং লৈবাক অসিগী অতৈ মফমশিংদা লৈরিবা লৌমীশিংগী ইমুং মনুং খুদিংমক্তা মহাক্না নুঙাইবা ফোংদোকখি।
শ্রী মোদীনা লাল কিলাদগী মহাক্কী ৱারোলদা থমখিবা ৱাফমশিং অদু নৌহৌনা পনখি। মহাক্না হায়খি, "ভিক্সিৎ ভারতকী মরুওইবা য়ুম্বী মরি লৈ: লায়রবশিং, লৌমীশিং, নহাশিং অমসুং নুপীশিং।" মহাক্না মখা তাখি মদুদি কেন্দ্র সরকার ওইগেরা নত্রগা রাজ্য সরকার ওইগেরা, লৌমীশিংগী য়াইফ-থৌরাং অসি মরুওইবা অমা ওইরি। শ্রী মোদীনা হায়খি, "ঐখোয়না হৌখিবা চহি তরা অসিদা লৌমীশিংগী সমস্যা খুদিংমক কোকহন্নবা মপুং ফানা হোৎনখি।" লৌমীশিংদা অফবা মহৈ-মরোং, মতিক চাবা অমসুং মমল হোংবা ফর্তিলাইজর, ইরিগেসনগী খুদোংচাবশিং, মখোয়গী শা-শনশিংবু লাইনা-লাইচৎশিংদগী ঙাকথোকপা অমসুং দিজাস্তরগী মতমদা মাং-তাকপদগী ঙাকথোকপা মথৌ তাই হায়না মহাক্না ফোংদোকখি। মমাংদা, লৌমীশিংদা হায়রিবা ৱাফমশিং অসিনা অৱাবা পীখি। প্রধান মন্ত্রীনা হায়খি মদুদি মহাক্কী সরকারনা ফীভম অসি হোংদোক্লে। হৌখিবা চহিশিংদা লৌমীশিংদা অনৌবা মখলগী মহৈ-মরোং চা কয়া ফংহনখ্রে। মমাংদা, লৌমীশিংনা য়ুরিয়াগীদমক লান্থেংনরম্মি অমসুং ব্লেক মার্কেতিং থেংনরম্মি, অদুগা ঙসিদি, লৌমীশিংনা ফর্তিলাইজর মরাং কাইনা ফংলি হায়না মহাক্না মখা তাখি। শ্রী মোদীনা হায়খি মদুদি লাইচৎ অসিগী অচৌবা খুদোংচাদবা মতমদা ফাওবা, সরকারনা লৌমীশিংগীদমক্তা উহৈগী অৱাৎপা লৈহন্দনবা হোৎনখি। করিগুম্বা মখোয়গী সরকার অসি মীখলদা মায় পাক্লমদ্রবদি, লৌমীশিংনা হৌজিক ফাওবা ফর্তিলাইজরগীদমক লান্থেংন্নরমগনি হায়না মহাক্না ফোংদোকখি। বরৌনী ফর্তিলাইজর প্লান্ত অসি অদুমক থিংখিগনি হায়না মহাক্না অকনবা ৱাফম থমখি। ভারতকী লৌমীশিংদা বেগ অমদা লুপা 300দগী হন্থনা ফংলিবা ফর্তিলাইজরশিং অসি লৈবাক কয়াদা বেগ অমদা লুপা 3,000দা য়োল্লি। প্রধান মন্ত্রীনা হায়খি মদুদি মহাক্কী সরকারনা য়ুরিয়াগী বেগশিং, লুপা 3000গী মমল ওইরম্বা অদু ঙসি হোংনা ফংহনখ্রে। মহাক্না হায়খি মদুদি সরকার অসিনা লৌমীশিংগী য়াইফনবা হোৎনরি অমসুং মখোয়গী য়াইফনবগীদমক থবক তৌরি। য়ুরিয়া অমসুং DAPগী শেনফম অসি লৌমীশিংনা পুথোক্কদবনি, মসি কেন্দ্র সরকারনা পুথোক্লি হায়না মহাক্না মখা তাখি। শ্রী মোদীনা হায়খি মদুদি হৌখিবা চহি 10 অসিদা, কেন্দ্র সরকারনা চাউরাক্না লুপা করোর লাখ 12 পীখি নৎলমদ্রবদি মদু লৌমীশিংগী ফুরিৎ খাওদগী চৎলমগনি। মসিনা লৈবাক শিনবা থুংনা লৈরিবা লৌমী করোর কয়াগী শেল য়াম্না কনবা ঙম্লে হায়না মহাক্না মখা তাখি।
করিগুম্বা মখোয়গী সরকার অসি মীখলদা মায় পাক্লমদ্রবদি লৌমীশিংনা পি.এম. কিসান সম্মান নিধি স্কিমগী কান্নবা ফংলম্লোই হায়না ফোংদোক্লদুনা, স্কিম অসি হৌখিবা চহি তরুক অসিদা চাউরাক্না লুপা করোর লাখ 3.7না লৌমীশিংগী একাউন্তশিংদা হকথেংননা ত্রান্সফর তৌখ্রে হায়না প্রধান মন্ত্রীনা ফোংদোকখি। শ্রী মোদীনা হায়খি মদুদি মমাংদা সরকারগী স্কিমশিংগী মপুং ফানা কান্নবা ফংলমদবা অপীকপা লৌমীশিংনা হৌজিক মখোয়গী ফংদম থোকপা অদু ফংলি। মহাক্না হায়খি মদুদি ইন্তরমিদিয়রশিংনা অপীকপা লৌমীশিংগী হকশিং শীজিন্নরম্মি, অদুবু মহাক্না থাজবা পীখি মদুদি মহাক্কী লুচিং অমসুং শ্রী নিতিশ কুমারগী লুচিং মখাদা, মসি থোকহল্লোই। প্রধান মন্ত্রীনা মসি মমাংগী সরকারশিংগা চাংদম্নরদুনা মহাক্না হায়খি মদুদি মহাক্কী সরকারনা লৌমীশিংগী বেঙ্ক একাউন্তশিংদা হকথেংননা ত্রান্সফর তৌখিবা শেনফম অসি মমাংগী সরকারশিংনা লৌউ-শিংউগীদমক বজেৎ থাদখিবা অদুদগী য়াম্না হেল্লি। অসিগুম্বা থবকশিং অসি লৌমীশিংগী য়াইফ-থৌরাংগীদমক্তা কত্থোক্লবা সরকারনা খক্তনা পাংথোকপা ঙম্মি অদুগা মসি শেঞ্জা-থুমজা তৌবা এন্তিতীশিংনা পাংথোকপা ঙম্লোই হায়না মহাক্না অকনবা ৱাফম থমখি।
শ্রী মোদীনা হায়খি মদুদি মমাংগী দিস্পেন্সনশিংনা লৌমীশিংনা থেংনরিবা অৱাবা অদুগী মতাংদা করিসু খল্লমদে। মমাংদা, ঈশিং ঈচাও, ঈকং থোকপা নৎত্রগা লেন তাবা মতমদা, লৌমীশিংনা মশা মরোমদোম অৱাবা থেংনবা তাখি হায়না মহাক্না ফোংদোকখি। মহাক্না হায়খি মদুদি 2014দা মহাক্কী সরকারনা মীয়ামগী য়াইফ-মঙ্গোল ফংলবা মতুংদা, মহাক্না হায়রিবা থৌওং অসি মখা চত্থরোই হায়না ফোঙদোকখি। মহাক্কী সরকারনা পি.এম. ফাসল বিমা য়োজনা হৌদোকখি। মসিগী মখাদা লৌমীশিংনা দিজাস্তরগী মতমদা লুপা করোর লাখ 1.75গী ক্লেম ফংখি হায়না মহাক্না মখা তাখি।
প্রধান মন্ত্রীনা হায়খি মদুদি মহাক্কী সরকারনা লম লৈতবা অমসুং অপীকপা লৌমীশিংগী শেন্থোক হেনগৎহন্নবা শা-শন য়োকপদা পুক্নিং থৌগৎলি। মহাক্না হায়খি মদুদি এনিমেল হজবেন্দ্রীনা খুঙ্গংশিংদা "লাখপতি দিদি"শিং শেমগৎপদা মতেং পাংলি। হৌজিক ফাওবদা, লৈবাক শিনবা থুংনা চাউরাক্না লাখপতি দিদিশিং করোর 1.25 শেমগৎখ্রে মসিদা বিহারদা জীবিকা দিদি লিশিং কয়া শেমখিবা য়াওরি। শ্রী মোদীনা হায়খি মদুদি হৌখিবা চহি তরা অসিদা ভারতকী শঙ্গোম পুথোকপা অসি তন করোর 14দগী তন করোর 24দা হেনগৎখ্রে। মসিনা মালেমগী খ্বাইদগী চাউবা শঙ্গোম পুথোকপা লৈবাক অমা ওইবগী ভারতকী থাক অদু হেন্না চেৎশিলহল্লে। মহাক্না হায়খি বিহারদা কোওপরেতিব মিল্ক য়ুনিয়নশিংনা নোংমদা শঙ্গোম লিতর লাখ 30 য়োনবা অসিনা বিহারদা লৈরিবা লাইবস্তোক ফার্মরশিং, ইমাশিং অমসুং ইচে-ইচলশিংগী একাউন্তশিংদা চহি খুদিংগী লুপা করোর 3,000 হেন্না ত্রান্সফর তৌরি।
শ্রী রাজীব রঞ্জননা দাইরী সেক্তরদা পুক্নিং থৌগৎনবা হোৎনরিবশিং অসি হৈ-শিংলবা মওংদা পায়খৎলিবা অসিদা নুংঙাইবা ফোংদোক্লদুনা, প্রধান মন্ত্রীনা হায়খি মদুদি বিহারদা প্রোজেক্ত অনি অসি মখোয়গী হোৎনবশিং অসিনা মরম ওইদুনা খোঙজেল য়াংনা মাংলোমদা চংশিল্লি। মোতিহারীদা লৈবা সেন্তর ওফ এক্সিলেন্স অসিনা অফবা লমদমসিগী শা মখলশিং শেমগৎপদা মতেং পাংগনি হায়না মহাক্না হায়খি। মসিগী মথক্তা, বরৌনিদা লৈরিবা মিল্ক প্লান্ত অসিনা লমদম অসিদা লৈরিবা লৌমী লাখ অহুমদা কান্নবা পীগনি অমসুং নহারোলশিংদা থবক ফংহল্লগনি হায়না মহাক্না মখা তাখি।
ঙামীশিং অমসুং বোৎমেনশিংবু মতেং পাংদবগীদমক মমাংগী সরকারশিংবু মরাল শিদুনা, শ্রী মোদীনা হায়খি মদুদি, অহানবা ওইনা মখোয়গী সরকারনা ঙামীশিংদা কিসান ক্রেদিৎ কার্দশিং ফংহনখি। অসিগুম্বা হোৎনরিবশিং অসিনা মরম ওইদুনা বিহারনা ঙা পুথোকপদা চাউনা খুমাং চাউশিল্লক্লি হায়না মহাক্না অকনবা ৱাফম থমখি। চহি 10গী মমাংদা, বিহার অসি লৈবাক অসিগী খ্বাইদগী মশিং য়াম্না ঙা পুথোকপা রাজ্য 10গী মনুংদা অমা ওইরম্মি, অদুবু ঙসিদি বিহার অসি ভারতকী খ্বাইদগী মশিং য়াম্না ঙা পুথোকপা রাজ্য 5গী মনুংদা অমা ওইরে হায়না মহাক্না হায়খি। ফিসরিজ সেক্তরদা মীৎয়েং চঙবনা অপীকপা লৌমীশিং অমসুং ঙামীশিংদা কান্নবা ফংহল্লে হায়না প্রধান মন্ত্রীনা ফোংদোকখি। মহাক্না হায়খি মদুদি ভাগলপুর অসি গঙ্গা দোলফিনশিংগীদমক্তা খঙনৈ, মসি নমামি গঙ্গে কেম্পেনগী মরুওইবা মায় পাকপা অমনি।
প্রধান মন্ত্রীনা হায়খি, "হৌখিবা চহিশিংদা ঐখোয়গী সরকারনা হোৎনখিবশিংনা ভারতকী লৌউ-শিংউগী পোৎলমশিং থাদোকপদা মশক থোক্না হেনগৎহনখ্রে।" মসিনা মরম ওইদুনা, লৌমীশিংনা মখোয়গী পোত্থোকশিংগী মমল হেনগৎলক্লি হায়না মহাক্না মখা তাখি। মহাক্না হায়খি, মমাংদা মপান লমদা থাদোক্ত্রিবা লৌউ-শিংউগী পোত্থোক কয়া অমা হৌজিক্তি মালেমগী কৈথেলশিংদা য়ৌরে। শ্রী মোদীনা হায়খি মদুদি বিহারগী মখানা অসি মালেমগী কৈথেলদা চঙবগী মতম ওইরে। মহাক্না পনখি মদুদি ভারতকী শহরশিংদা মখানা অয়ুক্কী চিঞ্জাক্কী মমিং চৎলবা শরুক অমা ওইরে অমসুং মসি সুপরফুদ অমনি হায়না লৌনরি। মহাক্না হায়খি মদুদি চহি অসিগী বজেৎতা মখানা লৌমীশিংগীদমক মখানা বোর্দ অমা শেম্নবা লাউথোকখিবা অসিনা মখানা পুথোকপা, প্রোসেসিং তৌবা, ভেল্যু এদিসন অমসুং মার্কেতিং য়াওনা হীরম খুদিংমক্তা লৌমীশিংদা মতেং পাংগনি।
বজেৎ অসিদা বিহারগী লৌমীশিং অমসুং নহারোলশিংগীদমক অতোপ্পা মরুওইবা খোঙথাং অমগী মতাংদা পল্লদুনা শ্রী মোদীনা হায়খি মদুদি বিহার অসি নোংপোক থংবা ভারত্তা ফুদ প্রোসেসিং ইন্দস্ত্রীগী মরুওইবা মফম অমা ওইগদৌরি। মহাক্না বিহারদা নেস্নেল ইন্সতিত্যুৎ ওফ ফুদ তেক্নোলোজী অমসুং ওন্তপ্রিন্যুওরশিপ লিংখৎনবা লাউথোকখি। মসিগী মথক্তা, রাজ্য অসিদা এগ্রিকলচরদা এক্সলেন্সকী অনৌবা সেন্তর অহুম লিংখৎকনি। সেন্তরশিং অসিগী মনুংদা অমা ভাগলপুরদা লিংখৎকনি, মসিদা জর্দালু মখলগী হৈনৌদা মীৎয়েং থমগনি। অতোপ্পা সেন্তর অনি অসি মুঙ্গর অমসুং বক্সরদা লিংখৎকনি, মসিদা খামেন অশিনবা, তিলহৌ অমসুং অলু থারিবা লৌমীশিংদা মতেং পাংগনি হায়না মহাক্না মখা তাখি। শ্রী মোদীনা সরকারনা লৌমীশিংগী কান্নবা ফংহন্নবা তৌবা য়াবা খুদিংমক তৌরি হায়না অকনবা ৱাফম থমখি।
শ্রী মোদীনা হায়খি, "ভারত অসি তেক্সতাইলগী মরুওইবা এক্সপোর্তর অমা ওইরক্লি।" অমসুং লৈবাক অসিদা তেক্সতাইল ইন্দস্ত্রী মপাঙ্গল কনখৎহন্নবা থবক কয়া পায়খৎলি হায়না মহাক্না ফোংদোকখি। মহাক্না হায়খি মদুদি ভাগলপুরদা, মসি তোইনা হায়নৈ মদুদি উ পাম্বীশিংনসু সনা পুথোকই। ভাগলপুরী মুগা অমসুং তসর মুগা অসি ভারত শিনবা থুংনা মমিং চৎলি অমসুং তসর মুগাগী দিমান্দ অসি অতোপ্পা লৈবাকশিংদসু লেপ্পা লৈতনা হেনগৎলক্লি হায়না মহাক্না মখা তাখি। প্রধান মন্ত্রীনা হায়খি মদুদি কেন্দ্র সরকারনা ফেব্রিক অমসুং য়র্ন দাইয়িং য়ুনিৎশিং, ফেব্রিক প্রিন্তিং য়ুনিৎশিং অমসুং ফেব্রিক প্রোসেসিং য়ুনিৎশিং য়াওনা সিল্ক ইন্দস্ত্রীগী ইনফ্রাস্ত্রকচর দিবেলপমেন্ততা মীৎয়েং থম্লি। থৌরাংশিং অসিনা ভাগলপুরগী ৱিভরশিংদা অনৌবা খুদোংচাবশিং ফংহল্লগনি। মসিনা মখোয়গী পোত্থোকশিং মালেমগী মফম খুদিংমক্তা য়ৌহল্লগনি হায়না মহাক্না হায়খি।
শ্রী মোদীনা হায়খি মদুদি সরকারনা বিহারগী মরুওইবা ইসুশিংগী মনুংদা অমা ওইরিবা ত্রান্সপোর্তেসনগী খুদোংচাদবশিং কোকহন্নবগীদমক তুরেলশিংগী মথক্তা থোং কয়া অমা শেমগৎতুনা অৱাবা কোকহল্লি। মতীক চানা থোংশিং লৈতবনা রাজ্য অসিদা অৱাবা কয়া অমা মায়োক্নহল্লি হায়না মহাক্না ফোংদোকখি। গঙ্গা তুরেলগী মথক্তা লেন মরিগী থোং অমা শাবদা খোঙজেল য়াংনা খুমাং চাউশিল্লক্লি হায়না মহাক্না অকনবা ৱাফম থমখি। প্রোজেক্ত অসিদা লুপা করোর 1,100 হেন্না চাদিং তৌখ্রে।
বিহারদা ঈশিং-ঈচাউনা মরম ওইদুনা য়াম্না চাউনা অমাং-অতা থোকপা থেংনরে হায়না পল্লদুনা প্রধান মন্ত্রীনা হায়খি মদুদি সরকারনা মসিগী ইসু অসি কোকহন্নবা লুপা করোর লিশিং কয়াগী প্রোজেক্তশিং অয়াবা পীখ্রে। মহাক্না হায়খি মদুদি চহি অসিগী বজেৎ অসিদা মিথিলনচল লমদমদা হেক্তর 50,000 গী লম ইরিগেসনগী মখাদা পুরক্কদবা ৱেস্তর্ন কোসী কেনেল ERM প্রোজেক্তকী তেংবাং অসিনা লৌমী ইমুং লাখ কয়াদা কান্নবা ফংহল্লগনি।
প্রধান মন্ত্রীনা হায়খি, "ঐখোয়গী সরকারনা লৌমীশিংগী শেন্থোক হেনগৎহন্নবা থাক কয়াদা থবক পায়খৎলি।" মহাক্না পল্সশিং অমসুং ওইলসীদশিং পুথোকপদা শাহৌ পীনবা অমসুং মশা-মরোমদোম লেপচবা ঙমহন্নবা, ফুদ প্রোসেসিং ইন্দস্ত্রী কয়া লিংখৎনবা অমসুং ভারতকী লৌমীশিংগী পোত্থোকশিং মালেমগী কৈথেলশিংদা য়ৌহন্নবা হোৎনরিবশিং অদু পনখি। মালেমগী চাকশঙ খুদিংমক্তা ভারতকী লৌমীশিংনা পুথোকপা পোত্থোক অমতং লৈগদবনি হায়না মহাক্না মহাক্কী ৱাখল্লোন ফোংদোকখি। মহাক্না হায়খি মদুদি চহি অসিগী বজেৎ অসিনা পি.এম. ধন ধান্য য়োজনাগী এনাউন্সমেন্তকী থোংদা মসিগী ভিজন অসিবু সপোর্ত তৌরি। স্কিম অসিগী মখাদা, খ্বাইদগী হন্থবা মহৈ-মরোং পুথোকপা জিলা 100 মশক খঙদোক্লগনি অমসুং হায়রিবা মফমশিং অসিদা লৌউ-শিংউবু পুক্নিং থৌগৎনবা অখন্নবা কেম্পেনশিং হৌদোক্লগনি হায়না মহাক্না মখা তাখি। মহাক্না মিসন মোদতা থবক পায়খৎলগনি হায়নসু অকনবা ৱাফম থমখি। মসিনা মহৈ-মরোংদা মশা-মরোমদোম লেপচবা ঙম্লগনি। মসিনা লৌমীশিংদা মহৈ-মরোং হেন্না থাবদা পুক্নিং থৌগৎকনি অমসুং MSPদা প্রোক্যুর্মেন্ত হেনগৎহনগনি।
ঙসি অসি য়াম্না অখন্নবা নুমিৎ অমনি হায়না পল্লদুনা প্রধান মন্ত্রীনা হায়খি মদুদি সরকারনা লৈবাক অসিদা ফার্মর প্রদ্যুসর ওর্গনাইজেসন (FPO) 10,000 লিংখৎনবা পান্দম থমখি অমসুং হৌজিক্তি পান্দম অসি ফংলে। বিহারদা 10,000শুবা FPO লিংখৎলকপা উবদা মহাক্না নুংঙাইবা ফোংদোকখি। খাগরিয়া দিস্ত্রিক্ততা রেজিস্তর তৌরবা FPO অসিনা চুজাক, লফোই অমসুং ফৌদা মীৎয়েং থম্লি হায়না মহাক্না মখা তাখি। মহাক্না ফোংদোকখি মদুদি FPOশিং অসি ওর্গনাইজেসনশিং খক্তা নত্তে অদুবু লৌমীশিংগী শেন্দোং হেনগৎহনবদা মমাংদা অমুক্তা ওইখিদ্রিবা মপাঙ্গল অমনি। FPOশিংনা অপীকপা লৌমীশিংদা মরুওইবা কৈথেলগী কান্নবশিং ফংহন্নবা হকথেংননা খুদোংচাবা পীরি হায়না শ্রী মোদীনা ফোংদোকখি। মমাংদা ফংদ্রিবা খুদোংচাবশিং অসি হৌজিক ঐখোয়গী লৌমী ইচিল-ইনাওশিংনা FPOশিংগী খুত্থাংদা ফংলি। প্রধান মন্ত্রীনা হায়খি মদুদি লৈবাক অসিদা চাউরাক্না লৌমী লাখ 30 FPOশিংগা শম্নরি। মসিগী মনুংদা চাদা 40দি নুপীশিংনি। FPOশিং অসিনা হৌজিক্তি এগ্রিকলচর সেক্তরদা করোর লিশিং কয়াগী ললোন-ইতিক তৌরি হায়না মহাক্না হায়খি। মহাক্না FPO 10000গী মেম্বর পুম্নমকপু নুংঙাইবা ফোংদোকখি।
বিহারগী ইন্দস্ত্রীএল দিবেলপমেন্তদা সরকারনা মীৎয়েং চংলিবা অদু পল্লদুনা শ্রী মোদীনা হায়খি মদুদি বিহার সরকারনা ভাগলপুরদা অচৌবা পাৱর প্লান্ত অমা লিংখৎলি। মসিনা কোয়লা মরাং কায়না ফংহল্লগনি। মসিগীদমক কেন্দ্র সরকারনা কোল লিঙ্কেজকী অয়াবা পীখ্রে হায়না মহাক্না অকনবা ৱাফম থমখি। মহাক্না থাজবা থমখি মদুদি মফম অসিদা পুথোক্লিবা ইলেক্ত্রিসিতী অসিনা বিহারগী চাউখৎ থৌরাংগীদমক অনৌবা ইনর্জী পীগনি অমসুং বিহারগী নহারোলশিংগীদমক অনৌবা থবক ফংহন্নবা খুদোংচাবা পীগনি।
শ্রী মোদীনা হায়খি, "ভিক্সিৎ ভারতকী হৌরকফম অসি পুর্বোদয়দগী হৌরগনি।" বিহার অসি নোংপোক থংবা ভারতকী খ্বাইদগী মরুওইবা য়ুম্বীনি অমসুং ভারতকী কলচরেল হেরিতেজকী খুদম অমনি হায়না মহাক্না ফোংদোকখি। মহাক্না বিহারবু মাং-তাকহনখি অমসুং মীংচৎ থীহনখিবা মমাংগী দিস্পেনসেসনগী মতম শাংনা লৈরম্বা ফত্তবা লৈঙাক্লোনবু কন্না চৈখি। মহাক্না থাজবা থমখি মদুদি চাউখৎলবা ভারত অমদা, বিহারনা অরিবা মতমগী চাউখৎলবা পতালিপুত্রাগুম্না অমুক হন্না মকোক থোংলগনি। প্রধান মন্ত্রীনা পান্দম অসিগী মায়কৈদা লেপ্পা লৈতনা হোৎনরিবশিং অদু পনখি। মহাক্কী সরকারনা বিহারদা মোদর্ন কনেক্তিবিতী, লম্বী নেৎৱার্ক, অমসুং মীয়ামগী য়াইফনবা স্কিমশিংদা অচেৎপা ৱাফম থমখি। মহাক্না চাউরাক্না লুপা করোর 5,000 চঙদুনা মুঙ্গরদগী ভাগলপুরদগী মির্জা চৌকি ফাওবা অনৌবা হাইৱে অমা শাগৎলি হায়না লাউথোকখি। মসিগী মথক্তা, ভাগলপুরদগী অন্সদিহৱা ফাওবদা লৈরিবা লেন মরিগী লম্বী পাকথোকহনবগী থবকসু হৌগদৌরি হায়না মহাক্না মখা তাখি। ভারত সরকারনা বিক্রমশিলাদগী কতারিয়া ফাওবদা অনৌবা রেল লাইন অমসুং রেল থোং অমা শানবা অয়াবা পীখ্রে হায়নসু মহাক্না পনখি।
প্রধান মন্ত্রীনা হায়খি মদুদি ভাগলপুর অসি নাৎকী অমসুং পুৱারীগী ওইনা য়াম্না মরু ওই। মহাক্না হায়খি মদুদি বিক্রমশিলা য়ুনিভর্সিতীগী মতমদা, মসি মালেমগী লৌশিংগী মফম অমা ওইখি। মহাক্না হায়খি মদুদি সরকারনা নালন্দা য়ুনিভর্সিতীগী অরিবা মতমগী শক্নাইরবশিংবু মোদর্ন ইন্দিয়াগা শম্নহন্নবা হোৎনরি। নালন্দাগী মতুং ইন্না, বিক্রমশিলাদা সেন্ত্রেল য়ুনিভর্সিতী অমা লিংখৎলি অমসুং কেন্দ্র সরকারনা প্রোজেক্ত অসিগী থবক অথুবা মতমদা হৌরগনি হায়না মহাক্না মখা তাখি। প্রোজেক্ত অসিগী মথৌ তাবশিং অসি মপুং ফাহন্নবগীদমক শ্রী নিতিশ কুমার অমসুং বিহার সরকারগী তীম পুম্নমকপু মহাক্না থাগৎপা ফোংদোকখি।
শ্রী মোদীনা হায়খি, "ঐখোয়গী সরকারনা পুন্না থবক তৌমিন্নদুনা ভারতকী শিংথানীংঙাই ওইরবা হেরিতেজ অসি ঙাক-শেন্দুনা অমসুং চাউখৎপা তুংলমচৎ অমা শেমগৎনবা হোৎনরি।" মহাক্না হায়খি মদুদি হৌজিক প্রয়াগরাজতা মহা কুম্ভ পাংথোক্লি। মসি ভারতকী থাজবা, অপুনবা অমসুং অপুনবগী খ্বাইদগী চাউবা কুম্মৈনি। য়ুরোপকী অপুনবা মীশিংদগী হেনবা মীওইশিংনা য়ুনিতীগী মহা কুম্ভতা ঈরুপখি হায়না মহাক্না ফোংদোকখি। প্রধান মন্ত্রীনা অকনবা ৱাফম থমখি মদুদি বিহারগী খুঙ্গং কয়াদগী ভক্তশিংনা মহা কুম্ভদা শরুক য়ারি। মহাক্না মহা কুম্ভগী মরমদা ইকায় খুম্নদবা অমসুং ফজদবা ৱাফমশিং থম্লিবা দলশিং অদুবু চৈখি। রাম মন্দিরগী মায়োক্তা লৈরম্বা মীওইশিং অদুনা হৌজিক্না মহা কুম্ভগী মায়োক্তা লৈরে হায়না মহাক্না ফোংদোকখি। প্রধান মন্ত্রীনা বিহারনা মহা কুম্ভবু ইকায় খুম্নবা উৎপীরিবা মীওইশিংবু কৈদৌঙৈদসু কাইথোক্লরোই হায়না থাজবা থমখি। বিহারবু চাউখৎপগী অনৌবা লম্বী অমদা পুরক্নবা সরকারনা চোকথবা লৈতনা হোৎনগনি হায়না মহাক্না ফোংদোকখি। মহাক্না লৈবাক অসিগী লৌমীশিং অমসুং বিহারগী মীয়াম্বু থম্মোয় শেংনা থাগৎপা ফোংদোকখি।
থৌরম অদুদা বিহারগী রাজ্যপাল, শ্রী আরিফ মোহমদ খান, বিহারগী মুখ্য মন্ত্রী, শ্রী নিতিশ কুমার, কেন্দ্রগী মন্ত্রীশিং শ্রী শিবরাজ সিংহ চৌহান, শ্রী জিতেন রাম মানঝী, শ্রী গিরিরাজ সিংহ, শ্রী লালান সিংহ, শ্রী চিরাগ পাসৱান, কেন্দ্রগী রাজ্য মন্ত্রী, শ্রী রাম নাথ থাকুর য়াওনা মীহুৎ কয়া শরুক য়াখি।
বেকগ্রাউন্দ
প্রধান মন্ত্রীনা লৌমীশিংগী য়াইফ-থৌরাং ফংহন্নবা হোৎনরি। মসিগী মতুং ইন্না মহাক্না ভাগলপুরদা মরুওইবা থবক কয়া পায়খৎকনি। লৈবাক শিনবা থুংনা লৈরিবা লৌমী করোর 9.7 হেনবনা লুপা করোর 21,500 হেনবগী হকথেংননা শেলগী কান্নবা ফংলগনি।
প্রধান মন্ত্রীনা লৌমীশিংদা মখোয়গী পোত্থোকশিং অদুগীদমক হেন্না ফবা রিম্যুনরেসন ফংহনবদা মরুওইবা মীৎয়েং থম্লি। মসিগা লোয়ননা, 2020গী ফেব্রুৱারী 29দা মহাক্না ফার্মর প্রদ্যুসর ওর্গনাইজেসন (FPO) 10,000 শেমগৎনবা অমসুং প্রমোৎ তৌনবা সেন্ত্রেল সেক্তর স্কিম হৌদোকখি। মসিনা লৌমীশিংদা মখোয়গী লৌউ-শিংউগী পোত্থোকশিংগী অপুনবা কৈথেল শেম্বা অমসুং পুথোকপদা মতেং পাংগনি। চহি মঙাগী মনুংদা, লৌমীশিংগীদমক প্রধান মন্ত্রীনা থম্বা ৱাশক অসি মপুং ফানা পাংথোকখ্রে। মহাক্না প্রোগ্রাম অসিগী মনুংদা লৈবাক অসিদা 10,000শুবা FPO শেম্বগী পালন থৌরম পাংথোকখ্রে।
প্রধান মন্ত্রীনা রাস্ত্রিয় গোকুল মিসনগী মখাদা মোতিহারীদা শাগৎলিবা ইন্দিজিনস ব্রিদশিংগী সেন্তর ওফ এক্সেলেন্সসু শঙ্গাখি। মসিগী মরুওইবা পান্দমশিংগী মনুংদা কত্তিং-এজ IVF তেক্নোলোজী হৌদোকপা, মখা তানা প্রোপাগেসন তৌনবগীদমক্তা ইন্দিজিনস ব্রিদশিংগী ইলিৎ এনিমেলশিং পুথোকপা, অমসুং মোদর্ন রিপ্রদক্তিব তেক্নোলোজীদা ফার্মরশিং অমসুং প্রোফেস্নেলশিং ত্রেনিং পীবা য়াওরি। মহাক্না বরৌনিদা মিল্ক প্রদক্ত প্লান্তসু শঙ্গাগনি। মসিগী পান্দমদি শঙ্গোম পুথোকপা মীওই লাখ অহুমগীদমক ওর্গানাইজ তৌরবা কৈথেল অমা শেমগৎপনি।
কনেক্তিবিতী অমসুং ইনফ্রাস্ত্রকচর হেনগৎহন্নবা মহাক্কী অচেৎপা ফিরেপ অদুগী মতুং ইন্না প্রধান মন্ত্রীনা লুপা করোর 526 হেনবগী ৱারিসালিগঞ্জ - নৱদা - তিলাইয়া রেল সেক্সন অমসুং ইসমাইলপুর- রফীগঞ্জ রোদ ওভর ব্রিজ দব্লিংগী থবকশিং লৈবাক মীয়ামদা কত্থোকখি।
Click here to read full text speech
हमने किसानों की हर समस्या के समाधान के लिए पूरी शक्ति से काम किया: PM @narendramodi pic.twitter.com/Z2VCeM7fdN
— PMO India (@PMOIndia) February 24, 2025
बीते वर्षों में सरकार के प्रयासों से भारत का कृषि निर्यात बहुत अधिक बढ़ा है। pic.twitter.com/qYt9IzKZcm
— PMO India (@PMOIndia) February 24, 2025
इस वर्ष के बजट में मखाना किसानों के लिए मखाना बोर्ड बनाने का ऐलान किया गया है: PM @narendramodi pic.twitter.com/Qnqc76JURZ
— PMO India (@PMOIndia) February 24, 2025
बजट में एक बहुत बड़ी पीएम धन धान्य योजना की घोषणा की गई है। pic.twitter.com/19cXmfO6zE
— PMO India (@PMOIndia) February 24, 2025
आज बिहार की भूमि 10 हजारवें FPO के निर्माण की साक्षी बन रही है। मक्का, केला और धान पर काम करने वाला ये FPO जिला खगड़िया में रजिस्टर हुआ है: PM @narendramodi pic.twitter.com/HfaW9eYdKY
— PMO India (@PMOIndia) February 24, 2025
