ঙসি ভিদিও কনফরেন্সকী খুৎথাংদা প্রধান মন্ত্রী শ্রী নরেন্দ্র মোদীনা বিকসিত ভারত সংকল্প যাত্রাগী বেনিফিসরিশিংগা ৱারি শানখ্রে। য়ুনিয়ন মিনিস্তরশিং, এম.পিশিং, এম.এল.এশিং অমসুং লোকেল থাক্কী মীয়ামগী মীহুৎশিংগা লোয়ননা লৈবাক শীনবা থুংনা লৈরিবা বিকসিত ভারত সংকল্প যাত্রা বেনিফিসরিশিং থৌরম অদুদা শরুক য়াখি।
চহি ১০২শুরবা কোওপরেতিপ গ্রুপ অমগী মেম্বর অন্ধ্র প্রদেসগী নন্দয়ালাদগী সইদ খ্বাজা মোইহুদ্দিন্না প্রধান মন্ত্রীদা হায়খি হৌজিক পাল্লিবা সরকার অসিগী থৌরাং মখাদা এগ্রি ইনফ্রাস্ত্রকচর স্কিমগী মখাদা পোৎথোকশিং থম্নবা নাবার্দনা লুপা করোর অহুমগী লোন অমা পীখি। মসিদগী গ্রুপ অসিনা গোদাউন মঙা শাখি। মখোয়গী পোৎথোকশিং থম্লিবা লৌমীশিং ইলেক্ত্রোনিক নেগোসিএবল ৱায়ারহাওস রিসিফশিং ফংখি অমসুং মখোয়না বেঙ্কশিংদগী অপীকপা শেন্দোয়দা লোন লৌবা ঙমখি। লৌমীশিংনা মখোয়গী পোৎথোকশিংগী চুনবা মমল ফংবা ঙম্নবা ফেসিলিতেসন সেন্তরশিংনা লৌমীশিং ই-মন্দিশিং অমসুং ই-নামগা শম্নহনখি। মসিনা মিদলমেন মপুংফানা লৈহন্দ্রে। লৌমী নুপীশিং অমসুং অপীকপা ললোন-ইতিক তৌবা মীওইশিং য়াওনা মহাক্কী গ্রুপ অসি লৌমী ৫৬০০ না শাবনি।
চহি ১০০ হেল্লবা লুপ অমা মথৌ তৌহনবগীদমক লমদম অদুগী লৌমীশিংগী থৌনা প্রধান মন্ত্রীনা ইকায়খুম্নবা উৎখি। প্রধান মন্ত্রীনা হায়খি কোওপরেতিপ বেঙ্কশিংগী খুৎথাংদা লৌমীশিংনা এগ্রি ইনফ্রাস্ত্রকচর ফন্দগী মরমদা খঙলে অমসুং রেজিস্তার অমসুং স্তোরেজনা লায়রবা লৌমীশিং মখোয়গী পোৎথোকশিং খ্বাইদগী শেন্দোং লৈনা য়োনবা ঙমহল্লে। ওন্ত্রেপ্রেনিউয়র অদুনা হায়খি হৌখিবা চহি ১০ দা পায়খৎখিবা থবকশিংনা তশেংনা মহাক্কী থবকশিংদা অওনবা পুরক্লে অমসুং মহাক্না কিষান সমরিধি কেন্দ্র অমা হাংদোক্তুনা সরকারগী খুদোংচাবশিং হায়বদি কিষান ক্রেদিৎ কার্দশিং অমসুং এফ.পি.ওশিংগী খুৎথাংদা পোৎথোকশিং মগুন হেনগৎহনবগী খুদোংচাবা কয়া ফংহল্লে।
মহৌশাগী লৌউ মখলগী মতাংদা খন্নরদুনা, মীওই কয়া য়ুরিয়া চাইবদা নেনো য়ুরিয়া শীজিন্নবগা লোয়ননা লৌমীশিং হার কা হেন্না শীজিন্নদনবা প্রধান মন্ত্রীনা খঙহনখি। প্রধান মন্ত্রীনা হায়খি লৌমীশিংগী মরক্তা লেপ্তনা ৱাখল তাহল্লি অমসুং হারশিং ফজনা চাইনবা লৈবাক-লৈহাও চাংয়েং তৌবগী থবক চৎথরি অমসুং লৌমীশিংদা সোইল হেল্থ কার্দশু পীরি। য়ুরিয় অমসুং নেনো য়ুরিয়া অনিমক শীজিন্নদনবা লৈবাক অসিগী লৌমীশিংদা ঐনা হায়জরি। ‘সবকা সাথ, সবকা বিকাস’কী ৱাখল্লোনগা লোয়ননা সরকারনা থবক তৌবা মতমদা, মীওই অমতা চিৎথদনা স্কিমশিংগী কান্নবশিং ফংবা ঙমগনি। করিগুম্বা মীওই অমা চিৎথরম্বা মতমদা মোদী কি গরেন্তি কি গারিনা কোনশিনগনি। পি.এ.সিশিং মপাঙ্গল কনখৎহন্নবা সরকারনা চোকথবা নাইদনা থবক তৌরি অমসুং স্তোরেজ য়ুনিত লাখ ২ শেমগৎনবা থৌরাং অমা লৈরে।
