“দিকেদ কয়াগী মতুংদা ভারতকী ফিরাল পাইহনখিবগীদমক অপুনবা তীমবু লৈবাক পুম্বগী মহুৎ শিন্দুনা eথাগৎপা ফোঙদোকচরি। মসি অপীকপা মাইপাকপা অমা নত্তে”
“হৌজিক ভারতনা শোত্থদুনা লৈত্রে। নখোয়গী মাইপাকপশিং অসিনা স্পোর্তসকী হৌরক্লিবা মীরোলশিংদা ইথিল পীরি”“অসিগুম্বা মাইপাকপা অসিনা লৈবাক অসিগী স্পোর্তসকী অপুনবা ইকোসিস্তেমদা অচৌবা থৌনা অমসুং থাজবা পোকহল্লি”“ঐখোয়গী নুপী তীমনা মখোয়গী ক্লাস অদু হঞ্জিন-হঞ্জিন উৎখ্রে। মসি মতমগী ৱাফমনি, করিগুম্বা হন্দক নত্ত্রবসু মথংদদি ঐখোয়না মশোইদনা মাইপাক্কনি”“অভী তো বহুৎ খেলনা ভী হে ওর খিলনা ভী হে – নখোয়না শান্নগদবা য়াম্না লৈরি অমসুং লৈশাৎতমগদবা য়াম্না লৈরি”“‘ঐহাক্না তৌবা ঙমগনি’ হায়বা অসি অনৌবা ভারতকী ৱাখল্লোনি”“মসি ভারতকী স্পোর্তসকী পুৱারীদা গোল্দন চেপ্তর অমগুম্বনি অমসুং নখোয়গুম্বা চেম্পিয়নশিং অমসুং নখোয়গী মীরোলগী শান্নরোয়শিংনা মসিগী অইবনি। ঐখোয়না মসিগী খোঙজেল অসি লেপহনদবা তাই”পি.এম.না তেলিফোনদা লক্ষ্যা সেন্না ‘বাল মিথাই’ পুরক্কনি হায়না ৱাশকখিবা অদু পুরকপগীদমক থাগৎপা ফোঙদোকখিপ্রধান মন্ত্রীনা বেদমিন্তন চেম্পিয়ন্সকী থোমাস কপ অমসুং উবর কপ তীমগা ৱারী শাখি, মখোয়না থোমাস কপ অমসুং য়ুবর কপতা মখোয়না থেংনরকখিবা অৱা-নুংঙাইশিং পাউদমখি। শান্নরোয়শিংনা মখোয়গী মশান্না, বেদমিন্তনগী ৱাংমদা লৈবা মখোয়গী পুন্সিগী তোঙান-তোঙানবা হীরমশিংগী মরমদা ৱারী শাখি।
কিদম্বী শ্রীকান্থনা প্রধান মন্ত্রীনা অসিগুম্বা চাউথোকচনীংঙাই ওইবা মওংদা শকখঙবীবা অসিদা শান্নরোয়শিংনা য়াম্না নুংঙাইবা পোকই হায়না ফোঙদোকখি। প্রধান মন্ত্রী তীম কেপ্তেনদা মহাক্কী লুচিংবগী মওং-মতৌ অমসুং শীংনবশিংগী মতাংদা হঙখি। শ্রীকান্থনা অমমম ওইনা য়েংবদা মীওই খুদিংমক্না নীংথিনা পর্ফোর্ম তৌখি অমসুং তীম অমা ওইনা খ্বাইদগী অফবা অদু পুথোকপগী থৌদাং লৌরি হায়খি। মহাক্না মরু ওইবা পুৱারী ওইরবা মেচ অসি শানবগী খুদোংচাবা ফংবদা মহাক্না নুংঙাইবা পোকই হায়না ফোঙদোকখি। প্রধান মন্ত্রীনা মহাক্না ৱর্ল্দ নম্বর ১ রেঙ্কিংদা লৈবা অমসুং থোমাস কপতা গোল্দ লৌরকপা অসিগী মতাংদা হঙবদা মমিং লৈরবা শত্তলর অসিনা মাইলস্তন অনিমক মহাক্কী মঙলানশিংনি অমসুং মখোয়বু ফংজবা মহাক্না অপেনবা পোকই হায়খি। প্রধান মন্ত্রীনা মমাংদা পর্ফোরমেন্স ফজদবনা থোমাস কপকী মরমদা মীনা কয়া খঙনদে অমদুং তীম অসিগী মাইপাকপা অসি কয়াম মগুন লৈবগে হায়না লৈবাক অসিনা খঙনবদা মতম খরা চংখি হায়খি। প্রধান মন্ত্রীনা হায়খি, “দিকেদ কয়াগী মতুংদা ভারতকী ফিরাল অসি পাইহনবা ঙমখিবা অসিদা লৈবাক পুম্বগী মহুৎ শিন্দুনা ঐহাক্না নখোয় অমদি নখোয়গী অপুনবা তীমবু থাগৎপা ফোঙদোকচরি। মসি অপীকপা মাইপাকপা অমা নত্তে…. থৌনা অমসুং তীম অসি পুন্না থম্বা হায়বা অসি অচৌবা থৌদাং অমনি অদুবু হৌজিক ঐহাক্না নখোয়দা হকথেংননা নুংঙাইবা ফোঙদোকপা ফংজবা অসিদা অপেনবা পোকই”।
সৎৱিকসাইরাজ রনকী রেদ্দীনা হৌখিবা নুমিৎ তরানি অসিদা হরাও মথোই কাবা অমসুং নুংঙাইবা ফোঙদোক্লিবা অসিগী মতাংদা ফোঙদোকখি। মহাক্না তীম অমসুং সপ্পোর্ত স্তাফতগী মহাক্না ফংখিবা কাউঙম্লরোইদবা মতেং অদু নীংশিংখি। মহাক্না তীম অসিনা মাইপাকপগী মীকুমশিং অদু তীম অসিনা নৌহৌননা নীংশিংলি হায়খি। প্রধান মন্ত্রীনা মখোয়গী নুংঙাইবা অদু শিয়র তৌখি অমসুং তীম মেম্বরশিংনা মখোয়গী মেদল অদুগা লোয়ননা তুমিন্নখিবা, নুংঙাইবনা তুম্বা য়াখিদবা অদুগী মতাংদা ত্বিত তৌখি। রনকী রেদ্দীনা মহাক্কী কোচশিংগা লোয়ননা পর্ফোরমেন্স রিভ্যু তৌখিবগী মতাংদা পাউদমখি। প্রধান মন্ত্রীনা ফীভমগী মতুং ইন্না মহাক্কী এদাপ্তেবিলিতী অদুবু থাগৎখি অমসুং তুংগী পান্দমশিংগীদমক মহাকপু য়াইফ মঙ্গোল পীখি।
চিরাগ শেত্তীনা তোর্নামেন্ত অসিগী মহাক্কী খোঙচৎকী মতাংদা ৱারী লীখি অমসুং ওলিম্পিক কন্তিঞ্জেন্তগা লোয়ননা পি.এম.গী রেসিদেন্সতা লাকখিবা অদু নীংশিংখি। প্রধান মন্ত্রীনা ওলিম্পিক্সতা শান্নরোয় খরানা মেদল ফংখিদবদা মখোয়না নুংঙাইতবা ফাওখিবা অদু উখি হায়খি। অদুম ওইনমক মহাক্না শান্নরোয়শিং অসিনা অখং কনখিবা অদু নীংশিংখি অমসুং হৌজিক্তি মখোয়না থাজবা থমখিবা অদু মঙফাওনবা ঙমলে হায়না ফোঙদোকখি। “মাইথিবা অমনা লোইবা নত্তে, মীওই অমনা অখাং কনবা অমসুং পুন্সিদা থৌনা লৈবা মথৌ তাই। মাইপাকপা অসি অসিগুম্বা মীওইশিংগী ওইনদি মহৌশাগী খুদোলনি হায়বা নখোয়না উৎখি”, হায়না মহাক্না ফোঙদোকখি। প্রধান মন্ত্রীনা তীম অসিদা মখোয়না তুংদা মেদল কয়া লৌরকখিনি হায়না ফোঙদোকখি। মখোয়না মশান্না কয়া শান্নদুনা মাইপাকখিগনি অমসুং লৈবাক অসিবু স্পোর্তসকী লমদা পুশিনগনি হায়খি। “হৌজিক ভারতনা শোত্থদুনা লৈত্রে। অদোমগী মাইপাকপশিং অসিনা স্পোর্তসকী লমদা তুংদা হৌরক্কদবশিংদা ইথিল পীরগনি”, হায়না প্রধান মন্ত্রীনা মখা তাখি।
প্রধান মন্ত্রীনা লক্ষ্যা সেন্না মহাক্না মাইপাক্লবা মতুংদা ফোন্না ৱারী শাখিবদা ৱাশকখিবগী মতুং ইন্না ‘বাল মিথাই’ পুরকপগীদমক থাগৎপা ফোঙদোকখি। লক্ষ্যানা মহাক্না য়ুথ ওলিম্পিক্স মাইপাক্লবা মতুংদা প্রধান মন্ত্রীগা মমাংদা উনখিবা অদু নীংশিংগী অমসুং হৌজিক্না থোমাস কপ কারবা মতুংদা উনরি হায়খি। অসিগুম্বা মীফমশিং অসিগী মতুংদা শান্নরোয়শিংদা চাউনা ইথিল পীখি হায়না মহাক্না ফোঙদোকখি। “ঐহাক্না ভারতকী ওইনা মেদল হেন্না পুরকপা পাম্মি অমসুং নহাক্কা অসুম্না উনবা পাম্মি” হায়না নহা ওইরিবা বেদমিন্তন শান্নরোয় অসিনা ফোঙদোকখি। প্রধান মন্ত্রীনা তোর্নামেন্ত মনুংদা লক্ষ্যানা ফুদ পোইজনিং মায়োক্নখিবা অদুগী মতাংদা হঙখি। স্পোর্তস পাম্বা হৌগৎলক্লিবা অঙাংদা করি হায়নীংবগে হায়না হঙবদা লক্ষ্যানা মখোয়দা ত্রেনিংদা থৱায় য়াওনবা হায়খি। প্রধান মন্ত্রীনা লক্ষ্যাদা মহাক্কী মথৌনা নীংশিংনবা অমসুং ফুদ পোইজনিং থোকপদা মায়োক্নখিবা অৱাবা অদু নীংশিংনবা অমসুং মহাক্কী মপাঙ্গল শীজিন্নবা অসিদগী ফংখিবা পরা অদু নীংশিংনবা হায়খি।
ঐচ.এস. প্রন্নোইনা ভারতনা নীংতম্বা ফংখিবগী চহি ৭৫ শুরকপা অসিদা মমিং লৈরবা তোর্নামেন্ত অসি মাইপাকপা ঙমজবা অসি তীম অসিগী ওইনা য়াম্না চাউথোকচনীংঙাই ওইবা মীকুপ অমনি হায়খি। মহাক্না ক্বাতর ফাইনেল অমসুং সেমি-ফাইনেলদা প্রেসর য়াম্না লাকখি অমসুং তীম অসিগী সপ্পোর্তনা মরম ওইরগা মসি মায়োক্নবা ঙমখিবদা মহাক্না নুংঙাইবা পোকই হায়না ফোঙদোকখি। প্রধান মন্ত্রীনা প্রন্নোইদা য়াওরিবা থৌনা অদু শকখঙলদুনা মহাক্কী মাইপাক্নবা চেল্লিবা থৌনা অসিনা মহাক্কী খ্বাইদগী চাউবা থৌনা ওইরি হায়খি।
প্রধান মন্ত্রীনা ময়ামগী মরক্তা খ্বাইদগী নহা ওইরিবা উন্নাতি হুদাগা ৱারী শাখি, মহাক্না প্রধান মন্ত্রীনা মেদল লৌরকপা অমসুং মেদল লৌরক্তবগী মরক্তা খেন্নবা থমখিদবা অসিগীদমক থাগৎপা ফোঙদোকখি। প্রধান মন্ত্রীনা মহাক্কী অখাং কনবা মতৌ অদুবু থাগৎখি অমসুং অফবা শান্নরোয় কয়া পুথোক্লিবা হরিয়ানাগী অখন্নবা মগুন অদুগী মতাংদা হংখি। উন্নাতিনা ‘দুধ ধাই’গী দাইৎ অসিনা মফম অসিদা লৈরিবা মীওই খুদিংমক ফহন্নবগী মপুং ওইবা মরম অমা ওইরি হায়খি। প্রধান মন্ত্রীনা মঙোন্দা মহাক্না উন্নাতিনা মহাক্কী মমিংগী ৱাহন্থোক অসিগী মান্ননা মাইপাক্কনি হায়বগী চেৎনা থাজবা থম্মি হায়খি। মহাক্না মঙোন্দা তুংগী আশা চাউনা লৈ অমসুং মাইপাক্না মহাকপু চাওথোকপা পোকহল্লোইদবনি হায়খি।
ত্রীসা জোল্লীনা মহাক্না স্পোর্তস শান্নবদা মহাক্কী ইমুংদগী সপ্পোর্ত চাউনা ফংই হায়না ফোঙদোকখি। প্রধান মন্ত্রীনা লৈবাক অসিনা উবর কপধা ঐখোয়গী নুপী তীম্না শান্নখিবা মওং অসিদা লৈবাক অসিনা চাউথোকচবা পোকই হায়না ফোঙদোকখি।
লোইশিল্লকপদা প্রধান মন্ত্রীনা হায়খি তীম অসিনা থোমাস কপ লৌরক্তুনা লৈবাক অসিদা অচৌবা থৌনা অমা হাপ্পী। দিকেদ তরেৎ ঙাইরকপা অদু ফংলে। ‘বেদমিন্তন খঙবা মীওইশিংনা মসিগী মঙলান মঙলমগনি, মঙলান অসি নখোয়না মঙফাওনবা ঙমহল্লে’ “অসিগুম্বা মাইপাকপা অসিনা লৈবাক অসিগী অপুনবা স্পোর্তিং ইকোসিস্তেমদা অচৌবা থৌনা অমসুং থাজবা পোকহল্লি। নখোয়গী মাইপাকপা অসিনা অথোইবা কোচশিং নত্ত্রগা লুচিংবশিংগী ওরেতরীনা ফংবা ঙমদবা করিগুম্বা খরা ফংবা ঙম্লে”, হায়না শ্রী মোদীনা হায়খি।
উবর কপকী মতাংদা ফলদুনা প্রধান মন্ত্রীনা ঐখোয়না মাইপাকপা ঙাইরিঙৈ মতমদা মসিগীদমক ঐখোয়না শিল-লাংগনি হায়খি। মহাক্না হৌজিক লৈরিবা তীম অসিগী ক্বালিতী লৈবা শান্নরোয়শিংনা হেন্না ফবা ফলশিং ফংগনি হায়না থাজৈ হায়না ফোঙদোকখি। “ঐখোয়গী নু্পী তীমনা মখোয়গী ক্লাস অসি অমুক হন্না উৎপা ঙমখ্রে। মসি মতম খরগী ৱানি হন্দক নত্ত্রবসু মথংদা ঐখোয়না শোইদনা মাইপাক্কনি”, হায়না মহাক্না মখা তাখি।
নীংতম্বা ফংখিবগী ৭৫শুবা চহি অসিদা মসিগী মাইপাকপশিং অমসুং মাইপাকপগী অনৌবা পনখৈশিং অসিনা ভারতমচা খুদিংমক্তা চাউথোকচবা পোকহল্লি। মহাক্না হায়খি, ‘ঐহাক্না মসি তৌবা ঙমগনি’ হায়বা অসি অনৌবা ভারতকী মোদনি। কম্পিতিসনগী মতাংদা খনবগী মহুৎ মশাগী পর্ফোরমেন্সতা মীৎয়েং চংবনা মরু ওই হায়না মহাক্না হায়খি। এক্সপেক্তেসনগী প্রেসর হৌজিক হেনগৎলক্লগনি মসি মহৌশানি অমসুং মখোয়না লৈবাক অসিগী এক্সপেক্তেসনগী প্রেসরগী মখাদা লৈরোইদবনি হায়না মহাক্না ফোঙদোকখি। “ইনর্জী অসি ঐখোয়না প্রেসরদা ওন্থোকপা তাই। ঐখোয়না মসি থৌনা ওইনা লৌবা তাই”, হায়না মহাক্না হায়খি।
হৌঝিবা চহি ৭-৮ অসিদা প্রধান মন্ত্রীনা ঐখোয়গী শান্নরোয়শিংনা অনৌবা রিকোর্দশিং থমখি হায়খি। মহাক্না ওলিম্পিক্স, পেরালিম্পিক্সঅমসিং দেফলিম্পিক্সতা শীংথানীংঙাই ওইবা পর্ফোরমেন্স উৎখিবা অদু পনখি। ঙসি স্পোর্তসকী মতাংদা খল্লম্বা ৱাকল্লোন্দা অহোংবা লাক্লে হায়না মহাক্না ফোঙদোকখি। অনৌবা ফীভম অমা ওইরক্লি। “মসি ভারতকী স্পোর্তিংগী পুৱারীদা গোল্দন চেপ্তর অমগুম্বনি অমসুং নখোয়গুম্বা চেম্পিয়নশিং অমসুং নখোয়গী মীরোলগী শান্নরোয়শিং অসিনা মসিগী অইবনি। ঐখোয়না মসিগী খোঙজেল অসি লেংদনা থম্বা আই”, হায়না ফোঙদোক্লদুনা লৈবাক অসিনা শান্নরোয়শিংদা মপুং ফানা মতেং পীগনি হায়না থাজবা পীখি।
Interacted with our badminton champions, who shared their experiences from the Thomas Cup and Uber Cup. The players talked about different aspects of their game, life beyond badminton and more. India is proud of their accomplishments. https://t.co/sz1FrRTub8
— Narendra Modi (@narendramodi) May 22, 2022
