ঐখোয়গী য়ুবা শক্তিগী তেলেন্ত অমসুং অনৌবা ৱাখল পুথোকপা ঙম্বা অসি শীংথানীংঙাই ওই: পি.এম.
ঙসি মালেমনা হায়রি মদুদি ভারতকী মপাঙ্গল অসি ঐখোয়গী য়ুবা শক্তি, ঐখোয়গী ইন্নোবেতিব ওইবা নহারোল অমসুং ঐখোয়গী তেক পাৱরনি: পি.এম.হৌখিবা চহি 7দা পাংথোকখিবা হেক্কাথোন পুম্নমক্কী সোল্যুসন কয়ানা ঙসি লৈবাক অসিগী মীয়ামগীদমক য়াম্না কান্নবা ওইরক্লি: পি.এম.ঐখোয়না মহৈরোয়শিংদা সাইন্তিফিক মাইন্দসেৎ লৈহন্নবা অনৌবা নেস্নেল এজুকেসন পোলিসী ইমপ্লিমেন্ত তৌখি: পি.এম.‘ৱান নেসন ৱান সবস্ক্রিপ্সন’ স্কিমগী মখাদা সরকারনা ভারত্তা লৈরিবা নহারোল অমত্তনা ই-পাউ ফংদবা তৌদনবা মমিং লৈরবা জর্নেলশিংগী সবস্ক্রিপ্সনশিং লৌরি: পি.এম.মহৈরোয় তীম 1300 হেনবনা লৈবাক শিনবা থুংবদা লৈরিবা নোদেল সেন্তর 51দা পাংথোকপা SIH 2024গী গ্রান্দ ফিনালেদা শরুক য়াগনিইন্সতিত্যুৎ লেবেলদা পাংথোকপা ইন্তর্নেল হেক্কাথোনশিংদা চহি অসিদা 150% হেনগৎলকপগী রেকোর্দ তৌদুনা হৌজিক ফাওবদা খ্বাইদগী চাউবা ইদিসন ওইরিপ্রধান মন্ত্রী শ্রী নরেন্দ্র মোদীনা ঙসি ভিদিও কনফরেন্সকী থোংদা স্মার্ত ইন্দিয়া হেক্কাথোন 2024গী গ্রান্দ ফিনালেদা নহা ওইরিবা ইন্নোবেতরশিংগা ৱারী শানখ্রে। থৌরম অদুদা তিনখিবা মীয়ামদা ৱা ঙাংলদুনা, প্রধান মন্ত্রীনা লাল কিলাদগী পীখিবা মহাক্কী ৱারোলদা 'সবকা প্রয়াস'কী মতাংদা ফোংদোকখিবা অদু অমুক হন্না পনখি। মহাক্না হায়খি মদুদি ঙসিগী ভারত অসি 'সবকা প্রয়াস' নত্ত্রগা মীপুম খুদিংমক্কী হোৎনবগা লোয়ননা খোংজেল য়াংনা খুমাং চাউশিল্লক্কনি অমসুং ঙসিগী থৌরম অসি মসিগী খুদম অমনি। প্রধান মন্ত্রীনা হায়খি, "ঐহাক্না স্মার্ত ইন্দিয়া হেক্কাথোনগী গ্রান্দ ফিনালেগীদমক খৌরাংনা ঙাইরি।" মহাক্না হায়খি মদুদি নহা ওইরিবা ইন্নোবেতরশিংগী মরক্তা য়াওবা মতমদা অনৌবা খরা তম্নবা অমসুং খঙনবগী খুদোংচাবা ফংই। নহা ওইরিবা ইন্নোবেতরশিং অসিদগী মহাক্না চাউনা থাজবা থম্লি হায়না পল্লদুনা প্রধান মন্ত্রীনা হায়খি মদুদি মখোয়দা 21শুবা চহিচাগী ভারত অসি তোঙানবা মওংদা য়েংবগী ৱাখল্লোন লৈ। মরম অদুনা, শ্রী মোদীনা হায়খি, অদোমগী সোল্যুসনশিংসু তোঙান-তোঙানবা ওই অমসুং অনৌবা শীংনবশিং লাকপা মতমদা, অদোম্না অনৌবা অমসুং অখন্নবা সোল্যুসনশিং পুথোকই। প্রধান মন্ত্রীনা মমাংদা হেক্কাথোনদা শরুক য়াখিবা অদু নীংশিংখি অমসুং মহৈশিং অদুদা মহাক্না কৈদৌঙৈদসু নুংঙাইতবা ফাওখিদে হায়না ফোংদোকখি। মহাক্না হায়খি, "অদোম্না ঐগী থাজবা অদু হেন্না হেনগৎহনখি।" মহাক্না হায়খি মদুদি মমাংদা পীখিবা সোল্যুসনশিং অসি তোঙান তোঙানবা মন্ত্রালয়শিংদা শীজিন্নবা হৌরে। শ্রী মোদীনা শরুক য়ারিবশিং অসিগী মরমদা হেন্না খঙবা পাম্মি হায়না ফোংদোকখি অমসুং ৱারী শানবগী থৌরম অদু হৌদোকখি।
প্রধান মন্ত্রীনা নোদেল সেন্তর NIT, শ্রীনগরগী "বিগ ব্রেনস তীম"কী সয়িদাগা ৱারী শানখি। সয়িদা অসি সোসিএল জস্তিস অমসুং এম্পাৱরমেন্ত মন্ত্রালয়গী "ভর্চুএল রেএলিতি ফ্রেন্দ" কৌবা তুল অমা শেমগৎনবা প্রোব্লেম স্তেতমেন্ত অমদা থবক তৌরি। মসিনা ওতিজম স্পেক্ত্রম দিসওর্দর অমসুং ইন্তেলেকচুএল দিসএবিলিতী লৈবা অঙাংশিংদা মতেং পাংগনি। মহাক্না হায়খি মদুদি অঙাংশিংনা তুল অসিবু ইন্তরেক্তিব স্কিল এনহেনসর অমা ওইনা শীজিন্নগনি, মসিনা দিব্যাঙ্গজনশিংবু মখোয়গী স্মার্তফোন, লেপ্তোপশিং অসিনচিংবদা শীজিন্নবা য়াবা 'মপাং' অমা ওইনা থবক তৌগনি। মহাক্না মখা তাখি মদুদি মসি AIনা পাৱর তৌবা ভর্চুএল রিএলিতী সোল্যুসন অমনি মসিনা মখোয়বু মখোয়গী নুমিৎ খুদিংগী থবকশিং হায়বদি লোল তম্বদা নৎত্রগা মীওইশিংগা ৱারী শানবদা মতেং পাংগনি। শ্রী মোদীনা দিব্যাঙ্গ অঙাংশিংগী পুন্সিরোলদা তুল অসিনা পীরিবা ইথিলগী মতাংদা হংবদা, সয়িদানা হায়খি মদুদি মখোয়না সোসিএল ইন্তরেক্সনগী মতমদা অচুম্বা নৎত্রগা অরানবনা করিনো হায়বদু খঙবা ঙমগনি অমসুং তুংদা অশেংবা পুন্সিদা শীজিন্নবা য়াগদবা সিমুলেতিব এনভাইর্নমেন্ত অমদা তুল অসিগী মতেংগা লোয়ননা মীওইশিংদা করম্না এপ্রোচ তৌগদগে হায়বদু খঙবা ঙমগনি। সয়িদানা প্রধান মন্ত্রীদা মহাক্কী মেম্বর 6কী তীম অসি তেক্নিকেল নোলেজ অমসুং জিওগ্রাফিকেল লোকেসনগী মতুং ইন্না তোঙান-তোঙানবা মেম্বরশিং য়াওনা ভারত মচা নত্তবা মেম্বর অমা য়াওরি হায়না পাউদমখি। শ্রী মোদীনা তীম অসিগী মেম্বরশিংগী মরক্তগী কনাগুম্বা অমনা অখন্নবা মথৌ তাবা অঙাংশিংগা মখোয়গী অৱাবা খঙনবা ৱারী শানবা লৈখিব্রা হায়না হংখি। মসিগী পাউখুমদা সয়িদানা হায়খি মদুদি তীম অসিগী মেম্বরশিংগী মরক্তগী অমগী মরী মতাংদা ওতিজম নাবা য়াওরি অমসুং মখোয়না ওতিজমনা শোকহল্লবা অঙাংশিং দীল তৌরিবা সেন্তরশিংগা ৱারী শানদুনা মখোয়গী শীংনবশিং কোকহন্নবা হোৎনরি। ‘বিগ ব্রেনস তীম’গী অতোপ্পা তীম মেম্বর, য়েমেনদগী কম্প্যুতর সাইন্স এন্দ ইঞ্জিনীয়রিংদা বেচেচর্স ইন ইঞ্জিনীয়রিং তম্লিবা শ্রী মহম্মদ অলিনা স্মার্ত ইন্দিয়া হেক্কাথোনগুম্বা অচৌবা খোঙথাং অমগীদমক প্রধান মন্ত্রী অমসুং সরকারদা থাগৎপা ফোংদোকখি। মহাক্না মখা তানা লাক্কদৌরিবা মতমশিংদা অসিগুম্বা অচৌবা খোঙথাংশিং অসিগী শরুক অমা ওইনবা ইন্তর্নেস্নেল মহৈরোয়শিংদা হায়খি। প্রধান মন্ত্রীনা দিব্যাঙ্গ অঙাংশিংগী মথৌ তাবশিং অমসুং অৱাবা কয়াবু খঙবীরকপগীদমক তীম অদুবু থাগৎপা ফোংদোকখি অমসুং অঙাং খুদিংমক চাউখৎচনবগী হক লৈ অমসুং খুন্নাই অসিদা কনা অমত্তবুসু শোত্থনা থমখিদে। মহাক্না হায়খি মদুদি অসিগুম্বা শীংনবশিং অসি কোকহন্নবা অনৌবা পাম্বৈশিং পুথোকপা মথৌ তাই। মহাক্না হায়খি মদুদি মখোয়গী পাম্বৈ অসিনা অঙাং লাখ কয়াদা মতেং পাংগনি। শ্রী মোদীনা হায়খি মদুদি ভারতকী মথৌ তাবশিংগা চান্নবা সোল্যুসনশিং অসি মালেমগী লৈবাক খুদিংমক্কী মথৌ তাবশিংগা চুনগনি। মহাক্না মখোয়গী অফবা খোঙথাংগীদমক তীম পুম্নমকপু থাগৎপা ফোংদোকখি।
IIT খরাগপুরদা মখোয়গী নোদেল সেন্তর লৈবা 'হেক দ্রিমর্স'কী তীম লিদরনা ভারত্তা সাইবর-এতেকশিং হেনগৎলকপদগী নেস্নেল তেক্নিকেল রিসর্চ ওর্গানাইজেসন্না সাইবর সেক্যুরিতীনা পীরকপা প্রোব্লেম স্তেতমেন্তকী মতাংদা প্রধান মন্ত্রীদা পাউদমখি। 2023 খক্তদা লৈবাক অসিদা সাইবর এতেক মিলিয়ন 73 হেন্না থোকখ্রে হায়না মহাক্না ফোংদোকখি। মসি মালেমদা খ্বাইদগী চাউবা অহুমশুবনি। মহাক্না প্রধান মন্ত্রীদা ইন্নোবেতিব অমসুং স্কেলেবল সোল্যুসন অমগী মতাংদা পাউদমখি। তীমগী মেম্বর অমনা হায়খি মদুদি সোল্যুসন অসি মালেমদা শীজিন্নরিবা এন্তিভাইরস ইঞ্জিনশিংদগী খেন্নৈ অমসুং মসিনা সিস্তেম অসি সেফ মোদতা থমদুনা ইফিসেন্ত ওইবা মওংদা ভাইরসশিং পেরেলেল ওইনা স্কেন তৌদুনা ওফলাইন আর্কিতেকচর দিজাইন অমসুং থ্রেদ দাইরেক্সন পীরি। প্রধান মন্ত্রীনা মহাক্কী হন্দক্কী মন কী বাত্তা সাইবর ফ্রোদকী মতাংদা ঙাংখিবা অদু নীংশিংখি। মহাক্না হায়খি মদুদি মীয়ামগী অয়াম্বা শরুক অসি অসিগুম্বা মখলগী ফত্তবশিং অসিনা শোকহল্লি। সাইবরগী খুদোংচাদবশিং অসি লেপ্পা লৈতনা হেনগৎলকপনা খ্বাইদগী নৌবা তেক্নোলোজীগা লোয়ননা লেপ্পা লৈতনা অপগ্রেদ তৌবগী তঙাইফদবা অদুসু মহাক্না ফোংদোকখি। ভারত অসি মালেমগী মকোক থোংবা দিজিতেল ইকোনোমীশিংগী মনুংদা অমনি অমসুং লৈবাক অসিনা তোঙান তোঙানবা স্কেলশিংদা দিজিতেল ওইনা শম্নরি হায়না পল্লদুনা প্রধান মন্ত্রীনা হায়খি মদুদি সাইবর ক্রাইমগী খুদোংথীবশিং লেপ্তনা হেনগৎলক্লি। মরম অসিনা, সাইবর ক্রাইমগী সোল্যুসন অসি ভারতকী তুংলমচৎকীদমক য়াম্না মরু ওই হায়না প্রধান মন্ত্রীনা হায়খি। মহাক্না শরুক য়ারিবশিংদা মহাক্কী য়াইফ মঙ্গোল পীখি অমসুং অসিগুম্বা সোল্যুসনশিং অসি সরকারগীসু য়াম্না কান্নবা ওইগনি হায়খি। শ্রী মোদীনা তীমগী মেম্বরশিংগী থৌনা অদুসু থাগৎপা ফোংদোকখি।
গুজরাত তেক্নিকেল য়ুনিভর্সিতীগী তীম কোদ ব্রোনা প্রধান মন্ত্রীদা ইসরোনা পীবা প্রোব্লেম স্তেতমেন্ত - “থাগী খা থংবা পোলদগী অমুবা ইমেজশিং ফগৎহনবা’ অসিদা থবক তৌরি হায়না পাউদমখি। তীমগী মেম্বর অমনা সোল্যুসন অসিগী মমিং "চান্দ ভাধনি" অদু ইমেজশিংবু হেন্না ফগৎহনবতা নত্তনা দিসিজন-মেকিং স্কিল য়াওরিবা হায়না শন্দোক্না তাকখি। মসিনা রিএল-তাইম সাইত সেলেক্সন তৌবগা লোয়ননা ক্রেতর অমসুং বোল্দরশিংসু দিতেক্ত তৌবা ঙম্মি। প্রধান মন্ত্রীনা শরুক য়ারিবশিংদা স্পেস তেক্নোলোজীগী লমদা থবক তৌরিবা মীওইশিং, মরু ওইনা অহমদাবাদতা অচৌবা স্পেস সেন্তর অমা লৈবনা মখোয়গা ৱারী শানবগী খুদোংচাবা ফংলব্রা হায়না হংখি। প্রধান মন্ত্রীনা থাগী জিওলোজিকেল অমসুং এনভাইর্নমেন্তকী ফিভমশিং হেন্না ফজনা খঙনবগী মতাংদা হংলকপদা, তীমগী মেম্বর অমনা হায়খি মদুদি মসিনা লুনর এক্সপ্লোরেসনদা মতেং পাংগনি। অতোপ্পা তীমগী মেম্বর অমনা দার্ক নেৎ অমসুং ফোতো নেৎ কৌবা আর্কিতেকচর অনি য়াওবা মেছিন লর্নিং মোদেল অমা শীজিন্নবগী মতাংদা মখা তানা শন্দোক্না তাকখি। প্রধান মন্ত্রীনা হায়খি মদুদি মালেমনা ভারতকী স্পেস খোঙচৎ অসিদা আশাগা লোয়ননা য়েংলি। মহাক্না হায়খি মদুদি হৈ-শিংলবা নহারোলশিং য়াওহনবা অসিনা থাজবা অসি হেন্না মপাঙ্গল কনখৎহল্লি। মহাক্না হায়খি মদুদি নহা ওইরিবা ইন্নোবেতরশিং অসি ভারতনা মালেমগী স্পেস তেক্নোলোজী পাৱরদা মাগী থৌদাং অসি হেনগৎহল্লগনি হায়বগী খুদম্নি। মহাক্না শরুক য়ারিবা পুম্নমক্তা মহাক্কী য়াইফ মঙ্গোল পীখি।
ৱেলিংকর ইন্সতিত্যুৎ ওফ মেনেজমেন্ত দিবেলপমেন্ত এন্দ রিসর্চ, মুম্বাইদগী মিস্তিক ওরিজিনেল্সকী তীম লিদরনা ভারত ইলেক্ত্রোনিক্স লিমিতেদনা পীবা সেক্যুরিতী চেলেঞ্জ অমা থেংনবগী মতাংদা পাউদমখি। মাইক্রো দোপ্লরদা য়ুম্ফম ওইবা তার্গেৎ ক্লাসিফিকেসন অসিনা অখন্নবা পোৎশক অমা উচেক নৎত্রগা দ্রোন অমা ওইব্রা হায়বদু খঙদোকপদা মতেং পাংই। মহাক্না শন্দোক্না হায়খি মদুদি উচেক অমসুং দ্রোন অসি রাদরদা চপ মান্ননা উই অমসুং মসিনা অরানবা এলার্ম অমসুং অতৈ সেক্যুরিতীগী ওইবা খুদোংথীবশিং, মরুওইনা সেন্সিতিব ওইবা মফমশিংদা থোকহনবা য়াই। অতোপ্পা তীমগী মেম্বর অমনা অকুপ্পা মরোলশিং অদু শন্দোক্না তাকখি অমসুং সোল্যুসন অসিনা মাইক্রো দোপ্লর সিগ্নেচরশিং শীজিন্নরি হায়না শন্দোক্না তাকখি। মখোয় অসি মীওইবগী ফিঙ্গরপ্রিন্তশিংগা মান্ননা তোঙান তোঙানবা পোৎশকশিংনা পুথোকপা তোপ তোপ্পা মওংশিংনি। প্রধান মন্ত্রীনা হংখি মদুদি মসিগী সোল্যুসন অসিনা স্পীদ, দাইরেক্সন অমসুং দিস্তেন্স মশক খঙদোকপা ঙমগদ্রা, মদুদা তীমনা মদু অথুবদা ঙমলগনি খুমখি। দ্রোনশিং অসি মখল কয়াগী পোজিতিব ওইবা শীজিন্নফমশিং লৈ হায়না পল্লদুনা প্রধান মন্ত্রীনা ফোর্স খরনা অতোপ্পশিংদা খুদোংচাদবা পীনবা দ্রোনশিং শীজিন্নরি অমসুং মসিনা সেক্যুরিতীগী শীনরকপা অমা ওইরে হায়খি। প্রধান মন্ত্রীনা পীরিবা সোল্যুসন অসিনা অসিগুম্বা শীংনবশিং অসি মায়োক্নবা ঙমগদ্রা হায়না হংলকপদা, তীমগী মেম্বর অমনা প্রোসেস অদু শন্দোক্না তাকখি অমসুং হায়খি মদুদি মসি কম্পেক্ত সোল্যুসন অমনি মদুদি শেল চঙদবা দিভাইসশিংদা শীজিন্নবা য়াগনি অমসুং তোঙান তোঙানবা এনভাইর্নমেন্তশিংদা এদাপ্তেবল ওইগনি। রাজস্থানগী ঙমখৈগী মফম অমদগী লাকপা তীমগী অতোপ্পা মেম্বর অমনা পুলৱামা এতেক মতুংদা নোংথক্তগী লান্দারকপা দ্রোনশিংগী চাং য়াম্না হেনগৎলকখি অমসুং অন্তি-দ্রোন দিফেন্স সিস্তেম অসি নুমিদাংগী মতম অমহেক্তদা এক্তিবেৎ তৌগনি হায়না পাউদমখি। মহাক্না হায়খি মদুদি নাগরিকশিংনা অৱাবা কয়া মায়োক্নরকপদগী প্রোব্লেম স্তেতমেন্ত অসি খনখি। প্রধান মন্ত্রীনা লৈবাক অসিগী তোঙান তোঙানবা সেক্তরশিংদা দ্রোনশিং শীজিন্নবগী মতাংদা পনখি অমসুং নমো দ্রোন দিদি স্কিমগী খুদম পনখি। লৈবাক অসিগী অরাপ্পা মফমশিংদা হিদাক-লাংথকশিং অমসুং তঙাইফদবা পোৎলমশিং পুথোক-পুশিন তৌনবা দ্রোনশিং শীজিন্নবগী ৱাফমসু মহাক্না পনখি। নেস্নেল সেক্যুরিতীগী অসিগুম্বা ইসুশিং অসি থেংননবা নহা ওইরিবা ইন্নোবেতরশিংনা অকনবা মীৎয়েং চংদুনা থবক তৌরিবা অসিদা প্রধান মন্ত্রীনা নুংঙাইবা ফোংদোকখি। মহাক্না হায়খি মদুদি মখোয়গী ইন্নোবেসন অসিনা দিফেন্স তেক্নোলোজী এক্সপোর্ত তৌবদা অনৌবা দাইমেন্সন পীবা ঙমগনি। প্রধান মন্ত্রীনা মহাক্কী য়াইফ মঙ্গোল পীখি অমসুং ঙমখৈগী মফমশিংদগী লাকপা তীমগী মেম্বরশিংগী মরক্তগী অমনা ইসু অসি অকুপ্পা মরোলশিং অমসুং সোল্যুসনশিংগী তঙাইফদবা অদু খঙবা ঙম্মি হায়না শকখঙখি। মহাক্না মখোয়দা খ্বাইদগী নৌবা তেক্নোলোজীগা লোয়ননা অপদেৎ তৌনবা হায়খি মরমদি রোগ দ্রোনশিং শীজিন্নরিবা মীওইশিংনা নুমিৎ খুদিংগী অনৌবা তেক্নোলোজী শীজিন্নরি। প্রধান মন্ত্রীনা মখোয়গী হোৎনরিবশিংবুসু থাগৎপা ফোংদোকখি।
বেঙ্গলোরগী ন্যু হোরাইজন কোলেজ ওফ ইঞ্জিনীয়রিংগী নিরভানা ৱানগী তীম লিদরনা প্রধান মন্ত্রীদা জল শক্তি মন্ত্রালয়না পীরিবা রিভর পোলুসন হন্থহন্নবা অমসুং রিভর রিজুভেনেসন ফগৎহন্নবা প্রোব্লেম স্তেতমেন্তকী মতাংদা পাউদমখি। অতোপ্পা তীম মেম্বর অমনা হায়খি মদুদি গঙ্গা তুরেল অসি মাগী কলচরেল অমসুং স্পিরিচুএল ওইবা মরুওইবা অদুগীদমক্তা প্রোজেক্ত অসিগীদমক্তা খনখি। মহাক্না হায়খি মদুদি প্রোজেক্ত অসি নমামী গঙ্গে অমসুং নেস্নেল মিসন ফোর ক্লিন গঙ্গাদা পাংথোকখিবা রিসর্চকী মহৈ ওইনা হৌরকখি। মহাক্না মখা তানা হায়খি মদুদি রিভর বেঙ্কতা লৈরিবা মীওইশিংগী পুন্সিদা মতেং পাংনবা ফংলিবা দেতাগী মতেংদগী দিসিজন সপোর্ত সিস্তেম অমা শেম্লে। তীম লিদরনা হায়খি মদুদি মরুওইবা লোকেসন 38 মশক খঙদোক্লে অমসুং ফেদরেতেদ লর্নিংগী মতেংগা লোয়ননা লোকেল মোদেলশিং শেম্লে। মসিনা মাদর মোদেলগা ইন্তরেক্সন তৌদুনা এক্যুরেসী হেনগৎহল্লগনি। স্তেকহোল্দর খুদিংমক্কীদমক এদভান্স দেশবোর্দ অমা শেমগৎপগী ৱাফমসু মহাক্না পনখি। মহাকুম্ভতা শরুক য়ারিবশিংনা মতৌ করম্না ইন্নোবেসন অসি শীজিন্নবা য়াগনি হায়বগী মতাংদা প্রধান মন্ত্রীদা পাউখুম পীরদুনা তীম লিদরনা হায়খি মদুদি দেতা এনালাইসিসনা অফবা হকশেল অমা লৈহনবগা লোয়ননা পর্সনেল লেভেলদা দিসইনফেক্সন পাংথোকপদা মতেং পাংগনি। মহাক্না ইন্দস্ত্রীএল ইফ্ল্যুএন্ত মোনিতরিং, সিৱেজ ত্রিৎমেন্ত ইনফ্রাস্ত্রকচর, বাইওদাইবর্সিতী মেনেজমেন্ত অসিনচিংবগীদমক তোঙান তোঙানবা পোর্তেলশিং পীনবগী মতাংদা পাউদমখি। থক্নবা ঈশিং সপ্লাই চেনগী মতাংদা, মহাক্না প্রধান মন্ত্রীদা হায়খি মদুদি পোল্যুতেন্তশিংদা অখন্নবা স্পাইক অমা লৈরকপা হায়বসি থোকহল্লিবা ইন্দস্ত্রীদা অমসুং য়াম্না পোল্যুতেন্ত ওইহল্লিবা ইন্দস্ত্রীশিংদা বেকত্রেক তৌগনি। প্রোজেক্ত অসি ইকোলোজিকেলগী মীৎয়েংদগী য়াম্না মরু ওই হায়না প্রধান মন্ত্রীনা হায়খি অমসুং তীম অসিনা অসিগুম্বা সেন্সিতিব ইসুশিংদা থবক তৌরিবা অসিদা নুংঙাইবা ফোংদোকখি। মহাক্না তীমদা মহাক্কী য়াইফ-মঙ্গোল পীখি।
SIHগী শরুক য়ারিবা পুম্নমকপু থাগৎপা ফোংদোক্লদুনা, প্রধান মন্ত্রীনা হায়খি মদুদি মখোয় পুম্নমক্কা ৱারী শাবা অসি য়াম্না নুংঙাইবা অমনি। শ্রী মোদীনা হায়খি মদুদি তুংলমচৎকী মালেম অসি লৌশিং অমসুং ইন্নোবেসন্না চলাইগনি অমসুং নহাশিং অসি হোংলক্লিবা ফিভমশিংদা ভারতকী আশা অমসুং এস্পিরেসননি। মখোয়গী মীৎয়েং, ৱাখল্লোন অমসুং ইনর্জী অসি তোঙানবা অমনি হায়না মহাক্না মখা তাখি। মীপুম খুদিংমক্কী পান্দম অসি মান্নৈ হায়বা ৱাফম থম্লদুনা প্রধান মন্ত্রীনা হায়খি মদুদি ভারত অসি মালেমদা খ্বাইদগী ইন্নোবেতিব, প্রোগ্রেসিব অমসুং প্রোস্পেরেস ওইবা লৈবাক অমা ওইগদবনি। মহাক্না মখা তাখি মদুদি মালেম অসিনা ভারতকী শক্তি অসি ইন্নোবেতিব ওইরিবা নহাশিংগী শক্তি অমসুং ভারতকী তেক্নোলোজীগী শক্তি অদুনি। মহাক্না মখা তারদুনা হায়খি মদুদি স্মার্ত ইন্দিয়া হেক্কাথোন্দা মখোয় পুম্নমক্তা ভারতকী মপাঙ্গল অদু ময়েক শেংনা উবা ফংলে। শ্রী মোদীনা স্মার্ত ইন্দিয়া হেক্কাথোন অসি ভারতকী নহারোলশিংবু মালেমগী থাক্তা খ্বাইদগী ফবা ওইহন্নবা অচৌবা প্লেৎফোর্ম অমা ওইরকপদা নুংঙাইবা ফোংদোকখি। মহাক্না হায়খি মদুদি স্মার্ত ইন্দিয়া হেক্কাথোন হৌরকপদগী হৌরগা মহৈরোয় লাখ 14রোম শরুক য়াখ্রে অমসুং মখোয়না তীম লাখ 2 শেমখ্রে অমসুং প্রোব্লেম লিশিং অহুমগী মথক্তা থবক তৌখ্রে। মহাক্না মখা তানা হায়খি মদুদি হেক্কাথোন অসিনা মরম ওইদুনা অনৌবা স্তার্ত-অপ চা কয়া পোক্লকপগা লোয়ননা ইন্সতিত্যুসন 6400 হেন্না মসিগা মরী লৈনখি। প্রধান মন্ত্রীনা হায়খি মদুদি 2017তা মহৈরোয়শিংনা আইদিয়া লিশিং 7 হেন্না পুথোকখি অদুগা চহি অসিদা মসিগী আইদিয়া মশিং অসি লিশিং 57 হেনখ্রে। মহাক্না হায়খি মদুদি মসিনা ভারতকী নহারোলশিংনা মখোয়গী লৈবাক অসিগী শীংনবশিং কোকহন্নবা মতৌ করম্না মাংলোমদা চংশিনবগে হায়বদু উৎলি।
হৌখিবা হেক্কাথোন তরেৎ অসিদগী লাকপা সোল্যুসন কয়া অমা ঙসি লৈবাক অসিগী মীয়ামগীদমক য়াম্না কান্নবা ওইরে হায়না পল্লদুনা, প্রধান মন্ত্রীনা হায়খি মদুদি হেক্কাথোনশিংনা অচৌবা সমস্যা কয়াগী সোল্যুসন পীরি। মহাক্না 2022গী হেক্কাথোনগী খুদম অমা পনখি, মদুদা নহাশিংগী তীম অমনা সাইক্লোনগী ইন্তেনসিতী চাংয়েং তৌনবা সিস্তেম অমদা থবক তৌখি, মদু হৌজিক্তি ইসরোগী তেক্নোলোজীগা পুনশিন্নখ্রে। প্রধান মন্ত্রীনা অতোপ্পা খুদম অমা পনখি মদুদি তীম অমনা ভিদিও জিওতেগিং এপ অমা শেমখ্রে। মসিনা দেতা খোমজিনবা অসি লায়হল্লি। মসি হৌজিক স্পেসকা মরী লৈনবা রিসর্চতা শীজিন্নরি। মহাক্না মখা তাখি মদুদি অতোপ্পা তীম অমনা রিএল-তাইম ব্লদ মেনেজমেন্ত সিস্তেম অমদা থবক তৌরি। মসিনা মহৌশাগী ওইবা খুদোংচাদবা মতমদা মফম অদুদা লৈরিবা ব্লদ বেঙ্কশিংগী অকুপ্পা মরোলশিং পীবা ঙম্মি। মসিনা ঙসিদি NDRF কুম্বা এজেন্সীশিংদা মতেং পাংলি। হেক্কাথোনগী অতোপ্পা মায় পাকপগী ৱারী অমা পল্লদুনা শ্রী মোদীনা হায়খি মদুদি চহি খরগী মমাংদা অতোপ্পা তীম অমনা দিব্যাঙ্গজনশিংগীদমক প্রদক্ত অমা শেমখি অমসুং মসিনা মখোয়গী পুন্সিদা অৱাবা হন্থহনবদা মতেং পাংলি। মহাক্না মখা তাখি মদুদি ঙসি ফাওবদা অসিগুম্বা মাইপাকপা কেস স্তদী চা কয়া অসি হেক্কাথোন্দা শরুক য়ারিবা নহাশিংদা ইথিল পীবা অমা ওইরি। প্রধান মন্ত্রীনা হায়খি মদুদি লৈবাক অসিনা মায়োক্নরিবা শীংনবশিং অসি থেংননবা লৈবাক অসিগী নহাশিংনা সরকারগা লোয়ননা লৈবাক অসিগী চাউখৎ থৌরাংগীদমক করম্না থবক তৌমিন্নরি হায়বদু হেক্কাথোনশিংনা উৎলি। মহাক্না মখা তাখি মদুদি মসিনা মখোয়দা লৈবাক অসিগী সমস্যাশিং অমসুং লৈবাক অসিগী চাউখৎ থৌরাংগী মায়কৈদা থৌদাং লৌবগী ৱাখল্লোন অমা পীরি। শ্রী মোদীনা লৈবাক অসিনা চাউখৎলবা ভারত অমা ওইনবা অচুম্বা লম্বীদা চংশিল্লি হায়না থাজবা থমখি। মহাক্না নহাশিংনা ভারতকী প্রোব্লেমশিংদা ইন্নোবেতিব সোল্যুসনশিং পুথোক্নবা হোৎনরিবা অদুগীদমক থাগৎপা ফোংদোকখি।
ঙসিগী মতম অসিদা লৈবাক অসিগী পান্দমদা থেংনবা খুদোংচাদবা খুদিংমক্কীদমক্তা অনৌবা ৱাখল্লোন পুথোকপা মথৌ তাই হায়না পল্লদুনা, শ্রী মোদীনা সেক্তর খুদিংমক্তা ঐখোয়গী অনৌবা ৱাখল্লোন পুথোকপা মথৌ তাই হায়না অকনবা ৱাফম থমখি। হেক্কাথোন অসিগী অখন্নবা মশক অদু পল্লদুনা প্রধান মন্ত্রীনা হায়খি মদুদি মসিগী প্রোসেস অসি প্রদক্ত অদুগুম্না মরু ওই। লৈবাক অসিগী সমস্যাশিং কোকহন্নবা সরকার খক্তনা ক্লেম তৌরম্বা মতম অমা লৈরম্মি হায়না শ্রী মোদীনা হায়খি। অদুম ওইনমক, ঙসি অসিগুম্বা হেক্কাথোনশিংগী খুত্থাংদা, মহৈরোয়শিং, ওজাশিং অমসুং মেন্তরশিংসু সোল্যুসনগা শম্নহল্লে। মসি ভারতকী অনৌবা গবর্নান্স মোদেলনি অমসুং 'সবকা প্রয়াস' অসি মোদেল অসিগী লাইফ ফোর্সনি হায়না মহাক্না অকনবা ৱাফম থমখি।
লৈবাক অসিগী মথংগী চহি 25গী জেনরেসন অসি ভারতকী অমৃত জেনরেসননি হায়না পল্লদুনা প্রধান মন্ত্রীনা হায়খি মদুদি নহারোলশিংনা চাউখৎলবা ভারত অমা শেমগৎপগী থৌদাং লৌরি অদুগা সরকারনা মথৌ তাবা রিসোর্স খুদিংমক মতম চানা পীনবা ৱাশক্লি। সরকারনা তোঙান তোঙানবা চহিগী কাংলুপশিংদা তোঙান তোঙানবা থাক্তা থবক পায়খৎলি হায়না পল্লদুনা প্রধান মন্ত্রীনা হায়খি মদুদি সরকারনা মহৈরোয়শিংদা সাইন্তিফিক মাইন্দসেৎ পুক্নিং থৌগৎনবা অনৌবা নেস্নেল এজুকেসন পোলিসী চৎনহনখ্রে অমসুং লৈবাক অসিগী তুংগী চারোন-শুরোনশিংনা স্কুলশিংদা ইন্নোবেসনগীদমক রিসোর্সশিং ফংহন্নবগীদমক অতল তিঙ্করিং লেব 10,000 হেন্না হাংদোকখ্রে। লেবশিং অসি অনৌবা এক্সপরিমেন্তশিংগী সেন্তর অমা ওইরক্লি হায়না পল্লদুনা মহাক্না হায়খি মদুদি অঙাং করোর অমা হেনবনা রিসর্চ তৌরি। মহাক্না মখা তাখি মদুদি পি.এম.শ্রী স্কুল লিশিং 14 হেনবনা 21শুবা চহিচাগী স্কিলশিংদা থবক তৌরি অমসুং মহৈরোয়শিংগী ইন্নোবেতিব থিঙ্কিং হেন্না ফগৎহন্নবা সরকারনা কোলেজগী থাক্তা ইনক্যুবেসন সেন্তরশিং লিংখৎলে। শ্রী মোদীনা হায়খি মদুদি এদভান্স রোবোতিক্স অমসুং AI লেবশিং অসি থবক ওইনা পাংথোক্নবা তম্বগীদমক্তা শীজিন্নরি। অদুগা জিগ্যাসা প্লেৎফোর্ম অসি নহাশিংগী ৱাহংশিং কোকহন্নবা শেমখিবনি। মসিদা মখোয়না সাইন্তিস্তশিংগা হকথেংননা মরী লৈননবা অমসুং ৱারী শানবগী খুদোংচাবা ফংলি।
প্রধান মন্ত্রীনা হায়খি মদুদি ঙসি, ত্রেনিংগী মথক্তা, নহাশিং অসি স্তার্তঅপ ইন্দিয়া কেম্পেনগী খুত্থাংদা শেলগী তেংবাংসু পীরি অমসুং তেক্সতগী কায়থোকপসু পীরি। মহাক্না মখা তাখি মদুদি মখোয়গী ব্যুজিনেস অসি লিংখৎনবগীদমক লুপা লাখ 20 ফাওবগী মুদ্রা লোনগী থৌরাংসু পায়খৎলি। অনৌবা কম্পেনীশিংগীদমক লৈবাক শিনবা থুংনা তেক্নোলোজী পার্কশিং অমসুং অনৌবা IT হবশিং শেমগৎলি হায়না শ্রী মোদীনা পাউদমখি। সরকারনা লুপা করোর লাখ 1গী রিসর্চ ফন্দ অমা শেমখ্রে। মহাক্না মখা তাখি মদুদি সরকার অসিনা নহারোলশিংগী মথৌ তাবশিং অদুগী মতুং ইন্না থবক তৌরিঙৈদা মখোয়গী কেরিয়রগী থাক খুদিংমক্তা মখোয়গা লোয়ননা লেপ্লি। হেক্কাথোনশিং অসি ফোর্মেল ইভেন্ত অমা খক্তা নত্তনা ঐখোয়গী নহারোলশিংদা অনৌবা খুদোংচাবশিংসু পীরি হায়না পল্লদুনা শ্রী মোদীনা হায়খি মদুদি মসি মখোয়গী প্রো-পিপল গবর্নান্স মোদেলগী শরুক অমা ওইরিবা পর্মানেন্ত ইন্সতিত্যুসন অমা ওইরকপগী থৌওংনি।
প্রধান মন্ত্রী মোদীনা ভারতপু ইকোনোমিক সুপরপাৱর অমা ওইহন্নবগীদমক্তা হৌগৎলক্লিবা সেক্তরশিংদা মীৎয়েং চংবগী মরুওইবা অদু ফোংদোকখি। মহাক্না হায়খি মদুদি দিজিতেল কন্তেন্ত শেমগৎপা অমসুং গেমিংগুম্বা সেক্তরশিং অসি দিকেদ অমা মমাংদা ফজনা দিবেলপ তৌখিদে, হৌজিক ভারত্তা য়াম্না থুনা চাউখৎলক্লি। সেক্তরশিং অসিনা অনৌবা কেরিয়রগী লম্বীশিং হাংদোক্লি অমসুং নহাশিংদা থিজিন-হুমজিনবা অমসুং চাংয়েং তৌবগী খুদোংচাবা পীরি। সরকারনা রিফোর্মশিংগী খুত্থাংদা অথিংবাশিং লৌথোক্তুনা নহারোলশিংগী ক্যুরিওসিতী অমসুং কনভিক্সনবু এক্তিব ওইনা মতেং পাংলি। কন্তেন্ত ক্রিএতরশিংগী হোৎনরিবশিং অমসুং ক্রিএতিভিতিবু মশক খঙদোক্নবা পান্দম থম্লিবা নেস্নেল ক্রিয়েতর এৱার্দসু মহাক্না পনখি। খেলো ইন্দিয়া অমসুং তোপস স্কিমগুম্বা ইনিসিএতিবশিংগা লোয়ননা স্পোর্তসপু কেরিয়রগী ওইথোকপা য়াবা ওপ্সন অমা ওইনা প্রমোৎ তৌনবা সরকারনা হোৎনরিবা অদু পি.এম. মোদীনা ফোংদোকখি। মসিনা শান্নরোইশিংবু খুঙ্গংগী থাক্তা পাঙথোকপা তোর্নামেন্তদগী হৌরগা ওলিম্পিক্স ফাওবগী মরুওইবা কম্পিতিসনশিংগীদমক শেম-শারি। মসিগী মথক্তা, নেস্নেল সেন্তর ওফ এক্সিলেন্স ফোর এনিমেসন, ভিজুএল ইফেক্স, গেমিং, কোমিক্স, অমসুং এক্সতেন্দেদ রিয়েলিতিনা গেমিং অসি শিংথানিংঙাই ওইরবা কেরিয়রগী চোইস অমা ওইনা থোরকপদা ইথিল পীরি।
প্রধান মন্ত্রীনা গবর্নমেন্তনা মালেমগী থাক্তা থাগৎপা ফংবা ৱান নেসন-ৱান সবস্ক্রিপ্সন স্কিম হৌদোক্নবা লৌখিবা ৱারেপ অদু পনখি। মসিগী খোঙথাং অসিনা ভারতকী নহাশিং, রিসর্চ তৌবা মীওইশিং অমসুং ইন্নোবেতরশিংদা ইন্তর্নেস্নেল জর্নেলশিং ফংহল্লি। মসিনা নহা অমত্তনা মমল য়াম্লবা ই-পাউ ফংহন্দনা লৈহন্দনবা হোৎনগনি। স্কিম অসিগী মখাদা সরকারনা মমিং লৈরবা জর্নেলশিংদা সবস্ক্রাইব তৌরি, মসিনা লৌশিংগী পাক শন্না এক্সেস তৌবা ঙমহল্লি। প্রধান মন্ত্রী মোদীনা হায়খি মদুদি মসিনা হেক্কাথোনদা শরুক য়ারিবশিংদা কান্নবা পীগনি অমসুং মালেমগী খ্বাইদগী ফবা মাইন্দশিংগা চাংদম্নবা ভারতকী নহাশিংবু শক্তি পীনবগী পাক চাউবা পান্দম অদু থম্লি। মহাক্না অমুক হন্না হায়খি মদুদি সরকারগী মিসন অসি নহারোলশিংগী মীৎয়েংগা মান্নৈ, মখোয়না মায় পাক্নবগীদমক মথৌ তাবা তেংবাং অমসুং ইনফ্রাস্ত্রকচর পুম্নমক ফংহনগনি।
শ্রী মোদীনা রাজনীতিদা ইমুং মনুংগী মীওই অমত্তা য়াওদবা নহা লাখ অমা লৈবাক অসিগী রাজনিতীদা পুরক্নবা মহাক্না লাউথোকখিবা অদু নৌহৌনা ফোংদোকখি। মসি ভারতকী তুংলমচৎকীদমক তঙাইফদবা অমনি হায়না মহাক্না ফোংদোকখি। শ্রী মোদীনা জনুৱারী 2025দা "ভিক্সিৎ ভারত য়ং লিদর্স দাইলোগ" পাংথোক্কনি হায়না লাউথোকখি। মসিদা লৈবাক শীনবা থুংবদগী নহা করোর কয়া শরুক য়াগনি অমসুং চাউখৎলবা ভারত অমগীদমক মখোয়গী ৱাখল্লোনশিং পীরগনি। মহাক্না মখা তাখি মদুদি নহাশিং অমসুং মখোয়গী ৱাখল্লোনশিং খনগৎলগনি অমসুং স্বামী বিবেকানন্দগী মপোক কুমওনগী থৌরমদা জনুৱারী 11-12দা মখোয়গা লোয়ননা নই দিল্লীদা য়ং লিদর্স দাইলোগ অমা পাংথোক্কনি। লৈবাক অসিগী অমসুং মপানগী শক্নাইরবা মীওইশিংগা লোয়ননা শরুক য়াগনি হায়না লাউথোক্লদুনা শ্রী মোদীনা SIHগা মরী লৈনবা নহা পুম্নমকপু "ভিক্সিত ভারত য়ং লিদর্স দাইলোগ"তা শরুক য়ানবা হায়খি। মসিনা মখোয়দা নেসন বিল্দিংদা শরুক য়ানবা অতোপ্পা অচৌবা খুদোংচাবা অমা পীগনি হায়না মহাক্না মখা তাখি।
শ্রী মোদীনা স্মার্ত ইন্দিয়া হেক্কাথোন্দা শরুক য়ারিবশিংদা লাক্কদৌরিবা মতম অসি খুদোংচাবা অমা ওইনা অমসুং থৌদাং অমা ওইনা উনবা পুক্নিং থৌগৎখি। মহাক্না তীমশিংদা ভারতকী শীংনবশিং কোকহন্নবা মীৎয়েং চংবতা নত্তনা মালেমগী ওইবা ইসুশিংদা হেন্না ইফেক্তিব ওইবা মওংদা থবক তৌনবা হায়খি। মথংগী হেক্ কেথোন্দা মালেমগী অৱাবা মায়োক্নবগী পাম্বৈশিংগী খুদমশিং ফংলগনি হায়না পি.এম. মোদীনা থাজবা ফোংদোকখি। মহাক্না লৈবাক অসিগী ইনোবেতরশিং অমসুং প্রোব্লেম সোল্বরশিংগী তৌবা ঙম্বশিংদা লৈবাক্কী থাজবা অমসুং চাউথোকচবা অদু ফোংদোকখি। মহাক্না মখোয়গী মায়পাকপা ওইরসনু হায়না য়াইফ-মঙ্গোল পীখি অমসুং মহাক্কী তৌবীমল খঙবা ফোংদোকখি।
বেকগ্রাউন্দ
স্মার্ত ইন্দিয়া হেক্কাথোন (SIH) গী 7শুবা ইদিসন অসি 2024গী দিসেম্বর 11দা লৈবাক শীনবা থুংনা নোদেল সেন্তর 51দা অমুক্তং হৌখি। সোফৱেয়র ইদিসন অসি পুং 36 লেপ্তনা চত্থগনি, অদুগা হার্দৱায়র ইদিসন অসি 2024গী দিসেম্বর 11দগী 15 ফাওবা চত্থগনি। মমাংগী ইদিসনশিংগুম্না, মহৈরোয়গী তীমশিংনা মন্ত্রালয়শিং, দিপার্তমেন্তশিং নৎত্রগা ইন্দস্ত্রীশিংনা পীরকপা প্রোব্লেম স্তেতমেন্তশিংদা থবক তৌগনি নৎত্রগা নেস্নেল ইম্পর্তেন্সকী সেক্তরশিংগা মরী লৈনবা থীম 17গী মথক্তা মহৈরোয়গী ইন্নোবেসন কেতেগোরীদা মখোয়গী ৱাখল্লোনশিং পুথোক্কনি। সেক্তরশিং অসি - হেল্থকেয়র, সপ্লাই চেন অমসুং লোজিস্তিক্স, স্মার্ত তেক্নোলোজীশিং, হেরিতেজ অমসুং কলচর, সস্তেনেবিলিতী, এজুকেসন অমসুং স্কিল দিবেলপমেন্ত, ৱাতর, এগ্রিকলচর অমসুং ফুদ, ইমর্জিং তেক্নোলোজীশিং অমসুং দিজাস্তর মেনেজমেন্তনি।
চহি অসিগী ইদিসন অসিগী ইথিল পীবা প্রোব্লেম স্তেতমেন্তশিংগী মনুংদা য়াওরিবশিংদি ইসরোনা পুথোকপা "থাগী অমম্বা মফমশিংগী ইমেজশিং ফগৎহনবা", জল শক্তি মন্ত্রালয়না পুথোকপা "AI, সেতেলাইত দেতা, IoT অমসুং দাইনামিক মোদেলশিং শীজিন্নদুনা রিএল-তাইম গঙ্গা ৱাতর ক্বালিতী মোনিতরিং সিস্তেম শেমগৎপা" অমসুং আয়ুশ মন্ত্রালয়না পুথোকপা "AIগা পুনশিন্নবা স্মার্ত য়োগ মেৎ শেমগৎপা" অসিনি।
চহি অসিদা, মন্ত্রালয় 54, দিপার্তমেন্তশিং, রাজ্য সরকারশিং, PSUশিং অমসুং ইন্দস্ত্রীশিংনা প্রোব্লেম স্তেতমেন্ত 250 হেন্না সবমিৎ তৌখ্রে। ইন্সতিত্যুৎকী থাক্তা ইন্তরনেল হেক্কাথোনশিংদা চাদা 150 হেনগৎলকপা থেংনখ্রে। SIH 2023দা 900 হেনখিবদগী SIH 2024দা চাউরাক্না 2,247 য়ৌখ্রে। মসিনা হৌজিক ফাওবদা খ্বাইদগী চাউবা ইদিসন ওইরে। ইন্সতিত্যুৎকী থাক্তা SIH 2024দা তীম 86,000 হেনবনা শরুক য়াখ্রে অমসুং মহৈরোয়গী তীম 49,000 রোম (মহৈরোয় 6 অমসুং মেন্তর 2 য়াওবা) অসি ইন্সতিত্যুৎশিং অসিনা নেস্নেল লেবেল রাউন্দগীদমক রিকম্মেন্দ তৌখ্রে।
ৱা ঙাংখিবগী মপুংফাবা ৱারোল পানবা মসিদা নম্বীয়ু
आज दुनिया कह रही है कि भारत की ताकत, हमारी युवाशक्ति है, हमारा innovative youth है, हमारी tech power है: PM @narendramodi
— PMO India (@PMOIndia) December 11, 2024
बीते 7 सालों में जितने भी हैकाथॉन हुए हैं, उनके बहुत सारे Solutions आज देश के लोगों के लिए बहुत उपयोगी सिद्ध हो रहे हैं।
— PMO India (@PMOIndia) December 11, 2024
कई बड़ी समस्याओं का समाधान इन हैकॉथान्स ने दिया है: PM @narendramodi
Students में Scientific Mindset को Nurture करने के लिए हमने नई नेशनल एजुकेशन पॉलिसी लागू की है: PM @narendramodi
— PMO India (@PMOIndia) December 11, 2024
One Nation-One Subscription स्कीम अपने आप में दुनिया की अनूठी स्कीम्स में से एक है।
— PMO India (@PMOIndia) December 11, 2024
जिसके तहत सरकार, प्रतिष्ठित जर्नल्स की सब्स्क्रिप्शन ले रही है, ताकि किसी भी जानकारी से भारत का कोई भी युवा वंचित ना रहे: PM @narendramodi
