QuoteThe human face of 'Khaki' uniform has been engraved in the public memory due to the good work done by police especially during this COVID-19 pandemic: PM
QuoteWomen officers can be more helpful in making the youth understand the outcome of joining the terror groups and stop them from doing so: PM
QuoteNever lose the respect for the 'Khaki' uniform: PM Modi to IPS Probationers

ঙসি সর্দার ভাল্লবভাই পতেল নেসনেল পুলিস একাদেমি(এস ভি পি এন পি এ)দা ‘দিকসান্ত পেরেত থৌরম’ মনুংদা ভিদিও কনফরেন্সকী খুৎথাংদা প্রধান মন্ত্রী শ্রী নরেন্দ্র মোদীনা আই.পি.এস প্রোবেসন্নরশিংগা ৱারি শানখ্রে।

থৌরম অদুদা প্রধান মন্ত্রীনা হায়খি একাদেমি অসিদগী পাস তৌরকখিবা নহা ওইরবা আই.পি.এস ওফিসারশিংগা মহাক্না চাংনাইনা ৱারি শানখি, অদুবু চহি অসিগী ওইনা কোরোনাভাইরসনা মরম ওইদুনা মহাক্না মখোয়গা উনবা ঙমদ্রে। অদুবু ঐনা ওফিস পায়রিঙৈ মতমদা, ঐনা করিগুম্বা মতমদা অদোমগা ময়ামগা শোইদনা উনগনি।

মাইপাক্না মখোয়গী ত্রেনিং লোইশিনবগী আই.পি.এস প্রোবেসন্নরশিংদা য়াইফ-পাউজেল পীরদুনা প্রধান মন্ত্রীনা হায়খি য়ুনিফোর্মগী শক্তি উৎপগী মহুৎতা প্রোবেসন্নরশিংনা মখোয়গী য়ুনিফোর্মগী চাউথোকচবা অসিনা হেন্না মরুওই। মরুওইনা কোবিদ-১৯ মনুং অসিদা অফবা থবক পাংথোক্তুনা খাগি য়ুনিফোর্মগী মীনুংশিং খঙবা মশক অদু মীয়ামদা ৱাখলদা মমি তাহনগদবনি।

|

প্রধান মন্ত্রী মোদীনা হায়খি হৌজিক ফাওবা অদোম ত্রেনি অমা ওইনা ঙাকপী শেনবীবগী ফিবম অমদা লৈরি। অদুবু অদোম্না একাদেমি অসিদগী খোঙ থাংদোকখিবা মিকুপ্তা ফিবম অদু খুদক্তা হোঙলগনি। নহাক্কী মিৎয়েং হোঙলগনি। চেকশিনগদবদি, অহানবা ওইনা উখিবা শক্তম অদু অরোইবা শক্তমনি। নহাক্না ত্রান্সফর চৎপা মফম খুদিং নহাক্কী শক্তম অদু তুংইন্নগনি।

প্রোবেসন্নরশিংদা পাউতাক পীরদুনা প্রধান মন্ত্রীনা হায়খি অহানবা চেঙদগী ৱাই খন্দোকপা ঙম্বগী লৌশিং লৈগদবনি। না পংলোইদবনি অদুবু মখোয়না তারিবশিং অদু খন্দোকপা ঙমগদবনি হায়না মহাক্না মখোয়দা পাউতাক পীখি। “অদোমগী না পংশিন্নবগী মহুৎতা ফিলতর অমা হাপক্কদবনি। চুমথোক্লবা পোৎশিং অদু অদোমগী কোক য়ৌখিবা মতমদা মদুনা অদোমগী মতেং পাংগনি, ফত্তবা লৌথোকখো অমসুং অদোমগী থম্মোয় শেংনা লৈয়ু’।

মখোয়না থবক তৌরিবা মফম খুদিংমক্কী চাউথোকচবা পোক্নবা প্রোবেসন্নরশিংদা তকশিল্লদুনা প্রধান মন্ত্রীনা হায়খি, প্রোবেসন্নরশিংনা মীচম মীয়ামগী অৱাবা খঙগদবনি। মখোয় কিহন্দুনা ৱারকপগী মহুৎতা মীনুংশিং উৎতুনা মীয়ামগী থম্মোয় খুদম চনবনা তুংকোইনা চৎনগনি।

|

কোবিদ-১৯ লাইচৎ মনুংদা ‘মীনুংশি খঙবা’ পুলিসকী শক্তম অদু মাঙদা উৎপগীদমক প্রধান মন্ত্রীনা থাগৎখি।

প্রধান মন্ত্রীনা হায়খি থৌদোক-ৱাথোক অমা ৱাতেম্বদা পুসিলগী ইন্তিলিজেন্স য়াম্না মরুওই। খ্বাইদগী ফবা থবক পাংথোক্নবা প্রোবেসন্নরশিংনা তেক্নোলোজি শীজিন্নগদবনি অদুগা ইন্তিলিজেন্সগী ই-পাউশিংগী মরুওইবা অদু কাউথোক্লোইদবনি। ই-পাউ, বিগ দেতা অমসুং আর্তিফিসিএল ইন্তিলিজেন্সকী অৱাৎপা লৈতে। সোসিএল মেদিয়াদা ফংলিবা ই-পাউশিং অসিসু লন অমনি।

প্রধান মন্ত্রীনা হায়খি হৌখিবা চহি খর অসিদা এন.দি.আর.এফ অমসুং এস.দি.আর.এফনা অৱা-অনা তারকপা মতমদা পাংথোক্লিবা থবকশিং অসিনা পুলিসকী থবকশিংদা নৌনা শকখঙবা অমা ফংলে। মহৌশাগী ওইবা অৱা-অনা তারকপা মতমদা মীয়াম মতেং পাংনবা মখোয়না লৈরিবা মফমশিংদা এন.দি.আর.এফ কাংবু শেমগৎকদবনি। মখোয়দা ত্রেনিং পীবগী থবক কৈদৌঙৈদা নাথৈরোইদবনি। ত্রেনিং অসি চৈরাক পীবা পোস্তিং অমনি হায়বা ৱাখল্লোন অসি থাদোক্কদবনি।

|

প্রধান মন্ত্রীনা হায়খি নুমিৎ নিনিগী মমাংদা মিসন কর্মায়োগী হৌদোকখ্রে। মসি চহি ৭০শুরবা সিবিল সর্বিসগী কেপাসিতি বিল্দিং অমসুং থবক পাংথোকপগী মওংদা য়াম্না চাউনা পুরকপা অওনবা অমনি। মসি নিয়মদা য়ুম্ফম ওইবা থবক পাংথোকপগী মওংদগী থৌদাংদা য়ুম্ফম ওইবা থবক পাংথোকপগী মওংদা হোঙলকপনি। মসিনা হৈশিংবা মশক খঙদোকপা অমসুং ত্রেনিং পীবদা মতেং পাংগনি। মসিনা চুনবা মীওইদা চুনবা থবক শীন্নবদা মতেং পাংগনি।

প্রধান মন্ত্রীনা হায়খি শীনফম অসি করিগুম্বা খর থাজদনা খঙহৌদনা থেংনবগী চাং য়াম্না ৱাংবা শীনফম অমনি অমসুং মসিগীদমক অদোম্না মিকুপ-নাহুম শিংগদবনি অমসুং থৌরাং তৌগদবনি। ৱাখল লাংতক্নবগী চাং য়াম্না ৱাংই অমসুং মরম অদুনা অদোমগী নুংশিরবা মীওইশিংগা ৱারি-ৱাতাই শান্নবা অসি য়াম্না মরুওই। মতম মতমগী মতুংইন্না, নোংমগী ছুতি ফংবদা, ওজা নৎত্রগা কনাগুম্বা মমল য়াম্লবা পাউতাকশিং পীবা ঙম্বা মীওই অমা উনগদবনি।

|

পুলিসকী শীনফমদা হকচাং ফনা লৈবগী মরুওইবা পল্লদুনা প্রধান মন্ত্রীনা হায়খি ত্রেনিং মনুংদা ফখিবা হকচাং অদু লেংদনা লৈনবা হোৎনগদবনি। করিগুম্বা অদোম্না হকচাং খিং খিং লাউনা লৈরবদি অদোমগী মরুপ-মপাংশিংসু হকচাং ফনা লৈগনি, নহাক উবা মতমদা মখোয় ইথিল পীগনি।

অফাওবা মীওইশিংগী থবক মীয়াম্না তুংইন্নবা গিতাগী শ্লোগ অমা চিনফা পুনবা প্রধান মন্ত্রীনা তকশিনখি।

“য়ত্, য়ত্ আচরতি, শ্রেষ্থ,

তত্, তত্, এৱ, ইতরঃ জনঃ,

সঃ য়ত্, প্রমাণম্, কুরুতে, লোকঃ,

তত্, অনুৱর্ততে।

Click here to read full text speech

Explore More
প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল

Popular Speeches

প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল
India’s Average Electricity Supply Rises: 22.6 Hours In Rural Areas, 23.4 Hours in Urban Areas

Media Coverage

India’s Average Electricity Supply Rises: 22.6 Hours In Rural Areas, 23.4 Hours in Urban Areas
NM on the go

Nm on the go

Always be the first to hear from the PM. Get the App Now!
...
This Women’s Day, share your inspiring journey with the world through PM Modi’s social media
February 23, 2025

Women who have achieved milestones, led innovations or made a meaningful impact now have a unique opportunity to share their stories with the world through this platform.

On March 8th, International Women’s Day, we celebrate the strength, resilience and achievements of women from all walks of life. In a special Mann Ki Baat episode, Prime Minister Narendra Modi announced an inspiring initiative—he will hand over his social media accounts (X and Instagram) for a day to extraordinary women who have made a mark in their fields.

Be a part of this initiative and share your journey with the world!