“ঙসি, শান্নরোয়শিংদা থৌনা য়াম্না লৈরে, ত্রেনিংসু ফবা হেনগৎলক্লি অমসুং স্পোর্তসকী মাইকৈদা লৈবাক অসিনা খল্লিবা ৱাখল্লোন অসি চাউখৎলক্লি”
“পান্দম অদুদি মচু অহুমগী ফিরাল পাইবা উবা ফংবা, নেস্নেল এনথেম তাবা ফংবনি”“শান্নরোয়শিংনা লৈবাক অসিনা নীংতম্বা ফংবগী চহি ৭৫ শুরকপা মতমদা কম্মনৱেল্থ গেমস য়াওবা চৎকদৌরি”“নখোয় পুম্নমক নীংথিনা ত্রেন তৌখি, মালেমগী খ্বাইদগী ফবা ফেসিলিতীশিংগা লোয়ননা ত্রেন তৌখি। ত্রেনিং অদু অমসুং নখোয়গী অখাং কনবগী শক্তি অদু শীজিন্নবগী মতম ওইরে”“হৌজিক ফাওবদা নখোয়না ফংলকখিবা অসি য়াম্না ফীদম্নফম ওই অদুবু হৌজিক নখোয়না নৌনা হৌবা, অনৌবা রেকোর্দশিং থম্বা তাই”প্রধান মন্ত্রী শ্রী নরেন্দ্র মোদীনা ঙসি ভিদিও কনফরেন্সকী থোংদা কম্মনৱেল্থ গেমস (সি.দবল্যু.জি.) ২০২২গীদমক চৎকদৌরিবা ইন্দিয়ন কন্তিঞ্জেন্তগা ৱারী শাখ্রে। ৱারী শাবা অসিদা শান্নরোয়শিং লোয়ননা মখোয়গী কোচশিংসু শরুক য়াখি। থৌরম অসিদা কেন্দ্রগী য়ুথ এফিয়র্স এন্দ স্পোর্তস অমসুং ইনফোর্মেসন এন্দ বোর্দকাস্তিং মন্ত্রী, শ্রী অণুরাগ সিংহ থাকুর অমসুং স্পোর্তস সেক্রেতরীনা শরুক য়াখি।
ইন্তর্নেস্নেল চেস দেনা লাকপদা কম্মনৱেল্থ গেমসকী ইন্দিয়ন কন্তিঞ্জেন্তদা প্রধান মন্ত্রীনা য়াইফ পাউজেল পীখি। জুলাই ২৮দা তামিল নাদুদা চেস ওলিম্পিয়দসু পাঙথোক্কনি। মখোয়গী মমাং লৈরম্বা মীওইশিংনা ভারতকী মীংচৎ পুরকখিবা অদুগুম্না মখোয়নসু পুরক্নবা য়াইফ-মঙ্গোল পীখি। মহাক্না হায়খি মদুদি অহানবা ওইনা কম্মনৱেল্থতা শান্নরোয় ৬৫ হেনবনা শরুক য়াগদৌরি অমসুং মখোয়না অচৌবা মাইপাক্নবা মহাক্না য়াইফ-মঙ্গোল পীখি। মখোয়দা মহাক্না পাউতাক পীরদুনা হায়খি, “পুক্নিং হকচাং চংনা শান্নৌ, কন্না শান্নৌ, পাঙ্গল পুম্বা পুথোক্তুনা শান্নৌ অমসুং ৱাখল ৱাবা তৌদনা শান্নগদনি”।
ৱারী-ৱাতাই শাবা অদুদা প্রধান মন্ত্রীনা মহারাস্ত্রদগী শান্নরোয় শ্রী অভিনাশ সবলেদা মহারাস্ত্রদগী হৌরকখিবা অমসুং সিয়াচিন্দা তাদুনা ইন্দিয়ন আর্মীদা থবক তৌরম্বগী মহাক্কী পুন্সিগী অৱা নুংঙাইগী মতাংদা হংখি। মহাক্না হায়খি মদুদি মহাক্না ইন্দিয়ন আর্মীদা তেন্না চহি ৪ থবক তৌরমখিবা অসিদগী য়াম্না তমশিনবা ফংখি। মহাক্না হায় ইন্দিয়ন আর্মীদগী ফংখিবা দিস্সিপ্লিন অমসুং ত্রেনিং অদুনা মহাক্না চংশিল্লিবা লম অমা হেক্তদা ঙানথোইবদা মতেং ওইরগনি। পি.এম.না মহাক্না সিয়াচেন্দা থবক তৌরগা করিগীদমক স্তীপলচেস ফিল্দ খল্লিবনো হংখি। মহাক্না হায় স্তীপলচেস অসি অপনবশিং লান্থোকপগা মরী লৈনৈ অমসুং মহাক্না আর্মীদা মসিগা মান্নবা ত্রেনিং ফংখি। পি.এম.না মহাক্না য়াম্না থুংনা অরুম্বা হন্থহল্লিবা অসিগী মতাংদা মহাক্কী অৱা-নুংঙাই অদু শিয়র তৌনবা হায়খি। মসিগী পাউখুমদা মহাক্না হায়, আর্মীনা মহাকপু স্পোর্তস য়াওনবা ইথিল পীখি অমসুং মহাক মশাবু ত্রেন তৌজনবা অহেনবা মতম পীবিখি অমসুং মসিনা মহাক্কী অরুম্বা হন্থবদা মতেং ওইখি।
প্রধান মন্ত্রীনা ৱেস্ত বেঙ্গলদগী হৌরকখিবা কেজি ৭৩ কেতগোরীগী ৱেতলিফতর, অচিন্তা শিউলিগা মখা তানা ৱারী শাখি অমসুং মঙোন্দা মহাক্কী ইংতপ্পা মতৌ অমসিং মহাক্কী স্পোর্তকী ৱেতলিফতিংগী শক্তি অসিগী মরক্তা করম্না খল কাইদনা থম্বগে হংখি। অচিন্তানা হায়খি মদুদি মহাক্না চাং নাইনা য়োগ তৌই মসিনা মহাক্কী ৱাখল ইংনা থম্বদা মতেং পাংই। পি.এম.না মহাক্কী ইমুং-মনুংগী মরমদা হংখি মদুদু পাউখুম পীরদুনা অচিন্তানা হায়খি মহাক্কী মমা অমসুং মহাক্কী ময়াম্বনা অৱা নুংঙাই অনিমক্তা মহাকপু শৌগৎপীখি। প্রধান মন্ত্রীনা মহাক্না স্পোর্তস শান্নবদা অশোক-অপন য়াওরকপা অদু করম্না থেংনবগে হংখি। অশোক-অপন হায়বা অসি গেমগী শরুক অমনি অমসুং মখোয়বু মহাক্না য়াম্না চেকশিন্না য়েংশিল্লি হায়না অচিন্তানা পাউখুম পীখি। মহাক্না মখা তারদুনা হায়, অশোক-অপন থোকহল্লিবা মহাক্কী অশোইবশিং অদু মহাক্না এনালাইস তৌই অমসুং তুংদা মদু অমুক হন্না শোইদনবা হোৎনৈ। মহাক্কী তুংগী পুন্সিগীদমক প্রধান মন্ত্রীনা মঙোন্দা য়াইফ-মঙ্গোল পীখি অমসুং মথৌ তাবা পুম্নমক থুংহন্দুনা অচিন্তানা ঙসি মফম অসি য়ৌবা ঙমলকপা অসিগীদমক মহাক্কী ইমুং-মনুং মরু ওইনা মহাক্কী মমা অমসুং মহাক্কী ময়াম্ববু থাগৎপা ফোঙদোকখি।
প্রধান মন্ত্রীনা কেরালাদগী বেদমিন্তন শান্নরোয় কুমারি ত্রীসা জোল্লীগা ৱারী শাখি। মহাক্না হৌরকখিবা কন্নুর অসি ফুতবোল অমসুং লৌউ-শিংউগীদমক মমিং চৎলি অদুগা মহাক্না করিগীদমক বেদমিন্তন খল্লিবনো হায়না পি.এম.না হংখি। মহাক্কী মমানা স্পোর্ত অসি শান্ননবগীদমক মঙোন্দা ইথিল পীখি হায়না মহাক্না ফোঙদোকখি। পি.এম.না ফিল্দ অসিদা মহাক্কী গায়াত্রি গোপিচান্দ অমসুং মখোয়গী পার্তনরশিপকী মরমদা হংখি। মদুদা মহাক্না হায়খি মহাক্কী ফিল্দ পার্তনরগা মহাক্কী অফবা মরুপ ওইবগী মরী থম্বা অসিনা মহাক্কী স্পোর্ত্তা মতেং পাংই। পি.এম.না মহাক্না হল্লক্লবা মতুংদা নুংঙাইবা ফোঙদোকপদা করি-করি তৌগনি হায়না খনবগে হায়নসু হংখি।
প্রধান মন্ত্রীনা ঝারখন্দদগী হোক্কী শান্নরোয়, কুমারি সলিমা তেতেগা ৱারী শাখি। পি.এম.না হোক্কীগী লমদা মহাক অমদি মহাক্কী মপাগী খোঙচৎকী মতাংদা হংখি। মহাক্না হায়খি, মহাক্কী মপানা হোক্কী শান্নবা উবদা মঙোন্দা ইথিল পোকখি। পি.এম.না মঙোন্দা তোকিও ওলিম্পিক্সতা শান্নরুবগী অৱা নুংঙাই পাউদম্নবা হায়খি। মহাক্না হায়খি তোকিও চৎলমদাইদা পি.এম.গা মরী শাখিবা অদুনা মঙোন্দা ইনোৎ হাপখি।
মন্ত্রীনা হরিয়ানাদগী শোতপুৎ শান্নবা পেরা এথলিত শর্মিলাগা ৱারী শাখি। পি.এম.না মহাক্না চহি ৩৪ শুরকপদা স্পোর্ত্তা কেরিয়র শেম্নবা ইথিল অসি করম্না ফংলকখিবগে অমসুং শুপ্নগী চহি অনিগী মনুংদা গোল্দ মেদল অনি লৌরকপা ঙম্বা অসিগী মতাংদা হংখি। শর্মিলানা হায়খি মদুদি মহাক্না অঙাং ওইরিঙৈ মতমদগী হৌনা স্পোর্তসতা থৱায় য়াওরকখি অদুবু ইমুংগী শেল-থুমগী ফীভমনা মরম ওইদুনা মহাক চহি নৌনা লুহোংবা তাখি অমসুং মহাক্কী মপুরোইবগী মীওৎ-মীনৈ খাংবা তাখি। মহাক অমসুং মহাক্কী মচানুপী অনিনা মহাক্কী মপালদা হল্লক্তুনা চহি তরুক লৈবা তাখি। মহাক্কী মরী মতা তেকচান্দ ভাইনানা মহাকপু শৌগৎপীখি অমসুং নোংমদা পুং নিপান চংনা কন্না ত্রেন তৌখি। পি.এম.না মহাক্কী মচানুপীশিংগী মরমদা হংখি মদুদা মহাক্না হায়খি মহাক্কী মচানুপীশিংগী খক্তা নত্তা মহাক অসি লৈবাক পুম্বগী ওইনা ফীদম্নফম ওইবা মীশক অমনি। শর্মিলানা মখা তারদুনা হায়খি মদুদি মহাক্না মহাক্কী মচানুপীবু স্পোর্তসতা চংহনবা অমসুং লৈবাক অসিগীদমক শরুক তমহনবা পাম্মি। পি.এম.না হান্নগী পেরামিম্পিয়ন ওইরম্বা মহাক্কী কোচ তেকচান্দজীগী মরমদা হংখি মদুগী পাউখুম পীরদুনা শর্মিলানা হায়খি মহাক্কী কেরিয়র অসিদা তেকচান্দনা মঙোন্দা ইথিল পীখি। শর্মিলাগী ত্রেনিং তৌবদা মহাক্না থৱায় হকচাং য়ানা তৌখিবা অদুনা ঙসি মহাক্না স্পোর্তসতা অথোই-অহেন তানবা ফংলিবনি। প্রধান মন্ত্রীনা মহাক্কী চহি অসিদা অতোপ্পনা ওইরম্বা তারবদি মাইথিরে খন্না তুংহল্লমগনি হায়না ফোঙদোকখি অমসুং মহাক্কী মাইপাকপা অদুগীদমক থাগৎপা ফোঙদোক্লদুনা পাঙথোক্কদৌরিবা কম্মনৱেল্থ গেমসকীদমক মঙোল পীনবীখি।
প্রধান মন্ত্রীনা অন্দমান অমসুং নিকোবরদগী সাইক্লিস্ত শ্রী দেবিদ বেকখমগা ৱারী শাখি। পি.এম.না মহাক্কী মমিংগা মমিং লৈরবা ফুতবোল শান্নরোয়গা মান্নবা অসিদা মহাক্না ফুতবোলগী অপাম্বা লৈবরা হংখি। মহাক্না হায়খি মদুদি মহাক্না ফুতবোল পামজরবসু অন্দমান্দা লৈরিবা ইনফ্রাস্ত্রকচর অসিনা মহাক্না পাম্লিবা মশান্না অদু শান্নবা ঙমহনখিদে। মশান্না অসি শান্নবগী ইথিল অসি করম্না ইথিল পোকখিবগে হায়না পি.এম.না হংখি। মহাক্কী অকোইবদা লৈরিবা মীওইশিংনা মঙোন্দা য়াম্না ইথিল পীবীখি হায়না খুমখি। পি.এম.না খেলো ইন্দিয়ানা মঙোন্দা করম্না মতেং পাংখিবগে হংখি। মহাক্না হায়খি মহাক্কী খোঙচৎ অসি খেলো ইন্দিয়াদগী হৌখি অমসুং পি.এম.না মন কী বাত্তা মহাক্কী মরমদা ৱা ঙাংখিবা অদুনা মঙোন্দা হেন্না ইনোৎ হাপখি। পি.এম.না সুনামিনা মরম ওইদুনা মহাক্কী মপা লৈখিদবা অমসুং মদুগী মতুং ইকান-কান্নদনা মহাক্কী মমা অমুক লৈখিদ্রবসু মহাক্না থৌনা হনখিদবা অদুগীদমক মহাকপু থাগৎখি।
ৱারী শারবা মতুংদা শান্নরোয়শিংদা ৱা ঙাংবদা প্রধান মন্ত্রীনা পার্লিয়ামেন্তগী ওইবা থবক লৈখিবনা মহাক্না উনবা পাম্লবসু মখোয়গা হকথেংননা উনবা ফংখিদ্রে হায়না ফোঙদোকখি। মখোয়না হল্লকপদা মহাক্না মখোয়গা শোইদনা উনগনি অমসুং মখোয়গী মাইপাকপা অদু পুন্না নুংঙাইবা ফোঙদোকমিন্নগনি হায়না থাজবা পীখি।
প্রধান মন্ত্রীনা হায়খি হৌজিক লৈরিবা মতম অসি ভারতকী স্পোর্তসকী পুৱারীদা য়াম্না মরু ওইবা তাঙ্কক অমনি। ঙসি শান্নরোয়শিংদা থৌনা য়াম্না লৈরে, ত্রেনিংসু ফবা হেনগৎলক্লি অমসুং স্পোর্তসকী মাইকৈদা লৈবাক অসিনা খল্লিবা ৱাখল্লোন অসি চাউখৎলক্লি। নখোয় পুম্নমক্না অনৌবা পনখৈ তম্না চংশিল্লি, অনৌবা পনখৈ য়ৌবা ঙম্লি, হায়না মহাক্না ফোঙদোকখি।
অহানবা ওইনা অচৌবা ইন্তর্নেস্নেল এরেনাদা চংলিবা মীওইশিংগী ওইনা প্রধান মন্ত্রীনা হায়খি মদুদি এরেনা হোংলবসু মাইপাক্নবগী থৌনা অমসুং অখাংকনবা অদুদি হোংদে। মহাক্না মখা তারদুনা হায়খি, “পান্দম অদুদি মচু অহুমগী ফিরাল পাইবা উবা ফংবা, নেস্নেল এনথেম তাবা ফংবনি। মরম অসিনা ঐখোয়না প্রেসর লৈহনগনু, অফবা অমসুং ফজবা গেম অমা ওইহন্দুনা শাফু পীয়ু”।
প্রধান মন্ত্রীনা হায়খি শান্নরোয়শিংনা লৈবাক অসিনা নীংতম্বা ফংবগী চহি ৭৫ শুরকপা মতমদা কম্মনৱেল্থ গেমস য়াওবা চৎকদৌরি অমসুং শান্নরোয়শিংনা মখোয়গী খ্বাইদগী ফজবা পর্ফোর্মেন্স উৎতুনা লৈবাক অসিগীদমক খুদোল অমা পীরগনি। লম্বা তৌনরিবা অদু কনানো হায়বগী মথৌ তাদে। পি.এম.না হায়খি শান্নরোয় পুম্নমক নীংথিনা ত্রেন তৌরে অমসুং মালেমগী খ্বাইদগী ফবা ফেসিলিতীশিং ফংহনখি অমসুং মখোয়না ত্রেনিং অদু নীংশিংনবা অমসুং মখোয়গী অখাং কনবগী শক্তিগী মপাল তাংনবা হায়খি। প্রধান মন্ত্রীনা মখা তানা হায়খি মদুদি শান্নরোয়শিংনা ফংলকখিবা অসি য়াম্না ফীদম্নফম ওই অদুবু মখোয়না হৌজিক্তি লৈবাক অসিগী অমদি ইরৈবাকচাশিংগীদমক অনৌবা রেকোর্দশিং থম্নবা অমসুং মখোয়গী খ্বাইদগী ফজবা পর্ফোর্মেন্স উৎনবা পান্দম থম্বা তাই।
প্রধান মন্ত্রীগা ৱারী শারিবা অসি অচৌবা স্পোর্তিং ইভেন্তশিংদা মখোয়না শরুক য়াদ্রিঙৈ মাংওইননা শান্নরোয়শিংদা ইথিল পীনবগী মহাক্কী মখা চত্থরকপা খোঙথাংগী শরুক অমনি। মমাং চহিদা প্রধান মন্ত্রীনা তোকিও ২০২০ ওলিম্পিক্স চৎকদবা ইন্দিয়ান এথলিৎস কন্তিঞ্জেন্ত লোয়ননা তোকিও ২০২০ পেরালিম্পিক্সকী ইন্দিয়ন পেরা-এথলিৎত কন্তিঞ্জেন্তগা লোয়ননা ৱারী শাখি।
স্পোর্তিং ইভেন্তশিংগী মনুংদা ফাওবা প্রধান মন্ত্রীনা শান্নরোয়শিংফী ওইরিবা ফীভমদা মরু ওইবা মীৎয়েং চংখি। থেংখাং কয়াদা মহাক্না শান্নরোয়শিংনা মাইপাকপা অমসুং থমোয় শেংনা হোৎনখিবশিংদা মখোয়দা ফোন তৌদুনা নুংঙাইবা ফোঙদোকখি লোয়ননা মখোয়না হেন্না নীংথিনা পর্ফোর্ম তৌনবা ইথিল পীখি। মখা তানা লৈবাক অসিদা মখোয়না হল্লকপদা প্রধান মন্ত্রীনা কন্তিঞ্জেন্তগা উন্নখি অমসুং ৱারী শাখি।
সি.দবল্যু.জি. ২০২২ অসি জুলাই ২৮দগী ওগস্ত ০৮, ২০২২ ফাওবা বরমিংহমদা পাঙথোক্কনি। স্পোর্তিং দিস্সিপ্লিন ১৯দা ইভেন্ত ১৪১দা শরুক য়ারিবা পুন্না শান্নরোয় ২১৫না সি.দবল্যু.জি. ২০২২দা ভারতকী মহুৎ শিনগনি।
मैं बस यही कहूंगा कि जी भर के खेलिएगा, जमकर खेलिएगा, पूरी ताकत से खेलिएगा और बिना किसी टेंशन के खेलिएगा: PM @narendramodi
— PMO India (@PMOIndia) July 20, 2022
जो 65 से ज्यादा एथलीट पहली बार इस टूर्नामेंट में हिस्सा ले रहे हैं, मुझे विश्वास है कि वो भी अपनी जबरदस्त छाप छोड़ेंगे।
— PMO India (@PMOIndia) July 20, 2022
आप लोगों को क्या करना है, कैसे खेलना है, इसके आप एक्सपर्ट हैं: PM @narendramodi to Indian contingent bound for @birminghamcg22
आज का ये समय भारतीय खेलों के इतिहास का एक तरह से सबसे महत्वपूर्ण कालखंड है।
— PMO India (@PMOIndia) July 20, 2022
आज आप जैसे खिलाड़ियों का हौसला भी बुलंद है, ट्रेनिंग भी बेहतर हो रही है और खेल के प्रति देश में माहौल भी जबरदस्त है।
आप सभी नए शिखर चढ़ रहे हैं, नए शिखर गढ़ रहे हैं: PM @narendramodi
जो पहली बार बड़े अंतरराष्ट्रीय मैदान पर उतर रहे हैं, उनसे मैं कहूंगा कि मैदान बदला है, आपका मिजाज़ नहीं, आपकी जिद नहीं।
— PMO India (@PMOIndia) July 20, 2022
लक्ष्य वही है कि तिरंगे को लहराता देखना है, राष्ट्रगान की धुन को बजते सुनना है।
इसलिए दबाव नहीं लेना है, अच्छे और दमदार खेल से प्रभाव छोड़ना है: PM
