মীহুৎ কাংবু অদুনা পি.এম.বু মখোয়গী মতম শাংনা পন্দুনা লৈরক্লবা দিমান্দ ওইরিবা ৱকফ অমেন্দমেন্ত এক্ত পুথোকখিবগীদমক থাগৎপা ফোংদোকখ্রে
মীহুৎশিং অদুনা ৱকফকী ক্লেমশিংনা মরম ওইদুনা মমাংদা ফুরুপ অসিনা মায়োক্নখিবা অৱাবা ৱারীশিং পাউদমখি; পি.এম.না এক্ত অসি মীশিং য়ামদবা ফুরুপশিং খক্তগী নত্তনা মীশিং য়ামদবা ফুরুপশিংগী মনুংদা লৈরিবা অপিকপা ফুরপশিংগীদমক্তসুনি ফোংদোকখ্রেপি.এম.গী লুচিং মখাদা মখোয়না ইনক্লুজনগী ৱাখল্লোন ফাওবা ঙম্মি, ফুরুপ অসিগী মীওইশিংনা পি.এম.গী সবকা সাথ, সবকা বিকাসকী ৱাখল্লোনদা থাজবা থম্মিনুপীশিং মরু ওইনা মপুরোইবা লৈখিদ্রবশিং অসিনা লৈরিবা সিস্তেম অসিগী খ্বাইদগী চাউবা চৈথেং নংলিবা ওইবা অসিনা এক্ত অসি পুরকপগী মরু ওইবা দ্রাইভরশিংগী মনুংদা অমা ওইরি: পি.এম.পি.এম.না দাউদী বোহরা ফুরুপকা মহাক্কা লৈনরিবা মরী অদু খন্নখি অমসুং ৱকফ এক্ত পুথোকপগী মাইকৈদা স্যেদনা মুফদ্দল সাইফুদ্দিননা শরুক তমখিবা অদুবু থাগৎখিপ্রধান মন্ত্রী শ্রী নরেন্দ্র মোদীনা ঙসি অঙনবদা লোক কল্যান মার্গতা লৈবা মহাক্কী ময়ুমদা দাউদী বোহরা ফুরুপকী মীহুৎশিংগা ৱারী শাখ্রে।
মীহুৎ কাংবু অদুদা বিজিনেস লিদরশিং, প্রোফেস্নেলশিং, দোক্তরশিং, এজুকেতরশিং অমসুং দাউদী বোহরা ফুরুপকী তোঙান তোঙানবা শক্নাইরবা মীহুৎশিং য়াওখি। মখোয়না মখোয়গী অৱাবশিং অমসুং ৱকফনা মখোয়গী ফুরুপকী মীওইশিংগী প্রোপর্তীশিংবু মতৌ করম্না লান্না লৌশিনখিবগে হায়বগী ৱারীশিং পাউদমখি। ৱকফ অমেন্দমেন্ত এক্ত পুথোকপগীদমক মখোয়না প্রধান মন্ত্রীদা থাগৎপা ফোংদোকখি অমসুং হায়খি মদুদি মসি মতম শাংনা পন্দুনা লৈরক্লবা দিমান্দ অমনি।
মখোয়না প্রধান মন্ত্রীগী মতম শাংনা দাউদী বোহরা ফুরুপকা লৈনরিবা অখন্নবা মরী অমসুং মহাক্না পায়খৎলিবা থবকশিং অদুগী মতাংদা ৱারী শানখি। এক্ত অসিনা মখোয়গী ফুরুপকী কান্নবা পীবগী মতাংদা মখোয়না হায়খি মদুদি প্রধান মন্ত্রীনা এক্ত অসি মাইনোরিতীশিংগীদমক্তা নত্তনা মাইনোরিতীশিংগী মনুংদা লৈবা মাইনোরিতীগীদমক্তসু পুরক্লি। ভারতনা মতম পুম্নমক্তা মখোয়গী আইদেন্তিতী ফগৎহনখি হায়না পল্লদুনা মখোয়না হায়খি মদুদি প্রধান মন্ত্রীগী লুচিং মখাদা মখোয়না ইনক্লুজনগী স্পিরিৎ অদু ফাওখি।
2047 ফাওবদা ভিক্সিৎ ভারতকী প্রধান মন্ত্রীগী মীৎয়েং অদু খন্ন-নৈনদুনা, মখোয়না ভারতপু চাউখৎহন্নবগী খোঙচৎ অসিদা পাংথোকপা য়াবা মতেং পুম্নমক পাংথোক্নবা অচেৎপা ৱাফম থমখি। অশেংবা চাউখৎ-থৌরাং অসি মীওইবদা য়ুম্ফম ওইবা ওইগদবনি হায়বা ৱাফম অসিদা মীৎয়েং থম্লিবা মখোয়না মহাক্কী লুচিংবা ওইবগী মতৌ অসিবুসু থাগৎপা ফোংদোকখি। মখোয়না আত্মনির্ভর ভারত, MSMEশিংদা তেংবাং পীনবা অসিনচিংবা মরুওইবা খোংথাং কয়াবু থাগৎপা ফোংদোকখি। মখোয়না হায়খি মদুদি মরুওইনা অপীকপা ললোন-ইতিক্কীদমক্তা মখোয়না য়াম্না মতেং পাংলি। মখোয়না বেতি বচাও বেতি পরাও অমসুং নারী শক্তিবু মপাঙ্গল কনখৎহন্নবা অতোপ্পা খোংথাংশিংবুসু থাগৎপা ফোংদোকখি।
প্রধান মন্ত্রীনা ৱকফ অমেন্দমেন্ত এক্ত পুথোকপগীদমক চহি কয়া হোৎনখিবা অদুগী মতাংদা পনখি। ৱকফনা মরম ওইদুনা মীওইশিংনা থেংনরিবা খুদোংচাদবশিংগী মতাংদা মহাক্না ঙাংখি অমসুং এক্ত অসি পুরকপগী মরুওইবা মরম অমা হায়রদুনা মহাক্না হায়খি মদুদি হৌজিক লৈরিবা সিস্তেম অসিগী অৱাবা মায়োক্নরিবশিং অয়াম্বনা নুপীশিং, মরুওইনা মপুরোইবা লৈখিদ্রবশিংনি।
প্রধান মন্ত্রীনা দাউদী বোহরা ফুরুপকী মীহুৎশিংগা লোয়ননা মহাক্কী মপাঙ্গল কনবা মরীশিং অদু নৌহৌনা নিংশিংখি। মহাক্না চহি কয়াদগী খুন্নাইগী য়াইফ-থৌরাংগী মায়কৈদা থবক তৌরক্লিবা ফুরুপ অসিগী চৎনবীবু থাগৎপা ফোংদোকখি। এক্ত অসি পুরকপদা ফুরুপকী অখন্নবা থৌদাংসু মহাক্না পনখি। ৱকফ অমেন্দমেন্ত এক্ত অসি পুরক্নবা থবক পায়খৎপা হৌরকপা মতমদা, মসিগী মতাংদা মহাক্না খন্ন-নৈনখিবা অহানবা মীওইশিংগী মনুংদা স্যেদনা মুফদ্দল সাইফুদ্দিন অসি অমনি।
Had a wonderful meeting with members of the Dawoodi Bohra community! We talked about a wide range of issues during the interaction.@Dawoodi_Bohras pic.twitter.com/OC09EgcJPG
— Narendra Modi (@narendramodi) April 17, 2025
