ঐখোয়গী পাম্দম অসি ওইল অমসুং গ্যাস সেক্তরদা ভারতপু আত্মানির্ভর ওইহনবনি: পি.এম.
পি.এম.না সি.ই.ও.শিংবু ভারত্তা ওইল অমসুং গ্যাস সেক্তরদা থিজিনবা অমসুং চাউখৎনবা ভারতকা খুৎশম্নদুনা চৎনবা কৌখ্রেইনর্জী পীবা, ইনর্জী লায়না ফংহনবা অমসুং ইনর্জী সেক্যুরিতী ফগৎহননবগী মাইকৈদা সরকারনা লৌরিবা খোঙথাংশিং অসিদা ইন্দস্ত্রীগী লুচিংবশিংনা থাগৎপা ফোংদোকখ্রেপ্রধান মন্ত্রী, শ্রী নরেন্দ্র মোদীনা ঙসি মালেমগী ওইল অমসুং গ্যাস সেক্তরগী সি.ই.ও. অমসুং এক্সপর্তশিংগা ভিদিও কনফরেন্সকী খুৎথাংদা উনখ্রে।
প্রধান মন্ত্রীনা এক্সপ্লোরেসন অমসুং লাইসেন্সিং পোলিসী, গ্যাস মার্কেতিং, কোইলা বেদ মিথেন্দা লৈরিবা পোলিসীশিং, কোইল গ্যাসিফিকেসন, অমসুং হন্দক্তা ইন্দিয়ন গ্যাস একচেঞ্জদা শেমদোকখিবা, মখা তানা অসিগুম্বা রিফোর্ম অসিনা ভারতপু ওইল অমসুং গ্যাস সেক্তরদা আত্মানির্ভর ওইনগনি হায়বা য়াওনা ওইল অমসুং গ্যাস সেক্তরদা লৌখৎলিবা রিফোর্মশিংগী মতাংদা য়াম্না মরীক চুম্না খন্নখ্রে।
ওইল সেক্তরগী মরমদা ৱা ঙাংলদুনা মহাক্না হায়খি মদুদি মিয়েং থম্লিবা অসি ‘রেভিন্যু’ দগী ‘প্রদক্সন’ য়াম্না হেনগৎহনবা অসিদা হোংদোকপা অসিনি। মহাক্না শুংদোক্ত্রিবা থাওগী থমফম হেনগৎহন্নবগী তঙাইফদবগী মতাংদা ৱা ঙাংখি। মহাক্না মখা তানা লৈবাক অসিদা নেচুরেল গ্যাসকী দিমান্দ হেনগৎলক্লিবগী মতাংদসু হায়খি। মহাক্না পাইলাইনশিং, সিতী গ্যাস দিস্ত্রিব্যুসন অমসুং এল.এন.জি. রিগ্যাসিফিকেসনগী মফম য়াওনা হৌজিক ওইরিবা অমসুং ওইরকপা য়াবা গ্যাস ইনফ্রাস্ত্রকচরকী চাউখৎ থৌরাংগী মতাংদা ৱা ঙাংখি।
প্রধান মন্ত্রীনা অমুক হন্না পনখি মদুদি ২০১৬দগী, মীফম অসিদা পীরকখিবা অনিং অপাম্বশিংনা ওইল অমসুং গ্যাস সেক্তরদা থেংনরিবা অৱা অনাশিং থেংনবদা য়াম্না কান্নবা পীরি। মহাক্না হায়খি মদুদি ভারত অসি ফোংবা, অফবতা উবা অমসুং খুদোংচাবগী লমনি অমসুং অনৌবা ৱাল্লোন, মিৎয়েং অমসুং অনৌবা পুথোকপনা থল্লি। মহাক্না ভারত্তা ওইল অমসুং গ্যাস সেক্তরদা থিজিনবা অমসুং চাউখৎনবা ভারতকা খুৎশম্নদুনা চৎনবা সি.ই.ও. অমসুং এক্সপর্তশিংবু বার্তোন তৌরি।
উনবা অসিদা মালেম শিনবা থুংবগী লুচিংবশিংনা শরুক য়াখি, মসিদা রোজনেফকী চেয়রমেন অমসুং সি.ই.ও. দাঃ আইগোর সেচিন; সৌদি অরাম্কোগী, প্রসিদেন্ত অমসুং সি.ই.ও. মিস্তির আমিন নাসর; ব্রিতিশ পেত্রোলিয়মগী সি.ই.ও. মিস্তর বরনার্দ লুনী; আই.ঐচ.এস. মার্কিতকী ভাইস চেয়রমেন দাঃ দানিএল য়র্গীন; স্কুব্লগর লিমিতেৎকী সি.ই.ও. মিস্তর ওলিবর লি পিয়ুশ; রিলাইয়েন্স ইন্দস্ত্রী লিমিতেদকী চেয়রমেন অমসুং মেনেজিং দাইরেক্তর, মিস্তর মুকেশ অম্বানী: বেদান্তা লিমিতেদকী চেয়রমেন মিস্তর অনিল অগর্ৱালনা শরুক য়াখি।
মখোয়না হন্দক্তা সরকারনা পায়খৎপা ইনর্জী পীবা, ইনর্জী লায়না ফংহনবা অমসুং ইনর্জী সেক্যুরিতী ফগৎহননবগী মাইকৈদা মায় পাক্না লৌখৎলিবা খোঙথাংশিং অসিদা থাগৎপা ফোংদোকখ্রে। মখোয়না প্রধান মন্ত্রীবু মিৎয়েং শানবা অমসুং আসা চাউনা পান্দম থমদুনা ভারতপু হেন্না ফবা ইনর্জী ফংনবা হোৎরিবা লুচিংবা অসিবু থাগৎপা ফোংদোকখি। মখোয়না হায়খি মদুদি ভারতনা অনানবা ইনর্জী তেক্নোলোজীগী য়াম্না থুনা অমসুং অনৌবা মওং অমা শেমগৎলি অমসুং মালেমগী ওইবা ইনর্জী সপ্লাই চেন্দা মশক থোক্না থৌদাং অমা লৌবা ঙম্লি।
