প্রধান মন্ত্রী, শ্রী নরেন্দ্র মোদীনা ঙসি উত্তর প্রদেশকী বরানসীদগি বি.জে.পি.গী কার্য়কর্তাশিংগা ৱারী-ৱাতাই শানখ্রে। বরানসীদগী বি.জে.পি.গী কার্য়কর্তাশিংগা ওদিও ওইনা ৱারী-ৱাতাই শানখিবা অদুদা, পি.এম মোদীনা চাউখৎ-থৌরাংগী মাইকৈদা বি.জে.পি.গী কমিৎমেন্ত অদুগী মতাংদা থাজবা পীরকখি। কার্য়কর্তাশিং অদুগা ৱারী-ৱাতাই শানবা মতমদা, মহাক্না কাশী বিস্বানাথ কোরিদোরগী রেস্তোরেশন, ৱোমেন এমপাৱরমেন্ত, ইনফ্রস্ত্রকচর অমসুং হেল্থকিয়র দিবেলপমেন্তনচিংবা কয়া য়াওনা হীরম কয়া অমগী মতাংদা খন্নখি।
কার্য়কর্তাশিং অমগা ৱারী-ৱাতাই শারদুনা, পি.এম. মোদীনা মঙোন্দা লৌমীশিংদা সরকারগী ৱেলফিয়র স্কীমশিং অদু হেন্না পাক-শন্না য়ৌহন্নবা হায়খি, প্রধান মন্ত্রীনা হায়খি, “মখোয়না লৌমীশিংদা কেমিকেল-ফ্রী ফর্তিলাইজরশিং শিজিন্নবগী মতাংদা খঙহনগদবনি।” অসিগী মথক্তা, পি.এম.মোদীনা কাশীদা পাক-শন্না মীয়ামদা কান্নহল্লিবা সেন্ত্রেল স্কীম কয়া অমগী মতাংদা ৱারী শাখি।।
পি.এম. মোদীনা মহাক্কী এপতা শিংথানিংঙাই ওইবা পার্তী মেম্বরশিং য়াওবা,কমল পুস্প হায়বা সেক্সন অমদা কন্ত্রিব্যুত তৌনবা মীয়ামদা হায়খি। “নামো এপ অসিদা ‘কমল পুস্প’ হায়না খঙনবা য়াম্না নুংঙাইবা সেক্সন অমা য়াওই, মসিনা নখোয়বু শিংথানিঙঙাই ওইবা পার্তী কার্য়কর্তাশিংগী মরমদা শিয়র তৌনবা অমসুং খঙনবগী খুদোংচাবা পী,” হায়না মহাক্না হায়খি। মসিগী মথক্তা, মহাক্না মখোয়গী মেম্বরশিং অমসুং অতোপ্পশিংদগী তৌরকপা অপিকপা কন্ত্রিব্যুশনশিং অদুগী খুত্থাংদা ফন্দশিং খোমগৎনবা হোৎনরিবা বি.জে.পি.গী অখন্না মাইক্রো-দোনেশন কমেপেন অদুগী মতাংদসু ৱারী শাখি।
