জনুৱারি ২৬গী মতুং ফাওবা যাত্রা পাংথোক্কনি
“যাত্রাগী বিকাস রথ বিশ্বাস রথ ওন্থোক্লে অমসুং কনাগুম্বা অমা হুন্দোক্লম্লোই হায়বগী থাজবা লৈরে”“মীওই খুদিংমক্না মীরাইবীরবা মীওইশিং মোদীনা লাৎলি অমসুং লুম্না লৌরি”“বিকসিত ভারত সংকল্প যাত্রা অসি খ্বাইদগী লাপ্পা মফমদা খুদোংচাবা য়ৌহন্নবা অচৌবা পাম্বৈনি”“অহানবা ওইনা সরকার অমনা ত্রান্সজেন্দরশিং চেকশিন্না শেন্নরে”“মীয়াম্না সরকারদা থম্লিবা থাজবা মফম খুদিংমক্তা উবা ফংলে”ঙসি ভিদিও কনফরেন্সকী খুৎথাংদা প্রধান মন্ত্রী শ্রী নরেন্দ্র মোদীনা বিকসিত ভারত সংকল্প যাত্রাগী বেনিফিসরিশিংগা ৱারি শানখ্রে। থৌরম অদুদা লৈবাক শীনবা থুংনা লৈরিবা বিকসিত ভারত সংকল্প যাত্রা বেনিফিসরিশিং শরুক য়াখি। থৌরম অদুদা য়ুনিয়ন মিনিস্তরশিং, এম.পিশিং, এম.এল.এশিং অমসুং লোকেল থাক্কী মীয়ামগী মীহুৎশিংশু শরুক য়াখি।
থৌরম অদুদা ৱা ঙাংবদা প্রধান মন্ত্রীনা হায়খি বিকসিত ভারত সংকল্প যাত্রা থা অনি মপুংফারে অমসুং যাত্রাগী বিকাস রথ বিশ্বাস রথ ওন্থোক্লে অমসুং কনাগুম্বা অমা হুন্দোক্লম্লোই হায়বগী থাজবা লৈরে। বেনিফিসরশিংগী মরক্তা য়াম্না হরাওবা অমসুং দরকার ওইবা লৈরিবা অসি য়েংলগা বিকসিত ভারত সংকল্প যাত্রা জনুৱারি ২৬ অমসুং ফেব্রুৱারি ফাওবা শাংদোক্নবা মরী লৈনবা ওথোরিতিশিংদা প্রধান মন্ত্রীনা পাউতাক পীখ্রে
প্রধান মন্ত্রী মোদীনা হায়খি ভাগবান বিরসা মুন্দাগী থৌজালগা লোয়ননা নবেম্বর ১৫ দা হৌদোকখিবা যাত্রা অসি মীয়ামগী ইহৌ অমা ওইরক্লে অমসুং হৌজিক ফাওবদা যাত্রা অসিদা মীওই করোর ১৫ শরুক য়ারে অমসুং মসিনা পঞ্চায়তশিংগী চাদা ৮০ রোম কোনশিল্লে। বিকসিত ভারত সংকল্প যাত্রাগী মরুওইবা পান্দমদি মরম অমা নত্ত্রগা মরম অমদগী হৌজিক ফাওবা সরকারগী স্কিমসিংগী কান্নবশিং ফংদ্রিবা মীওইশিং উনবনি। মীওই খুদিংমক্না মীরাইবীরবা মীওইশিং মোদীনা লাৎলি অমসুং লুম্না লৌরি।
বিকসিত ভারত সংকল্প যাত্রা অসি খ্বাইদগী লাপ্পা মফমদা খুদোংচাবা য়ৌহন্নবা অচৌবা পাম্বৈ অমনি হায়না পল্লদুনা প্রধান মন্ত্রীনা হায়খি যাত্রা মনুংদা হেল্থ চেক-অপ করোর ৪ হেন্না পাংথোক্লে অমসুং তি.বি করোর ২.৫ হেন্না স্কৃন্নিং তৌরে অমসুং সিক্কল সেল এনেমিয়া স্কৃন্নিং লাখ ৫০ পাংথোক্লে। হৌজিক ফাওবদা যাত্রাগী খোঙচৎ মনুংদা অয়ুস্মান কার্দ লাখ ৫০, অনৌবা পি.এম কিষান বেনিফিসরি লাখ ৩৩, অনৌবা কিষান ক্রেদিদ কার্দ লাখ ২৫, লেম্না গ্যাস কন্নেক্সন লাখ ২৫ ফংহনখ্রে অমসুং অনৌবা শ্বানিধি এপ্লিকেসন লাখ ১০ ফংলে। মসি মীওই খরগী ওইনা করিশু লৈতবা মশিং ওইগনি অদুবু মহাক্কী ওইনা মশিং খুদিংমক পুন্সি অমনি। হৌজিক ফাওবা কান্নবশিং ফংদ্রিবা মীওই কয়া লৈরি।
প্রধান মন্ত্রীনা হায়খি মখল কয়াদা লায়রবগী অনৌবা পাউদম লৈরে। হৌখিবা চহি ৯দা সরকারনা পায়খৎখিবা থবকশিংনা মরম ওইদুনা, মীওই করোর ২৫ লায়রবা কোক্লে। হৌখিবা চহি ১০দা, ঐখোয়গী সরকারনা অরোন-অথুপ লৈতবা সিস্তেম অমা শেম্লে, অশেংবা থবকশিং পায়খৎলে অমসুং মীয়াম শরুক য়াবা পুক্নিং থৌগৎলে, মসিনা ওইথোক্তবা খুদিংমক পাংথোকপা ঙম্লে। পি.এম অৱাস য়োজনাগী খুদম অমা পীদুনা মসি মহাক্না শন্দোক্না তাকখি। স্কিম অসিদা লায়রবা ইমুং করোর ৪ হেন্না পাক্কাগী য়ুম অমা ফংহল্লে অমসুং য়ুমশিংগী চাদা ৭০ হেন্না নুপীশিংগী মমিংদা পাল্লে। মসিনা লায়রবা কোকহনবতা নত্তনা নুপীশিংদা শক্তি পীরে। য়ুমশিংগী পাক-চাউবা হেনগৎলে, য়ুম শাবদা মীয়ামগী অপাম্বা মশক খঙলে, য়ুম শাবগী মতম নুমিৎ ৩০০ দগী নুমিৎ ১০০ দা য়াংখৎলে। মসিনা তাক্লে মদুদি ঐখোয়না হান্নদগী হেন্না শরুক অহুম য়াংনা য়ুমশিং শারে অমসুং লায়রবশিংদা য়ুমশিং ফংহল্লে হায়বনি। অসিগুম্বা থবকশিং অসিনা লৈবাক অসিদা লায়রবা হন্থহনবদা অচৌবা থৌদাং অমা লৌরে।
প্রধান মন্ত্রীনা হায়খি ত্রান্সজেন্দরশিংগী য়াইফনবা সরকারনা থৌশিল কয়া পায়খৎলে। ঐখোয়গী সরকারনা অহানবা ওইনা ত্রান্সজেন্দর ফুরুপকী খুদোংচাদবশিং খঙলে অমসুং মখোয়গী পুন্সি হিংবদা লাইনবা মরুওইনা লৌরে। ২০১৯দা ঐখোয়গী সরকারনা ত্রান্সজেন্দরশিংগী হক ঙাক-শেন্নবা আইন অমা চৎনহল্লে। মসিনা খুন্নাইদা ত্রান্সজেন্দরশিং ইকায়খুম্নবা মফম অমা ফংনবা মতেং পাংবা খক নত্তনা মখোয় তাথি-তাওইনা তৌবা থিংবা ঙম্লে। সরকারনা মীওই লিশিং কয়াদা ত্রান্সজেন্দরগী শক্তাকচেশিং পীরে।
প্রধান মন্ত্রীনা হায়খি ভারত য়াম্না য়াংনা হোংলক্লি। ঙসি, মীয়ামগী থাজবগা লোয়ননা, মখোয়না সরকারদা থম্লিবা থাজবগা লোয়ননা অমসুং অনৌবা ভারত অমা শেমগৎনবা মখোয়গী অচেৎপা ফিরেপ মফম খুদিংমক্তা উবা ফংলে। খ্বাইদগী চাউখৎত্রিবা মফমশিংদা লৈরিবা ত্রাইবেল নুপীশিংনা মখোয়গী হকশিং ফংনবা মখোয়গী মীয়াম ৱাখল তাহনবা মখোয়গী অচেৎপা ৱাখল্লোন অদু থাগৎলি। সেল্ফ হেল্প গ্রুপশিংদা শক্তি পীনবা থবকশিং পায়খৎলে। হায়রিবা গ্রুপশিং অসিগা বেঙ্কশিংগা শম্ননবা থবকশিং পায়খৎলে। গরেন্তি য়াওনা লোন পীবা লুপা লাখ ১০ দগী লুপা লাখ ২০দা হেনগৎহন্দুনা অনৌবা নুপী করোর ১০ মখোয়গী গ্রুপশিংদা য়াওরে। মখোয়না অনৌবা ললোন-ইতিক্কী থবকশিংগীদমক লুপা করোর লাখ ৮ হেনবগী মতেং ফংখ্রে। নুপী লৌমীশিং ওইনা নুপী করোর ৩ দা শক্তি পীরে অমসুং লাখপতি দিদি করোর ২ শেম্নবা অমসুং নমো দ্রোন দিদি স্কিমগী থৌরাং তৌরে। নমো দ্রোন দিদি লিশিং অমা হেন্না ত্রেনিং লোইশিনখিবা অসি হরাওই।
খুঙ্গংগী শেন্মিৎলোন মতমগা চুনবা মওংদা শেমগৎনবা অমসুং লৌমীশিং শক্তি পীনবা সরকারনা পায়খৎলিবা থবকশিংগী মতাংদা প্রধান মন্ত্রীনা হায়খি পায়খৎলিবা থবকশিং অসিনা লায়রবা লৌমীশিং মপাঙ্গল হাপকনি। এফ.পি.ও ১০,০০০গী মনুংদা লিশিং ৮ হেন্না মথৌ পাংথোকখ্রে অমসুং ফুদ অমসুং মাউথ দিদিজগী তিকা করোর ৫০ হেন্না থাদুনা শঙ্গোম পুথোকপা চাদা ৫০ হেনগৎলে।
প্রধান মন্ত্রীনা হায়খি যাত্রা মনুংদা কুইজ চাংদম্নবশিং পাংথোক্লে অমসুং শান্নরোয়শিং ইকায়খুম্নবা উৎলে। মাই ভারত পোর্তেলদা নহারোলশিং ভোলুন্তিয়ারশিং ওইনা রেজিস্তার তৌবদা হরাওই। ২০৪৭ দা চাউখৎলবা ভারত অমা ওইহন্নবা ৱাশক অমুক হন্না নিংশিংলদুনা প্রধান মন্ত্রীনা মহাক্কী ৱারোল লোইশিনখি।
নুঙগীৱারোল
নবেম্বর ১৫,২০২৩ দা যাত্রা অসি হেক হৌদোকপদগী, প্রধান মন্ত্রীনা লৈবাক শীনবা থুংনা বিকসিত ভারত সংকল্প যাত্রাগী বেনিফিসরিশিংগা উনখ্রে। ভিদিও কনফরেন্সকী খুৎথাংদা বেনিফিসরিশিংগা উনবা থৌরম মঙা (নবেম্বর ৩০, দিশেম্বর ৯, দিশেম্বর ১৬, দিশেম্বর ২৭ অমসুং জনুৱারি ৮,২০২৪) পাংথোকখ্রে। হৌখিবা থাদা মহাক্কী বরানসী খোঙচৎ মনুংদা, প্রধান মন্ত্রীনা বিকসিত ভারত সংকল্প যাত্রাগী বেনিফিসরিশিংগা হকথেংননা নুমিৎ নিনি থংন থংননা (দিশেম্বর ১৭ অমসুং দিশেম্বর ১৮) উনখ্রে।
সরকারগী স্কিমশিংগী কান্নবশিং পান্দম থম্লিবা বেনিফিসরিশিংদা অকক্নবা মতমগী মনুংদা ফংহন্দুনা সরকারগী স্কিমশিং চাদা ১০০ ফংহন্নবা পান্দমদা লৈবাক শীনবা থুংনা বিকসিত ভারত সংকল্প যাত্রা পাংথোকপনি।
বিকসিত ভারত সংকল্প যাত্রা শরুক য়াবা মীওই মশিং করোর ১৫ হেল্লে। মসি যাত্রা মাইপাকপগী খুদম অমা ওইনা চাউখৎলবা ভারতকী পান্দম অমদা লৈবাক শীনবা থুংনা লৈরিবা মীয়াম অমত্তা ওইনা পুনশিনবদা অচৌবা ইথিল অমা পীরে।
विकसित भारत संकल्प यात्रा में चलने वाला विकास रथ, विश्वास रथ में बदल चुका है। pic.twitter.com/Lu8xA42HqQ
— PMO India (@PMOIndia) January 18, 2024
विकसित भारत संकल्प यात्रा जैसा अभियान Last Mile Delivery का सबसे बेहतरीन माध्यम है। pic.twitter.com/hqMMVGiW2r
— PMO India (@PMOIndia) January 18, 2024
विकसित भारत संकल्प यात्रा, एक जनआंदोलन में बदल गई है। pic.twitter.com/8rCVLlAajr
— PMO India (@PMOIndia) January 18, 2024
हमारी सरकार ने साल 2019 में ट्रांसजेंडर्स के अधिकारों को संरक्षण देने वाला कानून बनाया: PM @narendramodi pic.twitter.com/zqvY7SR3oz
— PMO India (@PMOIndia) January 18, 2024
भारत बदल रहा है और बहुत तेजी से बदल रहा है। pic.twitter.com/gwqPYqrDrE
— PMO India (@PMOIndia) January 18, 2024
