“কেন্দ্রশিং অসিনা ঐখোয়গী নহারোলশিংগীদমক স্কিল দিবেলপমেন্তগী খুদোংচাবশিং ফংহন্নবা কেতলিস্তস ওইরগনি”
“মালেমগী ওইনা স্কিল লৈবা ভারতকী নহারোলশিংগী দিমান্দ হেনগৎলক্লি”“ভারতনা মশা খক্তগী নত্তনা মালেমগীদমক্তা স্কিল লৈবা প্রোফেস্নেলশিং শেমগৎলি”“সরকারনা স্কিল দিবেলপমেন্তগী মথৌ তাবা অদু খঙই অমসুং মশাগী বজেতরী এল্লোকেসন অমসুং তোঙান-তোঙানবা স্কিমশিংগা লোয়ননা তোখাইবা মন্ত্রালয় অমা শেমখি”“সরকারগী স্কিল দিবেলপমেন্ত ইনিসিএতিবশিংগী খ্বাইদগী চাউবা বেনিফিসরীশিং অসি লায়রবা, দলিত, শোত্থরবা অমসুং অসিবাসীগী ইমুং-মনুংশিংদগী ওইরি”“নুপীশিংদা এজুকেসন অমসুং ত্রেনিং পীনবা সরকারগী মীৎয়েং অসিবু সাবিত্রী বাই ফুলেনা ইথিল পীখি”“পি.এম. বিশ্বকর্মানা ত্রেদিস্নেল আর্তিসান অমসুং ক্রাফসপর্সনবু শক্তি পীরগনি”“ইন্দস্ত্রী দ.0না অনৌবা স্কিলশিং মথৌ তাগনি”“লৈবাক্কী তোঙান-তোঙানবা সরকারশিংনা স্কিল দিবেলপমেন্তগী লৈরিবা মখোয়গী স্কোপ অদু হেন্না পাকথোক-চাউথোকহনগদবনি”প্রধান মন্ত্রী, শ্রী নরেন্দ্র মোদীনা ঙসি ভিদিও কনফরেন্সিংগী থোংদা মহারাস্ত্রদা প্রমোদ মহাজন গ্রামীন কৌশল্য বিকাস কেন্দ্র 511 হৌদোকখ্রে। মহারাস্ত্রগী খুঙ্গংগী জিলা 34দা হাংদোকখিবা কেন্দ্রশিং অসিনা খুঙ্গংগী নহারোলদা থবক্কী খুদোংচাবশিং পীনবা তোঙান-তোঙানবা সেক্তরশিংদা স্কিল দিবেলপমেন্ত ত্রেনিং প্রোগ্রামশিং পাঙথোক্কনি।
প্রধান মন্ত্রীনা মহাক্কী ৱারোল পীবা অসি মাতা স্কন্দ থৌনিজরিবা নবরাত্রিগী ঙসি অসি 5নি চনবা নুমিৎনি হায়না ফোঙদোক্লদুনা হৌখি। মমা খুদিংমক্না মাগী মচাশিংগী নুংঙাই য়াইফবা অমসুং মাইপাকপা ওইনবা থৌনিজৈ হায়না প্রধান মন্ত্রীনা ফোঙদোক্লদুনা মসি এজুকেসন অমসুং স্কিল দিবেলপমেন্ত খখ্তনা ওইথোকপা ঙমহনগনি হায়না ফোঙদোকখি। প্রমোদ মহাজন গ্রামীন কৌশল্য বিকাস কেন্দ্র 511 হাংদোকখিবগী মতাংদা ৱা ঙাংলদুনা প্রধান মন্ত্রীনা ঙসি অসি নহারোল করোর কয়াগী স্কিল দিবেলপমেন্তগীদমক অচৌবা খোঙথাং অমা পাইখৎতুনা নুমিৎ অসিবু কাউঙমদ্রবা অমা ওইহল্লি হায়খ্রে।
প্রধান মন্ত্রীনা হায়খি মদুদি ভারতকী স্কিল লৈবা নহারোলগী দিমান্দ মালেমদা হেনগৎলক্লি। লৈবাক কয়াগী দেমোগ্রাফীদা হেনগৎলক্লিবা এজ প্রোফাইলগী মতাংদা পল্লদুনা প্রধান মন্ত্রীনা লৈবাক 16না স্কিল লৈরবা নহারোল লাখ 40রোমদা থবক পীনবা থৌরাং তৌরি হায়না ফোঙদোকখ্রে। “ভারতনা মশা খক্তগী নত্তনা মালেমগীদকল স্কিল লৈবা প্রোফেস্নেলশিং শেম শারি” হায়না প্রধান মন্ত্রীনা ফোঙদোকখ্রে। মহাক্না হায়খি মদুদি মহারাস্ত্রদা স্কিল সেন্তরশিংনা গ্লোবেল জোবশিংগীদক লমদম অসিগী নহারোলশিং শেম শারগনি অমসুং মখোয়বু কনস্ত্রক্সন, মোদর্ন ফার্মিং, মেদিয়া অমসুং এন্তরতেনমেন্ত অমসুং ইলেক্ত্রোনিক্সতা স্কিল লৈহনগনি। প্রধান মন্ত্রীনা বেসিক ফোরেন লেংগ্বেজ স্কিলশিংগম্বা সোফ স্কিলশিংদা ত্রেনিং পীবা মথৌ তাই, লেংগ্বেজ ইন্তরপ্রিতেসনগীদমক AI তুলশিং শীজিন্নবা অসিনা রিক্রুতরশিংগী পুক্নিং হেন্না চীংশিল্লগনি হায়নসু ফোঙদোকখ্রে।
প্রধান মন্ত্রীনা হায়খি মদুদি মতম শাংনা মমাংগী সরকারশিংনা স্কিল দিবেলপমেন্তগী মাইকৈদা মীৎয়েং শান্না য়েংলমদবা অমসুং মরু ওইনা লৌরমদবা অসিনা স্কিলশিংগী অৱাৎপা লৈবনা মরম ওইরগা নহারোল লাখ কয়াদা থবক্কী খুদোংচাবা খজিক্তং ফংহনবা ঙমখি। প্রধান মন্ত্রীনা হায়খি মদুদি হৌজিক পাল্লিবা সরকারনা স্কিল দিবেলপমেন্তগী মথৌ তাবা অদু খঙখি অমসুং মশাগী বজেতরী এল্লোকেসন অমসুং তোঙান-তোঙানবা স্কিমশিংগা লোয়ননা মসিগীদমক তোখাইবা মন্ত্রালয় অমা শেমখি। কৌশল বিকাস স্কিমগী মখাদা নহারোল করোর 1 লাখ 30 হেনবদা তোঙান-তোঙনবা ত্রেতশিংদা ত্রেনিং পীখি অমরোমদা প্রধান মন্ত্রী কৌশল কেন্দ্র চা হেন্না লৈবাক শিনবা থুংবদা লিংখৎখি হায়না প্রধান মন্ত্রীনা পাউদমখ্রে।
প্রধান মন্ত্রীনা সোসিএল জস্তিসতা শাহৌ পীবদা স্কিল দিবেলপমেন্তগী ইনিসিএতিবশিংনা শরুক তম্লিবা অদু ফোঙদোকখি। প্রধান মন্ত্রীনা দলিত, শোত্থরবশিং অমসুং ত্রাইবেলশিংগী লেন্দহোল্দিং অসি য়ামদবনা মখোয়বু চাউখৎহন্নবা ইন্দস্ত্রিএলাইজেসনদা মীৎয়েং থম্মিবা বাবাসাহেব অমবেদকরগী ফিলোসোফীগী মতাং পনখি। মমাংঙৈদা স্কিলশিংগী অৱাৎপা লৈবনা মরম ওইরগা কাংলুপশিং অসিনা ক্বালিতী লৈয়া থবকশিং ফংবগী খুদোংচাবা ফংলমদে। মহাক্না হায়খি মদুদি সরকারগী স্কিল দিবেলপমেন্ত ইনিসিএতিবশিংদগী লায়রবা, দলিত, শোত্থরবা অমসুং অদিবাসি ইমুংশিংনা খ্বাইদগী চাউনা কান্নবা ফংলি।
নুপীশিংগী এজুকেসনগী মতাংদা লাকপদা খুন্নাইদা থাংলিব য়োৎলিং থদৎপদা সাবিত্রী বাই ফুলেনা শরুক তমখিববু নীংশিংলদুনা প্রধান মন্ত্রীনা লৌশিং অমসুং স্কিল লৈবা মীওইশিংতনা খুন্নাইদা অফবা অহোংবা অমা পুরকপা ঙমগনি হায়না নৌহৌনা ফোঙদোকখ্রে। শ্রী মোদীনা সাবিত্রী বাই ফুলেনা নুপীদা এজুকেসন অমসুং ত্রেনিং পীবগী সরকারগী খোঙথাংদা ইথিল পীখি হায়না ফোঙদোকখ্রে। মহাক্না সেল্ফ-হেল্প গ্রুপশিং নত্ত্রগা ‘স্বায়ম সহায়তা সমুহ’গী মতাংদা পল্লদুনা ৱুমেন এম্পাৱরমেন্ত প্রোগ্রামগী খুত্থাংদা নুপী করোর 3 হেনবদা ত্রেনিং পীখ্রে। মহাক্না লৌউ-শিংউগী লমশিং অমসুং অতোপ্পা সেক্তরশিংদা দ্রোনশিং শীজিন্ননবা মখোয়বু পুক্নিং থৌগৎলদুনা নুপীশিংদা ত্রেনিং পীখি হায়না ফোঙদোকখ্রে।
প্রধান মন্ত্রীনা খুঙ্গংশিংদা মীরোল কয়া তংথদুনা চত্থরকখিবা শিনফমশিংগী মতাংদা পনখি। মহাক্না শম ককপা, উ শুবা, ফী শুবা, সনা শাবা অমসুং য়োৎ শুবগুম্বা শিনফমশিং মতেং পাংনবা পি.এম. বিশ্বকর্মা য়োজনা হৌদোকখিবগী মতাংদা ফোঙদোকখ্রে। মসিগী মখাদা ত্রেনিং, মোর্দন ইক্বিপমেন্ত অমসুং শেলগী তেংবাং পীরি হায়না প্রধান মন্ত্রীনা ফোঙদোকখ্রে। “সরজারনা মসিদা লুপা করোর 13,000 চাদিং তৌরি, অমসুং মহারাস্ত্রদা স্কিল সেন্তর 500 হেন্না হাংদোক্তুনা রাজ্য অসিবু খুমাং চাউশিনহল্লগনি”, হায়না মহাক্না ফোঙদোকখ্রে।
স্কিল দিবেলপমেন্ত পীনবা খোঙথাংশসিংগী মনুংদা লৈবাক্কী শক্তি হেনগৎহনগদবা স্কিল মখলশিং হেনগৎহন্নবা লমশিংদা প্রধান মন্ত্রীনা মীৎয়েং চংখি। ভারতকী মেন্যুফেকচরিং ইন্দস্ত্রীদা অফবা ক্বালিতীগী প্রদক্তশিং নত্ত্রগা জিরো দিফেক্ত প্রদক্তশিংগী মথৌ তাবা অদু থমখি অমসুং ইন্দস্ত্রী 4.0না অনৌবা স্কিলশিং মথৌ তাই হায়নসু ফোঙদোকখ্রে। মহাক্না হায়খি সরকারনা সর্ভিস সেক্তর, নোলেজ ইকনোমী অমসুং মোদর্ন তেক্নোলোজী য়েংলগা অনৌবা স্কিলশিংদা মীৎয়েং চংলগনি। প্রধান মন্ত্রীনা আত্মনির্ভর ভারতকী মাইকৈদা লৈবাক অসিবু লমজিংনবা মেন্যুফেকচর তৌনবা প্রদক্ত মখলশিং খঙদোক্নবসু হায়খ্রে। ঐখোয়না অসিগুম্বা প্রদক্তশিং মেন্যুফেকচর তৌনবা স্কিলশিং প্রমোৎ তৌগদবনি।
ভারতকী এগ্রিকলচর সেক্তরদা অনৌবা স্কিলশিংগী মথৌ তাবগী মতাংদা ফোঙদোক্লদুনা প্রধান মন্ত্রীনা পৃথিবী ইমা ঙাকশেন্নবা মহৌশাগী লৌউ-পথাপ পাইখৎনবা হায়খ্রে। মহাক্না বেলেন্স ইরিগেসন, এগ্রি-প্রদক্ত প্রোসেসিং, পেকেজিং, ব্রান্দিংগীদমক স্কিলশিং ফংহনবা অমসুং মীয়ামবু স্কিলিং তৌদুনা ওনলাইন ৱর্ল্দগা কন্নেক্ত তৌবা মথৌ তাই হায়না ফোঙদোকখ্রে। “লৈবাক্কী তোঙান-তোঙানবা সরকারশিংনা স্কিল দিবেলপমেন্তদা মখোয়গী স্কোপ হেন্না হেনগৎহনগদবনি”, হায়না প্রধান মন্ত্রীনা মখা তাখি।
প্রধান মন্ত্রীনা ত্রেনীশিংদা মখোয়না অচুম্বা লম্বীদা চৎলি হায়না থাজবা পীখি, মরমদি স্কিলশিংগী খুত্থাংদা মখোয়না মখোয়গী ইমুং-মনুংশিং অমদি লৈবাক্কীদমক চুনা শরুক তম্বা য়াই। প্রধান মন্ত্রীনা সিঙ্গাপুরগী প্রধান মন্ত্রীনা হায়রকপদগী মফম অদুদা চৎপদা থেংনরকখিবা স্কিল দিবেলপমেন্ত সেন্তরগী এক্সপরিয়েন্সশিং পাউদমখি। প্রধান মন্ত্রীনা সিঙ্গাপুরগী প্রধান মন্ত্রীনা চাউথোকচবা পোকখিবা অমসুং স্কিল ত্রেনিংগী অসিগুম্বা এক্তিবিতীশিংবু খুন্নাইনা করম্না থৌগৎপা হায়বা অদু নীংশিংখি। প্রধান মন্ত্রীনা হায়খি মদুদি শিন্মীবু ইকাই খুম্নবা অমসুং স্কিল চংবা থবক্কী মরু ওইবা শকখঙবা হায়বা অসি খুন্নাইগী থৌদাংনি।
থৌরম অদুদা মহারাস্ত্রগী মুখ্য মন্ত্রী, শ্রী একনাথ শিন্দে অমসুং মহারাস্ত্রগী উপ মুখ্য মন্ত্রী, শ্রী দেবেন্দ্র ফদনাবিস অমসুং শ্রী অজিৎ পাৱরনা শরুক য়াখি।
বেকগ্রাউন্দ
গ্রামীন কৌশল্য বিকাস কেন্দ্রশিংনা খুঙ্গংগী নহারোলশিংদা থবক্কী খুদোংচাবশিং পীনবা সেক্তর কয়াদা স্কিল দিবেলপমেন্ত ত্রেনিং প্রোগ্রামশিং পাঙথোক্কনি। কেন্দ্র অমমমদা য়ামদ্রবদা ভোকেস্নেল কোর্স অনিদা নহারোল 100দা ত্রেনিং পীগনি। নেস্নেল স্কিল দিবেলপমেন্ত কাউন্সিলগী মখাদা এম্পেনেল তৌরবা ইন্দস্ত্রী পার্তনরশিং অমসুং এজেন্সীশিংনা ত্রেনিং পীগনি। কেন্দ্রশিং হাংদোকপা অসিনা হেন্না কম্পিতেন্ত ওইবা অমসুং স্কিল লৈবা মেনপাৱর দিবেলপ তৌবগী মাইকৈদা অচৌবা খোঙথাংশিং পাইখৎনবা রিজন অসিবু মতেং পাংলগনি।
Grameen Kaushalya Vikas Kendras will prioritize skill development for the youth. pic.twitter.com/960NZjDms8
— PMO India (@PMOIndia) October 19, 2023
आज भारत सरकार की कौशल योजनाओं से सबसे अधिक लाभ गरीब, दलित, पिछड़े और आदिवासी परिवारों को ही हो रहा है: PM pic.twitter.com/IOHQuAH9hJ
— PMO India (@PMOIndia) October 19, 2023
PM Vishwakarma will empower our traditional artisans and craftspeople. pic.twitter.com/7k0YRyZTYf
— PMO India (@PMOIndia) October 19, 2023
