মুম্বাই মেত্রো লাইন 3গী ফেস -1গী আরে JVLRদগী BKC সেক্সন শঙ্গাখ্রে
থানে ইন্তিগ্রেল রিং মেত্রো রেল প্রোজেক্ত অমসুং এলিভেতেদ ইস্তর্ন ফ্রীৱে এক্সতেন্সনগী উরেপ-উয়ুং তমখ্রেনভি মুম্বাই এয়রপোর্ত ইনফ্ল্যুন্স নোতিফাইদ এরিয়া (NAINA) প্রোজেক্তকী উরেপ-উয়ুং তমখ্রে থানে ম্যুনিসিপাল কোর্পোরেসনগী উরেপ-উয়ুং তমখ্রেমহারাস্ত্রনা ভারতকী চাউখৎপদা মরু ওইবা থৌদাং অমা লৌরি, রাজ্য অসিগী চাউখৎ-থৌরাং খোঙজেল য়াংখৎহন্নবা থানেদা অওনবা পুরক্কদবা প্রোজেক্ত কয়ামরুম হৌদোক্লি: পি.এম.ঐখোয়গী সরকারগী ৱারেপ, ফিরেপ অমসুং থৌশিল খুদিংমক ভিকসিৎ ভারতকী পান্দমগীদমক কত্থোক্লি: পি.এম.প্রধান মন্ত্রী শ্রী নরেন্দ্র মোদীনা ঙসি লমদম অসিদা অর্বান মোবিলিতী ফগৎহন্নবা মরু ওইবা মীৎয়েং অমগা লোয়ননা মহারাস্ত্রগী থানেদা লুপা করোর 32,800 হেনবগী প্রোজেক্ত কয়া শঙ্গাখ্রে অমসুং উরেপ উয়ুংসু তমখ্রে।প্রধান মন্ত্রী শ্রী নরেন্দ্র মোদীনা ঙসি লমদম অসিদা অর্বান মোবিলিতী ফগৎহন্নবা মরু ওইবা মীৎয়েং অমগা লোয়ননা মহারাস্ত্রগী থানেদা লুপা করোর 32,800 হেনবগী প্রোজেক্ত কয়া শঙ্গাখ্রে অমসুং উরেপ উয়ুংসু তমখ্রে।
থৌরম অদুদা ৱা ঙাংলদুনা প্রধান মন্ত্রীনা হায়খি মদুদি কেন্দ্র সরকারনা মরাথীবু ক্লাসিকেল লোলগী থাক পীখ্রে অমসুং মহাক্না মসি মহারাস্ত্র অমসুং মরাথী লোলগী ইকাই খুম্নবা খক্তা নত্তে, অদুবু ভারতপু লৌশিং, ৱাংঙুলোল, স্পিরিচুএলিতী অমসুং সহিত্যাগী ভারতকী ইনাক খুল্লবা কলচর অমা পীরম্বা চৎনবী অসিগী ইকাই খুম্নবা অমনি হায়না মহাক্না ফোংদোকখি। শ্রী মোদীনা মালেম শিনবা থুংনা লৈরিবা মরাথী ঙাংবা মীওই পুম্নমক্তা নুংঙাইবা ফোংদোকখি।
নবরত্রিগী থৌরমদা প্রোজেক্ত কয়া শঙ্গাখিবা অমসুং উরেপ উয়ুং তমখিবা অদু পল্লদুনা, প্রধান মন্ত্রীনা ঙসি ৱাশিমদা চৎখিবা অদু পনখি। মফম অদুদা মহাক্না লৈবাক অসিগী লৌমী করোর 9.5দা পি.এম. কিসান সম্মান নিধি পীখি অমসুং চাউখৎ থৌরাংগী প্রোজেক্ত কয়া হৌদোকখি। মহাক্না হায়খি মদুদি মহারাস্ত্রগী অনৌবা চাউখৎপগী মায়কৈদা থানেদা অনৌবা মাইলস্তোনশিং ফংলি। মহাক্না হায়খি মদুদি ঙসিগী থৌরম অসিনা রাজ্য অসিগী শিংথানীংঙাই ওইরবা তুংলমচৎকী মঙাল অমা পীরি। শ্রী মোদীনা হায়খি মদুদি লুপা করোর 30,000 হেনবগী মুম্বাই MMR প্রোজেক্তশিং ঙসি হৌদোকখ্রে অমসুং লুপা করোর 12,000 হেনবগী থানে ইন্তিগ্রেতেল রিং মেত্রো রেল প্রোজেক্তকী উরেপ উয়ুংসু ঙসি থমখ্রে। ঙসিগী চাউখৎ-থৌরাংগী প্রোজেক্তশিংগী মতাংদা পল্লদুনা প্রধান মন্ত্রীনা হায়খি মদুদি মসিনা মুম্বাই অমসুং থানেদা মোদর্ন আইদেন্তিতী অমা পীরগনি।
মুম্বাইগী আরেদগী BKCদা এক্বা লাইন মেত্রোসু ঙসিদগী হৌরে হায়না প্রধান মন্ত্রীনা লাউথোকখি। মহাক্না মখা তাখি মদুদি মুম্বাইগী মীয়াম্না মসিগী মেত্রো লাইন অসিগীদমক মতম কুইনা ঙাইরকখি। শ্রী মোদীনা জপান সরকার অমসুং জপান ইন্তর্নেস্নেল কোর্পোরেসন এজেন্সী (JICA) দা এক্বা মেত্রো লাইনগীদমক তেংবাং পীরকপগীদমক অখন্ননা থাগৎপা ফোংদোকখি। মরম অদুনা, মহাক্না হায়খি, "মেত্রো লাইন অসি ভারত-জাপানগী মরুপ ওইবগী খুদম অমসুনি।"
শ্রী মোদীনা হায়খি মদুদি শ্রী বালা সাহেব থাকরেনা থানেদা অখন্নবা নুংশিবা পোকই। মহাক্না মখা তাখি মদুদি থানে অসি লৈখিদ্রবা শ্রী আনন্দ দিঘেগী শহরসু ওইখি। থানেনা ভারতকী অহানবা নুপী দোক্তর, দা. অনন্দি ভাই জোশি পীখি”, হায়না শ্রী মোদীনা হায়খি। মহাক্না মখা তাখি মদুদি ঙসি চাউখৎ থৌরাংগী থবকশিং অসিগা লোয়ননা ঐখোয়না মীৎয়েং শান্না উবা ঙম্বা মীওইশিং অসিগী মঙলানশিং অদু মপুং ফাহল্লসি। ঙসি হৌদোকখিবা চাউখৎ-থৌরাংগী থবকশিংগীদমক প্রধান মন্ত্রীনা থানে, মুম্বাই অমসুং মহারাস্ত্রগী মীয়ামদা নুংঙাইবা ফোংদোকখি।
শ্রী মোদীনা হায়খি, "ভিকসিৎ ভারত অসি ঙসি ভারত মচা খুদিংমক্কী পান্দমনি।" মহাক্না হায়খি মদুদি ঐখোয়গী সরকারগী ৱারেপ খুদিংমক, ফিরেপ খুদিংমক অমসুং মঙলান খুদিংমক ভিকসিৎ ভারতকীদমক কত্থোক্লি। প্রধান মন্ত্রীনা হায়খি মদুদি ভিকসিৎ ভারতকী পান্দম অসি ফংনবগীদমক, মুম্বাই, থানে অসিনচিংবা শহরশিং অসি তুংলমচৎকীদমক শেম-শারিবা ওইহনবা মথৌ তাই। মহাক্না মখা তাখি মদুদি সরকার অসিনা চাউখৎ-থৌরাংগী থবক পায়খৎপা অমসুং মমাংগী সরকারশিংগী ফীভমশিং অদু য়েংশিনবগীদমক হোৎনরিবশিং অদু শরুক অনি হেনগৎহনগদবনি। মমাংগী সরকারশিংগী মরমদা পল্লদুনা মহাক্না হায়খি মদুদি মুম্বাইদা মীশিং হেনগৎলকপা অমসুং ত্রাফিক থোরকপগী চাং হেনগৎলকপা তারবসু, ইসুশিং অসি কোকহন্নবা পাম্বৈ অমত্তা লৈখিদে। মহাক্না মখা তাখি মদুদি ভারতকী ফাইনান্সিএল কেপিতেল, মুম্বাই অসি চাউখৎলক্লিবা ইসুশিং অসিনা মরম ওইদুনা অপনবা ওইগদৌরিবনি। শ্রী মোদীনা হায়খি মদুদি হৌজিক লৈরিবা সরকার অসিনা ইসুশিং অসি কোকহন্নবা হোৎনরি অমসুং ঙসিদি কিলোমীতর 300গী মেত্রো নেতৱার্ক অমা শেমগৎলি। মহাক্না মখা তাখি মদুদি মেরিন দ্রাইবতগী বান্দ্রা ফাওবগী খোঙচৎকী মতম অসি কোস্তেল রোদনা মরম ওইদুনা মিনিত 12দা হন্থহনখ্রে। অতল সেতুনা অৱাং অমসুং খা মুম্বাইগী মরক্তা লৈরিবা অরাপ্পা অদু হন্থহনখ্রে। ওরেঞ্জ গেৎ অমসুং মেরিন দ্রাইবকী মখাদা লৈবা তনেলগী প্রোজেক্তসু খোঙজেল য়াংখৎলে হায়না মহাক্না পনখি। শহর অসিগী তোঙান তোঙানবা প্রোজেক্তশিং হায়বদি ভর্সোভাদগী বান্দ্রা সী ব্রিজ প্রোজেক্ত, ইস্তর্ন ফ্রী-ৱে, থানে-বোরিভালি তনেল, থানে সর্কুলর মেত্রো রেল প্রোজেক্তশিং পল্লদুনা শ্রী মোদীনা হায়খি মদুদি চাউখৎ-থৌরাংগী প্রোজেক্তশিং অসিনা মুম্বাইগী মশক হোংলক্লি অমসুং মসিনা মুম্বাই অমসুং অকোয়বদা লৈরিবা শহরশিংগী সমস্যাশিং হন্থহন্দুনা মুম্বাইগী মীয়ামদা কান্নবা ফংহল্লগনি। মহাক্না মখা তাখি মদুদি প্রোজেক্তশিং অসিনা ইন্দস্ত্রীশিং চাউখৎহনবগা লোয়ননা অনৌবা থবক্কী পীবগী খুদোংচাবসু পীগনি।
হৌজিক লৈরিবা রাজ্য সরকার অসিনা মহারাস্ত্রগী চাউখৎ-থৌরাংবু মাগী অমত্তা ঙাইরবা পান্দমনি হায়না প্রধান মন্ত্রীনা ফোংদোকখি। মহাক্না মমাংগী সরকারশিংগী পুক্নিং চিংশিন্নিংঙাই ওইবা থৌওংনা মরম ওইদুনা মুম্বাই মেত্রোগী থবক চহি 2.5 লেপ্তুনা লৈখি মসিনা লুপা করোর 14,000গী শেনফমদা হেনগৎহনখিবা অদুবু নুংঙাইতবা ফোংদোকখি। প্রধান মন্ত্রীনা হায়খি মদুদি শেল অসি মহারাস্ত্রগী কন্না হোৎনরিবা তেক্সপেয়রশিংগীনি।
মমাংগী সরকারগী ত্রেক রেকোর্দনা মখোয় অসি চাউখৎ-থৌরাংগী মায়োত্তা লৈরিবশিংনি হায়গী খুদম ওইরি হায়না প্রধান মন্ত্রীনা ফোংদোকখি। মহাক্না অতল সেতুগী মায়োত্তা চত্থখিবা প্রোতেস্ত, মুম্বাই-অহমদাবাদ বুলেৎ ত্রেন থিংনবা থৌরাং তৌখিবা অমসুং রাজ্য অসিগী ঈকং থোক্লিবা মফমশিংদা ঈশিংগা মরী লৈনবা প্রোজেক্তশিং লেপখিবগী খুদমশিং পনখি। প্রধান মন্ত্রীনা মমাংগী মতমদগী তমশিনবা য়াবা খরা পনখি অমসুং এপীজমেন্ত পোলিতিক্সতগী চেকশিন্না লৈনবা ফোংদোকখি।
মহাক্কী ৱারোল লোইশিল্লদুনা, প্রধান মন্ত্রীনা লৈবাক অসিগী অমসুং মহারাস্ত্রগীদমক পুকচেল শেংবা অমসুং স্তেবল পোলিসীশিং লৈবা সরকার অমগী তঙাইফদবা অদু ফোংদোকখি। হৌজিক লৈরিবা সরকার অসিনা মোদর্ন ইনফ্রাস্ত্রকচর শেমগৎপতা নত্তনা সোসিএল ইনফ্রাস্ত্রকচরসু মপাঙ্গল কনখৎহল্লে হায়না মহাক্না ফোংদোকখি। ঐখোয়না হায়ৱে, এক্সপ্রেসৱেজ, রেলৱেজ অমসুং এয়রপোর্তকী চাউখৎ থৌরাংগীদমক রেকোর্দসু শেমখ্রে, অমসুং মীওই করোর 25বু লায়রবা ফীভমদগী কোকহল্লে। ঐখোয়না লৈবাক অসিবু হেন্না খুমাং চাউশিলহন্নবা হোৎনরি।" হায়না প্রধান মন্ত্রীনা হায়খি। মহারাস্ত্রগী প্রজা খুদিংমক্না ৱারেপ অসিগা লোয়ননা লেপকনি হায়না মহাক্না থাজবা থমখি।
মহারাস্ত্রগী রাজ্যপাল, শ্রী সি.পি. রাধাকৃষ্ণন, মহারাস্ত্রগী মুখ্য মন্ত্রী, শ্রী একনাথ শিন্দে, মহারাস্ত্রগী উপ মুখ্য মন্ত্রীশিং, শ্রী দেবেন্দ্র ফদনবিস অমসুং শ্রী অজিত পৱারনা থৌরম অসিদা শরুক য়াখি।
বেকগ্রাউন্দ
প্রধান মন্ত্রীনা মেত্রো অমসুং লম্বীগী প্রোজেকশিং শঙ্গাখ্রে অমসুং উরেপ-উয়ুং তমখ্রে। প্রধান মন্ত্রীনা লুপা করোর 14120 রোমগী মুম্বাই মেত্রো লাইন 3 ফেস-1গী BKCদগী আরে JVLR সেক্সন শঙ্গাগনি। সেক্সন অসিদা স্তেন 10 লৈগনি অমসুং স্তেসন 9 না লৈনুংদনি। মু্ম্বাই মেত্রো লাইন-3 অসিনা মুম্বাই সহর অমসুং মসিগী অকোয়বা মফমশিংগা চৎথোক-চৎশিন তৌনবগী মরুওইবা লাইন অমনি। লাইন-3 মপুংফানা থবক তৌরকপদা নোংমদা পেসেঞ্জর লাখ 12 পুগনি হায়না পানরি।
প্রধান মন্ত্রীনা লুপা করোর 12200 রোম চঙনা পায়খৎকদবা থানে ইন্তরগ্রেল রিং মেত্রো রেল প্রোজেক্কী উরেপ-উয়ুং তমখ্রে। কিমি 29গী প্রোজেক অসিদা ইলাভেতেদ স্তেসন 20 অমসুং লৈনুংগী স্তেসন 2 লৈগনি। প্রোজেক অসিনা মহারাস্ত্রগী উদ্যোগ অমসুং ললোন-ইতিক্কী মরুওইবা মফম অমা ওইরিবা থানেগী লম্বী-থোংগী ফিবম ফগৎহনগনি।
প্রধান মন্ত্রীনা লুপা করোর 3310 রোমগী থানেদা ছেদা নগরদগী অনন্দ নগর ফাওবগী ইলাভেতেদ ইস্তর্ন ফ্রিৱে এক্সতেন্সগী উরেপ-উয়ুং তমখ্রে। মসিনা সাউথ মুম্বাই অমসুং থানে শম্নহনগনি।
মখা তানা, প্রধান মন্ত্রীনা লুপা করোর 2550 রোমগী নবি মুম্বাই এয়রপোর্ত ইনফ্ল্যুন্স নোতিফাইদ এরিয়া(NAINA)গী উরেপ-উয়ুং তমখ্রে। প্রোজেক অসিনা লম্বীশিং, থোংশিং, লৈকং থোংশিং অমসুং অন্দরপাসশিং অমসুং ইন্তিগ্রেতেদ য়ুতিলিতি ইনফ্রাস্ত্রকচরশিং শেমগৎকনি।
প্রধান মন্ত্রীনা লুপা করোর 700 চঙগদবা থানে ম্যুনিসিপাল কোর্পোরেসনগী উরেপ-উয়ুং তমখ্রে। থানে ম্যুনিসিপাল কোর্পোরেসনগী অৱাংবা এদমিনিস্ত্রেতিপ বিল্দিং অসিদা ম্যুনিসিপাল ওফিসারশিং ফমদুনা থানেগী মীয়ামদা খুদোংচাবশিং পীরগনি।
Click here to read full text speech
आज हर देशवासी का एक ही लक्ष्य है- विकसित भारत! pic.twitter.com/IBz8AHDLOU
— narendramodi_in (@narendramodi_in) October 5, 2024
काँग्रेस और महाअघाड़ी वाले लोग विकास के काम को ठप्प कर देते हैं। pic.twitter.com/KMVrLY3KLH
— narendramodi_in (@narendramodi_in) October 5, 2024
कांग्रेस, भारत की सबसे बेईमान और भ्रष्ट पार्टी है। pic.twitter.com/iVz1J2qg0l
— narendramodi_in (@narendramodi_in) October 5, 2024
लूट, झूठ और कुशासन का ये पूरा पैकेज कांग्रेस की पहचान है। pic.twitter.com/KAIqRyst2c
— narendramodi_in (@narendramodi_in) October 5, 2024
काँग्रेस को अब अर्बन नक्सल का गैंग चला रहा है। pic.twitter.com/Re36pzwIi4
— narendramodi_in (@narendramodi_in) October 5, 2024
