QuoteGovernment will keep taking decisions to achieve the goal of 5 trillion dollar economy: PM Modi
QuoteThis year’s Budget has given utmost thrust to Manufacturing and Ease of Doing Business: PM
QuoteGeM has made it easier for small enterprises to sell goods to the government, says PM

প্রধান মন্ত্রী শ্রী নরেন্দ্র মোদীনা ঙসি হায়খ্রে মদুদি সরকারনা দোলর ত্রিলিয়ন ৫গী ইকোনোমীগী পান্দম ফংনবগীদমক মখা তানা ৱারেপ লৌখিগনি। বরানসীদা ঙসি নুমিৎয়ুংবা মতুং পাংথোকপা থৌরম অমদা ৱা ঙাংলদুনা মহাক্না হায়খি মদুদি ত্রেদিস্নেল হেন্দিক্রাফ ৱার্করশিং, আর্তিসানশিং, এম.এস.এম.ই.শিং মপাঙ্গল কনখৎহনবনা পান্দম ফংবদা মতেং ওইগনি।

|

প্রধান মন্ত্রী শ্রী নরেন্দ্র মোদীনা বরানসীগী বরা লালপুরদা দীন দয়াল উপাধ্যায় ত্রেদ ফেসিলিতেসন সেন্তরদা পাংথোকপা ‘কাশী এক রুক অনেক’ হায়না মিংথোনবা থৌরমদা শরুক য়াখি। থৌরম অদুগী মনুংদা মহাক্না উত্তর প্রদেশকী অতোপ্পা জিলাশিং অমসুং কাশীগী ৱেভরশিং অমসুং হেন্দিক্রাফমেনশিংনা পুথোকপা তোঙান তোঙানবা পোত্থোকশিংগী একজিবিসন অমা য়েংখি। মহাক্না ৱান দিস্ত্রিক্ত ৱান প্রদক্তকী মখাদা হেন্দলুম, পিঙ্ক মীনাকরী, উগী শান্নপোৎ, চান্দৌলী ব্লেক রাইস, কনৌজকী পর্ফিয়ুম, মোরাদাবাদকী মেতেল ক্রাফ, আগ্রাগী শাউনগী খোংউপশিং, লখনৌগী চিকনকারী অমসুং অঝমগরকী ব্লেক পোত্তরী য়েংশিনখিবতা নত্তনা আর্তিসানশিং অমসুং ক্রাফমেনশিংগা লোয়ননা উনদুনা ৱারীসু শানখি।

|

মহাক্না আর্তিসানশিং অমসুং ক্রাফমেনশিংদা কিৎশিং অমসুং শেলগী তেংবাংসু য়েন্থোকখি। ইন্তর্নেস্নেল মার্কেৎতা ভারতকী পোত্থোকশিংগীদমক অহেনবা খুদোংচাবশিং শেমগৎপদা অনৌবা খোংথাং কয়া লৌখৎপগীদম মহাক্না উত্তর প্রদেশ সরকারবু থাগৎপা ফোংদোকখি। উত্তর প্রদেশ সরকারগী ৱান দিস্ত্রিক্ত ৱান প্রদক্তগুম্বা প্রোগ্রামশিংনা মরম ওইদুনা হৌখিবা চহী অনীদা উত্তর প্রদেশতগী এক্সপোর্ত তপ্না তপ্না হেঙ্গৎলক্লি হায়না প্রধান মন্ত্রীনা ফোংদোকখি। লৈবাক অসিনা উত্তর প্রদেশকী পোত্থোকশিংদগী কানবা ফংবতা নত্তনা ওনলাইন মার্কেৎকী থোংদা মালেমগী অতোপ্পা মফমশিংদসু য়ৌরগনি হায়না মহাক্না ফোংদোকখি।

|

মহাক্না হায়খি মদুদি হৌখিবা চহী অনীদা উত্তর প্রদেশ ইন্সতিত্যুৎ ওফ দিজাইন্না জিলা ৩০দগী আর্তিসান ৱেভর ৩৫০০ হেনবদা মতেং পীখ্রে। ৱার্কর ১০০০ হেনবদা তুলকিৎশিংসু পীখ্রে। মহাক্না ৱেভরশিং, আর্তিসানশিং, হেন্দিক্রাফমেনশিং অসিনচিংবশিংদা তেংবাং পীনবগীদমক উত্তর প্রদেশ ইন্সতিত্যুৎ ওফ দিজাইন্না হোৎনরিবশিং অদু থাগৎপা ফোংদোকখি।

|

২১শুবা চহীচাগী দিমান্দশিং মতুং ইন্না ভারত্তা শাবা পোত্থোকশিংগী মগুন হেঙ্গৎহনবগী দরকার ওইবা অদুদা অকনবা ৱাফম থম্লদুনা প্রধান মন্ত্রীনা হায়খি মদুদি ঐখোয়গী ত্রেদিস্নেল ইন্দস্ত্রীশিংদা ইন্সতিত্যুসনগী ওইবা তেংবাং, শেল-থুমগী ওইবা তেংবাং, অনৌবা তেক্নোলোজী অমসুং মার্কেতিং ফেসিলিতেত ফংহনবা মথৌ তাই। হৌখিবা চহী ৫দগী মায়কৈ অসিদা ঐখোয়না হোৎনরি হায়না মহাক্না হায়খি। 

|

ইন্দস্ত্রীশিং অমসুং ৱেল্থ ক্রিয়েতরশিং ফেসিলিতেত তৌনবা পায়খৎলিবা খোংথাং কয়া পল্লদুনা প্রধান মন্ত্রীনা হায়খি মদুদি চহী অসিগী বজেতনা মেনুফেকচরিং অমসুং ইজ ওফ দুয়িং বিজিনেসতা ইনোৎ চাউনা পীরি। মহাক্না হায়খি লুপা কোতি ১৫০০ কায়খোকপগা লোয়ননা নেস্নেল তেক্নিকেল তেক্সতাইল মিসন প্রপোজ তৌখ্রে। মহাক্না হাখি মদুদি উত্তর প্রদেশতা দিফেন্স কোরিদোরগীদমক লুপা কোতি ৩৭০০কী প্রোভিজনসু শেম্লে।

|

কোরিদোর অসিদগী অপীকপা ইন্দস্ত্রীশিংনা কানবা ফংগনি অমসুং মসিনা অনৌবা এম্প্লোইমেন্তকী খুদোংচাবসু শেম্লগনি। প্রধান মন্ত্রীনা ফোংদোকখি মদুদি সরকারদা পোৎ-চৈশিং য়োনবদা অপীকপা ইন্তরপ্রাইজশিংগীদমক জি.ই.এম. (গবর্নমেন্ত ই-মার্কেৎপ্লেস)না হেন্না লাইথোকহল্লে। য়ুনিফাইদ প্রোক্যুরমেন্ত সিস্তেম শেমগৎপনা সিঙ্গল প্লেৎফোর্ম অমদা অপীকপা ইন্দস্ত্রীশিংদগী পোৎ-চৈশিং অমসুং সর্বিসশিং সরকারনা তুংদা ফংবা ঙমহল্লগনি।

 

Click here to read full text speech

Explore More
প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল

Popular Speeches

প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল
India’s fruit exports expand into western markets with GI tags driving growth

Media Coverage

India’s fruit exports expand into western markets with GI tags driving growth
NM on the go

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 22 ফেব্রুৱারি, 2025
February 22, 2025

Citizens Appreciate PM Modi's Efforts to Support Global South Development