প্রধান মন্ত্রী, শ্রী নরেন্দ্র মোদীনা ভারতকী অনৌবা ইন্তর্নেস্নেল তেলিকম্ম্যুনিকেসন য়ুনিয়ন (আই.তি.য়ু.) এরিয়া ওফিস অমসুং ইন্নোভেসন সেন্তর অমা বিগ্যান ভবন্দা ঙসি পাংথোকপা থৌরম অমদা হৌদোকখ্রে। প্রধান মন্ত্রীনা ভারত ৬জি. ভিজন দোক্যুমেন্ত পুথোকখিবগা লোয়ননা ৬জি. আর. অমসুং দি. তেস্ত বেদ হৌদোকখ্রে। মহাক্না “কোল বিফোর য়ু দিগ” এপসু হৌদোকখি। আই.তি.য়ু. অসি য়ুনাইতেদ নেসন্সকী ইনফোর্মেসন অমসুং কম্ম্যুনিকেসন তেক্নোলোজী (আই.সি.তি.)গী অখন্নবা এজেন্সী অমনি। ভারতনা এরিয়া ওফিস শানবগীদমক্তা মার্চ ২০২২দা আই.তি.য়ু.গা লোয়ননা হোস্ত কন্ত্রী এগ্রীমেন্তকী খুৎয়েক পীনখিবনি। মসিনা ভারত, নেপাল, ভুতান, বাঙ্গলাদেশ, শ্রী লঙ্কা, মালদিব, অফঘানিস্তান অমসুং ইরান্দা তেংবাংগনি অমসুং লৈবাকশিংগী মরক্তা তেংবাংনবগী মতৌ হেনগৎহনগনি অমসুং লমদম অসিগী মরক্তা অমনা অমদা কান্নবা পীগদবা শেন্মিৎলোনগী মতাংদা তেংবাংনবগী থৌওং কয়াসু লৈহনগনি।
ভারত অমসুং আই.তি.য়ু.গী মরক্তা লৈনরিবা মতম শাংলবা মরীদা অনৌবা তাঙ্কক অমা হৌবগী থৌওং তাকপা ওইনা আই.তি.য়ু.গী অনৌবা ওফিস অমসুং ইন্নোভেসন সেন্তর অমা ভারত্তা লৈহন্নবা তেংবাংবগীদমক্তা ইন্তর্নেস্নেল তেলিকম্ম্যুনিকেসন য়ুনিয়নগী সেক্রেতরী জেনেরেল, কুমারী দোরীন বোগদান্না প্রধান মন্ত্রীবু থাগৎপা ফোংদোকখি। ভারতনা লমদম অসিদা লৈবনা দিজিতেল সর্ভিস, স্কিল, সাইবর সেক্যুরিতী অমসুং দিজিতেল ইনক্লুজনগী মতাংদা লৈরকপা হীরমশিং মাইয়োক্নবগা লোয়ননা এদভান্স ওইবা তেক্নোলোজী হৌদোকপা, কেপাসিতী দিভেলপমেন্ত তৌববু হেন্না ফগৎহনবা অমসুং ওন্তোপ্রিনর্শিপ অমসুং পার্ত্নরশিপকী থৌওং লৈহনবদা য়াম্না তেংবাংগনি হায়না মহাক্না থাজবা ফোংদোকখি। “মশাগী শেন্মিৎলোন চাউখৎহন্নবা, মশাগী সরকারগী সেবাশিংগী মতাংদা নৌনা অমুক খন্থবা, ইনভেস্তমেন্তকী পুক্নিং চিংশিনবা, নৌহৌননা কম্মর্স শেমগৎপা অমসুং মশাগী মীয়ামগী মপাঙ্গল হাপ্নবা দিজিতেল ত্রান্সফোর্মেসন পাংথোক্নবা হোৎনবগী মতাংদা অতোপ্পা লৈবাকশিংনা ভারতপু রোল মোদেল ওইনা য়েংনরি”, মহাক্না হায়খি। মালেমগী স্তার্তঅপকী খ্বাইদগী চাউবা ইকোসীস্তেম, দিজিতেল পেমেন্ত মার্কেত অমসুং তেক ৱর্কফোর্স অসি ভারত্তা লৈ অমসুং প্রধান মন্ত্রীনা লমজিংদুনা ভারতপু লৌশিংদা য়ুম্ফম ওইবা শেন্মিৎলোন অমা ওইহল্লিবা থৌওং কয়াগা লোয়ননা আধার অমসুং য়ু.পি.আই.গুম্বা গেম-চেঞ্জিং ইনিসিএতিবশিং অসিনা ভারতপু তেক ইন্নোভেসন অমসুং এদোপ্সন তৌবগী দিজিতেল লমজেলদা খ্বাইদগী মকোক্তা থম্লি হায়না মহাক্না মখা তানা ফোংদোকখি।
প্রধান মন্ত্রীনা ঙসি তিনখিবা মীয়ামদা ৱা ঙাংবদা, ঙসি অসিদি হিন্দু কেলেন্দরগী অনৌবা চহি হৌবা নুমিৎ তাক্লিবা অখন্নবা নুমিৎ অমনি হায়রদুনা বিক্রম সম্বাত ২০৮০গী ওকেজন অসিগীদমক্তা মীয়ামদা য়াইফ পাউজেল পীখি। ভারতকী তোঙান-তোঙানবা মগুন চেনবা অমসুং চহি-চা কয়াদগী চৎনদুনা লাক্লিবা তোঙান-তোঙানবা কেলেন্দর লৈরিবা অসিদা মিৎয়েং চঙলদুনা, প্রধান মন্ত্রীনা মলায়ালম অমসুং তমিল কেলেন্দরগী খুদম পীরদুনা বিক্রম সম্বাত কেলেন্দর অসি চহি ২০৮০দগী চৎনদুনা লাক্লি হায়না ফোংদোকখি। গ্রেগোরিয়ন কেলেন্দরনা হৌজিক্কী মতম্বু ২০২৩ হায়না তাক্লি অদুবু বিক্রম সম্বাত্তী মসিদগী চহি ৫৭কী মমাংদগী হৌখি হায়না মহাক্না পাউদমখি। ঙসিগী য়াইফরবা নুমিৎ অসিদা আই.তি.য়ু.গী এরিয়া ওফিস অমসুং ইন্নোভেসন সেন্তর অমা শঙ্গাদুনা ভারতকী তেলিকোম সেক্তরদা অনৌবা তাঙ্কক অমা হৌবসিদা মহাক্না নুংঙাইবা ফাওই হায়না ফোংদোকখি। তেক্নোলোজী অসিগা মরী লৈনবা ৬জি. তেস্ত বেদ অমসুং ভিজন দোক্যুমেন্ত ঙসি পুথোকখিবা অসিনা দিজিতেল ইন্দিয়াদা অনৌবা পাঙ্গল অমা হাপ্পদা নত্তনা মালেমগী খা-থংবা লমদমশিংদা সোল্যুসন অমসুং ইন্নোভেসন কয়াসু পীরগনি হায়না মহাক্না ফোংদোকখি। মসিনা ভারতকী ইন্নোভেতর, ইন্দস্ত্রী অমসুং স্তার্তঅপশিংগী মফমদা অনৌবা খুদোংচাবা কয়া লৈহল্লগনি হায়না মহাক্না হায়খি। মসিনা খা এসিয়া লৈবাকশিংগী আই.তি. সেক্তরদা তেংবাংনবা অমসুং থবক তৌমিন্নবগী থৌওংশিংগী মপাঙ্গলসু হেন্না লৈহল্লগনি হায়না মহাক্না মরু ওইনা ফোংদোকখি।
ভারতনা জি.২০ প্রসিদেন্সী ওইনা মশাগী থৌদাং পাংথোক্লিবা অসিগা লোয়ননা রিজনেল দিভাইদ হন্থহনবা হায়বসি লৈবাক অসিনা অহানবা মিৎয়েং চঙলিবা হীরমশিংগী মনুংদা অমা ওইরি হায়না প্রধান মন্ত্রীনা ফোংদোকখি। প্রধান মন্ত্রীনা হন্দক্তা ইকুই কুইদনা পাংথোকখিবা গ্লোবেল সাউথ সম্মিতকী মতাংদা পল্লদুনা গ্লোবেল সাউথনা তেক্নোলোজিকেল দিভাইদ অথুবা মতমদা থুগায়নবা হোৎনরিবা অসিদা গ্লোবেল সাউথকী তঙাই ফদবশিংদা তেক্নোলোজী, দিজাইন অমসুং স্তেন্দর্দকী মরু ওইবশিংসু মহাক্না পুথোকখি। “আই.তি.য়ু. এরিয়া ওফিস অমসুং ইন্নোভেসন অসিদি মাইকৈ অসিদা থাংজিনবা য়াম্না মরু ওইবা খোঙথাং অমনি অমসুং গ্লোবেল সাউথতা য়ুনিভর্সেল কন্নকেতিবিতী লৈহন্নবগীদমক্তা ভারতনা হোৎনরিবা কয়া অসিদা মসিনা য়াম্না তেংবাংগনি”, মহাক্না হায়খি।
গ্লোবেল দিভাইদ লৈহন্দবা হায়বা হীরমসিদা ভারত্তগী থাজবা কয়া থম্লিবা অসিদি মহৌশানা তাবনি হায়না প্রধান মন্ত্রীনা হায়খি। ভারতকী তৌবা ঙম্বগী মতিক-মগুন, ইন্নোভেসন পাংথোকপগী চৎনবী, ইনফ্রাস্ত্রকচর, স্কিল লৈবা অমসুং ইন্নোভেতিব ওইবা মেনপাৱর অমসুং পুম্নমক অসিদা মিৎয়েং চঙবা পোলিসী লৈবগী ফিভমশিং অসিনা হায়রিবা থাজবশিং অসিগী য়ুম্ফম্নি হায়না মহাক্না হায়খি। “ভারতকী মরু ওইবা মপাঙ্গল অনি লৈ – থাজবা অমসুং পাক চাউনা থবক তৌবগী মতৌ। ঐখোয়না থাজবা অমসুং পাক চাউনা থবক তৌবগী মতৌ লৈতনা কাচিন কোয়া খুদিংদা তেক্নোলোজী য়ৌহনবা ঙম্লোই। ভারতনা মাইকৈ অসিদা হোৎনরিবশিংগী মতাংদা মালেম পুম্বনা ৱারী শানরিবনি”, মহাক্না হায়খি।
ভারতনা মাইকৈ অসিদা পায়খৎলিবা খোঙথাংশিং অসি মালেম পুম্বনা ৱারী শাবগী হীরম অমা ওইরিবনি হায়না প্রধান মন্ত্রীনা হায়খি। প্রধান মন্ত্রীনা ঐখোয়গী মায় পাকপশিংদা মিৎয়েং চঙলদুনা মোবাইল কন্নেক্সন করোর চাম্মা হেন্না লৈদুনা ভারতনা মালেমগী খ্বাইদগী কন্নেক্তেদ ওইবা গনতন্ত্রা অমা হৌজিক ওইরে অমসুং মসিগুম্বা অহোংবা অসিদি অহোঙবা স্মার্তফোন অমসুং দেতা ফংবননি হায়না মহাক্না ফোংদোকখি। “য়ু.পি.আই.গী খুত্থাংদা দিজিতেল পেমেন্ত করোর ৮০০ হেন্না থা খুদিংগী পাংথোক্লি”, মহাক্না হায়খি। ভারত্তা নুমিৎ খুদিংগী ই-ওথেন্তিকেসন করোর ৭ হেন্না পাংথোকই হায়না মহাক্না মখা তানা পাউদমখি। কো-ৱিন প্লেতফোর্মগী খুত্থাংদা ভেক্সিন দোজ করোর ২২০ হেন্না ভারত্তা কাপ্পা ঙমখি হায়না মহাক্না হায়খি। প্রধান মন্ত্রীনা হায়খিবদা, মমাংগী চহি খরসিদা, ভারতনা দাইরেক্ত বেনেফিত ত্রান্সফরগী খুত্থাংদা মশাগী মীয়ামগী বেঙ্ক একাউন্তশিংদা লুপা করোর লাখ ২৮ হেন্না হাপখি। য়ু.এস.কী অপুনবা মীশিংদগী হেনবা বেঙ্ক একাউন্ত মশিংবু ভারতনা জন ধন য়োজনাগী মখাদা মায় পাক্না হাংদোকপা ঙমখি অমসুং একাউন্তশিং অসি য়ুনিক দিজিতেল আইদেন্তিতী নত্ত্রগা আধারগী খুত্থাংদা অচুম অরান খঙদোকখি অমসুং মীওই করোর চাম্মবু মোবাইল ফোনগী খুত্থাংদা শম্নহনবদা আধারনা তেংবাংখি হায়না মহাক্না পাউদমখি।
প্রধান মন্ত্রীনা হায়খি, “ভারতকী তেলিকোম তেক্নোলোজী অসিদি শক্তী লৈবগী মতৌ খক্তা নত্তনা, অতোপ্পবু মপাঙ্গল হাপ্পগী পাম্বৈ অমসু ওইরি”। দিজিতেল সর্ভিস অসি ভারতকী ওইনদি য়ুনিভর্সেল ওই অমসুং মীপুম খুদিংনা মসিগী কান্নবা ফংই হায়না মহাক্না হায়খি। মমাংগী চহি খরসিদা, ভারত্তা দিজিতেল ইনক্লুজন পাক শন্না পাংথোকখিদা মিৎয়েং চঙলদুনা, প্রধান মন্ত্রীনা ইং ২০১৪গী মমাংদা মীওই মিলিয়ন ৬০না ব্রোদবেন্দ কন্নেক্তিবতী ফংলম্মি, অদুবু ঙসিদি মসিগী মশিং অসিনা মিলিয়ন ৮০০ হেন্না লৈরে হায়খি। ইন্তর্নেত কন্নেক্সনগী মশিংসু ইং ২০১৪দা লৈরম্বা করোর ২৫দগী হৌজিক্তি করোর ৮৫ হেন্না লৈরে হায়না মহাক্না মখা তানা পাউদমখি।
প্রধান মন্ত্রীনা ভারতকী খুঙ্গংশিংদা ইন্তর্নেত শিজিন্নবগী চাং অঙকপা ফংনা হেনগৎখিবগী মতাংদা পল্লদুনা, খুঙ্গংদা লৈবা ইন্তর্নেত শিজিন্নবা মীওই মশিংনা অর্বান মফমগী মশিংদগী হেনবা অসিনা লৈবাক্কী কাচিন কোয়া খুদিংদা দিজিতেল পাৱর য়ৌরে তাকপনি হায়না ফোংদোকখি। মমাংগী চহি ৯ অসিদা সরকার অমসুং প্রাইভেত সেক্তরনা ওপ্তিকেল ফাইবর কিলোমীতর লাখ ২৫ তিংখ্রে হায়না মহাক্না পাউদমখি। “ওপ্তিকেল ফাইবরনা গ্রাম পঞ্চায়ত লাখ ২ শম্নহল্লে অমসুং কম্মন সর্ভিস সেন্তর লাখ ৫না দিজিতেল সর্ভিস কয়া পীরি অমসুং মসিগুম্বা থৌওংশিং অসিনা দিজিতেল ইকোনোমীনা শেন্মিৎলোনগী অতোপ্পা মখলদগী শরুক অনি মখায় হেন্না পাকথোক-চাউথোকপগী ফিভম অমা লাকহল্লে”, শ্রী মোদীনা হায়খি।
প্রধান মন্ত্রীনা দিজিতেল ইন্দিয়ানা নন-দিজিতেল সেক্তরশিংদা তেংবাংলি হায়খি অমসুং মসিবু মহাক্না পি.এম. গতিশক্তী মাস্তরপ্লানগী খুদম পীদুনা তাকখি। মসিগা মান্নবা ৱাখল্লোন অসি “কোল বিফোর য়ু দিগ” এপতা মমি তাই হায়না মহাক্না হায়খি। মসিনা মরম চাদনা লৈবাক তৌথোকপা অমসুং অমাঙ অতা থোকহনবগী থবকশিং হন্থহনগনি।
“ভারতনা দিজিতেল রিভোল্যুসনগী মথংগী খোঙথাংগী মাইকৈদা খোঙজেল য়াঙনা চঙশিল্লি”, শুপ্নগী নুমিৎ ১২০দা শহর ১২৫ হেনবদা ৫জি. সর্ভিস হৌদোকখিবা অমসুং ৫জি. সর্ভিস অসি লৈবাক্কী চাউরাকপা জিলা ৩৫০দা য়ৌখিবা অসিগা লোয়ননা মালেমদা খ্বাইদগী য়াঙনা ৫জি. সর্ভিস হৌদোকখিবা লৈবাক অমা ভারতনা ওইরে হায়রদুনা প্রধান মন্ত্রীনা ৱাফম অসি ফোংদোকখি। প্রধান মন্ত্রীনা ভারতনা হৌজিক লৈরিবা থাজবা অসিদা মিৎয়েং চঙলদুনা, ভারতনা ৫জি. সর্ভিস হৌদোকখ্রবা শুপ্নগী থা ৬কী মতুংদা ৬জি. সর্ভিসকী ৱারী খন্নরি হায়না ফোংদোকখি। “ঙসি পুথোকখ্রিবা ভিজন দোক্যুমেন্ত অসিনা মথংগী চহি খরদা ৬জি. শিজিন্নবা হৌবগী মরু ওইবা ফম্বাক অমা ওইগনি”, প্রধান মন্ত্রীনা হায়খি।
ভারত্তা তেলিকোম তেক্নোলোজী মায় পাক্না শেমগৎখিবা অসিনা মালেমগী লৈবাক কয়াগী পুক্নিং চিংশিল্লিবা অসিগী মতাংদা পল্লদুনা, প্রধান মন্ত্রীনা ভারত অসি ৪জি.গী মমাংদদি তেলিকোম তেক্নোলোজী শিজিন্নবখক ওইবা লৈবাক অমা ওইরম্মি, অদুবু ঙসিদি, লৈবাক অসিনা মালেমগী ওইনা তেলিকোম তেক্নোলোজী এক্সপোর্ত তৌবা খ্বাইদগী চাউবা লৈবাক অমা ওইবগী মাইকৈদা চঙশিল্লি। “ভারতনা ৫জি.গী শক্তীগা লোয়ননা মালেম পুম্বগী থবক তৌবগী চৎনবী হোংদোক্নবগীদমক্তা অতোপ্পা লৈবাক কয়াগা লোয়ননা হোৎনমিন্নরি”, মসিনা ৫জি.গা মরী লৈনবা খুদোংচাবা, ব্যুজিনেস মোদেল অমসুং থবক পীবা ঙম্বগী মতিক ফংবদা মশক থোক্না তেংবাংগনি হায়না পল্লদুনা ফোংদোকখি। “মসিগী অনৌবা লেব ১০০ অসিনা ভারতকী তোপ-তোপ্পা তঙাই ফদবগী মতুং ইন্না ৫জি. এপ্লিকেসন শাবদা তেংবাংগনি। ৫জি. স্মার্ত ক্লাসরুম, লৌউবা, ইন্তেল্লিজেন্ত ত্রান্সপোর্ত সীস্তেম নত্ত্রগা হেল্থকেয়র এপ্লিকেসন ওইরো, ভারতনা মাইকৈ খুদিংদা খোঙজেল য়াঙনা চঙশিল্লি”, প্রধান মন্ত্রীনা হায়খি। ভারতকী ৫জি. স্তেন্দর্দ অসি মালেমগী ৫জি. সীস্তেমগী শরুক অমা ওইরে হায়না পল্লদুনা, প্রধান মন্ত্রীনা ভারতনা তুংগী মতমগী তেক্নোলোজীগী স্তেন্দর্দ শেম্নবগীদমক্তা আই.তি.য়ু.গা নক্ননা থবক তৌমিন্নগনি হায়খি। নৌনা হাংদোক্লবা ভারতকী আই.তি.য়ু. এরিয়া ওফিস অসিনা ৬জি.গী চুনবা ইনভাইরনমেন্ত শেমগৎপদা তেংবাংগনি হায়না মহাক্না মখা তাখি। আই.তি.য়ু.গী ৱর্ল্স তেলিকম্ম্যুনিকেসন স্তেন্দর্দাইজেসন এসেমব্লী অসি মথংগী চহিগী ওক্তোবরদা নই দিল্লীদা পাংথোক্কনি অমসুং মালেম শিনবা থুংবগী মীহুৎশিংনা মসিগীদমক্তা ভারত্তা লাক্কনি হায়না লাউথোকপদা নুংঙাইবা ফাওই হায়না প্রধান মন্ত্রীনা ফোংদোকখি।
প্রধান মন্ত্রীনা মহাক্কী ৱারোল লোইশিনবা ওইনা, ভারতকী চাউখৎপগী খোঙজেলদা মিৎয়েং চঙখি অমসুং আই.তি.য়ু.গী মসিগুম্বা সেন্তর অসিনা মরু ওইবা থৌদাং য়াগনি হায়না ফোংদোকখি। “হন্দক্কী দিকেদ অসিদি ভারতকী তেক-এদনি। ভারতকী তেলিকোম অমসুং দিজিতেল মোদেল অসিদি অয়েৎপা লৈতবা, সেক্যুর ওইবা অমসুং নুং-পান ফাওনা উবা মোদেল অমনি অমসুং খা এসিয়াগী অফবা মরী লৈনবা লৈবাকশিংনা মসিগী কান্নবা লৌবা য়াগনি”, প্রধান মন্ত্রীনা হায়খি।
কম্ম্যুনিকেসনগী কেন্দ্র মন্ত্রী, শ্রী অশ্বিনি বৈশ্নব, এক্সতর্নেল এফিয়র্সকী কেন্দ্র মন্ত্রী, দাঃ সুব্রহ্মনিয়ম জয়শঙ্কর, কম্ম্যুনিকেসনগী কেন্দ্রগী রাজ্য মন্ত্রী, শ্রী দেবুসিনহ চৌহান অমসুং ইন্তর্নেস্নেল তেলিকম্ম্যুনিকেসন য়ুনিয়নগী সেক্রেতরী জেনেরেল, কুমারী দোরীন বোগদান্না অতোপ্পা মীথুংলেন কয়াগা লোয়ননা থৌরম অসিদা শরুক য়াখি।
বেকগ্রাউন্দ
আই.তি.য়ু অসি ইনফোর্মেসন অমসুং কম্মুনিকেসন তেক্নোলোজি (আই.সি.তি)গী য়ুনাইতেদ নেসন্সকী অখন্নবা এজেন্সিনি। জেনেভাদা হেদক্বাতর ওইবা এজেন্সি অসিগী ফিল্দ ওফিসশিং, রিজনেল ওফিসশিং অমসুং এরিয়া ওফিসশিংগী নেতৱার্ক অমা লৈরি। এরিয়া ওফিস অমা হাংদোক্নবা ভারতনা আই.তি.য়ুগা মার্চ ২০২২দা হোস্ত কন্ত্রী এগ্রিমেন্ত অমা খুৎয়েক পীনখ্রে। ভারত্তা লৈগদৌরিবা এরিয়া ওফিস অসিদা ইন্নোবেসন সেন্তর অমা লৈগনি অমসুং মসি আই.তি.য়ুগী অতোপ্পা এরিয়া ওফিসশিংগী মরক্তা মশক থোকপা সেন্তর অমা ওইহনগনি। ভারতনা শেনফম পুম্নমক পুথোকপা এরিয়া ওফিস অসি নই দিল্লিগী সেন্তর ফোর দিবলপমেন্ত ওফ তেলিমেতিক্স (সি-দোত) বিল্দিংগী অনিশুবা মথোলদা লৈরি। সেন্তর অসিনা ভারত,নেপাল, ভুতান, বাংলাদেস, শ্রী লঙ্কা, মালদিব, অফগানিস্তান অমসুং ইরান্দা তেংবাংগনি অমসুং লৈবাকশিংগী মরক্তা তেংবাংনবগী মতৌ হেনগৎহনগনি অমসুং লমদম অসিগী মরক্তা অমনা অমদা কান্নবা পীগদবা শেন্মিৎলোনগী মতাংদা তেংবাংনবগী থৌওং কয়াসু লৈহনগনি।
ভারত সিক্স-জি ভিজন দোকুমেন্ত অসি নবেম্বর ২০২১দা লিংখৎখিবা তেক্নোলোজি ইন্নোবেসন গ্রুপ ওন সিক্স-জি (তি.আই.জি-৬জি)না শেম-শাবনি অমসুং মসিদা তোঙান-তোঙানবা মিনিস্ত্রিশিং/দিপার্তমেন্তশিং, রিছর্স অমসুং দিবলপমেন্ত ইন্সতিতুৎশিং, মহৈলোয়শঙশিং, স্তেন্দার্দাইজেসন বোদিশিং, তেলিকোম সর্বিস প্রোভাইদরশিং অমসুং ইন্দস্ত্রিনা মেম্বরশিং ওইরি অমসুং ভারত্তা সিক্স-জিগী থৌরাং তৌবা অমসুং থবক পায়খৎপগী থৌদাং লৌগনি। সিক্স-জি তেস্ত বেদনা মহৈলোয়শঙশিং, ইন্দস্ত্রি, স্তার্দ-অপশিং, এম.এস.এম.ইশিং অনৌবা আই.সি.তি তেক্নোলোজিশিং চাংয়েং তৌনবা মফম অমা পীগনি। ভারত সিক্স-জি ভিজন দোকুমেন্ত অমসুং সিক্স-জি তেস্ত বেদনা লৈবাক অসিদা ইন্নোবেসন, কেপাসিতি বিল্দিং অমসুং য়াংনা তেক্নোলোজি শীজিন্নবগী ফিভম অমা শেমগৎকনি।
পি.এম গাতি শক্তিগী মখাদা পায়খৎলিবা ইনফ্রাস্ত্রকচর প্রোজেকশিংগী অপুনবা থৌরাং অমসুং পুন্না থবক পায়খৎনবগী প্রধান মন্ত্রীগী পান্দম মশক থোকহন্নবা, পাউ ফাউন্দনা লৈবাক তৌখাইবদগী লৈবাক অসিদা চহি খুদিংগী লুপা করোর ৩০০০ রোমগী লৈনুংদা ফুম্বা ওপ্তিকেল ফাইবর কেবলশিং মাঙহল্লিবা অসি মাঙজৌন্না ঙাকথোক্নবা কোল বিফোর য়ু দিগ (সি.বি.য়ু.দি) এপ্প অসি খুৎলায় অমা ওইনা পুথোকপনি। মোবাইল এপ্প সি.বি.য়ু.দিনা এস.এম.এস/ই-মেল অমসুং ক্লিক তু কোলগী খুৎথাংদা এক্সগাভেতরশিং অমসুং কেবল মপুশিংগা পাউ ফাওনগনি, মসিনা লৈবাক অসিদা থৌরাং তৌরাগা লৈবাক তৌথোক্কনি অমসুং লৈনুংদা লৈরিবা কেবলশিং কনবা ঙমহনগনি।
লৈবাক অসিগী লৈঙাক্তা ‘পুম্নমক কোনশিনবা সরকারগী থৌরাং’ শীজিন্নবা অসি সি.বি.য়ু.দিনা থবক ওইনা উৎথোক্লে অমসুং মসিনা ললোন-ইতিক্কী থবকশিং লাইহন্দুনা মরী লৈনবা খুদিংমক কান্নবা ফংহনগনি। মসিনা তঙাইফদবা থবকশিং হায়বদি লম্বী, তেলিকোম, ঈশিং, গ্যাস অমসুং মৈদা অপনবা পীবা হন্থহন্দুনা মীয়ামগী খুদোংচাদবা হন্থহনগনি অমসুং ললোন-ইতিক্কী অমাঙ-অতাদগী কনবা ঙমগনি।
आज जब भारत, G-20 की Presidency कर रहा है, तो उसकी प्राथमिकताओं में Regional Divide को कम करना भी है। pic.twitter.com/aaRAC21wCX
— PMO India (@PMOIndia) March 22, 2023
जब हम technological divide को bridge करने की बात करते हैं तो भारत से अपेक्षा करना बहुत स्वाभाविक है। pic.twitter.com/vidI6KwKdH
— PMO India (@PMOIndia) March 22, 2023
In India, telecom technology is about empowering our citizens. pic.twitter.com/9ol2x2vETS
— PMO India (@PMOIndia) March 22, 2023
In recent years, India has seen a rapid surge in number of internet users in rural areas. It shows the power of Digital India. pic.twitter.com/Dm5KVGZJIX
— PMO India (@PMOIndia) March 22, 2023
डिजिटल इंडिया से नॉन डिजिटल सेक्टर्स को भी बल मिल रहा है।
— PMO India (@PMOIndia) March 22, 2023
इसका उदाहरण है हमारा पीएम गतिशक्ति नेशनल मास्टर प्लान। pic.twitter.com/BEbilEVlYq
आज का भारत, digital revolution के अगले कदम की तरफ तेजी से आगे बढ़ रहा है। pic.twitter.com/yZ7ow91pak
— PMO India (@PMOIndia) March 22, 2023
Made in India telecom technology is attracting attention of the entire world. pic.twitter.com/FvM1LEc4Z7
— PMO India (@PMOIndia) March 22, 2023
This decade is India's tech-ade. pic.twitter.com/hnkfUPoWLF
— PMO India (@PMOIndia) March 22, 2023
