প্রধান মন্ত্রী শ্রী নরেন্দ্র মোদীনা ঙসি ভিদিও কনফরেন্সকী থোংদা ঙসি গুজারতকী অদালজতা শ্রী অন্নপুর্নধাম ত্রস্তকী হোস্তেল অমসুং এজুকেসন কমপ্লেক্স শঙ্গাখ্রে। প্রধান মন্ত্রীনা থৌরম অদুদা জনসহায়ক ত্রস্তকী হিরামনি আরোগ্যধামগী ভুমিপুজনসু পাঙথোকখি। থৌরম অদুদা শরুক য়াখিবশিংগী মরক্তা গুজরাতকী মুখ্য মন্ত্রী শ্রী ভুপেন্দ্রভাই পতেলসু শরুক য়াখি।
থৌরম অদুদা ৱা ঙাংলদুনা, প্রধান মন্ত্রীনা মতম শাংনা শ্রী অন্নপুর্নধামগী দিভাইন অমসুং স্পিরিচুএল অমসুং সোসিএল এন্তরপ্রাইসশিংগা লোয়ননা মরী লৈনরকপা অসিদা নুংঙাইবা ফোঙদোকখি। মহাক্না হকশেল, এজুকেসন অমসুং ন্যুত্রিসনগী লমদা শরুক তম্বা হায়বা অসি গুজরাতকী মচৎ ওইদুনা লাকখি হায়খি। ফুরুপ পুম্নমক্না মখোয়গী অঙম্বা চাংগী মতুং ইন্না মখোয়গী থৌদাং লৌরি অমসুং পাতিদার ফুরুপনা মতম চুপ্পদা খুন্নাইগীদমক মখোয়গী থৌদাং থুংহনবদা হনবা লৈখিদে।
প্রধান মন্ত্রীনা নুমিৎ খুদিংগী পুন্সিদা থোক্লিবা তশেংবশিং অসিগী অচেৎপা মরী লৈনরিবা চাউখৎপা নুংঙাইবগী লাইরেম্বী ইমা অন্নপুর্ন অসি মীপুম খুদিংমক্না অমসুং পাতিদার ফুরুপনা অখন্ননা চেৎনা ইকাই খুম্নৈ হায়খি। প্রধান মন্ত্রীনা ইমা অন্নপুর্নগী মীতম অসি হন্দক্তা কাশিদা কেনদাদগী পুরকখি হায়খি। “অসিগুম্বা ঐখোয়গী নাৎকী মশক তাক্লিবা খুদম কয়া হৌখিবা চহি খরা অসিদা মীরমদগী পুরকখি”, হায়না মহাক্না ফোঙদোকখি।
প্রধান মন্ত্রীনা ঐখোয়গী নাৎ, চাকচা-য়ুথক, হকশেল অমসুং এজুকেসন অসিদা মতম চুপ্পদা মরু ওইবা মীৎয়েং থমদুনা লাকখি অমসুং ঙসিসু থম্লি, শ্রী অন্নপুর্নধম অসিনা ইলিমেন্তশিং অসি চাউথোকহল্লি। নৌনা শেমগৎলিবা ফেসিলিতীশিং অসিনা গুজরাতকী মীচম প্রজাদা চাউনা কান্নবা পীরগনি, মরু ওইনা মতম অমতদা মীওই ১৪ দাইলাইসিস তৌবা য়াবা ফেসিলতী, পুং ২৪ ব্লদ সপ্লাই তৌরিবা ব্লদ বেঙ্ক অসিনা চাউনা কান্নবা ফংহল্লগনি। প্রধান মন্ত্রী কেন্দ্র সরকারনা দিস্ত্রিক্ত হোস্পিতালশিংদা লেম্না দাইলাইসিস তৌনবগী খুদোংচাবা ফংহনবা হৌরে হায়না ফোঙদোকখি।
গুজরাতি লোন্দুনা প্রধান মন্ত্রীনা ত্রস্ত অসিবু অমদি মখোয়না অফবা থবক তৌনবা লমজিংলিবা অসিবু থাগৎখি। মহাক্না দিগনিতরীশিংগী ফজরবা মতৌ অসিনা কান্নরবা থবক্কা লোয়ননা অন্দোলন অসি পুনশিনহনখি হায়খি। ‘পুকচেল তপ্পা অদুবু ফিরেপ চেৎপা’ মুখ্য মন্ত্রীগী লুচিংবগী মতৌ অদু থাগৎলদুনা নেচরেল ফার্মিংদা মীৎয়েং থমদুনা প্রধান মন্ত্রীনা মীতিন অদুদা অঙম্বা থাক্তা নেচরেল ফার্মিং তৌনবা হায়খি। প্রধান মন্ত্রীনা চাউখৎ-থৌরাংগী অনৌবা স্তেন্দর্দশিং পুরকপা মতমদা মফম অমা হেক্তদা চাউখৎপগী মমল য়াম্লবা চৎনবী হায়না ফোঙদোকখি। মসিগী চাউখৎপগী চৎনবী অসি মুখ্য মন্ত্রীনা মাংদা পুখৎলি হায়না মহাক্না হায়খি।
স্তেচু ওফ য়ুনিতীদা ভারতনা মালেমগী মফম খুদিংমক্তা মহাক্কী মমিংবু শোন্নহল্লিবা সরদার পতেলদা ইকাই খুম্নবা উৎখি হায়না প্রধান মন্ত্রীনা ফোঙদোকখি।
প্রধান মন্ত্রীনা ইমা অন্নপুর্নগী লমদম ওইরিবা গুজরাত অসিদা মালন্যুত্রিসন লৈহল্লোইদবনি হায়খি। মহাক্না অয়াম্বা মতমদা মালন্যুত্রিসন অসি মীৎয়েং চংদবনা মরম ওইরগা থোকই হায়খি। মহাক্না বেলেন্স দাইৎ চাবগী মতাংদা এৱের্নেস পীবা মথৌ তাই হায়খি। চীঞ্জাক হায়বা অসি হকশেলগী মাইকৈদা থাংজিনবা অহানবা খোঙথাংনি হায়রদুনা প্রধান মন্ত্রীনা মালন্যুত্রিসন অসি অয়াম্বা মতমদা চান্নবা চীঞ্জাক ৱাৎপগী মহুৎ চীঞ্জাক্কী মরমদা লৌশিং ৱাৎপনা থোকহল্লি হায়খি। প্রধান মন্ত্রীনা লাইচৎ মনুংদা সরকারনা মীওই করোর ৮০ হেনবদা চেং-হৱায় লেম্না ফংহনখি হায়খি। হৌখিবা নুমিৎকী নুমিদাংদা মহাক্না য়ু.এস.কী রাস্ত্রপতিগা ৱারী শাবদা শ্রী মোদীনা য়ু,এস.কী রাস্ত্রপিদা করিগুম্বা দবল্যু.তি.ও.গী কাংলোনশিং অসি কোমথোক্তুনা অয়াবা পীবিবা তারবদি ভারতনা অতোপ্পা লৈবাকশিংদা চেং-হৱায় পীবা ঙমগনি হায়খি হায়না পাউদমখি। প্রধান মন্ত্রীনা ইমা অন্নপুর্নগী থৌজালদগী ভারতকী লৌমীশিংনা মালেমবু য়েংশিনবা ঙমজরে হায়খি।
প্রধান মন্ত্রীনা গুজরাত্তা চত্থরিবা ভেক্সিনেসন কেম্পন অসিবু থাগৎখি। মহাক্না ইন্দস্ত্রিএল দিবেলপমেন্তগী অনৌবা মওং-মতৌ অসিগী মথৌ তাবশিংগী মতুং ইন্না স্কিল দিবেলপমেন্ত চাউখৎহনবা তঙাই ফদে হায়না নৌহৌনা ফোঙদোকখি। ফার্মাসী কোলেজ লিংখৎনবা অহানবগী শাহৌ অসিনা রাজ্য অসিবু ফার্মা ইন্দস্ত্রীগী লমদা অচৌবা থৌদাং লৌহল্লি হায়না ফোঙদোক্লদুনা মহাক্না ফুরুপ অমসুং সরকারনা স্কিল দিবেলপ তৌনবা লৌখৎপা খোঙথাংশিংনা চাউনা কান্নবা ফংহনখি হায়খি। গুজরাতনা ইন্দস্ত্রী ৪.০গী স্তেন্দর্দশিং থুংহন্নবা হোৎনবদা লৈবাক অসিবু লমজিংগদবনি মরমদি রাজ্য অসিদা মসি তৌবা ঙম্বগী মতিক-ময়াই অদু চেল্লি হায়না মহাক্না ফোঙদোকখি।
দাইলাইসিস তৌবা অনাবশিংগী শেল-থুমগী ফীভমদা চাউনা চৈথেং পীবা অসিগী মতাংদা পি.এম.না লৈবাক অসিগী জিলা পুম্নমক্তা লেম্না দাইলাইসিস তৌনবা ফেসিলিতী থম্নবা হায়খি। মসিগা মান্নবা মওংদা জন ওশাধি কেন্দ্রনা অহোংবা মমলদা হীদাকশিং ফংহন্দুনা অনাবা মীওইশিংগী অচংবা শেল হন্থহল্লি। স্বচ্ছতা, পোশন, জন ওশাধি, দাইলাইসিস কেম্পেন, স্তেন্ত অমসুং কী ইমপ্লান্তগী মমলশিং হন্থনবা অসিগুম্বা খোঙথাংশিং অসিনা মীচম প্রজানা পুরিবা পোৎলুম হন্থহনখি। মসিগা মান্নবা মওংদা আয়ুশ্মান ভারত স্কিমনা লায়রবা অমসুং মিদল ক্লাসকী অনাবশিং মরু ওইনা নুপীশিংদা মতেং পাংখি, হায়না প্রধান মন্ত্রীনা মখা তাখি।
হোস্তেল অমসুং এজুকেসন কম্প্লেক্স অসিদা মহৈরোয় ৬০০গী লৈফম অমসুং বোর্দিগী খুদোংচাবা পীরিবা কা ১৫০ লৈ। অতোপ্পা খুদোংচাবশিংদা জি.পি.এস.সি., য়ু.পি.এস.সি.গী পরিক্ষাশিংগী ত্রেনিং সেন্তর, ই-লাইব্রেরী, কনফরেন্স রুম, স্পোর্তস রুমগী প্রোবিজন, তি.ভি. রুম অমসুং মহৈরোয়শিংগী প্রাইমরী হেল্থ ফেসিলিতীশিং য়াওরি।
জনসহায়ক ত্রস্তনা হিরামনি আরোগ্য ধান শেমগৎকনি। মসিদা অমুক্তংদা মীওই ১৪ দাইলাইসিস তৌনবা ফেসলিতী অমা, পুং ২৪ ব্লদ সপ্লাই তৌবা ব্লদ বেঙ্ক অমা, পুং ২৪ মথৌ তৌবা মেদিকেল স্তোর, মোদর্ন পেথোলোজী লেবোরেতোরূ অমসুং হেল্থ চেক-অপশিংগী এদভান্স ফেসিলিতীশিং য়াওবা খ্বাইদগী নৌবা মেদিকেল ফেসিলিতীশিং ফংহনগনি।মসিদা আয়ুর্বেদ, হোমিওপেথী, এক্যুপঙ্কচর, য়োগ থেরাপী অসিনচিংবগী এদভান্স ফেসলিতীশিংগা লোয়ননা দে-কিয়র সেন্তর অমা লৈগনি। মসিদা ফর্স্ত এদ ত্রেনিং, তেক্নিসিয়ন ত্রেনিং অমসুং দোক্তর ত্রেনিংগীদমক ফেসিলিতীসু লৈহনগনি।
